ದೈವ ಸಾನ ಬೊಕ್ಕ ಮಾಡ

                  ದೈವ ಸಾನ ಬೊಕ್ಕ ಮಾಡ

   

ದುಂಬುದ ದೈವೊಲೆ ಮಾಡೊಲೆಗ್  ನಾಲ್ ಸುತ್ತಲ ಗೋಡೆದ ಬದಲ್ ರೀಪು ಹಾಕೊಂತೆರ್.ಅರಸು ಕುರಿಯಾಡ್ ದಾರ್ನ ಮಾಡ  ಮಂಚಿ

ಮಾಡ ಪಂಡ ನರಮಾನಿಯನ ಇಡೀ ಸರ್ರದ ಕಲ್ಪನೆನ್ ಅವ್ಲು ತೂವೊಲಿ

ಅರಸು ದೈವೊಲೆಗ್ ,ಉಲ್ಲಾಲ್ದಿಗ್ ಮಾಡ,ಒರಿನ ರಾಜಂದೈವೊಲೆಗ್ ಸಾನ,ಬೂತೊಲೆಗ್ ಸಾನ, ಕಟ್ಟೆ, ಬೆಮ್ಮೆರೆಗ್ ಆಲಡೆ,ನಾಗಗ್ ಬನ.ಇನಿ ನಾಗಗ್ ಕಟ್ಟೆ ಆತ್ಂಡ್.ಮಾಡ ಪಂಡ ನಾಲ್ ಸುತ್ತಲ ಉಲಯಿ  ತೋಜುನ ಒರುವಾದಿತ್ತ್ಂಡ ಸಾನ ಎದುರು ಬಾಕಿಲ್ ಮಾತ್ರ ಉಪ್ಪುಂಡು.ಕೆಲವೊರ ಅಂಚಿಂಚಿ ಕಂಡಿಲು ಉಪ್ಪುವ ಮಾಡ ಪತ್ತಿ ಮೈಸಂದಾಯೆ ಪನ್ಪಿ ಒಂಜಿ ಪಾತೆರಲ ಉಂಡು.

ಮಾಡೊಡು ಮೂಜಿ ನಮುನೆದ ಮಾಡ ನಮ ತೂತ.ಒಂಜಿ ಇಡೀ ಕಲ್ಲ್ ದ ಕುಂದ ಇತ್ತ್ ದ್ ಅವೆತ ಕೊಡಿಟ್ ಎಲ್ಯ ಮಾಡ ಕಟ್ಟ್ ದೆರ್.ಮಗ್ರಂದಾಯ ದೈವ ಸಾನದ ಉಲ್ಲಾಕ್ಲೆ ಮಾಡ ತುಪ್ಪೆಕಲ್ಲ್ ಫರಂಗಿ ಪೇಂಟೆ,ನನೊಂಜಿ ಎತ್ತರದ ಕಟ್ಟೆದ ಮಿತ್ತ್ ಮಾಡ ಕಟ್ಟ್ ದೆರ್.ಕಲ್ಲಡ್ಕದ ಕೋಲ್ಕೆರೆ ಕೈತಲ್ದ ಮಾಡ.ಕುಡೊಂಜಿ ಪಂಚಾಂಗದ ಮಿತ್ತ್ ಕಟ್ಟುನ ಮಾಡ.ಉಂದೆಟ್ ರಡ್ಡಂತರ ಉಪ್ಪುಂಡು.ಅರಸು ಕುರಿಯಾಡಿದಾರ್ನ ಮಾಡ ಮಂಚಿ.ಮಾಡದ ಮಿತ್ತ್ ರಡ್ಡಂತರ ಇಪ್ಪುನ ಮದನ ಕೈ ಉಪ್ಪುನ ಮಾಡಲ ಉಂಡು.ಕೂಟಾಜೆ ಉಲ್ಲಾಲ್ದಿನ ಮಾಡ,ಕೇಪು ಉಲ್ಲಾಲ್ದಿನ ಮಾಡ.

ಮಾಡದ ಗುಡ್ಡೆಡ್ ಪ್ರಧಾನವಾದ್ ಉಲ್ಲಾಕುಲು ಉಪ್ಪುನಿ.ಒಟ್ಟುಗು ಬೇತೆ ದೈವೊಲು ಉಪ್ಪುವೆರ್.ಬತ್ತ್ ನ  ಬಿನ್ನಗ್ ತುಳುನಾಡ ದೈವೊಲು ಸುರುತ ಮಾನಾದಿಗೆ ಕೊರ್ತ.ಅಂಚಾದ್ ಬೋಳ್ಯಾರ್ ದ ಮಾಡದ ಗುಡ್ಡೆಡ್ ಕಿನ್ನಿ ಮಾನಿ ಪೂಮಾನಿ/ಉಲ್ಲಾಕುಲು ದೈವೊಲೆಗ್ ಸುರುತ ನೇಮ ಇತ್ತ್ ದ್ ಬೊಕ್ಕ ಜುಮಾದಿಗ್ ನೇಮ ನಡಪುಂಡು.ಪಿಲ್ಚಂಡಿಗ್ ಸಾನ ವಿನಃ ಮಾಡ ಯಾನ್ ತೆರಿ ಮಟ್ಟ್ ಗ್ ಇಜ್ಜಿ.ಲೆಕ್ಕೆಸಿರಿಕ್/ಉಲ್ಲಾಲ್ದಿಗ್,ಉಲ್ಲಾಕ್ಲೆಗ್ ಮಾಡ.ಪಿಲ್ಚಂಡಿ  ಜುಮಾದಿನ ನನೊಂಜಿ ಒರುಂದುಲ ಪಉಪ್ಪುನಿ.

ಕೊಡಮಂದಾಯನ ಬೊಕ್ಕ ಪಿಲ್ಚಂಡಿನ ಸಾನ ಎಚ್ಚಾದ್ ಜೇರೊಡೆ ಇಪ್ಪುನಿ.ಪಿಲಿ/ಪಿಲ್ಚಂಡಿ,ಪಾರೊಲು/ಕೊಡಮಂದಾಯೆ ಪ್ರಾಣಿ ಮೂಲದ ದೈವೊಲು ಜೇರೊಡೆ ಉಪ್ಪುನಿ.

ಇತ್ತೆ ದೈವೊಲೆ ಮಾಡೊಲೆನ್ ಕಲ್ಲ್ ಕಟ್ಟ್ ದ್ ಮುಚ್ಚಿದ್ ಬುಡ್ತೆರ್.ಬೋಳಂತೂರು.ಅರಸು ಕುರಿಯಾಡಿದಾರ್ನ ಮಾಡ