ಕಡ್ಸಲೆಡ್ ಅಲವುದ ಕಡ್ಸಲೆ ಪಿರಾಕ್ ದ .ಇನಿ ಬೊಳ್ಳಿ,ಬಂಗಾರ್ ಮುಚ್ಚಿನ ಕಡ್ಸಲೆ ಬತ್ತಿಪ್ಪು.ದೈವ ನೇಮದೆಚ್ಚಿಡ್ ಆಯುದ ಪಗರ್ನಗ ಪೊಸ ಕಡ್ಸಲೆ ಪತೊಂದು ನೇಮ ನೆರಿ ನಡತ್ಂಡಲ ನುಡಿ ಕೊರ್ನಗ ಪಿರಾಕ್ ದ ಅಲವುದ ಕಡ್ಸಲೆ ಪತೊಂದು ಅಭಯ ಕೊರ್ಂಡ ಅವೆತ ಪಲನೇ ಬೇತೆ.ಅವೆಕಾದ್ ದೈವದ ಆಯುಧ ಕಲೆಕ್ ಮಾನಾದಿಗೆ ಜಾಸ್ತಿ.ಕಡ್ಸಲೆ ಬೀಜಾವುನ ಕೆಲವೊರ ದೈವದ ಕಲೊಟು ತೂವೆರೆ ತಿಕ್ಕುಂಡು.ಆಂಡ ದೈವ ಮಿನಿ ಕಡ್ಸಲೆ ನೆಲಕ್ ಊರ್ಂಡ ಬಾರೀ ಮಲ್ಲ ದೋಷ.ಬಾಲ್ ಬಂಡಾರ,ಕಿರುವಾಲ್ ಬನ್ನಗ ಈ ಬಾಲ್ ಪಂಡ ಬಗ್ಗ್ ದ್ ನ ಕಡ್ಸಲೆ ಉಪ್ಪುಂಡು.ದೈವದ ಕೈಟ್ ನೆಮೊಡು ಕಡ್ಸಲೆ,ಅಡ್ಡಣ/ಕೈತಟ್ಟೆ ಇತ್ತ್ಂಡ ವಲಸಾರಿಡ್ ಬೋಂಟೆದ ಒರುವಾದ್ ಬಿರು ಪಗರಿ ಉಪ್ಪುಂಡು.ಬೈದೆರ್ಲೆ ಕೈಟ್ ಸುರಿಯ ಉಪ್ಪುಂಡು. ಇಲ್ಲದೆಚ್ಚಿದ ದೈವದ ಕೈಟ್ ಬೆತ್ತ ಉಪ್ಪುಂಡು.
No comments:
Post a Comment