ಬೂಲ್ಯ

                             ಬೂಲ್ಯ 

 ರಾಜಂದೈವದ ಬದಿಕರ ಬೂಲ್ಯೊಡು ಪ್ರಧಾನವಾದ್ ನಾಲ್ ರೀತಿದ ಬೂಲ್ಯ ಉಂಡು.

೧.ಕಟ್ಟ್ ದ ಬೂಲ್ಯ-ಯಜಮಾನಿ ಬೊಕ್ಕ ಯಜಮಾನಿ ಸಂಸಾರೊಗು

೨.ಗಡಿತ ಬೂಲ್ಯ-ಗಡಿತಕ್ಲೆಗ್,ಮಾನಿನಕ್ಲೆಗ್

೩.ಲೆಪ್ಪುದ ಬೂಲ್ಯ- ಗುತ್ತು,ಬರ್ಕೆ,ಮೂಲ್ಯಾದಿಗೆ,ಚಾಕಿರಿದಕ್ಲೆಗ್.

೪.ರಾಸಿದ ಬೂಲ್ಯ-ರಾಸಿ ಪಾಡ್ದ್ ದೀನ ಬೂಲ್ಯೊನು ದೈವ ಊರ್ದಕ್ಲೆಗ್  ಕೊರ್ಪುನಿ

ಸೂತ್ರ ಬೂಲ್ಯ ಆಯಿ ಬೊಕ್ಕ ನೇಮೊರ್ದು ಇಡೆ ಬುಡ್ಪುನಿ

   

ವಾ ಬೂಲ್ಯೊಗು ದೈವ ಆಯುದ ಮುಟ್ಟದ್ ಕೊರ್ಪುಂಡ ಅವೆರ್ದ್ ಮಲ್ಲ ಗೌರವ ನನೊಂಜಿಜ್ಜಿ

       

  

               ಪೆಲತ ಇರೆತ ಗಂದದ ಬೂಲ್ಯ

     ಬೂಲ್ಯ ಪಂಡ ದೈವದ ಅನುಗ್ರಹಂದೇ ಎನ್ನಿನಕುಲು ತುಳುವೆರ್.ಪರ ದೇಸ,ಪರ ಊರುಗು ಪೋನಗ ದೈವದ ಮೂಜಿರೆ ಗಂದ ಪತೊಂದು ಪೋದು ಎಡ್ಡಾಯಿನಕುಲೆ ಜಾಸ್ತಿ.ಅಂಚಿನ ಬೂಲ್ಯೊಲೆಡ್ ಬೇತೆ ಬೇತೆ ಬೂಲ್ಯೊಲು ದೈವದ ಕಲೊಟು ಉಲ್ಲ.

ಪೆಲತ ಇರೆಟ್ ಕೊರ್ಪುನ ಗಂದ ಬೂಲ್ಯ

ಅತ್ತೋಸು ಇರೆಟ್ ಕೊರ್ಪುನ ಗಂದ ಬೂಲ್ಯ

ಬಾರೆದ ಇರೆಟ್ ಕೊರ್ಪುನ ಗಂದ ಬೂಲ್ಯ

ಪೆಲತ ಇರೆಟ್ ಕೊರ್ಪುನ ಕರಿಗಂಧ-ಕೊರ್ದಬ್ಬು ದೈವ

ಮಣ್ಣ್ ದ ಪುರ್ಸಾದ ಬೂಲ್ಯ,ಪಲಿತಿಜಿಡ ಪುಂಚದ ಮಣ್ಣ್ ದ ಪುರ್ಸಾದ-ಕೊರಗತನಿಯ.

ರಾಜಂದೈವೊಲು ಎಚ್ಚಾದ್ ಅತ್ತೋಸು ಇರೆಟ್ ಗಂದ ಬೂಲ್ಯ ಕೊರ್ಪುನಿ.

ಅತ್ತೋಸು ಇಜ್ಹಾ ಬಾರೆದ  ಇರೆಟ್ ಮಂಜಲ್ ಪೊಡಿ ಕಲತ್ ದ್ ಗಂದ ಮಲ್ತ್ ಕೊರ್ಪುನಿ-ನಾಗಸಾನಿಧ್ಯ.

ತೆಂಡೆಲ್ ನ್ ಚೂರುನು ಗಂದದೊಟ್ಟುಗು ತರೆತ್ ದ್ ನಾಗನ ಪುರ್ಸಾದ ಕೊರೊಂತೆರ್.

ನೇರೊಲ್ದ ಇರೆಟ್ ಗಂದ ಕೊರ್ಪುನ ಕೆರಮ ದುಂಬಿತ್ತ್ಂಡ್

ದುಂಬು ಗೋಳಿ್ಇರೆ,ರೆಂಜೆದ ಇರೆಟ್ಲಾ ಗಂದ ಕೊರೊಂತೆರ್. 

ಮಾರಿ ಪೂಜೆದೌಲು ಕೆಲವು ತಿಕ್ ಡ್ ಮಂಜಲ್ದ ಪೊಡಿ ಪುರ್ಸಾದ ಆದ್ ಕೊರ್ಯೆರ್ಡ ಕೆಲವು ಕೋಡಿಡ್ ಕುಂಕುಮ ಪುರ್ಸಾದ ಕಿನ್ಯ ಪ್ಲಾಷ್ಟಿಕ್ ತೊಟ್ಟೆಡ್ ಪಾಡ್ದ್ ಕೊರ್ಪೆರ್.

ಬಾಕ್ರಬೈಲ್ ಕಲ್ಲುರ್ಟಿ ಸಾನದ ಪರಕೆ ಡಬ್ಬಿದೌಲು ಮಂಜಲ್ ಪೊಡಿ ಪುರ್ಸಾದ ಆದ್ ದೀಯೆರ್ಡ ಕಡಂಬು,ಪಣೊಲಿ ಬೈಲ್ ಡ್ ಕುಂಕುಮ ದೀಪೆರ್.

ದೇವೆರೆ ಆರಾದನೆಡ್ ಕುಂಕುಮ,ಭಸ್ಮ ಮಂಜಲ್ ಗಲಸ್ಯೆರ್ಡ ದೈವಾರಾದನೆಡ್ ಕರಿ ಗಂದ,ಗಂದ ಗಲಸುವೆರ್.

           

ಅರ್ಕುಲ ತುಪ್ಪೆ ಕಲ್ಲ್ ಜುಮಾದುರ್ಗಡ್  ಬೆರಿ ಉಡೆ ಕಟ್ಟ್ ದ್ ಬೂಲ್ಯ ಪತ್ತ್ ದ್ ಉಲ್ಲಾಕ್ಲೆನೆಟ್ ಪಲಯ ದೈವದ ಉಡೆಬೂಲ್ಯ ನಲಿಕೆ.ಪಲಯಗ್ ಸಿರಿ ಮುಡಿ ಏರ್ಯೆರೆ ಇಜ್ಜಿ.ಬೆರಿಉಡೆ ಮಾತ್ರ,ದೈವ ಪಾತೆರೆರೆಲ ಇಜ್ಜಿ.ಮೆಗ್ಗಿ ದೈವೊಗು ಸಿರಿ ಮುಡಿ ಏರೆರೆಲ ಉಂಡು.ಪಾತೆರೆರೆಲ ಉಂಡು.ಆಂಡ ಉಡೆ ಬೂಲ್ಯ ನಲಿಕೆ ಇಜ್ಜಿ.ಅಂಚನೆ ಸುಜೀರ್ ಡ್ ವೈದ್ಯನಾಥ ದೈವ ಬೂಲ್ಯ ಪತ್ತ ದ್ ನಲಿಕೆ ಮಲ್ಪುನ ಕೆರಮ ಉಂಡು.ಮೂಲು ಬೆರಿ ಉಡೆ ಕಟ್ರೆ ಉಪ್ಪುಜಿ.ಜುಮಾದುರ್ಗ ಪಂಡ ಜುಮಾದಿ ದುರ್ಗ ಪಂಡ ಜುಮಾದಿ ದುರ್ಗದ ಪಂಡ ಕೋಟೆದ ರಕ್ಷಣೆಗಾದ್ ಅರಸುಲ್ನ ದಂಡನಾಯಕೆಯಾದ್ ಆಡಲ್ತೆ ಮಲ್ತಿ ಕೋಟೆ

 

ಉಡೆ ಬೂಲ್ಯ:-

ಅರಸು ದೈವೊಲೆಡ್ ಸಿರಿಮುಡಿ ಏರುನ ಅರಸು ದೈವೊಲೆಗ್ ಬೆರಿ ಉಡೆ(ಪುಡೆ)ಕಟ್ಟುನ ಕೆರಮ ಉಂಡು.ಇನಿತ ದಿನಮಾನೊಡು ಬೊಳ್ಳಿದ ಬೆರಿ ಉಡೆ ಇತ್ತ್ ದ್  ಅವೆತ ದತ್ತ್ ಬಲತ್ ಗ್ ಕೊಳವೆ ಇತ್ತ್ ದ್ ಸಿರಿ ಮುಡಿತ ಅಂಚಿಂಚಿದ ರಡ್ಡ್ ಕೋಲುಲೆನ್ ಅವೆಕ್ ನೂರಾದ್ ಸಿರಿಮುಡಿ ಏರಾವೆರ್.ಅವೆರ್ದ್ ದುಂಬು ಬೆರಿ ಉಡೆ ಕಟ್ಟ್ ದ್ ಅಂಚಿಂಚಿಗ್ ಕುಂಟುದ ತ್ರಿಕೋನಾಕಾರದ ನೆರಿಗೆ(ಕೆಂಪು,ಕಪ್ಪು,ಬೊಲ್ದು ಕುಂಟುದ ನೆರಿಗೆ) ಕಟ್ಟುವೆರ್.ಉಂದೆನ್ ಕುಂಟುದ ಚೌರಿ ಪಂಡ್ ದ್ ತಿರಿ ಜಪುಡುವೆರ್.ಬೆರಿಕ್ ಉಡೆ ಕಟ್ಟಿ ಬೊಕ್ಕ ಬೂಲ್ಯ ಪತ್ತ್ ದ್ ಅರ್ಕುಲ ತುಪ್ಪೆಕಲ್ಲ್ ದ ಉಲ್ಲಾಕ್ಲೆನೆಟ್ ಪಲಯ ದೈವ ಒಂಜಾತ್ ಪೊರ್ತುದ ನಲಿಕೆ ಮಲ್ಪುನ ಕೆರಮ.ಉಂದೆನ್ ಉಡೆ ಬೂಲ್ಯದ ನಲಿಕೆಂದ್ ಪನ್ಪೆರ್.