ಪೈಚಿಲ್ ನೇಮ-ಪುದ್ದರ್ ಮೆಚ್ಚಿ
ತುಳುನಾಡ ದೈವಾರಾದನೆಡ್ ಅಪ್ರೂಪದ ಒಂಜಿ ಆರಾದನೆ.ಧರ್ಮ ನೇಮ , ಕಾಲದಿ/ವರ್ಸಾದಿ ನೇಮ,ಪೂಕರೆ ಕಂಬುಲ ನೇಮ,ಮ ಮೆಚ್ಚಿ,ಮೈಮೆ,ಕೋಲ,ಸೇವೆ ಇಂಚ ಬೇತೆ ಬೇತೆ ಪುದರ್ ಡ್ ದೈವಾರಾದನೆ ನಡತ್ಂಡ ಕೊಟ್ಯದಾಯನ,ಸಾನದಾಯನ,ದೊಂಪದ ಬಲಿ,ಕೆರೆ ನೇಮ,ಪುದ್ದರ್ ಮೆಚ್ಚಿ ಇಂಚಿಪ್ಪಿ ನೇಮ ನೆರಿ ನಡಪುವ.ಉಲ್ಲಾ ಲ್ದಿಗ್ ಎಚ್ಚಾದ್ ಮೆಚ್ಚಿ,ಪುದ್ದಾರ್ ಮೆಚ್ಚಿ ನಡಪುಂಡು.ದೈವಾರಾದನೆಡ್ ತೋಜಿದ್ ಬರ್ಪುನ ನನೊಂಜಿ ರೀತಿದ ನೇಮ ಅವ್ವೆ ಪೈಚಿಲ್ ನೇಮ.ಪುದ್ದಾರ್ ಮೆಚ್ಚಿಗ್ಲ ಪೈಚಿಲ್ ನೇಮೊಗ್ಲ ಒಂತೆ ಓಲ್ಪಡಿ ಇತ್ತ್ಂಡಲ ಪುದ್ದರ್ ಮೆಚ್ಚಿ ನೇಮನೇ ಬೇತೆ,ಪೈಚಿಲ್ ನೆಮನೇ ಬೇತೆ.ಬುಳೆ ಪಾಯೊಗು ಬತ್ತ್ ದ್ ಕೊಯ್ಯೆರಾಯಿನ ಪೊರ್ತುಡು ನಡಪುನ ನೇಮ ಪೈಚಿಲ್ ನೇಮ.ಮಲರಾಯಗ್ ಪೈಚಿಲ್ ನೇಮ ನಡಪುಂಡು.ಕೆಯ್ ಕೊಯ್ದ್ ಇಲ್ಲಡ್ ಪೊಸರಿ ಆನಗ ದೈವೊಲೆಗ್, ನಮ ಎಂಚ ಪೊಸರಿತ ಪುದ್ದರ್ ಉನ್ಪನ ಅವ್ವೇ ರೀತಿಡ್ ದೈವೊಲೆನ ಬಲಿಕ್ ಪೊಸರಿತ ನುಪ್ಪು ಪಾಡ್ದ್ ಪುದ್ದರ್ ಮೆಚ್ಚಿ ನೇಮ ಕೊರ್ಪ
No comments:
Post a Comment