ಬಿಸು ಕಣಿ ತೂಕ

                   ‌‌‌‌‌‌      ಬಿಸು ಕಣಿ ತೂಕ

  

                                  *ಬಿಸು ಕಣಿ ತೂಕ*

ಬಾನ ಬಿಸು ಪುಡ್ಯಾಡ್ದ್ ಸುಗ್ಗಿ ಕಡೆದಿನ ಪಗ್ಗು 

ಸಂಕ್ರಾಂತಿ, ಸಿಂಗೊಡೆಗ್ ಕಣಿನ್ ದೀತ

ಮೊರಂಪುನೂರುದು ಬೂಮಿ ಪೆರಿಯ ಕಾರ್ ಗ್ ಪುಡ್ಯ

ಗಂಧ ಪುರ್ಸದ ಪಾಡ್ದ್ ಕಣಿನ್ ತೂತ

ಕನ್ನಡಿಡ್ ಮೋನೆನ್ ತೂದು ಲಕ್ಕ್ ದ್ ಉಂತ್ಯ

ತುಳುವೆರೆಗ್ ಅಂಡ್ ಬಿಸು ಪೊಸತ್ ವರ್ ಸ

ಕಜೆ ಬಿದೆನ ಮಡಿ ಬಿದೆನ

ಗೇಣಿ ದನಿ ಒಕ್ಕೆಲ್ ದ

ಗಡು,ಕುದಿತ ಸಿಂಗೊಡೆದ ಎಡ್ಡೆ ಮದಿಪು

ಕೂಡು ಕುಟುಮದ ನಡುತ

ನಾಲೆರೂ ಮಾದಾದ್

ಕೈ ಬಿತ್ತ್ ಪಾರಾದ್ ಪೊಸತ್ ಕೊಡಿಪು

  

ಪರ್ವ ಬಲಸುನ ನೇಮ

ಕಾಲಾದಿ ಕಟ್ಟಲೆಡ್

ಸತ್ಯದಾ ಬುಳೆಕಾದ್ ಬಿಸ್ 

ಪಾಡ್ ದ್

ಉದಿಪು ದೇವೆರ್ ಬೆಂದಿ ಸಾದಿ ತುಳುವೆರೆನವುಲ

ಗುಂಡ ಮಾಡೊಗು ಕುಕ್ಕು ತಪ್ಪು ಕಟ್ ದ್

ಇರ್ಲ್ ಐತದ ಕಣಿಕ್

ಕೈ ಮುಗಿದ್ ಸತ್ಯೊಲೆಗ್

ತುಡರ ಕೋಣೆಡ್ ಬುಳೆತ

ಪೊರ್ಲು ಸಿಂಗಾರ

ಮೂಡಾಯಿ ಕೈ ಮುಗಿದ್

ತಾರಾಯಿ ಕುಟ್ಟ್ ದ್ ನ

ಅಡ್ಯೆ ಗೌಜಿದ ಒಣಸ್

ಎಲುಕು ಆಧಾರ

ಪಜೆ ಕುರುವೆ ತುಳುವೆರೆನ ಅಡ್ಯೆದಾವಾರ

ಪೊಲಿ ಪೊಲ್ಸು ಎಚ್ಚಾದ್ ಪಾಲೆ ಪಿಂಗಾರ

-ಕೆ.ಮಹೇಂದ್ರ ನಾಥ್ ಸಾಲೆತ್ತೂರು