ಉಲ್ಲಾಲ್ದಿ ಅಪ್ಪೆ ಕಾಂಪ್ರಬೈಲ್ ಕಲ್ಲಡ್ಕ

                                   http://youtu.be/EDFqHgrLIiU-kamprabail ullaldi appena video
kamprabail ullaldi appena video-http://youtu.be/AjsK_LidMxM

ರಾಜದಂಡ,ನ್ಯಾಯ ದಂಡ,ಧರ್ಮ‌ ದಂಡ

                ರಾಜ ದಂಡ,ನ್ಯಾಯ ದಂಡ,ಧರ್ಮ‌ ದಂಡ,

  

                                     ರಾಜ ದಂಡ

  ನ್ಯಾಯ,ಆಡಳ್ತೆ,ಅಧಿಕಾರೊನು ತೆರಿಪಾವುನವು ರಾಜದಂಡ.ಚೋಳ ಅರಸುಲೆ ಕಾಲೊಡು ಒರಿ ಅರಸು ಕುಡೊರಿ ಅರಸುಗು ರಾಜ್ಯದ ಅಧಿಕಾರೊನು ಬುಡು ಕೊರ್ನಗ ಈ ರಾಜದಂಡದೊಟ್ಟುಗು ಬುಡು ಕೊರೊಂತೆರ್.ಬೆನ್ನಿ ಸಾಗೊಳಿದ ಸಂಸ್ಕೃತಿದ ನಮ್ಮ ದೇಸೊಡು ಬೋರ್ಲೆಗ್ ಅವೆತನೇ ಆಯಿನ ಮಾನಾದಿಗೆ ಉಂಡು.ನಂದಿ ಬುಳೆಚಿಲ್ ದ ಒರುಲಾ ಅಂದ್.12ನೇ ಶತಮಾನೊಡು ತಮಿಳ್ನಾಡ್ ನ್ ಅರಸೊಳಿಗೆ ಮಲ್ತ್ ನ ಚೋಳ ಅರಸರೆ ಕೈಟ್ ನಂದಿ ಇತ್ತ್ ನ ರಾಜದಂಡ ಇತ್ತ್ ನ ದುಂಬೇ 7ನೇ ಶತಮಾನೊಡು ಕನ್ನಡ ನಾಡ್ ನ್ ಆಳಿನ  ಚಾಲುಕ್ಯೆರೆ ಅರಸುಲ್ನ ಕೈಟ್ ನಂದಿ ಇತ್ತ್ ನ ರಾಜದಂಡ ಇತ್ತ್ಂಡ್.

  

       ರಾಜ ದಂಡದ ಮಿತ್ತ್ ಉಪ್ಪುನ ನಂದಿ ನ್ಯಾಯದ ಸಂಕೇತ.

      ಅರಸುಲೆನ್ ಪ್ರತ್ಯಕ್ಷ ದೇವೆರ್ಂದ್ ಪ್ರಜೆಕುಲು ಎನ್ನಿದಿತ್ತೆರ್.ಅರಸುಲೆಗ್ ಇಸರ ದೇವೆರೆ ಒರುವಾದ್ ಮಾನಾದಿಗೆ ಕೊರೊಂತೆರ್.ಇಸರ ದೇವೆರ್ ಜ್ಙಾನದ ಸಂಕೇತ.ಇಡೀ ಜಗತ್ತ್ ದ ಜ್ಙಾನದ ಗುರು ಇಸರ ದೇವೆರ್.ನಂದಿ ಶಿವನ ವಾಹನ ಅದಿತ್ತ್ ದ್ ಜ್ಙಾನೊನು ದುಂಬೊತ್ತೊಂದು ಪೋಪುನಾಯೆ.ಅಂಚ ರಾಜನ ಕೈಟ್ ಉಪ್ಪುನ ರಾಜ ದಂಡದ ಕಡೆಟ್ ನಂದಿ ಉಪ್ಪುನಿ.ರಾಜದಂಡದ ಕಡೆಟ್ ನಂದಿ ಇತ್ತ್ ನೆರ್ದಾದ್ ನಂದಿಕೋಲುಂದುಲ ಪನ್ಪೆರ್.ಅರ್ಥ ಈತೆ,ಎಡ್ಡೆ ಅರಸೊಳಿಗೆ ಮಲ್ಪೊಡಂಡ ಅರಸುಗು ಎಡ್ಡೆ ಜ್ಙಾನ ಬೋಡುಂದು.

ಚಿತ್ರೊಡುಪ್ಪುನಾರ್ ಹೆಬ್ರಿ ಕೈತಲ್ದ ತಿಂಗಳೆ ವಿಕ್ರಮಾರ್ಜುನ ಹೆಗ್ಗಡೆರ್.ಅರೆನ ಎಡ ಕೈಟ್ ಉಪ್ಪುನವು ರಾಜ ದಂಡ

     

      ತುಳು ನಾಡ್ ಡ್   ಅರಸೊಳಿಗೆದ ಕಾಲೊಡು ಅರಂತಡೆದ ದೇವೆರೆ ಕೋಣೆದುಲಯಿ,ರಾಜಂದೈವದ ಕೋಣೆದುಲಯಿ ದೀವೊಂತ್ ನ ಮಾನಾದಿಗೆದ ನ್ಯಾಯ ದಂಡೊನು ರಾಜ ದಂಡ ಪನೊಂತೆರ್.ಚೋಳ ಅರಸೆರೆ ಕಾಲೊಡು ಒರಿ ಅರಸೆ ಕುಡೊರಿ ಅರಸಗ್ ರಾಜ್ಯದ ಅಧಿಕಾರ ಬುಡು ಕೊರ್ನಗ, ರಾಜೆರೆಗ್ ರಾಜ್ಯಾಭಿಷೆಕ/ಪಟ್ಟಾಭಿಷೇಕ ಆನಗ ವೈದಿಕೆರ್ ರಾಜ ದಂಡೊಗು ಕಲಸ ನೀರ್ ಮೈತ್ ದ್ ಅರಸುಲ್ನ ಕೈಟ್ ರಾಜದಂಡ ಕೊರೊಂತೆರ್.ಮೂಜಿ ಮೂಜರೆ ಅಡಿ ಎತ್ತರ ಉಪ್ಪುನ ಈ ರಾಜದಂಡದ ತರೆಟ್ ನಂದಿದ ಕೆತ್ತನೆ ಉಪ್ಪುಂಡು.ಉಂದೆನ್ ನ್ಯಾಯ ದಂಡಂದ್ ಲ ಪನ್ಪೆರ್.ದೈವ ದೇವೆರೆ ಸಾಕ್ಷಿಯಾದ್ ಅರಸುಲು ನ್ಯಾಯ ತೀರ್ಮಾನ ಮಲ್ಪುನಗ ರಾಜದಂಡೊನು ಪತೊಂದಿಪ್ಪುವೆರ್.ದೈವ ನ್ಯಾಯ ತೀರ್ಮಾನ ಮಲ್ಪುನಗ , ನುಡಿ ಕೊರ್ನಗ ಜೀಟಿಗೆದ ಅಗ್ಗಿ ಅವೆಕ್ ಸಾಕ್ಷಿಯಾಯಿಲೆಕ ಒರಿ ಅರಸು ಕುಡೊಂಜಿ ಅರಸುಗು ಅಧಿಕಾರ ಬುಡು ಕೊರ್ನಗ , ನ್ಯಾಯ ತೀರ್ಮಾನ ಮಲ್ಪುನಗ ರಾಜದಂಡ ಅವೆಕ್  ಸಾಕ್ಷಿಯಾದಿಪ್ಪುಂಡು. ಒರಿ ಅರಸು ಬೊಕ್ಕೊಂಜಿ ಅರಸುಗು ಅಧಿಕಾರೊನು ಬುಡು ಕೊರ್ನಗ ರಾಜ ದಂಡದೊಟ್ಟುಗು ಅಧಿಕಾರ ಬುಡು ಕೊರೊಂತೆರ್.ಜನ  ಸಾಮಾನ್ಯೆರ್,ಪೊಂಜನಕುಲು‌ ರಾಜ ದಂಡೊನು ಮುಟ್ಟುಲೆಕಿಜ್ಜಾಂಡ್. ಒರಿ ಅರಸು ಅಧಿಕಾರ ಬದಲ್ಪುನಗ, ನ್ಯಾಯ ತೀರ್ಮಾನ ಮಲ್ಪುನಗ,ವಿಶೇಷ ಧಾರ್ಮಿಕ ಉಚ್ಚಯದಪಗ ಅರಸುಲು ರಾಜ ದಂಡೊನು ಪತೊಂತೆರ್.ಕಾಲಾನು ಭಾಗೊಡು ಅರಸೊಳಿಗೆ ಉಂತಿ ಬೊಕ್ಕಲ ಅರಸುಲೆ ಒರುವಾದ್ ಕೆಲವು ತಿಕ್ ಡ್ ಇನಿಕ್ಲ ರಾಜದಂಡೊಗು ಅರಸುಲೆ ಮಾನಾದಿಗೆ ತಿಕ್ಕೊಂದುಂಡು.ರಾಜದಂಡೊನು ತಮಿಳ್ಡ್ ಸೆಂಗೋಲ್ ಪನ್ಪೆರ್.ತುಳು,ಕನ್ನಡೊಡು ರಾಜ/ನ್ಯಾಯ ದಂಡ ಪನ್ಪೆರ್.ಧರ್ಮದ ಸಂಕೇತ ಆಯಿನ ,ನ್ಯಾಯದ ಸಂಕೇತ ಆಯಿನ ನ್ಯಾಯ,ಧರ್ಮ ದಂಡೊನು ರಾಜ ದಂಡಂದ್ ಪನ್ಪೆರ್.ರಾಜ ದಂಡೊನು ತೂನಗ,ಅವೆನ್ ಗಲಸೊಂತ್ ನ ಅರಸುಲೆನ್ ತೂನಗ ಮೂಲ ದ್ರಾವಿಡ ಜನಾಂಗ ಮುಲ್ತ ಮೂಲ ಜನಾಂಗಂದ್ ಲ ಅರ್ಥ ಮಲ್ತೊನೊಲಿ.

ಚಿತ್ರ ಬೊಕ್ಕ ಪೊಲಬು-ವಿ.ಕೆ.ವಾಲ್ಪಾಡಿ.ಹಿರಿಯ ಪತ್ರಕರ್ತೆರ್

  

          ಇಸರ ದೇವರೆ ನಾಲ್ ಕೈತ ನಟರಾಜನ ಭಂಗಿಡ್  ಕೈಟ್ ರಾಜದಂಡ.

    ಚಾಲುಕ್ಯೆರೆ ಲೋಕ ಮಹಾದೇವಿ ಕಟ್ಟಯಿನ ಬಾದಾಮಿ ತಾಲೂಕು ಪಟ್ಟದಕಲ್ಲು ವಿರೂಪಾಕ್ಷ ದೇಲ್ಯದ ಬಲಗೋಡೆದ ಮಿತ್ತ್ ಕೆತ್ತ್ ನ ಕಲಾಕೃತಿಡ್ ಎಡ ಕೈಟ್ ರಾಜದಂಡದ ಕೆತ್ತನೆ ಉಂಡು.ದುಷ್ಟ ಸಗ್ತಿಲೆನ್ ಕಾರ್ ಡ್ ದೊಂಕುದು ನಾಶ ಮಲ್ಪುನ ಇಸರ ದೇವೆರೆ ಕಲಾಕೃತಿ ಉಂದಾದುಂಡು.ರಾಜಮುದ್ರೆದ ಒರುವಾಯಿನ ರಾಜ ದಂಡ ಏಳನೇ ಶತಮಾನದ ಕಾಲೊಡೇ ಇತ್ತ್ಂಡ್ ಪನ್ಪುನೆಕ್ ಉಂದು ಸಾಕ್ಷಿ.ಚಾಲುಕ್ಯೆರೆ ಅರಸು ರಡ್ಡನೆ ವಿಕ್ರಮಾದಿತ್ಯೆ ಕಂಚಿ ಪಲ್ಲವೆರ್ಡ ಜಯಿತ್ ನ ನೆಂಪುಗಾದ್ ಕಟ್ಟಾಯಿನ ವಿರೂಪಾಕ್ಷ ದೇಲ್ಯದ ಗೋಡೆಡ್ ಈ ಕೆತ್ತನೆ ಉಂಡು.

     

ಚಿತ್ರೊಡುಪ್ಪುನಾರ್ ಹೆಬ್ರಿ ಕೈತಲ್ದ ತಿಂಗಳೆ ವಿಕ್ರಮಾರ್ಜುನ ಹೆಗ್ಗಡೆರ್.ಅರೆನ ಎಡ ಕೈಟ್ ಉಪ್ಪುನವು ರಾಜ ದಂಡ.

ಕೆಲವೊಂಜಿ ಮಾಯಿತಿ ಬೊಕ್ಕ ಚಿತ್ರ-ಹಿರಿಯ ಪತ್ರಕರ್ತೆರಾಯಿನ ವಿ.ಕೆ.ವಾಲ್ಪಾಡಿ

ಗುಡ್ಡೆ ಚಾಮುಂಡಿ ಅರೆಬೆಟ್ಟು ಮಾಣಿ

ಬಾರ್ನೆ

ಬಾರ್ನೆ

  

   

ತುಳುನಾಡ ಬೆಮ್ಮೆರ್ ಬ್ರಹ್ಮಲಿಂಗೇಶ್ವರೆ ಆಯೆರ್.ಮಹಾಲಿಂಗೇಶ್ವರೆ ಆಯೆರ್

ತುಳುನಾಡ ಬೆಮ್ಮೆರ್ ಬ್ರಹ್ಮಲಿಂಗೇಶ್ವರೆ ಆಯೆರ್.ಮಹಾಲಿಂಗೇಶ್ವರೆ ಆಯೆರ್.

  

ತುಳುನಾಡ ಮಾರ್ನಿ ಕಟ್ಟೆ ಇನಿ ಮಾರಣಕಟ್ಟೆ ಆತ್ಂಡ್.ಬೆಮ್ಮೆರ್ ಬ್ರಹ್ಮಲಿಂಗೇಶ್ವರೆ,ಮಹಾಲಿಂಗೇಶ್ವರೆ,ಅನಂತೇಶ್ವರೆ,ಬೂತನಾಥೇಶ್ವರೆ ಆತೆರ್

 ಮಾರ್ನಿಕಟ್ಟೆಗ್ ಈಡ್ ದೀನ ಪಣವುನು ಮಕರ ಸಂಕ್ರಾಂತಿಗ್ ಒಪ್ಪಿತ್ ದ್ ಇಲ್ಲಗ್ ಪುರ್ಸಾದ ಕನತ್ ದ್ ನೀರ ಪರಿಪುದ ತೋಡ ಬರಿಕ್ ಪೋದ್ ಕೋರಿ ಕೊಯ್ದ್ ಇಲ್ಲಲ್ ಅಗೆಲ್ ಪಾಡ್ದ್ ಪುರ್ಸಾದ ಪಾಡುನ ಕೆರಮ ಉಂಡು

ಕೆಮ್ಮಲೆತ ಬೆಮ್ಮೆರ್

ತುಳುವೆರ್ ಬೆಮ್ಮೆರೆನ್ ಮೂರ್ತಿ ಬರ್ಪುನ ದುಂಬು ಕಲ್ಲ್ ಡ್ ಆರಾದನೆ ಮಲ್ತೊಂತೆರ್.ಕಾಲಾನುಬಾಗೊಡು ಬೆಮ್ಮೆರೆನ್ ಲಿಂಗದ ಒರುಟು ಆರಾದನೆ ಮಲ್ತ್ ದಿಪ್ಪೊಡು.ಲಿಂಗೊಡು ಈಸರ ದೇವೆರೆ ಆರಾದನೆ ಉಪ್ಪುನಿ.ಬೆಮ್ಮೆರ್+ಲಿಂಗ+ಈಸ್ವರ ದೇವೆರ್=ಬೆರ್ಮಲಿಂಗೇಸರ ಆದಿಪ್ಪೆರೆ ಯಾವು.ಆಂಡ ಇತ್ತೆ ಪನ್ಪುನ ಬ್ರಹ್ಮ ಬೊಕ್ಕ ಈಸ್ವರೆ ಸೇರ್ದ್ ಬ್ರಹ್ಮಲಿಂಗೇಶ್ವರರ ಪನ್ಪುನ  ದಾದಂದ್ ಅರ್ಥ ಆವೊಂದಿಜ್ಜಿ.

ವೈದಿಕ ಆರಾದನೆ ತುಳುನಾಡ್ ಗ್ ಬತ್ತಿ ಬೊಕ್ಕ ತುಳುನಾಡ ಬೆಮ್ಮೆರ್ ಪೂರ ತಿಕ್ ಡ್ ಬ್ರಹ್ಮ ಆದ್ ಪೋತೆರ್.

ಪಿಂಗಾರ ಪಾಳೆ ಕುರುವೆ ಸೇಮಂತಿಗೆದ ಸೇವೆ ಬೆಮ್ಮೆರೆಗ್

    ಮಾರಣ ಕಟ್ಟೆದ ಸುತ್ತ ಮುತಲಿಗೆದ ಜನೊಕುಲು ಇನಿಕ್ಲಾ ಮಾರಣ ಕಟ್ಟೆದ ಬೆಮ್ಮೆರೆನ್ "ತುಳುವರ ದೇವರು"ಂಂದು ಪನ್ಪೆರ್.ತುಳುವೆರ್ಲ ಮಾರಣ ಕಟ್ಟೆದ ಬೆಮ್ಮೆರೆನ ಪುದರ್ ಪನಂದೆ" ಬಡಕಾಯಿದ ದೇವೆರ್"ಪಂಡ್ ದೇ ಲೆಪ್ಪುನಿ.ಅಂಚಾದ್ ಮೂಲಿಪ್ಪುನ ಮರತ ಮೂರ್ತಿ ಅವೈದಿಕ ತೌಳವ ಆರಾದನೆದ ಬೆಮ್ಮೆರ್ ಪನ್ಪುನೆಕ್ ಸಂಶಯ ಇಜ್ಜಿ.ಬೆಮ್ಮೆರೆ ಅಂಚಿ ಇಂಚಿ ಅಬ್ಬಗ ದಾರಗ ಉಪ್ಪುನಿಂದ್ ಪನ್ಪೆರ್.ಅವೆಕ್ ತೆರಣ ದಿಂಜವುಲೆಕ ಅಲ್ತ ಬೆಮ್ಮೆರೆಗ್ ಪಿಂಗಾರ ಪರಕೆ.ತುಳುನಾಡ್ ಡ್ ಸಕನ ತೂಯೆರೆ ದೈವಾರಾದನೆ,ಸಿರಿನ ಆರಾದನೆ,ನಾಗಾರಾದನೆ,ಬೆಮ್ಮೆರೆ ಆರಾದನೆಡ್ ಮಾತ್ರ ಪಿಂಗಾರ ಗಲಸುನಿ.ದೇವೆರೆ ಆರಾದನೆಗ್ ಪಿಂಗಾರ ಓಲ್ಲಾ ತುಳುನಾಡ್ ಡ್ ಗಲಸುಜೆರ್.ತುಳುವೆರೆ ಮೂಲ ತಾನ ಆದಿ ಆಲಡೆಲೆಡ್ ಬೆಮ್ಮೆರೆನ್ ಆರಾದನೆ ಮಲ್ಪುವೆರ್ ವಿನಃ ಬ್ರಹ್ಮ ಲಿಂಗೇಶ್ವರನತ್ತ್.ತುಳುವೆರೆ ಆರಾದನೆಡ್ ಲಿಂಗದ ಆರಾದನೆ ಇಜ್ಜಿ.ಅಂಚಾದ್ ಮಾರಣಕಟ್ಟೆ ಮೂಲ ನಾಗಬ್ರಹ್ಮಲಿಂಗೇಶ್ವರ ಕ್ಷೇತ್ರ ಆದಿಪ್ಪೆರೆ ಸಾದ್ಯ ಇಜ್ಜಿ.ಅಲ್ಪದ ಬೆಮ್ಮೆರೆ ದತ್ತ್ ಬಲತ್ ಗ್ ಸಿರಿಕುಲು ಉಪ್ಪುನಿಂದ್ ಹಿರಿಯಾಕ್ಲು ಪನೊಂತೆರ್.ಮಾರಣಕಟ್ಟೆ ಮೂಲ ಲೋಕನಾಡ್ ದ  ಬೆಮ್ಮೆರೆ ಸಾಬಬ ಆದುಂಡು.ಉಂದು ಬಸ್ರೂರ್ದ ಕೈತಲುಂಡು.ಅಂಚನೆ ತುಳುವೆರೆ ಬೆಮ್ಮೆರ್ ವೈದಿಕ ಈಶ್ವರ ಕಲ್ಪನೆದೊಟ್ಟುಗು  (ಶೈವ ವೈದಿಕಾರಾದನೆಡ್) ಸೇರ್ದ್ ಬ್ರಹ್ಮಲಿಂಗೇಸ್ವರ ದೇವೆರಾದ್ ವೈದಿಕ ವಿಧಿ ವಿಧಾನೊಲೆಡ್ ಆರಾದನೆ ಪಡೆಯೊಂದು ಬತ್ತೆರ್.ದುಂಬುಗು ವಿಜಯ ನಗರದ ಅರಸೊಳಿಗೆದಡಿತ ವೀರಶೈವೆರ್ ಬೆಮ್ಮೆರೆನ್ ಈಶ್ವರನೊಟ್ಟುಗು ಗೋಡ್ಯಾದ್ ಬೆಮ್ಮೆರೆ ನ್ ಮಹಾಲಿಂಗೇಸರೆ ಆದ್ ಆರಾದನೆ ಮಲ್ತೊಂದು ಬತ್ತೆರ್.ದುಂಬುಗು ಬೂತ ಬೆಮ್ಮೆರ್ ಬದಲಾದ್ ಬೂತನಾಥೇಶ್ವರೆ ಅಂಡ ನಾಗೆ ಬೊಕ್ಕ ಬೆಮ್ಮೆರೆ ಸಮೀಕರಣದ ನಾಗಬೆಮ್ಮೆರ್ ಬದಲಾದ್ ಅನಂತೇಶ್ವರೆ ಆಯೆರ್.ಬ್ರಹ್ಮ ಲಿಂಗೇಶ್ವರೆ ಆವಡ್,ಭೂತನಾಥೇಶ್ವರೆ ಆವಡ್,ನಾಗ ಬೆಮ್ಮೆರಾವಡ್,ಮಹಾಲಿಂಗೇಶ್ವರೆ ಆವಡ್,ಅನಂತೇಶ್ವರೆ ಆವಡ್ ಮೂಲೊಡು ಅವೈದಿಕ ತೌಳವ ಆರಾದನೆದ ಬೆಮ್ಮೆರೆ ವಿನಃ ಬೇತೆ ದೇವೆರತ್ತ್.ಕ್ರಿ.ಶ. 1111ತ  ಸಿದ್ಧಾಪುರ ಶಾಸನೊಡು ಬೆಮ್ಮೆರೆನ್ ಬ್ರಹ್ಮಲಿಂಗ ಭಟಾರಕ ದೇವ ಪಂಡ್ ದ್ ಲೆಯ್ದೆರ್.

ಕೊಕ್ಕರ್ಣೆ. ಮಾಲಾಡಿ ಬೊಕ್ಕ ಎಡಬೆಟ್ಟ ಸಾಸ್ತಾನದಲ್ಪ ಲಿಂಗದೊರುಟು ಬೆಮ್ಮೆರೆ ಆರಾಧನೆ ಉಂಡು.ದುಂಬು ಪೂರ ಪೆರಾರ್ದೆ ಸಂಕ್ರಾಂತಿದಪಗ ಒಂಜಿ ಪೂಂಜನ್ ಮಾರಣ ಕಟ್ಟೆದ ಬೆಮ್ಮೆರೆಗ್ ಬುಡ್ದು ಮಕರ ಸಂಕ್ರಾಂತಿದಾನಿ ಮಾರಣಕಟ್ಟೆರ್ದ್ ಪುರ್ಸಾದ ಇಲ್ಲಗ್ ಕನತ್ ದ್ ಮೂಜಂಜದಪಗ ನೀರ್ ಪರಪುನ ತೋಡುದ ಬರಿಕ್ ಪೋದು ಆ ಕೋರಿನ್ ಕೊಯ್ದ್ ಅಟಿಲ್ ಮಲ್ತ್ ದ್ ಹಿರಿಯಾಕ್ಲೆಗ್ ಬಲಸೊಂತೆರ್ ಗೆ.ಈ ಇಡೆ ಮಿಸೆಲ್/ಅಗೆಲ್ ನ್ ತುಳುವೆರ್ ಗಡಿಹಾರ,ಗಡಿಯಾರಂದ್ ಪನೊಂತೆರ್.ತುಳುನಾಡ ಎಚ್ಚಿನ ಇಲ್ಲಲ್ ಈ ಕೆರಮ ನಡತೊಂತ್ಂಡ್.ಕೆಲವೆರ್ ಪನ್ಪಿ ಪ್ರಕಾರ ಇಂಚಿಪ್ಪ ಐವ ವರ್ಸದ ಪಿರವು ಮುಟ್ಟ ಈ ಕೆರಮ ನಡತೊಂತ್ಂಡ್ಂದ್ ಹಿರಿಯೆರ್ ನೇರ್ಪು ಮಲ್ಪುವೆರ್.ಮಾರಣ ಕಟ್ಟೆಗ್ ಈಡ್ ಕಟ್ಟ್ ದ್ ದೀಪುನ ಕೆರಮ ಇನಿಕ್ಲಾ ಕೆಲವು ಕಡೆಟ್ ಇತ್ತ್ ದ್ಮಕರ ಸಂಕ್ರಾಂತಿದಾನಿ ಈ ಈಡ್ ದ ಪಣವುನು ಅಡೆ ಪಾಡ್ದ್ ಅಲ್ತ್ ಪುರ್ಸಾದ ಕನತ್ ದ್ ಇಲ್ಲ ಬಾಕಿಲ್ದ ಕೈತಲ್ದ ನೀರ್ ಪರತ್ ಪೋಪುನ ತೋಡ ಬರಿಟ್ ಕೋರಿ ಕೊಯ್ಪುನ ಕೆರಮ ಉಂಡು.ಗಡಿಹಾರ ಕೊರ್ಪುನೇಟ(ಕೋರಿ ಕೊಯ್ದ್ ಅಗೆಲ್ ಪಾಡುನೇಟ) ಮಾರಣ ಕಟ್ಟೆರ್ದ್ ಕನತ್ ನ ಪುರ್ಸಾದೊನು ಇಲ್ಲದ ಉಲಯಿ ಕೊನಯೆರೆ ಇಜ್ಜಿ,ಮುಂಡೊಗು ಪಾಡೆರೆ ಇಜ್ಜಿ.

        ತುಳುನಾಡ್ ಗ್ ವೈದಿಕ ಆರಾದನೆ ಬನ್ನಗ ಮುಲ್ತ ಪ್ರಕೃತಿ ಸಗ್ತಿ ಬೆಮ್ಮೆರ್ ಏರ್ಂದ್ ಅಕುಲೆಗ್ ತೆರಿಯಂದೆ ಬೆಮ್ಮೆರೆನ್ ಬ್ರಹ್ಮಂದ್ ಮಲ್ತೆರ್.ಬೆಮ್ಮೆರೆ ದತ್ತ್ ಬಲತ್ ಗಿತ್ತಿ ಮೈಸಂದಾಯೆ ಲೆಕ್ಕೆ ಸಿರಿನ್ ದಾದಂದ್ ತೆರಿಯಂದೆ ನಂದಿ/ನಂದಿಗೋಣ(ನಂದಿ ಬೇತೆ,ಗೋಣೆ ಬೇತೆ.ರಡ್ಡ್ ಲ ಒಂಜತ್ತ್) ಬೊಕ್ಕ ರಕ್ತೇಶ್ವರಿಂದ್ ಮಲ್ತೆರ್.ಗುಳಿಗನ್ ಕ್ಷೇತ್ರಪಾಲ ಮಲ್ತೆರ್.ಲೆಕ್ಕೆಸಿರಿನ್ ಖಡ್ಗೇಶ್ವರಿ(ಕೈಟ್ ಕಡ್ಸಲೆ ಇತ್ತ್ ನೆಕ್)ಮಲ್ತೆರ್.ಬೆಮ್ಮೆರೆ ಸಾನ ಬೆಮ್ಮೆರೆ ಆಲಡೆದ ಮೂಲ ತೆರಿಯಂದಿ ಮೊಕುಲು ಅವೆನ್ ಬ್ರಹ್ಮಸ್ಥಾನಂದ್ ಪನ್ನಗಲ ಮುಗ್ದ ತುಳುವೆರ್ ಮನಿ ಮಂಬಿಜ್ಜಂದೆ ಒತ್ತೊಂಡೆರ್.

  

ಸಿರಿ ಆಲಡೆಲೆನ ಬೆಮ್ಮೆರ್  ಮಹಾಲಿಂಗೇಸರೆ ಆಯಿ ಆಲಡೆಲು:-

1.ಕಬತ್ತಾರ್ ಸಿರಿ ಆಲಡೆ-ಮಹಾಲಿಂಗೇಸರ ದೇವಸಾನ

2.ನಂದೊಲಿಗೆ ಸಿರಿ ಆಲಡೆ-ಮಹಾಲಿಂಗೇಸರ ದೇವಸಾನ

3.ದೇಂದೊಟ್ಟು ಅಬ್ಬಗ ದಾರಗ ಆಲಡೆ-ಮಹಾಲಿಂಗೇಸರ ದೇವಸಾನ

4.ದರೆಗುಡ್ಡೆ ಸಿರಿ ಆಲಡೆ-ಮಹಾಲಿಂಗೇಸರ ದೇವಸಾನ

5.ಉಚ್ಲಿಲ ಸಿರಿ ಆಲಡೆ-ಮಹಾಲಿಂಗೇಸ್ವರ ದೇವಸಾನ

6.ಶಿರ್ವ ಮಾಣಿಬೆಟ್ಟು ಸಿರಿ   ಆಲಡೆ-ಮಹಾಲಿಂಗೇಶ್ವರ ದೇವಸಾನ

7.ಎರ್ಮಾಲ್ ಆಲಡೆ-ಮಹಾಲಿಂಗೇಸರ ದೇವಸಾನ

8.ಬೋಲದ ಆಲಡೆ-ಸೋಮನಾಥ ದೇವಸಾನ

9.ಹಿರಿಯಡ್ಕ ವೀರ‌‍ ಬದ್ರ ಸಿರಿ ಆಲಡೆ-

10.ಮಧ್ಯ,ತೊರತ್ತಲ್-ಬೆಮ್ಮೆರ್,ಸಿರಿ ಆಲಡೆ(ಮದ್ಯದ ಜಾತ್ರೆ ದುಂಬುನಾನಿ,ಕಬತ್ತಾರ್ ದ ಜಾತ್ರೆ ಮನದಾನಿ.ಪೂವೆ ಪುಣ್ಣಮೆದಾನಿ ರಡ್ಡ್ ಕೋಡಿಡ್ ಆಯನ.ಇನಿ ಲೆಕ್ಕೆಸಿರಿ ಖಡ್ಗೇಶ್ವರಿ ಆತೆರ್.)

11.ದೈಲಾಬೆಟ್ಟು ಕಲ್ಲಮುಂಡ್ಕೂರು ಅಬ್ಬಗಬೊಕ್ಕ ದಾರಗ ಆಲಡೆ-ಮಹಾಲಿಂಗೇಶ್ವರ.

12.ಕಟೀಲ್ ದೇಲ್ಯ ತುದೆ ಬರಿ ಅನ್ನ ಛತ್ರದ ಬರಿತ ಬೆಮ್ಮೆರ್-ಬ್ರಹ್ಮ ಆತೆರ್.

ಉಳಿಯದ ಸತ್ಯೊಲು ಉಳಿಯ ಪುರಲ್

ದೈವಾರಾದನೆಡ್ ಗಲಸುನ ಸೊತ್ತುಲೆನ ಪುದರ್

ದೈವಾರಾದನೆಡ್ ಗಲಸುನ ಸೊತ್ತುಲೆನ ಪುದರ್

  

1).ದೈವ,ಬೂತ-ದೈವ

2).ಪಾಡ್ದನ _ಜಾನಪದ ಹಾಡುಗಳು

3) ಸಂದಿ- ದೈವಗಳ ಹುಟ್ಟು,ಬೆಳವಣಿಗೆ, ಕಥನ ಕಾವ್ಯ

4) ಸಾನ  - ದೈವಸ್ಥಾನ

5) ಗರಡಿ - ಕೋಟಿ ಚೆನ್ನಯರ ಆರಾದನ ಸ್ಥಳ.

6) ಮಾಡ - ಅರಸು ದೈವಗಳ ಆರಾಧನಾ ಕೇ0ದ್ರ

7) ಆಲಡೆ- ಸಿರಿ ಆರಾಧನಾ ಕೇಂದ್ರ

8) ಕೊಟ್ಯ- ನಿರ್ದಿಷ್ಟ ದೈವಗಳ ಸ್ಥಾನ

9) ಗು0ಡ - ಗುಡಿ

10) ಮಂಡಿಗೆ - ಬಬ್ಬರ್ಯ ದೈವಗಳ ಆರಾಧನ ಕೇಂದ್ರದಲ್ಲಿ ಕಂಡು ಬರುವ ಕಂಬದ ಮೇಲಿನ ಗುಂಡ

10) ಭಂಡಾರ - ಮುಗ, ಆಯುಧ ಪದ್ದೆಯಿ/ಚಿನ್ನಾಭರಣಗಳು ಮತ್ತಿತ್ತರ ದೈವಗಳ ವಸ್ತುಗಳನ್ನು ಇಡುವ ಸ್ಥಳ

11) ದಂಡಿಗೆ - ಪಲ್ಲಕ್ಕಿ.

12) ಮಣೆ ಮಂಚ - ದೈವಸ್ಥಾನದಲ್ಲಿ ದೈವಗಳ ಮುಗ ಮೂರ್ತಿ ಇಡುವ ಮರದ ಪೀಠ.

13) ಕೊಡಿ -ಧ್ವಜ.

14) ಬಲೆಕಿ ಮರ - ದೀಪ ಇಡುವ ಕ0ಬ.

15) ಪಡ್ಡೆ ಕಲ್ಲ್ - ದೈವಕ್ಕೆ ಹಾಕಿದ ಕಲ್ಲು.

16) ಅಯ್ಯಂಗಾಯಿ ಕಲ್ಲ್ - ಶಕುನ/ಸಕನ ನೋಡುವ ತೆಂಗಿನ ಕಾಯಿ ಹೊಡೆಯುವ ಕಲ್ಲು.

17) ಮುಗುಲಿ - ದೈವಸ್ಥಾನದ ಮಾಡಿನ ತುದಿಯ ಕಲಶ.

18) ಕೊಂತಾಲ - ನೇಮ ನಡೆಯುವ ಚಪ್ಪರ.

19) ಕೊಡಿಯಡಿ-ನೇಮ ನಡೆಯುವ ಜಾಗದಲ್ಲಿ ದೈವಗಳ ಭಂಡಾರ ಇಡುವ ಚಪ್ಪರ.

20) ಮತ್ತರ್ಮೆ -ನೇಮ ನಡೆಯುವ ಸ್ಥಳಕ್ಕೆ ತರಲಾದ ಭಂಡಾರವನ್ನು ಕೊಡಿಯಡಿಯಲ್ಲಿ ಒಳಗೆ ಇಡಲು ನಿರ್ಮಿಸಿದ ತಾತ್ಕಾಲಿಕ ವೇದಿಕೆ.

21) ಪಾಪೆ - ಚಪ್ಪಟೆಯಾಕಾರದ ದೈವದ ಬಗೆಗಿನ ಒಂದು ರಚನೆ

22) ಬಲಿ -ಬಾಳೆ ದಿಂಡು ಮತ್ತು ತೆಂಗಿನ ಎಳಸು ಗರಿಯಿಂದ ರಚಿಸಲಾದ ತ್ರಿಕೋನಾಕೃತಿಯ ( ಬೇರೆ ಬೇರೆ ದೈವಕ್ಕೆ ಬೇರೆ ಬೇರೆ ಅಕೃತಿ ಇದೆ ) ವಿನ್ಯಾಸ.

23) ಚರ್ವ - ಕುಚ್ಚಲಕ್ಕಿಯಿಂದ ತಯಾರಿಸಿದ ನೈವೇದ್ಯ.

24) ಮತ್ತರ್ನೆ/ಕೊಲ್ತಿರಿ - ಒಣಗಿದ ತೆಂಗಿನ ಗರಿಗಳಿಗೆ ಬಿಳಿ ಬಟ್ಟೆ ಸುತ್ತಿ ಎಣ್ಣೆಯಲ್ಲದ್ದಿ ತಯಾರಿಸಿದ ಉರಿಯುವ ಸಾಧನ.

25) ಸುತ್ಯೆ -ಕುಚಲಕ್ಕಿ ತೆಂಗಿನ ಕಾಯಿ ವೀಳ್ಯದೆಲೆ ಅಡಿಕೆ ಕಾಣಿಕೆ ಇಟ್ಟು ಬೆಮ್ಮೆರನ್ನು ಸ್ಮರಿಸಲು ಇಡುವ ಸ್ವಸ್ತಿಕ.

26) ಸಾನದಿಗೆ -ಕಾಲು ದೀಪ.

27) ತಕ್ಕನ /ಚಮಚ - ಎಣ್ಣೆ ಹಾಕಲು ಉಪಯೋಗಿಸುವ ತಾಮ್ರದ ಸೌಟು.

28) ಅಗೆಲ್ - ಬೂತಗಳಿಗೆ ಬಡಿಸುವ ಮಾಂಸಾಹಾರಿ  ಅಡುಗೆ

29) ತಂಬಿಲ -ಕಾಲಾವಧಿ ಹಬ್ಬ.ಸಂಕ್ರಮಣಗಳಲ್ಲಿ ದೈವಗಳಿಗೆ ಬಡಿಸುವ ಸೇವೆ.

30) ಕೋರಿಕುಂಟ -ದೈವರಾಧನೆಯ ಆರಂಭದ ವಾರದ ಹಿಂದಿನ ಒಂದು ಕಟ್ಟು ಕಟ್ಟಳೆ

31) ಕೋಲ/ನೇಮ- ದೈವಗಳ ನರ್ತನ ಸೇವೆ

ಧರ್ಮನೇಮ ಅದರಲ್ಲಿ ದೊಡ್ಡ ನೇಮ

32) ನಡಾರಿ -ನಡಾವಳಿ.

33) ಪರ್ವ - ಸ0ಕ್ರಾ0ತಿಯಂದು ದೈವಗಳಿಗೆ ನೀಡುವ ಸೇವೆ.

34) ದಲ್ಯ-ಸಿರಿ ಅವಾಹನೆಗೊಂಡಿರುವ ಮಹಿಳೆಯರನ್ನು ಬಿಳಿ ಬಟ್ಟೆಯ ಮೇಲೆ ನಿಲ್ಲಿಸಿ ಆವೇಶ ಸೇವೆಗೆ ಬಿಡುವುದು.

35) ಮೆಚ್ಚಿ -ಉಳ್ಳಾಲ್ತಿಯಮ್ಮನ ಕಾಲವಾದಿ ಸೇವೆ.

36) ಬಂಡಿ -ದೈವಗಳು ಪ್ರಾಣಿಗಳ  ಶರೀರ ರಚನೆಯ ಮರದ ಕೆತ್ತನೆಯಿಂದ ಮಾಡಿದ  ಬಂಡಿಗಳಲ್ಲಿ ಮಾಡುವ ಸವಾರಿ.

37) ತುಡರ ಬಲಿ -ದೀವಟಿಗೆ ಬೆಳಕಿನಲ್ಲಿ ನಡೆಯುವ ಬಲಿ ಸೇವೆ.

38) ಪನಿಯಾರ -ದೈವಗಳಿಗೆ ಬಡಿಸುವ ಕಜ್ಜಾಯ/ಪನಿವಾರ.

39) ಪಸರ್ನೆ-ದೈವಗಳಿಗೆ ಬಡಿಸುವ ಪಂಚಾಮೃತ.

40) ಬಾರ್ನೆ -ನೇಮದ ಮಧ್ಯಭಾಗದಲ್ಲಿ ದೈವಕ್ಕೆ ಸಮರ್ಪಿಸುವ ಆಹಾರ

2) 41) ಬಲಿಬೋಗ - ದೈವ ಒಟ್ಟಿಗೆ ಇರುವ ಗಣಗಳಿಗೆ ನೀಡುವ ರಕ್ತ ಬಲಿ/ಕೋಳಿ ಕೊಯ್ದು

42) ಪೂ ನೀರ್ - ದೈವಕ್ಕೆ ಗಿಂಡೆ/ಕೂಚಿಯಲ್ಲಿ ಇಡುವ ಹೂ ನೀರು.

43) ಅವಾರ - ಆಹಾರ.

44) ಅರದಲ -ದೈವ ನರ್ತಕರು ಮುಖಕ್ಕೆ ಹಾಕುವ ಹಳದಿ ಬಣ್ಣ.

45) ಸೋಪು - ದೈವ ಸೇವಕರು ಹಣೆಗೆ ಮತ್ತು ಸೊಂಟಕ್ಕೆ ಕಟ್ಟುವ ಕೆ0ಪು ಬಟ್ಟೆ.

46) ತೂರು -ಬಣ್ಣದಲ್ಲಿ ಉಬ್ಬು ವಿನ್ಯಾಸಗೊಳಿಸುವುದು.

47) ಬೊಟ್ಟು -ಹಣೆಯಲ್ಲಿ ಬರೆಯುವ ವಿನ್ಯಾಸ.

48) ಪುಲ್ಲಿ- ಅರದಲದಲ್ಲಿ ಇಡುವ ಚುಕ್ಕೆ

49) ಪೇಚರ್ -ಹಣೆಯ ಬೊಟ್ಟಿನ ಮಧ್ಯದಲ್ಲಿ ಇಡುವ ಝರಿ.

50) ಗಗ್ಗರ- ದೈವದ ಕಾಲಿಗೆ ತೊಡುವ ಕಂಚಿನ ಕಡಗ.

51) ಕಡ್ತಲೆ -ದೈವದ ಕೈಯಲ್ಲಿ ಹಿಡಿಯುವಆಯುಧ.

52) ಬೆತ್ತ - ಬೆತ್ತದ ಆಯುಧ.

53) ಮಣಿ-ದೈವದ ಕೈಯಲ್ಲಿ ಇರುವ ಮಣಿ

54) ಅಣಿ -ಕಂಗಿನ ಹಾಳೆಯಿಂದ ರಚಿಸಲಾದ ಪ್ರಭಾವಳಿ.

55) ಜಕ್ಕೆಲಣಿ -ಕಂಗಿನ ಹಾಳೆಯಿಂದ ಮಾಡಿದ ಚಂದ್ರಾಕೃತಿಯ ಸೊಂಟದ ಪ್ರಭಾವಳಿ.

56) ಮೊಗ- ದೈವದ ಮುಖವಾಡ.

57) ಮುಗತ್ತಮುಡಿ -ಮುಗ ಕಟ್ಟುವ ಸಲಕರಣೆ.

58) ಕದ್ರ್ ಮುಡಿ -ಮುಗ ಕಟ್ಟಲೆಂದು ಮಾಡಿದ ತೆಂಗಿನ ಗರಿಯ ಸಾಧನ.

59) ಸುರ್ಯ - ಕೋಟಿ ಚೆನ್ನಯರ ಕೈಯ ಆಯುಧ.

59) ಚವಲ - ದೈವದ ಕೈಯಲ್ಲಿ ಇರುವ ಚಾಮರ.

60) ಜೀಟಿಗೆ -ದೈವಕ್ಕೆ ಹಿಡಿಯುವ ಬೆಳಕಿನ ದೀವಟಿಗೆ.

61) ಪಂಚ ಜೀಟಿಗೆ-ಒಂದು ಹಿಡಿಯಲ್ಲಿ  ಐದು ಕವಲುಗಳುಳ್ಳ ದೀವಟಿಗೆ.

62) ಸೂಟೆ/ತೂಟೆ- ತೆ0ಗಿನ ಒಣ ಗರಿಗಳಿ0ದ ಸೇರಿಸಿ ಕಟ್ಟುವ ದೀವಟಿಗೆ.

63) ಸಿರಿ/ತಿರಿ -ಎಳೆ ತೆಂಗಿನ ಗರಿಗಳಿ0ದ ಸೀಳಿ ತಯಾರಿಸಲಾದ ದೈವದ ಉಡುಗೆ ತೊಡುಗೆ

64) ತಲೆಮಣಿ/ತಲೆಹೂ -ದೈವದ ತಲೆಗೆ ಧರಿಸುವ  ಅಲಂಕಾರ ಸಾಧನಗಳು.

65) ಸಕ್ರ್ ಸರ - ಚಕ್ರಸರ.

66) ಕೆಬಿನ - ದೈವದ ಕಿವಿಯಾಭರಣ.

67) ಕೈಕೊರೆ -ದೈವದ ಕೈಯಲ್ಲಿರುವ ಕಡಗ.

68) ಕಾರಪಾಲೆ - ಗಗ್ಗರ ಧರಿಸುವ ಮುನ್ನ ಕಾಲಿಗೆ ಕಟ್ಟುವ ಕಂಗಿನ ಹಾಳೆಯ ಕವಚ.

69)ಇಜಾರ್ - ದೈವದ ನರ್ತಕ ಧರಿಸುವ ಕೆಂಪು ಅ0ಗಿ.

70) ದಂಡೆಕಾಜಿ -ಕೇಪುಳ ಹೂವಿನಿ0ದ ತಯಾರಿಸಿದ ಬಳೆ.

71) ಬೆರಿ ಉಡೆ- ದೈವ ನರ್ತಕರ ಬೆನ್ನಲ್ಲಿ ಧರಿಸುವ ಸಾಧನ.

72) ಬರ್ತೆ/ಗುಬ್ಯ - ತೆಂಗಿನ ಗರಿಯಿಂದ ರಚಿಸಿದ ವಿನ್ಯಾಸ ಇದನ್ನು ಅಣಿಗೆ ಸಿಕ್ಕಿಸಲಾಗುವುದು.ಬೆಳ್ಳಿಯ ಗುಬ್ಬೆಗಳನ್ನು ಅಣಿಗೆ ಸಿಕ್ಕಿಸುತ್ತಾರೆ

73) ತರತ್ರ- ದೈವ ಪಾತ್ರಿಯ ತಲೆಗೆ ಸುತ್ತುವ  ಮುಂಡಾಸು/ರುಮಾಲು

74) ಹಚ್ಚಡ - ಕಚ್ಚೆ ಹಾಕುವ ವಸ್ತ್ರ.

75) ಕುರ್ಜತ್ ಮಾಲೆ -ಬಂಗಾರದ ಮಾಲೆ

76) ಸತ್ತಿಗೆ/ಬೊಲ್ಗುಡೆ- ಬೊಳ್ಗುಡೆ

77) ಇಸಮಕ್ಕಳ್ -ನೇಮ ಕಟ್ಟುವವರು.

78) ನಲಿಕೆ/ಪರವ/ಪಂಬದ -ಕೋಲ ಕಟ್ಟುವ ಸಮುದಾಯದವರು.

79) ತಾಸೆ/ದೋಲು/ಸುತಿ/ನಾಗಸರ -ನೇಮದ ಸಂದರ್ಭದಲ್ಲಿ ಉಪಯೋಗಿಸುವ ವಾದ್ಯ ಪರಿಕರಗಳು

80) ತೆಂಬರೆ -ಸ0ಧಿ ಪಾಡ್ದನ ಹೇಳುವಾಗಉಪಯೋಗಿಸುವ ಚರ್ಮದ ವಾದನ.

81) ಪಡಿಯರಿ- ನರ್ತನ ಕಲಾವಿದರಿಗೆ ನೀಡುವ ಗೌರವದ ಅಕ್ಕಿ.

82) ಅಜಲ್ -ಭೂತಾರಾಧನೆಯಲ್ಲಿ ನಿರ್ದಿಷ್ಟ ಕರ್ತವ್ಯಗಳನ್ನು ಮಾಡಲು ನಿರ್ದಿಷ್ಟ ವರ್ಗದವರನ್ನು ನಿಯುಕ್ತಿ ಮಾಡಿರುವುದು.

83) ಜೋಗ -ದೈವ ನೇಮ ಕಟ್ಟಿದವರ ಮೇಲೆ ಆವೇಶಕ್ಕೆ ಬರುವುದು.

84) ವಸಾಯ- ಆವೇಶ.

85) ಮದಿಪು- ಅಭಯ

86) ಮದು/ಪಾರಿ-  ದೈವವನ್ನು ಆವೇಶಕ್ಕೆ  ಕರೆಯುವಾಗ ಹೇಳುವ ನುಡಿಗಳು

87) ಮುಕ್ಕಾಲ್ ಮೂಜಿ ಗಳಿಗೆ - ದೈವ ಆವೇಶಗೊಳ್ಳುವ ಒಂದು ನಿರ್ದಿಷ್ಟ ಅವದಿ

88) ಮಾನೆಚ್ಚಿ- ಪಾತ್ರಿಯ ಮೈಯಲ್ಲಿ ದೈವದ ಆವೇಶ.

88) ಗಗ್ಗರ ದೆಚ್ಚಿ-  ಗಗ್ಗರ ದರಿಸುವ ಮೊದಲು ನಡೆಯುವ ಆವೇಶ.

89) ನೇಮದೆಚ್ಚಿ-ನೇಮದ ನಡೆಯಲ್ಲಿ ದೈವದ ಅವಾಹನೆ.

90)ಎದುರು ಪಿರ ಸವಾರಿ - ದೈವ ಮೂರು ಬಾರಿ ಹಿಂದೆ ಮುಂದೆ ಹೋಗಿ ಕುಣಿಯುವ ಕುಣಿತ

91) ಚಕ್ರ ಸುತ್ತು - ಚಕ್ರದ ಆಕಾರದಲ್ಲಿ ಸತ್ತು ಬರುತ್ತಾ ದೈವ ಕುಣಿಯುವುದು.

92) ಮುಗತ್ತ ನಾಟ್ಯ - ಮುಗ ಧರಿಸಿದ ಮೇಲೆ ಮಾಡುವ ನಾಟ್ಯ.

93) ಸವರ್ ನಾಟ್ಯ -ಕಡ್ಸಲೆ ಬಗ್ಗಿಸಿ ಮಾಡುವ ನಾಟ್ಯ.

94) ಅಡ್ಡ ತಾಳ ನಲಿಕೆ - ಹೂ ಎಸೆದು ಮಾಡುವ ನಾಟ್ಯ.

95) ಕಾಜೊಲೆತ್ತಿ-ಆವೇಶದಿಂದ ದೈವ ಕರೆಯುವ ರೀತಿ.

96) ವಲಸರಿ - ದೈವಗಳು ದೈವಸ್ತಾನದ ಹೊರಭಾಗದ ಗದ್ದೆಗೆ ಸವಾರಿ ಹೋಗುವುದು.

97) ಪೂಜಾರಿ-ದೈವದ ಪಾತ್ರಿ.

98) ಅಸ್ರಣ್ಣೆರ್- ಅಸ್ರಣ್ಣರು

99) ಅರೆಮನೆ ಕರ್ತುಲು-ಅರಸು ಮನೆತನದವರು.

100) ನೂಲುಪಾಡಿ ಕರ್ತುಲು - ಬ್ರಾಹ್ಮಣ ಸಮಾಜದ ಒಬ್ಬರು

101) ಸುದ್ಧಂತ ಮಾನ್ಯೆರ್/ದಲ್ಯಂತ ಮಾನ್ಯೆರ್- ಮಡಿವಾಳರು.

102) ಗುತ್ತಿನಾರ್ - ಗುತ್ತಿನವರು

103) ಬಾರಿಕೆ/ಬಾರಿಗೆ ಕರ್ತಲು - ಬಾರಿಕೆ ಮನೆಯವರು.

104) ತಲಮಣಿ ಕರ್ತುಲು -ಜಾಗದ ಮೂಲ ಅಧಿಕಾರವುಳ್ಳವರು.

105ಮಡಸ್ತಾನದ ಕರ್ತುಲು -ಗಡಿಯಾದ ವ್ಯಕ್ತಿ.

106) ಸೇರಿಗಾರ- ವಾದ್ಯ ಊದುವವರು

107) ಇಲಂದಾಯೆ-.ಭ0ಡಾರಿ,

ಮುಕ್ಕಾಲ್ದಿ-ದೈವಸ್ಥಾನದಲ್ಲಿ ಪೂಜೆ ಮತ್ತು ಆರಾಧನೆ ಕ್ರಮಗಳನ್ನು ಮಾಡಲು ಅಧಿಕಾರ ಹೊಂದಿದವರು.

108) ಮದ್ಯಸ್ಥೆರ್- ಕುಟುಂಬ ಮತ್ತು ದೈವದ ನಡುವೆ ಸಂಬಾಷಿಸುವವರು

109) ರಾಜ್ಯದ ಕಲ- ಊರಿನ ಭಕ್ತರು.

110) ಮಾನಿ - ದೈವದ  ಚಾಕರಿ ಮಾಡುವಾತ.

111) ಗಡಿ/ಗಡು- ಕೆಲವೊಂದು ನಿರ್ದಿಷ್ಟ ಮನೆತನದಲ್ಲಿ ದೈವದತ್ತ ಅಧಿಕಾರ ಪಡೆದವರು.

112) ಗಡಿ ದೆತೊನುನಿ- ದೈವ ಆವೇಶ ಬಂದ ಸಂದರ್ಭದಲ್ಲಿ ಕಡ್ತಲೆಯಿಂದ ಮುಟ್ಟಿಸಿ ಕೊಡುವ ಅಭಯ.

113) ಎಣ್ಣೆ ಬೂಳ್ಯ -ನೇಮ ಕಟ್ಟುವುದಕ್ಕೆ ಮುನ್ನ ದೈವ ನರ್ತಕನಿಗೆ ನೀಡುವ ಎಣ್ಣೆ ಮತ್ತು ವೀಳ್ಯ. 

114) ಪೂವರಿ -ದೈವದೆದುರು ಪ್ರಾರ್ಥನೆ ಸಂದರ್ಭದಲ್ಲಿ ದೈವಕ್ಕೆ ಹಾಕುವ ಅಕ್ಕಿ ಮತ್ತು ಕೇಪುಳ ಹೂ. 

115) ತಲ್ಪು -ಭೂತಾರಾಧನೆಯಲ್ಲಿ, ನಾನಾ ಸಂದರ್ಭದಲ್ಲಿ ಶುದ್ಧೀಕರಣಕ್ಕೆ ಮಡಿವಾಳ ಚಿಮುಕಿಸುವ ಪವಿತ್ರ ನೀರು.

116) ಗಂಧ ಬೂಲ್ಯ-ದೈವದ ಪ್ರಸಾದ.

117) ಸೂತ್ರಗಂಧ -ನಿರ್ದಿಷ್ಟ ಸಮಸ್ಯೆ ಸಂಕಟ ನಿವಾರಣೆಗೆ, ದೈವ 

ನೀಡುವ ಅಭಯದ ಗ0ಧ ಪ್ರಸಾದ.

118) ಬಾಮದ ಬೂಲ್ಯ -ನಡೆಯಲ್ಲಿ ನಿಂತು ದೈವ ನೀಡುವ ಬೂಲ್ಯ ಪ್ರಸಾದ.

119) ದೈರ -ನೇಮದ ಸಂದರ್ಭದಲ್ಲಿ ಕೆಲವೊಂದು ಕೆಲಸಗಳನ್ನು ಮಾಡಲು ಮುಕ್ಕಾಲ್ದಿಗೆ ದೈವ ನೀಡುವ ಅನುಮತಿ.

120) ಪಟ್ಟಾವು - ನೇಮದ ಕೊನೆಯಲ್ಲಿ ದೈವ ಮಾಡಿಕೊಳುವ ಆತ್ಮ ನಿವೇದನೆ.

121) ಬಿರಿ ನುಡಿ -ನೇಮ ಕೊನೆಗೊಳ್ಳುವಾಗಿನ ಅಭಯ.

122) ಬಿರಿಪುನೆ - ನೇಮ ಸಂಪನ್ನಗೊಳ್ಳುವುದು.

123) ಕಂಚಡ್ಪೆ - ದೈವಕ್ಕೆ ಆಹಾರ ನೀಡುವ ರಂಧ್ರದಿಂದ ಕೂಡಿದ ಗೆರಸೆಯಾಕಾರದ ಬುಟ್ಟಿ

124) ಪೈಚಿಲ್ ನೇಮ -ಭತ್ತ ಕಟಾವಿಗೆ ಬರುವ ಸಂದರ್ಭದಲ್ಲಿ ನಡೆಯುವ ನೇಮ

125) ಮಂಡೆ ವಂತಿಗೆ. ಬಾಲೊಂತಿಗೆ.ಪತಾಕೆ.ಗಾಡಾಯಿನಿ ಶಾನಿ.ಕೂಚಿ ಗಿಂಡೆ.ದೂಪ.ತಿಬಿಲ್ಯ. ದರಿ. ಅತ್ತೋಸುದ ಇರೆ. ಮಾರಿ. ಸೂಟೆ. ಪೂಕರೆ .ಬಾರೆ ಪಾಡುನಿ. ಗಣಗಳು ಬರುವುದು. ಪೆಟ್ಟಿಗೆ. ಬಲಿ ಮುಕ್ಕರಿಗೆ. .ಗುಜ್ಜನಿಗೆ. ಪಲ್ಲೆ0ಕಿ. ಅಸುರು ಕೊಡೆ.

ಬಸವೆ. ಸೂರ್ಯ ಚ0ದ್ರೆ. ಬೆರಿಪತ್ಯ. ಪಾಂಬೋಡಿ ಕಾಯಿ.

ಪಾಂಬೋಡಿ ಕುಂಟು. ದಂಡೆ ಮಾಲೆ. ಕಡಪ ರಾಜ್ಯ. ಗಡಿಪಾರಾದ್ ಇಡಿ ತೂಕ. ಚೋರ್ಣ. ಕೈದ್ ಮನಿ.

ಅಚ್ಚಪಾತ್ರೆ .ಕೊಡಿ ಇರೆ. ನಾಲ್ ಕೈಕ್ ಬೂಲ್ಯ. ಸಿಂಗದನ. ದೊಂಪ. ಗರುಡೆ. ಕೊಡಿಮರ.

ಪಾನಕ. ಇಡಿಪನಿಯಾರ .ಗಡಿಪನಿಯಾರ. ಪಂಚಜೆ,ವಾಮಂಚಜ್ಜಾಯ ಗಂಧೊದ ಕಲ್ಲ್. ನಾಲ್ ನಡೆ. (ಮೂಡಾಯಿ, ಪಡ್ಡೇಯಿ, ತೆನ್ಕಾಯಿ, ಬಡಕಾಯಿ)

ಚಾವಡಿ. ಭಂಡಾರದ ಕೊಟ್ಯ. ಬಂಡಿದ ಕೊಟ್ಯ .ಪನೆ. ಕುರ್ದಿ. ದೊನ್ನೆ. ಚಿಲ್ಲಿ .ಮುದ್ರೆ. ಅಗೆಲ್. ಬಂಟೆ. ಅಮೂರ್ತ.ಕಟ್ಟ್ ಕಟ್ಟ್ ಕಟ್ಲೆ. ಇಡೆ ಬುಡ್ಪೆ. ಪೀಠ.ಕಂಚಿದ ಬಟ್ಟಲ್.ವನಭೋಜನ. ಕಂಬುಲದ ಕೋರಿ. ಪಟ್ಟಿ ಕೊರ್ಪುನೆ.

ಕೇಪುಳ್ದ ಪೂ.ಪಿಂಗಾರ. ಬಚ್ಚಿರೆ ಬಜ್ಜೆಯಿ. ಕೈಲ್ ಕಡ್ಪುನೆ. ಗೊಂದೋಲು. ಮಾರಿಪೂಜೆ. ಬಾಣೆ ಪಾರಾವುಣೆ. ಕೆರೆನೇಮ. ಕದಿನದ ಅಂಡೆ.ಬೂಡು. ಬಾಲಮಂಟಮೆ. ಗುತ್ತು .ಬರಿಕೆ. ಚಾವಡಿ. ಸಾನ.

ನೈ. ಪೇರ್.ಅರಿ.ತಾರಾಯಿ ಪೋರಿ.ಪಂರ್ದ್. ಕಾಯಿ ಪೂಲು. ಪೆರೆಸಿ ತಿಪ್ಪಿ. ತಿಪ್ಪಿದ ಕೈಲ್. ಮಣ್ಣಬಾಜಬ. ತಡ್ಪೆ. ಕುರ್ವೆ. ಕಾಂಟ್ಯ……

_ವಾಟ್ಸಾಪ್ ಕೃಪೆ

ಪಗ್ಗು 18 ಸಿರಿ ಪೊಲಿ ದಿನೊ

   ಪಗ್ಗು 18 ಸಿರಿ ಪೊಲಿ ದಿನೊ

   

ಸತ್ಯಾನಾಪುರದ ಸಿರಿ ಪಿರಾಕ್ ದ ಮರತ ಬೊಂಬೆ

  

ಸಪ್ತ ಮಾತೃಕೆನಕುಲು-

ಬ್ರಾಹ್ಮೀ, 

ವೈಷ್ಣವಿ, 

ಮಾಹೇಶ್ವರೀ,

ಇಂದ್ರಾಣಿ,

ವಾರಾಹಿ,

ಕೌಮಾರಿ

ಚಾಮುಂಡಿ.

ಸಿರಿಕುಲ್ನ ಆರಾದನೆಡ್ ಎಳ್ವೆರ್ ಸಿರಿಕುಲ್ನ ಇಚಾರ ಬರ್ಪುಂಡು.ಸತ್ಯನಾ ಪುರೊನು ಸತ್ಯಮಾ ಲೋಕಂದ್ ಪನ್ಪೆರ್.

ಬೆರ್ಮೆರ್ ಉಂಡು ಮಲ್ತಿ ಸಿರಿಕುಲು.

ಬೆಮ್ಮೆರ್ ಸುರುಕಾದ್ ದಾರುನು ಉಂಡು ಮಲ್ತೆರ್.ಮೋಲು ಬೊಕ್ಕ ಪುಟ್ಟಿನ ಸಿರಿಕ್ ಚಾಕಿರಿಗ್ ಉಂತುವಲ್.ಬೆಮ್ಮೆರ್ ಉಂಡು ಮಲ್ತಿ ಎಳ್ವೆರ್ ಸಿರಿಕುಲು ತುಲುವರ್.ತುಳುನಾಡ ಸಿರಿಕುಲುಂದೇ ಪನ್ಪುನಿ.

 1.ದಾರು

2.ಸಿರಿ-ಸಿರಿಕುಲೆಗ್ ಜಾತಿಲೆದ ಬಂದನ ಇಜ್ಜಿ.ದಾಯೆ ಪಂಡ ಆಲ್ ಅಪ್ಪೆ ಬಂಜಿಡ್ ಪುಟ್ಟಿನಾಲತ್ತ್.

3.ಸೊನ್ನೆ-ಪ್ರಾಯ ಪೋಂಡಲ ಪೊಂಜೊವಾಪುಜಲ್

4.ಗಿಂಡೆ,-ಸೊನ್ನೆ ಸುಂದರಿ ಪನ್ಪುನಾರ್ನ ಮಗಲ್

5.ಅಬ್ಬಗ.6.ದಾರಗ

7.ಸಾಮು-ಸಾಮುನ ಕಂಡನಿಯಗ್ ರಡ್ಡನೆ ಬೊಡೆದಿಯಾದ್ ಸಿರಿ.

ದಾರುನು ಸಿರಿ ಮಾಯ ಮಲ್ತ್ ದ್ ದೈವ ಮಲ್ಪುವಲ್.ದಾರುನು ತೆನ್ಕಾಯಿಡ್ ಜಾಲ ಕೊರತಿಯಾದ್,ಬಡಕಾಯಿಡ್ ಜಾಲ ಬೈಕಾಡ್ತಿಯಾದ್ ಆರಾದನೆ ಮಲ್ಪುವೆರ್..

ಬೆಮ್ಮೆರ್ನ ಒಟ್ಟುಗು ಉದಿತಿ ಎಳ್ವೆರ್ ಸಿರಿಕುಲು.ಆದಿ ಸತ್ಯಮಾನಂದ ಲೋಕದ ಸಿರಿಕುಲು

1.ಮೈಯಗ

2.ಮೈಸಗ

3.ದಾರಗ

4.ಗಣಪಗ

5.ಉಮ್ಮಗ

6.ಜಾನಗ

7.ಜನಪಗ

ತುಳುನಾಡ ಅರಾದನೆಲು ಮೂಲ ಜನಾಂಗೊಲೆರ್ದ್ ಉದಿತ್ ನೆರ್ದಾವರ ಪುದರ್ದ ಕಡೆಕ್ ಗ ಸವ್ದ ಮೂಲು ಸೇರೊಂದುಂಡು.ಉದಾರ್ಮೆಗ್ ಮೈಸಲೆನ್ ಮೈಸಗಂದ್ ಪನ್ಪುನಿ.ಪೋಪುನಿ-ಪೋಪುನಗ,ಬರ್ಪುನಿ-ಬರ್ಪುನಗ ಇಂಚ.ಮೂಲು ಬರ್ಪಿ ಗಣಪ,ವೀರಬದ್ರ(ಕೆಲವೆರ್ ಬೈರವಂದ್ ಲ ಪನ್ಪೆರ್),ಸ್ಕಂದ ಮೊಕ್ಲು ಕುಮಾರನ ಒರುವಾ ತೆರಿಯೊಂದಿಜ್ಜಿ.ತುಳುನಾಡ ದೇಲ್ಯೊಲೆನ‌  ಅಂಗಣೊಡಿಪ್ಪಿ ಸಪ್ತ ಮಾತೃಕೆನಕುಲು ದುಂಬು ದೇವೆರಾದಿಜ್ಜಾಂಡ್.ಸರಿಯಾಯಿನ ರುಪಲ ಇಜ್ಜಾಂಡ್.ಮರತ ಮುದೆಲ್ಡ್ ಕಲ್ಲ್ ಪಾಡ್ದ್ ಗಣೊಕುಲುಂದು  ನಂಬೊಂತೆರ್.ನಮ್ಮ ದೇಸೊಡು ಈ ಏಳ್ ಜನ ಅಪ್ಪೆಡಿಕುಲುಂದು ಆರಾದನೆ ಇತ್ತ್ಂಡ್.ಸಿರಿಕುಲ್ನೆಟ್ಲ ಎಳುವೆರ್ ಸಿರಿಕುಲು ಬರ್ಪೆರ್.ಸಪ್ತ ಮಾತೃಕೆನಕ್ಲೆಡ್ ಏಳ್ ಜನ ಅಪ್ಪೆಲ್ಲು ಬರ್ಪೆರ್

ಗಡಿಕಲ್ಲ್,ಶಕ್ತಿ ಕಲ್ಲ್,ಮುಂಡ್ಯೆ ಕಲ್ಲ್,,ಉಜಿರಿ ಕಲ್ಲ್,ಬಂಟಕಂಬ,ಕೋಚುಗುಳಿಗನ ಕಲ್ಲ್,ಅಜಕಾಯಿ ಕಲ್ಲ್

ಗಡಿಕಲ್ಲ್,ಶಕ್ತಿ ಕಲ್ಲ್,ಮುಂಡ್ಯೆ ಕಲ್ಲ್,,ಉಜಿರಿ ಕಲ್ಲ್,ಬಂಟಕಂಬ,ಕೋಚುಗುಳಿಗನ ಕಲ್ಲ್,ಅಜಕಾಯಿ ಕಲ್ಲ್

          ದೈವೊಲು ಕುಲ್ಲುನ ಕಲ್ಲ ಮುಂಡ್ಯೆ.ಉಂದೆನ್ ಮುಂಡ್ಯೆ ಕಲ್ಲ್ಂದ್ ಲ ಪನ್ಪೆರ್.ಈ ಕಲ್ಲ್ 150 ವರ್ಸೊರ್ದ್ ಲ ದುಂಬುದ ಬೆಳಕಾಡ್ ಚಾಮುಂಡಿ ದೈವದವು.

  ದೈವೊಲ್ನ ಈ ಕಲ್ಲ್ ಗ್  ಕೋಚು ಗುಳಿಗನ ಕಲ್ಲ್ಂದ್ ಲ ಪನ್ಪೆರ್.ಕೋಚುಗುಳಿಗನ ಕಲ್ಲ್ ಗ್ ಮಿತ್ತ್ ತೋಜಾಯಿನ ಕಲ್ಲ್ ದ ಮಿತ್ತ್ ಪೂ ಪಾಡ್ಲೆಕ ಪೂ ಪಾಡ್ವೆರ್.

ದೈವೊಲು ಕುಲ್ಲುನ ಈ ಕಲ್ಲ್ ನ್ ಉಜಿರಿ ಕಲ್ಲ್ಂದ್ ಲ ಪನ್ಪೆರ್.

     

            ಮುಂಡ್ಯೆ ಕಲ್ಲ್ ದ ಮಿತ್ತ್ ಕುಲ್ದಿನ ದೈವ

ದೈವಾರಾದನೆಡ್ ಗಡುವಾಡಿ ಜಾಗೆಂದುಂಡು.ಗಡು ಮೀರ್ದ್,ಕಲ ಮೀರ್ದ್ ದೈವದ ಬಂಡಿಯಾವಡ್ ದೈವ ಆವಡ್ ಪೋಯೆರೆ ಇಜ್ಜಿ.ಅಂಚನೆ ಅಜಲಾತಿಗೆದ ಚಾಕಿರಿದಕುಲು ಗಡು ಮೀರ್ದ್ ಪೋಯೆರೆ ಬಲ್ಲಿ.ಒಂಜಿ ಊರುಡು ಒಂಜಿ ದೈವೊಗು ಬಳೆ ಆಯಿನಕುಲು ನನೊಂಜಿ ಊರುಗು ಪೋದು ಕಟ್ಟುನ ಕೆರಮ ಇಜ್ಜಾಂಡ್.ಕೆಲವು ತಿಕ್ ದ ಗಂದ ಕನತ್ ದ್ ಪಾಡುಲೆಕಲ ಇಜ್ಜಾಂಡ್.ದೈವದ ಬಾಸೆಡ್ ದೈವೊಗೊಂಜಿ ಕಟ್ಟ್,ದೇಸೊಗೊಂಜಿ ಬಾಸೆಂದುಂಡು.ಒಂಜಿ ಊರುದ ದೈವದ ಕಟ್ಟ್ ಕಟ್ಲೆ ಆ ಊರುಡು ದುಂಬುಡ್ದಿಂಚ ಕಟ್ಟುನಕುಲೆಗ್ ತೆರಿದುಪ್ಪುಂಡು.ಅಕ್ಲ್ ಬೇತೆ ತಿಕ್ ಗ್  ಪೋದು ಅವ್ವೆ ದೈವೊಗು ಕಟ್ಯೆರ್ಡಲ ಅಲ್ತ ದೈವದ ಇಚಾರ ಬೇತೆನೇ ಉಪ್ಪುಂಡು.ಅಂಚಾದ್ ಈ ಒಂಜಿ ಕಟ್ಲೆನ್ ಹಿರಿಯಾಕ್ಲ್ ಮಲ್ತಿಪ್ಪೆರ್. 

  

ಶಕ್ತಿ ಕಲ್ಲ್

ಮೂಲು ನಮ ಗಡಿ ಕಲ್ಲ್ ನ್ ತೂಪುಂಡ ಗಡಿ ಕಲ್ಲುಲು ಒಂಜಿ ಊರುರ್ದು ಕುಡೊಂಜಿ ಊರುಗು ಸೇರುನ ಜಾಗೆಡ್ ಎಚ್ಚಾದ್ ಇತ್ತ್ಂಡ್.

ಪುದೆ ಕಲ್ಲ್ ನ್ ತೂಪುಂಡ ದುಂಬು ಊರುರ್ದು ಊರುಗು ಪುದೆ ತುಂಬೊಂದೇ ಜನೊಕುಲು ಪೋವೊಂತೆರ್.ಅಪಗ ಇನಿಯಲೆಕ ಒವ್ವೆ ಸಂಪರ್ಕೊಲು ಇಜ್ಜಾಂಡ್.ಜನ ಮಂದೆಲ ಬಾರೀ ಕಮ್ಮಿ ಇತ್ತ್ಂಡ್.ಅಂಚಾದ್ ಬಚ್ಚೆಲರಪಯೆರೆಂದ್ ,ಪುದೆ ಜಾಯೆರೆಂದ್ ಹಿರಿಯಾಕುಲು ಕೆಲವೊಂಜಿ ಕೋಡಿಡ್ ಸಿಲೆಕಲ್ಲ್ ದ ಮುರಟ್ ಕೆತ್ತ್ ನ ಪುದೆ ಕಲ್ಲ್ ನಡೊಂತೆರ್.ಪುದೆಕಲ್ಲ್ ಡ್ ಜಾಯಿನ ಪುದೆನ್ ಬೇತೆಕ್ಲ್ ತುಂಬಾವೊಡುಂದಿಜ್ಜಿ.ಅಕ್ಲೆಗೆ ಬಚ್ಚೆಲರತಿ ಬೊಕ್ಕ ತುಂಬೆರಾವೊಂತ್ಂಡ್.ಕೈತಲ್ ನಿರೆಲ್ ಗ್ಂದ್ ಮರೊಕುಲ್ಲಾ ಇತ್ತ.ಪುದೆ ಕಲ್ಲುಲು ದುಂಬು ಪೂರ ಮಲ್ಲ ಇತ್ತ.ಇತ್ತೆ ಅವು ಬರ್ಸ,ಗಾಳಿ,ದೊಂಬುಗು ಕರದ್ ಕಿನ್ಯ ಆತ.ಆಂಡಲ ಅವ್ಲೊಂಜಿ ಮೂಲೊಂಜಿಂದ್ ಪುದೆ ಕಲ್ಲುಲು ತೂಯೆರೆ ತಿಕ್ಕುವ.

ದೈವ ದೇಲ್ಯದ ಉಲಯಿ ಮುರ ಕಲ್ಲ್ ದ ಇಂಚಿನ ಒರುತ ಕಲ್ಲಿತ್ತ್ಂಡ ಆ ಕಲ್ಲ್ ಡ್ ಪರಕೆ ಬತ್ತಿ ಕಂಜಿ ಕೈಕಂಜಿಲೆನ್ ಕಟ್ಟೊಂತೆರ್.ಉಂದೆನ್ ಕೋಚುಗುಳಿಗನ ಕಲ್ಲ್ಂದ್ ಲ ಪನ್ಪೆರ್.

ಕೆಲವೊಂಜಿ ದೇಲ್ಯೊಲೆಡ್ ಶಕ್ತಿ ಕಲ್ಲ್ಂದ್ ಲ ಇಪ್ಪೆದ್ಂಡ್.ಕೊಂಡಾನ ಮೂಡದಾಯೆ,ಪಿಲ್ಚಂಡಿ ಸಾನೊಡು ಬಂಟ ದೈವ ಕುಲ್ಲುನ ಬಂಟಕಂಬ ಉಂಡು.

ದುಂಬು ದೂರ ತೆರಿಪಾವುನ ಲೆಕ್ಕಾಚಾರದ ಮೈಲ್ ಕಲ್ಲ್ ಲ ತೂಯೆರೆ ತಿಕ್ಕೊಂತ.