Wednesday 28 August 2013

ತುಳುನಾಡ ಮದ್ಮೆದೊಣಸ್ TULUNADA MADMEDONAS

                                   NAMMA THULUNAD DA MADMEDA LESDONAS-THARAKARIDA

                                                   SURUKAD BAJEL KORDU YEDKONUNI
                                                           
                                       
                                              MADMEDONASDA BHAKSHYABHOJYOLU
                                           




















 

Saturday 24 August 2013

ಧರ್ಮಸ್ಥಳ ಗ್ರಾಮೀಣಾಭಿವೃದ್ಧಿ ಯೋಜನೆ ಮದ್ಯ ವರ್ಜನ ಶಿಬಿರ ಮಾಣಿ-dharmasthala grameenaabhivriddi yojane madhya varjana shibhira maani

                                                        MADYA VARJANA SHIBHIRA MANI-
              dharmasthala gramabhivriddi yojane ithara sangha samsthegala sahayogitvadalli
       
                    JAGATHINA YAVUDE ONDU SANGHA SAMSTHE MADADA SAMAJIKA VYAVASTHEYANNE BUDAMELU MADATHAKKANTHAHA SAMAJIKA PIDUGADA"MADYA VYASANA"VANNU SAMAJADINDA NIRMOOLANE MADALUUDISIDA BADAVARA,DEENA DALITHARA PARAVADA SHIBHIRAVE DHARMASTHALA GRAMABHIVRIDDI YOJANEYAVARA"MADYA VARJANA SHIBHIRA"
                                                   

                   GANDHEEJIYAVARA RAMA RAJYADA KANASALLONDADA MADHYAVYASANA MUKTHA SAMAJAVANNU MANAGANDAVARU MATHANADUVA MANJUNATHANENDE PRASIDHARAGIRUVA PARAMA POOJYA VEERENDRA HEGGADEYAVARU.
                                   
IVARA EE DOORAALOCHANEYINDA BEEDI PAALADA ADESHTO KUTUMBAGALU SAMAJADALLI MATHE MARU JEEVA THALEDU BADUKUTHIVE.ADUDARINDA AVARANNU KALIYUGADA NADEDADUVA DEVARENDAROO THAPPAAGADU.

 BHARATHA DESHA KANDA ADBHUTHA SADHANA SHEELA BADAVARA PARAVADI THULUVARU HELUVA PRAKARA"KAVANDARU" [PARAMAPOOJYA,RAJARSHI DR D VEERENDRA HEGGADEYAVARU] MADIDA ADVITHEEYA SADHANEYA PHALAVE"MADYAVARJANA SHIBHIRA.
                                                         
          ILLI KAVANDARU YAVUDE PHALAPEKSHE ILLADE JANARU MADYAMUKTHARAGI BADUKIDARE OLLEYA SAMAJA NIRMANAVADEETHU YEMBA NELEYALLI "GANDHEEJI"YAVARA KANASANNU NANASU MADALU HORATU YASHASVIYAGUTHIDDAARE.
                                                   

         IDUVAREGE  EE YOJANEYADIYALLI 41,000 KKINTHALOO HECHU SHIBHIRARTHI PHALANUBHAVIGALU IDARA PRAYOJANA PADEDU SAMAJA MUKHIGALAGI,SAMSARIKAVAGIYOO NEMMADIYA JEEVANA SAGISUTHIDDARE.MANJANATHANA KRIPAKATAKSHA IVARELLARA MELIDE.
                                         
            MANI VALAYADALLI18-8-2013RINDA25-8-2013RA VAREGE SUMARU 63 SHIBHIRARTHIGALU BHAGAVAHISI THAMMA BADUKALLI HOSA ADHYAVONDANNU KANDUKONDIDDARE.
                                             
IDAKKE ADHIKARIGALADA YOGEESH,GANESH HAGOO SISTERSGALA SAMPOORNA SAHAKARAVOO ITHU
                                         
."ONDU MANEYINDA OBBAATHA KUDUKATHANA BITRE AATHA NOORONDU KUDUKARANNU BIDISABALLA" YEMBA KAVIVANIYANTHE IDONDU UTHAMA SAMAJAMUKHI KELASAVAGIDE.EE PUNYA KELASAVANNU MADUTHIRUVA HEGGADE DAMPATHIGALIGE,YOJANEYA YELLAA ADHIKARIGALIGE AA MANJUNATHANA SAMPOORNA ANUGRAHAVIDEYENDARE THAPPAGADU.
                                               

              SAMAJADALLI BADUKUVUDU HEGE YEMBA PATAVANNU KALISUVUDE MADHYAVARJANA SHIBHIRA
                                                 
VIDEOS:-
http://youtu.be/eVqgnoGjLd0
http://youtu.be/e6ZcphZ7QQE
http://youtu.be/X3wlmqiIXGM
http://youtu.be/AIB1-L9RjAM
http://youtu.be/EC0rtRATedo
http://youtu.be/-x-FeJbETWM
SAMSKRITHIKA KARYAKRAMAGALA CHITHRAGALU:-
                                               
                                           
                                             
                                         
                                           
                                           
                                           
                                           
                                             
                                                 
                                             
                                           
                                           
CHITRA HAGOO MAHHITHI:-
                                                    THULUORIPUGA ANTHARJALA 

Tuesday 20 August 2013

ಸ್ವರ್ಣ ಬಿಂದು ಪ್ರಾಶನ ,ಚಿನ್ನೆ ಮರ್ದ್ ,ಸಿದ್ದಿ ಮರ್ದ್-SWARNA BINDHU PRASHANA:-CHIHNNE MARD,SIDDI MARD

SWARNA BINDHU PRASHANA:-CHIHNNE MARD,SIDDI MARD

                                                    hechinakleg incha panda daadande gothippand.varsa du patrikeled jahirath bannagala undu dadand kelaver yenniver.SWARNA PRASHANA panda bangarn kalld thodve neythottgetharethd joklena nalayig nakkanda yeddend panper.ait roga nirodhaka shakthi apaga uppunduge.10 dinatha balerd 7 varsada bale muttala korolige.kelavu thikkd jasthi prayadaklegla SWARNA BINDHU PRASHANA malpuver.pushya nakshatra barpuna guruvaradaani swarna prashana malthnda baaree yeddege.daaye panda undu siddi vidye.soorya udayordu mooji jama dumbu yerna swarala kenandileka,yerla thoovandileka cheeya neyt bangarn tarepodu.sumar onji jaama panda mooji ghantedaath tharepodu.undu siddi mard.onji siddig eethe dina,eethe ghanend uppundu.anchane swarna prashanogu mooji ghante panda onji jaamada siddi agatyaadundu.atreya rushikulnanchina sidda vaidyere kalordula undithndge.akle tayar malthd akle prayoga malthonterge.akleg ashvini devathele gurkuluge.daadane panle eethonji porthu yeregla teriyandileka itteda kalodu tarepvera ijja namak teriyand.
mayithi:-
THULU ORIPUGA
Chitra kripe:-
google antharjala
 

ಕೊರಗ ತನಿಯನ ಮೂಲ ಆರಾದನೆದ

     ಕೊರಗ ತನಿಯನ ಮೂಲಾರಾದನೆದ ಕೆರಮ

  ಕೊರಗ ತನಿಯನ ಮೂಲ ಆರಾದನೆಗ್ಲ ಇನಿತ ದಿನಮಾನೊಡು ನಡಪುನ ಕೊರಗಜ್ಜನ ಆರಾದನಾ ಕೆರಮೊಗ್ಲ ರಾತ್ರೆ ಪಗೆಲ್ದ ಎತ್ತೇಸೊ ಉಂಡು.ಕೊರಗ ತನಿಯಗ್ ಕೊರಗಜ್ಜೆ ಪನ್ಪುನ ಸವ್ದನೇ ಇಜ್ಹಾಂಡ್.ಕೊರಗ ತನಿಯೆಂದೇ ಇತ್ತ್ ನಿ.ಕೊರಗಜ್ಜ ಪನ್ಪುನವು ಪತ್ತಿರ್ವ ವರ್ಸದ ಬುಳೆಚಿಲಾತೆ.ದುಂಬು ಇತ್ತೆದಲೆಕ ಕೊರಗ ತನಿಯಗ್ ಕೋಲ,ಗುಡಿ ಬಂಡಾರ ಪೂರ ಇಜ್ಜಾಂಡ್.ಇತ್ತೆ ಸಾದಿ ಸಾದಿಡ್ ಪೂರ ಸಾನೊಲು ಲಕ್ಕ್ ದುಂತುದ.ಪತ್ತಿರ್ವತ್ತೈನ್ ವರ್ಸೊಗು ದುಂಬು ಕೊರಗ ತನಿಯೆ ಏರ್ಂದೇ ಕಟ್ಟುನಕ್ಲೆಗ್ ತೆರಿದಿಜ್ಜಾಂಡ್.ಇನಿ  ಆಯನ ಪುದರ್ ಡ್ ಕೋಲ ಕಟ್ಟ್ ದ್ ಬಂಜಿ ದಿಂಜಾವೊಂದುಲ್ಲೆರ್.
    
     ಕೊರಗತನಿಯನ್ ಕಲ್ಲ್ ಪಾಡ್ದ್ ಆರಾದನೆ ಮಲ್ಪುನಿ

"ಮುಗ ಮೂರ್ತಿ ಬಯಕ್ ನ ದೈವ ಯಾನತ್ತ್" ಪಂಡ್ ದ್ ಕೊರಗತನಿಯನ ನುಡಿ ಕಟ್ಟ್ ಡುಂಡು

    ದುಂಬು ಕೊರಗ ತನಿಯಗ್ ಕಿದೆ ಬಾಕಿಲ್ ಡ್ ಅಗೆಲ್ ಬಲಸೊಂತೆರ್.ಅವುಲಾ ತಡ್ಪೆಡ್ ಕುಡು ಬಲ್ಯಾರಾ,ಕುಡು ಬಸಲೆನಾ ಅಗೆಲ್ ಡ್ ಪಾಡೊಂತೆರ್.ಕಿದೆ ಬಾಕಿಲ್ಡ್ ಎದುರು ಒತ್ತರೆ ಮಲ್ತ್ ದ್ ಅಂಬಿ ಅಡಿತ್ ದ್ ಸುದ್ದ ಮಲ್ತ್ ದ್ ತನಿಯಗ್  ಅಗೆಲ್ ಬಲಸ್ ದ್ ಕೈ ಮುಗಿಯೊಂತೆರ್."ನಿನನ್ ಎಂಕುಲು ಅಗೆಲ್ ಕೊರ್ದು ಸಂಪು ಮಲ್ತ್ ಲೆಕ ಎಂಕ್ಲೆನ್ಲಾ,ನಾಲ್ ಕಾರ ನಡೆಕ್ ಲೆನ್ಲಾ ಕಾತ್ ರಕ್ಷಣೆ ಮಲ್ತ್ ದ್ ಎಂಕ್ಲೆನ್ ಸಂಪುಡುಕಾಪು"ಪಂಡ್ ದ್ ಕೈ ಮುಗಿಪೆರ್.

           ಕೊರಗತನಿಯಗ್  ಏಮೆದ ಆಕಾರದ ಮುಟ್ಟಲೆ

        ಕೊರಗ ತನಿಯನ ಅಗೆಲ್ ಗ್ ದಿನ,ನನೊಂಜಿ,ಕುಡೊಂಜಿಂದ್ ದಾಲ ಇಜ್ಜಾಂಡ್.ಇಲ್ಲದಕ್ಲೆಗ್ ಮನಸಾನಗ ಕೊರ್ಪುನ ಅಗೆಲ್ ಅವು.ಕಿದೆ ಬಾಕಿಲ್ ರ್ದ್ ಕಲ್ಲ್ ಗ್ ಪೋಂಡು,ಅಲ್ತ್ ಕಟ್ಟೆಗ್ ಪೋಂಡು,ಅಲ್ತ್ ರ್ದ್ ಗುಂಡೊಗು ಪೋಂಡು,ತನಿಯನ ಮೂರ್ತಿ ಬತ್ತ್ಂಡ್,ಮೂರ್ತಿಗ್ ಪ್ರಭಾವಳಿ ಬತ್ತ್ಂಡ್,ಬೊಳ್ಳಿದ ಮುಟ್ಟಲೆ ಬತ್ತ್ಂಡ್,ಅಯಿಕ್ ಶೇಷನ ಜಿಡೆ ಬತ್ತ್ಂಡ್,ದಂಟೆ ಬತ್ತ್ಂಡ್,ದಂಟೆಡ್ ಕುಡ ಸರ್ಪನ ಜಿಡೆ ಬತ್ತ್ಂಡ್,ಅಂಚ ಓಲೋಲು ಮಿತಿ ಮೀರ್ದ್ ಪೋದಾತ್ಂಡ್.
   
         ಕೊರಗತನಿಯಗ್  ಏಮೆದ ಒರುತ ಮುಟ್

       ಕೊರಗ ತನಿಯನ ಕೋಲ ಇರ್ವತ್ತೈನ್ ವರ್ಸದ ಇಂಚಿದ ಬುಳೆಚಿಲ್.ದುಂಬು ಕೊರಗತನಿಯನ ಕಾರ್ನಿಕದ ನಿಲೆ ಕುತ್ತಾರ್ ಪದವುಡು ತನಿಯಗ್ ಕೋಲ ನಡತೊಂರತ್ಂಡ್.ಕೊರಗತನಿಯೆ ಆ ಮಣ್ಣ್ಡ್ ಇತ್ತೆ,ಅಲ್ತ ಅಧಿಕಾರ ಪಡೆದಿತ್ತೆ.ಕಾಲಾನು ಬಾಗೊಡು ನಂಬಿನವ್ಲು ಪೂರ ನೆಗತ್ ಬತ್ತೆ..ಇನಿ ತನಿಯೆ ಅಜ್ಜೆ ಆದ್ ಪೋಯೆ.ಇರ್ವತ್ರಡ್ಡ್ ಇರ್ವತ್ತಮೂಜಿ ವರ್ಸದ ಜವನೆ ಓಲು?,ಸುಣ್ಣ ಪೂಜಿದ್ ಗಡ್ಡ ಮೀಸೆ ಮಲ್ತ್ ನ ಕೊರಗಜ್ಜೆ ಓಲು?.
   
ಕೊರಗ ತನಿಯನ ಬೊಳ್ಳಿದ ಕಣ್ಣ್,ಮೂಂಕು,ಮುಂಡದ ನಾಮ,ಮುಟ್ಟಲೆಡ್ ಬಂಗಾರ್ದ ಜಿಡೆ,ಕಂಟೆಲ್ದಡಿಕ್ ಪಂಜುರ್ಲಿನ ಕೊರೆದಡೆ
  
   
ಒಂಜಿ ನೆಕ್ಕಿದ ದೈ ನಡುಪುನಿ, ಒಂಜಿ ಕಾಟ್ ಕಲ್ಲ್ ಪಾಡ್ದ್ ಸುರುಕು ಎಲ್ಯ ಕಟ್ಟೆ ಮಲ್ಪುನಿ, ಶೀಟ್ ಮಾಡ್  ಮಲ್ತ್ ದ್ ಕೊರಗಜ್ಜ ಪಂದ್ ಸುರುಕು ಮಂತ್ರ, ಬಲಿಮೆ, ಕಲೆಪಾಟಿಗೆಡ್ ಕಾಸೆ ಕಾಸ್. ಕೆಲವೆರ್ ಇಂಚಿಪ ಮೊಕ್ಲೆನ್ ನಂಬೆರೆ ಪೋದು ಮುರ್ಕುದು ಪೋಯೆರ್
          ಕೊರಗ ತನಿಯನ ಕರಿಗಂಧಂದ್ ಓಲ್ಲ ಇಜ್ಜಾಂಡ್.ಮಣ್ಣ್ ದ ಪುರ್ಸಾದ ದೈವ ಕೊರೊಂತ್ ನಿ.ಅವೆಟ್ ಪಲಿತ ತಿಕ್ಕ್ ಜಿಂಡ ಬನತ ಪುಂಚದ ಮಣ್ಣ್ ದ ಪುರ್ಸಾದ ಕೊರೊಂತ್ ನಿ. ಇತ್ತೆ ಕೊರಗಜ್ಜ ಕಟ್ಟೆ ಅಲ್ಪ ಅಲ್ಪ ಲಕ್ಕ್ ದ್ ಬಲಿಮೆ ನೂಲು ಉರ್ಕು ಬಾರೀ ಜೋರಾದ್ ನಡತೊಂದುಂಡು. ಕರಿಗಂಧ ಬಾರಿ ಸುದ್ದಿಡಿತ್ತ್ ದ್ ಮಣ್ಣ ಪುರ್ಸಾದ ಮಯಕಾತ್ಂಡ್.
ರಡ್ರಡ್ಡ್ ಕೈಟ್ ದಂಟೆದ ಬದಲ್ ರಡ್ರಡ್ಡ್ ತಿರ್ಸೂಲ ಕೊರಗ ತನಿಯನ ಮೂರ್ತಿದ ಕೈಟ್.ಏಮೆದ ಮಿತ್ತ್ ಉಂತುದಿನಿ
  
         ಕೊರಗತನಿಯನ್ ಕುರ್ಸಿಡ್ ಕುಲ್ಲದ್ ಕೈಟ್ ರಡ್ರಡ್ಡ್ ದಂಟೆ ಕೊರ್ಯೆರ್
  


  

ಏಮೆದ ಮಿತ್ತ್ ಉಂತ್ ದ್ ನ ಕೊರಗತನಿಯನ ಮೂರ್ತಿ
   
              ಕೊರಗ ತನಿಯ ದೈವ ಬಾಲೆನ್ ಮಾನಾವುನಿ


ಆ ಜನಾಂಗದ ಮೂಲ ಆಹಾರ ಸಂಸ್ಕೃತಿಡ್ ಇತ್ತಿ  ಏಮೆದ ಕಜಿಪುದ ಅಗೆಲ್ ದಡೆ ಕೊರಗ ತನಿಯಗ್ ಏಮೆದ ವಾಹನ ಮಲ್ತ್ ದ್ ಮೂರ್ತಿ ಉಂತಯೆರ್
  
ಕೊರಗ ತನಿಯನ ವಿಷ್ಣುನ ಅಭಯ ಮುದ್ರೆದ ಬಂಗಾರ್ದ ಮೂರ್ತಿ.ತರೆಟ್ ನಾಗಜಿಡೆ ಉಂಡು.ಸಂಕಪಾಲನ್ ನೆಡಿಲ್ದ ಬೂರುಡು ಹಾಕ್ ದ್ ವಧೆ ಮಲ್ತಿ ತಳಿಯ ತರೆಟ್ ನಾಗ ಜಿಡೆ ಬುಡ್ಪಾಯೆರ್
  
    

    ಕೊರಗತನಿಯನ ಮೂರ್ತಿದ ತರೆಟ್ ನಾಗ ಜಿಡೆ
     


       ಆದಿಮೂಲ ಕೊರಗ ಜನಾಂಗದ ಗುರಿಕಾರೆ ಆಯಿನ ಕೊರಗತನಿಯನ್ ಕೋಲೊಡು ಏತ್ ತೀರುಂಡಾ ಆತ್ ರೀತಿಡ್ ಕೋಲ ಕಟ್ಟಾದ್ ಆ ಜನಾಂಗೊಗು ಅಪಮಾನ ಮಲ್ತೊಂದುಲ್ಲೆರ್‌.
  
             ಕೊರಗಜ್ಜ ದೈವಸ್ಥಾನ ಚಾಂತಾರು ಬ್ರಹ್ಮಾವರ.ಮುಟ್ಟಲೆ ದೀನ ದೋಲುದ ಕಟ್ಟೆ ಬತ್ತ್ಂಡ್.
  
                         ಪದಿನಾಜಿ ಕೊರಗಜ್ಜನಕ್ಲೆ‌ ಕೋಲ

ಕೊರಗ ತನಿಯೆ ಕೊರಗತನಿಯೆನೇ ವಿನಃ ಕೊರಗಜ್ಜೆ ಅತ್ತ್.ಗುಳಿಗೆಲ ಗುಳಿಗಜ್ಜೆ ಅತ್ತ್.ಇನಿ ನಿಕ್ಲೆನ ಕೊರಗತನಿಯೆ ಬೇತೆ ಎಂಕ್ಲೆಬ ಕೊರಗಜ್ಜೆ ಬೇತೆಂದ್ ಪನೊಂದುಲ್ಲೆರ್,ಕೊರಗ ತನಿಯೆ ಓಲು ಆರಾದನೆ ಇತ್ತ್ಂಡಲ ಒರಿಯೆ ವಿನಃ ಬೇತೆ ಬೇತೆಯತ್ತ್.ಕೊರಗತನಿಯಗ್ ಪುರಾಣದ ದೇವೆರೆ ಮಂತ್ರ ಮೂಲ‌ ಅತ್ತ್.ಮೂಲ ಜನಾಂಗದ ಬದ್ ಕ್ ದ ಭಾಗ ಆಯಿನ ಕಾವ್ಯದೊರುತ ಪಾಡ್ದನ ಮೂಲ .
  
        ‌‌‌‌   ಕೊರಗ ತನಿಯಗ್ ಚಕ್ಕುಲಿದ,ಬಚ್ಚಿರೆದ ಮಾಲೆ
     
                  ಕೊರಗ ತನಿಯಗ್ ಬಚ್ಚಿರೆದ ಮಾಲೆ
  
                        ಕೊರಗ ತನಿಯಗ್ ಚಕ್ಕುಲಿದ ಮಾಲೆ
     
     ಒರ್ತ್ಯಪ್ಪೆ ಪೆದ್ದ್ ನ ಬಾಲೆಲು ಪೂರ ತೀರೊಂದಿಪ್ಪುನಗ ಆ ಬಾಲೆನ್ ಆದಿಮೂಲ ಜನಾಂಗದ ಪೊಂಜೊವುಕೊರೊಪೊಲಪ್ಪೆಡ ಬಾಲೆನ್ ಕೊರ್ದು ಆ ಅಪ್ಪೆನ ಸಿರಿಮಿರೆ ಪೇರ್ ಪರ್ದ್ ಬದ್ ಕ್ ನಕುಲೆ ಆ ಅಪ್ಪೆನ್ ಮದಪುಲೆಕಾಂಡ್.ಕೊರಗ ತನಿಯನ್ ಈಶ್ವರನಂಶಂದ್ ದೇವೆರ್ ಮಲ್ತ್ ದಾಂಡ್ .
                 ಕೊರಗತನಿಯಗ್ ಬಚ್ಚಿರೆದ ಮಾಲೆ.ಚಕ್ಕುಲಿದ ಮಾಲೆಲ ಪಾಡ್ವೆರ್.ದೈವೊನು ಏಸಂದ್ ಎನ್ನಿದಿಪ್ಪೊಡು.

    ನಿಜವಾದ್ ತುಳುನಾಡ ಮಣ್ಣ್ ಡ್ ಪುಟ್ಟಿ ಕೊರಗತನಿಯೆ ಪುರಾಣದ ವಾ ದೇವೆರೆ ಅಂಶಲ ಅತ್ತ್.ದಾಯೆ ಪಂಡ ತುಳುನಾಡ್ ಗ್ ಪುರಾಣದ ದೇವೆರ್ ಬರ್ಪುನ ದುಂಬೇ ತುಳುನಾಡ ಬೂತಾರಾದನೆ ಇತ್ತ್ಂಡ್.ಅಂಚಾದ್ ತುಳುನಾಡ ದೈವೊಲು ವಾ ದೇವ,ದೇವಿನ ಅಂಶಲ ಅತ್ತ್,


        ವಾ ದೇವ ದೇವಿನ ಪಾದ ಪತ್ತುನ ಅಗತ್ಯಲ ಇಜ್ಜಿ.ತುಳುನಾಡ ದೈವೊಲು ವಾ ದೆವೆರೆ ಪರಿವಾರ ಸಗ್ತಿಲಾವಡ್,ದೇವೆರೆನ್ ಕಾಪುನ ಕ್ಷೇತ್ರಪಾಲೆಲ ಅತ್ತ್.ಅವು ತುಳುನಾಡ ಸ್ವತಂತ್ರ ಸಗ್ತಿಲು.ಮುಲ್ತ ಮಿತ್ತ ಜಾತಿ ಜನಾಂಗೊದ ತಪ್ಪು ಪ್ರಶ್ನೆ ಮಲ್ಪೆರೆ ಪೋದು ಕಾಯ ಕರಿದ್ ಮಾಯ ಸೇರ್ನಕುಲು ಪಂಡ ಕರಿದ್ ಪೋಯಿನಕುಲು.
  

ಕೊರಗ ತನಿಯಗ್ ಕಟ್ಟುನಕ್ಲೆನ ಮೋನೆದ ಪೊರ್ಲೈತ,ತಿರಿ ತುತ್ತೈತನೇ ನಂಬುನಕ್ಲೆನ ಒರುವಾಂಡ್.ಬೆನ್ನಿ ಸಾಗೊಳಿ ಸಂಸ್ಕೃತಿದ ಮುಟ್ಟಲೆ ಮಯಕಾದ್ ಬೊಳ್ಳಿ ಬಂಗಾರ್ದ ಏಮೆದ ಮುಟ್ಟಲೆ ಬತ್ತ್ಂಡ್.ಜವನಾತಿಗೆಡ್ ಜಾತಿ ವ್ಯವಸ್ಥೆದ ಬಲೆಕ್ ತಿಕ್ಕ್ ದ್ ಕರಿದ್ ಪೋಯಿನ ಜಕ್ಕ್ ಡ್ ಜವನೆ ಕೊರಗ ತನಿಯೆ ಮಾಯೆಡ್ ಗೆಂದೊಡಾಂಡ್.
  
                     ಕೊರಗ ತನಿಯನ ತಡ್ಪೆದ ಅಗೆಲ್

            ಕೊರಗ ತನಿಯಗ್ ತಡ್ಪದ ಅಗೆಲ್
   
                          ಕೊರಗತನಿಯನ ಚಿತ್ರ

                    ತನಿಯಗ್ ತಡ್ಪೆದ ಅಗೆಲ್

ಜವನೆ ಕೊರಗ ತನಿಯಗ್ ರಾಜ ಮನೆತನದ,ರಾಜಗೌರವದ ಒರುವಾದ್ ಕೈಟಿತ್ತಿನ ಒಂಜಿ ರಾಜ ದಂಡ ಅಜ್ಜೆರೆ ಕೈತ ರಡ್ಡ್ ದಂಟೆಯಾಂಡ್.ರಡ್ಡ್ ಕೈಟ್ ರಡ್ಡ್ ದಂಟೆ ಕೊರ್ದು ಸೊಂಟ ಇಜ್ಜಂದಿಲೆಕ ತನಿಯನ್ ಅಲಕ್ಕ ಬಗ್ಗಾದ್ ಬುಡ್ಯೆರ್.
  
              ‌‌‌‌‌‌            ತನಿಯಗ್ ವೈದಿಕ ಪೂಜೆ
    

ಸುಣ್ಣದ ಬಣ್ಣದ ಅಜ್ಜೆರೆ ಮೀಸೆದಡೆ ಬೊಳ್ಳಿ ಬಂಗಾರ್ದ ಮೀಸೆ ಬತ್ತ್ಂಡ್.ಕಂಜಿ ಕೈಕಂಜಿಲೆನ್ ಇರ್ಲ್ ಡ್ ಕಿದೆ ಕಿಲಾರೊಗು ಒಡ್ಡಾವುನಾತ್ ಸೂಕ್ಷ್ಮ ದೃಷ್ಠಿದ ಕೊರಗ ತನಿಯಗ್ ಬೊಳ್ಳಿ ಬಂಗಾರ್ದ ದೃಷ್ಠಿ ಬತ್ತ್ಂಡ್.
      ಕೊರಗತನಿಯನ್ ನೀಲಿ ರಂಗ್ ಡ್ ಬುಡ್ಪಯೆರ್
  
                            ಕೈಟ್ ರಡ್ರಡ್ಡ್ ದಂಟೆ
  
             ಮುಟ್ಟಲೆಗ್ ಮಲ್ಲಿಗೆ ಮಾಲೆ ನೆಯ್ದ್ ಅಲಂಕಾರ

   ಕೊರಗ ತನಿಯಗ್ ಬೊಳ್ಳಿದ ಕುರುವೆ, ಬೊಳ್ಳಿದ ಪುರಲ್ ಬತ್ತ್ಂಡ್.ದೈವದ ಕಲೊಟು ಅಗತ್ಯವಾದ್ ಬೋಡಾಯಿನ ಕೊರಗ ಜನಾಂಗದ ದೋಲು,ಬೆದ್ರ್ ದ ಪುರಲ್ ಮಯಕಾದ್ ಚೆಂಡೆ,ಪುರಲ್,ಸಿಂಗಾರಿ ಮೇಳ ಬತ್ತ್ಂಡ್.

                        ತನಿಯನ ಮೂರ್ತಿಗ್ ಅಭಿಷೇಕ
 
ಕೊರಗ ಜನಾಂಗದಕುಲು ಬೊಳ್ಳಿ ಬಂಗಾರ್ ಕೇಂದೆರಾ?.ಅತ್ತ್ ಅವೆನಕುಲು ನಿರೀಕ್ಷೆ ಮಲ್ದೆರಾ?.ಆ ಜನಾಂಗದ ಒರಿ ನಾಯಕೆ ಕೊರಗ ತನಿಯಗ್ ಬೊಳ್ಳಿ ಬಂಗಾರ್ ಕೊರ್ದು ಆ ಜನಾಂಗೊಗು ಅಪಮಾನ ಮಲ್ತಿಲೆಕಾಂಡ್.ಬೊಳ್ಳಿ ಬಂಗಾರ್ ನ್ ಆ ಜನಾಂಗ ಖಂಡಿತಾ ಬಯಕ್ ದ್ ಜಿ.ಅಕುಲು ಆನಿದಾನಿದೆನ್ ಮಾತ್ರ ಬೆನೊಂತೆರ್ ವಿನಃ ಎಲ್ಲೆಗ್ಂದ್ ದಾದಲ ದೀವೊಂದಿಜ್ಜಾಂಡ್.

            ಕೊರಗತನಿಯನ ಪೊಸ ನಮುನೆದ ಗುಂಡ
  
      ಕೊರಗತನಿಯಗ್ ಬತ್ತಿ  ಚಕ್ಕುಲಿ ಬೀಡದ ರಾಸಿ

          ಕೊರಗ ತನಿಯಗ್  ಪೇಂಟದ ಮದ್ಯದ ಅಸರ್

    ಇನಿ ಒರ್ಮೆಲ ಕೊರಗ ತನಿಯನ,ಗುಳಿಗನ,ಮಂತ್ರಜಾವದೆನ ಪುದರ್ಡ್ ಕಟ್ಟೆ ಕಟ್ಟ್ ದ್ ಕಾಸ್ ಮಲ್ಪುನಕ್ಲೆನವೇ ಕಾರ್ಬಾರಾಂಡ್.ಬಡವೆರೆ ಕಷ್ಟೊಗು ನಂಬಿನಡೆ ಸಾಯ ಮಲ್ತಿನ ಕೊರಗತನಿಯನ್ ಬಡವೆರೆಗ್ ಎಕ್ಕಂದಿನಾತ್ ಶ್ರೀಮಂತೆ ಮಲ್ತ್ ಬುಡಿಯೆರ್.ಕೆಟರಿಂಗ್ ಡ್ ಮಲ್ತಿನ ಅಟಿಲ್ ನ್ ಕೊರಗ ತನಿಯನ ಅಗೆಲ್ಂದ್ ಕೊರ್ಪುಲೆಕಾಂಡ್.
      ಕೊರಗತನಿಯನ ಮೂರ್ತಿ ಒಡಿಪು


ಬೊಳ್ಳಿದ ಬಚ್ಚಿರೆ,ಬೊಳ್ಳಿದ ಬಜ್ಜೆಯಿ,ಬಂಗಾರ್ ದ ಚಕ್ಕುಲಿ ಕೊರಗ ತನಿಯಗ್ ಕೇನುಲೆಕಾಂಡ್.ಬಡಪೊತ್ತುಡು ಕಾಡ ತಪ್ಪುಡು ಮಾನ ಮುಚ್ಚುನ ಕುಂಟು ಮಲ್ತಿ ಬಾಲೆ ತನಿಯಗ್ ಜನಿವಾರ ಬರ್ಪುಲೆಕಾಂಡ್. 
    ಗುಂಡದುಲಯಿ ಕೊರಗ ತನಿಯೆ,ಅಭಿಷೇಕದಕಲಶೊಲು

  ಪ್ರಶ್ನೆ ಚಿಂತನೆದಕ್ಲೆನಡೆ ಬಡವೆರ್ ಬತ್ತೆರ್ಡ ಕೊರಗ ತನಿಯೆ ನಿಕ್ಲೆಡ ಇಂಚಿನನೇ ಕೊರೊಡುಂದು ಕೇನೊಂದುಲ್ಲೆಂದ್ ಅಕ್ಲೆನ್ ಪ್ರಶ್ನೆ ಚಿಂತನೆದಕುಲು ಮಂಗೆ ಮಲ್ಪುಲೆಕಾಂಡ್.
              ‌‌‌‌‌  ಬಾಲೆ ಕೊರಗ ತನಿಯಗ್ ಜನಿವಾರ
      ಪತ್ತಿರ್ವ ವರ್ಸೊರ್ದು ದುಂಬು ಕೊರಗ ತನಿಯೆ ಏರ್,ಕೊರಗ ತನಿಯೆ ಎಂಚಿನಂದ್ ಇನಿತ ಕೊರಗತನಿಯಗ್ ಕಟ್ಟುನ ಜನೊಕ್ಲೆಗ್ ಆ ಇಚಾರದ ಗಂದಗಾಳಿ ತೆರಿದಿಜ್ಜಾಂಡ್.ಇನಿ ಆಯನ ಅಪ್ಪೆ ಅಪ್ಪೆ,ಅಮ್ಮೆ,ಆಯನ ಸರ್ವಲ ಅಕ್ಲೇ ಆದ್ ಪೋಯೆರ್.
  
                ಕೊರಗಜ್ಜ ದೈವಸ್ಥಾನ ಚಾಂತಾರು ಬ್ರಹ್ಮಾವರ

ಕೊರಗ ತನಿಯರ್ದಾದ್ ನಮ ಎನ್ನಿನ ಬೇಲೆ ಆಪುಂಡುಂದು ಬಯ ಭಕ್ತಿಡ್ ಕೋಲ ಕೊರ್ಯೆರ್ಡ ಅಕ್ಲೆಡ ಮಲ್ಲ ಮಲ್ಲ ಕಾಸ್ ಪಂಡ್ ದ್ ಅಕ್ಲೆನ್ ಸೋಪಾವೊಂದುಲ್ಲೆರ್.ದುಂಬು ಕೊರಗ ತನಿಯಗ್ ಕೋಲನೇ ಇಜ್ಜಾಂಡ್.ಅಗೆಲ್ ಪಾಡೊಂತೆರಾತೆ.ಕೊರಗ ಜನಾಂಗದಕುಲು ಅಕ್ಲೆ ಕುಟುಮದೌಲು ಅಕ್ಲೆ ಮಾನೆಚ್ಚಿಲ್ ಗುಂತೊಂತೆರ್.
             ಕೊರಗ ತನಿಯನ ಬೊಳ್ಳಿದ ಕುರುವೆ

   ಪತ್ತಿರ್ವ ವರ್ಸೊರ್ದು ದುಂಬು ತನಿಯಗ್ಂದ್ ಪೊಸ ಪೊಸ ಕಟ್ಟೆ ಇಜ್ಜಾಂಡ್. ತನಿಯನ ಆಳೆತ್ತರ ಕುರ್ಸಿಡ್ ಕುಲ್ನ ಮೂರ್ತಿ ಬತ್ತ್ಂಡ್.ಇನಿ ಕೊರಗಯನಿಯನ್ ಏಮೆದ ಒರುತ ಮಿತ್ತ್ ಉಂತಾದ್ ಆಯಗ್ ಏಮೆದ ವಾಹನ ಆಂಡ್.
                  ಕೊರಗತನಿಯನ ಗುಂಡದೆದುರು ಬಜನೆ

   ಕಲ್ಲ್ ಡ್ ನಂಬೊಂತಿನಡೆ ಸಾನ,ಗರ್ಭಗುಡಿ ಬತ್ತ್ಂಡ್.ನಮ ಪ್ರಶ್ನೆ ಮಲ್ಪೆರೆ ಪೋಂಡ ಮಲ್ತ್ ನಕ್ಲೆ ಪುದರ್ಡ್ ಚಂಡಿ ಮಡಿಟುಂತುದು ತಾರಾಯಿ ಹಾಕುವಂದ್ ಪ್ರಶ್ನೆ ಚಿಂತನೆದಕುಲು ದೈವದ ಪುದರ್ಡ್ ಪೋಡಿಕಟ್ಟಾವುನ ಕಾಲ ಬತ್ತ್ಂಡ್.
    
                     ಕೊರಗತನಿಯ ಮೂರ್ತಿ
  

ಕೊರಗ ತನಿಯೆ ಅಲಂಕಾರ ಪ್ರಿಯೆ ಅತ್ತ್.ಆಯಗ್ ನಮ್ಮ ಮನ ಬಗ್ ತಿದ ಒಂಜಿ ಪೂತ ಮಾಲೆ ಯಾವು..ಕೊಡ್ನಡುತ ಆರಾದನೆದ ದೈವೊಲೆನ್ ಮನರಂಜನೆ ಒದಗಾವುನ ಕಲಾಪ್ರಕಾರದ ಆಟ,ನಾಟಕ,ಸಿನೆಮ,ರಂಗ್ ಲೇಸ್ ಲೆಡ್ ತೂಪುಲೆಕಾಂಡ್.
  
                             ಅಭಿಷೇಕ

ಕೊಡಿಯಡಿತ ಇಚಾರೊಲೆನ್ ಪೂರ ಟಿ.ವಿ.ಮಾದ್ಯಮದ ಪರದೆಡ್ ತುಲಿಪು ಮಲ್ಪುಲೆಕಾಂಡ್.ಮಾತ ತಪ್ಪಾನಗ ಪ್ರಶ್ನೆ ಮಲ್ಪೆರೆ ಪೋಂಡ ಇರಿಯಾಕ್ಲ್ ನಡ್ದ್ ಬುಳೆಪಾಯಿನ ಮರೊನು ಕಡ್ತ್ ದ್ ಅಪ್ಪೆ ಬೇರ್ ಕಡಿನೆನ್ ಎಂಚ ಸರಿ ಮಲ್ಪೊಲಿ ಕಾಲನೆ ಉತ್ತರ ಕೊರೊಡು.   
                   
      ಕೊರಗ ತನಿಯಗ್ ಕಟ್ಟೆಡ್ ಅಗೆಲ್ ಪಾಡ್ ದ್ ನಿ

  ಕೊರಗ ಸಮುದಾಯದ ಅರಸು ಹುಬಾಷಿಕನ್ ಮೋಸೊಡು ಕೆರ್ದ್ ಆ ಜನಾಂಗೊಗು ದಿಕ್ಕ್ ದೆಸೆ ಇಜ್ಜಂದಿಲೆಕಾಂಡ್.ಇನಿ ಕೊರಗ ಸಮುದಾಯದ ಗುರಿಕಾರೆ ಆಯಿನ ಕೊರಗತನಿಯನ್ ಏತ್ ತೀರುಂಡಾ ಆತ್ ರೀತಿಡ್ ಕೋಲ ಕಟ್ಟಾಯಿನವು ಆ ಸಮುದಾಯೊಗು ಮಲ್ಪುನ ಅಪಚಾರ.
  
ಬಾಲೆನ್ ತಟೊಂದು ನೇಮೊಡು ಕೊರಗ ತನಿಯೆ ಬಲಿ ಬರ್ಪುನಿ.
ಓಲಾಂಡಲ ಬಾಲೆ ಪೋಡ್ತ್ ದ್ ಪಡಿಕೆ ಮೈತ್ಂಡ ದೋಸ ಬರು.

  
      ಕುತ್ತಾರ್ ಪದವುದ ರಾಜ್ಯ ಹೆದ್ದಾರಿದ ಬರಿತ ಕೊರಗ ತನಿಯನ ಸಾನಿದ್ಯ

  ಇನಿ ಕೊರಗ ತನಿಯನ ನೇಮೊಡು ಬಾಲೆನ್ ತಟೊಂದು ನಲಿತೊಂದುಲ್ಲೆರ್.ಬಾಲೆ ಮಿನಿ ಮೈಲಿಗೆ ಮಲ್ತ್ಂಡ ಜಬದಾರಿ ಏರ್?.ಕಲ ಅಸುದ್ದ ಆಯಿಜ?.  ವಿನಾಶದಂಚಿಗ್ ಪೋವೊಂದಿಪ್ಪುನ ತುಳುನಾಡ ಮೂಲ ಕೊರಗ ಜನಾಂಗೊನು ಒರಿಪುನ ಅನಿವಾರ್ಯತೆ ನಮಕ್ ಮಾತೆರೆಗ್ಲ ಉಂಡು.
 

ಕೊರಗ ತನಿಯನ ಪುದರ್ ಡ್ ವಾ ರೀತಿದ ದಾನಿಲು ಉಲ್ಲೆರ , ಎಂಚಿನ ಮಲ್ಪುವೆರಾ,ದಾನಿಲು ಅಕ್ಲೆಗ್ ಇಲ್ಲ್ ಮಲ್ತ್ ಕೊರ್ಪೆರಾ,ಅಕ್ಲೆ ಜೋಕ್ಲೆಗ್ ಇದ್ಯೆ ಕೊರ್ಪೆರಾ,ಅಕ್ಲೆ ಆರೋಗ್ಯೊಗು ವಿಮೆ ಮಲ್ತ್ ಕೊರ್ಪೆರಾ,ಅಕ್ಲೆ ಪೊಣ್ಣು ಮಗಳೆಗ್ ಮದ್ಮೆ ಮಲ್ತ್ ಕೊರ್ಪೆರಾ,ಪರ್ಯೆರೆ ನೀರ್ ಗ್ ಗುವೆಲ್ ಮಲ್ತ್ ಕೊರ್ಪೆರಾ?.
  
  ಕೊರಗತನಿಯೆ ಕೊರಗಜ್ಜೆ ಆದ್ ರಡ್ಡ್ ಕೈಟ್ ರಡ್ಡ್ ದಂಟೆಲು

ಕೊರಗತನಿಯನ ಪುದರ್ ಡ್ ಅವು ಮಲ್ಪುಲೆ.ಕೊರಗ ತನಿಯನ ಪುದರ್ಡ್ ಭಯಭಕ್ತಿಡ್ ಕೊರ್ಪುನ ಕಾಸ್ ಮಾತ್ರ ಅಕ್ಲೆಗ್ ಕೊರ್ಲೆ.ನಿಕುಲು ಅನ್ಯಾಯದ ಸಾದಿಡ್ ಬಡವೆರೆಡ ಒಯ್ತೊನ್ನ ಅನ್ಯಾಯದ ಪಾಪದ ಕಾಸ್ ನ್ ತತ್ತ್ ದ್ ಲ ಅಕ್ಲೆಗ್ ಕೊರಡೆ.ಅವೆಟ್ ಬರ್ಕತಿಜ್ಜಿ.
  
ಕುತ್ತಾರ್ ಡ್ ಮೂಜಿ ಸಾದಿ ಸೇರುನ ಜಾಗೆಡ್ ವೃತ್ತ ಮಲ್ತ್ ದ್ ಅವೆಟ್ ಕೊರಗ ತನಿಯನ ದಂಟೆ ಬೊಕ್ಕ ಮುಟ್ಟಲೆ ಮಲ್ದೆರ್.
  


    ಅದ್ದೆ ಪನ್ಪುನ ಕೊರಗ ಜನಾಂಗದಾಯರ್ದ್ ಅದ್ಯಪಾಡಿ,ಕಟ್ಲೆ ಪನ್ಪುನಾಯರ್ದ್ ಕಟೀಲ್, ಎಲ್ಲುರ್ದು ಎಲ್ಲೂರು,ಮದರುರ್ದು ಮದವೂರು,ದೆಸಿಲರ್ದ್ ಶಿಶಿಲ,ಕಾರಿಂಜರ್ದ್ ಕಾರಿಂಜೆ,ಕಾಂತಾರ ಪನ್ಪುನಾಯರ್ದ್ ಕಾಂತಾವರ,ಪೊರಲೆ ಪನ್ಪಿ ಕೊರಗ ಜನಾಂಗದಾಯರ್ದ್ ಪುರಲ್(ಇನಿ ಪೊಳಲಿ ಆತ್ಂಡ್) (ಪುರಲ್ ಡ್ ಕೊರಗ ಜನಾಂಗದ ಒಂಜಿ ಶ್ರೀಮಂತ ಕುಟುಂಬ ಒಂಜಿ ಕಾಲೊಡಿತ್ತ್ಂಡ್.
  

ನಾಲ್ ಜೋಡಿ ಎರ್ಲು,ಪದ್ರಾಡ್ ಮುಡಿ ಬಾರ್ ಬಿತ್ತುನ ಕಂಡ ಅಕ್ಲೆಗಿತ್ತ್ಂಡ್.ಬರ್ಕೆಂದ್ ಇಲ್ಲ್ ಇತ್ತ್ ದ್ ಬರ್ಕೆದ ಇಲ್ಲ್ ಕೊರಗೆರ್ನ ಆದಿತ್ತ್ಂಡ್)ಇಂಚ ಮೂಲ ಜನಾಂಗದಕ್ಲೆ ಪುದರ್ಡ್ ತುಳುವ ಸಾನಿಧ್ಯಲೆನ ಊರುದ ಪುದರುಲಿತ್ತ.
  


  ಇಂಚಿ ದೈವ,ದೇವೆರ್ ಪೂರ ಮೂಲ ನಿವಾಸಿಲೆಗ್ ತಿಕ್ಕ್ ದ್ ಇನಿ ಅಕ್ಲೆನ ಕೈಡ್ದ್ ಪೊಸತಾದ್ ಬತ್ತಿ ವ್ಯವಸ್ಥೆ  ಅವೆನ್ ಪೂರಾ ತಾನ್ ಒಯ್ತೊಂದು‌ ದೇವೆರೆಗ್ ಕೈತಲಾಯಿನ ಅಕ್ಲೆನ್‌ ಮಡಿವಂತೆರ್ ದೂರನೇ ದೀತ್ ನವು ದುರಂತ.ಮಂಜಗ್ ಬಲ್ಲೊಡು ತಿಕ್ಕಿ ನಾಗೆ(ಬಲ್ಲಮಂಜ ಊರುದ ಪುದರಾಂಡ್),
ಕೊರಗತನಿಯೆಂದ್ ತರೆಕ್ ಮುಟ್ಟಲೆ ದೀದ್,ರಡ್ಡ್ ಕೈಟ್ ರಡ್ಡ್ ದಂಟೆ ಪತೊಂದು ಪ್ರಶ್ನೆ ಪನ್ಪುನಿ ಎಡಮಂಗಲ ಕಡಬ ತಾಲೂಕು
  
           ಕೊರಗ ತನಿಯೆ ಒರಿಯೆ ಉಪ್ಪುನಿ.ಬೊಕ್ಕ ಒಲ್ತು ಪದ್ ನೈನ್ ಪದ್ ನಾಜಿ ಕೊರಗ ತನಿಯಗ್ ಒಂಜೆ ಕೊಡಿಯಡಿಟ್ ಕೋಲ
  
         5 ಕೊರಗ ತನಿಯನಕ್ಲ್ ಕೈ ಕೈ ಪತೊಂದು ನಲಿಪುನಿ

                      ‌‌‌‌‌‌ಕೊರಗತನಿಯನ‌ ಚಿತ್ರ
    
ಕೊರಗೆದಿ ಪೊಂಜೊವುಗು ಕುಡುಪುಡು ತಿಕ್ಕಿ ನಾಗೆ(ಕುಡುಪು ಊರ್ದ ಪುದರಾಂಡ್),ಕುಕ್ಕೆ ಬೊಕ್ಕ ಸುಬ್ವೆ ಪನ್ಪಿ ಮಲೆ ಕುಡಿಯೆರೆಗ್ ಬೆದ್ ರ್ದ ಪುಂಡೆಲ್ದ ನಡುಟು ತಿಕ್ಕಿ ನಾಗೆ(ಕುಕ್ಕೆ,ಸುಬ್ಬರ್ದ್ ಕುಕ್ಕೆ ಸುಬ್ರಹ್ಮಣ್ಯ ಪುದರಾಂಡ್) ಪೂರ ಜನೊಕುಲೆರ್ದ್ ಮಯಕಾದ್ ಪೋದು ಅಡೆ ಪೊಸ ಆರಾದನಾ ಕೆರಮ ಬೈದ್ಂಡ್.
  
ಕೊರಗತನಿಯನ ಕೈಟ್ ಉಪ್ಪುನಿ ಗುರ್ಕಾರನ ನಿಲೆತ ರಾಜದಂಡ.ಅಂಚನೆ ಕಂಜಿ ಕೈಕಂಜಿಲೆನ್ ಮೇಪನಗ ಕೈಟ್ ಇತ್ತ್ ನ್ಲ ಒಂಜಿ ದಂಟೆ.
          ‌ ಕೊರಗತನಿಯಗ್ ಬೊಳ್ಳಿದ ಮುಖವಾಡ(ಮುಗ,ಮೋನೆ ಪನೊಲಿ.ಮುಖವಾಡ ಪನೆರೆ ಬಲ್ಲಿ,)(ದೇವೆರೆಗಂಡ ಮುಖ ಕವಚ ಪನ್ಪೆರ್)

ಕೊರಗ ತನಿಯೆ ಅಪ್ಪೆ ಬಂಜಿಡ್ ಪುಟ್ಟ್ ನಾಯೆ.ಅಂಚಾದ್ ಆಯೆ ಶಿವ ಲಿಂಗದಲೆಕ ಉದ್ಭವ ಸಗ್ತಿ ಅತ್ತ್.
  
              ‌       ಕೊರಗ ತನಿಯನ್ ಇಂಚಲಾ ಮಲ್ದೆರ್

           ಒಂಜೆ ಕೋಲೊಡು ರಡ್ಡ್ ಕೊರಗತನಿಯನಕುಲು

             50ಅಡಿ ಎತ್ತರದ ಕೊರಗ ತನಿಯನ ಮೂರ್ತಿ
                     ಮೊಟ್ಟೆತ್ತಡ್ಕ ಮಜಲು ಪುತ್ತೂರು

     ಮುಗ ಮೂರ್ತಿ ದಾಂತಿ ತನಿಯಗ್ ಮಲ್ಲ ಮೂರ್ತಿ ಬತ್ತ್ಂಡ್

           50 ಅಡಿ ಎತ್ತರದ ಕೊರಗತನಿಯನ ಮೂರ್ತಿ
      
.  
    

       
ಗಟ್ಟದ ಮಿತ್ತ್ ಕೊರಗತನಿಯನ ಸನ್ನಿದಿ.ಕೆರೆಮತ್ತಿಹಳ್ಳಿ.
   
               ‌       ಕೆರೆಮತ್ತಿ ಹಳ್ಳಿ ಹಾವೇರಿ


ತುಳುನಾಡ ದೈವೊಲೆಗ್ ಬೊಲ್ದು ಬೊಕ್ಕ ಕೇಪುಳ ರಂಗ್ಂದ್ ಇಂಚಿನವೇ ರಂಗ್ ದ ತುತ್ತೈತಂದ್ ನಮ್ಮ ಹಿರಿಯಾಕ್ಲು ಮಲ್ತ್ ದಿತ್ತೆರ್.ಆಂಡ ನಮ ಅವೆನ್ ಕಳೆಯೊಂದುಲ್ಲ.ಉಂದು ನಮ್ಮ ತುಲುವ ಮಣ್ಣ ಸಂಸ್ಕೃತಿಗ್ ನಮ ಮಲ್ಪುನ ಅನ್ಯಾಯ.
ನಮ್ಮತುಳು ಮಣ್ಣ್ ದ ದೈವಾರಾದನೆಗಿಜ್ಜಂದಿ ಕೇಸರಿ ರಮಗ್ ದ ತುತ್ತೈತ ನಮಕ್ ತೂವೆರೆ ತಿಕ್ಕೊಂದುಂಡು.ಉಂದು ಸಾಂಸ್ಕೃತಿಕ ಧಾಳಿಯಾ,ಯಜಮಾನಿಕೆನಾ ದಾದಂದ್ ತೆರಿಯೊಂದಿಜ್ಜಿ
ಕೊರಗತನಿಯಗ್ ಕೇಸರಿ ರಂಗ್ ದ ತುತ್ತೈತ ಬತ್ತ್ಂಡ್

       ನಿಜವಾದ್ ತುಳುವೆರೆಗ್ ದೈವಾರಾದನೆದ ಕಟ್ಟ್ ನ್ ತೆರಿಪಾದ್ ಕೊರೊಡಾಯಿನಕುಲು ಕಟ್ಟುನಕುಲು.  ಅಂಚನೆ ಇಂಚಿನ ದೈವೊಗು ಇಂಚಿನ ಬಣ್ಣ,ಇಂಚಿನ ತುತ್ತೈತ,ಇಂಚಿತ್ತ್ ನ ಮಣೆ ಮಂಚ,ಇಂಚಿತ್ತ್ ನ ಉಜ್ಜಾಲ್ಂದ್ ತೆರಿಪಾವೊಡಾಯಿನಕುಲು ಕಟ್ಟುನಕುಲು..ಇನಿ ಅಕುಲೇ ಮಣ್ಣ ಸಂಸ್ಕೃತಿನ್ ಮದತೆರ್ಡ ನನ ಏರೆಡ ಕೇನೊಡು?.ದುಂಬು ದೈವದ ತುತ್ತೈತ,ಅರ್ದಾಲೊಡು ಉಂದು ಗುಳಿಗೆ,ಉಂದು ಪಂಜುರ್ಲಿ,ಉಂದು ಜುಮಾದಿಂದ್ ಗೊತ್ತಾವೊಂತ್ಂಡ್.ಇನಿ ಕಲ್ಲುರ್ಟಿ,ಗುಳಿಗನ್ ಪೂರ ತೂನಗ ದಾದ ಬಣ್ಣಂದೇ ಗೊತ್ತಾವೊಂದಿಜ್ಜಿ.ಪುಟ್ಟುರ್ದು ಸಾವುಮುಟ್ಟದ ಆಚರಣೆಲು ಸಂಪೂರ್ಣ ವೈದಿಕ ಅಯಿಲೆಕ ತುಳುನಾಡ ದೈವಾರಾದನೆದ ಮೂಲ ಪರಂಪರೆ ನಾಶ ಆವೊಂದುಂಡು.

ಕೊರಗತನಿಯನ ಮೂಲ ಕಥೆ-ಕೊರಗ ಜನಾಂಗದ ಹಿರಿಯೆರ್ ನಮಕ್ ಪಂಡಿನವು
ವೀಡಿಯೊ ಕೊಂಡಿ-https://youtu.be/sPVqY3Ryo.mY
ಮಾಯಿತಿ :-
ಎಂ.ಸುಂದರ.ಬೆಳುವಾಯಿ
 ಕೊರಗರ ಸಂಘದ ದಕ್ಷಿಣ ಕನ್ನಡ ಜಿಲ್ಲಾ ಗುರ್ಕಾರ್ರ್

ಪೂರಕ ಬರವು-ಬಾಬು ಕೊರಗ ,ಕೊರಗ ಭಾಷಾ ತಜ್ಙೆರ್