ಬರ್ಸದ ನಚ್ಚತ್ರೊಲು
ಕಾಲದ ಒರುಟು ರಡ್ಡ್ ಕಾಲ.ಅರೆಗಾಲ ಬೊಕ್ಕ ಮರಿಯಾಲ..ಬರ್ಸದ ಲೆಕ್ಕೊಡು ತೂಪುಂಡ ಆಟಿರ್ದ್ ಬೊಕ್ಕ ಅರೆಗಾಲ.ಮಾಯಿರ್ದ್ ಬೊಕ್ಕ ಮರಿಯಾಲ.
ತುಳುವೆರ್ ಬರ್ಸೊನು ನಚ್ಚತ್ರದ ಆದಾರೊಡು ಲೆಕ್ಕ ಪಾಡೊಂತೆರ್.ಬರ್ಸದ ಒರುಟು ಪ್ರದಾನವಾದ್ ನಾಲ್ ನಚ್ಚತ್ರೊಲು ಬರ್ಪ.ಅಪಗ ಕೀರಿಕುಟ್ಟುದು ಜಡಿಬರ್ಸ ಬರ್ಪುಂಡು.. ಬರ್ಸೊಗು ನಿಗಾಂಟ್ಂದ್ ಉಪ್ಪುನ ನಕ್ಷತ್ರೊಲು ಮೃಗಶಿರೆ,ಆರ್ದ್ರೆ,ಪುನರ್ವಸು,ಪುಷ್ಯ. ಬೊಕ್ಕ ಆಸ್ಲೇಷ..ಆಶ್ಲೇಷ ತಾರಗೆ ಆಶ್ಲೇಷ ಮಲ್ಲ ಸಂಗತಿಂದ್ ದಾಲ ಅತ್ತ್.ಆಂಡ ಅವೆರ್ದ್ ಬೊಕ್ಕ ಬಾರಿ ಪೊರ್ಲುದ ಬರ್ಸ ಮಕೆ ಹುಬ್ಬೆ ನಚ್ಚತ್ರದ ಬರ್ಸ.ಆಸ್ಲೇಷದಲ್ಲಿ ಮಳೆ ನಿಂತ ಬಿಸಿಲೇ ಲೇಸುಂದು ಪನೊಂತೆರ್.ಆಸ್ಲೇಷದ ಬರ್ಸೊಡು ನಂಜಿ ಪುರಿ ಇಸಾಂಶ ಜಾಸ್ತಿ.ಆ ನಚ್ಚತ್ರೊಡು ಬರ್ಸಲ ದೊಂಬುಲ ಒಟ್ಟೊಟ್ಟುಗು ಬರ್ಪುನಿ.ದುಂಬುದ ಲೆಕ್ಕೊಡು ಮಾತ ಆಸ್ಲೇಷ ನಚ್ಚತ್ರೊಡು ಬರ್ಸ ಬತ್ತಂಡ ಕೆಯ್ ಕಂಡೆಪುರಿ ಇತ್ಯಾದಿ ಆಪುನಿ,ಕರವುನಿ,ನರಮಾನ್ಯಗ್ ಮಾತ ಎಚ್ಚಿ ಕಮ್ಮಿ ಕೈ ಕಾರ್ ಡ್ ಮಾತ ನಂಜಿ ಪುರಿ ಆಪುನಿ, ಅಯಿರ್ದ್ ಬೊಕ್ಕದ ಬರ್ಸ ಬರ್ಪುನ ಪೊರ್ಲುದ ನಚ್ಚತ್ರನೆ ಮಕೆ ಉಬ್ಬೆ.ಅಪಗ ಕೆಯ್ ಪಯ ಆದ್ ಪೊಟ್ಟೆ ಆನಗ ಅಯಿಟ್ ಪೇರ್ ದಿಂಜುನ ನಚ್ಚತ್ರ ಮಕೆ ಉಬ್ಬೆ.ಅಯಿಟ್ ಜಡಿ ಬರ್ಸದ ನಚ್ಚತ್ರೊಲು ಒವು ಪಂಡ ಮೃಗಶಿರ,ಆರಾದ್ರೆ,ಪುನರ್ವಸು ಬೊಕ್ಕ ಪುಷ್ಯ.ಈ ನಾಲ್ ನಚ್ಚತ್ರ ರಡ್ಡ್ ತಿಂಗೊಲು ಪೊರ್ಲ ಗಂಟ್ ದ ಬರ್ಸ ಬರ್ಪುನ ಕಾಲ.
ಬರ್ಸದ ಬಗೆಟ್ ತುಲುಟು ಉಪ್ಪುನ ಕೆಲವೊಂಜಿ ಪಾತೆರೊಲು- ಮೃಗಸಿರದ ಬರ್ಸೊಗು ಮುರ್ಗೊಲೆಗ್ ಚಳಿ ಪತ್ತೊಡು.
ಆರ್ದ್ರೆದ ಬರ್ಸ ಅಡರ್ಡ್ ಕೊರ್ಲೆಕ ಆವೊಡು.
ಪುನರ್ವಸುದ ಬರ್ಸ ಪುಣ ಪಿದಯಿ.ದೀಯೆರ್ಲ ಬುಡಂದ್.
ಪುಸ್ಯೆದ ಬರ್ಸೊಗು ಪುಚ್ಚೆದ ಪುಣ ಪಿದಯಿ ದೀಯೆರ್ಲ ತಿಕ್ಕಂದ್.
ಪುನರ್ವಸು ಬೊಕ್ಕ ಪುಷ್ಯ ನಕ್ಷತ್ರೊಲು ಆಟಿ ತಿಂಗೊಲ್ಡೆ ತಿಕ್ಕುಂಡು.
ಮುರ್ಗಸಿರ ನಚ್ಚತ್ರೊಡು ಮುರ್ಗೊಲೆಗ್ ಚಳಿ ಪತ್ತುಂಡು ಪಂಡ ಮುರ್ಗೊಲು.ಪೂರ ಕಾಡ್ ಡ್ ದೆಂಗ್ ದ್ ಕುಲ್ಲುವ.ಮೂಲು ನಾಡ್ ಡ್ ಬೆನ್ನಿ ಸಾಗೊಳಿ ಸುರಾಪುಂಡು.ಅರ್ದ್ರೆಡ್ ಬರ್ಸ ಬತ್ತ್ಂದಾಂಡ ಆ ಪೊರ್ತುಗು ಒವ್ವೇ ಸಾಗೊಳಿ ಮಲ್ತ್ಂದಾಂಡ,ನಟ್ಟಿಕಾಯಿ ಮಲ್ತ್ಂದಾಂಡ ಅವು ಜೂವ ಪತ್ತುಂಡೆ,ಫಲ ಕೊರ್ಪುಂಡೆ.ಪುನರ್ವಸುಡು ಬರ್ಸ ಬತ್ತ್ಂಡ್ಂದಾಂಡ ಪುಣ ಪಿದಯಿ ದೀಯೆರೆ ಬುಡಂದ್ ಪನ್ಪುನೆಡ್ದ್ ಲ ಇತ್ತ್ ನ ಕಜವು ಕಜಾನೆಲು ಪೂರ ಪೋದು ಬೂಮಿ ನಿರ್ಮಲ ಆಪುಂಡು.ಪುಷ್ಯೊಡು ಬರ್ಸ ಬತ್ತ್ ನ್ಂದಾಂಡ ಜೀವ ಪತ್ತ್ ನ ಪೂರ ಪಿಲ್ಲೆ ಪುಡಾವುಂಡು.ಆಸ್ಲೇಷೊಡು ಬರ್ಸ ಬತ್ತ್ಂಡ ರೋಗ ರುಜಿನ ಜಾಸ್ತಿ..ಅಂಚಾದ್ ಅವೆರ್ದ್ ದುಂಬೆ ಬರ್ಸ ಬರೊಡು.ಅವೆರ್ದ್ ಬೊಕ್ಕ ಮಕೆ ಉಬ್ಬೆಡ್ ಬರ್ಸ ಬತ್ತ್ಂಡ್ಂದಾಂಡ ಕೆಯಿ ಪೊಟ್ಟೆಯಾದ್ ಪಯ ಆಪುನ ಪೊರ್ತವು.ಪೊಟ್ಟೆಡ್ ಪೇರ್ ದಿಂಜಿದ್ ಬಾರ್ ಪೊರ್ಲುಡು ನಮಕ್ ನೆಗತ್ ಬರ್ಪುನ ಪೊರ್ತು.
.
No comments:
Post a Comment