ಮಾರಿ ತೂಟೆ

ಮಾರಿ ತೂಟೆ

  

ಮುಗೇರ ಜನಾಂಗದಕುಲು ಬೆದ್ರಕಣೆಟ್ ಕಟ್ಟ್ ನ ಮಾರಿಸೂಟೆ

ದೈವಾರದನೆದ ಪದಿನಾಜಿ ಚಾಕಿರಿ ವರ್ಗೊಲೆಡ್ ಮುಗೇರ ಸಮುದಾಯದಕುಲು ರಾಜಂದೈವೊಲೆನ ನೇಮದಪಗ ಕಟ್ಟುನ ಮಾರಿ ತೂಟೆಲಾ ಒಂಜಿ.ಮಾರಿ ಪಂಡ ಮಲ್ಲ ಪಂಡ್ ದ್ ಅರ್ಥ ಉಂಡು.ಮಾರಿ ಬಲೆ,ಮಾರಿ ಕಿದೆ,ಮಾರಿ ಜರ ಇಂಚ ಮೂಲು ಪೂರ ಮಾರಿ ಪಂಡ ಮಲ್ಲಂದ್ ಅರ್ಥ.ಅಂಚನೆ ಮೂಲು ಮಾರಿ ತೂಟೆ ಪನ್ಪುನವ್ಲು ಮಲ್ಲ ತೂಟೆಂದ್ ಅರ್ಥ ಬರ್ಪುಂಡು.ಮಾರಿ ತೂಟೆನ್ ಎಚ್ಚಾದ್ ರಾಜಂದೈವೊಲೆಗ್ ಬೋಡಾದ್ ಮುಗೇರ ಸಮುದಾಯದಕುಲು ಕಟ್ಟುವೆರ್.ಮಾರಿತೂಟೆಗ್ ಒಟ್ಟು 24 ಕಟ್ಟ ಉಪ್ಪುಂಡು.ನರೆಂದೆದ ಬೂರುಡೇ ತೂಟೆಗ್ ಕಟ್ಟ ಪಾಡೊಡು.ದೈವಾರಾದನೆದ ಪದಿನಾಜೆತ ಕಲ್ಪನೆಲ ಮೂಲು ಉಂಡು,ಎಂಚ ಪಂಡ ಬಾರಿ ಮಲ್ಲ ತೂಟೆ ಆಯಿನ ಮಾರಿ ತೂಟೆನ್ ಕಟ್ಟ್ ನಗ ಆ ಸಮುದಾಯದ ಪದಿನಾಜಿ ಜನೊಕುಲು ಸೂಟೆ ಕಟ್ಟೆರೆ ಒಟ್ಟುಗೆ ಬೋಡುಗೆ.ದೈವದ ಗಗ್ಗರದೆಚ್ಚಿದ ದುಂಬು ಬಲಿಮುಕ್ಕರಿಗೆಡ್ ಬಲಿಕುತ್ತು ಕುತ್ತ್ ನಗ ಮಾರಿ ತೂಟೆ ಪೊತ್ತವೆರ್.ದೈವ ಅಣಿ ಏರ್ನಗ ಮಾರಿತೂಟೆಗ್ ಏರ್ತ್ ದ ಸೂ ಕೊರ್ಪುನ ಕೆರಮಲ ಉಂಡು.

ಮಾರಿಸೂಟೆದ ಬಗೆಟ್ ಬೇತೆ ಬೇತೆ ಇಚಾರೊಲುಲ್ಲ.ಮಾರಿ ತೂಟೆ ಮಲ್ಲ ತೂಟೆಂದ್ ಅರ್ಥ ಇತ್ತ್ಂಡ ನನೊಂಜರ್ಥದ ಪ್ರಕಾರಾತ್ ಮಲ್ಲ ಮಾರಿತೂಟೆ ಸಂಕಪಾಲನ ಕಲ್ಪನೆಗೆ.ಅಂಚನೆ ಮಾರಿ ತೂಟೆ ಎಚ್ಚಾದ್ ದೊಂಪದ ಬಲಿ ನೇಮೊಡು ತೂಯೆರೆ ತಿಕ್ಕುಂಡು.ಮಾಣಿ ಗ್ರಾಮೊಡು ಒಟ್ಟು ಪದಿನಾಜಿ ಜಾಗೆಡ್ ಗುಡಚಂಡಿನ ಆರಾದನೆ ಇತ್ತ್ ದ್ ಆರಾದನೆ ಆಪುನ ಮಾತ ಜಾಗೆಡ್ಲ ಮಾರಿ ತೂಟೆ ಉಪ್ಪುಂಡು.ನರರಿ ಪರ್ವತದ ಕೈತಲ್ ಅರದೆರೆ ಪಂಜುರ್ಲಿನ ನೇಮದಪಗಲ ಮಾರಿ ತೂಟೆ ಉಪ್ಪುಂಡು.

ಮಾರಿ ತೂಟೆದ ಮೂಲ ಅರ್ಥ ಹಿರಿಯ ಪೆರಿಯಾಕುಲು ಪನ್ಪುಲೆಕ ಇಂಚ ಉಂಡು.ದುಂಬುದ ಕಾಲೊಡು ಇನಿತಲೆಕ ಇರ್ಲ್ ನೇಮದಪಗ ಬೊಲ್ಪುದ ವ್ಯವಸ್ಥೆ ಇಜಾಂಡ್.ಅಂಚಿತ್ತಿ ಕಾಲೊಡು ದೈವದ ನೇಮ ನೆರಿ ನಡಪುನಗ ಇರ್ಲ್ ರ್ದ್ ಪುಲ್ಯಕಲ ಮುಟ್ಟ ಬೊಲ್ಪುದ ವ್ಯವಸ್ಥೆಗಾದ್ ಮಾರಿ ತೂಟೆ ಪೊತ್ತಾವೊಂತೆರ್.