ಬ್ರಹ್ಮ ರಕ್ಕಸೆ/ಬ್ರಹ್ಮ ರಾಕ್ಷಸ

               ‌            ಬ್ರಹ್ಮ ರಕ್ಕಸೆ/ಬ್ರಹ್ಮ ರಾಕ್ಷಸ

            ರಕ್ಕಸೆರೆಡ್  ಮಲ್ಲ‌ ರಕ್ಕಸೆ ಬ್ರಹ್ಮ(ಮಲ್ಲ)ರಕ್ಕಸೆ

    ತುಳುನಾಡ್ ಡ್ ಇನಿಅಷ್ಟ ಮಂಗಲ ಪ್ರಶ್ನೆ ದೀನಗ ನಿಕ್ಲೆ ಕುಟುಮೊಗು ಬ್ರಹ್ಮ ರಾಕ್ಷಸ ಬಾದೆ 16 ಪ್ರೇತೊಲ್ನ ಬಾದೆ ಉಂಡುಂದು ಪನ್ಪೆರ್.ದುಂಬು ಪೂರ ಮದಿಮೆ ಆವಂದೆ ಜವನಾತಿಗೆಡ್ ಒರಿ ವೈದಿಕೆ ತೀರ್ದ್ ಪೋಂಡ ಬ್ರಹ್ಮ ರಕ್ಕಸೆ ಆಪುನಿ ಪನೊಂತೆರ್.ಉಂದೆನ್ ವಿಸ್ತಾರವಾದ್ ತೂಪುಂಡ, ಬ್ರಹ್ಮ ಪಂಡ ಬ್ರಹ್ಮ ಜ್ನಾನೊನು ಪಡೆಯಿನಾಯೆಂದರ್ಥ.ವೈದಿಕ ಕುಲೊಟು ಪುಟ್ಟುದು ವೇದ ಶಾಸ್ತ್ರೊಲೆನ್ ಕಲ್ತ್ ದ್ ತೆರಿದ್,ತೆರಿನ ಜ್ನಾನೊನು ವಿದ್ಯಾರ್ಥಿಲೆಗಾವಡ್,ಜನೊಕ್ಲೆಗಾವಡ್‌ ಪಟ್ಟಂದೆ ಇತ್ತ್ ದ್ ಅನಾಚಾರದಂಚಿ ತಪ್ಪು ಕೆಲಸ ಮಲ್ತ್ ದ್ ಕರಿದ್ ಪೋಯಿನಾಯನ ಅತೃಪ್ತ ಆತ್ಮನೇ ಬ್ರಹ್ಮ ರಕ್ಕಸೆ.

   ಪುರಾಣ ಗ್ರಂತೊಲೆನ‌ ಪ್ರಕಾರ ರಕ್ಕಸೆರೆರ್ದ್ ಬ್ರಹ್ಮ ರಕ್ಕಸೆರ್ ಭಯಂಕರ ಸಗ್ತಿ ಸಾಲಿಲುಗೆ.ದಾಯೆ ಪಂಡ ಒಂಜಿ ಮಟ್ಟ್ ಡ್ ಬ್ರಹ್ಮ ಜ್ಞಾನಲ,ಕುಡೊಂಜಿತಿಕ್ ಡ್ ರಕ್ಕಸ ಗುಣಲ ಇತ್ತ್ ನೆರ್ದಾದ್ ಬ್ರಹ್ಮ ರಕ್ಕಸನ್ ಬಂದಿಸಾಯೆರೆ ಬಂಙ. 

ಇನಿ ಸಾನದ ಪಿದಯಿ ಮೆಯ್ಟ್ ಬ್ರಹ್ಮ ರಕ್ಕಸನ ಗುಡಿ ಕಟ್ಟಾದ್ ವೈದಿಕ ವಿದಿ  ವಿದಾನೊಡು ಪ್ರತಿಷ್ಠಾಪನೆ ಮಲ್ಪುನ ತೋಜೊಂದುಂಡು.ಬ್ರಹ್ಮರಾಕ್ಷಸ ಪ್ರತಿಷ್ಠಾ ಸಂಕಲ್ಪಲ ಪ್ರತಿಷ್ಠಾ ಕಲ್ಪಲ ಇಜ್ಜಿ.ಉಂದು ವಾ ಶಾಸ್ತ್ರೋಕ್ತಲ ಅತ್ತ್..ಉಂದು ಪೂರಾ ಮಂತ್ರ ಶಾಸ್ತ್ರೊಡು ನಿಮುರ್ತಿ ಮಲ್ಪುನವು.ಬ್ರಹ್ಮರಕ್ಕಸಗ್ ದೇವತ್ವ ಕೊರ್ಪುನವು ಶಾಸ್ತ್ರೊಗು ವಿರುದ್ಧವಾಯಿನವು. ಅಂಚಾದ್ ಬ್ರಹ್ಮ ರಕ್ಕಸಗ್ ದೇವೆರ್ಲೆಕ   ಗುಡಿ ಕಟ್ಟವುನವು ತಪ್ಪು.ಕೆಲವೆರ್ ಕೆಲವು ಪ್ರಾಣಿ ಸೈತ್ ದ್ ಪ್ರೇತಾತ್ಮ ಆಪುಂಡು ಪನ್ಪೆರ್.ವೈದಿಕ ನಂಬೊಳಿಗೆದ ಪ್ರಕಾರ ಪುನರ್ಜನ್ಮ ಕಲ್ಪನೆ ಉಪ್ಪುನಗ ಸೈತಿ ಪ್ರಾಣಿ ಪ್ರೆತಾತ್ಮ ಆಯೆರೆ ಸಾದ್ಯ ಇಜ್ಜಿ.ವೈದಿಕದ ಪ್ರಕಾರ ಪುನರ್ಜನ್ಮ ಶಾಸ್ತ್ರ ಸಮ್ಮತವಾದುಂಡು.

ಆಂಡ ಮೂಲು ಪುನರ್ಜನ್ಮ ಕಲ್ಪನೆ ಇಜ್ಜಂದಿನ ಅವೈದಿಕ ತುಳುವೆರೆಗ್ ಬ್ರಹ್ಮ ರಕ್ಕಸಗ್ ಗುಡಿ ಕಟ್ಟಾವುನ ಅಗತ್ಯ ಇಜ್ಜಿ.ವೈದಿಕ ರಕ್ಕಸಗ್ ಅವೈದಿಕ ತುಳುವೆರ್ ಗುಡಿ ಕಟ್ಟುನ ಪೂಜೆ ಮಲ್ಪುನ‌ ಅಗತ್ಯ ಇಜ್ಜಿ.ಕಿನ್ಯ ರಕ್ಕಸೆ ಅವಡ್,ಬ್ರಹ್ಮ ರಕ್ಕಸೆ(ಬ್ರಹ್ಮ ಪಂಡ ಬೃಹತ್ ಪಂಡ ಮಲ್ಲ)ಆವಡ್ ತುಳುವೆರೆ ಆರಾದನೆಗ್ ಅವು ಅಗತ್ಯ ಇಜ್ಜಿ.ದಾಯೆ ಪಂಡ ತುಳುವೆರ್ ದೈವ ದೇವೆರ್ ನಾಗೆ ಬೊಕ್ಕ ಕರಿದ್ ಪೋಯಿನಕ್ಲೆನ್ ನಂಬುವೆರ್ ವಿನಃ ರಕ್ಕಸೆರೆನ್ ಓಲ್ಲಾ ನಂಬುದ್ ಜೆರ್.ಬ್ರಹ್ಮ ರಕ್ಕಸೆ ಗೋಳಿದ ಮರಟುಂಡು ಕತ್ತಲೆ ಬೂರ್ನಗ ಏರ್ಲಾ ಪೋಯೆರೆ ಬಲ್ಲಿ  ಪನೊಂತೆರ್.ಬ್ರಹ್ಮ ರಕ್ಕಸೆ ವೈದಿಕೆರೆಗ್ ಉಪದ್ರ ಕೊರ್ಪುಜಿಗೆ.