ನಾಗರ ಪಂಚೆಮಿ
ನಾಗೆ ಇಲ್ಲದುಲಯಿ ಅಪಗಪಗ ಬರ್ಪುಂಡು ಪಂಡ ಅವು ನಾಗ ದೋಷ ಅತ್ತ್.ಪುಂಚ ಬೊಕ್ಕ ನಾಗಗ್ ನೇರ ಸಂಬಂದ ಇಜ್ಜಿ.ಪುಂಚ ಉದಲ್ ಇಲ್ಲ್.ಬೂಮಿದಡಿ ವಸರಿತ್ತ್ ನಲ್ತ್ ಉದಲ್ದ ಪುಂಚ ಲಕ್ಕುಂಡು.ಆ ಸಂಪುದ ಪುಂಚೊಡು ಕುಲ್ಲೆರೆ,ಉದಲ್ ತಿನೆರೆ ನಾಗೆ ಅವ್ಲು ಕುಲ್ಲುಂಡು.ತುಳುವೆರೆಗ್ ನಾಗೆ ಬೂತ ವಿನಃ ದೇವೆರತ್ತ್.ಅಂಚಾದ್ ದೈವೊಲೆಗ್ ತಂಬಿಲ ಕರಿತ್ ಲೆಕೊನೆ ನಾಗಗ್ಲ ತುಳುವೆರ್ ತಂಬಿಲ ಕರಿತೊಂತೆರ್.ನಾಗಾರಾದನೆಗ್ ಪೊಸತೊಂಜಿ ಆಚಾರ ಬನ್ನಗ ನಾಗೆ ದೆವೆರಾಯೆ,ಆಯಗ್ ತನು ಮೈತೆರ್.ನಾಗನ್ ಬೂತ ಆದ್ ತುಳುವೆರ್ ಆರಾದನೆ ಮಲ್ಪುನೆಕ್ ನಾಗಕೋಲ,ಸರ್ಪಕೋಲೊಲೆ ಸಾಕ್ಷಿ.
ಪ್ರಕೃತಿಡ್ ಒವ್ವೇ ಜೀವಿಲು ಜಾಸ್ತಿ ಅನಗ ಅವೆನ್ ಸರಿಯಾದ್ ಒರಿಪೆರೆ ಪ್ರಕೃತಿ ಬೇತೊಂಜಿ ಜೀವಿನ್ ಸೃಷ್ಠಿ ಮಲ್ಪುಂಡು.
ನಾಗೆ ಇಲ್ಲದುಲಯಿ ಬರ್ಪುಂಡು ಪಂಡ ಇಲ್ಲದುಲಯಿ ಅವೆಕ್ ಬೊಡಾಯಿನ ಆಹಾರ,ಎಲಿ ಉಂಡುಂದೆ ಲೆಕ್ಕ.ಕೇರಿ ಎಲಿನ್ ನಿಂಗ್ಂಡ ನಾಗೆ ಕೊಡತ್ದ್ ಕೆರಿ ಬೊಕ್ಕ ನಿಂಗುಂಡು.
ಕೇರೆಗ್ ಒರ ಪೆಟ್ಟ್ ಪಾಡ್ಂಡ ಅವು ಕುಡ ಇಲ್ಲದುಲಯಿ ಬರಂದ್..
ನಾಗೆ ಅಂಚತ್ತ್.ಒರ ಬೋಂಟೆನ್ ತೂಂಡ ಇಲ್ಲದುಲಯಿ ಮಸ್ತ್ ಸರ್ತಿ ಬರ್ಪುಂಡು.ಅವು ಅಹಾರ ನಾಡೊಂದು ಬರ್ಪುನಿ ವಿನಃ ಅವೆನ್ ಏರಾ ನಾಗ ದೋಷ ಪಂಡೆರ್ಂದ್ ಆಷ್ಲೇಶ ಬಲಿ ಮಲ್ಪೊಡುಂದಿಜ್ಜಿ.ಮಲ್ತ್ಂಡ ಎಲಿ ಬರ್ಪುನ ಕಮ್ಮಿಯಾವಂದ್.
ನಾಗೆ ಒರ ತೂಯಿನ ಬೋಟೆದ ಎಲಿ ಸೈತ್ ದ್ ಕುರಿಂಡಲ ತಿನಂದೆ ಬುಡಂದ್.
ಆಷ್ಲೇಷ ಬಲಿತ ಆಹಾರೊನು ಬಡವೆರೆಗ್ ಕೊರೊಡು ಪನ್ಪಿ ಒಂಜಿ ನಂಬೊಳಿಗೆ ಉಂಡು.ಆರೀತಿಡಾಂಡಲ ಅಕ್ಲೆ ಸರ್ರೊಗು ಪ್ರೋಟೀನ್ ತಿಕ್ಕಡ್ಂದ್.ಉಚ್ಚುಲು ಇಲ್ಲದ ಪಿದಯಿ ತುಚ್ಚುವ ವಿನಃ,ಬೇನೆಯಾಂಡ ತುಚ್ಚುವ ವಿನಃ ಇಲ್ಲದುಲಯಿ ತುಚ್ಚುಜಿ.
ನಾಗೆ ನಮ ದೂರ ಉಂತೆರೆಂದ್ ಸುರುಕು ಜಿಡೆ ಅರಲ್ತ್ ದ್ ಪೋಡ್ಯಾವುಂಡು,ಪೋಡಿಜಿಂಡ ಸುಂಯ್ತ್ ದ್ ಪೋಡ್ಯಾವುಂಡು,ಅವೆಕ್ಲಾ ಬಗ್ಗ್ ಜಡ ನೆಲಕ್ ಕೊಡತ್ ದ್ ಪೋಡ್ಯಾವುಂಡು.ಅವು ನಮನ್ ದೂರ ಉಂತಯೆರೆ ಅಂಚ ಮಲ್ಪುನಿ ವಿನಃ ಅವೆಕ್ ನಮಡ ಪಗೆಲಾ ಇಜ್ಜಿ,ನಮಕ್ ದೋಷಲಾ ಅವೆಡ್ದಿಜ್ಜಿ.
No comments:
Post a Comment