ನವ ನಾಥೆರ್ನಕುಲು

                            ನವ ನಾಥೆರ್ನಕುಲು

ಜೋಗಿಲೆ ಇಲ್ಲಲ್ ಈ ಸಾಲ್ ಲೆನ್ ನಿಚ್ಚ ನೆನವರಿಕೆ ಮಲ್ಪುಗ

"ಅಗಮ್ ಅಗೋಚರ್ ನಾಥ್ ತುಮ್

ಪರ ಬ್ರಹ್ಮ ಅವತಾರ್.

ಖಾನನ ಕುಂಡಲ್ ಶಿರ್ ಜಠಾ

ಅಂಗ್ ವಿಭೂತಿ ಅಪಾರ್.

ಸಿಧ್ದ ಪುರುಷ್ ಯೋಗೇಶ್ವರೋ

ದೋ ಮುಝ್ ಕೋ ಉಪದೇಶ್.

ಹರ್ ಸಮಯ್ ಸೇವಾ ಕರೋ 

ಸುಬಹ್ ಶಾಮ್ ಆದೇಶ್.

ಆದೇಶ್,ಆದೇಶ್ .

ಮತ್ಸ್ಯೇಂದ್ರ ನಾಥ್- ಕ್ರಿ,ಶ.9ನೇ ಶತಮಾನ,
ಗೋರಖ್ ನಾಥ್-ಗೋರಕ್ಷನಾಥ್,
ಜಲಂದರ್ ನಾಥ್,
ಕಾನಿಫಾ ನಾಥ್,
ಚರಪಟಿ ನಾಥ್,
ನಾಗಾ ನಾಥ್,
ಭರ್ತೃಹರಿ ನಾಥ್,
ರೇವನ್ ನಾಥ್,
ಗಹಿನಿ ನಾಥ್

ನವನಾಥೆರತ್ತಂದೆ ನಾಥಿನಿಯಾದ್ ವಿರಾಗಿಣಿ ಆದಿತ್ತ್ ನ ಒರ್ತಿಯೇ ಒರ್ತಿ ಉಪ್ಪುನಾರ್ ಪಿಂಗಳಾದೇವಿ.ಆರೇ ಮಂಗಳಾದೇವಿಂದ್ ಲ ಪನ್ಪೆರ್.

ಅಹೆಪಾ ಸಾಮ್ರಾಜ್ಯದ ಆಡಳ್ತೆದಡಿತ ಕೇರಳ ಮಲಬಾರ್ ಪ್ರಾಂತ್ಯದ ಮಹಾರಾಣಿ ಆಯಿನ ಪ್ರಮೀಳೆ/ ಪ್ರೇಮಲಾದೇವಿ ಒರ ನಾಥ ಪಂಥದ ಸಂಸ್ಥಾಪಕೆರಾಯಿನ ಮತ್ಸ್ಯೇಂದ್ರ ನಾಥೆರೆನ್ ಅಲೆನ ರಾಜ್ಯೊಗು ಆರ್ ಬತ್ತ್ ದುಪ್ಪುನಗ ಬೇಟಿಯಾಪಲ್. ಯೋಗಿದ್ವಯೆರಾಯಿನ ಮತ್ಸ್ಯೇಂದ್ರ ನಾಥ,ಗೋರಕ್ಷ ನಾಥೆರೆ ಧರ್ಮ ಪ್ರಚಾರದ ಸಂದೇಶೊಲು ಅಲೆನ ಮಿತ್ತ್ ಪ್ರಭಾವ ಬೀರುಂಡು.ಅಂಚ ಆಲ್ ಇಹ ಲೋಕದ ಸಕಲ ಸಂಪೊತ್ತುಲೆನ ಮಿತ್ತ್ ನಿರಾಸಕ್ತಿಡ್,ಸಿಮಹಾಸನ ಬುಡುದು,ಸರ್ವೊನ್ಲಾ ಬುಡುದು. ಮತ್ಸ್ಯೇಂದ್ರ ನಾಥೆರೆ ಅನುಯಾಯಿಯಾದ್ ನಾಥ ಪಂಥದ ಸುರುತ ಯೋಗಿನಿಯಾದ್ ದೀಕ್ಷೆ ಪಡೆಪಲ್.ದುಂಬುಗು ಅಲೆಗ್ ಮತ್ಸ್ಯೇಂದ್ರ ನಾಥೆರ್ ಪಿಂಗಳಾದೇವಿಂದ್ ಪುದರ್ ದೀಪೆರ್.ಸ್ತ್ರೀ ಸಾಮ್ರಾಜ್ಯದವ ವಿರಾಗಿಣಿ ರಾಣಿ ಪಿಂಗಳಾದೇವಿ ಅರೆನೊಟ್ಟುಗು ಸಂಚಾರ ಮಲ್ತೊಂದು ಕೇರಳೊರ್ದು ತುಳುನಾಡನೇತ್ರಾವತಿ-ಪಲ್ಗುಣಿ ಸಂಗಮದ ಕರೆ ಬರಿಟ್ ತಪಸ್ಸ್ ಮಲ್ಪೆರೆ ಸುರು ಮಲ್ತ್ ದ್ ಕೈತಲ್ದ ಜಾಗೆಲೆಡ್ ಬಾರೀ ಪ್ರಸಿದ್ದಿಗ್ ಬರ್ಪಲ್.ಅಲೆನ ದರ್ಶನ ಮಲ್ತ್ ನಕ್ಲೆಗ್ ಕಷ್ಟ ಕೊರದೊಲು ದೂರಾದ್ ಎಡ್ಡೆ ಆವೊಂತ್ಂಡ್ ಗೆ.ದುಂಬುಗು ಆಲ್ ಅವುಲೆ ದಾದನ ಸಿರ್ಕ್ ಡ್ ತೀರುವಲ್.ಅವೆರ್ದ್ ಬೊಕ್ಕ ಕೈತಲ್ದ ಜಾಗೆದ ಜನೊಕುಲು ಅಲೆನ್ ಮಂಗಳಾದೇವಿಂದ್ ಲೆಪ್ಪೆರೆ ಸುರು ಮಲ್ತ್ ದ್ ಅಲೆಗೊಂಜಿ ಸಾನ ಕಟ್ಟಾಯೆರ್.ಕಾಲಾನುಬಾಗೊಡು ಬಾರೀ ವೈಬವೊಡು ನವೀಕರಣ ಮಲ್ತ್ ದ್ ದುಂಬುಗು ಈ ಪ್ರಾಂತ್ಯ ಮಂಗಳಾಪುರಂದ್ ಪ್ರಸಿದ್ದಿಗ್ ಬತ್ತ್ಂಡ್.ಪಿಂಗಳಾ ಪನ್ಪಿ ಸವ್ದ ಮೂಲತಃ ಸಂಸ್ಕೃತ ಸವ್ದ ಆದಿತ್ತ್ ದ್ ಸಂಸ್ಕೃತದ ಲ ಕಾರ ಕನ್ನಡೊಗು ಳ ಕಾರ ಆದ್ ಮಂಗಳಂದಾಂಡ್.
     ಮತ್ಸ್ಯೇಂದ್ರ ನಾಥೆರೆ ಪುದರ್ ಮಚ್ಛೇಂದ್ರ ಅದ್ ಬದಲಾದ್ ಮಂಜಿನಾಥ ಆದ್ ದುಂಬುಗು ಮಂಜುನಾಥ ಆಂಡ್.ಮಂಜುನಾಥೆನೇ ಮತ್ಸ್ಯೇಂದ್ರಾದಿನವನಾಥೆರೆ ರೂಪ ತಾಳಿಯೆಂದ್ ಕದಳೀ ಕ್ಷೇತ್ರ ಮಹಾತ್ಮೆಡ್ ಉಲ್ಲೇಖ ಉಂಡು.ಈ ಆಧಾರೊಡು ತೂಪುಂಡ ಮಂಜುನಾಥನ ಮೂಲ ಉದ್ಬವ ಲಿಂಗ ಸೋಮ ಸೂತ್ರೊಲಿಜ್ಜಂದಿ ಮೊರಬು ಶಿಲೆತ ಒಂಜಿ ರೂಪ.ದೇಲ್ಯದ ಉಚ್ಚಯ ಮೂರ್ತಿ ಬಿಂಬೊ ದ್ಯಾನಾಸಕ್ತ ಸಮಭಂಗಿಡಿತ್ತ್ ದ್ ಚತುರ್ಬಾಹು ಜಟಾಮುಕುಟ ಉಂಡು.ಮುಕುಟೊಡು ಋಷಿನ ರೂಪದಂಚ ಉಂಡು,ಯಜ್ಞೋಪವೀತ ಉಂಡು.ಮಿತ್ತ ರಡ್ಡ್ ಕೈಕುಲೆಡ್ ಶಂಖ ಬೊಕ್ಕ ಅಕ್ಷಮಾಲೆಲಿತ್ತ್ ದ್,ತಿರ್ತ ಕೈಕುಲು ಅಭಯವರದ ಮುದ್ರಾ ಹಸ್ತದೊರು ಉಂಡು‌.ಈ ಮೂರ್ತಿ ಸಂಪೂರ್ಣ ನಾಥ ಪಂಥದ ಒರುವಾದಿತ್ತ್ ದ್ ಶಿವನ ಬಿಂಬದಲೆಕ ಇಜ್ಜಿ.ಉಂದೆನ್ ತೂನಗ ಕದಿರೆ ಮಂಜುನಾಥ ದೇಲ್ಯೊಗ್ಲಾ,ಮಂಗಳಾದೇವಿ ದೇಲ್ಯೊಗ್ಲಾ ನೇರ ಸಮ್ಮಂದ ಇತ್ತ್ ನ ತೆರಿಯುಂಡು
   

   ನಾಥ ಪಂಥದಕುಲು ಶಿವನ,ಕಾಳ ಬೈರವನ,ದತ್ತಾತ್ರೇಯನ ಆರಾದಕೆರ್.ಮತ್ಸ್ಯೇಂದ್ರ ನಾಥೆರೆರ್ದ್ ನಾಥ ಪಂಥದ ಉದಯ,ಮತ್ಸ್ಯೇಂದ್ರ ನಾಥ,ಅರೆನ ಮಂತ್ರ ಸಗ್ತಿಡ್ ಕಿದೆತ ಗೊಬ್ಬರೊಡುದಿತಿ ಅರೆನ ಶಿಷ್ಯೆ ಗೋರಕ್ಷ ನಾಥ,ಸ್ತ್ರೀ ರಾಜ್ಯದ ವಿರಾಗಿಣಿ,ನಾಥಿ ಆಯಿನ ಪಿಂಗಳಾ ದೇವಿರ್ದ್ ಕರ್ನಾಟಕೊಡು ನಾಥ ಪರಂಪರೆ ಉದಿತ್ ಬತ್ತ್ಂಡ್.ಈ ಪಿಂಗಳಾ ದೇವಿನ್ ಗೋರಕ್ಷ ನಾಥೆರ್ ಮಂಗಳಾ ದೇವಿ ಮಲ್ತ್ ದ್ ಆರಾದನೆ ಮಲ್ತೆರ್ಂದ್ಲ ಪನ್ಪೆರ್.
https://youtu.be/lUhofqBWh30

ವೀಡಿಯೋ ಕೃಪೆ-ಮಂಜುನಾಥ ಕಾಮತ್.

ಪರ್ಪಲೆ ಗುಹೆ. ಕಾರ್ಕಳ ದ ಪೊಲಬು.ಅರೆನೊಟ್ಟುಗು ಪರಮ್ ಉಲ್ಲೆರ್