ನಾಂದಿ ಕಟ್ಟುನಿ

ನಾಂದಿ ಕಟ್ಟುನಿ

ಗಂಧ ಅರೆಪುನ ಕಲ್ಲ್

yenkonji bari bejardasangathi panda kelavu thikd daivasanodu pata deppere ballind,nemada pata deppere ballind panper .akle sambandadakl depver .undu tappe.anchane kelavu pata padnda jageda suddate halapundu panper avla tappe .dumbuda nemada chitreekarana ithnda yeto daiva katnakleg upakara aatu.itte ottare banna,alankara maltonduller,kelavora aatada kuntunu meyk padnenla toote .anchad daivada jatre koladavlu terina niklu dayadeed pata deppere avakasha korodu.avakasha panda ottaare ath .yernd terid avakasha korodu.
nanonji bejarda sangati panda kelavu daivasana,devastanoda moortida pata padnda kalver barpernd la podid kelaver pata deppere budpujer .avla onji lekkodu sari.olandala kandnaye tikknda aven courtu sari vivara panda varasdarreg korpundu aanda vaide vaide bangar patondu povodapundu.kalvanaklen policedakl ainaji vaidedora courtugu letondu barpunavla undu.kelavu sarti kelavu parisarodu beri beri kalavanagala police daklu pattujer pannaga kalvernottige mokleg sahakara undand samshayala barpundu.nama pata dethndala banga,dethjindala banga.ottare gojal,gojal.....mahiti-THULUORIPUGA..https://www.facebook.com/groups/THULUORIPUGA/...gandhatarepuna kall

ಉಲ್ಲಾಲ್ದಿನ ಜಡೆತ ಪೂ ಸಿಂಗಾರ ಕಣಂದೂರು

ವೈದ್ಯನಾಥ ಕಣಂದೂರು

ಸಿರಿಮುಡಿತ ಸತ್ತಿಗೆದ ಮಿತ್ತ್ ತರೆಪಟ್ಟ

   ಉಲ್ಲಾಲ್ದಿನ ಸಿರಿಮುಡಿತ ಸತ್ತಿಗೆದ ಮಿತ್ತ್ ತರೆಪಟ್ಟದ ಒರು

ಬೆರಿ ಉಡೆ ಬೊಳ್ಳಿದ

ಜಕ್ಕೆಲಣಿ ಬೊಳ್ಳಿದವು

ಮಾಲಯ ಅಮಾಸೆ,ಮಾಲರಿ,ಮಾಲಕಿರಿಯ

ಮಾಲಯ ಅಮಾಸೆ,ಮಾಲರಿ,ಮಾಲಕಿರಿಯ

  

ತುಳುನಾಡ ಅವೈದಿಕ ತುಳುವೆರೆಗ್ ಮಾಲಯ ಪನ್ಪುನವು ಆತೊಂಜಿ ಇಸೇಸ ದಾಲ ಅತ್ತ್.ಏರೆಗ್ ಆಟಿದ ಆಚರಣೆ ಉಂಡಾ ಅಕ್ ಲೆಗ್ ಮಾಲಯ ಆಚರಣೆ ಇಜ್ಜಿ.ಆಟಿ ಆಚರಣೆ ಇತ್ತ್ ನಕ್ಲೆಗ್ ಮಾಲಯದ ಪಿತೃ ಪಕ್ಷದ ಅಚರಣೆ ಇಜ್ಜಿ.ದಾಯೆ ಪಂಡ ಆಟಿದ ಅಮಾಸೆದಾನಿ ನಮ್ಮ ಪೂರ್ವ ಹಿರಿಯಾಕ್ಲೆಗ್ ಅಗೆಲ್ ಪಾಡ್ದ್ ಅಕ್ಲೆನ್ ಉಲಯಿ ಲೆಪ್ಪುನ ಕಿರಮ.ನಮ ವೈದಿಕದಲೆಕ ಪಿಂಡ ಪ್ರದಾನ ಮಲ್ತ್ ದ್ ಕರಿದ್ ಪೋಯಿ ಇರಿಯಾಕ್ಲೆನ್ ಕಡಲ್ ಗ್ ಬುಡ್ಪುನ ಕೆರಮ ಇಜ್ಜಾಂಡ್.ಆಟಿ ಅಮಾಸೆಗ್ ಸೀರ್ತ ಮೀಪುನ,ಕಡಲ್ ಮೀಪುನ ಕೆರಮ ಇತ್ತ್ಂಡ್.ನಮ ನಮ್ಮ ಪೂರ್ವ ಹಿರಿಯಾಕ್ಲ್ ನಮ್ಮೊಟ್ಟುಗು ನಮಕ್ ಕಾಪಾದ್ ಉಲ್ಲೆರ್ಂದ್ ಇಲ್ಲದ ಉಲಯಿ ಅಗೆಲ್ ಪಾಡ್ದ್ ಲೆಪ್ಪುವ.ನಿಜವಾದ್ ನಮ್ಮ ಪೂರ್ವಹಿರಿಯಾಕ್ಲೆನ್ ಆರಾದನೆ ಮಲ್ಪುನ ಆಟಿ ತಿಂಗೊಲು ನಮಕ್ ಎಡ್ಡೆ ತಿಂಗೊಲು.ಅಂಚನೆ ಆಟಿದ ಅಮಾಸೆ,ಅವೆರ್ದ್ ಬೊಕ್ಕ ಬರ್ಪುನ ಮಾಲಯ ಅಮಾಸೆ,ಅವೆರ್ದ್ ಬೊಕ್ಕ ಬರ್ಪುನ ದೀಪಾವಳಿ/ಪರ್ಬದ ಅಮಾಸೆ ಇಂಚ ಬೆರಿ ಬೆರಿ ಬರ್ಪುನ ಮೂಜಿ ಅಮಾಸೆಲೆಡ್ ಕರಿದ್ ಪೋಯಿನಕ್ಲೆನ್ ನೇರ್ಪು ಮಲ್ಪುನವು ವೈದಿಕ,ಅವಯದಿಕೊಡು ನೆಗತ್ ತೋಜುಂಡು.ಅಂಚನೆ ಮಾಲಯದ ಆಚರಣೆ ಮಾತೆರೆಗ್ಲ ಎಡ್ಡೆ.ದಾಯೆ ಪಂಡ ವೈದಿಕ ಆವಡ್,ಅವೈದಿಕ ಆವಡ್ ಪಿತೃಲೆನ ಆರಾದನೆ ಮಾತೆರೆಗ್ಲ ಪ್ರದಾನ .ಆಂಡ ಇನಿ ನಮ್ಮ ಹಿರಿಯಾಕ್ಲ್ ಪಂಡ್ ಕೊರಿ ಕಿರಿಯೆಲೆನ್ ಮದತ್ ದ್ ಪಿಂಡ ಬುಡೊಂದುಲ್ಲ.

ವೈದಿಕೆರೆಗ್ ತುಳುವೆರೆ ಆಟಿದ ಆಚರಣೆ ಇಜ್ಜಂದಿನೆರ್ದಾದ್ ಅಕ್ಲೆಗ್  ಮಾಲಯ ಆಚರಣೆ ಉಂಡು.ಮಾಲಯ,ಮಹಾಲಯ ಪಂಡ ಕರಿದ್ ಪೋಯಿನ ,ಮಹಾ ಲಯ ಆಯಿನ ಸರ್ವ ಪಿತೃಲೆನ್ ಒಟ್ಟು ಸೇರಾದ್ ಆರಾದನೆ ಮಲ್ಪುನ ನೂಲು ಪಾಡಿ ಸಂಸಾರದ ಸದ್ಗತಿದ ಕೆರಮ ಮಾಲಯ ಅಮಾಸೆದಾನಿ  ನಡಪುಂಡು.ದೇವೆರೆ ಸೃಷ್ಟಿ ನರಮಾನಿಯಾಂಡಲ ಅಪ್ಪೆ ಅಮ್ಮನ ಸರ್ರ ಸಮ್ಮಂದ,ಅಕ್ಲೆ ಹಿರಿಯಾಕ್ಲೆ ಸಮ್ಮಂದ ನಮ್ಮ ಪುಟ್ಟುಡುಪ್ಪುಂಡು.ದರ್ಮ ಶಾಸ್ತ್ರೊಲು ಪನ್ಪುಲೆಕ ಮೂಜಿ ತರೆ ತರೆ ತರೆ ಪಿರಾಕ್ ದ ಆತ್ಮೊಲು ಸ್ವರ್ಗ ಬೊಕ್ಕ ಬೂಮಿದ ನಡುತ ಪಿತೃ ಲೋಕೊಡುಪ್ಪುವ ಪನ್ಪಿ ನಂಬೊಳಿಗೆ.ಪಿತೃಲೋಕೊನು ತೂವೊನ್ನಾಯೆ ಯಮಧರ್ಮೆ.ನಮ ಪಿತೃ ಪಕ್ಷೊಲೆಡ್ ಪಿತೃಲೆಗ್ ಮಲ್ಪುನ ಸಾರ್ದೊಲು ಯಮದೇವೆರೆ ಮೂಲಕ ಪಿತೃಲೆಗ್ ಮುಟ್ಟುಂಡುಂದು ನಂಬಿನಕುಲು.ಕನ್ಯಾಮಾಸದ ಕೃಷ್ಣಪಕ್ಷೊಡು ಪಿತೃಪಕ್ಷ ಸುರಾಪುಂಡು.

ಎಚ್ಚಾದ್ ಸಾರ್ದೊಲು ಇಲ್ಲಲ್ ಮದ್ದೆನಡ್ ನಡಪುವ.ಕೆಲವೊರ ಸುದೆ ಬರಿಟ್ ನಡಪುವ.ನನ ಕೆಲವೊರ ಪುಣ್ಯ‌ಕ್ಷೇತ್ರದ ಪುಣ್ಯ ತುದೆಕ್ಲೆ ಬರಿಟ್ ನಡಪುವ.

        ಮೂಜಿ ಋಣೊಕುಲೆಡ್ ಪಿತೃ ಋಣ ಒಂಜಿ.ಕರಿದ್ ಪೋಯಿನಕ್ಲೆಗ್ ಸಾರ್ದ ಮಲ್ತ್ಂಡ ವರ್ಸೊಗೊರ ಕರಿದ್ ಪೋಯಿನಕ್ಲೆಗ್ ಮಲ್ಪುನ ಪಿತೃಕಜ್ಜೊಲೆಗ್ ಮಹಾಲಯ ಪನ್ಪೆರ್. ಮಾಲಯ ಅಮಾಸೆದಾನಿ ಪೂರ ಪೂರ್ವಜೆರ್ನ  ಸ್ರಾದ್ದ ಸಂದುಂಡುಂದು ಲೆಕ್ಕ.ನಮ್ಮ ಕುಟುಮೊಲೆಗ್ ದೋಸ ಬರ್ರೆ ಕರಿದ್ ಪೋಯಿನ ಪಿತೃನಕ್ಲೆ ಕಾರಣ  ಪಿತೃಲೆರ್ದ್ ಬರ್ಪುನ ಒವು ದೋಸ  ಬರ್ಪುನ ಇತ್ತ್ಂಡಲ  ಮಾಲಯ ಅಮಾಸೆಗ್ ಲಯ ಆಪುಂಡುಂದು ಅಕುಲು ನಂಬಿನಕುಲು.ವರ್ಸೊಗೊರ ಬರ್ಪುನ ಈ ಅಮಾಸೆದಾನಿ ಏತೋ ಸದ್ಗತಿ ತಿಕ್ಕಂದಿನ ಪ್ರೇತಾತ್ಮೊಲೆಗ್ ಸದ್ಗತಿ ಕೊರ್ರೆ ಆಪುಂಡು.ಮಾಲಯ ಸ್ರಾದ್ದೊನು ಮಲ್ಪುನ ಆಲಯ(ಇಲ್ಲ್) ನ್ ಕರಿದ್ ಪೋಯಿ ಪಿತೃಲು  ಮಹಾಲಯ(ಮಲ್ಲ ಇಲ್ಲ್) ಮಲ್ಪುವೆರ್ ಪಂಡ ವಂಶೊನು ಬೆಳಗಾವೆರ್ಗೆ.ಲಯಕಾರೆರಾಯಿನ ಶಿವೆ,ಯಮೆ ಬೊಕ್ಕ ಪಿತೃಲೆನ್ಆರಾದನೆ ಮಲ್ಪುನ  ಪದಿನಾಜಿ ದಿನೊಕ್ಲೆನ ಗುರ್ತ ದೀನ(ಪ್ರದಾನ) ದಿನೊಕು ಮಹಾಲಯ ಪನ್ಪೆರ್ .ಮಾತ ಕಿರಿಯ ಬಾಗ ಮುಗಿತ್ ಬೊಕ್ಕ ನೀರ್ ಡ್ ಮೂಜಿ ಸರ್ತಿ ಮುರ್ಕ್ ದ್ ಸುದ್ದ ಆಪುನ ಕೆರಮ ಮೊಕ್ಲೆನ.ಸೋಣ ಸಂಕ್ರಾಂತಿ ಕರಿದ್ ಬರ್ಪುನ ನಿರ್ನಾಲದ ಮದ್ಯ ಬಾಗೊಡು ಮಾಲಯ ಅಮಾಸೆ ಬರ್ಪುಂಡು.ಮಾಲಯ ಅಮಾಸೆದ ಪಿತೃಪಕ್ಷದ ಅಮಾಸೆದಾನಿ ಪಿತೃ ಸಾರ್ದ ಮಲ್ಪುವೆರ್.ಆನಿ ಪಿತೃಲೆಗ್  ಆವಾರ ಬಲಸುನೆನ್ ಬೊಳ್ಳಿ,ತಾಮ್ರ,ಮಣ್ಣ್ ದ ಕರೊಕ್ಲೆಡ್ ಬೆಯ್ಪಾದ್ ಬಾರೆದಿರೆತ ಮಿತ್ತ್ ಇಲ್ಲದುಲಯಿ ಬಲಸ್ ದ್ ಪಿತೃಲು ಬರ್ಪುನೆನ್ ಕಾತ್ ಕುಲ್ಲುವೆರ್.ಪೆತ್ತದ ನೆಯಿ,ಎಣ್ಮೆ ಬಿರಾಯಿನ ಅರಿತ,ಗೋದಿದ ಪೊಡಿತ  ಉಂಡೆ(ಪಿಂಡ)ಮಲ್ತ್ ದ್ ಬಾರದಿರೆಟ್ ದೀಪೆರ್. ತಿಲ/ಎಣ್ಮೆದ ತರ್ಪಣ ಆಯಿ ಬೊಕ್ಕ ಒರಿನೆನ್ ಕಕ್ಕೆಗ್ ದೀಪೆರ್. ಚೌತಿರ್ದ್ ಬೊಕ್ಕ ಬರ್ಪುನ ಪುಣ್ಣಮೆರ್ದ್ ಬೊಕ್ಕದ ಪದಿನಾಜಿ ದಿನೊಕ್ಲೆನ್ ಪಿತೃಪಕ್ಷ ಪನ್ಪೆರ್.ಪಕ್ಷ ಪಂಡ ಪದಿನೈನ್ ದಿನ ಪದಿನೈನ್ ದಿನ ಕರಿದ್ ಬರ್ಪುನ ಪದಿನಾಜನೆ ದಿನತ ಅಮಾಸೆನ್ ಸರ್ವ ಪಿತೃಲೆನ ದಿನಂದ್ ಪನ್ಪೆರ್.ಸರ್ವ ಪಿತೃಲೆಗ್ ಸನ್ಮಂತ ಆಂಡ ಅಕುಲುಮಾತಾ ರೀತಿಡ್ ಕುಟುಮ ಸಂಸಾರೊಗು ಎಡ್ಡೆ ಮಲ್ಪುವೆರ್ಂದ್ ನಂಬಿನಕುಲು ವೈದಿಕಾರಾದಕೆರ್.ಅಂಚನೆ ಸಾರ್ದೊಡು ಮೂಜಿ ತರೆತರವಾಡ್ ಗ್ ಪಿಂಡ ಪ್ರದಾನ ಆಂಡ ಮಾಲಯ ಅಮಾಸೆದಾನಿ ತೆರಿನ,ತೆರಿಯಂದಿನ ಸರ್ವ ಪಿತೃಲೆಗ್ ಪಿಂಡಪ್ರದಾನ ಆಪುಂಡು.ಪಿಂಡ ಪ್ರದಾನ ಆಚರಣೆ ಮಾಲಯೊಡು ಮಲ್ಪಂದಿನಕುಲು ಪಿತೃಪಕ್ಷೊಡು ಕರಿದ್ ಪೋಯಿ ಹಿರಿಯೆರೆನ್ ನೆನೆತ್ ದ್ ಕಡಲ್ ಮೀಪೆರ್.ಬಡವೆರೆಗ್ ದಾನ ಧರ್ಮ ಮಲ್ಪುವೆರ್.ಕರಿದ್ ಪೋಯಿನ ಹಿರಿಯೆರೆಗ್ ಕೊಡಿರೆಟ್ ಬಲಸ್ ದ್ ಅಕ್ಲೆನ್ ಕಾತ್ ದ್ ಪ್ರಸಾದದ ಒರುಟು ಅವ್ಲು ಬಲಸಿ ಒನಸ್ ತೆನಸ್ ನ್ ಉನ್ಪೆರ್.ಪಿತೃಪಕ್ಷೊಡು ಅಕುಲು ವಾ ಎಡ್ಡೆ ಕೆಲಸ,ಮದ್ಮೆ ಮಸ್ಕಿರಿ ಮಲ್ಪುಜೆರ್.ಪದ್ದೆಯಿ,ಕುಂಟು ಪೂರ ಪೊಸತ್ ದೆಪ್ಪುಜೆರ್.ಕುಜಲ್,ಉಗುರು,ಗಡ್ಡ ದೆಪ್ಪುಜೆರ್.ಪೊಸತ್ ವಾ ಕೆಲಸಲ ಸುರು ಮಲ್ಪುಜೆರ್.ದೂರದೂರುಗು ಪೋಪುಜೆರ್.ಆಂಡ ತೀರ್ಥಯಾತ್ರೆ ಮಲ್ಪುವೆರ್.

ಪುರಾಣದ ಒರುಟು ತೂಪುಂಡ ಮಹಾಭಾರತ  ಕೊಳಗೊಡು ಕಾಯ ಬುಡಿ ಕರ್ಣೆ ಸೊರ್ಗೊಗು ಪೋನಗ ಆಯಗ ಬಾರೀ ಬಂಜಿ ಸೂಗೆ.ಆಂಡೆ ತಿನೆರೆಂದ್ ದಾದ ದೆತೊಂಡಲ ಅವು ಬಂಗಾರಾವೊಂತ್ಂಡ್ ಗೆ .ಅಂಚಾದ್ ಅಯೆ ಅಮ್ಮೆ ಸೂರ್ಯನೊಟ್ಟುಗು ಇಂದ್ರನಡೆ ಪೋದು ಕೇನ್ನಗ ಈ ಬದ್ ಕ್ ದುಪ್ಪುನಗ ಬಾರ್ಯಾತ್ ಬಂಗಾರ್ ದಾನ ಮಲ್ತ.ನಿನ್ನ ಪೂರ್ವ ಹಿರಿಯಾಕ್ಲೆಗ್ ಸಾರ್ದ,ಪಿತೃತರ್ಪಣ ಕೊರಂದೆ ಅಕ್ಲೆ ಸಾಪ ನಿಕ್ಕ್ ತಿಕ್ ದ್ಂಡ್.ಅಂಚಾದ್ ಈ ಬೂಮಿಗ್ ಪೋದು ಪದಿನೈನ್ ದಿನ ಬೂಮಿಡಿತ್ತ್ ದ್ ಕರಿದ್ ಪೋಯಿನ ಪಿತರಲೆಗ್ ಸಾರ್ದ ಪಿತೃ ತರ್ಪಣ ಮಲ್ಪು,ಬತ್ತಿನಕ್ಲೆಗ್ ಬಡವು ಬಾಜೆಲ್ ಕೊರ್ಲಂದ್ ಬೂಮಿಗ್ ಕಡಪುಡುವೆಗೆ.ಆಯೆ ಇಂದ್ರೆ ಪನ್ಲೆಕ ಮಲ್ಪುವೆಗೆ.ಇತ್ತೆ ಈ ಪದಿನೈನ್ ದಿನೊನು ಪಿತೃ ಪಕ್ಷಂದ್ ಪನ್ಪೆರ್.

ನಮ ತುಳುವೆರ್ ರಟ್ಟೆಡ್ ಬಲ ತೋಜಾಯ.ಅಕುಲು ಇದ್ಯೆ ಬುದ್ದಿಡ್ ಬಲ ತೋಜಾಯೆರ್.ಬುದ್ದಿದ ಎದುರು ಬಲ ಬಲದಾಂತೆ ಒರಿಂಡ್.ಇನಿ ಆಟಿ ಆಚರಿಪುನ ಸೂದ್ರ ತುಳುವೆರೆಗ್ ಈ ಮಾಲಯದ ಕಟ್ಟಿಜ್ಜಿ. ಒಂಜಾತ್ ತುಳುವೆರ್ ಮಾಲಯೊಡು ಮೀನ್ ಮಾಸ ಬುಡ್ಪುನಲ ಉಂಡು.ವೈದಿಕ ಆವಡ್,ಅವೈದಿಕ ಆವಡ್ ಪಿತೃಲೆಗ್ ಬಿಲೆನ್ ಕೊರ್ಪುನೆನ್ ಮದತ್ ಜೆರ್.

ಅಪಗ ಮಾಲಕಿರಿಯ ಪಂಡ ದಾದಂದ್ ಪಿಂದೊನ್ಗ.ಇತ್ತೆ ಮಾಲಕಿರಿಯೊನು ಮಾಲರಿಯ,ಮಾಲಕರಿಯಂದ್ ಲ ಪನ್ಪೆರ್.ಮಾಲಕಿರಿಯ ಪಂಡ ಮಾತ ಸೈತ್ ನಕ್ಲೆಗ್ ಬತ್ತ್ ನಂಚಿನ ಕಿರಿಯ.ಪಂಡ ಕರಿದ್ ಪೋಯಿನ ಮಾತೆರೆಗ್ ಮಲ್ಪುನಂಚಿನ ಕಿರಿಯೊಲು.ಸೈತ್ ನಕ್ಲೆಗ್ ಸಾವುದಾನಿ ನಮ ಮಲ್ಪುನವು ಪೂರ ಮಾಲಕಿರಿಯ.  ಮಾಲಕಿರಿಯ ಕರಿಪುನವು ಸಾವುದಾನಿ ಮಾತ್ರ.

ಅಪಗ ಮಾಲರಿ ಪಂಡ ದಾದ ತೆರಿಕ.ದೈವ ಬೂತಾರಾದನೆಡ್ ಮಾಲರಿ ತೂವೆರೆ ತಿಕ್ಕುಂಡು.ಒಂಜಿ ಕಾಲೊಡು ಬದ್ ಕ್ ದಿತ್ತ್ ದ್ ಬೊಕ್ಕ ಇಜ್ಜಂದಾದ್ ಕಾರ್ನಿಕ ತೋಜಾಯಿನ ದೈವ,ಬೂತೊಲಾಯಿನೆಕ್ .ಅಂಚಾದ್ ಪಿತೃಲೆಗ್ ಸಂದುನ ಪ್ರಕಾರದ ಬೂತಾಲ್ಯದ ಕೆರಮೊನು ಮಾಲರಿ ಪನ್ಪೆರ್.ಸೋಣೊರ್ದು ಬೊಕ್ಕ ಬೂತಾಲ್ಯೊಡು ಈ ಕೆರಮ ತೂಯೆರೆ ತಿಕ್ಕುಂಡು.

ಅಂಚನೆ ಪಿತೃಪಕ್ಷ ಆಚರಣೆ ಮಲ್ಪಂದಿ ತುಳುವೆರೆಗ್ ಮಾಲಯೊಡು ಇಲ್ಲ್ ದಿಂಜಾವೊಲಿ.ಅಂಚನೆ ಪಿತೃ ಪಕ್ಷ ಆಚರಣೆ ಮಲ್ಪುನಕ್ಲೆಗ್ ಮಾಲಯೊಡು ಇಲ್ಲ್ ದಿಂಜವುನವು ನಿಷಿದ್ಧ.

ಉಲ್ಲಾಲ್ದಿನ ಸಿರಿಮುಡಿ,ಜಕ್ಕೆಲಣಿ

ಉಲ್ಲಾಲ್ದಿನ ಕೀರ್ತಿ ಮುಖ

ದೈವಾರಾದನೆನ್ ಎಂಚ ಒರಿಪೊಲಿ?

ದೈವಾರಾದನೆನ್ ಎಂಚ ಒರಿಪೊಲಿ?

           

         ಅನಾದಿಡ್ದ್ ನಡತೊಂದು ಬತ್ತಿನ ದೈವಾರಾದನೆನ್ ತುಳುವ ಮಣ್ಣ್ ದ ತುಳುವ ಬದ್ ಕ್ ದ ಇಚಾರೊಲೆನ್ ನಮ್ಮ ದುಂಬುದ ಕಿನ್ನಿ ಕಿರ್ತಾಲೆಗ್ ಒರಿತ್ ಕೊರ್ಪುನ ಅನಿವಾರ್ಯತೆ ಇನಿ ನಮಕ್ ಮಾತೆರೆಗ್ಲ ಉಂಡು.ಬಹುಸಂಸ್ಕೃತಿ ಬಾಸೆದ ದೇಸ ನಮ್ಮ ಭಾರತ.ಮಾತೆನ್ಲಾ ಒಂಜೇ ಬಾಸೆದ ಅಡಿಟ್ ಕನಪುನ ಬೇಲೆ ಮಲ್ಪೆರೆ ಬಲ್ಲಿ.ದಾಯೆ ಪಂಡ ಅಂಚ ಮಲ್ತ್ಂಡ ಮೂಲು ಪರೆಂಗಿಲು ಮಲ್ತ್ ನೆಕ್ಲಾ ನಮಕ್ಲಾ ದಾದ ಎತ್ತೇಸೊ?.ಬೇತೆ ಬೇತೆ ಭಾಷೆದ ಬೇತೆ ಬೇತೆ ಸಂಸ್ಕೃತಿದ ದೇಶ ನಮ್ಮ ಭಾರತ.ಅವೆಟ್ ತುಳು ಬಾಸೆಲಾ ಒಂಜಿ.ತುಳು ಧರ್ಮೊನು ,ತುಳು ಸಂಸ್ಕೃತಿನ್ ಒರಿಪುನ ತುಳುವಪ್ಪೆನ ಮಿತ್ತ ರುಣ ನಮಕುಂಡು.ತುಳು ಧರ್ಮ ಪಂಡ ಅವೆಕ್ ಅವೆತನೇ ಆಗಿನ ಸಂಸ್ಕೃತಿದ ಚೌಕಟ್ಟುಂಡು. ಅವೆನ್ ಹಿಂದೂ ಧರ್ಮದ ಕೈಯಡಿಕ್ ಕನಪುನತ್ತ್.ಅಂಚ ಮಲ್ತ್ಂಡ ಹಿಂದೂ ಧರ್ಮದ ಆಚರಣೆ ಆರಾದನೆಲೆನ ಪೆಟ್ಟ್ ಡ್ ತುಳು‌ಧರ್ಮ ತನ್ನಾತೆಗೇ ನಾಶ ಆವೊಂದು ಪೋಪುಂಡು.ತುಳು ಧರ್ಮೊನು ಭಾರತೀಯ ಸಂಸ್ಕೃತಿದ ಒಂಜಿ ಭಾಗ ಆದ್ ತೂವೊಡು ವಿನಃ ಅವೆನ್ ಹಿಂದೂ ಧರ್ಮದ ಅಡಿಟ್ ಕನತ್ಂಡ ಮೂಲ ತುಳು ಧರ್ಮದ ಆರಾದನೆ,ಆಚರಣೆಲ್ನ ಕೆರಮೊಲು ತತ್ತ್ ದ್ ಕಾಲಾನು ಭಾಗೊಡು ತುಳುವ ಧರ್ಮ ನಾಶ ಆದ್ ಪೋಪುಂಡು.ಹಿಂದೂ ಧರ್ಮದ ಕೆಲವೊಂಜಿ ಆಚರಣೆಲು ತುಳು ಧರ್ಮದ ಆರಾದನೆ,ಆಚರಣೆದಡೆ ಬತ್ತ್ ದ್ ಏತೋ ಎತ್ತೇಸೊಲಾತ.ಬದಲಾವಣೆ ಜಗತ್ತ್ ದ ನಿಯಮ.ಅಂಚಂದ್ ಮೂಲೊನೇ ನಾಶ ಮಲ್ತ್ ದ್ ಪೊಸತೊಂಜಿ ಆಚರಣೆನ್ ಕನಪುನ ಸರಿಯತ್ತ್.ಪರತ್ ನ್ ನಿಗಿಪಡ,ಪೊಸತ್ ನ್ ತೋಡಡಂದ್ ದೈವನೇ ಪನ್ಪುಂಡು.

   

   ತುಳು ಧರ್ಮದ ನ್ಯಾಯಾಂಗ ವ್ಯವಸ್ಥೆ  ಬಾರೀ ಪಿರಾಕ್ ರ್ದೇ ಬಾರೀ ಮಾನಾದಿಗೆ ಪಡೆದಿತ್ತ್ಂಡ್.ತುಳುವ ನ್ಯಾಯಾಂಗ ವ್ಯವಸ್ಥೆಡ್ ದರ್ಮ ಚಾವಡಿಲೆಡ್ ಗುತ್ತುಲೆನ ನಿರೆಲ್ ಡ್ ದೈವ ಸಾಗ್ಸಿಯಾದ್ ನ್ಯಾಯ ತೀರ್ಮಾನ ನಡತೊಂದಿತ್ತ್ಂಡ ದೈವದ ಕಲೊಟು ದೈವದ ತೀರ್ಮಾನ ಅಂತಿಮ ಆದಿತ್ತ್ಂಡ್.ಅಂಚಾದ್ ತುಳು ಧರ್ಮದ ನ್ಯಾಯಾಂಗ ವ್ಯವಸ್ಥೆಡ್ ನಂಬೊಳಿಗೆ ಪ್ರಧಾನ ಆದಿತ್ತ್ಂಡ್. ದೇವೆರೆ ಆರಾದನೆ ಹಿಂದೂ ಸನಾತನ ಸಂಸ್ಕೃತಿದ ಆರಾದನೆ. ದೈವಾರಾದನೆ ತುಳುಧರ್ಮದ ಆರಾದನೆ.ಅಡೆಗ್ ದೇವೆರೆ ಆರಾದನೆದ ಇಚಾರೊಲೆನ್ ಕನತ್ಂಡ ಅವ್ಲು ಏತೋ ಎತ್ತೇಸೊಲಾಪುಂಡು.ಇನಿಕಾನಗ ದೈವಾರಾದನೆ ಮುದೆಲ್ ರ್ದೇ ಮೂಲೊನು ಕಳೆಯೊಂದ್ಂಡ್.ಒಂಜಿ ಕಾಲೊಡು ದೈವೊಲೆನ್ ಕಾಟ್ ಕಲ್ಲ್ ಡ್,ತೋಡ ನೀರ್ ಡ್,ತೋಟ ಪಾಳಡ್,ತಾರೆ ತಿರಿಟ್,ಕಾಡ ಪುರ್ಪೊಡು ಆರಾದನೆ ಮಲ್ತೊಂತೆರ್.

    

                         ಕಿರೀಟ ದೀನ ತನಿಮಾನಿಗ ದೈವ

ಕುಟುಂಬದ ದೈವೊಲೆಗ್ ಸೈಟ್ ದ ಜಾಗೆ, ಟೆರೆಸ್ ದ ಇಲ್ಲ್,ಬೋರ್ ದ ನೀರ್ ,ಕರ್ಬದ ಮಾಡ್, ಕ್ಯಾಟರಿಂಗ್ ಅಡಿಗೆ, ಕೋಲಡ್ ಕುಲೆ ಬುಡ್ಪಾವುನೆ ಕುಡ ಸುದರ್ಶನ ಹೋಮಡ್ ಕುಲೆ ಬುಡ್ಪಾವುನೆ..ಇಂಚ ಪೂರಾ ಆವೊಂದುಂಡು.ಮೂಲು ಜೋಯಿಸೆರ್, ಶಿಲ್ಪಿಲು, ವೈದಿಕೆರ್ ಮನಿಪುಜೆರ್.

ಸರಳ ಸಂಪ್ರದಾಯದ ಸರಿಯಾಯಿನ ಪ್ರಾದೇಶಿಕ ಕ್ರಮ ಪನ್ಪುಜೆರ್.ಇತ್ತಿ ಹಿರಿಯೆರೆನ್ ಗೆನ್ಪುಜೆರ್.

ಮಾತೆರೆಗ್ ಲಾ ಮಣೆ ಮಂಚಡ್ ಮೊಗ ಆಯುಧ ತೋಜೊಡು.ಮಣಿ ಕೂಜಿ ಯಾವುಜಿ.

ಪೂರಾ ಆದ್ ತತ್ತ್ ಂಡ ದೋಷ ತೋಜಿಂಡ ಪಿರ ಪ್ರಶ್ನೆ.. ನವೀಕರಣ..

ಕುಟುಂಬದ ಬಡಪತ್ತ್ ದಾಯಗ್ ವಂತಿಗೆದ ಪುದೆ.

              ಕಿರೀಟ ದೀನ ತನಿಮಾನಿಗ ದೈವದ ಕೈಟ್ ಬಾಲೆ

ಕಾಲಾನುಬಾಗೊಡು ಸಾನ ಮುಂಡ್ಯೆಲು ಲಕ್ಕ್ ದ್,ಪೊಸ ಸಾನದೊಕ್ಕೆಲಾದ್ ಅವ್ಲು ಕಲ್ಲ್ ದ ಬದಲ್ ಮುಗ ಮೂರ್ತಿಲೆನ್ ಉಜ್ಜಾಲಾ,ಮಣೆ ಮಂಚವುಡಾ,ಮುಂಡ್ಯೆಡಾ ದೀದ್ ಆರಾದನೆ ಮಲ್ತೊಂದು ಬತ್ತೆರ್.ಸಾನ ಕಟ್ಟನಗಲ ಆಚಾರಿಡ ಪೇರ್ ಕುಟ್ಟಿ ಪಾಡ್ಪಾವೊಂತೆರ್.ಅಂಚಾದ್ ಮೂಲ ಚಾಕಿರಿದ ಆಚಾರಿಲೆನ್ ದೈವ ಸುರುಕಾದ್ ನೂಲು ಪಾಡಿ ಸಂಸಾರ ಕೈ ಸೇರ್ದೆರಾಂದ್ ಕೇನೊಂತ್ಂಡ್.ಕಾಲ ಕರಿಲೆಕ ಆಚಾರಿಲೆನ್ ಬುಡ್ದು ದೈವಾಲ್ಯೊಗು ವೈದಿಕೆರ್ಡ ಕೆಸರ್ ಕಲ್ಲ್ ಪಾಡ್ಪಾಯೆರ್.ಆನಿರ್ದ್ ಬೊಕ್ಕ ಕೋರಿ ಮೀನ್ ದ ಅಗೆಲ್ ಕೈಕೊನುನ ದೈವೊಲೆ ಕಲೊಕು ಮಡಿ ಮೈಲೆ ಬರ್ರೆ  ಸುರಾಂಡ್.ಅವೆಕ್ ದುಂಬು ಕೋರಿ ಮೀನ್ ತಿನೊಂತ್ ನವು ನಮಕ್ ಮೈಲಿಗೆ ಆದಿಜ್ಜಾಂಡ್.ಅವೆನೇ ನಮ ನಂಬಿ ದೈವೊಲೆಗ್ ಸುದ್ದಾಚಾರದೊರುಟು ಅಗೆಲ್ ಸನ್ನಯ ಮಲ್ತೊಂತ.ವೈದಿಕ ಪ್ರಭಾವೊಡ್ದಾದ್ ಅವ್ವೇತೋ ಆಸುರೀ ಕಿರಿಯೆದ ಆರಾದನೆಲು ಉಂತುದು ಪೋತ.ಉಂದೆಡ್ದಾದ್ ನಮ್ಮ ದೈವೊಲೆನ ಬಾಯಿನ್ ನಮನೇ ಕಟ್ಟಾಯಿಲೆಕಾತ್ಂಡ್.ಬೊಕ್ಕ ನಮಕೊಲ್ತು ದೈವದ ಕಾರ್ನಿಕ‌ ತಿಕ್ಕೆರೆ ಸಾದ್ಯ?.

  

  ದೈವದ ಮೋನೆದ ಅರ್ದಾಲದ ಬದಲ್ ಯಕ್ಷರಂಗದ ಬಣ್ಣಗಾರಿಕೆ ತುತ್ತೈತ ಮಲ್ಪಡೆ.

   ದೈವಾರಾದನೆದ ಕಲೊಕು ವೈದಿಕಾಚರಣೆ ಬತ್ತಿ ಬೊಕ್ಕ ಅಡೆಗ್ ವೈದಿಕ ಅಷ್ಟಮಂಗಲ ಪ್ರಶ್ನಾ ಚಿಂತನೆಲು,ಸ್ವರ್ಣ ಪ್ರಶ್ನೆ,ತಾಂಬೂಲ ಪ್ರಶ್ನೆಲು ಬತ್ತ್ ದ್ ದೈವದ ನಾಲ್ ಪೀಠೊಲ್ನ ಬಗ್ಗೆ ತೆರಿಯಂದಿ ಮೊಕ್ಲು ದೈವೊಲೆನ್ ದೇವ,ದೇವಿ ಮಲ್ತ್ ಬುಡ್ಯೆರ್.ಮೊಕ್ಲು ಪಂಡಿಲೆಕ ತುಳುವೆರ್ ದೈವೊಗು ಬಾಲಾಲಯ ಕಟ್ಟಯೆರ್,ನಿಧಿಕುಂಭ ಮಲ್ತೆರ್,ಪ್ರಾಣ ಪ್ರತಿಷ್ಠೆ ಮಲ್ತೆರ್,ಬ್ರಹ್ಮ ಕಲಶ ಮಲ್ತೆರ್,ದೃಢ ಕಲಶ ಮಲ್ತೆರ್.ಈತ್ ಪೂರ ಆಯಿ ಬೊಕ್ಕ ಸಾನದುಲಯಿದ ಸಂಕ್ರಾಂತಿಗ್ ಅಣ್ಣೆರೆನ್ ನೇಮಕ ಮಲ್ತೆರ್.ಪಾಗರದ ಉಲಯಿ ನೇಮ ನೆರಿ ಪಡೆಯೊಂತಿ ದೈವೊಲೆನ್ ಮೊಕ್ಲು ಸಾನದ ಪಿದಯಿ ನೇಮ ಆಪುಲೆಕ ಮಲ್ಪಾಯೆರ್.ಏಪ ದೈವದ ಕಲಕ್  ಸಾನ ಕಟ್ಟಾಯೆರೆ ಕೆಸರ್ ಕಲ್ಲ್ ಪಾಡ್ಪಾಯೆರಾ ದೈವದ ಕಲೊಕು‌ ಒಂಜೊಂಜಿ‌ ಸುದ್ದಾಚಾರದ ಕೆರಮೊಲು‌ ಬರೆರೆ ಸುರಾಯ.ಸುದ್ದಾಚಾರದ ಮಡ್ಯೆಲೆರೆ ಉಜೆ ಬಸ್ಮದ ತಲಿಪುದ ಬದಲ್ ದೇವೆರೆ ನೀರ್ ದ ಕಲಶ ಮೈತೊನ್ನಡೆ ಚಾಕಿರಿದಕ್ಲೆಗ್ ಸುದ್ದಾಚಾರಂದ್ ಪನ್ಪಿ ಕಲ್ಪನೆ ಬತ್ತ್ಂಡ್.ಸಾನ ಗಿದ್ ಪುನಗ ದೈವದ ಬಂಡಾರೊನು ಬಾರ್ ಕುರುವೆಡ್ ಪಾಡ್ ದ್ ದೈವದ ಬಂಡಾರೊಲೆನ್ ಅವೆಟ್ ದೀದ್ ಮರತ ಮಿತ್ತ್ ದೀವೊಂತ್ ನಡೆ ಬಾಲಾಲಯ ಬತ್ತ್ಂಡ್.ಸಾನ ಮುಂಡ್ಯೆ ಕಟ್ಟ್ ದ್ ಹಿರಿಯಾಕ್ಲಿತ್ತ್ ದ್ ದೈವೊನು ಮಣೆ ಮಂಚವುದ ಮಿತ್ತ್ ಅಂದ್ ಮಲ್ಪವುನಡೆಗ್ ದೈವೊಗು ಪ್ರಾಣ ಪ್ರತಿಷ್ಠೆ ಬತ್ತ್ಂಡ್.ಅಕುಲು ಅಭಯ ಕೊರ್ಪುನ ದೈವೊಲೆನ್ ,ತುಳುನಾಡ ಸ್ವತಂತ್ರ ಸಗ್ತಿಲೆನ್ ದೇವೆರೆ ಕ್ಷೇತ್ರೊಲೆನ್ ಕಾಪುನ ಕ್ಷೇತ್ರಪಾಲೆ ಆದ್,ದೇವೆರೆನ ಪರಿವಾರ ಸಗ್ತಿಲಾದ್ ಮಲ್ತೆರ್.ನಮ್ಮ ತುಳುನಾಡ್ ಡ್ ಮೂಲೊಡು ಇತ್ತ್ ನಿ ದೈವಾರಾದನೆನೇ ,ಅವು ಬುಡ್ದು ದೇವೆರೆ ಆರಾದನೆ ಇಜ್ಜಾಂಡ್.ಅಪಗ ಅನಾದಿಡ್ದೇ ಇತ್ತಿ ದೈವೊಲು ಎಂಚ ದೇವೆರೆ ಚಾಕಿರಿದಕ್ಲಾದಿಪ್ಪೆರೆ ಸಾದ್ಯ?.

ಒಂಜಿ ಕಾಲೊಡು ಕೇರಳದ ಕಾಲಟಿರ್ದ್ ತುಳುನಾಡ್ ಗ್ ಬತ್ತಿನ ಶಂಕರಾಚಾರ್ಯೆರ್ ಉಲ್ಲಾಲ್ದಿನ ದೈವಸಾನೊಲೆಡ್ ಶ್ರೀಚಕ್ರ ದೀದ್ ಉಲ್ಲಾಲ್ದಿ,ಲೆಕ್ಕೆಸಿರಿ ಪೂರಾ ದುರ್ಗಾಪರಮೇಶ್ವರಿ ರಕ್ತೇಶ್ವರಿ ಆಂಡ್.ಶ್ರೀರಾಮಾನುಜಾಚಾರ್ಯೆರ್ ವಿಷ್ಣು ಮೂರ್ತಿನ್ ತುಳುನಾಡ್ ಗ್ ಕನತೆರ್.ಅರಸು ಬಿಟ್ಟಿದೇವನ್ ಆರ್ ಸುರು ವಿಷ್ಣುವರ್ದನಂದ್ ಪುದರ್ ಬದಲ್ತೆರ್.ಕಾಲನುಬಾಗೊಡು ವಿಷ್ಣುಮೂರ್ತಿ ದೈವಲಾ ವಿಷ್ಣುನ,ಗೀತೆದ ಸಂಸ್ಕೃತದ ಸಾಲ್ ಲೆನ್ ಪನೆರೆ ದುರು ಮಲ್ತೆರ್.ವಾದಿರಾಜೆರ್ ಶಿವ ಸನ್ನಿದಿಡ್ ಶಿವಲಿಂಗದ ಮಿತ್ತ್ ವಿಷ್ಣುನ ಸಾಲಿಗ್ರಾಮ ದೀವೊಂದು ಬತ್ತೆರ್.ಇನಿ ಕೇರಳದ ಪ್ರಶ್ನೆ ಚಿಂತನೆದಕುಲು ಅವ್ವೇ ಬೇಲೆನ್ ಮಲ್ತೊಂದುಲ್ಲೆರ್.ಶಿವ ದೇಲ್ಯೊಲೆಗ್,ಜೋಗಿ ಮಠೊಕ್ಲೆಗ್,ದೈವಾಲ್ಯೊಲೆಗ್ ಇಜ್ಜಾಂದಿ ಬ್ರಹ್ಮಕಲಶೊನು ಅಷ್ಡ ಮಂಗಲ ಪ್ರಶ್ನೆ ದೀದ್  ಮಲ್ಪಾಯೆರೆ ಪಂಡೆರ್.ಉಂದು ನಮಕ್ ಗೊತ್ತಾವಂದಿಲೆಕ್ಕ ನಡಪುನ ಧಾರ್ಮಿಕ ಆಕ್ರಮಣನಾ ಅತ್ತ್ ಮತಾಂತರನಾ ತೆರಿಯೊಂದಿಜ್ಜಿ

ಒವ್ವೇ ದೈವ ಕಲ ಮೀರ್ದ್ ಅಬತಾರ ಕಟ್ಟುನ ಸರಿಯತ್ತ್

 ದೈವೊಲೆಗ್ ಪೂ ನೀರ್ ದೀವೊಂತಿ ಕೂಡು ಕುಟುಮೊಲು ಅರಿಗಿರಿದ್ ಪೋನಗ ದೈವೊನು ಪಾಲಿಪೆರೆ ನಮ ವೈದಿಕ ವಿಧಿವಿದಾನೊಲೆನ್ ಮಲ್ಪುನಕ್ಲೆನ್  ಸಾನದ ಚಾಕಿರಿಗಿಂದ್ ಕನತ.ಅಕುಲು ದೈವೊಲೆಗ್ ದೇವೆರೆ ಮಂತ್ರ ಪನೊಂದು ಪೂಜೆ ಮಲ್ಪೆರೆ ಸುರು ಮಲ್ತೆರ್.ಉಂದುವೇ ಚಾಕಿರಿದಕುಲು ದೈವಸಾನೊಗು ಬತ್ತಿ ಬೊಕ್ಕ ಅಗೆಲ್,ತಂಬಿಲ,ಪನಿವಾರ ನಡತೊಂತಿ‌ ದೈವೊಲೆ ಸಾನೊಗು ಕುಂಕುಮಾರ್ಚನೆ,ಕರ್ಪೂರಾರತಿ,ಪೂತ ಪೂಜೆ ಪೂರ ಕನತೆರ್.ಒಂಜೊಂಜೇ ರೀತಿಡ್ ದೈವಸಾನೊಲು‌ ದೇವಸಾನೊಲಾಯಿಲೆಕ ತೋಜೊಂದು ಪೋಯ.ನಮಕ್ ನಮ್ಮ ಹಿರಿಯಾಕ್ಲ್ ದೀನ ಪುದರ್ ಡ್ ದೈವೊಲೆನ್ ಲೆಪ್ಪೆರೆ ನಾಚಿಕೆ ಆಂಡ್.ಅಪಗ ದೈವದ ಗಂದ ಗಾಳಿ ತೆರಿಯಂದಿ,ವಾ ವಾ ದೈವೊಲೆಗ್ ವಾ ವಾ ಪೀಠಂದ್ ತೆರಿಯಂದಿ ವೈದಿಕ ಪ್ರಶ್ನೆ ಚಿಂತನೆದಕುಲು ಪಂಡಿ ಪುದರ್ ನ್ ದೈವೊಲೆಗ್ ದೀವೊಂದು ಪೋಯ.ಅಕ್ಲ್ ಪೊಸತಾದ್ ದೀನ ಪುದರ್ ಡ್ ದೈವೊಲೆನ್ ಲೆತ್ತ್ಂಡ ದೈವ ವಾ ಕಾರಣೊಗ್ಲಾ ಓ ಕೊನಂದ್.ಆಣ್ ದೈವೊಲೆನ್ ಪೂರ ಪೊಣ್ಣು ಮಲ್ತೊಂದು ಪೋಯೆರ್.ಪೆದ್ದ್ಂಡ ಅಪ್ಪೆ,ತಂಕ್ಂಡ ತಮ್ಮಲೆ ಆಯಿಂಚಿ ದೈವೊನು ಸೊಂಟೊರ್ದು ತಿರ್ತ್ ಆಣವತಾರ,ಸೊಂಟೊರ್ದು ಮಿತ್ತ್ ಪೊಣ್ಣವತಾರ ಪಂಡೆರ್.ಕೆಲವೊಂಜಿ ಕಟ್ಟುನಕ್ಲೆಗ್ ತಾನ್ ಸಂಸ್ಜೃತೊಡು ಪಾತೆರ್ಂಡ ಮಲ್ಲ ಜನಂದ್ ದೈವದ ಕಲೊಟು ಉಂತುದು ಸಂಸ್ಕೃತದ ಮಂತ್ರೊನು ಪನೆರೆ ಸುರು ಮಲ್ತೆರ್.ಉನ್ರೆ ತಿನ್ರೆ ಬುಡಿ,ತುತ್ತೆರೆ ಕೋಮನೊಗ್ಲಾ ಗತಿ ದಾಂತಿ ಕಾಲೊಡು ದೈವಾರಾದನೆ ಇತ್ತ್ ದ್ ಅನಿರ್ದ್ ಇನಿಮುಟ್ಟ ನಮನ್ ಕಾತೊಂದು ಬೈದ್ ನ ದೈವೊಲೆನ್ ಬೊಕ್ಕ ದೈವೊದ ಕಲೊಕು ಬತ್ತ್ ನಕುಲು ಪಂಡಿ ದೇವೆರೆ ಪುದರ್ಡ್ ಇತ್ತ್ ನಕುಲು ಲೆಪ್ಪೆರೆ ಸುರು ಮಲ್ತ.ಕಟ್ಟುನಕುಲ್ಲಾ ಇನಿ ತನ್ಕ್ ಬಂಜಿಗ್ ನುಪ್ಪು ಕೊರ್ನ ದೈವೊಲೆನ್ ಮದತ್ ದ್ ಯಾನ್ ಆ ದೇವೆರ್ ಈ ದೇವಿಂದ್ ಪಂಡ್ ದ್ ದೈವೊಲೆನ್ ದಂಟೊಂದುಲ್ಲೆರ್‌.ಇನಿ ತನ್ನ ದೈವ ಚಾಕಿರಿ ಮದತಿ ಜವನೆರ್ ದೈವದ ಕಲೊಟುಂತೊಂದು " ಎನ್ನ ಮಾಯೆಗ್ ಗೋಚಾರಾಂದಿನೆನ್ ಪ್ರಸ್ನೆ ಚಿಂತನೆಡ್ ಕೇಂದ್ ತೆರಿಲೆ"ಪನ್ಪೆರ್ಂದಾಂಡ ದೈವೊನು ಮೊಕ್ಲು ದಾದ ಏಸಂದ್ ಎನ್ನಿದೆರಾ?.ನಿಜವಾದ್ ದೈವದ ಕಲೊಕು ಪ್ರಶ್ನೆ ಚಿಂತನೆದಕುಲು ಪನ್ಪುನವಿಜ್ಜಾಂಡ್.ಬಲಿಮೆ ತೂಪುನ ಬಲ್ಯಾಯನಕುಲು ಇತ್ತ್ ನಿ.ಇನಿ ಅಕ್ಲೆನಡೆ ಪೋಪುನಕ್ಲೇ ಇಜ್ಜಿ.ತಪ್ಪು ಮಲ್ತೆರ್ಡ ದೈವ ಏರೆನ್ಲ ಸಿಗ್ಸೆ ಕೊರಂದೆ ಬುಡಂದ್.ಇನಿ ದೈವೊಲೆಗ್ ಕಟ್ಟುನಕ್ಲೆಗ್ ವಾ ದೈವೊಗು ವಾ ಜೀಟಿಗೆಂದ್ ತೆರಿಯಂದೆ ರಡ್ರಡ್ಡ್ ಕೈಟ್ ಲ ಜೀಟಿಗೆ ಪತ್ತೊಂದುಲ್ಲೆರ್.ವಾ ದೈವೊಗು ತೆಂಬರೆ,ಒವೆಕ್ ಇಡೆದೋಲು,ಒವೆಕ್ ತಾಸೆ ದೋಲು ನಾಗಸರಂದ್ ತೆರಿಯಂದೆ ದೈವೊಲಿನಿ ಪುರಲ್ ಗ್ಲ ನಲಿಪುನ,ಚೆಂಡೆಗ್ಲ ನಲಿಪುನ ಪರಿಸ್ಥಿತಿ ಬೈದ್ಂಡ್.ಏರ್ ದೈವ ಸಾನೊದ ಉಲಯಿದ ಚಾಕಿರಿದಕುಲು ಇತ್ತೆರಾ ಅಕುಲಿನಿ ಪಿದಯಿ ಬೂರ್ದು ಪಿದಯಿರ್ದ್ ಬತ್ತ್ ನಕುಲು ಉಲಯಿದ ಚಾಕಿರಿ ಸುರು ಮಲ್ತೆರ್.ಅಕುಲು ಪಂಡಿನವೇ ನಮ್ಮ ಹಿರಿಯಾಕ್ಲೆಗ್ ವೇದವಾಕ್ಯ ಆದ್ ದೇವೆರೆ ಕಲತ ಪೂ ಪೂಜನೆಲು,ಬಜನೆಲು ದೈವದ ಕಲೊಕು‌ ಬತ್ತ.

ದೈವೊಲೆನ ಅರ್ದಾಲ ಬುಡ್ದು ಕೈಕ್ ತಿಕ್ ನ ಬಣ್ಣೊನು ಮೋನೆಗ್ ಪಾಡಡೆ

      ದೇವೆರೆಗ್ ಒಂಜಿ ಜಾತಿವರ್ಗದ ಚಾಕಿರಿಯಾಂಡ ದೈವೊಲೆಗ್ ಪದಿನಾಜಿ ವರ್ಗದ ಚಾಕಿರಿ.ಪದಿನಾಜಿ ವರ್ಗ ಕೂಡಿ ಕಲೊಟು ಪರಿಪೂರ್ಣ ಕಲೆಟ್ ದೈವ ನೆಗತ್ ಬರ್ಪುಂಡು.ಇನಿ ದೈವದ ಮೋನೆದ ಅರ್ದಾಲ ಪೋದು ಮೋನೆದ ರಂಗಾದ್ ಪೋತ್ಂಡ್.ದೈವದ ಕೇಪುಲು ರಂಗ್ ದ ತುತ್ತೈತೊಲು ಮಯಕಾದ್ ಪುಗೆಲ್ ಗ್ ಮೈಕ್ ಪೂರ ಆಟದ ತುತ್ತೈತೊಲು ಬೈದ.ಮೂಲು ದೈವನಾ,ದೇವಿಯಾ ಒಂಜಿಲಾ ಗೊತ್ತಾವಂದಿ ಪರಿಸ್ಥಿತಿ..ಕೊಡಿಯಡಿತ,ಕಲ ಮೀರ್ದ್ ಪೋವಂದಿ ದೈವೊಲಿನಿ ಗಟ್ಟ ಏರ್ದ್ ಪೋತ,ಟಿ.ವಿ.ಮಾದ್ಯಮ,ಸಿನೆಮಾ,ನಾಟಕ ಮಾದ್ಯಮೊಲೆಡ್ ಏಸ ಆದ್ ಪೋತ.ಒಂಜಿ ಕಾಲೊಡು ನೂಲು ಪಾಡಿ ಸಂಸಾರ ಪನೊಂತಿ ಕಟ್ಟ್ ನಕುಲು ಇನಿ ನೂಲು ಪಾಡಿ ಬ್ರಹ್ಮ ಕುಲ ಕೈ ಸೇರ್ದೆರಾಂದ್ ಕೇನೊಂದುಲ್ಲೆರ್.ಇನಿ ಅವರ್ದ್ ಲ ದುಂಬು ಬತ್ತ್ ದ್ ತಂತಿರ್ದಾರ್ ಕೈ ಸೇರ್ದೆರಾಂದ್ ಕೇನೊಂದುಲ್ಲೆರ್.ವೈದಿಕದ ಗಂದಗಾಳಿಯೇ ದಾಂತಿ ಮೂಲ ದೈವಾರಾದನೆದ ಕಲ ಇನಿ ವೈದಿಕೆರಿಜ್ಜಂದೆ ಇಜ್ಜಿ ಪನ್ಪುನಡೆ ಎತ್ತ್ ದ್ಂಡ್.ಸೇರೊನಡ್.ಆಂಡ ದೈವದ ಮೂಲ ಆರಾದನೆಗ್ ಅಕುಲು ಸಕಾಯ ಆದಿಪ್ಪೊಡು ವಿನಃ ಮೂಲ ಆರಾದನೆನ್ ಬದಲ್ಪುನ ಬೇಲೆನ್ ಅಕುಲು ಮಲ್ಪೆರೆ ಬಲ್ಲಿ.

          ದೈವೊಲೆ ತುತ್ತೈತದ ರಂಗ್ ನ್ ಬದಲ್ಪಡೆ

     ದೇವಾಲ್ಯದ ಆರಾದನೆಡ್ ದೇವೆರ್ ಬೊಕ್ಕ ನಮ್ಮ ನಡುಟು ಪೂಜೆಗ್ಂದ್ ಒರಿ ಅಣ್ಣೆರ್ ಉಪ್ಪುವೆರ್.ಅಂಚಾಂದ್ ದೈವದ ಕಲೊಟು ಆ ಕೆರಮ ಇಜ್ಜಿ.ದೈವ ಬೊಕ್ಕ ಕುಟುಮದ ನಡುಟು ಮೂಜನೆ ವ್ಯಕ್ತಿಯೊರಿ ಬರ್ಪುನ ಕೆರಮನೇ ದುಂಬು ದೈವಾರಾದನೆಡ್ ಇಜ್ಜಾಂಡ್.ವರ್ಸ ಇಡೀ ಪೂ ನೀರ್ ದೀದ್ ಆರಾದನೆ ಮಲ್ತೊಂತಿ ಕುಟುಮ ಬೊಕ್ಕ ದೈವದ ನಡುಟು ಅಪ್ಪೆ ಜೋಕ್ಲೆ ನಡುತ ಸಮ್ಮಂದ ಇತ್ತ್ಂಡ್.ದೈವ ಬೊಕ್ಕ ಕುಟುಮದ ಮದ್ಯೊಗೊರಿ ಮದ್ಯಸ್ಥೆ ಬತ್ತ್ ದ್ ದೈವದ ಕಾರ್ನಿಕ ಕಮ್ಮಿಯಾವೊಂದು ಪೋಂಡು.ದೈವ ಪಾತ್ರಿ ಬೊಕ್ಕ ಮದ್ಯಸ್ಥನ ನಡುತ ಪಾತೆರಕತೆ ಎಚ್ಚೊಂದು ಪೋಂಡು.ಆಂಡ ರಾಜಂದೈವದ ಕಲೊಟು ಗಡಿ ಪತ್ತ್ ನಾರ್ ಕೇಂಡಿನಕುಲೆಗ್ ಗಂದಬೂಲ್ಯ ಕೊರ್ಪೆರ್.ಇನಿ ಅವುಲ್ಲಾ ಸಾನದ ಬರಿಟಾ,ದೈವದ ಎದುರ್ಡು ಒಂಜಿ ಬರಿಟ್ ಪಜೆ ಪಾಡ್ದ್ ಕುಲ್ಲುದು ವೈದಿಕೆರ್ ಬೇತೆನೇ ಬೂಲ್ಯ ಕೊರೊಂದುಲ್ಲೆರ್.ಉಂದು ಸರಿಯತ್ತ್.ದುಂಬು ದೈವಾರಾದನಡ್ ಸಾನ ಗುಂಡದ ಭಂಡಾರ ಮಾನೆಚ್ಚಿಡ್ ಸಾನದುಲಯಿರ್ದ್ ಕನತ್ ಕೊರ್ಪುನತ್ತ್ಂದೆ ದೈವೊಲೆಗ್ ವಸಾಯೊಡೇ ಭಂಡಾರ ಒಪ್ಪಿತ್ ದ್ ಮಾನೆಚ್ಚಿಲ್ ಪಿರಿಯೊಂತ್ಂಡ್.ಇನಿ ತಿಕ್ ನೆಕ್ ಪೂರ ಮಾನೆಚ್ಚಿ ನಡತೊಂದುಂಡು.ಕುಟುಮದ ಇಲ್ಲದ ದೈವಾರಾದನೆ ಪುಡದ್ ಇಲ್ಲಿಲ್ಲಲ್ ಮಾನೆಚ್ಚಿ ನಡತೊಂದುಂಡು. ಪೊಣ್ಣು ದೈವೊಲೆನ ಅರ್ದಾಲ ಪೋದು ಮದಿಮಾಲೆ ಐತದ ರಂಗ್ ಬೈದ್ಂಡ್.

  

 ದೈವದ ಅರ್ದಾಲೊನು ಬುಡ್ದು ವೇಷದ ಬಣ್ಣ ಮಲ್ಪಡೆ

    

ಅಂಚನೆ ಕುಟುಮದಿಲ್ಲಲ್ ಪಡ್ಡೇಯಿಗ್ ಮೋನೆ ಪಾಡ್ದ್ ನಮ ಕೈ ಮುಗಿನಗ ಮಣೆ ಮಂಚೊಡಿತ್ತಿ ದೈವದ ಮುಗ ಮೂಡಾಯಿಗುಪ್ಪುಂಡು.ಏಪಲಾ ಕುಟುಮದ ಪ್ತದಾನ ದೈವ ಪಂಜುರ್ಲಿ ನಮ ಪಡ್ಡೇಯಿಗ್ ಮೋನೆ ಪಾಡ್ದ್ ಕೈ ಮುಗಿನಗ ಎಡತ ಮರ್ಗಿಲ್ಡೇ ಉಪ್ಪೊಡು.ಅಂಚನೆ ತಗೆ ತಂಗಡಿಯಾದ್ ಕಲ್ಲುರ್ಟಿ ಬೊಕ್ಕ ಪಂಜುರ್ಲಿನ್ ಆರಾದನೆ ಮಲ್ಪುನಗ ರಡ್ಡ್ ದೈವಲಾ ಒಂಜೇ ಕೋಣೆದುಲಯಿ ಉಪ್ಪೊಡು.

     

        ‌‌ದೈವದ ತುತ್ತೈತದ ಕೇಪುಲು ರಂಗ್ ಮಯಕ(ಓಡಮರಾಯ ದೈವ.ತಿಂಗಳೆ ಗರಡಿ ಹೆಬ್ರಿ)

   

 ದೈವದದೈವೊಲೆಗ್ ಪಾರಿ/ಮದಿಪು ಪನ್ಪುನವು ಇಜ್ಜಿ.ಹಿರಿಯಾಕ್ಲೆನ,ಗುತ್ತಿನಾರೆನ ನಾಲ್ ಪಾತೆರೊಗು ದೈವ ಕಟ್ಟಿ ಮಾನಿನ ಮಿತ್ತ್ ವಸಯಾವೊಂತ್ಂಡ್.ಇನಿ ದೈವೊಗು ಪಾರಿ/ಮದಿಪು ಪಂಡಿತೆರ್ ಪುಟ್ಟೊಂದು ಎನ್ನ ಮದಿಪು ಪೊರ್ಲಾವೊಡು,ಎನ್ನ ಪಾರಿ ಪೊರ್ಲಾವೊಡುಂದು ಸ್ಪರ್ದೆ  ಮಲ್ತೊಂದುಲ್ಲೆರ್,ಮೈಕ್ ಬೇತೆ,ಪಾರಿದ ಪ್ರಚಾರೊಗು.ದೈವದೆದುರು ರಡ್ಡ್ ಕೈನೀರ್ದ್ ಪೂವರಿ ಪತ್ತೊಂದು ಮದಿಪೊಡಾಯಿನಕುಲು ಇನಿ ಕೈನ್ ಅಂಚಿಂಚಿ ಬೀಜಾವೊಂದು,ಆ ಊರುಗು ಸಮ್ಮಂದನೇ ದಾಂತಿ ದೈವ ದೇವೆರೆ ಪುದರ್ ಪನೊಂದು ಪಾರಿ ಪನ್ಪುನತ್ತಂದೆ,ದೈವಾರಾದನೆಗ್ ಇಜ್ಜಾಂದಿ ಪುರಾಣ ಸೇರಾದ್  ಗಂಟೆಕಟ್ಲೆ  ಮದಿಪುನಗ ತನ್ಕೇ ವಸಾಯ ಬತ್ತ್ ಲೆಕ ದೈವೊನು ಪೋಡಿಪಾವುಲೆಕ ಕಣ್ಣ್  ಮಲ್ಲ ಮಲ್ತೊಂದು ಅಜ ತತ್ತದ್ ನನ ದಾನೆ ಕುಂಬರುವೆರಾ ಪನ್ಪುನಡೆಮುಟ್ಟ ಸರ್ರೊನು ಆಡಾವೊಂದು ಮದು ಪನೊಂದುಪ್ಪುನವು ನಿಜವಾದ್ ಲ ತಪ್ಪು.

ದೈವ ತುತ್ತೈತದ ಕೇಪುಲು ರಂಗ್,ಸೂರ್ಯ ಚಂದ್ರೆ ಮಯಕ

   ಕಲೊಟು ಕೇಪುಲು ರಂಗ್/ಕೆಂಪು ಬೊಕ್ಕ ಸಪೇದ್/ಬೊಲ್ದು ರಂಗ್ ಗ್ ಪ್ರಧಾನ ಬಿಲೆ ಇತ್ತ್ಂಡ್ಇನಿ ದೈವಾರಾದನೆದ ಕೊಡಿಯಡಿತ ಸುತ್ತಮುತಲಿಗೆಡ್ ಪೂರ ಕೇಸರಿ ರಂಗೇ ತೋಜೊಂದುಂಡು.ದೈವದ ಕಲತ ಉಜ್ಜಾಲ್,ಮುಂಡ್ಯೆ,ಕೊಡಿಯಡಿ,ಗರುಡೆ,ಮಕರಚೋರ್ನದ ಬೊಲ್ದು ಕುಂಟು ಬುಡ್ಂಡ,ಕೆಲವೊಂಜಿ ಚಾಕಿರಿದಕುಲು ಬೊಲ್ದು ತರೆತ್ರ,ಬೊಲ್ದು ತುತ್ತೈತ ತುತ್ತುನ ಬುಡ್ಂಡ ಒರಿನ ಚಾಕಿರಿದಕುಲು ಪೂರ ಕೇಸರಿ ಕುಂಟುನೇ ತರೆತ್ರ ಆದ್,ತುತ್ತೈತ ಆದ್ ಗಲಸೊಂದುಲ್ಲೆರ್.ಪುಣ್ಯೊಗು ಗಡಿ ಪತ್ತ್ ನಕುಲು,ಗುತ್ತುದಕುಲು ಪೂರ ಬೊಲ್ದು ತರೆತ್ರ ಬೊಲ್ದು ತುತ್ತೈತ ಪಾಡೊಂದುಲ್ಲೆರ್,ದೈವದ ಕಲೊಟು ಬೊಲ್ದು ಕುಂಟುಗೇ ಮಾನಾದಿಗೆ ಪನ್ಪುನೆನ್ ಮದತೊಂದುಲ್ಲೆರ್.ಏರ್ ದೈವದ ಕಲತ ಬಿಲೆನ್ ಒರಿಪೊಡಾ ಅಕ್ಲೇ ಕಲತ ಮಾನಾದಿಗೆನ್ ಕಳೆಯೊಂದುಲ್ಲೆರ್.ದೈವಾರಾದನೆ ತುಳುನಾಡ ಒಂಜಿ ಚೌಕಟ್ಟ್ ಡ್ ನಡಪುನ ಪದಿನಾಜಿ ಕಟ್ಲೆಡ್ ನಡಪುನ ಪರಿಪೂರ್ಣ ಆರಾದನೆ. ಅವೆನ್ ಕೇಸರಿ,ಹಿಂದುತ್ವೊಗು ಕನವಂದೆ ,ಬಾರತೀಯ ಸಂಸ್ಕೃತಿದ ಒಂಜಿ ಭಾಗವಾದೇ ತೂವೊಡು ವಿನಃ ಭಾರತೀಯ ಸಂಸ್ಕೃತಿದ ರಾಸಿದ ಪೊಲಿ(ಸಾಮೂಹಿಕ ಸಂಸ್ಕೃತಿ) ಮಲ್ಪೆರೆ ಬಲ್ಲಿ.ತುಳುನಾಡ ಸಂಸ್ಕೃತಿಗ್ ಅವೆತನೇ ಆಯಿನ ಒಂಜಿ ತುಳು ಧರ್ಮ ಉಂಡು.ಸಂಸ್ಕೃತಿ ಉಂಡು,ಆರಾದನೆ,ಆಚರಣೆ,ನಂಬೊಳಿಗೆದ ಪಾಗರ ಉಂಡು.ಆತೇ ಅತ್ತ್ ತುಳುವ ಮಣ್ಣ್ ಡ್ ಪುಟ್ಟ್ ನ ನಮಕ್ ತುಳುನಾಡ ಮಣ್ಣ ಸಂಸ್ಕೃತಿನ್ ಒರಿಪುನ ರುಣೊತ ಜವಾಬ್ದಾರಿ ಉಂಡು.ಈತ್ ಪೂರ ಎತ್ತೇಸೊಲು ದೈವದ ಕಲೊನು ಅಲೆಂಚಾದಿಪ್ಪುನಗ ಅವೆನ್ ದುಂಬುಗು ಎಂಚ ಒರಿಪೊಲಿಂದ್ ಪ್ರತಿಯೊರಿ ತುಳುವೆಲ ಅಲಚನೆ ಮಲ್ಪುಗ.

ಬರವುಗು ಸಕಾಯ-ಶ.ಕು.

ದುಗಲಾಯೆ,ಕ್ಷೇತ್ರಪಾಲೆ ಕಣಂದೂರು ತೋಡಕುಕ್ಕಿನಾರ್ ವೈದ್ಯನಾಥ ಸಾನ

ಚಿತ್ತಾರಿ,ಚಿತ್ತಾರಿಕೆ,ಚಿತ್ತೆರಿ,ಚಿತ್ತೇರಿ

ಚಿತ್ತಾರಿ,ಚಿತ್ತಾರಿಕೆ,ಚಿತ್ತೆರಿ,ಚಿತ್ತೇರಿ

ನರಮಾನ್ಯನ ಪುಟ್ಟು ಸಾವುದ ನಡುತ ಕಡೆತ ಸೂತ ಪೊತ್ತುದ ಕುಕ್ಕುದ ಮರತ ಪೊತ್ತ್ ದೊರಿ ಕೊಳ್ಳಿ ಗ್ಲ ಪುಟ್ಟಿ ಬಾಲೆದ ಸುರತ ತೊಟ್ಟಿಲ್ ಗ್ಲ ಉಪ್ಪುನ ಸಮ್ಮಂದ ತುಳುವೆರೆಗ್ ತೆರಿ ಇಚಾರ.ದೈವ   ತನ್ನ ಚಾಕಿರಿಗ್ ಏರ್ಂದ್ ಬಾಲೆ ಅಪ್ಪೆನ ಬಂಜಿಡುಪ್ಪುನಗನೇ ನಿರ್ದಾರ ಮಲ್ತ್ ದಿಪ್ಪುಂಡು. ಆಂಚನೆ ನರಮಾನ್ಯನ ಬದ್ ಕ್ ದ ಕಡೆಕೊಡಿಮುಟ್ಟ ದೈವಾರಾದನೆ ಮೊಡೆದುಪ್ಪುಂಡು.ನಮ ಕರಿದ್ ಪೋಯಿನಕ್ಲೆನ್ ಹಿರಿಯೆರ್ನೊಟ್ಟುಗು ಸೇರಾವುನ,ಆ ಮೂಲಕ ಕುಟುಮದ ದೈವದ ಕೈಕ್ ಕರಿದ್ ಪೋಯಿನಕುಲೆನ್ ಒಪ್ಪಿಪುನ,ಅಕುಲು‌ ನಮಕ್ ಕಾಪಾದಿಪ್ಪೆರ್ಂದ್ ಅಕ್ಲೆನ್ ವರ್ಸೊಗೊರ ಉಲಯಿ ಲೆಪ್ಪುನ ತೂನಗ ಕರಿ ಪೋಯಿ ಬೊಕ್ಕಲ ತುಳುವೆರ್ ಆ  ಜೀವೊಗು ಏತ್ ಬಿಲೆ ಕೊರ್ತೆರ್ಂದ್ ತೆರಿಯುಂಡು.ಅಂಚಾದ್ ತುಳುವೆರ್ ಪುಟ್ಟುರ್ದು ಜಾಸ್ತಿ ಮರಣೊಗು ಬಿಲೆ ಕೊರ್ತೆರ್.ಉಂದೆಕ್ ಸಾಕ್ಷಿಯಾದ್ ದೂಳೊಪ್ಪ ಪಂಡ ಸರ್ರ ಪೊತ್ತಿಬೊಕ್ಕದ ಬೊಣ್ಯೊನ್ ಒಟ್ಟು ಮಲ್ತ್ ದ್ ದೂಪೆ ಪಂಡ ಚಿಟ್ಟೆ ಕಟ್ಟ್ ದ್ ಅವ್ವೇ ಕಟ್ಟಿ ಚಿಟ್ಟೆ ದುಂಬುಗು ಚಿತ್ತಾರಿಕೆ ಆಂಡ್ .ಉಂದುವೇ ದೂಪೆ ದುಂಬುಗು ಸ್ಥೂಪ ಆಂಡ್.

        ತುಳುವೆರೆಗ್ ಅದಿ ಅಂತ್ಯ ಪೂರ ಬೆಮ್ಮೆರೆ.ಕರಿದ್ ಪೋಯಿನಕ್ಲೆನ್ ಬೆಮ್ಮೆರೆ ಪಾದೊಗು ಸೇರಾವೆರ್.

    

ನಂದೊಳಿಗೆ ಸಿರಿ ಆಲಡೆ ಬೊಕ್ಕ ನಾಗಬನದ ಬರಿಟೆ ಉಪ್ಪುನ ಚಿತ್ತಾರಿಕೆ

ಪಿರಾಕ್ ಡ್ ಕರಿದ್ ಪೋಯಿನಕ್ಲೆನ್ ಕೌಂತಿನ,ಪೊತ್ತಾಯಿನ‌ ಜಾಗೆಡೇ ಚಿತ್ತಾರಿಕೆ,ಮುಡಿಂಜ ಕಟ್ಟ್ ದ್ ಅವೆತ ಕೈತಲೇ ಬೆಮ್ಮೆರೆನ್,ನಾಗನ್ ನಂಬೊಂದು ಬತ್ತೆರ್.ಬೆಮ್ಮೆರೊಟ್ಟುಗು ನಾಗನ್ ಸೇರಾದ್ ನಾಗಬೆಮ್ಮೆರ್ ಮಲ್ತೆರ್.ಅಂಚಾದ್ ದೈವಾರಾದನೆ ಪಂಡ ಹಿರಿಯೆರೆ ಆರಾದನೆಂದ್ ತೆರಿಯೊನೊಲಿ.ಕೂಡು ಕುಟುಮೊಲು ಪುಡದ್ ಬೇತೆ ಬೇತೆ ದಿಕ್ಕೆಲ್ಲಾನಗ ಪಂಡ ಬೇತೆ ಬೇತೆ ಇಲ್ಲ್  ಕಟ್ಟ್ ದ್ ಬದ್ ಕ್ ನಗ  ದೂರೊಡಿಪ್ಪುನ ಕರಿದ್ ಪೋಯಿ‌ ಹಿರಿಯೆರೆ ಚಿತ್ತಾರಿಕೆಗ್ ಪೋದು ಪೂ ನೀರ್ ದೀಯೆರೆ ಕಷ್ಟ ಆಂಡ್.ಅಪಗ ತನ್ಕುಲೆ ಇಲ್ಲ ಜಾಲ್ ಡ್ ಚಿತ್ತಾರಿಕೆದಂಚಿನ ರುಂದನ ಮಲ್ತ್ ದ್ ಹಿರಿಯೆರೆ ಆರಾದನೆ ಮಲ್ಪೆರೆ  ಸುರು ಮಲ್ತೆರ್.ವೈಷ್ಣವ ಆರಾದನೆ ತುಳುನಾಡ್ ಗ್ ಬತ್ತಿ ಬೊಕ್ಕ ರುಂದನ ಕಟ್ಟೆಡ್ ತೊಲಚಿ ದೈ ಬತ್ತ್ ದ್ ತೊಲಚಿದ ಕಟ್ಟೆದ ಆರಾದನೆ ಸುರಾಂಡ್.ಇನಿ ತೊಲಚಿ ಕಟ್ಟೆ ಉಪ್ಪಂದಿ ತುಳುವೆರೆ ಇಲ್ಲ್ ಉಪ್ಪಂದ್.ಮದಿಮೆದ ದುಂಬುದ ಪೇರ್ ಮಂಜಲ್ ಕೆರಮ,ದೈವದ ಪ್ರಶ್ನೆ ಚಿಂತನೆಲು,ಪೊಸತ್ ಸಾನ ಕಟ್ಟ್ ದ್ ಸಾನದೊಕ್ಕೆಲಾಪುನ ದುಂಬು ದೈವದ ಬಂಡಾರ ದೀಪುನ,ನೇಮದಪಗ ದೈವ ತೊಲಚಿಕಟ್ಟೆ ಗ್ ಸುತ್ತು ಬತ್ತ್ ದ್ ಮೂಡಾಯಿಗ್ ಮೋನೆ ಪಾಡ್ದ್ ಜೀಟಿಗೆದ ಬೊಲ್ಪು ತೋಜಾದ್ ಬೊಂಡ ಕಾನಿಕೆ ದೀಪುನ ಜಾಗೆ ತೊಲಚಿಕಟ್ಟೆ.ಮೂಲು ನಮಕ್ ದೈವಾರಾದನೆ ಹಿರಿಯೆರೆ ಆರಾದನೆ ಪನ್ಪುನೆಕ್ ಸೊಸ್ಟತೆ ತಿಕ್ಕುಂಡು.ಅಂಚನೆ ಮೂಲ ಆರಾದನೆ,ಮೂಲ ನಾಗೆ ಪಂಡ ಮೂಲ ಹಿರಿಯಾಕ್ಲೆ ಆರಾದನೆಂದ್ ಅರ್ಥ ಮಲ್ತೊನೊಡು.ಅಮ್ಮೆರ್,ಅಜ್ಜೆರ್,ಪಿಜ್ಜೆರ್,ಮುತ್ತಜ್ಜೆರ್ ಇಂಚ ಸರಪೊಳಿ ಪಿರ ಪಿರ ಗೋಡ್ಯೊಂದು ಸರಪೊಳಿದ ಸುರುಕು ಉಂತುನಾರ್  ಬೆಮ್ಮೆರ್.

ಪುಂಚೊಡು ಸರ್ಪೆ,ಕಲ್ಲ್ ಡ್ ನಾಗೆ ಪನ್ಪಿ ಪಾತೆರ ಉಂಡು.ದೈವದ ಪ್ರತಿಯೊಂಜಿ ಸೊತ್ತುಲೆಡ್ ನಾಗನ‌ ಒರು ಬುಡ್ಪಾವೆರ್.ನಾಗೆ ಪಂಡ ನರಮಾನ್ಯಗ್ ಪೋಡಿಗೆ.ನಾಗನ ಒರು ಬುಡ್ಪಾಂಡ ಆ ಸೊತ್ತುಲೆನ್ ಕಲುವೆರ್ ದೋಸ ಬರುಂದು ಮುಟ್ಟೊಂದಿಜ್ಜಾಂಡ್.ನಾಗೆ ತುಚ್ಚಿಂಡ ನರಮಾನಿ ಬದ್ ಕೊಂದಿಜ್ಜಾಂಡ್.ಅಂಚಾದ್ ನಾಗನ್ ದೈವ ಅದ್,ದೇವೆರಾದ್ ಆರಾದನೆ ಮಲ್ತೊಂದು ಬತ್ತೆರ್.ಅಂಚಾದ್ ಕಲ್ಲ್ ಡ್ ಲ ನಾಗನ ಒರು ಬುಡ್ಪಾದ್ ಆರಾದನೆ ಮಲ್ತೆರ್.ಮೂಲು ಅಲಂಕಾರಲ ಆಂಡ್,ಪೋಡಿಗೆಲ ಬರ್ಪುಲೆಕಾಂಡ್.ಪ್ರಪಂಚದ ಮಾತ ದೈವ ದೇವೆರೆ ಕೆತ್ತನೆಲೆಡ್ ನಾಗನ ಒರು ಪ್ರತಿಯೊಂಜೆಟ್ಲ ಉಂಡು.

                    ಚಿತ್ರಕೂಟದ ಮಿತ್ತ್ ಮರ ಬುಳೆತ್ ನಿ

ತುಳುನಾಡ್ ದ ಬನ,ಆಲಡೆ,ಚಿತ್ತಾರಿಕೆ ಪಿರಾಕ್ ದ ಈಸರ ದೇಲ್ಯೊಲೆನ್ ತೂನಗ ಪಿರಾಕ್ ಡ್ ಉಂದೆತ ನಡುಟು ಇತ್ತಿ ಸಂಬಂದೊಲು ತೆರಿದ್ ಬರು.ಉದಾರ್ಮೆಗ್ ಬಸ್ರೂರುದ ತೌಳವೇಶ್ವರ ದೇಲ್ಯ

                ತುಳುವೆರೆ ಮೂಲತಾನದ ಚಿತ್ರಕೂಟ,ಚೈತ್ಯ.ಮಿತ್ತ್ ಶಿವಲಿಂಗದೊರು ಉಂಡು

 ಚಿತ್ರಕೂಟೊನು ತೀರ್ನಕ್ ಲೆಗ್ ಕಟ್ಟ್ ನ ಗೋರಿಂದ್ ಲ ಪನ್ಪೆರ್.ತೀರ್ನಕ್ಲೆಗ್ ಕಟ್ಟ್ ನ ಚಿತ್ತಾರಿಕೆಂದ್ ಲ ಪನ್ಪೆರ್.ಚಿತ್ರದಲೆಕ ಕಟ್ಟ್ ನ ಆಯ ಉಂದೆತವಾದಿಪ್ಪುಂಡು.ಏತೋ ತುಳುನಾಡ ಬನೊಕ್ಲೆಡ್ ಉಪ್ಪುನ ಚಿತ್ತಾರಿಕೆಲು  ಕರಿದ್ ಪೋಯಿನಕ್ಲೆ ಸಮಾದಿಲಾದುಲ್ಲ.ಆಂಡ ಇನಿತ ದಿನಮಾನೊಲೆಡ್ ಬನೊಟಿತ್ತಿ ಹಿರಿಯೆರೆ ಸಮಾದಿಲೆನ್ ಗರ್ತ್ ದ್ ಪೊಸತ್ ಚಿತ್ರಕೂಟ ಕಟ್ಟ್ ದ್ ಎದುರುಗು ನಾಗನ ಉಬ್ಬು ಶಿಲ್ಪೊಲೆದ ಕಲ್ಲ್ ದೀಯೊಂದುಲ್ಲೆರ್.ಉಂದು ಸರಿಯತ್ತ್.

ದುಂಬುದ ಕಾಲೊಡು ಕುಟುಮದ ಹಿರಿಯಾರ್,ಮಲ್ಲ ಮಾನಾದಿಗೆದಾರ್ ತೀರ್ಪೋಯೆರ್ಡ ಕುಟುಮದ ನಾಗ ಬನತ,ನಾಗ,ಬೆಮ್ಮೆರ್,ಲೆಕ್ಕೆಸಿರಿ,ದೈವ ಸಾನ ಗುಂಡದ ಕೈತಲ್ ಕೌಂತ್ ದಾ ಪೊತ್ತದಾ ಅವೆತ ಕೈತಲೇ ಅಕ್ಲೆನ ಚಿತ್ತಾರಿಕೆ/ಗೋರಿ ಕಟ್ಟೊಂತೆರ್.ಆಂಡ ಅವು ಲೆಕ್ಕೆಸಿರಿ,ಬೆಮ್ಮೆರೆ ಸಾನಿಧ್ಯ ಅತ್ತ್.

" ಯಾನ್ ಇತ್ತ್ಂಡ ಮೂಲು,ಸೈತ್ಂಡ ಬೆಮ್ಮೆರೊಟ್ಟುಗು " ಪನ್ಪಿ ಪಾತೆರ ಹಿರಿಯಾಕ್ಲೆ ಬಾಯಿ ಪಾತೆರ ಆದಿತ್ತ್ಂಡ್. ಇಲ್ಲದ ಯಜಮಾನನ,ಯಜಮಾಂದಿನ ಸಾವುದಾನಿ ಪೂಕರೆದಾತ್ ಎತ್ತರ ಪಾಡುನ ಗುರ್ಜಿ ಕಂಬಲ ಕರಿದ್ ಪೋಯಿನ ಅಕುಲು ಬೆಮ್ಮೆರೆ ಪಾದೊಗು ಸಂದಿಯೆರ್ ಪನ್ಪುನೆನ್ ತೆರಿಪಾವುಂಡು.ಅಂಚಾದ್ ಹಿರಿಯೆರೆ ಆರಾದನೆದೊಟ್ಟೊಟ್ಟುಗು ಬೆಮ್ಮೆರೆ ಆರಾದನೆ ನಡಪುಂಡು.ಕೆಲಿಂಜದ ಉಲ್ಲಾಲ್ದಿನ ಎತ್ತರದ ಮಾಡೊನು‌ ಚಿತ್ತಾರಿಕೆ ಪನ್ಪೆರ್.ಅಂಚಾದ್ ಜಗಲಿ ದೊರುತ ಎತ್ತರದ ಮಾಡೊನು ಚಿತ್ತಾರಿಕೆ ಪನೊಲಿ.ಚಿತ್ತಾರಿಕೆದ ಬೆಮ್ಮೆರ್ ಪನ್ಪಿ ಉಲ್ಲೇಖ ಸಾಸನೊಲೆಡ್ ಬರ್ಪುಂಡುಂದು ಹಿರಿಯ ಜನಪದ ವಿದ್ವಾಂಸೆರಾಯಿನ ಪುರುಷೋತ್ತಮ ಬಲ್ಯಾಯೆರ್ ಬರವೊಂಜೆಟ್ ತೆರಿಪಾದೆರ್

ಬಂಟ ಜಾವದೆ ಕಣಂದೂರು

ಕೊಡಿ ಏರ್ದ್ ನಿ ಕಣಂದೂರು

ತುಳುನಾಡ ಮಾರಿ ಮಮ್ಮಾಯಿ ಆರಾದನೆ

ತುಳುನಾಡ ಮಾರಿ ಮಮ್ಮಾಯಿ ಆರಾದನೆ

  

ಕಾಪುದಪ್ಪೆ ಮಾರಿಯಮ್ಮ

  ನಮ್ ತುಳುನಾಡ ಮಾರಿ ಮಮ್ಮಾಯಿನ ಗುಡಿಕುಲು ಮಹಾಮಾಯೆ ದೇವಿನ ದೇವಲ್ಯಾದ್ ಕಾಲಾನುಬಾಗೊಡು ಮಾರಿನ ನೆತ್ತೆರಾವಾರದ ಆಚರಣೆ ಉಂತುದು ಪೋಪುನ ಲಚ್ಚಣೊಲು ತುಳುನಾಡೊರ್ಮೆ ಇನಿ ತೋಜೊಂದುಂಡು.ಇತ್ತೆನೇ ನೆತ್ತೆರಾವಾದ ದೈವೊಲೆಗ್ ಕುಂಬುಡ ಕಡ್ತ್ ದ್ ಅಗೆಲ್ ಪಾಡ್ದ್ ಸುದಾರ್ಯುನ ವೈದಿಕ ಆಚರಣೆ ತುಳುನಾಡ್ ಗ್ ಬತ್ತ್ ದ್. ಮೂಲ ದೈವೊಲೆ ಪುದರ್ ಮಯಕಾದ್ ದೇವ ದೇವಿನೊರುತ ಪುದರಾದ್ ದೈವಾರಾದನೆ ದೇವೆರೆ ಆರಾದನೆಯಾದ್ ಪೋತ್ಂಡ್.ಅವ್ಲಿತ್ತಿ ಪದಿನಾಜಿ ಚಾಕಿರಿವರ್ಗ ದೂರಾದ್ ಒವ್ವಾ ಒಂಜಿ ವರ್ಗದ ಚಾಕಿರಿಡ್ ದೈವಾರಾದನೆ ಒರಿಯುಲೆಕಾಂಡ್.ಒರಿದಿನೆನಾಂಡಲ ಮೂಲ ಸೊರ್ಪೊಡು ದುಂಬುದ ಪೀಳಿಗೆಗ್ ಒರಿಪುನ ಅನಿವಾರ್ಯತೆ ನಮ್ಮವಾದುಂಡು.ತುಳುನಾಡ ದೈವಾರಾದನೆದ ಒಂಜಿ ಮರ್ಗಿಲ್ ಡ್ ಮಾರಿ ಮಮ್ಮಾಯಿನ ಆರಾದನೆಲಾ ತೋಜಿದ್ ಬರ್ಪುಂಡು.ಆಟಿಡ್ ಬೈಲಮಾರಿ ದೇರುನಿಂದ್ ಗುಳಿಗನ ಆರಾದನೆಡ್ ಮೂಡಾಯಿ ತುಳುನಾಡ ಬಾಗೊಡಿತ್ತ್ಂಡ ಒಡಿಪು ಕಾರ್ಲದಂಚಿ ಗಂಬೆದೊರುಟು ಮಾರಿ ದೇರುನ ಆಚರಣೆ ನಡಪುಂಡು.ಗುಳಿಗನ ಬೈಲ ಮಾರಿ ದೇರುನೆಟ್, ಆಟಿ ಕಳೆಂಜೆ,ಮಾಂಕಾಳಿ ನಲಿಕೆಡ್ ಲ ಮಾರಿ ದೇರುನ ಕೆರಮ ಉಂಡು.ಮೂಲು ಮೊಕುಲು ಸಿರ್ಕ್ ಸಂಕಡೊನು ದೂರ ಮಲ್ಪುನಕುಲುಂದು ಅರ್ಥ ಬರ್ಪುಂಸು.ಕೆಲವೊಂಜಿ ರಾಜಂದೈವೊಲೆ ಆರಾದನೆಡ್ ಮಾರಿ ದೇರುನ ಒರುವಾದ್ ಮಾರಿತೂಟೆ ಪೊತ್ತಾವುನ,ಮಾರಿ ತೂಟೆ ಪಾರಾವುನ ಕೆರಮ ಉಂಡು.ನಾಲಾಯಿದಾಯೆ ದೈವೊಗು,ಪಂಜುರ್ಲಿಗ್,ಕಟಿಲ್ದಪ್ಪೆ ಉಲ್ಲಾಲ್ದಿಗ್,ಗುಳಿಗಗ್ ತೂಟೆದಾವಾರ ಉಂಡು.ದೈವೊಲೆಗ್ ಬಲಿಕ್ ನೆತ್ತೆರಾವಾರ ಕೊರ್ಂಡ ಗುಳಿಗಗ್ ಬನೊಟು ನೆತ್ತೆರಾವಾರ ಕೊರ್ಪುನ ಕಟ್ಟ್.ಇನಿತಲೆಕ ಕಟ್ಟುನಕುಲು ಗುಳಿಗನ ಕೋಲೊಡು ಕೋರಿ ಅಗ್ಯೆರೆ ಇಜ್ಜಾಂಡ್.ಅಂಚನೆ ಮೂಲೊಡು ಗುಳಿಗಗ್ ಕೋಲನೇ ಇಜ್ಜಾಂಡ್.ಆಂಡ ಮಾರಿಗ್ ನೆತ್ತೆರಾವಾರ ಕೊರ್ನಗ ಇಡೀ ಊರು ಕೂಡುನ ಕಟ್ಟ್.

        

          ಮಾರಿಂದ್ ಪಂಡ ತುಳುಟು ಬೇತೆ ಬೇತೆ ಅರ್ಥೊಲು ಉಲ್ಲ.ಇನಿ ಮಾರಿ ಪಂಡ ನೆತ್ತೆರಾವಾರದ ಒಂಜಿ ಸಗ್ತಿಂದ್ ಎನ್ನಿದ .ಮೂಲೊಡು ಮಾರಿ ಪಂಡ ಮಲ್ಲ ಪನ್ಪಿ ಅರ್ಥ ಇಪ್ಪೆದ್ಂಡ್.ಮಾರಿ ಪಂಡ ಬೂಮಿಗ್. ಬರ್ಸೊನು ಕೊರ್ದು ತನು ತಂಪು ಪನ್ಪುನ ಪ್ರಕೃತಿ ಶಕ್ತಿಂದ್ ಅರ್ಥ ಉಂಡು.ಮಾರಿ ಪಂಡ ಸಿರ್ಕ್ಂದ್ ದಾಯೆ ಅರ್ಥ ಬತ್ತ್ಂಡ್ಂದ್ ತೆರಿಯುಜಿ.ಮಾರಿಗುಡಿ,ಮಾರಿ ಜರ,ಮಾರಿ ಬಲೆ,ಮಾರಿ ಕಿದೆ,ಮಾರಿ ತೂಟೆ ಮೂಲು ಪೂರ ಮಾರಿ ಪಂಡ ಮಾಮಲ್ಲಂದೆ ಅರ್ಥ ಬರ್ಪುಂಡು ಶಿವಾಯ್ ಸೀಕ್ಂದ್ ಅರ್ಥ ಬರ್ಪುಜಿ.ತೂಟೆದಾವಾರ,ಮಾರಿ ಗಿಡೆರುನಿ/ಮಾರಿ ದೇರುನಿ,ಮಾರಿ ಮಗ್ಗಿ ಕಳೆಯುನಿ ಮೂಲು ಮಾರಿ ಪಂಡ ಮಲ್ಲಂದ್ ಅರ್ಥ ಬರ್ಪುಂಡು.ಒಂಜಿ ತಿಕ್ ಡ್ ಉರಿ ಉರ್ದಾಲ ದೊಂಬುದ ಪೆಟ್ಟ್,ನನೊಂಜಿ ತಿಕ್ ಡ್ ಬರ್ಸದ ಕೆಸರ್ ಕುರ್ತೆಲ್ ಡ್ ಕಾರ್ ಪುರಿ ನಂಜಿ ತಿನ್ಪುನ ಪೊರ್ತುಗು ಮಾರಿಬೀರಿ ಕಳೆಯುನ ಆಚರಣೆ ಬರ್ಪುಂಡು.

           ಮಾರಿನ್. ಅಪ್ಪೆ,ಅಮ್ಮಂದ್ ಪುದರ್ ದೊಟ್ಟುಗು ಸೇರ್ಸಾವೊಂದು ಬೈದೆರ್.ಮಾರಿಯಪ್ಪೆ,ಮಾರಿಯಮ್ಮ ಇಂಚ..ಮೇಲ್ಡ್ ನೀರ್ಗುಳ್ಳೆದಲೆಕ ಬೂರ್ನಗ ಪುಲಮರ್ದ್ ಪಂಡಿತೆರ್ ಮರ್ದ್ ಕೊರ್ದು ಅಮ್ಮ ಬೈದೆರ್ ಸುದ್ದಾಚಾರೊಡಿತ್ತ್ ದ್ ಪುರಲ್ದಪ್ಪೆನ ಪುರ್ಸಾದೊನು ನಿಕುಲು ಜೆಪ್ಪುನ ತರೆತಡಿಟ್ ದೀಲೆಂದ್ ಪನ್ಪೆರ್.ಮಾರಿ ಪಂಡ ನಮ್ಮ "ಕಾಲ ದೇವತೆ",ಮಾರಿ ದೇವತೆಂದ್ ಲ ಪನ್ಪೆರ್.ಮೂಲು ಕಾಲ ಪಂಡ ಅರೆಗಾಲ ಮರಿಯಾಲಂದ್ ತೆರಿಯೊಡು.ಮಾರಿಯಮ್ಮಪಂಡ "ಫಲವಂತಿಕೆದ ದೇವತೆ",ಹವಾಮಾನದ ದೇವತ" ಪಂಡ ಕಾಲದೇವತೆಂದ್ ಲ ಆರಾದನೆ ಮಲ್ಪುವೆರ್.ನಮ್ಮ ದೇಸದ ತೆನ್ಕಾಯಿ(ದಕ್ಷಿಣ) ಬಾಗೊಲೆಡ್ ಮಾರಿನ ಆರಾದನೆ ಉಂಡು.ಅರೆಗಾಲ ಸುರಾನಗ ಎಚ್ಚಾದ್ ಮಾರಿನ ಆರಾದನೆ ನಡಪುಂಡು ಪಂಡ ಸುಗ್ಗಿ ಪಗ್ಗುದ(ಮಾರ್ಚಿ-ಎಪ್ರಿಲ್)ಪೊರ್ತುಡು ಮಾರಿಪೂಜೆ ನಡಪುಂಡು.ಕಾಲ ಕಾಲೊಗು ಬರ್ಸೊನು ಒದಗಾಯೆರೆಗಾದ್ ಪ್ರಕೃತಿ ಸಗ್ತಿಯಾದ್ ಮಾರಿನ ಆರಾದನೆ ನಡಪುಂಡು.ಅರೆಗಾಲ ಉರಿ ಉರ್ದಾಲ ದೊಂಬುದ ಪೆಟ್ಟ್ ಡ್ ಸರ್ರೊಗು ಉಷ್ಣ ಏರ್ದ್ ಮೇಲ್ಡ್ ಬೂರುನ ಕೋರೆ ಕೊಟ್ಲೆದಂಚಿ ಸಿರ್ಕ್ ಲೆನ್ ದೂರ ಮಲ್ಪೆರೆ ಮಾರಿನ ಆರಾದನೆ ನಡಪುಂಡು.ಮಾರಿಗ್ ಗ್ರಾಮ ದೈವದಾತೇ ಮಾನಾದಿಗೆ ಕೊರ್ನ ತುಳುವೆರ್ ಮಾರಿನ್ ಗ್ರಾಮ ದೇವತೆಯಾದ್,ಊರು ಕಾಪುನ ದೈವವಾದ್ ಆರಾದನೆ ಮಲ್ಪುವೆರ್.ಕೆಲವೊಂಜಿ ದೈವೊಲು ಮಾರಿ ಮಮ್ಮಾಯಿನ ಬೇಟಿ ಮಲ್ಪುನ ಕೆರಮಲ ಉಂಡು.ಮಾರಿಯಮ್ಮ,ಮಾರಿ ದೇವತೆ,ಮಾರಿ ದೈವ,ಮಾರಿ ಬೂತ,ಮಮ್ಮಾಯಿ ಇಂಚ ಬೇತೆ ಬೇತೆ ಪುದರ್ ಡ್ ಮಾರಿನ್ ಆರಾದನೆ ಮಲ್ಪುವೆರ್.ಕಾಳಿ/ಭದ್ರಕಾಳಿ,ಶಕ್ತಿ/ಪಾರೊತಿನ ಒರುವಾದ್ ಲಶೈವಾಂಶ ಸಗ್ತಿಯಾದ್ ಮಾರಿನ ಆರಾದನೆ ಮಲ್ಪುವೆರ್.ಬೂಮಿ ಅಲೆನ ನಿಲೆಯಾಂಡ ಕತ್ತಿ,ತಿರ್ಸುಲ,ತೂಟೆ,ಬೆತ್ತ ಅಲೆನ ಆಯುಧೊಲಾದುಂಡು.ಬಡಕಾಯಿ /ದಕ್ಷಣ ಕರ್ನಾಟಕದ ಬಾಗೊಲೆಡ್ ಮಾರಿಯಮ್ಮ ಪೊಣ್ಣುಲೆ ಮೇಲ್ಡ್ ವಸಾಯೊಡು ಬತ್ತಲ್ಡ ತುಳುನಾಡ್ ಡ್ ಆಂಜನಕ್ಲೆಗ್ ಮಾರಿ ದರ್ಸನ ಉಪ್ಪುಂಡು.

              ಮಾರಿನ ಆರಾದನೆ ದ್ರಾವಿಡ ಜನಪದ ಅವೈದಿಕ ಧರ್ಮದ ನೆತ್ತೆರಾವಾರದ ಆರಾದನೆ.ತಮಿಳ್ನಾಡ್ ಡ್ ಅಪ್ಪೆಯಾದಿತ್ತ್ ದ್(ಮಾತೃದೇವತೆ) ಯಾದಿತ್ತ್ ದ್ ತೆನ್ಕಾಯಿ/ದಕ್ಷಿಣ ಭಾರತದ ಎಚ್ಚಿನ ಗೆರಮೊಲೆಡ್ ಮಾರಿ ಮಾರಿದೈವ ಆದ್ ಆರಾದನೆ ಪಡೆಯೊಂದುಲ್ಲಲ್.ಮಾರಿ ಪನ್ಪಿ ಸವ್ದದ ಬಗೆಟ್ ಸಂಗಂ ತಮಿಳು ಮೂಲೊಡು ಉಲ್ಲೇಖ ಉಂಡು.ಮಾರಿ ಪಂಡ ಬರ್ಸ.ದ್ರಾವಿಡ ಮೂಲದ ಅಮ್ನ ಪಂಡ ತುಳುಟು ಅಪ್ಪೆ.ಅಂಚ ಮಾರಿಯಪ್ಪೆ ಪಂಡ ಬರ್ಸೊನು ಕನಪುನ ಅಮ್ಮ/ಅಪ್ಪೆಂದ್ ಅರ್ಥ.ಅರೆಗಾಲದ ಉರಿ ಉರ್ದಾಲ ದೊಂಬುದ ಮಾರಿಬೀರಿ ಸಿರ್ಕ್ ಲೆನ್ ದೂರ ಮಲ್ತ್ ದ್ ಬರ್ಸೊನು ಕನತ್ ದ್ ಬೂಮಿಗ್ ತನು ತಂಪು ಮಲ್ಪುನಾಲ್ ಮಾರಿಯಮ್ಮ.ಪುರಾತನ ತಮಿಳೆರ್ ಮಾರಿಯಮ್ಮನ್  ಬರ್ಸ ಕನಪುನ ದೇವತೆಯಾದ್ ಆರಾದನೆ ಮಲ್ತೊಂತೆರ್.ಪ್ರಕೃತಿನ್ ಅಪ್ಪೆನ ಒರುಟು ತೂಯಿನ ಮಾತೃ ಪ್ರದಾನ ಸಂಸ್ಕೃತಿಡ್ ಬುಳೆ ಬಾಗ್ಯೊನು ಕನಪುನ ಪಲವಂತಿಗೆದ ಸಗ್ತಿಯಾದ್,ಬೂಮಿಗ್ ಸಮೃದ್ದಿನ್ ಕನಪುನಾಲ್ಂದ್ ಸ್ತ್ರೀತ್ವದ ಸಗ್ತಿಯಾದ್ ಮಾರಿಯಮ್ಮನ್ ಆರಾದನೆ ಮಲ್ತೆರ್.ದ್ರಾವಿಡ ಅವೈದಿಕ ಸಂಸ್ಕೃತಿಡ್ ಅಪ್ಪೆಗ್ ಮಾನಾದಿಗೆ.

  

ಮಾರಿ ದರ್ಶನ ಪಾತ್ರಿ ಪೂವ

  

       ಪ್ರತಿಮಾ ಶಾಸ್ತ್ರದ ಒರುಟು ಮಾರಿಯಪ್ಪೆನ ತುತ್ತೈತ ಕೇಪುಲು ರಂಗ್ ದ..ಮಾರಿಯಮ್ಮನ ಪ್ರತಿಮೆಲು ಮಣ್ಣ್ ದವಾದಿತ್ತ್ ದ್ ಮೋನೆಲಾ ಕೇಪುಲು ರಂಗ್ ದವಾದಿತ್ತ್ಂಡ್.ಪೊರ್ಲುದ ಜಕ್ಕಡ ಜವಂದಿನೊರುಟು ಮಾರಿನ ಪ್ರತಿಮೆಲುಲ್ಲ.ಎಚ್ಚಾದ್ ರಡ್ಡಾ,ನಾಲಾ ಕೈಕುಲುಪ್ಪುನ ಮಾರಿನ ಮಣ್ಣ್ ದ ಪ್ರತಿಮೆಲುಪ್ಪುವ.ಮಾರಿನ ಕೆಲವೊಂಜಿ ಪ್ರತಿಮೆಲೆಡ್ ಮಸ್ತ್ ಕೈಕುಲಿತ್ತ್ ದ್ ಅಲೆನ ಸಗ್ತಿಗ್ ಅವು ಸಂಕೇತಾದುಂಡು.ಮಾರಿನ ಉಂತ್ ನ,ಕುಲ್ದಿನ ಪ್ರತಿಮೆಲುಲ ಉಪ್ಪುವ.ಇತ್ತೆ ಬೊಳ್ಳಿ ಬಂಗಾರ್ದ ಮಾರಿಯಮ್ಮನ ಪ್ರತಿಮೆಲು ಬೈದ..ಅವೆತೊಟ್ಟುಗು ಅವೈದಿಕ ನೆತ್ತೆರಾವಾರದ ಮಾರಿ ಮಮ್ಮಾಯಿನ್  ವೈದಿಕ ಮಾರಿಯಮ್ಮ ದೇವಿ ಮಲ್ತ್ ದ್ ಇನಿಕಾನಗ ಮಾರಿಗುಡಿಕುಲು ಮಾರಿಯಮ್ಮ ದೇವಲ್ಯೊಲಾವೊಂದುಲ್ಲ.ಒಂಜಿ ಕೈಟ್ ತಿರ್ಸೂಲ,ಕುಡೊಂಜಿ ಕೈಟ್ ಬಟ್ಟಲ್/ಕಪಾಲ ಉಪ್ಪುಂಡು.ಕೆಲವೊಂಜಿ ಪ್ರತಿಮೆಲೆಡ್ ಒಂಜಿ ಕೈಟ್ ಅಭಯದ ಮುದ್ರೆ ಉಪ್ಪುಂಡು.ಕೊಕ್ಕೆ ಕೂಲಿ/ಕೋರೆದಾಡೆ, ಬಿರ್ಕ್ ದ್ ಪಾಡ್ನ ಕುಜಲ್ದಮಾರಿಯಮ್ಮನ ಪ್ರತಿಮೆಲುಲ ಉಲ್ಲ.ಮಾರಿಯಮ್ಮನ ಉಗ್ರ ಸೊಬಾವೊ ಬೊಕ್ಕ ಶಾಂತ ಸೊಬಾವೊನು ತೊಜಪಾಯೆರೆ ಇಂಚ ವಿಗ್ರಹೊಲೆನ್/ಪ್ರತಿಮೆಲೆನ್ ಕೆತ್ತ್.ದುಪ್ಪುವೆರ್.

ಮಾರಿ ದೈವೊನು ಉಷ್ಣೊಗು ಸಮ್ಮಂದಪಟ್ನ ದೇವತೆಂದ್ ಲ ಪನ್ಪೆರ್.ಆ ಉಷ್ಣ ಕಾಲೊದ ಮೇಲ್ಡ್ ಬೂರುನ ನಂಜಿ ಸಿರ್ಕ್ ಲೆನ್ ನಿಮುರ್ತಿ ಮಲ್ಪುನ ಸಗ್ತಿಲ ಅಲೆಗೆ ಉಪ್ಪುನಿಂದ್ ಅಲೆನ್ ಬಗ್ತೆರ್ ಮನಬಗ್ ತಿಡ್ ಆರಾದನೆ ಮಲ್ಪುವೆರ್.ಮಾಯಿರ್ದ್ ಕಾರ್ತೆಲ್ ಮುಟ್ಟ(ಮಾರ್ಚಿರ್ದ್ ಜೂನ್ ಮುಟ್ಟ) ಇಜ್ಜಾಂದಿ ಸಿರ್ಜ್ ಸಂಕಡೊಲು ನರಮಾನ್ಯಗ್ ಬರೊಂತ.ಆ ಕಾಲೊಡು ಅಂಚಿ ಸಿರ್ಕುಲು ಬರ್ರೆ ಬಲ್ಲಿಂದ್ ಜವನಾದಿಗೆದ ಆಣ್ ಪೊಣ್ಣುಲು ಮಂಜಲ್ ಕೈ ಬೇವು ಬಿರಾಯಿನ ನೀರ್ ನ್ ಮಣ್ಣ್ ದ ಕುದುಪೆಡ್  ಪಾಡ್ದ್ ಆ ಕುದುಪೆನ್ ತರೆಟ್ ತುಂಬೊಂದು ಮೈಲ್ ಕಟ್ಲೆ ನಡತೊಂತೆರ್.ಮಾರಿನ್ ಫಲವಂತಿಗೆದ ಸಗ್ತಿಯಾದ್,ಬುಳೆ ಬಾಗ್ಯದ ಪೊಲಿ ಪೊಲ್ಸು ಒದಗಾವುನ ಸಗ್ತಿಯಾದ್ ನಮ್ಮ ಆರೋಗ್ಯೊನು ಒರ್ಪೆರೆಗಾದ್,ನಮಕ್ ಎಡ್ಡೆ ಸಂತಾನ ಒದಗಾಯೆರೆಗಾದ್,ಎಡ್ಡೆ ಈಡ್ ಜೋಡಿನ್ ಒದಗಾಯೆರೆಗಾದ್(ಆಣ್ ಪೊಣ್ಣು),ಕುಟುಮದ ಎಡ್ಡೆಗಾದ್ ಮಾರಿನ್ ಒಂಜಿ ದೈವೀ ಸಗ್ತಿಯಾದ್ ಆರಾದನೆ ಮಲ್ತೊಂತೆರ್.ತಮಿಳ್ನಾಡ್ ದ ತಂಜಾವೂರುಡು ಮಾರಿಯಮ್ಮ ಕೆಲವೆರೆಗ್ ಕುಲದೇವತೆಯಾದಿತ್ತ್ ದ್ ಅಕ್ಲೆನವ್ಲು ಮದಿಮೆ ಮಸ್ಕಿರಿದಪಗ. ಕುಲದೈವವಾದ್ ಮಾರಿನ್ ಆರಾದನೆ ಮಲ್ಪುವೆರ್.ತರೆ ತರವಾಡ್ ಡ್ದ್ ಮಾರಿ ದೇವತೆನ ಆರಾದನೆ ನಡತೊಂತ್ ನೆಡ್ದಾದ್ ಮೊಕುಲು ಕುಟುಮದ ಮೂಲೊನು ಮೂಲೆ ನಾಡುವೆರ್.ಅಪಗ ಮಾರಿ ದೈವ ಕುಟುಮದ ಮೂಲ ನಾಡುನ ದೈವ ಆದ್ ಮೂಲು ನೆಗತ್ ತೋಜುಂಡು.ಕುಟುಮ ದೈವೊಲು ಸಾಮಾನ್ಯವಾದ್ ಕುಟುಮೊಲು ಬದ್ ಕ್ ಕಟ್ಟೊಂದಿಪ್ಪುನ ಗ್ರಾಮ ಹಳ್ಳಿಲೆಡ್ ಉಪ್ಪುಂಡು.

                          ಸಿರ್ಸಿ ಮಾರಿಕಾಂಬ ದೇಲ್ಯ ಕರ್ನಾಟಕೊಡಿತ್ತ್ ದ್ ಕ್ರಿ.ಶ1688ಡು ದೇವಾಲ್ಯೊನು  ಕಟ್ಟಾದೆರ್.ನಮ್ಮ ನಾಡ್ ದ ಮಾತಾ ಮಾರಿ ಸಗ್ತಿಲೆಗ್ ಮುಲ್ತ ಮಾರಿಯಮ್ಮ ಅಕ್ಕಂದ್ ನಂಬೊಂದು ಬೈದೆರ್.ವಿಜಯನಗರ ಅರಸುಲೆ ಅರಸೊಳಿಗೆ ಮುಗಿದ್ಕೆಳದಿ ನಾಯಕೆರೆ ಅರಸೊಳಿಗೆ ಸುರಾಯಿ ಬೊಕ್ಕ ಪಂಡ ಸುಮಾರ್ 17ನೇ ಶತಮಾನದ ಪೊರ್ತುಗು ತುಳುನಾಡ್ ಗ್ ಮಾರಿ ಮಮ್ಮಾಯಿನ ಆರಾದನೆ ಬತ್ತ್ಂಡ್ಂದ್ ವಿದ್ವಾಂಸೆರೆ ಅಭಿಪ್ರಾಯ.ಕವಿ ಲಿಂಗಣ್ಣನ "ಕೆಳದಿನೃಪವಿಜಯ ಮಹಾಕಾವ್ಯ"ದ ಪ್ರಕಾರ ಕ್ರಿ.ಶ 1743ಟ್ ಬಸಪ್ಪ ನಾಯಕೆ ಕಾಪುಡು(ಒಡಿಪುದ ಕೈತಲ್ದ) "ಮನೋಹರಗಡ" ಪನ್ಪಿ ಎಲ್ಯ ಕೋಟೆನ್,ಮಲ್ಲಾರ್ ಡ್ ಮಲ್ಲ ಕೋಟೆ ಕಟ್ಟ್ ನೆತ ಉಲ್ಲೇಖದ ಆಧಾರೊಡು ಮಾರಿನ ಆರಾದನೆ ಸುರಾಯಿನ ಕಾಲಘಟ್ಟದ ಲೆಕ್ಕಾಚಾರೊಗು ಗೆತೊಂದೆರ್.ಅಲ್ತ್ ಬೊಕ್ಕ "ದಂಡ್ ದ ಮಾರಿ"(ದಂಡಿನ ಮಾರಿ)ಪನ್ಪಿ ಪುದರ್ ಜನೊಕ್ಲೆ (ಚಾಲ್ತಿ) ಬಾಯಿಡ್ ಬೈದ್ಂಡ್.ಕೋಟೆದ ಇಲ್ಲ್,ಕೋಟೆದ ಸೇವಕೆರ್(ಯೋಧೆರ್),ಕೋಟೆದ ಮಾರಿಯಮ್ಮ. ಉಂದೆನ್ ಪೂರ ತೂನಗ ದಂಡ್ ದ ಮಾರಿ ಪನ್ಪುನೆತ ಅರ್ಥ ನಂಕ್ ತೆರಿಯುಂಡು.ಮೂಲು ಮಾರಿ ಆರಾದನೆದ ಚಾಕಿರಿದಕುಲು ಕನ್ನಡ ಪಾತೆರುನಕುಲು ಪನ್ಪುನವು ಇಸೇಸ.ಕೋಟೆದಿಲ್ಲಡ್ ಮಾರಿನ್ ಇಲ್ಲದ ದೇವತೆಯಾದ್ ಆರಾದನೆ ಮಲ್ಪುವೆರ್.ಕೋಟೆದ ಮಾರಿಯಮ್ಮ ಉಂದೆಕ್ ಸಾಗ್ಸಿಯಾದುಲ್ಲೆರ್.ತಮಿಳ್ನಾಡ್ ಡ್ ಮಾರಿಯಮ್ಮನ್ "ಕೋಟ್ಟೈ ಮಾರಿಯಮ್ಮನ್" ಪಂಡ್ ದ್ ಆರಾದನೆ ಮಲ್ಪುವೆರ್.ದಂಬು ನಾಲ್ ಜಾತಿದಕ್ಲೆಗ್ ಸೀಮಿತ ಆದಿತ್ತ್ ನ ಮಾರಿನ ಆರಾದನೆ ಕಾಲಾನುಬಾಗೊಡು ಸಾರ್ವತ್ರಿಕ ಆರಾದನೆಯಾದ್ ಪೋಂಡು.ಮಾರಿ ಪೂಜೆ ಅರೆಗಾಲ/ಕಾಚೆಲ್ದ ಪೊರ್ತುಡು ನಡತೊಂದಿತ್ತ್ ದ್ ಅಂಗಾರೆ ಕಡ್ಪುದ ದಿನನೇ ಮಾರಿ ಪೂಜೆ ನಡಪುಂಡು.ಇನಿ ವೈದಿಕ ಆರಾದನೆ ಮಾರಿಗುಡಿಕ್ಲಾ ಪೊಗ್ಗ್ ದ್ ನೆತ್ತೆರಾವಾರ ಕೊರ್ಪುನಡೆ ಕುಂಬುಡ ಮೂರುನ ಪರಿಸ್ಥಿತಿ ಬೈದ್ಂಡ್.ಮಾರಿಗ್ ನೆತ್ತೆರಾವಾರನೇ ಪ್ರದಾನ.ಮಾತಾ ದೈವೊಲೆನಾಂಡಲ ನೆತ್ತೆರಾವಾರ ಕೊರಂದೆ ಒರೊಕು ಸಲ್ಮಂತ ಮಲ್ಪೊಲಿ.ಮಾರಿನ್ ಸಾದ್ಯನೇ ಇಜ್ಜಿ.ಮಾರಿಗ್ ನೆತ್ತೆರಾವಾರ ಕೊರ್ಜಿಂಡ ಬೇತೆ ರೀತಿಡವು ನೆತ್ತೆರಾವಾರ ಗೆತೊನುಂಡು.ಅಂಚಾದ್ ಮಾರಿನ ಆರಾದನೆಡ್ ಬಾರೀ ಜಾಗ್ ರ್ತೆ ಉಪ್ಪೊಡು.

                            ತುಳುನಾಡ 7 ಪರ್ಬೊಲೆಡ್ ಮಾರಿ ಪೂಜೆಲಾ ಒಂಜಿ.ಅವು ಒವು ಪೂರ ಪಂಡ 1.ಒಡಿಪುದ ಪರ್ಯಾಯ,2.ಬಪ್ಪನಾಡು ಡೋಲು ಜಾತ್ರೆ,3.ಮೂಲಿಕೆ ಅರಸೆರೆ ಕಂಬುಲ,4.ಕಬತ್ತರಾಯನ,5.ತಲೊತ ಲಚ್ಚ ತುಡರ್(ಧರ್ಮಸ್ಥಳತ ಲಕ್ಷದೀಪ),6.ಪಡ್ಡೆದ್ರದ ಡಕ್ಕೆ ಬಲಿ , 7.ಕಾಪುದ ಮಾರಿಪೂಜೆ.ಕಾಪುದ ಮಾರಿಯಮ್ಮ ಸಗ್ತಿ ದೇವತೆಯಾದಿತ್ತ್ ದ್ ಅಲೆನ್ "ಕಾಪುದಪ್ಪೆ","ಸತ್ಯದಪ್ಪೆ"ಪಂಡ್ ದ್ ಲೆಪ್ಪುವೆರ್.ಸತ್ಯ ಧರ್ಮ ನ್ಯಾಯದ ಸಾದಿಡ್ ನಡಪುನಕ್ಲೆನ್. ಕೈ ಬುಡಂದೆ ತರೆಕ್ ತರೆ ಕಾಪಾದ್,ಬೆರಿಕ್ ಬೆರಿ ಸಾಯ ಆದ್ ಕಾಪುದಪ್ಪೆ ಮಾರಿಯಮ್ಮ ನಂಬಿನಕ್ಲೆನ್ ಕಾತ್ ರಕ್ಷಣೆ ಮಲ್ಪುವಲ್.ಕಾಪುಡು 3 ಮಾರಿಪೂಜೆ ನಡಪುಂಡು.ಆಟಿಡ್ ಆಟಿದ ಮಾರಿ ಪೂಜೆ, ಜಾರ್ದೆಡ್ ಜಾರ್ದೆದ ಮಾರಿಪೂಜೆ  ಸುಗ್ಗಿಡ್ ಸುಗ್ಗಿದ ಮಾರಿಪೂಜೆ ನಡಪುಂಡು.ಪರ ಮಾರಿ ಗುಡಿಟ್. ನಡತ್ ಲೆಕನೆ ಪೊಸ ಮಾರಿ ಗುಡಿಟ್ಲಾ  ಆಟಿದ,ಜಾರ್ದೆದ,ಸುಗ್ಗಿದ. ಮಾರಿ ಪೂಜೆ ನಡಪುಂಡು.ದುಂಬುದ ಕಾಲೊಡು ಮಾರಿಗ್ಂದ್,ಮಾರಿ ಬೋಂಟೆಗ್ಂದ್ ಕುರಿ ಬುಡೊಂತೆರ್ಡ ಇತ್ತೆ ಅಡೆ ಕುಂಬುಡ ಕೊಯ್ದ್ ಸುದಾರ್ಪುವೆರ್.ಕುರಿ ಕೊಯ್ನಗ ಬುಲಿಪಿತ್ತ್ಂಡ ಕಂಬುಡ ಕೊಯ್ನಗ ಅವೆಕ್ಲಾ ಜೂವ ಉಪ್ಪುಂಡು,ಬುಕಾಪುನು ತುಳುಟು. " ಪೂ ಬಿತ್ತ್ ಲ್ " ಪನ್ಪಿ ಪುದರ್ ಡ್ ಲೆತ್ತೊಂತೆರ್.ದಂಡ್ ದ ಮಾರಿ ದೇವತೆ ಕೆಳದಿ ಅರಸೆರೆ ಧಂಡ್ ದೊಟ್ಟುಗು(ಸೈನ್ಯ) ಪೂಬಿತ್ತ ಲ್ ಡ್/ಕಾಪುಡು ನಿಲೆ ಆಪಲ್.ಇನಿತ ದಿನಮಾನೊಡು ಮಾರಿಯಪ್ಪೆ ಮಹಾಮಾಯೆ ಆದ್ ಮಮ್ಮಾಯಿ ಪುದರ್ ಮಯಕಾತ್ಂಡ್.ಇನಿ ಮಾರಿ ಪಞೂಜೆಗ್ ಬೋಡಾಯಿನ ನೆತ್ತೆರಾವಾರ ಮಯಕಾದ್ ಅಡೆ ಚಂಡಿಕಾ ಯಾಗ,ತುಲಾಭಾರ ಸೇವೆ,ಗದ್ದಿಗೆ ಪೂಜೆ ಪೂರಾ ಬೈದ್ಂಡ್.ದೈವೊಲ್ನ ಪುದರ್,ಆರಾದನೆ ಬದಲ್ಲೆಕ ಮಾರಿಯಮ್ಮನ ಪುದರ್ ಆರಾದನೆದ ಕೆರಮಲ ಬದಲಾತ್ಂಡ್.ಮಾರಿನ್ ಇನಿ ತ್ರಯಂಬಕೇಶ್ವರಿ,ಮಂಗಳಾಂಬಿಕೆ,ಕಾಳಿ,ದುರ್ಗೆಂದ್ ಬೇತೆ ಬೇತೆ ಪುದರ್ ಡ್ ಆರಾದನೆ ಮಲ್ಪೆರೆ ಸುರು ಮಲ್ತೆರ್.

                ಮಮ್ಮಾಯಿನ ಮೂಲ ಪುದರ್ ಮಾರಿಯಾದಿತ್ತ್ ದ್ ಮಾರಿ ಮಮ್ಮಾಯಿಂದ್ ಲೆಪ್ಪುವೆರ್ ವಿನಃ ಮಮ್ಮಾಯಿ ಮಾರಿಂದ್ ಲೆಪ್ಪುಜೆರ್.ಮಾರಿಯಮ್ಮನ್ ದೇವ ದೇವಿನ ಸಾಲ್ ಗ್ ಸೇರಾಯೆರೆ ಬಲ್ಲಿ.ಮಾರಿ ಮಾರಿಯೆ,ಮಮ್ಮಾಯಿ ಮಮ್ಮಾಯಿಯೆ.

ಮಮ್ಮಾಯಿ ಮಹಾಮಾಯೆಯತ್ತ್.ದುಂಬುದ ಕಾಲೊಡು ಮಾರಿಗ್ ಎರು ಕಡ್ತ್ ದ್ ನೆತ್ತೆರ್ ಬಲಿ ಕೊರೊಂತೆರ್ಡ ಕೆಲವು ತಿಕ್ ಡ್ ಪಂಜಿದ ತರೆ ಕಡ್ತ್ ದ್ ಕೆಲವು ತಿಕ್ ಡ್ ಏಡ್/ಕುರಿತ ತರೆ ಕಡ್ತ್ ದ್ ನೆತ್ತೆರ್ ಬಲಿ ಕೊರೊಂತೆರ್.ಕಾಲಾನುಬಾಗೊಡು ಊರುದಕುಲು ಮಾರಿಗ್ ಕೋರಿ ಕೊರ್ಯೆರ್ಡ ಪರಕೆದ ರೂಪೊಡು ಮಾರಿಗ್ ಅವ್ಲೊಂಜಿ ಮೂಲೊಂಜಿಂದ್ ಪಂಜಿ ಕಡ್ತ್ ದ್ ನೆತ್ತೆರ್ ಬಲಿ ಕೊರ್ಪೆರ್.ಮುಲ್ತ ಮಾರಿ ದೈವದ ಚಾಕಿರಿನ್ ಬಡಕಾಯಿ ಕರ್ನಾಟಕದ ಕನ್ನಡ ಪಾತೆರುನ ಒಂಜಿ ಜಾತಿ ಜನಾಂಗದಕುಲು ತುಳುನಾಡ ಹೆಚ್ಚಿನ ಜಾಗೆಲೆಡ್  ಮಾರಿನ ಚಾಕಿರಿ ಮಲ್ಪುವೆರ್.ದೈವಾರಾದನೆದ ನೇಮದ ಅಂಕದ ಪಂಡ ಕೋರಿದ ಕಟ್ಟದ ನೆತ್ತೆರ ಬಲಿ,ದೈವದ ಕೊಡಿಯಡಿತ ಬಲಿಕ್ ಕೊಯ್ಪುನ ಕೋರಿದ ಬಲಿ,ಬನೊಟು ಊರ್ದಕುಲು ಸೇರ್ದ್ ಮುದ್ರೆಗ್ ಕೋಲ್ತಿರಿ ಕುತ್ತುದು ಕೊಯ್ಪುನ ಕೋರಿದ ಬಲಿ ಒಂಜಿ ರೀತಿಯಾಂಡ ಮಾರಿಗ್ ನುಪ್ಪುದರಾಸಿ,ಪುಂಡಿದ ರಾಸಿದೆದುರು ಕೊಯ್ಪುನ ಕೋರಿದ ಬಲಿಕ್ ಇಡೀ ಗ್ರಾಮ ಸೇರುಂಡು.

  

ಊರುದ ಮಾರಿ ಗಿಡೆರುನೆಕ್ಲ ಒಂಜಿ ಕೆರಮ ಇತ್ತ್ಂಡ್.ಊರುಲೆಡ್ ಏರ ಜೇರದ ಮಿತ್ತ್ ರ್ದ್ ಎತ್ತರೊರ್ದು ನೀರ್ ಬೂರುನ ಗಂಡಿಲಿತ್ರ್ ದ್ಗಂಡಿದ ಬಾಕಿಲ್ ಡ್/ಬಾಗೊಲೆಡ್  ನೀರ್ ಪರಿತ್/ಪರತ್ ಪಫುನಲ್ಪ "ಮಾರಿ ತೂಟೆ"ನ್ ದಕ್ಕ್ ದ್ ಮಾರಿ ಗಿಡೆರುನ ಕೆರಮ ಇತ್ತ್ಂಡ್.ಗಂಡಿದ ಇಂಚಿಗ್ ಒಂಜಿ ಊರು,ಗಂಡಿದ ಅಂಚಿಗ್ ಕುಡೊಂಜಿ ಊರುಂದು ಮಾರಿ ಗಿಡೆರುನೆತ ಲೆಕ್ಕಾಚಾರ ಇತ್ತ್ಂಡ್.ಊರ್ದ ಮಾರಿ ಗಿಡೆರುನವೆ ಮಾರಿ ದೇರುನ ಕಲ್ಪನೆಯಾದಿತ್ತ್ಂಡ್.ಮಾರಿ ಗಿಡೆರುನ ದುಂಬು ಮಾರಿನೊಟ್ಟುಗುಪ್ಪುನ ಸರ್ವ ಪರಿವಾರ ಗಂಡ ಗಣೊಕ್ಲೆಗ್ ನೆತ್ತೆರ್ ಬಲಿ ಕೊರ್ದು ಪರಿವಾರ ಗಂಡ ಗಣೊಕ್ಲೆಗ್ ತೃಪ್ತಿ ಆಯಿ ಬೊಕ್ಕ ಮಾರಿ ಗಿಡೆರುನ ಕೆರಮ ಇತ್ತ್ಂಡ್.ಮಾರಿಗ್ ದುಂಬು ಸಾಸಿತವಾಯಿನ ಮೂರ್ತಿ,ವಿಗ್ರಹೊಲಿಜ್ಜಾಂಡ್.ಮಾರಿಗ್ ಮಣ್ಣ್ ದ ವಿಗ್ರಹ/ಪ್ರತಿಮೆಲು ಮಾತ್ರ ಇತ್ತ್ ನಿಮೂಲೊಡು ಗುಡಿ ಗುಂಡಾರೊಲುಂದು ಇಜ್ಜಾಂಡ್.ಗೋಳಿದ ಮರತಡಿಟ್ ಮಾರಿಗ್ ಕಲ್ಲ್ ಪಾಡ್ ದ್ ವರ್ಸೊಗೊರ ಮಾರಿಗ್ ಮಾರಿ ಬಲಸ್ ದ್ ಮಾರಿ ದರ್ಸನ ಆದ್ ಊರ್ದಕುಲು ಸೇರ್ದ್ ಕೋರಿ ಕೊಯ್ಪಾವೊಂತೆರ್.ಇಂಚಿಪ್ಪದ ಕೆಲವು ವರ್ಸೊರ್ದಿಂಚಿ ಮಾರಿಗ್ ಮಾರಿಗುಡಿಕುಲು ಬೈದ.ಈ ಮಾರಿ ಗುಡಿತ ಎದುರು ತುತ್ತೈತ ಆಯಿನ ಮಾರಿ ದರ್ಸನ ಪಾತ್ರಿನೆದುರು ಆ ಗ್ರಾಮೊಗು ಸಮ್ಮಂದಪಟ್ನ ಹಿರಿಯಾರ್ ಮದಿತಿ ಬೊಕ್ಕ ಮಾರಿನ ದರ್ಶನ ನಡಪುಂಡು.ಆ ಗುಡಿಕ್ ಮಾರಿದರ್ಶನ ಪಾತ್ರಿ ಮೂಜಿ ಸುತ್ತು ಬತ್ತ್ ದ್ ಅಲ್ತ್ ಬೊಕ್ಕ ಮಾರಿಗ್ ಬಲಿ ಕೊರ್ಪುನ ಜಾಗೆಗ್ ದರ್ಸನೊಡೆ ಪೋದು ವಸಾಯ ಉಂತುಂಡು.ಅವೆರ್ದ್ ಬೊಕ್ಕ ಬಾರೀ ಮಲ್ಲ ನುಪ್ಪು,ಪುಂಡಿದ ರಾಸಿ ಮಾರಿ ಬಲಸ್ ದ್ ಅಮುರ್ತ ದೀದ್ ಕುಡೊರ ಮದಿತ್ ದ್ ಮಾರಿ ದರ್ಸನ ನಡಪುಂಡು.ಬೆತ್ತೊಡು ರಡ್ಡ್ ಮೂಜಿ ಸರ್ತಿ ಪೆಟ್ಟ್ ಪಾಡೊನ್ನ   ಮಾರಿ ದರ್ಸನ ಪಾತ್ರಿ ಮೂಡಾಯಿಗ್ ಮೋನೆ ಪಾಡ್ದ್ ಉಂತುದು ಸೇವೆದ ಇಚಾರ ಗ್ರಾಮದ ಪೆರಿಯಾರ್ಡ ಪಿಂದೊಂದು ಬೆತ್ತೊನು ಮೂಜಿ ಸರ್ತಿ ಮೂಡಾಯಿಗ್ ದಂಗಾದ್/ಕೆಲವು ತಿಕ್ ಡ್ ಬಲಿ ಕೊರ್ಪುನ ಜಾಗೆಗ್ ಮೂಜಿ ಸರ್ತಿ ಪೊರಿ ಪಾರಾದ್ ಬಲಿಕ್ ಅಪ್ಪಣೆ ಕೊರ್ದು  ಬೊಕ್ಕ ದರ್ಸನ ಪಾತ್ರಿ  ಬೆರಿ ಪಾಡ್ದ್ ಪಡ್ಡೆಯಿಗ್ ಮೋನೆ ಪಾಡ್ದ್ ಉಂತುದಿಪ್ಪುವೆ.ಬಲಿ ಪೂರ ಕೊರಿ ಬೊಕ್ಕ ಕುಡೊರ ವಸಯಾದ್ ಮಾರಿಪೂಜೆ ಮುಗಿಯುಂಡು.ಮಾರಿಗ್ ಗೋಳಿ ಮರತಡಿಟ್ ಸಾಸಿತವಾಯಿನ ಕಲ್ಲ್ ಪಾಡ್ದಿಪ್ಪುವೆರ್.ಕಲ್ಲ್ ದ ಮಿತ್ತ್ ಅಜ್ಜಬಿರುತೊರುತ(ಕಮಾನು ರೀತಿದ) ರಚನೆ ಮಲ್ತ್ ದಿಪ್ಪುವೆರ್.

       ಮಮ್ಮಾಯಿ,ಮಾಕಾಲ್ದಿ/ಕಾಳಿಗ್ ಒರುಟು(ರೂಪ),ಆಚರಣೆಡ್ ಸಾಮ್ಯತೆ ಇತ್ತ್ಂಡಲ ಮೂಲ ತತ್ವೊಡು ಓಲ್ಪಡಿ ಇಜ್ಜಿ.ಕಾಳಿನ್ ದೇವಿನ ಒರುಟು ಆರಾದನೆ ಮಲ್ಪುನೆಡ್ದಾದ್ ಅಲೆಗ್ ನೆತ್ತೆರ ಬಲಿ ಇಜ್ಜಿ.ಅಲೆನ ಪರಿವಾರೊಗು ನೆತ್ತೆರ ಬಲಿ ಉಂಡು."ಕಾಳಿಕಾಳಿ ಮಹಾಕಾಳಿ ಭದ್ರಕಾಳಿ ನಮೋಸ್ತುತೇ,ಕುಲಂಚ ಕುಲ ಧರ್ಮಂಚ ಮಾಂಚ ಪಾಲಯ ಪಾಲಯ"( ದುರ್ಗಾದೇವಿನ ಉಗ್ರರೂಪ- ಕಾಳಿ-ಕಪ್ಪು,ರಾತ್ರೆ,ಕಾಲ ನಿಯಂತ್ರಕಿ,ಕರುಣಾಮಯಿ).ಕಾಳಿ ರೂಪೊಡು ಕಪ್ಪು ಕಾಳಿಯಾಂಡಲ ತುತ್ತೈತೊಡು(ಅಲಂಕಾರ)ಬಾರಿ ಪೊರ್ಲಗಂಟ್ ದ ಪೊಣ್ಣು.ಕಾಳಿನ ಶಾಂತ ರೂಪ ಅವ್ವಾಂಡ ಅಲೆನ ಉಗ್ರೊನು ತೋಜಾವುನಿ ಅಲೆನ ಕಂಟೆಲ್ ಗ್ ಪಾಡ್ದಿಪ್ಪುನ ನೆತ್ತೆರರಿವುನ ನರಮಾನ್ಯನ ತರೆ ಮಂಡೆಲು.ಆತ್ ತರೆ ಮಂಡೆಲೆನ್ ನಾಲಿಡ್ ಪಾಡ್ದ್ ನಲ್ತಲ್ಡಲ ಅಲೆಗ್ ತೃಪ್ತಿ ಇಜ್ಜಿ.ಮಾರಿ ಮಮ್ಮಾಯಿನ್ ನಂಬುಂಡ ಸರಿ.ನಂಬುಜಿಂಡ 7 ಜೀವ ಪೋನೇಟಲ ಗೊತ್ತು ಮಲ್ಪಂದಿ ಸಗ್ತಿ ಆಲ್.7 ಜೀವ ಕರಿ ಬೊಕ್ಕ ಗೊತ್ತು ಮಲ್ಪುವಲ್.ಚಾಮುಂಡಿಲ ಅಂಚನೆ.7 ಜೀವ ಕರಿನೇಟ ಚಾಮುಂಡಿಲ ಗೊತ್ತು ಮಲ್ಪುಜಲ್.ನಂಕಾವಡ್,ರಾಶಿ ಪ್ರಶ್ನೆ ಚಿಂತನೆದಕ್ಲೆಗಾವಡ್ ಏರೆಗ್ಲ ಅಡೆಮುಟ್ಟ ತೆರಿಯುಜಿ.ಸರ್ರೊಗು ತಾಂಗೆರೆ ತೀರಂದ್ ನಾತ್ ಹಿಂಸೆ ಕೊರ್ಪುನ ಸಿರ್ಕ್ ಲೆಡ್ ನಮ್ಮ ಜೀವ ಕಡಿಪುವಲ್.ಕೋರ ಕೊಟ್ಲೆ,ತಡೆಯೆರೆ ತೀರಂದಿ ಬಂಜಿ ಬೇನೆ,ದಮು್ಮು ಸೀಕ್,ಚರ್ಮ ಸಿರ್ಕ್ ಲೆಡ್ ಗೊತ್ತು ಮಲ್ಪುವಲ್.ಊರ ಮಾರಿಗ್ ವರ್ಸಲ ನೆತ್ತೆರ ಬಲಿ ಕೊರ್ಪುನಕುಲು ಒಂಜಿ ವರ್ಸ ಪರಕೆ ಬಾಕಿ ದೀಯೆರ್ಡ ಕಾರಣದಾಂತೆ ಅಕ್ಲೆ ಮೇಲ್ಡ್ ಬೂರುನ ಚರ್ಮ ಸಿರ್ಕ್ ಬರ್ಪುಂಡು.ಮಾರಿ ಪೂಜೆದಂಚನೆ ಊರುಗು ಬತ್ತಿ ಮಾರಿ ದೇರೆರೆ ಪೊಂಗಾರೆ ದೈಟ್ ಮಾರಿನ ಬೊಂಬೆ ಮಲ್ತ್ ದ್ಮಾರಿಗುಡಿಕ್ ಕನತ್ ದ್ ಸಿರಿಸಿಂಗಾರ(ಅಲಂಕಾರ) ಮಲ್ತ್ ದ್ ಪೂಜೆ ಮಲ್ತ್ ದ್ ಆ ಬೊಂಬೆನ್ ನೀರ್ಗ್ ಬುಡ್ಪುನ(ವಿಸರ್ಜನೆ)ಕ್ರಮಲ ಕೆಲವು ಕೋಡಿಡುಂಡು.

         ಮಾರಿ ದೈವ ಗುಡಿ ಗುಂಡಾರೊನು ಕೇಂದ್ ಆರಾದನೆ ಪಡೆಯಿನ ಸಗ್ತಿ ಅತ್ತ್.ಗೋಳಿದ ಮರತಡಿಟ್ ಪಾಡ್ನ ಕಲ್ಲೇ ಮಾರಿನ ಜಿಡ್ಡೆಯಾದುಂಡು.ಮಾರಿ ಮಮ್ಮಾಯಿಗ್ " ಮಂತ್ರ ಸೂಕ್ತ" ಪನ್ಪುನ ಇಚಾರನೇ ಇಜ್ಜಿ.ಮಾರಿ ದರ್ಸನ 100-150ವರ್ಸದ ಬುಳೆಚಿಲಾತೆ.ನೇಮೊಲೆಡ್ ಚಾಕ್ರಿದ ಮೂಲ್ಯಣ್ಣೆ,ದೈವ ಮಾನಿ,ಕಟ್ಟುನಕುಲು,ಚಾಕಿರಿ ವರ್ಗ ಇತ್ತ್ ಲೆಕನೆ ಮಾರಿನ ಚಾಕಿರಿಗ್ ಒಂಜಿ ಜಾತಿ ಜನಾಂಗದ ಚಾಕಿರಿ ಮಾತ್ರ ಉಂಡು.ಉಂದು ಮೂಲೊಡು ಇತ್ತ್ ನ ಕಟ್ಟತ್ತ್.ಮೂಲೊಡು ಬೈರವಗ್ ಮನ್ಪುನ ಕಟ್ಟ್ ಎಂಚ ಇತ್ತ್ಂಡ ಅವ್ವೇ ರೀತಿಡ್ ಮಾರಿನ ಆರಾದನೆದ ಕಟ್ಟಿತ್ತ್ಂಡ್.ಮಮ್ಮಾಯಿನ  ಚಾಕಿರಿನ್ ಒಂಜಿ ಜಾತಿ ಜನಾಂಗ ಆಚರಣೆ ಮಲ್ತೆರ್ಡ ಮಾರಿನ ಚಾಕಿರಿನ್ ಬೇತೆ ಜಾತಿ ಜನಾಂಗ ಆಚರಣೆ ಮಲ್ತೊಂದುಲ್ಲೆರ್.ಮಮ್ಮಾಯಿನ ದರ್ಶನ ಪಾತ್ರಿಯಾವಡ್,ಮಾರಿನ ದರ್ಶನ ಪಾತ್ರಿಯಾವಡ್ ನೆತ್ತೆರ್ ಬಲಿ ಕೊರ್ನಗ ಬಲಿ ಕೊರ್ಪುನ ಜಾಗೆಗ್ ಬೆರಿ ಪಾಡ್ದೇ ಉಂತುನಿ. ಮಾರಿ ದೈವ ದರ್ಶನ ಪಾತ್ರಿ ಮಾರಿ ಬಲಸ್ ನೆತ ಪಡ್ಡೆಯಿಗ್ ಮೋನೆ ಪಾಡ್ದ್ ಮೂಡಾಯಿಗ್ ಬೆರಿ ಪಾಡ್ದ್ ಉಂತುದು ಕಲ್ಲ್ ಪಾಡ್ನಡೆ ಪಂಡ ಸಾನಿದ್ಯೊಗು ಮೋನೆ ಪಾಡ್ದ್  ಉಂತ್ ದುಪ್ಪುವೆರ್.ಗೋಂದೋಲು ನಲಿಕೆಡ್ ಕೈಟ್ ಕೋಲ್ತಿರಿ ಇತ್ತ್ಂಡ ಮಾರಿನ ಕೈಟ್ ಬೆತ್ತ,ತೂಟೆ ಇತ್ತ್ಂಡ್.ಇನಿ ಸೂಟೆದ ಬದಲ್ ಮಾರಿನ ಕೈಕ್ ಜೀಟಿಗೆ ಬೈದ್ಂಡ್.ಮಾರಿನ ಕೈಟ್ ಉಪ್ಪುನ ತೂಟೆನ್ ಮಾರಿ ತೂಟೆಂದೆ ಪನ್ಪುನಿ.ಮಾರಿ ಪೂಜೆಡ್ ಮಾರಿಗ್ ಕೋರಿನ್ ಚಾಕಿರಿದಕುಲು ಮೂಡಾಯಿಗ್ ಮೋನೆ ಪಾಡ್ದೆ ಕೊಯ್ಪೆರ್.ಮಾರಿ,ಮಮ್ಮಾಯಿನ ಆರಾದನೆನ್ ಬೇತೆ ಬೇತೆ ರಡ್ಡ್  ಜಾತಿಜನಾಂಗದಕುಲು ನಡಪಾಯೆರ್ಡಲ ಆರಾದನೆಡ್ ಒಂತೆ ಎತ್ತೇಸ ಇತ್ತ್ಂಡಲ ಮೂಲ ಆಶಯ ಊರುಕೇರಿಗ್ ಎಡ್ಡೆನ್ ಮಲ್ಪುನವೇ ಆದಿಪ್ಪುಂಡು.

                 ವೈದಿಕ ಆರಾದನೆ ಮಾರಿನ ಆರಾದನೆಗ್ ಬರ್ಪುನ ದುಂಬು ಮಮ್ಮಾಯಿನ ಆರಾದನೆಡ್ ಕುಡು ಬಲ್ಯಾರ್ ಆಡ್ದ್ ಬಲಸುನ ಕೆರಮ ಇತ್ತ್ಂಡ್.ಇನಿತ ದಿನಮಾನೊಲೆಡ್ ಆ ಕೆರಮದ ಆರಾದನೆ ತೂಯೆರೆ ತಿಕ್ಕೊಂದಿಜ್ಜಿ.ಅಂಚನೆ ಮಾರಿ ಬಲಸೊಂತಿ. ನುಪ್ಪುದ ರಾಸಿಪುಂಡಿದ ರಾಸಿ,ಪೊರಿ ಪೊದ್ದೊಲು ಪೂರ ಮಾರಿನ ಆರಾದನೆಡ್ದ್ ದೂರ ಪೋವೊಂದುಂಡು.ದುಂಬು ಮಮ್ಮಾಯಿಗ್ ಗುಂಡದುಲಯೇ ಬಲಸೊಂತ್ ನಿ.ಆನಿದ ಕಾಲೊಡು ಬಾಕಿಲಿಜ್ಜಂದಿ ಗುಂಡೊಲಿತ್ತ್ ದ್ ಇನಿಕಾನಗ ಮಮ್ಮಾಯಿಗ್ ಬಾಕಿಲಿತ್ತಿ ಗುಂಡೊಲು ಬೈದ.ನಿಜವಾದ್ ಮಾರಿ ದೈವೊಗು ಗುಂಡದ ಪ್ರಶ್ನೆನೇ ಇಜ್ಜಿ.ಮಾರಿ ಊರು ಸುತ್ತುನ,ಊರು ಕಾಪುನ ಪ್ರದಾನ ದೈವ ಆದಿತ್ತ್ ದ್ ಸಾರತ್ತೊಂಜಿ ಪರಿವಾರ ಸಗ್ತಿಲು ಮಾರಿಗಿತ್ತ್ ದ್ ನೆತ್ತೆರ್ ಬಲಿ ಪೂರ ಪರಿವಾರ ಸಗ್ತಿಲೆಗ್ ತಿಕ್ಕೊಂತ್ಂಡ್.ಬಾರ್ಯಾತ್ ಮಲ್ಲ ಜಾಗೆಡ್,ಮಲ್ಲ ಗೋಳಿದ ಮರತಡಿಟ್,ಮಾರಿನ ಕಲ್ಲ್ ದೆದುರು ಬಾರ್ಯಾತ್ ಕೊಡಿರೆನ್ ಬುಡ್ಪಾದ್ ಬಲಸುನ ರಾಸಿ ನುಪ್ಪು,ರಾಸಿ ಚಟ್ಟೆ ಪುಂಡಿ,ರಾಸಿ ಪೊರಿಪೊದ್ದೊಲು,ಕಲಿಗಂಗರ ಪೂರ ಒಂಜಿ ಮಾಮಲ್ಲ ಮಾರಿನ ಪರಿವಾರೊನು ಸಲ್ಮಂತ(ಸಂತೃಪ್ತಿ) ಮಲ್ಪೆರೆಗಾದ್ ಬಲಸುನ ಒಂಜಿ ಆಚರಣೆಯಾದುಂಡು.ಮೂಲು ಮಾರಿ ದೈವ ದಂಡ್ ದ ಮಾರಿ,ದಂಡ್ ದ ಸಗ್ತಿ,ಒರಿನ ಅಲೆನ ಪರಿವಾರ ಸಗ್ತಿಲು ಸೈನಿಕೆರಿತ್ತ್ ಲೆಕ.ಮಾರಿ ದೈವ ಉಂಡು ಪನ್ಪುನವು ಸತ್ಯ,ಅವೆಕ್ ಕೊರ್ಪುನ ನೆತ್ತೆರಾವಾರ ಕೊರಂದೆ ಬಾಕಿ ಮಲ್ತ್ಂಡ ವಾ ಒರು(ರೂಪ)ಟಾಂಡಲಾ ಅವು ನೆತ್ತೆರ್ ಬಲಿ ದೆತೊನಂದೆ ಕುಲ್ಲಂದ್.

  ತುಳುನಾಡ್ ಗ್ ಮಮ್ಮಾಯಿನ ಆರಾದನೆ ಬರ್ಪುನ ದಂಬೇ ಮಾರಿಗ್,ಬೈರವಗ್ ಪೂರ ಅಡ್ದ್ ಬಲಸುನ ಕೆರಮ ಇತ್ತ್ಂಡ್.ದಂಬು ತುಳುನಾಡ್ ಡ್ ಬೈರವಗ್ ಬಲಸುನ ಪ್ರದಾನ ಆದಿತ್ತ್ಂಡ್.ಬೈರವಗ್ ಮಾರಿಗ್ ಪೂರ ತುಳುನಾಡ್ ಡ್ ನೆತ್ತೆರಾವಾರ ದುಂಬುರ್ದೇ ಕೊರೊಂತ.ಮಮ್ನಾಯಿನ ಆರಾದನೆ ತುಳುನಾಡ್ ಗ್ ಬೊಕ್ಕ ಬೈದ್ ನವು.ಬೈರವನ ಮೂಲ ಆದಿನಾಥೆ ಶಿವೆ.ಮಮ್ಮಾಯಿನ ಮೂರ ರೂಪ ಪುರಾಣದೊರುಟು ಶಕ್ತಿ ಪಂಡ ಪಾರೊತಿ.ಮಾರಿ ಮಮ್ಮಾಯಿನ ಆರಾದನೆ ಶೈವಾರಾದನೆನೆ ಹೊರತು ವೈಷ್ಣವಾರಾದನೆಯತ್ತ್.ವೈಷ್ಣವ ಆರಾದನೆ ದೈವದ ಕಲೊಕು ಬತ್ತಿ ಬೊಕ್ಕ ದೈವೊಲು ಪೂರ ದೇವ ದೇವಿಯಾಯೆರ್,ದೈವದ ಪುದರ್ ನ್ಲ ಮೊಕ್ಲು ಬದಲ್ತ್  ಬುಡಿಯೆರ್.ಚೌಳಿ ನೀರ್ ದ ಲೋಟೆಗ್ ಬೆಚ್ಚ ನೀರ್ ಕನತ್ ಪಾಡ್ಲೆಕಾಂಡ್.ಉಂದೆಟ್ ಬೆಚ್ಚ ನೀರ್ದ ಸತ್ವ ಕಮ್ಮಿಯಾಪುನತ್ತಂದೆ ಬೆರಕೆ ಆಯಿನೆಟ್ ಪಲಲಾ ತಿಕ್ಕುಜಿ.ಬೆಚ್ಚ ನೀರ್ ಚೌಳಿ ಆಂಡ್.ಆಂಡ.ಮೂಲು ಚೌಳಿ ನೀರ್ದ ಪಲಲಾ ಇಜ್ಜಿ,ಬೆಚ್ಚ ನೀರ್ದ ಪಲಲಾ ಇಜ್ಜಿ.ಶೈವಾಂಶದ ದೈವಾರಾದನೆದ ಜಾಗೆಗ್ ವೈಷ್ಣವಾಂಶ ಸೇರೊಂದು ದೈವೊಲೆ ಕಾರ್ನಿಕ ದಂಗ್ ದ್ ಅಡೆಗ್ ದೇವೆರೆ ಆರಾದನೆ ಸೇರೊನ್ಲೆಕಾಂಡ್.ತುಳುನಾಡ ಕೆಲವೊಂಜಿ ದೈವದ ಜಾಗೆಲೆಡ್ ಮಮ್ಮಾಯಿನ ಆರಾದನೆ ಇತ್ತ್ಂಡಲ ಅವು ಮಾತಾ ಆ ಮಣ್ಣ್ ಡ್ ಲಕ್ಕ್ ದ್ ಬತ್ತಿ ಸಗ್ತಿಲಾಂಡಲ ಒಂಜೆಕೊಂಜೆಕ್ ಸಮ್ಮಂದ ಉಪ್ಪುಜಿ.ಆಂಡ ಆ ಣ್ಣ್ ಡ್ ಉದಿತಿ ದೈವೊಲ್ನ ಗಂಡ ಗಣೊಕ್ಲೆಗ್ಲ ಮಾರಿ ಮಮ್ಮಾಯಿನ ಗಂಡ ಗಣೊಕ್ಲೆಗ್ಲ ಸಮ್ಮಂದ ಉಪ್ಪುಂಡು.ದೈವದ ಬಲಿಮುಕ್ಕರಿಗೆದ ಮಿತ್ತ ಬಲಿಕ್ ಕೊರ್ಪುನ ನೆತ್ತೆರಾವಾರಲ ಗಂಡ ಗಣೊಕ್ಲೆಗೆ.ಮಾರಿ ಮಮ್ಮಾಯಿನ ನೆತ್ತೆರ ಬಲಿಲ ಗಂಡ ಗಣೊಕ್ಲೆಗೆ.ಅಂಚ ಗಂಡಗಣೊಕ್ಲೆನ ಸಮ್ಮಂದ ತೆರಿಯುಂಡು.ಕಲ್ಕುಡ ಕಲ್ಲುರ್ಟಿ ತಗೆ ತಂಗಡಿ,ನರಮಾನ್ಯನ ಬಂಜಿಡ್ ಜತ್ತ್ ಬತ್ತ್ ನಕುಲು.ಆಂಡ ಕಲ್ಲುರ್ಟಿ ಪಂಜುರ್ಲಿನ್ ತಗೆ ತಂಗಡಿಯಾದ್ ಆರಾದನೆ ಮಲ್ತ್ಂಡಲ ಕಲ್ಲುರ್ಟಿ ನರಮಾನಿ  ಅಪ್ಪೆ ಬಂಜಿಡ್ ಬೈದ್ ನಾಲ್.ಪಂಜುರ್ಲಿ ಪ್ರಾಣಿ ಮೂಲದ ಅಪ್ಪೆ ಬಂಜಿರ್ದ್ ಉದಿತ್ ಬತ್ತ್ ನ ಪಿರಾಕ್ ದ ದೈವೀ ಸಗ್ತಿ.ಆಂಡ ಕಲ್ಲುರ್ಟಿ ಇತ್ತ್ ನೆಕ್ ಚಾರಿತ್ರಿಕ ಕಾಲಘಟ್ಟದ ಉಲ್ಲೇಖ ಉಂಡು.ಅಂಚಾದ್ ಒಂಜೇ ಮಣ್ಣ್ ಡ್ ಮಾರಿ ಮಮ್ಮಾಯಿ ಉದಿತ್ ಬತ್ತ್ಂಡಲ ಅವೆಕ್ ಒಂಜೆಕೊಂಜೆಕ್ ಸಂಬಂದ ಉಪ್ಪುಜಿ.ಕಲ್ಲುರ್ಟಿ ಪಂಜುರ್ಲಿಗ್ ಮಾಯೆದ ಸಮ್ಮಂದ ಇತ್ತ್ಂಡ ದೈವೊಲೆನ ಬೊಕ್ಕ ಮಮ್ಮಾಯಿನ ಗಂಡ ಗಣೊಕ್ಲೆಗ್ ಮಾಯೆದ ದಮ್ಮಂದ ಉಪ್ಪುಂಡು.ಗುಳಿಗಗ್ ಮಾರಿ ದೇರುನ ಅಧಿಕಾರ ಉಂಡು.ಆಟಿಡ್ ಗುಳಿಗೆ ಬೈಲ ಮಾರಿನ್ ಗಿಡೆರುನ  ಆಚರಣೆ ತುಳುನಾಡ ಒಂಜಾತ್ ಜಾಗೆಲೆಡುಂಡು.ಗುಳಿಗಗ್ ಬೊಕ್ಕ ಮಾರಿ ಮಮ್ಮಾಯಿಗ್ ಅಪ್ಪೆ ಮಗನ ಸಮ್ಮಂದ ಉಂಡು.ಗುಳಿಗೆ ಶೈವಾಂಶ, ಶಿವ ಶಕ್ತಿನ ಮಗೆ.ತೂಟೆದಾವಾರ,ತೂಟೆ ಬೀಜಾದ್ ದಕ್ಕ್ ದ್ ಮಾರಿ ದೇರುನ ಅದಿಕಾರಲ ಗುಳಿಗಗುಂಡು.ದೇವೆರಾವಡ್,ದೇವಿಯಾವಡ್ ಓಲ್ಲಾ ಮಾರಿ ಗಿಡೆರುನ ಕೆರಮ ಇಜ್ಜಿ.ದೇವೆರ್ ಸಾನಿದ್ಯೊಡಿತ್ತೊಂದು ನಮಕ್ ಕಾಪಾದಿಪ್ಪುವೆರ್(ರಕ್ಷಣೆ).ಮಾರಿ ದೈವೊಗು ದಂಡ್ ದ ಅದಿಕಾರ ಇತ್ತ್ ಲೆಕನೆ ದಂಡಿಸವುನ/ಸಿಗ್ಸೆ ಕೊರ್ಪುನ ಅದಿಕಾರಲಾ ಉಂಡು.

                       ಬಡಕಾಯಿ ಕರ್ನಾಟಕೊರ್ದು ಬತ್ತ್ ನರೇಣುಕಾ,ಎಲ್ಲವ್ವ,ಎಲ್ಲಮ್ಮ ಸಗ್ತಿಲೆನ್ ಆರಾದನೆ ಮಲ್ತೊಂತಿ ಒಂಜಿ ಜಾತಿ ಜನಾಂಗ ತುಳುನಾಡ್ ಗ್ ಬತ್ತ್ ದ್ಅಕುಲು ನಂಬೊಂದು ಬತ್ತಿನ ಸಗ್ತಿನ್ ಮೂಲು ಮಾರಿ ಮಮ್ಮಾಯಿಯಾದ್ ಆರಾದನೆ ಮಲ್ತೊಂದು ಬತ್ತೆರ್.ನರಮಾನಿ ಒರು/ರೂಪೊಡಿತ್ತ್ ನ ರೇಣುಕೆರ್ದ್ ಈ ಮಮ್ಮಾಯಿನ ರೂಪ/ಒರು ಬತ್ತ್ಂಡ್ಂದ್ ಲ ಪನ್ಪೆರ್.ಇತ್ತಿತ್ತೆ ಮಾರಿ ಪಾತ್ರಿಲು ಯಾನ್ ದುರ್ಗೆ,ಕಾಳಿ,ಮಾಕಾಳಿ,ಭದ್ರಕಾಳಿಂದ್  ಪನೊಂದುಲ್ಲೆರ್.ಅವು ಸುದ್ದ ತಪ್ಪು.ದೇವಿಗ್ಲ ದೈವೊಗ್ಲ ವಾ ಸಮ್ಮಂದಲ ಇಜ್ಜಿ.ಮೂಲು ರೇಣುಕೆರ್ದ್ ಬೊಕ್ಕದ ಇಚಾರೊಲು ಉಪ್ಪುನಿ.ಕೊರಗತನಿಯನ ಕಥೆಟ್ ಮಾರಿಬೀರಿ ಸೀಕ್ ಡ್ ಇಡೀ ಕೊಪ್ಪನೇ ನಾಶ ಆದ್ ತನಿಯೆ ಒರಿಯೆ ಒರಿನ ಕಥೆ ಬರ್ಪುಂಡು.ಮಾರಿ ಏರೆನ್ಲ ಬುಡ್ನ ಪಿರಾಕಿಜ್ಜಿ.ಗಟ್ಟದ ಮಿತ್ತ್ ರ್ದ್ ಬತ್ತಿನಕ್ಲೆ ಒಟ್ಟುಗು ತುಳುನಾಡ್ ಗ್ ಬತ್ತ್ನ ಮಾರಿ ಮಮ್ಮಾಯಿನ ಆರಾದನೆ ನಮ್ಮ ತುಳುನಾಡ ಆರಾದನೆ ಪನ್ಪುನಡೆಮುಟ್ಟ ತುಳುವ ಬದ್ ಕ್ ಡ್ ಗೋಡಿದುಂಡು.ಗಟ್ಟದ ಮಿತ್ತ್ ಪೊಂಜನಕುಲು ನಾಗನ ಕಲ್ಲ್ ಗ್ ಪೇರ್ ಮೈತೆರ್ಡ ತುಳುನಾಡ್ ಡ್ ವೈದಿಕ ಪುರೋಯಿತೆರ್ ನಾಗನ ಕಲ್ಲ್ ಗ್ ಪೇರ್ ಮೈಪುವೆರ್.ಗಟ್ಟದ ಮಿತ್ತ್ ಪೊಂಜನಕುಲು ಮಮ್ಮಾಯಿನ ದರ್ಶನೊಗುಂತ್ಯೆರ್ಡ ತುಳುನಾಡ್ ಡ್  ಆಂಜನಕುಲು ದರ್ಶನೊಗುಂತುವೆರ್.ಗಟ್ಟದ ಮಿತ್ತ್ ದರ್ಶನೊಡು ಅಕ್ಲೆ ಅಕ್ಲೆನ ಮೇಲ್ ಗ್ ಬೆತ್ತೊಡು ಹಾಕೊಂದು ನೆತ್ತೆರ್ ಬರ್ಪಾಯೆರ್ಡ ತುಳುನಾಡ್ ಡ್ ಕೋರಿನ್ ಕೊಯ್ದ್. ಮಾರಿಗ್ ನೆತ್ತೆರ್ದ ಬಲಿ ಕೊರ್ಪೆರ್.ದ್ರಾವಿಡ ತುಳುವೆರೆ ಆಹಾರ ಸಂಸ್ಕೃತಿದ ಒಂಜಿ ಬಾಗವಾದ್ ಮಾರಿನ ಆರಾದನೆ/ಮಾರಿಪೂಜೆ ತುಳುನಾಡ್ ಡ್ ಉಂಡು.

ಮನುಸ್ಮೃತಿ-ವಾಟ್ಸ್ ಆಪ್ ಕೊಡುಗೆ

ಮನುಸ್ಮೃತಿ-ವಾಟ್ಸ್ ಆಪ್ ಕೊಡುಗೆ

  

ಮನುಸ್ಮೃತಿ  ಅಥವಾ "ಮನುವಿನ ನಿಯಮಗಳು"; ಮಾನವಧರ್ಮಶಾಸ್ತ್ರ ಎಂದೂ ಪರಿಚಿತವಾಗಿದೆ. ಹಿಂದೂ ಧರ್ಮದ ಧರ್ಮಶಾಸ್ತ್ರ ಪಠ್ಯ ಸಂಪ್ರದಾಯದ ಅತ್ಯಂತ ಪ್ರಮುಖ ಮತ್ತು ಅತ್ಯಂತ ಮುಂಚಿನ ಛಂದೋಬದ್ಧ ಕೃತಿ. ಪಠ್ಯವು ಮನ್ವಂತರ ಕಾಲದ್ದು. ಮನ್ವಂತರವೆಂದರೆ ಐದು ವರ್ಷಗಳಿಗೊಮ್ಮೆ ಬದಲಾಗುವ ಅಧಿಕೃತ ಕಾನೂನು ಸಚಿವಾಲಯವಾಗಿತ್ತು. ಐದು ವರ್ಷಗಳಿಗೊಮ್ಮೆ ಮನುವಿನ ಸ್ಥಾನ ಬದಲಾಗುತ್ತಿತ್ತು. ಮನುವು, ಅವರಿಗೆ "ಎಲ್ಲ ಸಾಮಾಜಿಕ ವರ್ಗಗಳ ನಿಯಮ" ಹೇಳೆಂದು ಬೇಡಿಕೊಳ್ಳುವ, ಋಷಿಗಳಿಗೆ ಕೊಟ್ಟ ಒಂದು ಪ್ರವಚನದ ರೂಪದಲ್ಲಿದೆ. ಮನುಸ್ಮೃತಿಯು ಅದನ್ನು ಅನುಸರಿಸಿದ ಎಲ್ಲ ಮುಂದಿನ  ಧರ್ಮಶಾಸ್ತ್ರಗಳಿಗೆ ಸ್ವೀಕಾರಾರ್ಹ ಮಾನದಂಡವಾಯಿತು.

◆ ಮನ್ವಂತರ ಸಿದ್ದಾಂತ

ಮನ್ವಂತರದ ಪರಿಕಲ್ಪನೆಗೂ, ದೇಶದ ರಾಜಕೀಯ ವ್ಯವಸ್ಥೆಗೂ ಸಂಬಂಧವಿದೆ. ಒಂದು ನಿರ್ಧಿಷ್ಟ ಅವಧಿಯವರೆವಿಗೂ ಒಂದು ನಿಯೋಗದ ಕೈಯಲ್ಲಿ ಪ್ರಭುತ್ವ ಇರುತ್ತದೆ. ಈ ನಿಯೋಗದ ಅಧಿಕಾರಿ ಮನು. ಇವರೊಂದಿಗೆ ಸಪ್ತರ್ಷಿಗಳು ,ಸ್ವರ್ಗಲೋಕದ ಅಧಿಪತಿ ಇಂದ್ರ ಇರುತ್ತಾನೆಂದು ನಂಬುತ್ತಾರೆ. ಈ ಅವಧಿಯ ಹೆಸರೇ ಮನ್ವಂತರ ಯುಗ. ಒಬ್ಬ ಮನುವಿನ ಅವಧಿ ಮುಗಿದ ಬಳಿಕ ಮತ್ತೊಬ್ಬ ಮನು ಅಧಿಕಾರಕ್ಕೆ ಬರುತ್ತಾನೆ. ಹೀಗೆ ಹದಿನಾಲ್ಕು ಮನ್ವಂತರಗಳಿಗೆ ಒಂದು ಕಾಲ ಚಕ್ರ ಮುಗಿಯುತ್ತದೆ. ಈಗಾಗಲೇ ಏಳು ಜನ ಮನುಗಳು ಸಂದು ಹೋಗಿದ್ದಾರೆ. ಅವರೆಂದರೆ

1 ಸ್ವಾಯಂಭುವ ಮನು 

2 ಧರ್ಮಸೂತ್ರದ ಕರ್ತೃ

3 ಸ್ವಾರೋಚಿತ ಮನು

4 ಔತ್ತಮಿ ಮನು

5 ರೈವತ ಮನು

6 ವೈವಸ್ವತ ಮನು

7 ಚಾಕ್ಷುಷ ಮನು

8 ಸುಮತಿ ಭಾರ್ಗವ ಇವನೇ 'ಮನುಸ್ಪೃತಿ'ಯ ಕರ್ತೃ.

◆ ಮನುಸ್ಪೃತಿಯ ಅಧ್ಯಾಯಗಳು

●ಅಧ್ಯಾಯ 1

ಕಲಿಸುವುದು, ಕಲಿಯುವುದು, ಯಜ್ಞ ಮಾಡುವುದು,.ಯಜ್ಞ ಮಾಡಿಸುವುದು, ದಾನ ನೀಡುವುದು, ದಾನ ಸ್ವೀಕರಿಸುವುದು ಇವು ಆರು ಬ್ರಾಹ್ಮಣನ ಕರ್ಮಗಳು (ಶ್ಲೋಕ 88) ಮಾಹಾಪ್ರಭುವಾದ ಬ್ರಹ್ಮನು, ಪ್ರಸ್ತುತ ಮೂರು ವರ್ಣಗಳ ಜನರ (ಬ್ರಾಹ್ಮಣ ಕ್ಷತ್ರಿಯ ವೈಶ್ಯ) ನಿಸ್ವಾರ್ಥ ಸೇವೆ ಮಾಡುವುದೇ ಶೂದ್ರನ ಕರ್ತವ್ಯವೆಂದು ಆದೇಶಿಸಿದ್ದಾನೆ. (91) ಹುಟ್ಟುವಾಗಲೇ ಬ್ರಾಹ್ಮಣನು ಭೂಮಿಯನ್ನು ಆಳುವ ಅಧಿಕಾರ ಪಡೆದುಕೊಂಡಿರುತ್ತಾನೆ. ಮತ್ತು ಧರ್ಮ, ಸಂಪತ್ತಿನ ರಕ್ಷಣೆಗಾಗಿ ಅವನು ಸಕಲ.ಜೀವಿಗಳ ಒಡೆಯನಾಗುತ್ತಾನೆ (೯೯) ಈ ಭೂಮಿಯಲ್ಲಿ ಇರುವುದೆಲ್ಲವೂ ಬ್ರಾಹ್ಮಣನಿಗೆ ಸೇರಿದ್ದಾಗಿದೆ. ಬ್ರಾಹ್ಮಣನು.ಶ್ರೇಷ್ಟವಾದ ಜನ್ಮವನ್ನು ಪಡೆದಿದ್ದರಿಂದ ಇವೆಲ್ಲವನ್ನು ಹೊಂದಲು ಅವನೇ ಅರ್ಹನಾಗುತ್ತಾನೆ (೧೦೦)

◆ ಅಧ್ಯಾಯ 2

ಬ್ರಾಹ್ಮಣನಿಗೆ ಶುಭ ಸೂಚಕವಾದ, ಕ್ಷತ್ರಿಯನಿಗೆ ಶಕ್ತಿ ಸೂಚಕವಾದ, ವೈಶ್ಯನಿಗೆ ಧನ ಸೂಚಕವಾದ ಹಾಗು ಶೂದ್ರನಿಗೆ ಅಸಹ್ಯ ಸೂಚಕವಾದ ಹೆಸರುಗಳನ್ನು ಇಡಬೇಕು. (೩೧)

◆ಅಧ್ಯಾಯ 3

ಎಂತಹ ಅನಿವಾರ್ಯ ಸಂದರ್ಭದಲ್ಲೂ ಬ್ರಾಹ್ಮಣ ಹಾಗೂ ಕ್ಷತ್ರಿಯ ಗಂಡುಗಳು ಶೂದ್ರ ಜಾತಿಯ ಸ್ತ್ರೀಯನ್ನು ಪ್ರಥಮ ಹೆಂಡತಿ ಎಂದು ಪರಿಗಣಿಸಬಾರದು (೧೪) ಬ್ರಾಹ್ಮಣರು ಶ್ರಾದ್ಧ ಭೋಜನ ಮಾಡುತ್ತಿರುವಾಗ ಅವರನ್ನು ಚಾಂಡಾಲ, ಹಂದಿ, ಕೋಳಿ, ನಾಯಿ ಮತ್ತು ಮುಟ್ಟಾದವಳು ಹಾಗೂ ನಪುಂಸಕರು ನೋಡಬಾರದು (೨೩೯) ಹಂದಿಯು ಮೂಸುವುದರಿಂದ, ಕೋಳಿಯ ರೆಕ್ಕೆಗಳ ಗಾಳಿ ತಟ್ಟುವುದರಿಂದ, ನಾಯಿಯು ನೋಡುವುದರಿಂದ ಹಾಗೂ ಶೂದ್ರನ ಸ್ಪರ್ಶದಿಂದ ಬ್ರಾಹ್ಮಣ ಭೋಜನವು ನಾಶವಾಗಿ ಹೋಗುತ್ತದೆ (೨೪೧)

ಅಧ್ಯಾಯ 4

ಶೂದ್ರರಾಜನ ರಾಜ್ಯದಲ್ಲಿ, ಅಧರ್ಮಿಗಳಿರುವ ಪ್ರದೇಶದಲ್ಲಿ, ವೇದ ವಿರೋಧಿಗಳಾದ ಪಾಷಂಡಿಗಳ ಪ್ರಾಂತದಲ್ಲಿ, ಅಂತ್ಯಜರ ಸನಿಹದಲ್ಲಿ ಬ್ರಾಹ್ಮಣರು ವಾಸ ಮಾಡಬಾರದು (೬೧) ಶೂದ್ರನಿಗೆ ಬುದ್ಧಿ ಹೇಳಬಾರದು, ಯಜ್ಞದ ಹವಿಸ್ಸಿನ ಶೇಷವನ್ನು ಹಾಗೂ ಎಂಜಲನ್ನು ಕೊಡಬಾರದು. ಧರ್ಮೋಪದೇಶ ಮಾಡಬಾರದು. ವ್ರತಾಚರಣೆಯನ್ನು ಹೇಳಿ ಕೊಡಬಾರದು (೮೦) ಶೂದ್ರನಿಗೆ ಧರ್ಮೋಪದೇಶ ಮಾಡುವವನು, ವ್ರತಾಚರಣೆಗಳನ್ನು ಹೇಳಿಕೊಡುವವನು, ಆ ಶೂದ್ರನ ಜೊತೆಗೆ ತಾನು ಕೂಡ ಅಸಂವೃತವೆಂಬ ನರಕಕ್ಕೆ ಹೋಗುವನು (೮೧) ಊರಲ್ಲಿ ಶವ ಇರುವಾಗ, ಶೂದ್ರನು ಹತ್ತಿರದಲ್ಲಿರುವಾಗ, ಆಕ್ರಂದನದ ಧ್ವನಿ ಕೇಳುತ್ತಿರುವಾಗ ಮತ್ತು ಜನರ ಗುಂಪು ನೆರೆದಿರುವಾಗ ವೇದವನ್ನೋದಬಾರದು (೧೦೮) ಬೇಕು ಬೇಕೆಂದೇ ಯಾರಾದರೂ ಕೋಪಗೊಂಡು ಒಬ್ಬ ಬ್ರಾಹ್ಮಣನಿಗೆ ಹೊಡೆದರು ಸಾಕು, ಅವರು ಇಪ್ಪತ್ತೊಂದು ಜಂಗಮಗಳು ಕಳೆಯುವ ತನಕ ಹೀನಯೋನಿಗಳಲ್ಲಿ ಹುಟ್ಟುತ್ತಾನೆ (೧೬೬) ಕಮ್ಮಾರ, ಬೇಡ, ರಂಗವೇಧಿಕೆಯನ್ನು ಅಳಂಕರಿಸುವವನು, ಬಂಗಾರದ ಕೆಲಸ ಮಾಡುವ ಪತ್ತಾರ್, ಬಿದಿರಿನ ಕೆಲಸ ಮಾಡುವವನು, ಶಸ್ತ್ರಾಸ್ತ್ರ ಮಾರುವವನು ಈ ಎಲ್ಲರ ಮನೆಯ ಅನ್ನವನ್ನು ಬ್ರಾಹ್ಮಣನು ಉಣ್ಣಬಾರದು (೨೧೫) ರಾಜಾನ್ನವು ತೇಜಸ್ಸನ್ನು, ಶೂದ್ರಾನ್ನವು ಬ್ರಹ್ಮವರ್ಚಸ್ಸನ್ನು, ಸ್ವರ್ಣಕಾರನ ಅನ್ನವು ಆಯಸ್ಸನ್ನು ಹಾಗೂ ಚರ್ಮಕಾರನ ಅನ್ನವು ಕೀರ್ತಿಯನ್ನು ನಾಶ ಮಾಡುತ್ತದೆ (೨೧೮)

ಅಧ್ಯಾಯ 5

ಪತಿಯ ನಡತೆಯು ಚೆನ್ನಾಗಿಲ್ಲದಿದ್ದರೂ, ಅವನು ಕಾಮಾತುರನಾಗಿ ಅನ್ಯಹೆಂಗಸರಲ್ಲಿ ಮನಸ್ಸಿಟ್ಟರೂ, ದುರ್ಗುಣಿಯಾಗಿದ್ದರೂ ಸಾಧ್ವಿಯಾದ ಹೆಂಡತಿಯು ಆ ತನ್ನ ಪತಿಯನ್ನು ದೇವರೆಂದು ಭಾವಿಸಿ ಅವನ ಸೇವೆ ಮಾಡಬೇಕು (೧೫೪)

ಅಧ್ಯಾಯ 6

ತನಗೆ ಸಾಯುವಂತಹ ಆಪತ್ತು ಬಂದರೂ ರಾಜನು ವೇದವಿದ್ವಾಂಸನಾದ ಬ್ರಾಹ್ಮಣನಿಂದ ತೆರಿಗೆಯನ್ನು ಪಡೆಯಬಾರದು. ಶ್ರೋತ್ರಿಯನಾದ ಬ್ರಾಹ್ಮಣನು ಎಂದಿಗೂ ಈ ಅರಸನಾಳುವ ರಾಜ್ಯದಲ್ಲಿ ಹಸಿವಿನಿಂದ ಬಳಲಬಾರದು (೧೩೩) ಯಾವ ಅರಸನ ರಾಜ್ಯದಲ್ಲಿ ಬ್ರಾಹ್ಮಣನು ಹಸಿವಿನಿಂದ ಬಳಲುತ್ತಾನೋ ಆ ರಾಜ್ಯವು ಕೂಡ ಬರಗಾಲದಿಂದ ಪೀಡಿತವಾಗಿ ಹಸಿವಿನಿಂದ ಹೇಳುತ್ತದೆ. ನಾಶವಾಗುತ್ತದೆ (೧೩೪)

ಅಧ್ಯಾಯ 7

ಯಾವ ರಾಷ್ಟ್ರವು ಹೆಚ್ಚಾಗಿ ಶೂದ್ರರಿಂದಲೇ ತುಂಬಿರುತ್ತದೋ,ನಾಸ್ತಿಕರಿಂದ ಆಕ್ರಮಿಸಲ್ಪಡುತ್ತದೋ, ಬ್ರಾಹ್ಮಣ ರಹಿತವಾಗಿರುತ್ತದೋ, ಆ ರಾಜ್ಯವು ದುರ್ಭಿಕ್ಷ ರೋಗಗಳಿಂದ ಜರ್ಜರಿತವಾಗಿ ಬೇಗನೆ ನಾಶವಾಗಿ ಬಿಡುತ್ತದೆ (೨೨) ಬ್ರಾಹ್ಮಣನನ್ನು ಬೈದರೆ ಕ್ಣತ್ರಿಯನಿಗೆ ನೂರು ಒಣಗಲು ದಂಡವನ್ನು ಬೋಧಿಸಬೇಕು. ವೈಶ್ಯನಿಗೆ ನೂರೈವತ್ತು ಅಥವಾ ಇನ್ನೂರು ಒಣಗಲು ದಂಡ ವಿಧಿಸಬೇಕು. ಹಾಗೂ ಬ್ರಾಹ್ಮಣನನ್ನು ಬೈದ ಶೂದ್ರನಿಗೆ ವಧೆ ಶಿಕ್ಷೆ ಬೋಧಿಸಬೇಕು (೨೬೭) ಬ್ರಾಹ್ಮಣ,ಕ್ಷತ್ರಿಯ, ವೈಶ್ಯ ಇವರ ಜಾತಿಯ ಹೆಸರುಗಳನ್ನೆತ್ತಿ ಹೀನಾಮಾನವಾಗಿ ಬೈದಂಥ ಆ ಶೂದ್ರನ ಬಾಯಲ್ಲಿ ಕಾದ ಕಬ್ಬಿಣದ ಹತ್ತಂಗುಲ ಉದ್ದದ ಸರಳನ್ನಿಡಬೇಕು (೨೭೧)

ಅಧ್ಯಾಯ 8

ಶಯ್ಯೆ, ಆಸನ, ಅಲಂಕಾರ ಇವುಗಳ ಮೋಹ, ಕಾಮ, ಕ್ರಿಶ, ಅಪ್ರಾಮಾಣಿಕತೆ, ಪತಿ ದ್ರೋಹ ಮತ್ತು ದುರ್ನಡತೆ ಇವೆಲ್ಲಾ ಸಾಮಾನ್ಯವಾಗಿ ಸ್ತ್ರೀಯರಲ್ಲಿರುವ ಸ್ವಾಭಾವಿಕ ಗುಣಗಳು (೧೭) ಮೃತ ಬ್ರಾಹ್ಮಣನ.ಆಸ್ತಿಯನ್ನು ರಾಜನು ವಶಪಡಿಸಬಾರದು. ಆದರೆ ಇತರ ವರ್ಣದವರು ಮೃತಪಟ್ಟರೆ ರಾಜನು ಅವರ ಆಸ್ತಿಯನ್ನು ಹೊಂದಲು ಅರ್ಹನಾಗುತ್ತಾನೆ (೧೮೯)

◆ ಮನುಸ್ಮೃತಿಯೊಳಗೆ ಇರುವ ವಿಷಯ

● ಲೋಕಗಳ ಉದ್ದಾರಕ್ಕಾಗಿ ಬ್ರಹ್ಮನು ತನ್ನ ಮುಖದಿಂದ ಬ್ರಾಹ್ಮಣನನ್ನೂ , ಭುಜದಿಂದ ಕ್ಷತ್ರಿಯನನ್ನೂ, ತೊಡೆಯಿಂದ ವೈಶ್ಯನನ್ನೂ, ಪಾದದಿಂದ ಶೂದ್ರ ನನ್ನೂ ಸೃಷ್ಟಿಸಿದನು ( ಅಧ್ಯಾಯ -1:31)

● ಮಹಾಪ್ರಭುವಾದ ಬ್ರಹ್ಮನು, ಪ್ರಸ್ತುತ ಮೂರು ವರ್ಣಗಳ( ಬ್ರಾಹ್ಮಣ, ಕ್ಷತ್ರಿಯ, ವೈಶ್ಯ) ನಿಸ್ವಾರ್ಥ ಸೇವೆ ಮಾಡುವುದೇ ಶೂದ್ರನ ಕರ್ತವ್ಯವೆಂದು ಆದೇಶಿಸಿದ್ದಾನೆ (ಅ- 1:91)

● ಹುಟ್ಟುವಾಗಲೇ ಬ್ರಾಹ್ಮಣನು ಭೂಮಿಯಲ್ಲಿ ಆಳುವ ಅಧಿಕಾರ ಪಡೆದುಕೊಂಡು ಹುಟ್ಟಿರುತ್ತಾನೆ ಮತ್ತು ಧರ್ಮ, ಸಂಪತ್ತಿನ ರಕ್ಷಣೆಗಾಗಿ ಅವನು ಸಕಲ ಜೀವಿಗಳ ಒಡೆಯನಾಗಿರುತ್ತಾನೆ (ಅ-1:99)

● ಈ ಭೂಮಿಯಲ್ಲಿ ಸೇರಿರುವುದೆಲ್ಲವೂ ಬ್ರಾಹ್ಮಣನಿಗೆ ಸೇರಿದ್ದಾಗಿವೆ. ಬ್ರಾಹ್ಮಣನು ಶ್ರೇಷ್ಡ ವಾದ ಜನ್ಮವನ್ನು ಪಡೆದದ್ದರಿಂದ ಇವೆಲ್ಲವನ್ನೂ ಹೊಂದಲು ಅವನೇ ಅರ್ಹನಾಗಿರುತ್ತಾನೆ (ಅ-1:100)

● ಬ್ರಾಹ್ಮಣನಿಗೆ ಶುಭ ಸೂಚಕವಾದ, ಕ್ಷತ್ರಿಯನಿಗೆ ಶಕ್ತಿ ಸೂಚಕವಾದ, ವೈಶ್ಯನಿಗೆ ಧನ ಸೂಚಕವಾದ ಹಾಗೂ ಶೂದ್ರನಿಗೆ ಅಸಹ್ಯ ಸೂಚಕವಾದ ಹೆಸರುಗಳನ್ನು ಇಡಬೇಕು. (ಅ-2:31)

● ಬ್ರಾಹ್ಮಣರಿಗೆ ಇಷ್ಟವಾಗುವ ಎಲ್ಲ ರುಚಿಕರ ಪದಾರ್ಥಗಳನ್ನು ಅವರಿಗೆ ನೀಡಬೇಕು. ಅವರ ಜೊತೆ ಪರಬ್ರಹ್ಮ ವಿಚಾರವನ್ನು ಚರ್ಚಿಸಬೇಕು. ಇದರಿಂದ ಪಿತೃಗಳಿಗೆ ಪ್ರೀತಿಯುಂಟಾಗುತ್ತದೆ (ಅ-3:231)

● ಬ್ರಾಹ್ಮಣರಿಗೆ ಇಷ್ಟವಾಗುವ ಎಲ್ಲ ರುಚಿಕರ ಪದಾರ್ಥಗಳನ್ನು ಅವರಿಗೆ ನೀಡಬೇಕು. ಅವರ ಜೊತೆ ಪರಬ್ರಹ್ಮ ವಿಚಾರವನ್ನು ಚರ್ಚಿಸಬೇಕು. ಇದರಿಂದ ಪಿತೃಗಳಿಗೆ ಪ್ರೀತಿಯುಂಟಾಗುತ್ತದೆ (ಅ-3:231)

● ಹಂದಿಯು ಮೂಸುವುದರಿಂದ, ಕೋಳಿಯ ರೆಕ್ಕೆಯ ಗಾಳಿ ತಾಕುವುದರಿಂದ, ನಾಯಿ ನೋಡುವುದರಿಂದ ಹಾಗೂ ಶೂದ್ರನ ಸ್ಪರ್ಶದಿಂದ ಬ್ರಾಹ್ಮಣ ಭೋಜನವು ನಾಶವಾಗಿ ಹೋಗುತ್ತದೆ ( ಅ- 3:241)

● ಶೂದ್ರರಾಜನ ರಾಜ್ಯದಲ್ಲಿ, ಅಧರ್ಮಿಗಳಿರುವ ಪ್ರದೇಶದಲ್ಲಿ ವೇದವಿರೋಧಿಗಳಾದ ಪಾಷಂಡಿಗಳ ಪ್ರಾಂತದಲ್ಲಿ, ಅಂತ್ಯಜರ ಸನಿಹದಲ್ಲಿ ಬ್ರಾಹ್ಮಣರು ವಾಸ ಮಾಡಬಾರದು ( ಅ-4:61)

● ಶೂದ್ರನಿಗೆ ವಿದ್ಯೆ ಕಲಿಸಬಾರದು. ಯಜ್ಞದ ಹವಿಸ್ಸಿನ ಶೇಷವನ್ನು ಕೊಡಬಾರದು. ಧರ್ಮೋಪದೇಶ ಮಾಡಬಾರದು. ವ್ರತಾಚರಣೆ ಹೇಳಿಕೊಡಬಾರದು. (ಅ- 4:80)

● ಬ್ರಾಹ್ಮಣರನ್ನು ವಧಿಸಲು ದ್ವಿಜಾತಿಯವರು ದಂಡಗಳನ್ನೆತ್ತಿದರೆ, ಬರಿ ಎತ್ತಿದ ಮಾತ್ರಕ್ಕೆ ನೂರು ವರ್ಷಗಳ ತನಕ ತಾಮಿಸ್ರವೆಂಬ ನರಕದಲ್ಲಿ ಬೀಳುತ್ತಾರೆ (ಅ- 4:165)

● ಬೇಕು ಬೇಕೆಂದೇ ಯಾರಾದರೂ ಕೋಪಕೊಂಡು ಬ್ರಾಹ್ಮಣನಿಗೆ ಹೊಡೆದರೂ ಸಾಕು ಅವರು ಇಪ್ಪತ್ತೊಂದು ಜನ್ಮ ಕಳೆಯುವ ತನಕ ಹೀನಯೋನಿಗಳಲ್ಲಿ ಹುಟ್ಟುತ್ತಾನೆ. (ಅ-4:166)

● ಪುರಾಣ ಕಾಲದಲ್ಲಿ ಮಾಡಿದ ಯಜ್ಞಗಳಲ್ಲಿ ಬ್ರಾಹ್ಮಣ ಹಾಗೂ ಕ್ಷತ್ರಿಯರು ಮಾಡಿದಂತಹ ಯಾಗಗಳಲ್ಲಿ, ಶಾಸ್ತ್ರಗಳಲ್ಲಿ ತಿನ್ನಬಹುದೆಂದು ಹೇಳಿದ ಮೃಗಪಕ್ಷಿಗಳನ್ನು ಬಲಿನೀಡಿ ಅವುಗಳ ಮಾಂಸದಿಂದ ಪುರೋಡಾಶನವನ್ನು (ಹವಿಸ್ಸನ್ನು) ಮಾಡಿದ್ದರು (ಅ-5 :23)

● ಬ್ರಾಹ್ಮಣರಿಗೆ ಅಪೇಕ್ಷೆಯುಂಟಾದಾಗ ಯಜ್ಞವಿಧಿಗಳಲ್ಲಿ ಮಂತ್ರಜಲದಿಂದ ಪ್ರೋಕ್ಷಿತವಾದ ಮಾಂಸವನ್ನು ಹಾಗೂ ಶಾಸ್ತ್ರವಿಧಿಗಳಲ್ಲಿ ಹೇಳಲಾದ ರೀತಿಯಿಂದ ಶ್ರಾದ್ಧದೂಟದಲ್ಲಿನ ಮಾಂಸವನ್ನು ತಿನ್ನಬಹುದು. ಹಾಗೆಯೇ ಆಹಾರ ಸಿಗದೆ ಪ್ರಾಣ ಸಂಕಟ ಉಂಟಾದಾಗ ಅನಿವಾರ್ಯವಾಗಿ ಮಾಂಸವನ್ನು ತಿನ್ನಬಹುದು (ಅ-5:27)

● ಈ ಜಗತ್ತಿನಲ್ಲಿರುವ ಸಮಸ್ತ ಸ್ಥಾವರ ಜಂಗಮ ಜೀವ ಜಂತುಗಳನ್ನು, ಚರಾಚರ ವಸ್ತುಗಳನ್ನು ತಿನ್ನಲಿಕ್ಕೆಂದೇ ಪರಮಾತ್ಮನು ಸೃಷ್ಟಿಸಿದ್ದಾನೆ (ಅ- 5:28)

● ಹೀಗೆ ಯಜ್ಞ, ಶ್ರಾದ್ಧ ಹಾಗೂ ಮಧುಪರ್ಕ ಇತ್ಯಾದಿ ಕಾರ್ಯಗಳಿಗಾಗಿ ಮಾತ್ರ ವೇದಜ್ಞನಾದ ಬ್ರಾಹ್ಮಣನು ಪಶುವನ್ನು ಕೊಂದರೆ ಅವನು ತನ್ನ ಜತೆಗೆ ಆ ಪಶುವಿಗೂ ಉತ್ತಮ ಗತಿಯನ್ನು ಉಂಟು ಮಾಡುತ್ತಾನೆ (ಅ- 5:42)

● ಪತಿಯ ನಡತೆಯು ಚೆನ್ನಾಗಿಲ್ಲವಾದರೂ, ಅವನು ಕಾಮಾತುರನಾಗಿ ಅನ್ಯ ಹೆಂಗಸಲ್ಲಿ ಮನಸ್ಸಿಟ್ಟರೂ, ದುರ್ಗುಣಿಯಾಗಿದ್ದರೂ ಸಾಧ್ವಿಯಾದ ಆ ಹೆಂಗಸು ಆ ತನ್ನ ಪತಿಯನ್ನು ದೇವರೆಂದೇ ಭಾವಿಸಿ ಅವನ ಸೇವೆ ಮಾಡಬೇಕು ( ಅ- 5:154)

● ವಿದ್ಯೆ ಕಲಿತು ಗುರುಕುಲದಿಂದ ಹೊರಬರುವ ಬ್ರಾಹ್ಮಣ ವಿದ್ವಾಂಸರನ್ನು ರಾಜನು ಸತ್ಕರಿಸಬೇಕು. ವಿದ್ಯಾವಂತ ಬ್ರಾಹ್ಮಣರಿಗೆ ನೀಡುವ ನಿಧಿಯು ಅಕ್ಷಯವಾದ ಫಲವನ್ನು ಉಂಟು ಮಾಡುತ್ತದೆ ( ಅ-7:82)

● ಯಾವ ರಾಜನ ನ್ಯಾಯಸಭೆಯಲ್ಲಿ ಶೂದ್ರನು ಧರ್ಮವಿಚಾರ ವಿಮರ್ಶೆ ಮಾಡುತ್ತಾನೋ, ಆ ರಾಜನ ದೇಶವು ಕೆಸರಿನಲ್ಲಿ ಬಿದ್ದ ಹಸುವಿನಂತಾಗಿ ಬಿಡುತ್ತದೆ. ಅಂತಹ ರಾಜನು ನೋಡು ನೋಡುತ್ತಿದ್ದಂತೆಯೇ ಕಷ್ಟ ಪಡುತ್ತಾನೆ (ಅ-8:21)

● ಯಾವ ರಾಜ್ಯವು ಹೆಚ್ಚಾಗಿ ಶೂದ್ರರಿಂದ ತುಂಬಿರುತ್ತದೋ, ನಾಸ್ತಿಕರಿಂದ ಆಕ್ರಮಿಸಲ್ಪಡು ತ್ತದೋ, ಬ್ರಾಹ್ಮಣರಹಿತವಾಗಿರುತ್ತದೋ ಆ ರಾಜ್ಯವು ದುರ್ಭಿಕ್ಷ ರೋಗಗಳಿಂದ ಜರ್ಜರಿತ ವಾಗಿ ಬೇಗನೆ ನಾಶವಾಗಿ ಬಿಡುತ್ತದೆ (ಅ-8:22)

● ಪರಸ್ಪರ ವಿರುದ್ಧ ಸಾಕ್ಷಿಗಳು ಹೇಳಲ್ಪಟ್ಟಾಗ ರಾಜನು ಬಹುಮತದ ಅಭಿಪ್ರಾಯ ಮನ್ನಿಸ ಬೇಕು. ಸಮಾನ ಇಬ್ಬರಲ್ಲಿ ಪರಸ್ಪರ ವಿರುದ್ಧ ಸಾಕ್ಷಿ ನುಡಿದರೆ ಗುಣವಂತನ ಸಾಕ್ಷಿ ಮನ್ನಿಸಬೇಕು. ಗುಣವಂತರಲ್ಲಿ ವಿರೋಧ ಸಾಕ್ಷಿ ಉಂಟಾದಾಗ ರಾಜನು ಬ್ರಾಹ್ಮಣ ಶ್ರೇಷ್ಟನ ಸಾಕ್ಷಿ ನಂಬಬೇಕು (ಅ-8:73)

● ಬ್ರಾಹ್ಮಣನನ್ನು ಬೈದರೆ ಕ್ಷತ್ರಿಯನಿಗೆ ನೂರು ಪಣಗಳ ದಂಡ, ವೈಶ್ಯನಿಗೆ ನೂರೈವತ್ತು ಅಥವಾ ಇನ್ನೂರು ಪಣಗಳ ದಂಡ. ಬ್ರಾಹ್ಮಣನನ್ನು ಬೈದ ಶೂದ್ರನಿಗೆ ವಧೆ ಶಿಕ್ಷೆ (ಮರಣ ದಂಡನೆ) ವಿಧಿಸಬೇಕು. (ಅ- 8:627)

● ಉಪನಯನ ಸಂಸ್ಕಾರ ಹೊಂದಲು ಅರ್ಹತೆಯಿಲ್ಲದ ಶೂದ್ರನು ದ್ವಿಜಾತಿಯವರಾದ ಬ್ರಾಹ್ಮಣ ಕ್ಷತ್ರಿಯ ವೈಶ್ಯರನ್ನು ಹೀನವಾದ ಕೆಟ್ಟ ಮಾತುಗಳಿಂದ ಬೈದರೆ ಕೆಳ ಜಾತಿಯಲ್ಲಿ ಹುಟ್ಟಿದ ಆ ಶೂದ್ರನ ನಾಲಿಗೆಯನ್ನು ಛೇಧಿಸತಕ್ಕದ್ದು. ಏಕೆಂದರೆ ಅವನು ಕೆಳಜಾತಿಯವನು ( ಅ-8:270)

● ಬ್ರಾಹ್ಮಣ, ಕ್ಷತ್ರಿಯ ವೈಶ್ಯ ಇವರ ಜಾತಿಯ ಹೆಸರುಗಳನ್ನೆತ್ತಿ ಹೀನಾಮಾನವಾಗಿ ಬೈದಂತ ಆ ಶೂದ್ರನ ಬಾಯಲ್ಲಿ ಕಾದ ಕಬ್ಬಿಣದ ಹತ್ತಂಗುಲ ಉದ್ದದ ಸರಳನ್ನಿಡಬೇಕು (ಅ- 8:271)

● ಬ್ರಾಹಣರಿಗೆ ಅಹಂಕಾರದಂದ ಧರ್ಮವನ್ನು ಬೋಧಿಸುವ ಶೂದ್ರನಿಗೆ ರಾಜನು ಬಾಯಲ್ಲಿ ಹಾಗೂ ಕಿವಿಯಲ್ಲಿ ಕಾದ ಎಣ್ಣೆಯನ್ನು ಹಾಕಿಸಬೇಕು (ಅ-8:272)

● ಬ್ರಾಹ್ಮಣ ಮೊದಲಾದ ಶ್ರೇಷ್ಟ ಜಾತಿಯವರನ್ನು ತನ್ನ ಕೈಕಾಲು ಮುಂತಾದ ಯಾವುದಾದರೂ ಅಂಗದಿಂದ ಅಂತ್ಯಜನು ( ಶೂದ್ರನು) ಹೊಡೆದರೆ ಅವನ ಆ ಅಂಗವನ್ನು ( ಕೈ ಕಾಲು ಇತ್ಯಾದಿಯನ್ನು ) ಕತ್ತರಿಸಬೇಕು. ಇದು ಮನುವು ಹೇಳಿದ ಶಾಸನವು (ಅ-8:279)

● ಬ್ರಾಹ್ಮಣನ ಜತೆಗೆ ಒಂದೇ ಆಸನದಲ್ಲಿ ಕುಳಿತ ಅಂತ್ಯಜನಿಗೆ ಅಥವಾ ಶೂದ್ರನಿಗೆ ಸೊಂಟದಲ್ಲಿ ಬರೆ ಎಳೆದು ಊರಿನಿಂದ ಹೊರಗೆ ಹಾಕಬೇಕು ಅಥವಾ ಅವನ ಕುಂಡೆಯನ್ನು ಕತ್ತರಿಸಬೇಕು ( ಆಗ ಅವನು ಸಾಯಬಾರದು) (ಅ- 8:281)

● ಶೂದ್ರನು ಬೇಕೆಂತಲೇ ಸೊಕ್ಕಿನಿಂದ ಬ್ರಾಹ್ಮಣನ ಮೇಲೆ ಉಗುಳಿದರೆ ಅವನ ತುಟಿ ಕತ್ತರಿಸಬೇಕು. ಮೂತ್ರ ಚೆಲ್ಲಿ ಅವಮಾನಿಸಿದರೆ ಅವನ ಶಿಶ್ನ ಕತ್ತರಿಸಬೇಕು. ಬೇಕೆಂತಲೇ ಹೂಸು ಬಿಟ್ಟು ಅವಮಾನಿಸಿದರೆ ಅವನ ಗುದವನ್ನು ಕತ್ತರಿಸಬೇಕು (ಅ-8:282)

● ತನಗಿಂತ ಮೇಲು ಜಾತಿಯವನೊಡನೆ ಸಂಭೋಗ ಬಯಸಿ ಕೂಡಿಕೊಂಡ ಕನ್ಯೆಗೆ ದಂಡ ಹಾಕಬಾರದು. ತನಗಿಂತ ಕೀಳು ಜಾತಿಯವನೊಡನೆ ಸಂಭೋಗ ಬಯಸಿದ ಕನ್ಯೆಯನ್ನು ಮನೆಯಲ್ಲಿಯೇ ಗೃಹಬಂಧನದಲ್ಲಿರಿಸಬೇಕು (ಅ-8:365)

● ಓರ್ವ ವೈಶ್ಯನು ಓರ್ವ ಬ್ರಾಹ್ಮಣ ಸ್ತ್ರೀಯನ್ನು ಭೋಗಿಸಿದರೆ ಅವರ ಸರ್ವಸ್ವವನ್ನೂ ಕಸಿದು ಕೊಂಡು ಅವನಿಗೆ ಒಂದು ವರ್ಷ ಸೆರೆಮನೆವಾಸ ವಿಧಿಸಬೇಕು. ಕ್ಷತ್ರಿಯನು ಬ್ರಾಹ್ಮಣ ಸ್ತ್ರೀಯನ್ನು ಕೆಡಿಸಿದರೆ ಅವನ ತಲೆಗೆ ಮೂತ್ರ ಹಚ್ಚಿ ಬೋಳಿಸಬೇಕು (ಅ-8:375)

● ಪತಿ ಮೊದಲಾದವರಿಂದ ರಕ್ಷಿತಳಾಗಿರುವ ಬ್ರಾಹ್ಮಣ ಸ್ತ್ರೀಯನ್ನು ಕ್ಷತ್ರಿಯ ವೈಶ್ಯರು ಭೋಗಿಸಿದರೆ ಅವರಿಗೂ ಶೂದ್ರರಿಗೆ ವಿಧಿಸಿದಂತೆ ಸರ್ವಸ್ವಾಪರಹಾರದ ದಂಡ ಹಾಕಿ ಹುಲ್ಲಿನ ಬಣವೆಯಲ್ಲಿಟ್ಟು ಬೆಂಕಿಹಚ್ಚಿ ಅವರನ್ನು ಸುಡಬೇಕು (ಅ-8:377)

● ಇಂತಹ ಅಪರಾಧ ಮಾಡಿದ ಬ್ರಾಹ್ಮಣನಿಗೆ ತಲೆ ಬೋಳಿಸಿ ಅವಮಾನಿಸಿದರೆ ಸಾಕು. ಅದು ಅವನ ಮಟ್ಟಿಗೆ ಮರಣದಂಡನೆಗೆ ಸಮನಾದ ಶಿಕ್ಷೆಯಾಗಿರುವುದು. ಉಳಿದವರಿಗೆ ಮಾತ್ರ ಮರಣದಂಡನೆಯನ್ನೇ ವಿಧಿಸಬೇಕು (ಅ-8:379)

● ಒಬ್ಬ ಬ್ರಾಹ್ಮಣನು ಎಲ್ಲ ವಿಧದ ಅಪರಾಧ, ಪಾಪ ಮಾಡಿದರೂ ಅವನನ್ನು ಕೊಲ್ಲಬಾರದು. ಅವನ ಸರ್ವಸ್ವ ಅಪಹರಿಸಿ ಅವನನ್ನು ದೇಶದಿಂದ ಹೊರಕ್ಕೆ ಹಾಕಬೇಕು (ಅ-8:380)

● ಶಯ್ಯೆ, ಆಸನ, ಅಲಂಕಾರ, ಇವುಗಳ ಮೋಹ, ಕಾಮ, ಕ್ರೋಧ, ಅಪ್ರಾಮಾಣಿಕತೆ, ಪತಿದ್ರೋಹ ಮತ್ತು ದುರ್ನಡತೆ ಇವೆಲ್ಲಾ ಸಾಮಾನ್ಯವಾಗಿ ಸ್ತ್ರೀಯಲ್ಲಿರುವ ಸ್ವಾಭಾವಿಕ ಗುಣಗಳು (ಅ-9:17)

● ಸ್ತ್ರೀಯರಿಗೆ ಮಂತ್ರಪೂರ್ವಕವಾದ ಧರ್ಮ ಸಂಸ್ಕಾರಗಳಿಲ್ಲ ಎಂದು ಶಾಸ್ತ್ರ ಹೇಳುತ್ತದೆ. ಇಂದ್ರಿಯಗಳನ್ನು ನಿಗ್ರಹಿಸಲು ಮಂತ್ರಸಾಧನಗಳು ಸ್ತ್ರೀಯರಿಗೆ ಹೇಳಲ್ಪಟ್ಟಿಲ್ಲವಾದ್ದರಿಂದ ಅವರು ಸದಾ ಅಶುದ್ಧರಾಗಿಯೇ ಇರುತ್ತಾರೆ ಎಂಬುದು ಧರ್ಮದ ವಿಚಾರವಾಗಿದೆ. (ಅ: 9:19)

● ಮೂವತ್ತು ವಯಸಿನ ಪುರುಷ ಹನ್ನೆರಡು ವಯಸ್ಸಿನ ಸುಂದರ ಕನ್ಯೆಯನ್ನು ಮದುವೆಯಾಗ ಬೇಕು. ಇಲ್ಲವೇ ಇಪ್ಪತ್ತನಾಲ್ಕು ವರ್ಷದವನು ಎಂಟು ವರ್ಷದ ಕನ್ಯೆಯನ್ನು ಮದುವೆ ಮಾಡಿ ಕೊಳ್ಳಬೇಕು. ಅದಕ್ಕಿಂತ ಮೊದಲೇ ವಿವಾಹವಾದವನು ತೊಂದರೆ ಅನುಭವಿಸುತ್ತಾನೆ (ಅ: 9:94)

● ರಾಜನು ತನ್ನ ಮೇಲೆ ಎಷ್ಟೇ ಸಂಕಷ್ಟಗಳ ಬಂದೆರಗಿದರೂ ಬ್ರಾಹ್ಮಣರ ಮೇಲೆ ಕೋಪ ಗೊಳ್ಳಬಾರದು. ಏಕೆಂದರೆ ಬ್ರಾಹ್ಮಣನ ಶಾಪದಿಂದ ರಾಜನ ಸರ್ವಸ್ವವೂ ನಷ್ಟವಾಗಿ ಬಿಡುವುದು ( ಅ-9:313)

● ಬ್ರಾಹ್ಮಣರು ಕೋಪಗೊಂಡರೆ ಹೊಸ ಲೋಕಗಳನ್ನೇ ಸೃಷ್ಟಿಸಬಲ್ಲರು. ಹೊಸ ಲೋಕಪಾಲ ರನ್ನು ನೇಮಿಸಬಲ್ಲರು.ದೇವತೆಗಳ ದೈವತ್ವವನ್ನೇ ಅಳಿಸಿಬಿಡಬಲ್ಲರು. ಅಂಥ ಬ್ರಾಹ್ಮಣ ರನ್ನು ರೇಗಿಸಿ ಯಾವ ರಾಜ ತಾನೇ ಸಮೃದ್ಧಿ ಹೊಂದಬಲ್ಲನು? (ಅ-9:315)

● ಬ್ರಾಹ್ಮಣನ ಸೇವೆಯೇ ಶೂದ್ರನ ವಿಶಿಷ್ಟ ಕರ್ತವ್ಯವಾಗಿದೆ. ಅವನು ಬೇರೆ ಕೆಲಸ ಮಾಡಿದರೆ ಅವನಿಗೆ ಯಾವ ಫಲವೂ ಸಿಗುವುದಿಲ್ಲ (ಅ-10:123)

● ಹಣ ಸಂಪಾದನೆ ಮಾಡುವ ಸಾಮರ್ಥ್ಯವು ಇದ್ದರೂ ಶೂದ್ರನು ಹಣ ಸಂಪಾದಿಸಬಾರದು. ಹಣ ಸಂಪಾದನೆ ಮಾಡಿದರೆ ಶೂದ್ರನು ಬ್ರಾಹ್ಮಣರನ್ನು ಕಡೆಗಣಿಸುತ್ತಾನೆ (ಅ-10:129)

◆ ವಿವಾದಿತ ಕೃತಿಯಾಗಿ ಮನುಸ್ಮೃತಿ

ಸುಮತಿ ಭಾರ್ಗವ ರಚಿಸಿರುವ 'ಮನುಸ್ಪೃತಿ'ಯು ಸಮಾಜದಲ್ಲಿನ ಅಸಮಾನತೆಗೆ, ಅಸ್ಪೃಶ್ಯತೆಯಂತಹ ಮೌಢ್ಯದ ಆಚರಣೆಗೆ ಇದು ಕಾರಣವಾಗಿದೆ ಎಂಬುದನ್ನು ಗ್ರಹಿಸಿದ ತಮಿಳುನಾಡಿನ ಪೆರಿಯಾರ್ ರಾಮಸ್ವಾಮಿ ಮತ್ತು ಡಾ.ಬಿ.ಆರ್.ಅಂಬೇಡ್ಕರ್ ಅವರಂತಹ ಮಹನೀಯರು ಬಹಿರಂಗವಾಗಿ 'ಮನುಸ್ಪೃತಿ'ಯನ್ನು ಸುಡುವುದರ ಮೂಲಕ, ಆ ಕೃತಿಯನ್ನು, ಅದರೊಳಗಿನ ವರ್ಣಭೇಧ ನೀತಿ ಹಾಗೂ ಸಮಾಜದ ತಾರತಮ್ಯಗಳನ್ನು ಧಿಕ್ಕರಿಸುತ್ತಾರೆ. ಬಹುಶಃ ಸುಮತಿ ಭಾರ್ಗವನ 'ಮನುಸ್ಪೃತಿ'ಯಷ್ಟು ವಿವಾದಕ್ಕೆ ಒಳಗಾದ ಕೃತಿ ಮತ್ತೊಂದಿಲ್ಲ. ಬಾಬಾಸಾಹೇಬ್ ಅಂಬೇಡ್ಕರರ ನೇತೃತ್ವದಲ್ಲಿ 24-12-1927 ರಂದು ಸಾರ್ವಜನಿಕವಾಗಿ ಮನುಸ್ಮೃತಿಯನ್ನು ಸುಡಲಾಗಿತ್ತು. ಮನುಸ್ಮೃತಿ ಈ ದೇಶದ ಶೂದ್ರರಿಗೆ, ಮಹಿಳೆಯರಿಗೆ ಮತ್ತು ದಲಿತರಿಗೆ ಮಾಡಿರುವ ಮಹಾಮೋಸವನ್ನು ಬಯಲಿಗೆಳೆದು ಸುಡಲಾಗಿತ್ತು.

ಕೃಪೆ-ವಾಟ್ಸಾಪ್

ಅನಂತೇಶ್ವರ ದೇವಸಾನ ಮಂಜೇಸರ