ಜಾಲ್ ಗ್ ಕೆಯ್ ಕನನಗ ಪೊಲಿ ಲೆಪ್ಪುನಿ
ಪೊಲಿ ಪೊಲಿ ಪೊಲಿ ಪೊಲಿ ಪೊಲಿಯೆ, ಆ ಜಾಲ ಪೊಲಿ, ಈ ಜಾಲ ಪೊಲಿ, ಎಲ್ಪತ್ತೇಳ್ ಜಾಲ ಪೊಲಿ, ನಿಚ್ಚ ಜೇರೊಟ್ಟುದ ಪೊಲಿಯೆ, ಪಂಚ ಪಾಣೆರೆತ್ತ್ ನ ಪೊಲಿಯೆ, ಅಂದ ಚಂದದ ಪೊಲಿಯೆ, ಗಂಧ ಪರಿಮಳದ ಪೊಲಿಯೆ, ಅಪ್ಪೆ ಪಿರವುಡ್ದು ಬಾಲೆ ಬತ್ತ್ ಲೆಕಾವೊಡು, ಪಿಜಿನ ಬೆತ್ತಡಿಡ್ ಪಿಜಿನ್ ಬತ್ತ್ ಲೆಕಾವೊಡು, ಸೂಜಿದ ಬೆತ್ತಡಿಡ್ ನೂಲು ಬತ್ತ್ ಲೆಕಾವೊಡು, ಕುದ್ಕೆ ಕುಂಜಡ್ ಕೂಲಿ ನೆಲ್ಕಾಯಿಲೆಕಾವೊಡು, ಬಲ್ಲೆಡ್ದ್ ಬಲಿಪೆ ಬಾಯಿ ಬುಡ್ಲೆಕಾವೊಡು, ಮರಿ ಕುರ್ಲೆ ಮಗ್ ರ್ಲೆಕಾವೊಡು, ಪಿಲಿಕುರ್ಲೆ ಪಿಜಿರ್ಲೆಕಾವೊಡು, ಅಟ್ಟೊಡು ಸೇಡಿ ಮುಟ್ರೆ ತೂವೊಡು, ಪಣವು ಕಟ್ಟೊಡು ಸರಕಾರಿಯೆ ತೂವೊಡು, ಬೈಯೆ ಮುಟ್ಟೊಡು ಬೈಲ್ ಬಾಜಿರೆ ತೂವೊಡು, ಪೊಲಿ ಪೊಲಿ ಪೊಲಿ ಪೊಲಿ ಪೊಲಿಯೆ…… ಆ ಜಾಲ ಪೊಲಿ, ಈ ಜಾಲ ಪೊಲಿ, ಎಲ್ಪತ್ತೇಳ್ ಜಾಲ ಪೊಲಿ ಎಂಕ್ಲೆ ಜಾಲ್ ಗೇ ಬಲ .. ಕೂ.. ಕೂ.. [ಇಂಚ ಪನ್ಪುನೆಕ್ ದುಂಬು ಆನೆ ಪಡಿಕ್ ಕೈ ನೋಪೆರೆ ಬಲ್ಲಿ]
ಕೃಪೆ- ದಯಾ ಪೂಜಾರಿ, ಹಿರಿಯಡ್ಕ ಪೊಲಬು- ಕೆ. ಮಹೇಂದ್ರನಾಥ್ ಸಾಲೆತ್ತೂರು ಎಂ. ಎ
ಬಾಜಿರೆ=ಬಲಿ; ಬಲಿಪೆ=ಪ್ರಾಯದ ಪಿಲಿ; ಬೆತ್ತಡಿ=ಪಿರವು; ಜೇರೊಟ್ಟು=ಜೇರದಲೆಕ ರಾಸಿ ಪಾಡ್ನ; ಪಿಲಿಕುರ್ಲೆ=ತೋರದ ಕುರ್ಲೆ
#######################################
No comments:
Post a Comment