ಅಷ್ಟ ಬೈರವನಕುಲು ಬೊಕ್ಕ ಕಾಲ ಭೈರವೆ
ಕಾಲ ಭೈರವೆ ಶಿವನ ಭಯಾನಕ ಸ್ವರೂಪ.ಕಾಲ ಪನ್ಪಿ ಸವ್ದ ಶಿವನ್ ಕಾಲ ನಿಯಾಮಕ ಪಂಡ್ ದ್ ತೆರಿಪಾಂಡ ಭೈರವ ಪನ್ಪಿ ಶಬ್ದ ಶಿವನ ಭಯಾನಕ ಸ್ವರೂಪೊನು ತೋಜಾವುಂಡು.ಶಿವನ ರೂಪ ಏತ್ ಭಯಾನಕ ಆಂಡಲ ಭಕ್ತೆರೆ ಪಾಲ್ ಗ್ ಆಯೆ ಕರುಣಾ ಮೂರ್ತಿ.ಒವ್ವೇ ತಂತ್ರ ಸಾಧನೆ ಮಲ್ಪೊಡಂಡ ಕಾಲ ಭೈರವನ ಆರಾದನೆ ಬಾರೀ ಮುಖ್ಯ.ಕಾಲ ಭೈರವನ ಅನುಗ್ರಹ ಆಯಿಜಿಂಡ ಒವ್ವೇ ತಂತ್ರ ಸಿದ್ದಿ ಪರಿಪೂರ್ಣ ಆಪುಜಿ.ಕರ್ನಾಟಕ,ರಾಜಸ್ಥಾನ,ಉತ್ತರಾಕಾಂಡ,ನೇಪಾಳೊಡು ಕಾಲ ಬೈರವನ ಆರಾದನೆ ಇತ್ತ್ ದ್ ಹಿಂದೂ ಪುರಾಣೊಡು(ಶಿವಪುರಾಣ) ಪುಟ್ಟ್ಂಡಲ ಬೌದ್ದ,ಜೈನ ಧರ್ಮದಕುಲ್ಲಾ ಮಾನಿತೊನ್ನ ದೇವೆರ್ ಕಾಲ ಭೈರವೆ.ಒಟ್ಟಾದ್ 64 ಭೈರವನಕ್ಲಿತ್ತ್ ದ್ ಮಾತಾ ದಿಕ್ಕ್ ನ್ಲಾ ಕಾತೊಂದುಲ್ಲೆರ್.ಈ 64ಭೈರವೆರ್ನ ಅಧಿನಾಯಕೆ ಕಾಲ ಭೈರವೆ.
ಎಂಕ್ಲೆಗ್ ನನ ದುಂಬುಗು ಎಡ್ಡೆ ಮಲ್ಪುಲೆ ಕಾಲಭೈರವ ದೇವೆರೆಂದ್ ಸಂಕಲ್ಪ ಮಲ್ತ್ ದ್ ಸೂರ್ಯ ದೇವೆರ್ ಉದಿಪುನ ದುಂಬು ಮೀದ್ ಸುದ್ದೊಡಿತ್ತ್ ದ್ ಕಾಲಿ ಜಾಗೆಡ್ ಕುಲ್ಲುದು ಮನಸ್ ದ ಉಲಯಿಡೆ ತಿರ್ತ್ ತೆರಿಪಾಯಿನ ಕಾಲ ಭೈರವ ಮಂತ್ರೊನು21ಸರ್ತಿಯಾ,108 ಸರ್ತಿಯಾ ಪಂಡರ್ಡ ನಮ ಎನ್ನಿನ ಪೂರಲಾ ನಡಪುಂಡು.ಮಂತ್ರ-"ಓಂ ಕಾಲಕಾಲಾಯ ವಿದ್ಮಹೇ ಕಾಲಾತೀತಾಯ ಧೀಮಹೀ ತನ್ನೋ ಕಾಲಭೈರವ ಪ್ರಚೋದಯಾತ್"
ಉಜ್ಜಾಲ್ ದ ಮಿತ್ತ್ ಜುಮಾದಿ ದೈವ ಭಂಡಾರ ಇಟ್ಟೇಲ ಜೋಗಿ ಮಠ.
ನಮ್ಮ ಪಾಪ ಕರ್ಮೊನು ದೂರ ಮಲ್ಪುನ ದೇವೆರ್ ಕಾಲ ಭೈರವೆ.ನಮಡ ಎಡ್ಡೆ ಕೆಲಸೊನು ಮಲ್ಪವುನ ದೇವೆರ್ ಕಾಲ ಬೈರವೆ.ನವಗ್ರಹ ದೋಷೊನು ದೂರ ಮಲ್ಪುನಾಯೆ ಕಾಲ ಭೈರವೆ.
ಒಂಜಿ ಸರ್ತಿ ದೇವಲೋಕೊಡು ತ್ರಿಮೂರ್ತಿಲೆಡ್ ಏರ್ ಶ್ರೇಷ್ಠಂದ್ ವಾದ ಆಂಡ್ ಗೆ.ಅಗ್ನಿ,ವಾಯುನಕುಲು ಬ್ರಹ್ಮೆ ಶ್ರೇಷ್ಠ ಪಂಡ ದೇವೇಂದ್ರೆ ಇಸರ ದೇವೆರ್ ಶ್ರೇಷ್ಠ ಪಂಡೆಗೆ.ವರುಣೆ ವಿಷ್ಣು ಶ್ರೇಷ್ಠ ಪಂಡೆಗೆ.ಅಪಗ ಬ್ರಹ್ಮನ ಐನನೆ ತರೆ ಜೋರುಡೆ ಯಾನ್ ಒಂಜಿ ಸೆನೊಟು ಏತ್ ಲ ಸೃಷ್ಠಿ ಮಲ್ಪುವೆ ಪಂಡ್ ಗೆ.ವಿಷ್ಣು ದೇವೆರೆಡ ಕೇನ್ನಗ ಇಸರ ದೇವೆರ್ ಉಂದೆಕ್ ಉತ್ತರ ಕೊರ್ಪೆರ್ ಪಂಡೆರ್.ದೇವತೆಲು ಬೊಕ್ಕ ಬ್ರಹ್ಮೆ ವಿಷ್ಣು ದೇವೆರ್ನಕುಲು ಕಾಶಿಡ್ ತಪಸ್ಸ್ ಮಲ್ತೊಂತಿ ಇಸರ ದೇವೆರೆನಡೆ ಬತ್ತ್ ದ್ ಬತ್ತಿ ಇಚಾರ ತೆರಿಪಾವೆರ್.ಬ್ರಹ್ಮನ ಐನ್ನೆ ತರೆಟ್ ಯಾನ್ ಯಾನ್ ಪನ್ಪಿ ಅಂಕಾರದ ಸೊರೊ ಬರ್ಪುನ ತೂಯಿನ ಇಸರ ದೇವೆರ್ ತನ್ನ ಸರ್ರೊರ್ದು ಒಂಜಿ ಸಗ್ತಿನ್ ಉಂಡು ಮಲ್ಪುವೆರ್.ಆ ಜೀವ ಸಗ್ತಿ ಬ್ರಹ್ಮನ ಐನ್ನೆ ತರೆನ್ ಕಿನ್ಕ್ ದ್ ದೆಪ್ಪುಂಡು.ಈ ಜೀವ ಸಗ್ತಿನ್ ಇಸರ ದೇವೆರ್ ಕಾಶಿದ ಕ್ಷೇತ್ರೊನು ಕಾಪೆರೆ ಕ್ಷೇತ್ರಪಾಲೆಯಾದ್ ಮಲ್ಪುವೆರ್.ಇನಿಕ್ಲ ಕಾಶಿಡ್ ಕ್ಷೇತ್ರಪಾಲೆಯಾದ್ ಉಪ್ಪುನ ಆ ಸಗ್ತಿಯೇ ಕಾಲ ಭೈರವೆ.ಕಾಲೊನು ಕಾಪುನಾಯೆನೇ ಕಾಲ ಬೈರವೆ.ಕಾಶಿದ ಎಣ್ಮ ದಿಕ್ಕ್ ಲೆಗ್ ರಕ್ಷಕೆ ಆದುಂತ್ ನ ಕಾಲ ಭೈರವೆ ದುಷ್ಟ ಶಕ್ತಿಲೆನ್ ನಾಶ ಮಲ್ತ್ ದ್ ಭಕ್ತೆರೆನ್ ಕಾಪುವೆ.ಆಸುರೀ ಕಿರಿಯೆಡ್ ನೆತ್ತೆರಾವಾರದ ಆರಾದನೆಲ ಕಾಲ ಭೈರವಗುಂಡು.
ಕಾಲಭೈರವಾಷ್ಟಕಂ
ದೇವರಾಜ ಸೇವ್ಯಮಾನ ಪಾವನಾಂಘ್ರಿ ಪಂಕಜಂ
ವ್ಯಾಳಯಜ್ಞ ಸೂತ್ರಮಿಂದು ಶೇಖರಂ ಕೃಪಾಕರಮ್ ।
ನಾರದಾದಿ ಯೋಗಿಬೃಂದ ವಂದಿತಂ ದಿಗಂಬರಂ
ಕಾಶಿಕಾಪುರಾಧಿನಾಥ ಕಾಲಭೈರವಂ ಭಜೇ ॥ 1 ॥
ಭಾನುಕೋಟಿ ಭಾಸ್ವರಂ ಭವಬ್ಧಿತಾರಕಂ ಪರಂ
ನೀಲಕಂಠ ಮೀಪ್ಸಿತಾರ್ಧ ದಾಯಕಂ ತ್ರಿಲೋಚನಮ್ ।
ಕಾಲಕಾಲ ಮಂಬುಜಾಕ್ಷ ಮಸ್ತಶೂನ್ಯ ಮಕ್ಷರಂ
ಕಾಶಿಕಾಪುರಾಧಿನಾಥ ಕಾಲಭೈರವಂ ಭಜೇ ॥ 2 ॥
ಶೂಲಟಂಕ ಪಾಶದಂಡ ಪಾಣಿಮಾದಿ ಕಾರಣಂ
ಶ್ಯಾಮಕಾಯ ಮಾದಿದೇವ ಮಕ್ಷರಂ ನಿರಾಮಯಮ್ ।
ಭೀಮವಿಕ್ರಮಂ ಪ್ರಭುಂ ವಿಚಿತ್ರ ತಾಂಡವ ಪ್ರಿಯಂ
ಕಾಶಿಕಾಪುರಾಧಿನಾಥ ಕಾಲಭೈರವಂ ಭಜೇ ॥ 3 ॥
ಭುಕ್ತಿ ಮುಕ್ತಿ ದಾಯಕಂ ಪ್ರಶಸ್ತಚಾರು ವಿಗ್ರಹಂ
ಭಕ್ತವತ್ಸಲಂ ಸ್ಥಿತಂ ಸಮಸ್ತಲೋಕ ವಿಗ್ರಹಮ್ ।
ನಿಕ್ವಣನ್-ಮನೋಜ್ಞ ಹೇಮ ಕಿಂಕಿಣೀ ಲಸತ್ಕಟಿಂ
ಕಾಶಿಕಾಪುರಾಧಿನಾಥ ಕಾಲಭೈರವಂ ಭಜೇ ॥ 4 ॥
ಧರ್ಮಸೇತು ಪಾಲಕಂ ತ್ವಧರ್ಮಮಾರ್ಗ ನಾಶಕಂ
ಕರ್ಮಪಾಶ ಮೋಚಕಂ ಸುಶರ್ಮ ದಾಯಕಂ ವಿಭುಮ್ ।
ಸ್ವರ್ಣವರ್ಣ ಕೇಶಪಾಶ ಶೊಭಿತಾಂಗ ನಿರ್ಮಲಂ
ಕಾಶಿಕಾಪುರಾಧಿನಾಥ ಕಾಲಭೈರವಂ ಭಜೇ ॥ 5 ॥
ರತ್ನ ಪಾದುಕಾ ಪ್ರಭಾಭಿರಾಮ ಪಾದಯುಗ್ಮಕಂ
ನಿತ್ಯ ಮದ್ವಿತೀಯ ಮಿಷ್ಟ ದೈವತಂ ನಿರಂಜನಮ್ ।
ಮೃತ್ಯುದರ್ಪ ನಾಶನಂ ಕರಾಳದಂಷ್ಟ್ರ ಭೂಷಣಂ
ಕಾಶಿಕಾಪುರಾಧಿನಾಥ ಕಾಲಭೈರವಂ ಭಜೇ ॥ 6 ॥
ಅಟ್ಟಹಾಸ ಭಿನ್ನ ಪದ್ಮಜಾಂಡಕೋಶ ಸಂತತಿಂ
ದೃಷ್ಟಿಪಾತ ನಷ್ಟಪಾಪ ಜಾಲಮುಗ್ರ ಶಾಸನಮ್ ।
ಅಷ್ಟಸಿದ್ಧಿ ದಾಯಕಂ ಕಪಾಲಮಾಲಿಕಾ ಧರಂ
ಕಾಶಿಕಾಪುರಾಧಿನಾಥ ಕಾಲಭೈರವಂ ಭಜೇ ॥ 7 ॥
ಭೂತಸಂಘ ನಾಯಕಂ ವಿಶಾಲಕೀರ್ತಿ ದಾಯಕಂ
ಕಾಶಿವಾಸಿ ಲೋಕ ಪುಣ್ಯಪಾಪ ಶೋಧಕಂ ವಿಭುಮ್ ।
ನೀತಿಮಾರ್ಗ ಕೋವಿದಂ ಪುರಾತನಂ ಜಗತ್ಪತಿಂ
ಕಾಶಿಕಾಪುರಾಧಿನಾಥ ಕಾಲಭೈರವಂ ಭಜೇ ॥ 8 ॥
ಕಾಲಭೈರವಾಷ್ಟಕಂ ಪಠಂತಿ ಯೇ ಮನೋಹರಂ
ಜ್ಞಾನಮುಕ್ತಿ ಸಾಧಕಂ ವಿಚಿತ್ರ ಪುಣ್ಯ ವರ್ಧನಮ್ ।
ಶೋಕಮೋಹ ಲೋಭದೈನ್ಯ ಕೋಪತಾಪ ನಾಶನಂ
ತೇ ಪ್ರಯಾಂತಿ ಕಾಲಭೈರವಾಂಘ್ರಿ ಸನ್ನಿಧಿಂ ಧ್ರುವಮ್ ॥
ಇತಿ ಶ್ರೀಮಚ್ಚಂಕರಾಚಾರ್ಯ ವಿರಚಿತಂ ಕಾಲಭೈರವಾಷ್ಟಕಂ ಸಂಪೂರ್ಣಮ್
ಅಷ್ಟ ಭೈರವನಕುಲು:-
ಬಂಗಾರ್ ಬಣ್ಣದ ಸರ್ರೊ.ಮೂಜಿ ಕಣ್ಣುಲು.ಬೊಲ್ದು ತರೆ ಬುರುಡೆದ ಮಾಲೆ ಲೆ ಕಂಟೆಲ್ ಡ್.ಕೈಟೊಂಜಿ ತರೆ ಬುರುಡೆಲ ಉಪ್ಪುಂಡು.ತ್ರಿಶೂಲ,ಡಮರು,ಪಾಶ,ಖಡ್ಗ ನಾಲ್ ಆಯುಧೊಲು.ಹಂಸವಾಹನ
ಬೊಲ್ಲೆನ ಸರ್ರ.ದೇವೆರೆ ಬೆತ್ತಲೆ ರೂಪ.ರುರು ಭೈರವನ್ ಗುರು ಭೈರವಂದ್ ಲ ಪನ್ಪೆರ್.ತರೆಬುರ್ಡೆ,ಕುಡರಿ,ಖಡ್ಗ ಕೈಟುಪ್ಪುನ ಆಯುಧೊಲು ಮೇಲಿಡೀ ಉಚ್ಚು ಸುತ್ತುದಿಪ್ಪುಂಡು.ಬೋರಿ ವಾಹನ.ವಿದ್ಯೆ,ಜ್ಞಾನ ಸಂಪಾದನೆಗ್ ಆರಾದನೆ
ಪೊರ್ಲ ನೀಲಿ ಬಣ್ಣದ ಸರ್ರೊ.ಖಡ್ಗ,ಕರ,ಬಾಣ,ಬಿಲ್ಲು ಆಯುಧೊಲು.ನವಿಲು ವಾಹನ.ದೇವೆರೆಗ್ ಮೂಲು ಮೂಜಿ ಕಣ್ಣ್ ಉಂಡು.ಆರಾದನೆಡ್ದ್ ಶತ್ರು ಬಾದೆ ದೂರ.ವಾ ಪರಿಸ್ಥಿತಿಡ್ಲ ಪೊರ್ಂಬಾಟ ಮಲ್ಪುನ ತಾಕತ್ತ್ ಬರ್ಪುಂಡು.
ಬೊಣ್ಯ ಬಣ್ಣದ ಮೈ.ಕೇತಕ ಪನ್ಪಿ ಉದ್ದದ ಖಡ್ಗ,ಕುಡರಿ ಆಯುಧೊಲು.ಗಿಡಿ ವಾಹನ.ದೇವೆರೆಗ್ ಮೂಜಿ ಕಣ್ಣ್ ಉಂಡು.ಆರಾದನೆಡ್ ನಮಕ್ ಬರ್ಪುನ ಅಡ್ಡ ವಿಡ್ಡೂರೊಲು ದೂರಾಪ.
ಬೊಲ್ದು ಸರ್ರ ತೆಲಿಕೆದ ಮೋನೆ.ಕುದುರೆ ವಾಹನ.ಶಾಂತ ಸ್ವರೂಪಿ.ಆರಾದನೆಡ್ ನಕಾರಾತ್ಮಕತೆ ದೂರಾಪುಂಡು.ನಮ್ಮ ಮನಸ್ ದ ಬೊಡ್ಚಾಂದಿ ಸೊಬಾವೊಲು ದೂರಾಪ.
ಮಂಜಲ್ ಬಣ್ಣದ ಮೆನ್ಕುನ ಸರ್ರ,.ಆನೆ ವಾಹನ.ಕರ,ಖಡ್ಗ,ತ್ರಿಶೂಲ ಆಯುದೊಲು.ಆರಾದನೆಡ್ ನ್ಯಾಯ ತೀರ್ಮಾನ,ವ್ಯಾಜ್ಯೊಡು ಜಯ,ಬಾಕಿತ್ತ್ ನ ಕೆಲಸೊಲು ಪೂರ್ತಿಯಾಪ.
ಕೆಂಪು ಬಣ್ಣದ ಮೈ.ಖಡ್ಗ,ಕರ,ತಾಮರೆ,ತ್ರಿಶೂಲ ಆಯುಧೊಲು.ಪುಣ ವಾಹನ.ದೇವೆರೆ ಆರಾದನೆ ಮಲ್ಪುನೆರ್ದ್ ದುಷ್ಟ ಶಕ್ತಿ,ಪ್ರೇತ ಬಾದೆ ದೂರಾಪುಂಡು
ಮೆಂಚಿದಲೆಕ ತೋಜುನ ರೂಪ.ಬೆತ್ತಲೆ ಸರ್ರ.ತರೆತ ಮಿತ್ತ್ ತರೆ ಬುರ್ಡೆ ಉಪ್ಪುಂಡು.ಮೂಜಿ ಕಣ್ಣುಂಡು .ನಾಯಿ ವಾಹನ.ಕೆಲವು ತಿಕ್ ಡ್ ಸಿಂಹ ವಾಹನಂದ್ ಲ ಪನ್ಪೆರ್. ದೇವೆರೆಗ್ ನಾಲ್ ಕೈಕುಲು.ಸೊಂಟೊಗು ಉಚ್ಚು ಸುತ್ತೊಂದೆರ್‌.ಪೂಜೆ ಮಲ್ಪುನೆರ್ದ್ ಸರ್ವ ಪಾಪ ಪರಿಹಾರ.
ತುಳುನಾಡ ಪುಗಾರ್ತೆದ ಕ್ಷೇತ್ರದ ಬಂಟ ಕಂಬ ಅವು ಕಾಲ ಭೈರವೆ
ನಾಥ ಪಂಥದಕುಲು ಶಿವನ,ಕಾಳ ಬೈರವನ,ದತ್ತಾತ್ರೇಯನ ಆರಾದಕೆರ್.ಮತ್ಸ್ಯೇಂದ್ರ ನಾಥೆರೆರ್ದ್ ನಾಥ ಪಂಥದ ಉದಯ,ಮತ್ಸ್ಯೇಂದ್ರ ನಾಥ,ಅರೆನ ಮಂತ್ರ ಸಗ್ತಿಡ್ ಕಿದೆತ ಗೊಬ್ಬರೊಡುದಿತಿ ಅರೆನ ಶಿಷ್ಯೆ ಗೋರಕ್ಷ ನಾಥ,ಸ್ತ್ರೀ ರಾಜ್ಯದ ವಿರಾಗಿಣಿ,ನಾಥಿ ಆಯಿನ ಪಿಂಗಳಾ ದೇವಿರ್ದ್ ಕರ್ನಾಟಕೊಡು ನಾಥ ಪರಂಪರೆ ಉದಿತ್ ಬತ್ತ್ಂಡ್.ಈ ಪಿಂಗಳಾ ದೇವಿನ್ ಗೋರಕ್ಷ ನಾಥೆರ್ ಮಂಗಳಾ ದೇವಿ ಮಲ್ತ್ ದ್ ಆರಾದನೆ ಮಲ್ತೆರ್ಂದ್ಲ ಪನ್ಪೆರ್.
ಕಾಳ ಬೈರವೆ ಮಣೇಲ್ ಮಟ್ಟಿ ಜೋಗಿ ಮಠ
64ಬೈರವನಕುಲು:-
ಅಹೆಪಾ ಸಾಮ್ರಾಜ್ಯದ ಆಡಳ್ತೆದಡಿತ ಕೇರಳ ಮಲಬಾರ್ ಪ್ರಾಂತ್ಯದ ಮಹಾರಾಣಿ ಆಯಿನ ಪ್ರಮೀಳೆ/ ಪ್ರೇಮಲಾದೇವಿ ಒರ ನಾಥ ಪಂಥದ ಸಂಸ್ಥಾಪಕೆರಾಯಿನ ಮತ್ಸ್ಯೇಂದ್ರ ನಾಥೆರೆನ್ ಅಲೆನ ರಾಜ್ಯೊಗು ಆರ್ ಬತ್ತ್ ದುಪ್ಪುನಗ ಬೇಟಿಯಾಪಲ್. ಯೋಗಿದ್ವಯೆರಾಯಿನ ಮತ್ಸ್ಯೇಂದ್ರ ನಾಥ,ಗೋರಕ್ಷ ನಾಥೆರೆ ಧರ್ಮ ಪ್ರಚಾರದ ಸಂದೇಶೊಲು ಅಲೆನ ಮಿತ್ತ್ ಪ್ರಭಾವ ಬೀರುಂಡು.ಅಂಚ ಆಲ್ ಇಹ ಲೋಕದ ಸಕಲ ಸಂಪೊತ್ತುಲೆನ ಮಿತ್ತ್ ನಿರಾಸಕ್ತಿಡ್,ಸಿಮಹಾಸನ ಬುಡುದು,ಸರ್ವೊನ್ಲಾ ಬುಡುದು. ಮತ್ಸ್ಯೇಂದ್ರ ನಾಥೆರೆ ಅನುಯಾಯಿಯಾದ್ ನಾಥ ಪಂಥದ ಸುರುತ ಯೋಗಿನಿಯಾದ್ ದೀಕ್ಷೆ ಪಡೆಪಲ್.ದುಂಬುಗು ಅಲೆಗ್ ಮತ್ಸ್ಯೇಂದ್ರ ನಾಥೆರ್ ಪಿಂಗಳಾದೇವಿಂದ್ ಪುದರ್ ದೀಪೆರ್.ಸ್ತ್ರೀ ಸಾಮ್ರಾಜ್ಯದವ ವಿರಾಗಿಣಿ ರಾಣಿ ಪಿಂಗಳಾದೇವಿ ಅರೆನೊಟ್ಟುಗು ಸಂಚಾರ ಮಲ್ತೊಂದು ಕೇರಳೊರ್ದು ತುಳುನಾಡನೇತ್ರಾವತಿ-ಪಲ್ಗುಣಿ ಸಂಗಮದ ಕರೆ ಬರಿಟ್ ತಪಸ್ಸ್ ಮಲ್ಪೆರೆ ಸುರು ಮಲ್ತ್ ದ್ ಕೈತಲ್ದ ಜಾಗೆಲೆಡ್ ಬಾರೀ ಪ್ರಸಿದ್ದಿಗ್ ಬರ್ಪಲ್.ಅಲೆನ ದರ್ಶನ ಮಲ್ತ್ ನಕ್ಲೆಗ್ ಕಷ್ಟ ಕೊರದೊಲು ದೂರಾದ್ ಎಡ್ಡೆ ಆವೊಂತ್ಂಡ್ ಗೆ. ದುಂಬುಗು ಆಲ್ ಅವುಲೆ ದಾದನ ಸಿರ್ಕ್ ಡ್ ತೀರುವಲ್.ಅವೆರ್ದ್ ಬೊಕ್ಕ ಕೈತಲ್ದ ಜಾಗೆದ ಜನೊಕುಲು ಅಲೆನ್ ಮಂಗಳಾದೇವಿಂದ್ ಲೆಪ್ಪೆರೆ ಸುರು ಮಲ್ತ್ ದ್ ಅಲೆಗೊಂಜಿ ಸಾನ ಕಟ್ಟಾಯೆರ್.ಕಾಲಾನುಬಾಗೊಡು ಬಾರೀ ವೈಬವೊಡು ನವೀಕರಣ ಮಲ್ತ್ ದ್ ದುಂಬುಗು ಈ ಪ್ರಾಂತ್ಯ ಮಂಗಳಾಪುರಂದ್ ಪ್ರಸಿದ್ದಿಗ್ ಬತ್ತ್ಂಡ್.ಪಿಂಗಳಾ ಪನ್ಪಿ ಸವ್ದ ಮೂಲತಃ ಸಂಸ್ಕೃತ ಸವ್ದ ಆದಿತ್ತ್ ದ್ ಸಂಸ್ಕೃತದ ಲ ಕಾರ ಕನ್ನಡೊಗು ಳ ಕಾರ ಆದ್ ಮಂಗಳಂದಾಂಡ್.
ಮತ್ಸ್ಯೇಂದ್ರ ನಾಥೆರೆ ಪುದರ್ ಮಚ್ಛೇಂದ್ರ ಅದ್ ಬದಲಾದ್ ಮಂಜಿನಾಥ ಆದ್ ದುಂಬುಗು ಮಂಜುನಾಥ ಆಂಡ್.ಮಂಜುನಾಥೆನೇ ಮತ್ಸ್ಯೇಂದ್ರಾದಿನವನಾಥೆರೆ ರೂಪ ತಾಳಿಯೆಂದ್ ಕದಳೀ ಕ್ಷೇತ್ರ ಮಹಾತ್ಮೆಡ್ ಉಲ್ಲೇಖ ಉಂಡು.ಈ ಆಧಾರೊಡು ತೂಪುಂಡ ಮಂಜುನಾಥನ ಮೂಲ ಉದ್ಬವ ಲಿಂಗ ಸೋಮ ಸೂತ್ರೊಲಿಜ್ಜಂದಿ ಮೊರಬು ಶಿಲೆತ ಒಂಜಿ ರೂಪ.ದೇಲ್ಯದ ಉಚ್ಚಯ ಮೂರ್ತಿ ಬಿಂಬೊ ದ್ಯಾನಾಸಕ್ತ ಸಮಭಂಗಿಡಿತ್ತ್ ದ್ ಚತುರ್ಬಾಹು ಜಟಾಮುಕುಟ ಉಂಡು.ಮುಕುಟೊಡು ಋಷಿನ ರೂಪದಂಚ ಉಂಡು,ಯಜ್ಞೋಪವೀತ ಉಂಡು.ಮಿತ್ತ ರಡ್ಡ್ ಕೈಕುಲೆಡ್ ಶಂಖ ಬೊಕ್ಕ ಅಕ್ಷಮಾಲೆಲಿತ್ತ್ ದ್,ತಿರ್ತ ಕೈಕುಲು ಅಭಯವರದ ಮುದ್ರಾ ಹಸ್ತದೊರು ಉಂಡು.ಈ ಮೂರ್ತಿ ಸಂಪೂರ್ಣ ನಾಥ ಪಂಥದ ಒರುವಾದಿತ್ತ್ ದ್ ಶಿವನ ಬಿಂಬದಲೆಕ ಇಜ್ಜಿ.ಉಂದೆನ್ ತೂನಗ ಕದಿರೆ ಮಂಜುನಾಥ ದೇಲ್ಯೊಗ್ಲಾ,ಮಂಗಳಾದೇವಿ ದೇಲ್ಯೊಗ್ಲಾ ನೇರ ಸಮ್ಮಂದ ಇತ್ತ್ ನ ತೆರಿಯುಂಡು.
ಆದಿ ಮೂಲ ಕಾಲ ಭೈರವ ಮೂರ್ತಿ ಕದಿರೆ ಜೋಗಿ ಮಠ
ಜೋಗಿಲೆ ಇಲ್ಲಲ್ ಈ ಸಾಲ್ ಲೆನ್ ನಿಚ್ಚ ನೆನವರಿಕೆ ಮಲ್ಪುಗ
"ಅಗಮ್ ಅಗೋಚರ್ ನಾಥ್ ತುಮ್
ಪರ ಬ್ರಹ್ಮ ಅವತಾರ್.
ಖಾನನ ಕುಂಡಲ್ ಶಿರ್ ಜಠಾ
ಅಂಗ್ ವಿಭೂತಿ ಅಪಾರ್.
ಸಿಧ್ದ ಪುರುಷ್ ಯೋಗೇಶ್ವರೋ
ದೋ ಮುಝ್ ಕೋ ಉಪದೇಶ್.
ಹರ್ ಸಮಯ್ ಸೇವಾ ಕರೋ
ಸುಬಹ್ ಶಾಮ್ ಆದೇಶ್.
ಆದೇಶ್,ಆದೇಶ್
No comments:
Post a Comment