ಬಲಿ
.jpg)
ರಾಜಂದೈವೊಲ್ನ ಬಲಿಕ್ ಪೊಸ ಕರಟ್ ಒಂಜಿ ಸೇರರಿತ ಉರ್ಪೆಲರಿತ ನುಪ್ಪು ಮಲ್ತ್ ದ್ ಬಲಸುವೆರ್.ಆ ನುಪ್ಪುಗು ಮಂಜಲ್,ಸುಣ್ಣ ಬಿರಾದುಪ್ಪುವೆರ್.ಪಂರ್ದ್ ತುಂಡು ಮಲ್ತ್ ಬಲಿಕ್ ಪಾಡ್ವೆರ್.ಬಲಿತ ಉಲಯಿ ಬಚ್ಚಿರೆ ಬಜ್ಜೆಯಿ ದೀಪೆರ್.ಬಲಿಕ್ ಬಲಸಿ ನುಪ್ಪುಗು ಸುತಾಲ 5 ಪಿಂಗಾರದೆಸಲ್ ಕುತ್ತುವೆರ್.ನಡುಕು ಬಲಿ ಕುತ್ತು ಕುತ್ತುದು ಅವೆಟ್ ನಿನೆ ಪೊತ್ತವೆರ್.
ಬಲಿ ಮುಕ್ಕರಿಗೆ/ಲಿಗೆದಡಿಟ್ ಸ್ವಸ್ತಿಕ್ ಸುಣ್ಣೊಡು ಬರೆದ್ ಅವೆತ ಮಿತ್ತ್ ಉರ್ಪೆಲರಿ ಪಾಡ್ದ್ ,ಅವೆತ ಮಿತ್ತ್ ಕೊಡಿರೆ ಪಾಡ್ದ್ ಅವೆತ ಮಿತ್ತ್ ಉರ್ಪೆಲರಿ ಪಾಡ್ದ್ ಜುಟ್ಟಿಜ್ಜಂದಿ ತಾರಾಯಿ,ಬಚ್ಚಿರೆ,ಬಜ್ಜೆಯಿ ದೀಪೆರ್.ಜುಮದಿ,ಮಲರಾಯೆ,ಇಂಚಿನ ರಾಜಂದೈವೊಲೆಗಾಂಡ ಬಲಿತ ಕಾರ್ ದ ಸುತಾಲ ಇಡಿಯಾದ್ ಕೆತ್ತಿನ 5 ಬೊಂಡ ದೀಪೆರ್.ಅಂಚನೆ ಕಲಿತ ಕುಜಿಲಿನ್ ಬಾಡದಿನ ಬಾರೆದಿರೆಟ್ ಪೊದ್ದಿದ್ ಕುಜಿಲಿದ ಬಾಯಿಗ್ ಕಾಡ ಕೇಪುಲು ಮಾಲೆ ಕಟ್ಟ್ ದಿಪ್ಪುವೆರ್.ದೈವ ಬಲಿಕ್ ಸುತ್ತು ಬತ್ತ್ ದ್ ಕಡ್ಸಲೆಡ್ ಕುಜಿಲಿದ ಮುಚ್ಚಿನ ಬಾರೆದಿರೆಕ್ ಕುತ್ತಿ ಬೊಕ್ಕ ಉಗ್ರ ಆಪುಂಡು.ಬೊಕ್ಕ ದೈವದ ಗಡಿಯಾಪುಂಡು.ಅವೆರ್ದ್ ಬೊಕ್ಕ ದೈವದ ಉಗ್ರ ಕಮ್ಮಿ ಮಲ್ಪೆರೆ ದುಂಬು ಬಲಿಕ್ ಕೋರಿ ಕೊಯ್ಯೊಂತೆರ್.
ಇನಿ ಕೆಲವೆರ್ ಕೋರಿ ಕೊಯ್ಲೆಕ ಮಲ್ಪುವೆರ್.ಕೆಲವೆರ್ ಕೊಯ್ಪೆರ್.
No comments:
Post a Comment