ಬೂತ ಕಲ್ಪ ಬೂತೊಲೆಗ್ ಮಂತ್ರ ಬರೆಯಿನ ಕಲ್ಯ ಗೋಪಾಲ ಬಟ್ರ್

     ಬೂತ ಕಲ್ಪ ಬೂತೊಲೆನ ಮಂತ್ರದ ಬೂಕು

        ಬರೆಯಿನಾರ್-ಕಲ್ಯ ಗೋಪಾಲ ಬಟ್ರ್

  

    ಬಾರೀ ದುಂಬುಡು ಬೂತೊಲೆಗ್ ಮಂತ್ರ ಬರೆಯಿನಾರ್ ಕಾಪು ಕಲ್ಯದ ಗೋಪಾಲ ಬಟ್ರ್.ಬೂಕುದ ಪುದರ್" ಬೂತಕಲ್ಪ".ಕಲ್ಯ ಬೂಡುಗು ಪೋಪುನ ಸಾದಿಡ್ ಅರೆನ ಇಲ್ಲ್ ಇತ್ತ್ ದ್ ಆ ಕಾಲೊದ ಪ್ರಖಾಂಡ ಪಂಡಿತೆರ್ ಆರಾದಿತ್ತೆರ್.ಕಲ್ಯ ಗೋಪಾಲ ಬಟ್ರ್ ಮಲ್ಲ ಜೋಯಿಸೆರಾದಿತ್ತ್ ದ್ ಜ್ಯೋತಿಷ್ಯ ಸಮ್ಮೇಳನೊಡೊರ ಅಧ್ಯಕ್ಷೆರಾದ್ ಲ ಮಾನಾದಿಗೆ ಪಡೆಯಿನಾರ್..ಅಂಚನೆ ಸಂಸ್ಕೃತದ ಮಲ್ಲ ವಿದ್ವಾಂಸೆರಾದಿತ್ತೆರ್ಂದ್ ಅರೆನ್ ಮುಟ್ಟೊಡು ತೆರಿನ ತುಳುನಾಡ ಹಿರಿಯ ಜನಪದ ವಿದ್ವಾಂಸೆರಾಯಿನ‌ಕೆ.ಯಲ್.ಕುಂಡಂತಾಯೆರ್ ಅರೆನ್ ನೇರ್ಪು ಮಲ್ಪುವೆರ್.ದೈವದ ಕಲೊಕು ಅರಾದನೆಗ್ ಅಪಗ ಪೋಪುನ ಕೆರಮ ಇಜ್ಜಾಂಡ್.ಆಂಡ ತುಲುವೆರ್ದಯವದ ಕಲೊಕು ಎಚ್ಚಾದ್ ಸುದ್ದಾಚಾರೊಗುಂದು ಬೆರಣೆರೆನ್ ಲೆತ್ತೊಂತೆರ್.ಅಪಗ ವೈದಿಕ ಬೆರಣೆರೆಗ್ ಅವೈದಿಕ ಆರಾದನೆದ ದೈವೊಲೆನ್ ಎಂಚ ಅರಾದನೆ ಮಲ್ಪೊಡುಂದು ತೆರಿಯಂದೆ ಪೋಂಡು.ದೈವೊಲೆಗ್ ಮದಿಪು,ಸಂದಿ ಪಾಡ್ದನ.ವೈದಿಕೆರೆಗ್ ಅವು ತೆರಿಯಂದ್ ಅಂಚಾದ್ ದೈವೊಲೆಗ್ ಮಂತ್ರೊಲೆನ್ ಅರೆಗ್ ಬರೆಪುನ ಅನಿವಾರ್ಯತೆ ಬತ್ತ್ಂಡ್.ಅವೆನ್ ಬರೆಯೆರ್ಡಲಾ ಅರೆನ ಉಡಲ್ ಡ್ ಅವು ಸರಿ ಅತ್ತ್ ಪನ್ಪಿ ಭಾವನೆ ಒರಿದೇ ಇತ್ತ್ಂಡ್.ನಾಗನ,ದೈವೊಲೆನ ಅರಾದನೆಗ್ ವೈದಿಕ ಬೆರಣೆಯಾದ್ ಪೋನಗ ನಾಗಗ್,ದೈವೊಲೆಗ್ ಮಾನಾದಿಗೆ ಮಂತ್ರ ಮುಖೇನ ಕೊರಡ್ಂದ್ ಈ ಬೂಕುನು ಬರೆಯೆಂದ್ ಅರೆನ ಅತ್ಮೀಯೆರಾಯಿನ ಕುಂಡಂತಾಯೆರೆಗ್ ತೆರಿಪಾದಿತ್ತೆರ್ ಗೆ.ನಿಜವಾದ್ ಆರ್ ಬೂತೊಲೆಗ್ಂದ್ ಮಂತ್ರ ಬರೆತಿನತ್ತ್,ದೈವೊಲೆಗ್ ವೈದಿಕೆರಾದ್ ಆರಾದನೆ ಮಲ್ಪುನಗ ವೈದಿಕದ ಮಂತ್ರಮುಖೇನ ಆರಾದನೆ ಮಲ್ಪುಲೆಂದ್ ವೈದಿಕೆರೆಗಾದ್ ಆರ್ ಮಂತ್ರ ಬರೆತ್ ನಿ.ಅಂಚನೆ ಪಂಜುರ್ಲಿಗ್ಂದ್ ವೈದಿಕ ಮಂತ್ರ ಪನ್ನಗ ವಿಷ್ಣುನ ಮಂತ್ರ ಅಡೆ ಕನತ್ ದ್ ಪನಡೆ,ಈಶ್ವರನ ಬಗೆಟ್ ಆರಾದನೆ ಮಲ್ಪುನಗ ಈಶ್ವರಗ್ ಸಮ್ಮಂದ ಇತ್ತ್ ನ ಮಂತ್ರೊಲೆನೇ ಪನ್ಲೆ,ನವಗ್ರಹ ಶಾತಿ ಓಮ ಮಲ್ಪುನಗ ಆಯಾ ಗ್ರಹತ ಸರಿಯಾಯಿನ ಮಂತ್ರೊಲೆನೇ ಪನ್ಲೆಂದ್, ಇಂಚಿನ ಕೆರಮೊಲೆನ್ ಸರಿಯಾದ್ ಮಲ್ಪುಲೆಂದ್ ದೈವೊಲೆಗಾದ್ ವೈದಿಕ ಮಂತ್ರೊಲೆನ್ ಆರ್ ಬರೆದ್ ಕೊರ್ತೆರ್ .ಇನಿ ದೈವದ ಚಾಕಿರಿಗ್ ಪೋಪಿನ ವೈದಿಕೆರ್ ಬೂತ ಕಲ್ಪ ಬೂಕುನೇ ಪತೊಂದು ಪೋಪೆರ್ .ಅಲ್ತ ಮಂತ್ರೊಲೆನೇ ಎಚ್ಚಾದ್ ಪನ್ಪೆರ್.ಅಂಚಿನ ಬೂತಕಲ್ಪ ಬರೆಯಿನ ಜೋಯಿಸೆರ್ ಒಂಜಿ ಪುಲ್ಯಕಲ ಲಕ್ಕ ದ್ ಪೋಯಿನಾರ್ ಓಡೆ ಪೋತೆರ್ ಪನ್ಪಿ ಇಚಾರ ಎತ್ ಕಾಲ ಕರಿಂಡಲ ತೆರಿಯಂದೆ ಪೋಂಡುಗೆ.