ತುಳುವಪ್ಪೆನ ತುಳು ಧರ್ಮ ಸಂಸ್ಕೃತಿ -tuluvappena tulu dharma samskrithi

         ತುಳುವಪ್ಪೆನ ತುಳು ಧರ್ಮ ಸಂಸ್ಕೃತಿ

  
  

anna bajel mini korode,ale mini onte korode,badavapunde ,lakle kaidekle,radd undonle.....inchittna patera thulunad da vaa mooleg pondala nank kenre tikku .aath vishala manass namma thuluverna.anchad devere dayet thuluvereg jagathda ode pondala malla maanadige tikkundu.thulunad danchi malla permedasamskrithi jagathda vaa mooledla tikkere sadya ijji,avu budle tulunad kadath poyardala aa maanaadige khanditha tikkand.bathnayan moked toopuna matha vishwa thulu bandulegla dumbaad yenna solmelu
           thulu nad panda parashurama srishtida naad athe ath.tulunada moolapurushe bali chakravarthi.ayan varsala mooji sarthi leppuva vinah parashuraman olla leppuja.parashuramana bagge vaa sandhi pardanodla mayithi ijji.kad kadpere upayoga maltina kai maduvavad maduvavad aven nama kudari panpa.aanda tulunada suruta bide kudu .averd bokka bathni ari.kudu ari serd kudari aande vinah keddasadapaga boomyappeg kudu arin nanneriyad upayoga malpuva
          namma nagadevere srishtindla panper .sristikarte uppuni brahme .anchane namma thulunad d nagabermeren nambondulla pannaga srishtida kalpaned nagashakti kelasa malpundu.nagadevere sannidaana ijjandina vaa daivastana,devastana,alade ill la upand.aath nage namma tuluvere jeevanodu serigeyadulle .vaa pirakda daiva devasthana toonagala avlu jeernaavasthed uppuna naganakall,vigraha tojid barpundu .anchad namma thulunad nagabemmere boodunde panoli..anchina thulunad dini namma thulu bhashen madatondulla .aathe ath pirakda tulunadda vastulu kelavu vastu sangrahalayodu jeernavasted tikknda kelavu tooverne kanng tikkuja .anchina vastulen nad d antarjalodu aa chitra paduna belen namma THULUORIPUGA kopeda mukantra maltondulla .nikl materna saaya yenkleg bodu.nikle tadi toopaavna tudaravodu.anchane thulunad da pad dana,yedurukate,kabite,sandhi,nataka,natya,yakshagana,ottaare thulunad da chitranada  THULUORIPUGA VIDEO CHANNEL la nammavundu .avenla aayinaath toole .namma tuluvereg teripale.avve niklu matha nank korpuna malla gowrava
           namma javaner poora thulu bhashen madatonduller.namak tulu lipi tikdnd .avla anchane multa biraner uttara keralada kadek poojeg ponaga akle icharonu malayalogu mutta aayina lipit bared deeyer .avve itte tulu lipiyadundu.unden toonaga namma tululipila tulunad da biranere undu malter panpinavu bari santoshada icharo.akl aath banga battd bhasheda lipit ortna thulunu nama ini dantondulla .avu yedde lakshana ath.namma bhasheg yencha tondare undo tamil,malayala,telugud du kannadala anchane nadgondundu .aanda thulu bhashe vaa bhashenla haal malpuna bhashe ath.thulunad da janamaani matha bhashegla gowrava korpunaklu.anchaad eeth mattdandala thulu oridnd.nana aven orthonnavu javanere kaitundu.
          thulunad da icharoda bagge shasanolulla ,tareolita baravululla,bhakthigeethelulla,aved d mukyavad nagaradhane,aivaradhaneda bhavuka samskritilulla.avu poora namma thulunada mannda kale,namma malla samskriti .nama badkere bodad bete bhashe itteda kalodu anivarya .aanda aa bhashene badkath.namak nuppu neer kortina bhashe thulu bhashe panpunen madapere balli..nama thulu madatanda namma appen madatleka,nama namane madatleka..english paternda malla jana,tulu paternda yelyaapa panpina kinya manas namada uppere balli .avveddeth.tulu sahitya academydaklu thulu bhaseda moke pttayere shaleda jalg aven kanavonduller .aven tulunad da matha jokulla moked kalpodu.onte lipi banga undu.sadhane maltnda ovla banga aavand.
       itteda joklena ammernakl shaleg sersanagane suruta aayke parengi base,avatta hindi,bokka tathnda kannada,tulunu moosude toopujer .aanda thulutha mana marydi gothapuni nama bete rajyogu ijjinda bete deshogu ponaga.avlu tuluvereg aath maanaadige tikkundu.anchad avlu maryadi tikkundu pandnda ee mannda guna avu .aven madapolye? yeto pirakda tulunada vastuda pudar nanke gottuppuji ,oltandala hiriyerda kend teriyondu aven bared deeka .aathe ath nal janoku aa vasthuda pudar ,aveta mahatva teripaga..panditere mard arenottigene karad povande.namak terina tulunad da bagge aayinath namma jokleg teripaga.barepunaklithnda lekhanodu thulunu derth pathle,kavikulanda kavyodu thuluvappen merepale,nataka,yakshagana,natyodu thuluvappena manadigen jagathg teripaga.yedde bhashana malpunakl poyinavlu ayinath thulute paterle.apaga namma janokleg thuluta mith moke putre sadhya undu .aven nama inid de malpuva pand d hatachalotu pole .apaga namma bhavy vayina,divya vayina tulu bhashe ,samskriti orivu.ini nijavayina tulu toovodanda sandi,pad dana,yedurukate,kabitelede toovodate.kelavu nalike,muggerlu,merereg sariyayina tulu padoklu gottipva.akledala kelavu shabda sangraha maltd namma thulu bhashen dumbuda peeligeg oripuga ,nama matha THULUORIPUGA .
             samvidhanodu namma thulu bhasheda bagge charche avondundu.heggader,seetaram raikulnanchina punyatmer namma thuluta bulechilda ter oithonduppunavu namma tuluverna bhagyande panoli.aate ath sabhe samarambodla tulu bhashe bhashanodu alpora mulpora tojondundu .undu yedde bulechil.kemar,odiyoor,manila swamilnanchina hiriyer thulu bhashe orperegatra thulute pateronduppunavu namma bhagyande panoli.ittitte thulu cinemoluen toopuna thuluvarga hechavondundu.anchane thulu nataka rangada bulechilla yeddede nadatondundu .ottare thulu bulechilda parvakala undundu panre namak hemme avondundu.namakla antarjala thulu bhasheda yeligedanchi manas korpuleka prerane maltnd .anchade nama thulutha mitha abhimanodu mundvariyondulla..vishwa vidyanilayodla thulukade pratyeka course undu.thulu peeta undu.dharmasthala,moodabidri,mangalagangotri,sanchayagirit thulu vasthu sangrahalayolulla.adeg nikle illal ittna pirakda tuluta amoolya vastulittnda oppipavoli.namma porluda thulu samskritida bhavyaten oripavoli.
                         thulutha bagge kelavu jana buddivanternd panpina janoklu thulutha poora shabdolu kannadod du battnavundu panonter..aanda yeto shabdolu,oorda pudarulu,jageda pudarulu moolu anadid de baidnavundu akleg gottujji.panchadravida bhashed la thulunu bhashavijnilu gurtisayerda ainla kelavdaklu virodha malter.aate ath kadek thulutaklu manipande kulyer pand d tulutakl multakle ath valase bathnaklndla pander.nikleda dada itihasa undundu kender.aanda thulutha aradhana samskrithi onje yaavu namma gattitanonu toopayere jagathg.namada kavyolijje?,tare oli baravijje,shata shatamanod du bulevondu baidna janapada samskriti ijje? avve yaaru atte nama multha manndaklundu teripavere?.sandarshaker bannaga yera bete tikd d beleg battna kelavu janata nikl oltaklnd kendupper .aik akl poora bete bete jageda pudar pannek avve satyand tuluver multakl attnd baredupper.nijavadla samshodhanatmaka adhyana malpunakl khandita ancha bareyere sadhyane ijji..aate ath kelavu samskritida ganda gaali gottijjandnakl tv vahind tamashe maltd naal jana telterda yaan malla janand bhootonu atada yesa pad d tamashe malter.akleg dada prayojana tikknd ait?.ovve dharma,samskriti,nambiken avahelana malpinavu susamskriterna lakshana ath .anchina samskriti nammavath.naamavu malla manassda thulu samskriti

             ottare yaan panpuni yeethe .bari porlude hiriyer pad dkornasadid nadapuga,akle chintaneda shailin badkd alavadisonga.aate ath namma thulu vaa bhasegla kammiyath.nama jagathda vaa moolege povad namada oltaarnd kennaga nama panpuni onje patera" YAAN THULUNAD DAY,TULUNAD DAALND".nama ole pondala appenabanjid puttudu thuluvappena banjig serunademutta aalna saaloduppuva .alena saala bootre onje saadi panda naman matteld kullad tuluamrita per korna appena samskritida mattelda satvada thulu bhashen oripunavu.aa drishtid nama matha namma dumbuda thulu samskritin namma dumbuda peeligeg oripuga ,vishwathulu bhandhule kai jodisale-nama matha THULUORIPUGA

ತುಳುನಾಡ ದೈವೊಲು

MOOLA MAISANDAYA-DAUVODU SRUTHA KOLA,NEMA MAISANDAYAG

MANTRA DEVATE-DAKSHINA KERALOD DU TULUNADG BAIDNA SWATANTRA SHAKTI

KODAMNDAYA-KODAMANITHAYA-KODAMANTAYA-KODAMANITHAYA-KUMBHA KANTINI-BELTANGADI MOOLA

KALADRI-KALA RATRI-DARMASTALA PARISARODU HECHIGE NAMBUVER

CHAWNDI-ONTE ACHARANE KAMMI

MALE JUMADI-MALESARA

KALA BAIRAVA-MUNDATHAYA

KORAGA TANIYA-NEECHA

BABBARYE-MUSLIM JATIDA DAIVA

ALI BHOOTA-MUSLIM JATIDA DAIVA

SARAL JUMADI[SAVIRALU DHOOMAVATHI]

PANJURLI[MASTH PUDARDA PANJURLI UNDU]

PILCHANDI

LEKKESIRI-RAKTESHWARI

GULIGA

JATTIGA-JUTTUGA

KOLLAPOOTHA JUMADI--BANNANJEYALLI IDE ACHARANE

MARL JUMADI-MARULU DHOOMAVATHI

KANTERI JUMADI-KANTAVARA DHOOMAVATHI

BAIKADTHI-SIRINA CHAKRIDA DARU ITTE JALA BAIKADTI ATAL

CHIKKAMMA-UDUPIDANCHI ACHARANE

GIDIRAVANTA DAIVA-UNDU MOOLODU PANJURLI DAIVA ADITTND

KSHETRAPALA

KAMBERLU DAIVA-DAIVA SANKULA

MELANTA-MELANTAYA-KARLADA KANAJARDUNDU

SHIVARAYA DAIVA-UDUPIDA BADAKAI HEROORDUNDU

BELKALADA BABBARYE--UDUPI TALUK KODAVOORUDUNDU

KOD DABBU

TANNI MAANIGA

MUGGERLU

KOTI CHENNAYA

KANTABARE BOODABARE

KINNIMANI,POOMANI

KALKUDA-KALLURTY

SATHYADEVATHE

POSAPPE

NADADAIVA

BEERANALYA

SIRI-[KUMARE,SONNE,GINDE UPVER]

MADMAL BHOOTA-BATRENAKLENAVU

ULLAKLU

ULLALTHI

KURIYADITHAYA

MALARAYA

DHOOMAVATHI

KANAPADITHAYA

VAIDYANATHA

RAHU-GULIGA[GULIGANAKLED MAST REETHI UNDU]

BANTA

NAALKAITHAYA

ARASU MANJISHNAR-ANNE BOKKA MEGYE DAIVA

VARTHE

JALA KORATHI

CHARMADI DAIVA

MARDAL JUMADI

DARAM BALLALDI

JARANDAYA

ODILTHAYA

PANCHJUMADI

KANTAVARA PANJURLI

ANNAPPA PANJURLI

BOLYALA -BELKALA PANJURLI

MAAYANDAAL

THODA KUKKINAR

MAARI

AMNOOR-GONDOL

GULIGANAKL-CHAVUNDI,MANTRA CHAVUNDI,NETHARA GULIGA,NEERA GULIGA,AKASHA GULIGA,RAHU GULIGA,KATTALEKANN GULIGA,MANTRAGULIGA,OTTEKANN GULIGA,SHANI GULIGA,MELADA GULIGA BANTA,MARNA GULIGA

ದ್ವಂದ್ವ ಮಠ ತಾಪನೆ ಆಚಾರ್ಯ ಮದ್ವೆರೆರ್ದ್.ಕಣ್ವತೀರ್ಥ,ವಿಜಯದ್ವಜ ತೀರ್ತೆರ್

ashta matata 8 yatikulen ottu sersad madwacharyer dwandwa mata maltina aswatta katte.ee ashwatta katted 8 jana yatikulen kullad ottu 4 dwarodu 2-2 janataleka 8 yatilen pidayi kanathina katte..kanva theertha...org..https://www.facebook.com/groups/THULUORIPUGA/

        Vijayadwaja theerthere vrindavana kanvatheertha

vijayadwaja theerthherna moola vrindavana panda aar samadhi ayina jaga -sumaru 800 varsha dumbuda .mer pejavara matata 6ne yathi .mer samagra bhagavathada 18,000 shlokogu bhashya panda artha bareyinar.merna vrindavanada piravu ashwatha mara taagdundu .multa vishesha panda ashwatha maratha iret pata,pata shabda barpuji.daye panda mer bhashya barenaga shabdonu apaga untader.ittela anchane undu.ire aaduva,shabda ijji.nikl bodanda toovoli

ಬ್ರಹ್ಮಶ್ರೀ ನಾರಾಯಣ. ಗುರುಕುಲು

                    ಬ್ರಹ್ಮಶ್ರೀ ನಾರಾಯಣ. ಗುರುಕುಲು

     ಭಾರತ ತೂಯಿನ ಮಾಹಾನ್ ಸಂತೆ,ಮಹಾನ್ ಜ್ಞಾನಿ,ಮಹಾನ್ ಸಮಾಜಕ ಸುದಾರಕೆ,ಮಹಾನ್ ಚಿಂತಕೆ,ದೀನ ದಲಿತೆರೆಗ್ ಸಮಾಜೊಡು ಮಾನಾದಿಗೆ ಕೊರ್ಪಾಯಿನ ಮಹಾನ್ ಚೇತನ ಬ್ರಹ್ಮಶ್ರೀ ನಾರಾಯಣ ಗುರುಕುಲು.ನಾರಾಯಣ ಗುರುಕುಲು ಪುಟ್ಟ್ ದ್ ನಿ ದೇವೆರೆ ಊರುಂದು ಪುಗಾರ್ತೆ ಪಡೆಯಿನ ಕೇರಳೊಡು.ಕೇರಳದ ಶಿವಗಿರಿರ್ದ್ 45ಕಿ.ಮಿ ಬಡಕಾಯಿ ( ಉತ್ತರ)ದ ತಿರುವನಂತಪುರೊರ್ದು 12 ಕಿ.ಮಿ ದೂರದ ಮೂಡ್ಬಡ(ಉತ್ತರಪೂರ್ವ) ದ ಸೀಮೆಡುಪ್ಪುನ ಚೆಂಬಳಾಂತಿ ಪನ್ಪಿ ಕಿನ್ಯ ಗ್ರಾಮೊಡು ಬಾರೀ ಬಡಪೊತ್ತುದ ಈಳವ ಜಾತಿದ ಕುಟುಮೊಡು 18-8-1854 ನಾನಿ ಬೂಮಿದ ಮಿತ್ತ್ ಉದಿತೆರ್.    

            ಅಸ್ಪೃಷ್ಯತೆ ಸಮಾಜೊನು ಪತ್ತ್ ನಿಂಗುನ ಕಾಲ ಅವು.ಇಂಚ ಪೊಡೆಮಿದ ಮಿತ್ತ್ ಉದಿತ್ ನ ನಾರಾಯಣ ಗುರುಕುಲು ಬಡವೆರೆನ್ ಶೋಷಣೆ ಮಲ್ಪುನ,ಬಡವೆರೆನ್ ದೊಂಕುನ,ಬಡಪತ್ತ್ ದ್ ಸೋತು ಸುಣ್ಣಾದ್ ಪೋಯಿನಕ್ಲೆನ ಪಾಲ್ ದ ಬೊಲ್ಪಾದ್ ಬತ್ತೆರ್.ನಾರಾಯಣ ಗುರುಕುಲ್ನ ಅಮ್ಮೆರ್ ತೀಯಾ ಸಮಾಜದ ಮಾಡಾನ್ ಆಶಾನ್,ಅಪ್ಪೆ ಕುಟ್ಟಿ ಅಮ್ಮಾಳ್.4 ಜನ ಪೊಣ್ಣು ಜೋಕ್ಲೆರ್ದ್ ಬೊಕ್ಕ ಪುಟ್ಟಿನಾರ್ ನಾರಾಯಣ ಗುರುಕುಲು.ಅರೆನ್ ಮಾತೆರ್ಲ ಮೋಕೆಡ್ ನಾಣುಂದು ಲೆತ್ತೊಂತೆರ್.ಆಶಾನ್ ಪಂಡ ಮಲೆಯಾಳ ಬಾಸೆಡ್ ಆಚಾರ್ಯ, ಗುರುಂದು ಅರ್ಥ.ಮಾಡಾನ್ ಆಶಾನ್ ಮೇರ್ ಸಂಸ್ಕೃತ ಬಾಸೆದ ಪಾಂಡಿತ್ಯ ಪಡೆದಿತ್ತ್ ದ್,ಖಗೋಳ ಶಾಸ್ತ್ರ ತಜ್ಞೆರಾದಿತ್ತ್ ದ್ ,ಬೆನ್ನಿ ಸಾಗೊಳಿ ಮಲ್ಪುನೊಟ್ಟುಗು ಆಯುರ್ವೇದದ ಪುಲಮರ್ದ್ ದ ಪಂಡಿತೆರ್ಲಾ ಆದಿತ್ತೆರ್.ಆರ್ ಅರೆನ ಇಲ್ಲ ಚಾವಡಿಡ್ ಜನೊಕ್ಲೆಗ್,ಕಲ್ಪಾರ್ಥಿಲೆಗ್/ವಿದ್ಯಾರ್ಥಿಲೆಗ್ ಸಂಸ್ಕೃತ ಶ್ಲೋಕೊಲೆನ್ ಓದುದು ಪನ್ಪುನ ಕಲ್ಪಾದಿ/ಶಿಕ್ಷಕೆರಾದಿತ್ತೆರ್.ಆ ಹಳ್ಳಿದ ಜನೊಕುಲು. ಅರೆನ ಬಾಯಿಡ್ದ್ ರಾಮಾಯಣ,ಮಹಾ ಬಾರತ ಪ್ರವಚನೊಲೆನ್ ಕೇನೆರೆಂದೇ ಸೇರೊಂತೆರ್.ನಾಣುಗು ಸಂಸ್ಕೃತ,ಮಲೆಯಾಲ ಅತ್ತಂದೆ ತಮಿಳ್ ಬಾಸೆಡ್ಲ ಅಪಾರ ಜ್ಞಾನ ಇತ್ತ್ಂಡ್.ತಮಿಳ್ ಬಾಸೆದ ಪುದರ್ ಪೋಯಿ ಕೃತಿಕುಲಾಯಿನ ತೋಲ್ಕಾಪ್ಪಿಯನ್,ಮನಿಮೇಕಲಂ,ಸಿಲಪ್ಪದಿಕಾರಂ,ನನ್ನುಲ್,ತಿರುಕ್ಕುರಲ್,ತಿರುವಾಚಕಂ ಕೃತಿಕುಲೆನ್ ಅದ್ಯಯನ ಮಲ್ದೆರ್.

         ಓಲು ದರ್ಮ ನಾಶ ಆದ್ ಅದರ್ಮ ಮೆರೆಯುಂಡಾ ಅಂಚಿತ್ತಿ ಪೊರ್ತುಡು ಯಾನ್ ಲೋಕೊಡು ಉದಿಪುವೆಂದ್ ಸಿರಿಕಿಸ್ನ ದೇಬೆರ್ ಗೀತೆಡ್ ಪಂಡಿಲೆಕ್ಕ ಸನಾತನ ದರ್ಮೊನು ಒರಿಪೆರೆ ಬೋಡಾದ್ ಶಿವಾಜಿ ಮಹಾರಾಜೆರ್,ಸ್ವಾಮಿ ವಿವೇಕಾನಂದೆರ್,ಬ್ರಹ್ಮಶ್ರೀ ನಾರಾಯಣ ಗುರುಕುಲು ಬಗವಂತನ ಅವತಾರದ ಒರುವಾದ್  ನಮ್ಮ ದೇಸೊಡು ಉದಿತ್ ದ್ ಬತ್ತೆರ್.ನರಮಾನ್ಯಗ್ ನಡಪುನ ಆಚರಣೆದೊರುವಾದ್ ನಾರಾಯಣ ಗುರುಕುಲೆಗ್ 1882ಟ್ ಮದಿಮೆ ಆಂಡಲಾ ಅರೆನ ಗುರಿ ಸಂಸಾರ ಬಂದನೊಡ್ದು ದೂರವಾಯಿನ ಸಮಷ್ಠಿದ ಬುಳೆಚಿಲ್ ದ/ಏಳಿಗೆದ ಮಿತ್ತಿತ್ತ್ಂಡ್.ದಾದನಾ ಉದ್ದೇಶೊಗಾದ್ ಯಾನ್ ಈ ಲೋಕೊಗು ಬೈದೆ,ಎನ್ನ ಗೇನದ ಬೊಲ್ಪು ತೋಜಾಯಿ ಸಾದಿಡ್ ಯಾನ್ ನಡಪೊಡುಂದು ತನ್ನ ಸಂಸಾರ,ತನ್ನ ಊರು,ತನ್ನ ಜನೊಕ್ಲೆನ್ ಬುಡ್ದು ಪೋಪೆರ್.

     ಅಂಚ ಪೋಯಿನ ನಾರಾಯಣ ಗುರುಕುಲು ಕುಂಜನ್ ಪಿಳ್ಳೈ ಚಟ್ಟಾಂಬಿ ಸ್ವಾಮಿಕಲ್ ಪನ್ಪಿ ಗುರುಕುಲೆನ್ ತನ್ನ ಗುರುವಾದ್ ಸ್ವೀಕಾರ ಮಲ್ಪುವೆರ್.ಆ ಗುರುಕುಲೆನ್ ಷಣ್ಮುಖದಾಸ್ಂದ್ ಲ ಲೆತ್ತೊಂತೆರ್.ಆರ್ ನಾರಾಯಣ ಗುರುಕುಲೆಗ್ ಸುಬ್ರಹ್ಮಣ್ಯ ದೇವೆರೆ ಆರಾದಕೆರಾದಿತ್ತ್ ನ ದೈಕೋಡ್ ಅಯ್ಯಾವು ಪನ್ಪುನಾರೆನ ಪೊಲಬು ಮಲ್ಪುವೆರ್.ಆರ್ ನಾರಾಯಣ ಗುರುಕುಲೆಗ್ ಏಕಾಂತೊಡು ಯೋಗಾಬ್ಯಾಸ. ಮಲ್ಪವೆರ್.ಈ ಯೋಗೊಡು ಬೊಲ್ಪು ತೋಜಿನ ಗುರುಕುಲು ನಾಗರ್ ಕೋಯಿಲ್ ಕೈತಲ್ದ ಮರತು ಮಲೈ ಜೇರದ/ಬೆಟ್ಟದ ಮಿತ್ತುಪ್ಪುನ ಗುಹೆತುಲಯಿ ಏಕಾಂತೊಡು ಕುಲ್ಲುದು ಆಳವಾದ್ ದ್ಯಾನ ಮಲ್ಪುವೆರ್.ಅವ್ಲು ಆರ್ ದೈ ಮರೊಕ್ಲೆನ ಇರೆನ್ ತಿನೊಂದು,ನೀರ್ ಪರೊಂದು ಬದ್ ಕ್ ಯೆರ್.ಅರೆನ ದ್ಯಾನೊಗು ಬಂಜಿದ. ಬಡವು ಅಡ್ಡ ಬೈದ್ ಜಿ.ಕಾಡ್ ದ ಪ್ರಾಣಿಲು ಪೂರ ಅರೆನ ಕೈತಡೆ ಬರೊಂತ,ಅರೆನ ಕೈ ಸ್ಪರ್ಷ ಬಯಕೊಂತ ಪಂಡ ಅರೆನ ದ್ಯಾನದ ಬೊಲ್ಪುದ ಸಗ್ತಿನ್ ನಮಕ್ ಅರ್ಥ ಮಲ್ತೊನೊಲಿ.ಪಿರಾಕ್ ದ ಮೌಲ್ಯಾಧಾರೊದ ಆದರ್ಶೊಲೆನ್,ಸತ್ಯೊನು ನಾಡೊಂದು ಇಲ್ಲ್ ಬುಡ್ನ ಗುರುಕುಲು ಏರಜೇರ,ಕಾಡ್ ಕೂವೆ/ಗುಹೆಕ್ಲೆಡ್ ದ್ಯಾನ ಮಲ್ತ್ ದ್ ಅವೆತೊಟ್ಟುಗು ಬಾರ್ಯಾತ್ ಸಾದನೆ ಮಲ್ತ್ ನ ಫಲವಾದ್ ಮರುತ ಮಲೈಡ್ ಅರೆಗ್ ಜ್ಞಾನೋದಯ ಆಂಡ್.

     ಮರುತ ಮಲೈಡ್ ಜ್ಞಾನೋದಯ ಆಯಿನ ಗುರುಕುಲೆಗ್ ಶಂಕರೆರೆ ವೇದಾಂತ ಪೊಸ ದೇಕಿಡಿತ್ತ್ ಲೆಕ(ರೂಪೊಡಿತ್ತ್ ಲೆಕ) ತೋಜಿಂಡ್.ನರಮಾನ್ಯನ ಬದ್ ಕ್ ಗ್ ಬೋಡಾಯಿನ ಸಾಮಾಜಿಕ ನ್ಯಾಯ ಬೊಕ್ಕ ಸಮಾನತೆದ ಪರವಾದ್ ಶಂಕರೆರೆ ಅದ್ವೈತ ಉಂಡು ಪನ್ಪುನೆನ್ ಗುರುಕುಲು ತೆರಿಯೊಂಡೆರ್.ಶಂಕರೆರ್ಲಾ ನರಮಾನ್ಯಡ ನಾರಾಯಣನ್ ಪಂಡ ದೈವತ್ವೊನು ತೂಯಿನಾರ್.ನರಮಾನಿ ನರಮಾನ್ಯನ ನಡುತ ಮಾನವೀಯ ಸಮ್ಮಂದದ ಬಗೆಟ್,ಸ್ವಾತಂತ್ರ್ಯ,ಸಮಾನತೆ,ನ್ಯಾಯದ ಬಗೆಟ್ ಶಂಕರೆರೆ ಅದ್ವೈತದ ಪೊಸ ರೂಪದ ಚಿಂತನೆ ನಾರಾಯಣ ಗುರುಕುಲ್ನವಾದಿತ್ತ್ಂಡ್.ನಾರಾಯಣ ಗುರುಕುಲ್ನ ಆದ್ಯಾತ್ಮಿಕ ಅನುಬಾವೀ ಚಿಂತನೆಲು ಅರೆನ 'ಆತ್ಮೋಪದೇಶ ಶತಕಂ' ಕೃತಿಟುಂಡು.ದಲಿತೋದ್ದಾರದ ಮಹಾನ್ ಚಿಂತಕೆ ಶ್ರೀ ನಾರಾಯಣ ಗುರುಕುಲು.ಬಸವಣ್ಣನ ಚಿಂತನೆಲು ಶ್ರೀ ಗುರುಕುಲ್ನ ಚಿಂತನೆಗ್ ಓಲ್ಪಡಿಯಾಪ.ಇದ್ಯೆ ಕಲ್ತ್ ದ್ ಸ್ವತಂತ್ರರಾಲೇ ಪನ್ಪುನ ಸಂದೇಶದೊಟ್ಟುಗು ಶೋಷಿತ ವರ್ಗೊನು ಸಮಾಜೊಡು ದೆರ್ತ್ ಪತ್ತುನ ಬೇಲೆನ್ ಮಲ್ತ್ ನಾರ್ ಬ್ರಹ್ಮಶ್ರೀ ನಾರಾಯಣ ಗುರುಕುಲು.ಬಸವಣ್ಣೆ ಬೊಕ್ಕ ನಾರಾಯಣ ಗುರುಕುಲ್ನ ನಡುತ ಕಾಲದ ಅಂತರ 7 ಶತಮಾನದಾತ್ ಉಂಡು.ನಮ್ಮ ಬಾಲ್ಯ ಪನ್ಪುನವು ಜೋಕ್ಲಾಟಿಕೆಡ್(ಸಂತೋಸುಡು ಕಳೆಯೆರುಪ್ಪುನವತ್ತ್) ಕಳೆಯೆರುಪ್ಪುನವತ್ತ್,ಅವು ಬದ್ ಕ್ ದ ಪರ್ವಕಾಲ ಪನ್ಪುನೆನ್ ಗುರುಕುಲು ಪ್ರತಿಪಾದನೆ ಮಲ್ದೆರ್.ಅಹಿಂಸೆನೇ ಪರಮಶ್ರೇಷ್ಠ ಧರ್ಮ ಪನೊಂದು ಸತ್ಯದ ಮಾರ್ಗೊಡು ತನ್ನ ಬಾಲ್ಯದ ದಿನೊಕ್ಲೆನ್ ಗೇನ/ಜ್ಞಾನ ಸಂಪಾದನೆ ಮಲ್ಪೆರೆ ಗಲಸೊಂಡೆರ್.ಪರ್ದ್ ಹಾಳಾಪುನ,ಅಸ್ಪೃಷ್ಯತೆ ಉಂದು ರಡ್ಡ್ ನಮ್ಮ ಸಮಾಜದ ಮಲ್ಲ ಒಡಕ್/ಪಿಡುಗು,ಉಂದು ದಲಿತೆರೆನ್,ಸಮಾಜದ ಶೋಷಣೆಗ್ ಬೂರ್ನ ಜನಮಂದೆದ ಬದ್ ಕ್ ನ್ ಕತ್ತಲೆಡ್ ಪಾಡುನ ಮಾ ಮಲ್ಲ ಮಾರಿಸೀಕ್/ಪಿಡುಗುಂದು ಪ್ರತಿಪಾದನೆ ಮಲ್ತೆರ್.ಪ್ರಪಂಚೊಗು ಸಾರ ಸಾರ ಸಂದೇಶೊಲೆನ್ ಕೊರ್ನ ಮಹಾನ್ ಚೇತನ ಬ್ರಹ್ಮ ಶ್ರೀ ನಾರಾಯಣ ಗುರುಕುಲು.

        1856 ಸಿಪಾಯಿದಂಗೆದ ಕಾಲ.ಸಾಮ್ರಾಜ್ಯಶಾಹಿಪರೆಂಗಿಲೆನ ಅನ್ಯಾಯ ಅತ್ರೋಣ ಬಾನ ಮುಟ್ಟುದಿತ್ತ್ಂಡ್.ಒಂಜಿ ತಿಕ್ ಡ್ ಬಡವೆರೆಗ್ ಪರೆಂಗಿಲ್ನ ಚಿತ್ರಹಿಂಸೆ,ನನೊಂಜಿ ತಿಕ್ ಡ್ ಮಲ್ಲಕುಲು ಅಂಕಾರ,ದರ್ಪೊಡು ಬಡವೆರೆನ್ ನರ್ಗಾದ್ ಬುಡ್ನವು ಉಂದೆಡ್ದಾದ್ ಬಡವೆರೆಗ್ ಬದ್ ಕೆರ್ನೇ ಸಾದ್ಯ ಇಜ್ಜಿಂದಾದ್ ಬಡವೆರ್ ನರಲೊಂದಿತ್ತೆರ್.ಅಂಚ ಸಮಾಜೊಡು ಪಿರ ಬೂರ್ನಕ್ಲೆನ್ ನಿದಾನವಾದ್ ಕಿರ್ ಸ್ತಾನ್ ಮೆಷಿನರ್ನಕುಲು ಅಕ್ಲೆ ದರ್ಮೊಗು ಮತಾಂತರ ಮಲ್ಪೆರೆ ಸುರು ಮಲ್ತೆರ್.ಇಂಚಿನ ಸಮಯೊಡು  ಸನಾತನ ದರ್ಮದ ಸಮಾಜದ ಮಲ್ಲಕ್ಲೆರ್ದ್ ನರಕ ಅಲ್ಮೋಗಿಸಯ್ನ ಸಾರಕಟ್ಲೆ ಜನ ಶೋಷಿತೆರ್ ಕಿರ್ ಸ್ತಾನ್ ದರ್ಮ ತೋಜಾಯಿನ ಆಮಿಷೊಗೊಳಗಾದ್ ಸನಾತನ ದರ್ಮ ಬುಡ್ದು ಕಿರ್ ಸ್ತಾನ್ ಜಾತಿಗ್ ಸೇರ್ದಿತ್ತೆರ್.ನಮಕ್ ಬೇತೆ ದೇಶದಕುಲೆರ್ದ್ ಮಲ್ಲ ಶತ್ರುಲು ಪಂಡ ಅವು ನಮ್ಮ ಸಮಾಜೊಡಿಪ್ಪುನ ಜಾತೀಯತೆ,ಅಸ್ಪೃಷ್ಯತೆ.ಇಂಚಿನ ಕಾಲಘಟ್ಟೊಡು ಬಗವಂತನ ಅವತಾರದೊರುವಾದ್ ಸ್ವಾಮಿ ವಿವೇಕಾನಂದೆರ್,ನಾರಾಯಣ ಗುರುಕುಲು ಉದಿತ್ ಬತ್ತೆರ್.ಸಮಾಜೊಡಿಪ್ಪುನ ಮಿತ್ತ್ ತಿರ್ತ್ ಪನ್ಪಿ. ಏದ ಬೇದೊನು,ಅಸ್ಪೃಶ್ಯತೆನ್ ದೂರ ಮಲ್ತ್ ದ್ ಸಮಾಜೊನು ಒಟ್ಟು ಮಲ್ತ್ ನೆರ್ದಾತ್ರ ಇನಿಕ್ಲಾ ನಮ್ಮ ದೇಶದ ಸನಾತನ ಹಿಂದು ಸಮಾಜ ತರೆ ದೆರ್ತ್ ದುಂತೆರೆ ಸಾದ್ಯ ಆಂಡ್.ಪರೆಂಗಿಲು ನಮ್ಮ ದೇಸೊನು ಬುಡ್ದು ಪೋಯೆರ್ಡಲ ಈ ಜಾತೀಯತೆ,ಅಸ್ಪೃಷ್ಯತೆ ನಮ್ಮ ದೇಸೊರ್ದ್ ಪೂರ್ತಿಯಾದ್ ಇನಿವರೆಮುಟ್ಟ ಬುಡ್ದು ಪೋತ್ ಜಿ.ನಮ ಇನಿಲಾ ಜಾತಿ ಜಾತಿನ್ ಪತೊಂದು ಆಯೆ ಮಿತ್ತ್,ಇಂಬ್ಯೆ ತಿರ್ತ್ಂದ್ ಕಂಟ್ಯೊಂದುಲ್ಲ.ಉಂದೆರ್ದಾದ್ ನಮ್ಮ ಸನಾತನ ಹಿಂದೂ ಸಮಾಜ ಪಗಿದ್ ಪೋವೊಂದುಂಡು.ಪರೆಂಗಿಲು ಮಲ್ತ್ ಪಾಡ್ ನ ಜಾತಿ ಜಾತಿದ ನಡುತ ಪರಿದ್ ಪೋಯಿ ಸಂಬಂದೊಲೆನ್ ಒಂಜಿ ಮಲ್ಪೆರಾತ್ ಜಿ.ಒಂಜಾತ್ ಜಾತಿಲು,ಆ ಜಾತಿದುಲಯಿ ಕುಡ ಒಂಜಾತ್ ಉಲ ಜಾತಿಲು,ಜಾತಿದುಲಯಿದ. ಉಲಜಾತಿಲೇ ಒಂಜೆಕೊಂಜಿ ಕೂಡ್ದ್ ಬರ್ಪುಜಿ ಪಂಡ. ಜಾತಿದ ಮಿತ್ತ್ ತಿರ್ತ್ ಪನ್ಪಿ ಏದ ಬೇದ ಸರಿ ಆಯೆರೆ ಉಂಡಾ?.19 ನೇ ಶತಮಾನದ ಅಂತ್ಯ, 20 ನೇ ಶತಮಾನದ ಸುರುಕು ನಮ್ಮ ದೇಸೊಡೇ ತೋಜಿದ್ ಬರಂದ್ ನ ಅಮಾನುಷ ಕೃತ್ಯೊಲು ಕೇರಳದ ನಂಬೂದರಿ ಪನ್ಪಿ ಮಿತ್ತ ವರ್ಗೊರ್ದು ಸೂದ್ರೆರೆ ಮಿತ್ತ್,ಅಸ್ಪೃಷ್ಯೆರೆ ಮಿತ್ತ್,ಪೊಂಜನಕ್ಲೆನ ಮಿತ್ತ್ ನಡತೊಂತ್ಂಡ್.ಪೊಂಜನಕ್ಲೆ ಮಿತ್ತ್ ಶೋಷಣೆ ಓಡೆಮುಟ್ಟ ಇತ್ತ್ಂಡ್ ಪಂಡ ಅಕುಲು ಬನ್ನಗ ತಿರ್ತ ಜಾತಿದ ಪೊಂಜನಕುಲು ತಿಗಲೆಗ್ ಕುಂಟು/ಕುಪ್ಪಸ ಮುಚ್ಚಂದೆ ಗೌರವ ಕೊರೊಡಿತ್ತ್ಂಡ್.ಪೊಣ್ಣನ ಮಾನ ತೂಪುನ ವಿಕೃತ ಬಾವನೆಡ್ ದಾದ ಮೊಕ್ಲೆಗ್ ಗೌರವನ?. ಇಂಚಿತ್ತಿ ಪೊರ್ತುಡು ಸಮಾಜೊದ ಈಳವ ಪನ್ಪಿ ಅಸ್ಪೃಷ್ಯಂದ್ ಆ ಕಾಲೊಡು ಗುರ್ತಿಸಯಿನ ಜಾತಿಡ್ ಡ್ ನಾರಾಯಣ ಗುರುಕುಲ್ನ ಉದಿಪಾಂಡ್..ಆರ್ ಇಂಚಿತ್ತಿ ದೆತ್ತ್ ಪಾಡಿ ಸಂಪ್ರದಾಯ ಪೊಂಜನಕ್ಲೆನ ಶೋಷಣೆದ ಅನಿಷ್ಟ,ನಿಕೃಷ್ಟ ಪದ್ದತಿಂದ್ ನಾರಾಯಣ ಗುರುಕುಲು ಆ ದೆತ್ತ್ ಪಾಡಿ ಸಂಪ್ರದಾಯೊನು ಉಂತಾಯೆರ್. ಪೊಂಜನಕುಲು ಸಗ್ತಿಹೀನೆರತ್ತ್(ಅಬಲೆಯತ್ತ್),ಆಲೆಗ್ಲ ಸ್ವಂತ ಸಗ್ತಿ(ಸಬಲೆ) ಉಂಡು,ಪೊಣ್ಣು ಪೊಂಜನಕ್ಲೆನ ಸಮಾನತೆದ ಪರವಾದ್ ಸ್ವರ ಲಕ್ಕಾದ್ ಪೊಂಜನಕ್ಲೆ ಬದ್ ಕ್ ಗ್ ಬೊಲ್ಪಾಯೆರ್.ಬಿಲೆದಾಂತಿ/ಅರ್ಥಹೀನ ಜೋಕ್ಲೆ ಮದಿಮೆನ್/ಬಾಲ್ಯ ವಿವಾಹೊನು ಖಂಡಿಸಯೆರತ್ತಂದೆ ಬದ್ ಜ್ ದ ಸಫಷ್ಟ ಸಂಸಾರ ಸಂಬಂದೊಲೆದ ಅರ್ಥೊಲೆನ್ ತೆರಿಪಾಯೆರ್.ಅಂಚನೆ ಕಿನ್ಯ ಪ್ರಾಯೊಡು ಮದಿಮೆ ಆಂಡ ದಾದ ಪೂರ ತೊಂದರೆಲಾಪ ಪನ್ಪುನ ಗೇನೊನು ಜನೊಕ್ಲೆಗ್ ಕೊರ್ಯೆರ್.ಅತ್ತಂದೆ ಕೇಳೊಡು. ಆ ಕಾಲೊಡಿತ್ತಿ "ತಾಳಿ ಕಟ್ಟುಂ" ಪನ್ಪಿ ಅನಿಷ್ಠ  ಸಂಪ್ರದಾಯೊನು ವಿರೋಧಿಸಾದ್ ಅವೆಡ್ದ್ ಆಪುನ ದೋಷೊಲೆನ್ ಸಮಾಜೊಗು ತೆರಿಪಾದ್ ಕೊರ್ಯೆರ್..ಅನಾವಶ್ಯಕವಾದ್ ಕರ್ಚಿ ಮಲ್ತ್ ದ್ ಮದಿಮೆ ಮಲ್ಪುನೆನ್ ವಿರೋದಿಸಯಿನ ಗುರುಕುಲು ಸರಳ ಸಂಪ್ರದಾಯ ಪ್ರಕಾರ ಮದ್ಮೆ ಆಯೆರೆ ಲೆಪ್ಪು ಕೊರ್ಯೆರ್.

    ಅಪಗ 'ತಾಳಿಕೆಟ್ಟುಂ' ದಾದಂದ್ ತೆರಿಯೆರೆ ಪೋಂಡ  ಆ ಕಾಲದ ಸಮಾಜದ ಬಾರೀ ಪಿರಬೂರಿ ಜಾತಿದ(ಹಿಂದುಳಿದ ಸಮಾಜ) ಅರ್ಥದಾಂತಿ ದೆತ್ತ್ ಪಾಡಿ ಆಚರಣೆ/ಸಂಪ್ರದಾಯ.ತಾಳಿ ಕೆಟ್ಟುಂ ನು ಮಿನ್ನು ಕೆಟ್ಟು,ಕೆಟ್ಟು ಕಲ್ಯಾಣಂದ್ ಲ ಪನ್ಪೆರ್.ಪೊಣ್ಣು ಪೋದು ಪೊಂಜೊವಾಪುನ ದುಂಬು ,5ವರ್ಸ ಪೊಣ್ಉಬಾಲೆಗ್ ದಿಂಜುನ ದುಂಬೇ ತೂಪರಿಕೆದ ಮದಿಮೆ(ಅಣಕು ಮದುವೆ) ಮಲ್ಪುವೆರ್.ಒಂಜಾ ಎಲ್ಯ ಪ್ರಾಯೊಗು ಬರಂದಿ ಆಣಡ ,ಇಜ್ಜಿಂಡ ಪ್ರಾಯೊಗು ಬತ್ತಿ ಜವಣಡ ತಾಳಿ ಕಟ್ಟವೆರ್,ಬಾರ್ಯಾತ್ ಕರ್ಚಿ ಮಲ್ತ್ ದ್ ಮದ್ಮೆ ಮಲ್ಪುವೆರ್.ಅಂಚಿ ತೂಪರಿಕೆದ ಮದಿಮೆಗ್ ಕಾನೂನುದ ಆದಾರ ಇಜ್ಜಿ. ಪೊಣ್ಣಗ್ ಪ್ರಾಯ ಬನ್ನಗ ತಾಳಿ ದುಂಬು ಕಟ್ಟ್ ನಾಯೆನೆ ಮದಿಮೆ ಆಪೆ ಪನ್ಪಿ ನಿಗಾಂಟಿಜ್ಜಿ.ತಾಳಿ ಕಟ್ಟಿ ಬೊಕ್ಕ ಆಣ್ ಆಣನಾತೆಗೆ ಉಪ್ಪುವೆ.ತಾಳಿ ಕಟ್ಟ್ ನಗ ಪೊಣ್ಣ ಕಡೆತಕುಲು ಆಣಗ್ ಪಣವು,ಪೊಸ ಕುಂಟು,ತಾರಾಯಿ,ಉಡಿಗಿರೆ ಪೂರ ಕೊರ್ದು ಗಾಂಡ್ ಗೌಜಿಡೆ ಮದಿಮೆ ಮಲ್ತ್ ದಿಪ್ಪುವೆರ್.ತಾಳಿಕಟ್ಟ್ ದ್ ಆಯಿ ಬೊಕ್ಕ ಗೌಜಿಡೆ ಮದಿಮೆ ಮುಗಿತ್ ದ್ ಪೊಣ್ಣು ಅಪ್ಪೆ ಇಲ್ಲಗ್ ಪೋಯಿ ಬೊಕ್ಕ ತಾಳಿ ದೆಪ್ಪುವೆರ್.ಪೊಣ್ಣು ಮದಿಮಲಾಯಿ ಬೊಕ್ಕ ಅಲೆಗ್ ಆಣನ್ ನಾಡೆರೆ ಸುರು ಮಲ್ಪುವೆರ್.ತಾಳಿ ಕಟ್ಟ್ ನಾಯೆ ತಿಕ್ಯೆಂಡ,ಆಯೆ ಒಪ್ಯೆಂಡ ಆಯನೆ ಮದ್ಮೆ ಮಲ್ಪುವೆರ್, ಇಜ್ಜಿಂಡ ಬೇತೆ ಆಣನೊಟ್ಟುಗು ಮದ್ಮೆ ಮಲ್ಪುವೆರ್.ಉಂದು ಆಣ್ ಪೊಣ್ಣನ ಬದ್ ಕ್ ದ ನಿಜವಾಯಿನ ಮದಿಮೆ.ಅವೆನ್ ಬುಡ್ದು ಪೊಣ್ಣು ಬಾಲೆಗ್ 5ವರ್ಸ ದಂಜುನ ದುಂಬೇ ಲೋಕದ ಗೇನ ಬಾಲೆಗ್ ಪುಟ್ಟುನ ದುಂಬೇ ಗೌಜಿಡ್ ತೂಪರಿಕೆದ ಮದಿಮೆ ಮಲ್ತ್ ದ್ ದಾದ ಪೆರಜನ?ಇಂಚಿ ನಾಚಿಕೆಟ್ಟಿ,ಅರ್ಥ ದಾಂತಿ ತಾಳಿಕೆಟ್ಟು ಅನಿಷ್ಠ ಪದ್ದತಿದ ಆಚರಣೆನ್ ನಾರಾಯಣ ಗುರುಕುಲು ವಿರೋಧಿಸಯೆರ್.ಮಲ್ಲ ಮಲ್ಲ ಕಾಸ್ದಕುಲು ನಾರಾಯಣ ಗುರುಕ್ಲೆನ್ ಎದುರು ಪಾಡೊಂಡೆರ್.ತಾಳಿಕೆಟ್ಟು ಎಂಕ್ಲೆನ ಪ್ರತಿಷ್ಠೆ,ಅವೆನ್ ಉಂತಾಂಡ ಸಮಾಜೊಗು ದೋಸ ಬರ್ಪುಂಡುಂದು ಪೋಡಿ ಕಟ್ಟಾಯೆರ್ಡಲ ನಾರಾಯಣ ಗುರುಕುಲು ಆ ಅನಿಷ್ಠ ಪದ್ದತಿದ ವಿರುದ್ದ ಪೊರ್ಂಬಾಟ ಮಲ್ತೆರ್.ಯಸ್.ಯಂ.ಡಿ.ಪಿ. ಯೋಗಂ ದ  ಮೋನೆ ಬರವಾಯಿನ(ಮುಖಪುಟ) 'ವಿವೇಕೋದಯಂ'ಪತ್ರಿಕೆಡ್ ಈ ತಾಳಿಕೆಟ್ಟಂ ಡ್ದು ಸಮಾಜದ ಮಿತ್ತಾಪುನ ಕುಂದೆಲ್ ನ್(ಕೆಡುಕು) ಪ್ರಕಟ ಮಲ್ತೊಂದೇ ಬತ್ತೆರ್.ಈ ಅನಿಷ್ಟ ಪದ್ತಿದ ಆಚರಣೆನ್ ಸಮಾಜೊಡ್ದು ದೆತ್ತ್ ದಕ್ಕೆರೆ ಪೊರ್ಂಬುದು ಅವೆಟರೆಗ್ ಜಯ ತಿಕ್ಕ್ಂಡ್.

 ನಾರಾಯಣ ಗುರುಕುಲು ದಾದ ಬೋದನೆ ಮಲ್ತೆರಾ ಬದ್ ಕ್ ದುದ್ದೊಗ್ಲ ಅಂಚನೆ ಬದ್ ಕ್ ದ್ ತೋಜಾಯಿನ ಶ್ರೇಷ್ಠ ಸಂತೆ.ನಾರಾಯಣ ಗುರುಕುಲು ಆ ಕಾಲೊಉ  ಪಂಡಿನ ಈ ಒಂಜಿ ಪಾತೆರ ಇಡೀ ಮನುಕುಲದ ಉದ್ದಾರದ ಚಿಂತನೆದ ಪಾತೆರಂದ್ ಪಂಡ ತಪ್ಪಾವಂದ್." ಜಾತಿ ಪನಡೆ,ಜಾತಿ ಕೇನಡೆ,ಜಾತಿಬೇದ(ಜಾತೀಯತೆ)ಮಲ್ಪಡೆ,'.ಒಂಜೇ ಜಾತಿ,ಒಂಜೇ ದರ್ಮ,ಒರಿಯೇ ದೇವೆರ್ ನರಮಾನಿ ಕುಲಕೋಟಿಗ್' ".ಎಂಚಿನ ಅದ್ಭುತವಾಯಿನ ಸಂದೇಶ?.’ಗಂಗಸರ ಇಸ ,ಅವೆನ್ ತಯಾರ್ ಮಲ್ಪಡೆ ಅವೆನ್ ಮಾರಡೆ,ಪರಡೆ'ಂದ್ ಗುರುಕುಲು ಸಾರ್ ಸಾರ್ದ್ ಪಂಡೆರ್.ದಾಯೆ ಪಂಡ ಆ ಕಾಲೊಡು ಕೇರಳೊಡು ಕಂಡ್ ದ್ ಗಂಗಸರ ಮಲ್ತೊಂತಿ ಕಾಲ.ಇಂಚಿನ ಬಾರ್ಯಾತ್ ಗೇನೊಲೆನ್ ತಿರ್ತ ಸಮಾಜದ ಜನಮಂದೆಗ್ ಕೊರ್ಯೆರೆ ನಾರಾಯಣ ಗುರುಕುಲ್ನ ಅವತಾರ ಆಂಡ್.ಪರಮ ಪೂಜ್ಯ ಮಹಾತ್ಮ ಗಾಂದೀಜಿಯೆರ್ಲ ಉಂದೇ ಸಂದೇಶ ಕೊರ್ನಾರ್(ಗಂಗಸರ  ವ್ಯಸನ ಮುಕ್ತ ಚಂತನೆ).ಗುಜರಾತ್ ಡ್ ಇನಿಕ್ಲಾ ಸಾರಾಯಿ ನಿಶೇದ ಇತ್ತ್ಂಡ ನಮ್ಮ ರಾಜ್ಯ ಸರ್ಕಾರದ ಆದಾಯದ ಒಂಜಿ ಮೂಲನೇ ಉಂದಾದುಂಡು.ಪರ್ದ್ ಹಾಳಾವೊಂದು ತಾನ್ ದಾದ ಮಲ್ತೊಂದುಲ್ಲೆ ಪನ್ಪಿ ಗೇನ ದಾಂತಿನ ಪರ್ ಪರ್ದ್ ತನ್ನ ಜಬದಾರಿಕೆನ್ ಮದತ್ ನ ಬಾರ್ಯಾತ್  ಜವನೆರೆಗ್ ಆಜ ಸೂಲ ಪಾಡ್ಪಾದ್ ಅಕ್ಲೆ  ಬದ್ ಕ್ ದ ದ ಗುರಿ ಬೊಕ್ಕ ಉದ್ದೇಶದ ಜಬದಾರಿನ್ ಅಕ್ಲೆಗ್ ತೆರಿಪಾದ್  ಅಕ್ಲೆ ಬದ್ ಕ್ ಗ್ ಬರವಸೆದ ಬೊಲ್ಪಾಪುನ ಮೂಲಕ ಹಳ್ಳಿಲೆಡ್ ಬಡಪತ್ತ್ ಡೇ ಸಂಸಾರ ಮಲ್ತೊಂದಿತ್ತ್ ನ ಪೊಂಜನಕ್ಲೆ ಬದ ಕ್ ದ ಬೊಲ್ಪಾಯೆರ್.ಅಳಿಯ ಸಂತಾನ ಪದ್ದದತಿದ ಸಾದಕ ಬಾದಕೊಲೆನ್ ಸಮಾಜೊಗು ತೆರಿಪಾದ್ ಕೊರ್ಯೆರ್.ಬಯಕೆದಾನಿ ಅನಾವಸ್ಯಕವಾದ್ ಕರ್ಚಿ ಮಲ್ಪುನೆಬ್,ಸಾವುದಾನಿ ಅನಾವಸ್ಯಕವಾದ್ ಕರ್ಚಿ ಮಲ್ಪುನೆನ್ ವಿರೋದಿಸಯೆರ್.ಮದಿಮೆ ಆದ್ ಸಂಸಾರ ಸರಿ ಪೋವಂದೆ ಬರ ಪನ್ಪುನಿ(ವಿಚ್ಛೇದನ),ಒರಿಯೆ ಪಿರಪಿರ ಬೇತೆ ಬೇತೆ ಪೊಣ್ಣುಲೆನ್ ಮದಿಮೆ ಆಪುನಿ,ಉಂದು ಸಮಾಜದ ಬುಳೆಚಿಲ್ ಗ್ ಎಡ್ಡೆ ಅತ್ತ್ಂದ್ ಅವೆನ್ ಉಂತಾಯೆರ್. ಒರ್ಯಗ್/ಒರ್ತಿಗ್ ಬರ ಪನ್ಯೆರೆ ಅನಿವಾರ್ಯ ಆಂಡ ಬರ ಪನೊಲಿ, ಕುಡ ಬೇತೆ ಮದಿಮೆ(ಪುನರ್ವಿವಾಹ) ಆಯೆರೆ ಅನಿವಾರ್ಯ ಆಂಡ ಆವೊಲಿಂದ್ ಪಂಡೆರ್.ಸರಳವಾದ್ ಮದಿಮೆ ಆಪುನೆಕ್ ಒತ್ತು ಕೊರ್ನ ಗುರುಕುಲು ಪೊಸ ಪೊಸ ದೇಲ್ಯೊಲೆನ್ ಕಟ್ಟುನೆನ್ ವಿರೋದಿಸಯೆರ್.

     ತೆನ್ಕಾಯಿ/ದಕ್ಷಿಣ ಕಾಶಿ ಆಯಿನ.ವರ್ಕಲೊಗು ನಾರಾಯಣ ಗುರುಕುಲು ಬತ್ತ್ ದ್ 1904 ಟ್  ಅವ್ಲು ದಾರ್ಮಿಕ ಮಠೊನು ತಾಪನೆ ಮಲ್ದೆರ್. ವರ್ಕಲ ಜೇರೊಲೆನ್/ಬೆಟ್ಟೊಲೆನ್ ಶಿವಗಿರಿ ಪಂಡ್ ದ್ ಲೆಪ್ಪುವೆರ್.    ಶಿವಗಿರಿ ಶಿವೆ ಬೊಕ್ಕ ಶಕ್ತಿ(ಪಾರೊತಿ)ನ ಕ್ಷೇತ್ರ ..ವರ್ಕಲ ತ್ರಿವೇಂಡ್ರಂರ್ದು 20 ಮೈಲ್ ದೂರೊಡುಪ್ಪುನ ಕಡಲ ಬರಿತ/ಕರಾವಳಿ ತೀರದ ಪೇಂಟೆ/ಪಟ್ಟಣ ಆದುಂಡು .1912 ಟ್ ಶಿವಗಿರಿಟ್ ಶಾರದಾ ದೇವಲ್ಯೊನು ತಾಪನೆ ಮಲ್ದೆರ್..ನಾರಾಯಣ ಗುರುಕುಲು ಶಿವಗಿರಿನ್ ತಾಪನೆ ಮಲ್ತಿ ಬೊಕ್ಕ ಅಲವಯಿಗ್ ತನ್ನ ವಾಸ್ತವ್ಯೊನು ಬದಲ್ತ್ ದ್ ಅವೆನ್ ಪ್ರದಾನ ದಾರ್ಮಿಕ,ಸಾಂಸ್ಕೃತಿಕ ಕೇಂದ್ರ ಮಲ್ತೆರ್.ಅಲವೇಯಿಡ್ ತುದೆ ಬರಿಟ್ ತಾರಿದೊಲಿ ಮಡಲಡಿಟ್ ಆರ್ ದ್ಯಾನೊಗು ಕುಲ್ಲೊಂತೆರ್.ನಾರಾಯಣ ಗುರುಕುಲ್ನ. ಉಡಲ್ ದ ಗುರುಕುಲಾಯಿನ ಶಂಕರಾಚರ್ಯೆರೆ ನೇರ್ಪುಗಾದ್1914ಟ್ ಅಲವಯಿಡ್ ಅದ್ವೈತ ಆಶ್ರಮೊನು ತಾಪನೆ ಮಲ್ದೆರ್.ಆ ಆಶ್ರಮ ಅದ್ವೈತ ಬೊಕ್ಕ ತತ್ವ ಶಾಸ್ತ್ರೊನು ಬೋದನೆ ಮಲ್ಪುನ ಕೇಂದ್ರ ಆಂಡ್.ಮಾತ ಜಾತಿ ಸಮುದಾಯದ ಜನೊಕುಲ್ಲಾ ಅರೆಗ್ ಶಿಷ್ಯೆರಾದಿತ್ತೆರ್.ಸಮಾಜದ ತಿರ್ತ ಜಾತಿದಕುಲ್ಲಾ ಬಗವದ್ಗೀತೆದ ಶ್ಲೋಕೊಲೆನ್ ಪಠಣೆ ಮಲ್ಪೆರೆ ಅವಕಾಶ ಅವ್ಲಿತ್ತ್ಂಡ್ .ಅಕುಲ್ಲಾ ದೇಲ್ಯೊಲೆಡ್ ಪೂಜೆ ಮಲ್ಪೊಲಿತ್ತ್ಂಡ್.ಗರುಕುಲ್ನ ದೃಷ್ಠಿಡ್ ಬಡವೆರ್ನ,ಬದ್ಕೆರ್ನೇ ಆವಂದಿ ಪರಿಸ್ಥಿತಿಡ್ ಬದ್ಕೊಂತ್ ನಕ್ಲೆನ ಸೇವೆನೇ ಬಗವಂತನ ಸೇವೆಯಾದಿತ್ತ್ಂಡ್.ಈ ಇಚಾರೊನು ತೂನಗ ಬಸವಣ್ಣೆರೆ ಅನುಭವ ಮಂಟಪ ನೇರ್ಪುಗು ಬರ್ಪುಂಡು.ದೇವೆರೆ ಪುದರ್ಡ್ ಪೆರಣಿಲೆನ್ ಕೆರ್ಪುನವು ಗುರುಕುಲೆಗ್ ಸರಿ ತೋಜಂದೆ ಇಂಚಿನ ವಿರೋದಾಭಾಸೊಲೆನ್  ಉಂತಾಯೆರೆ ಪಂಡೆರ್.ಸಮಾಜೊಡು ಪಿರಬೂರ್ದಿತ್ತ್ ನ/ಹಿಂದುಳಿದ ವರ್ಗೊಲೆನ್ ಒತ್ತಟ್ಟ್ ಗ್ ಕನತ್ ದ್ಸಂನಘಟಿಸಯಿನ ನಾರಾಯಣ ಗುರುಕುಲು ಪರೋಪಕಾರನೇ ತನ್ನ ಬದ್ ಕ್ ದ ಮಲ್ಲ ದ್ಯೇಯಂದ್ ಸಾರ್ಯೆರ್.ಬಾರ್ಯಾತ್ ಪ್ರವಾಸ ಮಲ್ತ್ ನ ಗುರುಕುಲು ಕೇಪ್ ಕೊಮೊರಿಡ್ದ್ ಕುಡ್ಲ ಮುಟ್ಟ ಮಾತಾ ಜಾತಿ ನತ ವರ್ಗೊಲೆದ ಜನೊಕ್ಲೆರ್ದ್ ಗುರುಕುಲು ಪನ್ಪಿ ಮಾನಾದಿಗೆ ಪಡೆಯೆರ್.

      ನಾರಾಯಣ ಗುರುಕುಲು ಅರುವಿಪ್ಪುರಂ ಡು ಆಳವಾಯಿನ ದ್ಯಾನೊಡು ಒಂತೆ ದಿನೊಕ್ಲೆನ್ ಕರಿಯೆರ್.ಅವ್ಲು ಬಾರೀ ಮಲ್ಲ ಸಾಮಾಜಿಕ ಕ್ರಾಂತಿದ ಬಿತ್ತ್ ನ್ ಬಿತ್ಯೆರ್.ಆ ಕಾಲೊಡು ತಿರ್ತ ಜಾತಿದಕ್ಲೆಗ್ ದೇವಸಾನದುಲಯಿ ಪೊಗ್ಗೆರಿಜ್ಜಾಂಡ್.ಅಕುಲು ಪೂಜೆ. ಮಲ್ಪುನ ನಿಶೇದ ಅದಿತ್ತ್ಂಡ್.ಶಿವರಾತ್ರೆದ ದಿನ ಗುರುಕುಲು ಬಾರೀ ಗೌಜಿಡ್ ಶಿವನ ಮೂರ್ತಿನ್ ಪ್ರತಿಷ್ಠಾಪನೆ ಮಲ್ದೆರ್.ನೇಲ್ಜಾತಿದಕ್ಲೆ ದೇವಾಲ್ಯೊಗು ಪ್ರವೇಶ ದಾಂತಿ ಮಾತ ಜಾತಿ ಜನಾಂಗದ ಜನೊಕ್ಲೆಗ್ ಅರುವಿಪ್ಪುರಂದ ದೇಲ್ಯದುಲಯಿ ಮುಕ್ತವಾದ್ ಪೋಯೆರೆ ಅನು ಮಲ್ತ್ ಕೊರ್ಯೆರ್.ಈ ದಾರ್ಮಿಕ ಕ್ರಾಂತಿ ಹಿಂದೂ ಸಮಾಜೊನು ಒಟ್ಟು ಮಲ್ಪುನ ಬೇಲೆನ್ ಮಲ್ತ್ಂಡತ್ತಂದೆ ಧರ್ಮ ಪುನರ್ ಪ್ರತಿಷ್ಠಾಪನೆಗ್ ತಾದಿ ಮಲ್ತ್ ಕೊರ್ಂಡ್.ನಂಬೂದರಿಯೊರಿ ಇರೆಗ್ ಮೂರ್ತಿ ಪ್ರತಿಷ್ಠಾಪನೆ ಮಲ್ಪೆರೆ ದಾದ ಹಕ್ಕುಂಡು ಕೇನ್ನಗ ನಾರಾಯಣ ಗುರುಕುಲು "ಯಾನ್ ಕೇವಲ ಈಳವ ಶಿವನ್ ಪ್ರತಿಷ್ಠಾಪನೆ ಮಲ್ತೆ"ಂದ್ ತಮಾಸೆಡೇ ಉತ್ತರ ಕೊರ್ಯೆರ್.ನಮ ಏಪಲಾ ದೇವಸಾನೊಗು ಅವಕಾಶ ಕೇನುಜ,ಉಂದು ನಮ್ಮ ಶಿವೆಂದ್ ಶಾಂತಿಡೇ ಉತ್ತರ ಕೊರ್ಪುನ ಮುಕಾಂತ್ರ ಸಮಸ್ಯೆಲೆನ್ ನಿವಾರಣೆ ಮಲ್ತೆರ್.ಪ್ರತಿಯೊರಿಯಗ್ಲ ಶಿವಲಿಂಗೊನು ಪೂಜೆ ಮಲ್ಪೆರೆ ಅಧಿಕಾರ ಕೊರ್ನ ಜಗತ್ತ್ ದ ಒರಿಯೇ ಒರಿ ಗುರು ನಾರಾಯಣ ಗುರುಕುಲು.ತಿರ್ತ ಜಾತಿದಕ್ಲೆಗ್ ದೇಲ್ಯೊಗು ಪೊಗ್ಗೆರೆ ಅವಕಾಶ ಇಜ್ಜಿ,ಪೂಜೆ ಮಲ್ಪೆರೆ ಅವಕಾಶ ಇಜ್ಜಿಂದ್ ಮೇಲ್ವರ್ಗದ ಜನೊಕ್ಲು ಪನ್ನಗ " ನಮ ಸೃಷ್ಠಿ ಮಲ್ತ್ ನವೇ ದೇವೆರ್,ನಂಬುನಾಯನ/ಬಗ್ತನ ಬಗ್ ತಿಗ್ ಆಯೆ ಮೆಚ್ಚಂದೆ ಉಪ್ಪೆರೆ ಸಾದ್ಯನಾ,ಮನ ಬಗ್ ತಿಡ್(ಬಕ್ತಿಯ ಹೃದಯೊಲೆಡ್ದ್) ಸಾರ ಸಾರ ಕೈಕುಲೆಡ್ ನಿಚ್ಚ ಪೂಜೆ ನಡಪಡ್ಪಂಡ್"ಂದ್1888 ಡು ಅರವೀಪ್ಪುರಂಡು ನಾರಾಯಣ ಗುರುಕುಲು ಸುರೂತ ಶಿವಲಿಂಗೊನು ತಾಪನೆ ಮಲ್ದೆರ್.1920 ಡು ಸಮಾಜದ ಮಾತ ಜಾತಿ ವರ್ಗೊಲೆದ ಜನೊಕ್ಲೆನ್ ಸೇರಾವೊಂದು ಒತ್ತಟ್ಟ್ ದ ವನಸ್/ ಸಹಪಂಕ್ತಿ ಬೋಜನ ಮಲ್ತ್ ನ ಜಗತ್ತ್ ದ 'ವೀರಸಂತೆ' ಪಂಡ್ ದ್ ಪುಗಾರ್ತೆ ಪಡೆಯಿನೊರಿಯೇ ಒರಿ ಗುರು ಏರ್ ಪಂಡ ಬ್ರಹ್ಮ ಶ್ರೀ ನಾರಾಯಣ ಗುರುಕುಲು.ಇಡೀ ದೇಶೊಡು ಸುರೂತ ಸರ್ತಿ ಕೇವಲ ಬೆರಣೆರೆಗ್ ಮಾತ್ರ ಇತ್ತ್ ನ ದೇಲ್ಯದ. ಚಾಕಿರಿದ ಹಕ್ಕ್ ನ್ ಬೆರಣೆರತ್ತಂದಿ  ಸ್ವಾಮಿಯೊರಿ ಪಡೆಯೊಂಡೆರ್ ಪಂಡ ಆ ಕೀರ್ತಿ ಬ್ರಹ್ಮ ಶ್ರೀ ನಾರಾಯಣ ಗುರುಕುಲೆಗ್ ಸಂದುಂಡು.ನಿಜವಾಯಿನ ಯೋಗಿಗ್ ಮೂರ್ತಿ ಪ್ರತಿಷ್ಠಾಪನೆ ಮಲ್ಪುನ ಹಕ್ಕುಂಡುಂದು ನಾರಾಯಣ ಗುರುಕುಲು ಪಂಡೆರ್.ಒವ್ವೇ ದರ್ಮ ಆವಡ್ ನರಮಾನ್ಯನ್ ಎಡ್ಡೆಂತ್ ನಾಯೆ ಆದ್ ಮಲ್ಪುನವೇ ಧರ್ಮಂದ್ ಗುರುಕುಲು ಪಂಡೆರ್.ಶಿವ ದೇಲ್ಯೊನುತಾಪನೆ ಮಲ್ತಿ ಬೊಕ್ಕ ಈ ದೇಲ್ಯ ಸಮಾಜದ ಮಾತ ಜಾತಿ ಮತ ದರ್ಮ,ವರ್ಗದಕ್ಲ್ ಲಾಬ ಪಡೆಯುನ ಆದರ್ಶದ ಜಾಗೆ. ಆವೊಡುಂದು ನಾರಾಯಣ ಗುರುಕುಲು ಘೋಷಣೆ ಮಲ್ದೆರ್.ದೇಲ್ಯೊಲು ನರಮಾನ್ಯನ ಬದ್ ಕ್ ದ ಎಡ್ಡೆಗಾದ್/ಕಲ್ಯಾಣೊಗಾದ್ ,ಬುಡುಗಡೆಗಾದ್ ಉಪ್ಪುನ ಅದ್ವೈತ ದಾರ್ಮಿಕ ಮಾರ್ಗದ ಧಾರ್ಮಿಕ ಶ್ರದ್ದಾ ಕೇಂದ್ರ ಪನ್ಪುನೆನ್ ತೆರಿಪಾಯೆರ್.ಬಡವೆರೆ ದೇವೆರ್ ಶಿವೆ.ಕೈಕೆಕ್ಕುನ ರೀತಿಡ್ ಬಡವೆರೆಗ್ ಶಿವನ್ ಆರಾದನೆ ಮಲ್ಪೆರೆ ಸಾದ್ಯ ಪನ್ಪುನವು ನಿತ್ಯ ಸತ್ಯ.ಆಡಂಬರದಾಂತೆ ಉಪ್ಪುನ,ಆಡಂಬರದಾಂತೆ ಪೂಜೆ ಕೈಕೊನುನ ದೇವೆರ್ ಏರ್ ಪಂಡ ಶಿವೆ ಮಾತ್ರ.ಶಿವನ್ ಏರೆಗ್ಲ ಆರಾದನೆ ಮಲ್ಪೊಲಿ.

           ಆಲ್ವಾಯಿಡ್ 1924ಟ್ 2 ದಿನತ ಸರ್ವ ದರ್ಮ ಸಮ್ಮೇಳನೊನು ಗುರುಕುಲು ನಡಪಾಯೆರ್.ಜಗತ್ತ್ ದ ಬೇತೆ ಬೇತೆ ಬಾಗೊಗು ಪೋದು ಪೋಯಿನವ್ಲು ವಿಶ್ವಮಾನವತ್ವೊನು ಬೋದನೆ ಮಲ್ದೆರ್.ಅರೆನ ಈ ಒಂಜಿ ಪಾತೆರ ನಮ್ಮ. ಗೇನೊನು ನಿಚ್ಚ ಜಾಗೃತಿ ಮಲ್ಪುಂಡು," ದೇವೆರೆ ಸೇವೆ ಮಲ್ತ್ಂಡ ತನ್ನ ಒರಿಯನ ಏಳಿಗೆ ಮಾತ್ರ ಆಪುಂಡು,ಅಂಡ ದೇಶ ಸೇವೆ ಮಲ್ತ್ಂಡ ಬಾರ್ಯಾತ್ ಜನೊಕ್ಲೆನ ಅಬಿವೃದ್ದಿ/ಕಲ್ಯಾಣ ನಿಚ್ಚಯ "ಏತೊಂಜಿ ತಿರ್ಲ್ ದಿಂಜಿ ಪಾತೆರ?.ದೇಶ ಸೇವೆನೇ ಈಶ ಸೇವೆಂದ್ ತೆರಿನಾರ್ ಬ್ರಹ್ಮ ಶ್ರೀ ನಾರಾಯಣ ಗುರುಕುಲು.ದೇಶ ಸೇವೆ ಬೊಕ್ಕ ಈಶ ಸೇವೆದ ಸಮನ್ವಯನೇ ನಮ್ಮ ಜೀವನದ ಗುರಿಯಾದುಪ್ಪೊಡುಂದು ಅರೆನ  ಬದ್ ಕ್ ದ ಕಡೆಮುಟ್ಟಲ ಪನೊಂದು ಬತ್ತೆರ್.ತಾನ್ ಪಡೆಇನ ಗೇನ/ಜ್ಞಾನೊನು ಬಡವೆರೆ,ದೀನ ದಲಿತೆರೆ ಉದ್ದಾರೊಗಾದ್ ಕಾಪುದೀಯೆರ್(ಮುಡಿಪಾದ್ ದೀಯೆರ್).ಬೇನೆ ಬೆಸರ್ಕೆಡ್ ನರ್ಗ್ ದ್ ಪೋಯಿನ ಜನೊಕ್ಲೆನಡೆ ಬತ್ತ್ ದ್ ಅಕ್ಲೆ ಬೇನೆಗ್ ತಾಂಗಾದ್ (ಸಾಂತ್ವನ ಕೊರ್ಯೆರ್) ಉಂತ್ಯೆರ್.1899 ಟು ಅರಿವಿಪ್ಪುರಂಡು ದೃಲ್ಯೊದ ಆಡಳ್ತೆನ್ ತೂವೊನ್ಯೆರೆಂದ್ ಗುರುಕುಲು ತಾಪನೆ ಮಲ್ತ್ ನ ಯಸ್.ಯನ್.ಡಿ.ಪಿ.ಸೊಸೈಟಿ ( ಶ್ರೀ ನಾರಾಯಣ ಗುರು ದರ್ಮ ಪರಿಪಾಲನಾ ಯೋಗಂ ಸೊಸೈಟಿ ) ಆರ್ಥಿಕವಾದ್,ಸಾಮಾಜಿಕವಾದ್ ಪಿರಬೂರ್ದಿನಕ್ಲೆಗ್ ಸಗ್ತಿ ದಿಂಜಾವುನ ಸಂಸ್ಥೆಯಾಂಡ್." ಶಿಕ್ಷಣ ಪಡೆಲೆ ನಿಕುಲು ಸ್ವತಂತ್ರೆರಾಪರ್,ಒತ್ತಟ್ಟಾಪರ್(ಸಂಘಟಿತೆರಾಪರ್),ಗಟ್ಟಿಯಾಪರ್(ಬಲಿಷ್ಠೆರಾಪರ್),ಪೊಸ ಪೊಸ ಬೇಲೆನ್ (ಉದ್ಯಮೊಲೆನ್)ತಾಪನೆ ಮಲ್ತರ್ಡ ನಿಕ್ಲೆನ ಪಣವುದ ತಾಕತ್ತ್(ಆರ್ಥಿಕ ಪರಿಸ್ಥಿತಿ) ಸುದಾರ್ಯುಂಡು"ಪಂಡಿನ ನಾರಾಯಣ ಗುರುಕುಲ್ನ ಸಮಾಜಪರ ಚಿಂತನೆನ್ ಜನೊಕ್ಲೆನಡೆ ಎತ್ತಾಯೆರೆ "ವಿವೇಕೋದಯಂ"ಪನ್ಪಿ ತಿಂಗೊಲ್ದ ಪತ್ರಿಕೆನ್ ಅಚ್ಚಿ(ಪ್ರಕಟ) ಮಲ್ಪಾಯೆರ್.ಒಟ್ಟಾರೆ ಪನ್ಪುಂಡ ಶೋಷಣೆದ ಕತ್ತಲೆಡ್ ಬೂರ್ದಿತ್ತ್ ನ ಶೋಷಿತ ಸಮಾಜೊನು ಬೆಳಗಾವುನ ದಿವ್ಯ ಚೇತನವಾದ್ ಬ್ರಹ್ಮಶ್ರೀ ನಾರಾಯಣ ಗುರುಕುಲು ಉದಿತ್ ಬತ್ತೆರ್.ಅರೆಗ್ ಅರೆನ ಬದ್ ಕ್ ದ ಕಡೆ ಕಾಲೊಡು ವಯೋ ಸಹಜವಾಯಿನ ಅಜೀರ್ಣ ಬೊಕ್ಕ ಪ್ರಾಸ್ಟೇಟ್ ಉರಿಯೂತ ಕಾಯಿಲೆ ಬತ್ತಂಡ್.ಬಾರ್ಯಾತ್ ಮರ್ದ್ ಮಲ್ತ್ಂಡಲ ಸರಿ ಮಲ್ಪೆರೆ ಆಯಿಜಿ.ಆಂಡಲಾ.ಬಕ್ತ ಜನೊಕ್ಲೆನ ಎದುರುಡು ದ್ಯಾನ ಮಲ್ತೊಂದಿಪ್ಪುನಗನೇ 1928 ಸೆಪ್ಟಂಬರ್ 20ನೇ ತಾರೀಕ್ ದಾನಿ ಬ್ರಹ್ಮ ಶ್ರೀ ನಾರಾಯಣ ಗುರುಕುಲು ಸಮಾದಿ ಆಯೆರ್.ಆರ್ ಸಮಾದಿ ಆಯಿ ಬೊಕ್ಕ ಥಿಯೋಸೋಫಿಕಲ್ ಸೊಸೈಟಿದ ಗುರ್ಕಾರ್ರಾದಿತ್ತ್ ನ(ಅದ್ಯಕ್ಷೆರ್) ಅನ್ನಿಬೆಸೆಂಟೆರ್ ಒಂಜಿ ಪತ್ರಿಕೆಡ್ ಇಂಚ ಬರೆತೆರ್ "ನಾರಾಯಣ ಗುರುಕುಲ್ನ ಬದ್ ಕೇ ಸನಾತನ ಹಿಂದೂ ದರ್ಮದಂಚ ಇತ್ತ್ ದ್ ಅರೆನ ಸೇವಾ ವ್ಯಾಪ್ತಿ ವಿಶಾಲ ಆದಿತ್ತ್ಂಡ್,ಚಿಂತನೆಲು ಅಮೂಲ್ಯವಾದಿತ್ತ್ಂಡ್.ಒವ್ವೇ ಒಡಕ್ ದಾಂತಿ(ಲೋಪದೋಷ) ಜನಪರ ಕಾಳಜಿ ಅರೆಗಿತ್ತ್ಂಡ್,ಇಂಚಿಪ್ಪದ ಶತಮಾನೊಡು ಇಂಚಿನ ಗೌರವ,ಮಾನ್ಯತೆ ಪಡೆಯಿನ ಸ್ವಾಮಿಲು ಬೇತೆ ಏರ್ಲ ಇಜ್ಜೆರ್,ಯೋಗೊಡು ಆರ್ ಪತಂಜಲಿ,ಜ್ಞಾನೊಡು ಶಂಕರೆರ್,ಅಹಿಂಸೆಡ್ ಬುದ್ದೆ,ಮಾನವೀಯತೆಡ್ ಏಸುಲೆಕ ಇತ್ತೆರ್,ಆರೊರಿ ದೇವೆರ್ನ. ಅವತಾರನೇ ಆದಿತ್ತೆರ್,ಬವಿಸ್ಯೊಡು ಅರೆನ್ ದೇವೆರಾದ್ ಆರಾದಿಸವೆರ್" ಪಂಡ್ ದ್ ಬರೆಪೆರ್.ಅಂಚನೆ ನಮ ಇನಿ ಬ್ರಹ್ಮಶ್ರೀ ನಾರಾಯಣ ಗುರುಕುಲೆನ್ ಗುರು-ದೇವೆರಾದ್ ಆರಾದನೆ ಮಲ್ತೊಂದುಲ್ಲ.ಆರ್ ಸಮಾಜೊಗು ಕೊರ್ನ ಚಿಂತನೆಲು,ಸಮಾಜೊಡು ಶೋಷಿತ ವರ್ಗೊನು ಆರ್ ದೆರ್ತ್ ಪತ್ತ್ ನ ರೀತಿ, ಸರ್ವ ಸಮಾನೆತೆಡ್ ಸರ್ವ ಜಾತಿಲು ದೇವೆರೆನ್ ಆರಾದನೆ  ಮಲ್ಪೆರೆ ಆರ್ ಮಲ್ತ್ ಕೊರ್ನ ಅವಕಾಶೊಡ್ದಾದ್  ಬ್ರಹ್ಮ ಶ್ರೀ ನಾರಾಯಣ ಗುರುಕುಲು ಜಗತ್ತ್ ತೂಯಿನ  ಮಹಾನ್ ಸಂತೆರಾದ್ ತೋಜಿದ್ ಬರ್ಪೆರ್.

                                       ,,,,,,,,,,,,,,,,,,, 

.

ಅಗೋಳಿ ಮಂಜಣ್ಣೆ

        ‌‌   ‌                 ಅಗೋಳಿ ಮಂಜಣ್ಣೆ

    

ತೋಡಕುಕ್ಕಿನಾರ್ ಕಣಂದೂರು

onji radd jana namma daiva samskritin tamashe malternd daivasthanodu nema apunen video chitree karana malpere balli,pata deppere balli panpunavu tappu .kelavu sarthi daivasthanodu apara bolli bangar sothuppundundu altha daivada nemada,daivada pata deppere budpujer .pata dethnda daivasthalatha pavithryathe popundundu panpunavu shudda tappu .daye panda daivada jageda sutha muthada janoklu doora desodupver akleg nama namma oorda janapada aradhana samskriti ayina daivaradhanen daye toopayere balli?.avu namma malla aradfhana samskrithi .namakithe manaranjaneg aata,nataka cinema undu .pirakda kalodu bharatha natyadanchina natya budnda bete kale gottippande uppere yavu .anchina sandarbodu manaranjanegad inchina onji janapadeeya nritya kale bathupperla yavu .avve bokka daivaradhaneda kale aad nambike aad buledupperla sadhya undu .
daivada kathetla anchane deverna kathek yetho holpadi undu .utarneg panodu pand danda ganapathig yencha eeswara dever aneda mone deeyera ,anchane moola maisandaye dumbu namalekane  bale.aabalen yeru tad d kernekatra erutha tare deeper .bokka daivodu surutha pooje korper.anchane matha daivada kathetottigela hechad devere kathele serigeyadundu.aathe ath nagaradhane namma thulunad da malla samskrithi .uchu tuchinda dumbuda kalodu naramanibadkondijjaand . anchina sandharbodu dada manter naramaani panda aa uchunu deveraad nambyer .devereg prathiyad baidna daivaradhanedla uchu prathiyonji jagedla tojundu.deverenla nage budtji.anchane daivada tare,tarepatta,pugel, banji,sonta ottare matha jagedla uchuda akriti malter .aven toonaga nama uchuda isoku yet podivana daivogla nama aate podiva.daiva muninda badkand pand d daivogu nema kola jatre korpa.
nanonji margild toonaga onji kalodu itihasa prasidda vyaktilu aad poter .anchinaklu samajada shanthig bodad ,anyayonu yedursad kaya bud du maya serder .anchinaklen dumbudaklu daiva aad tooyer .ithihasogu pad danada lepa kordu aa moolaka onji vyktin daiva aad sristi maltd nambyere suru malter .aa vyakti bokka janokle kashta pariharo malthend nambere suru malter..onji daiva rakshane malpunda matra aven nambodu .avu bud du nambinaklen aa daiva muttudu kerpunda daye nambodu panle?.anchane pili bhootonu onji udaharane detonga.yeto varsod dinchi yera onji raje pili bhoota malpavontege.aved d bokka kala kramena pili bhoota karnikogu bathnd .aveta patri muttnda onji varsadulai naramani saipend pander .muttudu daiva birinaga muttnayana budedi yeduruntnda aaye sayyaayend pander .undu nambikena,apanambikena,moodanambikena ,dadand panodu?aate ath aa pilibhoota muttd naalain varsa aad badknakl  aa sutta mutta inila uller .incha poora gondala vasthavatele jasthi.
dumbuda veera purusher bonteg povonter .akl hechige oorugu mari aayina kada panjine bonte deronter .akl kerna panjida nempugad aveta taren dethd deeduppodu .avu kala kramena aa vyaktilu teeri bokka daivada nelet pooje padeduppodu .hechina daivada muga toonaga avu terid barpundu...utarneg malarai,panjurli,dhoomavathi,varahi .inchi daivolu.bantanala tare mith anit kelavutikd muga deeper .aanda kondana kshetrodu onthe binna aadundu.bantag peta kattd avetha mith muga deed yelya ani uppundu ,kadek bante avlu uppuna bantakalld kullundu .alta bantakalln yerla muttere ballind panper .avlu mukyavad mundathaya panda vaidyanatha,bokka pilichandi nema nadapundu .baari janasankye seruna jage aate korila balik serundu.bokka alta vishesha panda video,chitra deppere ballind.altha nemonu thulunad dakl avle bathd toovodundu abhiprayana danna teriyand.pata dethnda ovve daiva sannidhida kale karnika kammi aavand .daye panda ovve kshetrada daivada sutha muthalda jana jagathda sutta upver .akleg teriyodanda video chitreekarana bode.dumbu moolu incha nema avontundu,nemada vaibhava incha ittndnd dumbuda peelige toovoli .avek ovve daivakshetradakl avakasha malth korodayinavu dharma.

puthooru kadet balnad ullaldina pata,video deppere ballige .daye panda avlu ullaldina nema ponjanakl toopuleka ijji.bokka ponjanakl aaullaldina madmal roopa toonda akle manasse chanchala aapunduge.dada nambikena ,dada kalpanena teriyand .ancha jana pratheethi undu .ovve dakale ithnda aven dumbuda peelige toodu santhosha padevu .aa bhagyonu thuluverad nama dumbuda peeligeg orthu korodayinavu namma dharma .jagath itte kaithade baidnd ,antarjalada moolaka.apaga nama namma porluda samskritin jagattg teripavode ,avek avakasha nama malt korode.kelavu tikd brahma balandina nemadavlu kutumbadakleg bud du betekleg chitra deppere budpujer .undu vaa nyaaya panle?.kelaver bete tikd daivada nemada video ,pata depver .aanda akle oorda daivada pata deppere daivasthanadakl budpujer .undek dadapanodu?.
kudonji vishesha namma dada panda kelavu varsha dumbu video chitreekaranogu avakasha korontina daivakshetrolu onte varsha untaad itte pira chitreekaranogu avakasha korpa .undu viparyasa.kelavu tikd pidayidakl vido,pata deppere balli,kutumbadakl deppolind panper ,kelavu tikkd camarodu pata deppere balli,mobiled deppoli panper .ee namma gojalu gojalu nambiken dadand panpar niklu?.kand d  kanapadithayana pata dettnda manadani saipand podipayina janala undu .ee thaaya,thaayi daivolu naramanyan kerpundu panda nama aven nambode?.nama daivogu podyere balli daivonu nama moke malpodu .apaga namma samskrithi nanalaath bulevu.puthoordanchi olo onji thikkd vidio malpunaga yero aa videonu pothanaga daivane abhaya kornd.nikl ancha pothavade .akl namma kutumbadakleg ee mukantra namma porlu toopavernd .apaga daivogla namma samskriti oripodu panpina kalaji undunde teriyoli.daivada pata kand d deppere balli panda yetodaivolu deveren kandondu baida apaga aik nikl dada panpar? utarneg manjunathan kadired d mannappe kandonde baidni.nama byarlena daiva babbarye,alibhootonla nambuva .incha nabunaga pata deppere balli,video malpere ballind panpunavu samskriti priyereg shobhe ath.namma samskrithi oriyodanda aven chitreekaranada moolaka aa vaibhavonu ortonodu.toole dumbudakl tale garit bared deetjerda namma samskrithi nank teridve? devere samskriti incha tale garit bhadra aduppunaga namma thulu samskritida namma nambikeda daivee samskritin achid daye oriper balli?.onje daiva ,pili chandi,bante,ullalthi,mundathya,jumadi panjurli,vyagrachamundi kelavutikkd pata video deppere balli panda avve daivada avve karnikada bete jaged avakasha tikkundu pand danaga avaravara bhavakke avaravara bhagavantha panpi patera nempapundu
.dumbu daivada pata dethnda majundu kelavu kadet podipavonter.kelavu kadet pata detharda video pothudu povundu podipavonter .aanda ovve dharmika kshetra devasthanoled pata deppere ballind olla panpujer.kelavu tikd radradd adalithadakl ittndadaiva patrig kaas korpaad sullu panpavnavu,dondi,jeetige[mukakke masi baliyuvudendartha] dakaavnavlaa undu.dadane panle nama yedde uddeshodu video,pata deppere bathnda thulunad da mith abhimana uppuna yere daivasthanada mukyakaryantere avad avakasha korpunavu namma dharma .kappe guveldulai kuldu yenna guvele malla samudrand yennileka yenyande vishalavad yochane maltd avakasha malt korodunde yenna ashaya.

ಉಲ್ಲಾಲ್ದಿ ಮುಗ ಕಣಂದೂರು ಕೂಟಾಜೆ

NAGANA JIDE IJJANDINA VAA DAIVALA IJJINDE PANOLI TULUNAD D. NAGE PANDA ISA .ISA MUTTNDA NARAMANI BADUKUJI .ANCHANE DAIVA MUNINDA NARAMANI BADKUJE .ANCHAD TULUNADA DAIVOLDA PRATHIYONJI MUGOTLA AVETA ANCHINCHI KEBI NAGA JIDE ADUPPUNDU .AATE ATH NETHIDLA NAGAJIDE UPPUNDU.ANCHINCHI PUGELDLA NAGA JIDE RACHANE UPPUNDU .KELAVU DAIVOLDA BANJID NAGA JIDE RACHANE ITTNDA KELAVUDAIVADA TIGALED,PONNU DAIVANDA MIRETHA PANDA BEDE KATTADA MITHA BHAGODU NAGARACHANE UPPUNDU JIDETHA .OTTARE DAIOLDA TAREPATTID D SARRA IDEE NAGARACHANE UPPUNDU.AATE ATH NAGE PANDA ULAMANASDA,KAMA,KAMANEDA ONJI SHAKTHI .DAIVALA ANCHANE MAYOKADA SHAKTHI .OTTAARE NAGAG ANCHANE THULUNADA DAIVOGU AVINAABHAAVA SAMBHANDA UNDU PANPINAVU SATYA. AATHE ATH HECHINA RAJANDAIVOLU BILL PAGARI PATHD BONTEG POPINA JATREDAULU TOOVERE TIKKUNDU.HECHINA DAIVOLDA MONE PANJIDANCHA ITHNDA [MUGA ]KELAVU TAREMUDIT PANJIDA MONE,MUSUNTU DEEPA.OTTARE TOONAGA DAIVARADHANEDA MITH BONTE SAMSKRITILA PRABHAVA BEERDUPPODU.PANJID D DOSHA BANNAGA PANJIN NASHA MALDINA AA KALADA MALLA NAYAKER KALAANUKRAMODU DAIVEE PURUSHERAD AKLENA BAHULYODU PANJIDA MONENE MUGA AAD PANDA AKLE GURTHA ITTEDA BASED PANPUNDA ANANYATE[IDENTITY] AAD ORIDUPPODU.ITHIHASA PURUSHEREN DAIVEE LEPODA PAD DANODU PODED VYAKTHI SAMASHTIDEDURU DAIVEE SHAKTI APUNA PURUSHASIMMATVA,IJJINDA PONNUDAIVADA ROOPODU BIRSEDI AAD SAMAJONU AALULEKKAADUPPODU.OTTARE PURANA,ITHIHASA,SAMAJODA TIRTHA JANANGONU TORPUNA DABBALIKEDA VIRUDDA NARAMANI DAIVA AAYINA SANGATI SATHYANE ADUNDU.

ಕಲ್ಕುಡ ಕಲ್ಲುರ್ಟಿ ದೈವ ಕಡಂಬು

APPE KALLURTI KAYA BUD DU MAYA SERI BOKKA THULU NAD D D THIRUPATHIG POPAL ANNANOTTUGU .AVLU TIRUPATHI DEVERDAVARA KENNAGA AAR NAAGA BETTA VARAVAAD KORPER .ALTH BOKKA APPE KALLURTY BOLARA MAAMMAAYINA KAITADE BARPAL MAAMMAAYINA DANDIGEG PUGEL KORNAGA YENK DADA KORUVARAPPEND VARA KENVAL .APAGA YENKMONEG SAARA CHUKKI AANDA NIKK SAARATHONJI CHUKKIND ASHIRVADA PANPER .ANCHA APPE KALLURTINA MUKAVARNIKED KIRAMO PRAKARA SAARATHONJI CHUKKI UPPUNDU.VRITTI DHARMODU TOONDALA KALLU KUTIKANAKL KALLN KETHNAGA CHUKKI PADLEKA MONEG CHUKKI PADBER.PAD DANODU SARATHONJI AAN DAIVOLU ,NOOTRONJI PONNUDAIVOLUNDU BARPA .NOOTRONJI PANDA NOOTHA AIVATHONJINDARTHA.AATE ATH MAAMMAAYINA MOOJI ABATAROLU PANDA MARIYAMMA,KENCHAMMA,DURGAMMA.BOLARA MAHAMMAAYI PANDA MAAMMAAYI YEL[ 7 ] DONDIDA SEVE PANPAL .AVET MALLA ONJI NILE DONDIN MAAMMAAYI DEEDONDU KUDONJI DONDIN KALLURTIG KORPAL.PANCHA JEETIGE NILE DONDIN KALKUDAG KORPAL .OTTARE DAIVADEVEREDALA HONDANIKE PANPUNA ITTNDND

ದರ್ಶನ ಪಾತ್ರಿಲೆನ ಮಾನೆಚ್ಚಿಲ್ದ ವಸಾಯ

        ‌‌‌‌‌   ‌‌ದರ್ಶನ ಪಾತ್ರಿಲೆನ ಮಾನೆಚ್ಚಿಲ್ದ ವಸಾಯ

   

         ಒರಿ ದರ್ಶನ ಪಾತ್ರಿಗ್ ಒಂಜಿ ದೈವೊಗು ಎಣ್ಣೆ ಆಂಡ ಆಯೆ ನಾಲ್ ಐನ್ ದೈವೊಗು ವಸಾಯೊಗುಂತೆರೆ ಇಜ್ಜಿ.ಒಂಜಿ ದೈವೊಗು ಮಾತ್ರ ಓಡೆ ಪೋಂಡಲ ವಸಾಯೊಗುಂತೊಡು.ಅಂಚನೆ ಒರಾನೆ ಆಜೇಳ್ ದೈವೊಲೆಗ್ ಮಾನೆಚ್ಚಿ ಮಲ್ಪುನ ಕಟ್ಟ್ ಲ ತುಳುನಾಡ್ ಡ್ ಇಜ್ಜಿ.ಇನಿ ಮಾನೆಚ್ಚಿಲ್ ಬುಡಿ ಕಟ್ಟುನಕುಲು ಕೊರಗ ತನಿಯೆ,ಗುಳಿಗೆ,ಕಲ್ಕುಡೆಂದ್ ಒಂಜೆ ದೈವೊನು ಒರ್ಂಬೊರ್ಂಬ ದೈವೊಲಾದ್ ಕಟ್ಟುನ ಪರಿಸ್ಥಿತಿ ಬೈದ್ಂಡ್.ಒರಿ ದೈವೊಗು ಕಟ್ಟುನಾಯೆ ದೈವೊಗು ಕಟ್ಟುನ ಬುಡ್ಂಡ ಮಾನೆಚ್ಚಿಗ್ ಉಂತೆರೆ ಇಜ್ಜಿ.ಬಲಿಮೆ ಪನೆರೆ ಇಜ್ಜಿ.ಮಾಟ ಕಲೆಯೆರೆ ಇಜ್ಜಿ,ಕಲೆಪುನ ಬೇಲೆ ಮಲ್ಪೆರೆ ಇಜ್ಜಿ.ದರ್ಶನೊಗು ಉಂತುನಕುಲು ಮಾನೆಚ್ಚಿಗ್ ಪೋಪರ್ಡ ಒಂಜಿ ವಾರಾಂಡಲಾ ಮದು ಮಾಸ ಬುಡೊಡು.ವಸಾಯೊಗುಂತುನಗ ಮದ್ದೆನ ಒಂಜಿ ಪೊರ್ತುದ ಒನಸ್ ಮಲ್ಪೊಡು.ಸಿರಿ ಕುಮಾರನಕ್ಲೆಗ್ ಒರಾನೆ ಏಳ್ ಸಿರಿಕುಲೆಗ್ ವಸಾಯ ಬರ್ಪುನಿ.ಅಂಚನೆ ಸಿರಿಕುಲ್ನ ದಲ್ಯೊಡು ಬೆಮ್ಮೆರೆ ಗದ್ದಿಗೆ ಏರುನಿ ಉದಿಪು ದೇವೆರ್ ಕಡಲ್ ಗ್ ಕಂತಿ ಬೊಕ್ಕ.ಸಿರಿಕುಲ್ನೆಟ್ ಕುಮಾರನ ಬೇಟಿ ಸೇಮೆಗಲ್ಲ ಪಂಜುರ್ಲಿನೊಟ್ಟುಗು ಮಾತ್ರ.ತಿಕ್ ನ ದೈವದೊಟ್ಟುಗು  ಬೇಟಿ ಇಜ್ಜಿ. ದುಂಬುದ ಕಟ್ಟ್ ಪ್ರಕಾರ ಆಣ್ ದೈವೊಗು ವಸಾಯೊಗುಂತುನಾಯೆ ಪೊಣ್ಣು ದೈವೊಗು ವಸಾಯುಂತೆರೆ ಬಲ್ಲಿ.  ಸಿರಿನ ಆರಾದನೆ ಬುಡ್ಂಡ ಎಳೇಳ್ ದೈವೊಲೆಗ್ ಒಂಜೆ  ಕೊಡಿಯಡಿಟ್ ಒಟ್ಟುಗು ವಸಾಯ ಪನ್ಪುನವಿಜ್ಜಿ.ಸಿರಿನ ಕುಮಾರಗ್ ಉಂತುನಕುಲು ಪಂಡ ಆಣ್ ದೈವೊಗು ಉಂತುನಕುಲು ಪೊಣ್ಣು ದೈವೊಗು ಪಿದಯಾವಡ್,ಇಲ್ಲಲಾವಡ್ ದರ್ಶನೊಗು ಉಂತೆರೆ ಬಲ್ಲಿ.ಕೆಲವೆರ್ ಕುಮಾರಗ್ ಉಂತುನಕುಲು ಪಿದಯಿ ಪೋಯಿನಲ್ಪ ಕುಮಾರಗುಂತುದು ಇಲ್ಲಲ್ ಮಂತ್ರಜಾವದೆನ ವದಾಯೊಗುಂತುನಲ ಉಂಡು.ಉಂದು ದೈವದ ಕಟ್ಲೆದ ಪ್ರಕಾರ ಸರಿಯತ್ತ್.ಅಂಚನೆ ಸಿರಿಕ್ ಉಂತುನಕುಲು ಸಿರಿಕೇ ದರ್ಸನೊಗು ಉಂತೊಡು,ಅಬ್ಬಯಗುಂತುನಕುಲು ಸಿರಿಕ್ ಉಂತೆರಾಪುಜಿ.ಸೊನ್ನೆಗುಂತುನಕುಲು ದಾರುಗುಂತೆರಾಪುಜಿ.ಆಯಾ ದೈವೊಗು ಉಂತುನಕುಲು ಅಯಾ ದೈವೊಗೆ ದರ್ಸನೊಗು ಉಂತೊಡು.ಉಂದು ಸಿರಿಕುಲ್ನ ಕಟ್ಟ್.

ಉಲ್ಲಾಲ್ದಿ ದೈವ ಮಯಕಾಯಿನ ಗುವೆಲ್ ಸಜಿಪ

thulunad daivolna janmadillnde panoli .deveregijjandina mailige daivogundu .kelavu daivolu ponjanakle kait pursada korande nelat deenda kelavu daivale nemonu ponjanakl toovere ijji .ittndala bari dooroduppodapundu .kelavu daivolu aan daivogu megdiyad,sayakiyad uppuvo .anda daivolu ponjovu anjovundu taratamya malpunavlu purusha pradhana samajada chinthane kelasa maldnd .ullaalthi,kallurti,siri muklu ponjanaklaad anjanakle shoshanen yedursad aavande kaya bud du maya sernakl .aved d bokka badavere paravad,shoshaneda viruddada daivolad didkka lakk duntnakl.

daivoleg varsagora korpina kola,nema,parakeda pooje panda tambila ,sankranthi pooje inchina poora vyavasthe undu .hechina daivolu thulu mannd puttudu anyaya,anachara,shoshanen yedursad asahaja savu paded daivashaktiyad puttudu nambunakleg imbu korpinaklater .

karlada gomatan kettna kalkudana onji kai,onji karn kadtina bairarasu [pandyarasu].venoordu kethina gommataned d bokka ayana radd kai,radd karla tundu malpuver .annan nadondu bathna sathyamma [ itte nama nambuna sathyadevathe-kallurty ]annana ee paristhiti toodu [ moolu aradhaneg tikkunaye madana kalkude ]kalkudela ,sathyammalavenoorda mahalingeshwara deverena keduku laitd jeeva budper .sathyammane sathyadappeyad,kallurty aad itte kola detonondullal.

ullalthi daivala ghattada mittrd battd bangadi aramaneta sambhanda padepal.ponjanaklena pidayapuna,banjinalapuna,pedduna chitrana ullalti pardanodundu.karanikada puttuda ullalthikaranikodu banjinaalaad balen pedduna icharo onji pad danodittnda kudonji kadet ammejjandina balen dooshane malpuna samajada chitrana tojundu.ottareyad purusha pradhana vyavasten prashnisaynaal aal .ullaldi kaya bud du maya serina ullaldina guvel sajipa maganeda mitha majalu kshetrada nalkaithayi daivasthanada yedatha ullaldina puddar mechi bhandaradillada yedatha meytha nagana katteda ulai undu .ee guvelda neern madme avandina,joklavandina ponjanakl melg todetherda akle dosha nivaraneyad akl yedde aaper .moolu ullaldina nemogu ani ijji .athe ath madmale singarodu ullaldi nema apundu .

siri kandanyana aneethid daad aramane bud du kudonji kadek podu bukori arasunu madme apal .radd arasuled dla radd joklen padepal .molla samajodu purusha pradhana vyavasthen prashnisaynaal .durantha panda bemmered d puttuna siri vamsha bemmere parake madana sirina pullyalled d antya aapundu

ottare thoonaga daivaradhane shoshaneda virudda ponnana sedn onji margild tojanda ,kad da pranileda havalin tappaayere jana aa pranilene daiva aad pooje malter.utarneg panjurli,pilchandi,varahi incha poora.aan daivala aathe samajoda nyaya kapadere naramani kaya bud du mayeda neletuntudu samajonu,shanthin kather .nagaradhanela avek horathath.parisara samrakshanene nagaradhaneda nahatva.itihasa purusheren pad danodu daivolad srishtisad deverna amshada lepa korna hiriyakle pad danada jeevantha roopole nama nambudu nema korpina daivolda roopolundu panoli......

mahithi- mahendranath salethoor,M.A. [ kavyasutha ]

ಪೊಸಪ್ಪೆ- ಸತ್ಯಜಾವದೆ

                            ಪೊಸಪ್ಪೆ / ಸತ್ಯಜಾವದೆ

        ( ಮಂತ್ರಜಾವದೆ ಪೊಸಬೂತ,ಪೊಸಪ್ಪೆ,ಸತ್ಯಜಾವದೆಯಾನಗ )
    

    ಪೊಸಪ್ಪೆನ ಮೋನೆದಲಂಕಾರ,ಚಕಪ್ಪರ ಕುಲ್ಲುದು ಮಲ್ಲ ವಸಾಯ

         ತುಳುನಾಡ ದೈವಾಅದನೆಡ್ ಪರವೆರೇ ಕಟ್ಟುನ ಒಂಜಿ ದೈವ ಉಂಡು ಪಂಡ ಅವು ಪೊಸಪ್ಪೆ.ಪೊಸಪ್ಪೆನ್ ಸತ್ಯ ಜಾವದೆಂದ್ ಪನ್ಪೆರ್.ಪೊಸಪ್ಪೆನ್ ಕೊಂಗನಾಡ್ ದ ಸತ್ಯಂದ್ ಪಂಡೆರ್ಡಲ ಬೊಂಡೊನು ಪೊರ್ಲು ಕೆತ್ತ್ ದ್ ದೈವದ ಒರು ಮಂತ್ ದ್ ಬಂಡಾರ ದೀಪೆರ್.ಜಾವದೆ ಪಂಡ ಪೊಣ್ಣ ಸಗ್ತಿ.ಜಾವದೆಡ್ ಮಂತ್ರಜಾವದೆ,ಸತ್ಯ ಜಾವದೆ,ಬಂಟ ಜಾವದೆ ಇಂಚ ಪೂರ ಬರ್ಪುಂಡು.ಆಂಡ ಕರಿಯ ಕಾಂತು ಬೈದ್ಯೆರೆ  ಸೂಂತ್ಲಾಡಿ ಮಂತ್ರಜಾವದೆನೇ ಪುರಲ್ ರ್ದ್ ಬೊಕ್ಕ ಪೊಸಪ್ಪೆಯಾದ್ / ಪೊಸಬೂತ ಆದ್ ತುಳುನಾಡ್ ಡ್ ಆರಾದನೆ ಪಡೆಯೊಂದಿಪ್ಪುನ ಸತ್ಯ.ಪ್ರಳಯ ಆನಗ ದೇವೆರೆಗ್ ಗತಿ ದಾಂತೆ ಪೋನಗ ದಾದ ಮಲ್ಪಡ್ ದೇವೆರೆಗ್ಂದ್ ಸಂಕಲ್ಪ ಮಲ್ತ್ ದ್ ದೈವ ತುಳುನಾಡ್ ಗ್ ಬರ್ಪುನಿಗೆ.ದೈವ ಬತ್ತ್ ದ್ ಉಂತುನಿ ಸಿಂಗಣಿಮಾರ್ ಡ್." ಸಿಂಗಣಿಮಾರ್ ಡ್ ಉಂತ್ಯೆ , ಒರ್ತ್ಯಪ್ಪೆ ಉಲ್ಲಾಲ್ದಿನ್ ವಂದಾನೆ ಮಲ್ತೊಂಡೆ " ಪಂಡ್ ದ್ ದೈವ ಪನೆರೆ ಉಂಡು.ಇತ್ತೆ ಉಲ್ಲಾಲ್ದಿ ಪೋದು ರಾಜರಾಜೇಶ್ವರಿನ್ ವಂದಾನೆ ಮಲ್ತೊಂಡೆಂದಾತ್ಂಡ್.

   

                          ಮಂತ್ರಜಾವದೆನ ಮೋನೆದಲಂಕಾರ

   

   ಪುರಲ್ದ ಜಾತ್ರೆಗ್ ಒರ ಕಾಂತು ಬೈದ್ಯೆರ್ ಪೋನಗ ಮಂತ್ರಜಾವದೆ ಅರೆನ ಪಿರವುಡೇ ಪೋಪುನಿಗೆ.ಹಿರಿಯಾಕುಲು ಪನ್ಪಿಲೆಕ ಬಾರಿ ನಂಜಿದ ಬೂತ  ಪಂಡ ಮಂತ್ರ ಜಾವದೆಗೆ.

" ದೇವೆರೆ ಬಲಿ ಬನ್ನಗ ಅಡ್ಡ ನೀಟ ಪೋಯೆರಪ್ಪೆರೆ , 

ಅಡ್ಡ ಪೋಯೆರಪ್ಪೆರೆ , 

ನೀಟ ಪೋಯೆರಪ್ಪೆರೆ

ಯಾನೊಂಜಡೆ ಜಪ್ಪೆರೆ

ದೇವೆರ್ ಎನ್ನ ಸೊಂಟೊಗು

ಒಂಜಿ ಪೆಟ್ಟ್ ತೊರ್ತೆರೇ...."

   ಪಂಡ್ ದ್ ಬೀರ ಪನ್ರೆ ಉಂಡು.ಮಂತ್ರಜಾವದೆ ಉಂದೆನ್ ರಾಗೊಡು ಪನೆರುಂಡುಗೆ.ದೇವೆರ್ ಉಲಯಿ ಪೋನಗ ದೇವೆರೆನ್ ಉಲಯಿ ಪೋಯೆರೆ ಬುಡಂದೆ ಮಂತ್ರ ಜಾವದೆ ಅಡ್ಡ ಉಂತ್ಯಲ್ ಗೆ.ದೇವೆರ್ ಒಂಜಿ ಪೆಟ್ಟ್ ತೊರ್ತೆರ್ ಗೆ.ತೊರ್ತ್ ದಾನಗ ಮಂತ್ರಜಾವದೆ ಪೊರೆಲೊಂದು ಪೋಪಲ್.ಅಪಗ ಕಟ್ಟೆಮಾರ್ ರ್ದ್ ಮುರ್ತೆಗ್ ಪುಲ್ಯಕಲೊಗು ಪೋಯಿನ ತುಮ್ಮ ಪೂಜಾರಿ(ಇತ್ತೆ ದೂಮ ಪೂಜಾರಿಂದಾತ್ಂಡ್) ಪನ್ಪುನಾರ್ ಮಂತ್ರಜಾವದೆಗ್ ಎದುರು ತಿಕ್ವೆರ್ ಗೆ.ಅರೆನ್ ತೂಯಿ ಮಂತ್ರಜಾವದೆ ಯಾನ್ ಇರೆನೊಟ್ಟುಗು ಬರ್ಪೆಂದ್ ಪೊರೆಲೊಂದು ಬೊಬ್ಬೆ ಪಾಡ್ವಲ್.ನಿನನ್ ಲೆತೊಂದು ಪೋಪುನ ಎನ್ನ ದನಿಕುಲೆಗ್ ಮಿನಿ ಗೊತ್ತಾಂಡ ಎನನ್ ದೀವಯೆರ್ಂದ್ ತುಮ್ಮ ಪೂಜಾರ್ಲು ಪಂಡಲ ಅಟಚ್ಛಲ ಪತ್ತ್ ದ್ ಅರೆನೊಟ್ಟುಗು ಪೋಪಲ್.ಬತ್ತ್ ನಾಲೆನ್ ಕಟ್ಟೆಮಾರ್ ಡ್ ನಂಬೆರೆ ಗೊತ್ತುಂಡಾ,ಗೊತ್ತಾವಂದಿಲೆಕ್ಕ ನಂಬೊಡು.ಅಂಚಾದ್ ತುಮ್ಮ / ದೂಮ ಪೂಜಾರ್ಲು ಒಂಜಿ ಕೆಲಪಾನ ಪೂಂಜನ್ ಕಜಿಪು ಮಲ್ತ್ ದ್ ಉನ್ಪುನು ಪತೊಂದು ತಾರಿದ ಕುಬೆಟ್ ಅಗೆಲ್ ಪಾಡ್ವೆರ್.ಆರ್ ನಂಬಿನ ಬೂತದ ಪುದರ್ ಪೊಸಪ್ಪೆ,ಪೊಸಬೂತ,ಸತ್ಯದೇವತೆಯಾದ್ ತುಳುನಾಡ್ ಡ್ ಆರಾದನೆ ಪಡೆಯೊಂದುಲ್ಲಲ್.

                                     ಪೊಸಪ್ಪೆನ ಕದಿರೆ ಮುಡಿ

. ಕಾಂತುಬೈದ್ಯನೊಟ್ಟುಗು ಬೈದ್ ನ ಮಂತ್ರಜಾವದೆನ್ ಪುರಲ್ದ ದೇವೆರ್ ತೊರ್ತುದು ಸೊಂಟ ಪೊಳಿಪುನಗ ಮುರ್ತೆ ಮೂರುನ  ತುಮ್ಮ/ದೂಮ ಪೂಜಾರಿ ಅಲೆನ್ ಕನತ್ ದ್  ಪೊಸಪ್ಪೆಯಾದ್ ಆರಾದನೆ ಮಲ್ಪುವೆ.ತುಮ್ಮ ಪೂಜಾರಿ ನಂಬಿನ ಈ ದೈವನೇ ಪೊಸಬೂತ.ಉಂದೆಕ್ ಸಾಗ್ಸಿಯಾದ್ ಪೊಸಪ್ಪೆನ ಕೋಲ/ನೇಮೊಡು ದೈವ ಚಕಪ್ಪರ ಕುಲ್ಲುದು ಕಾರೊಯ್ತೊಂದು ನೇಮ ನಡಪುಂಡು..ಅಂಚಾದ್ ಮಂತ್ರಜಾವದೆಗ್ ಕಾಂತು ಬೈದ್ಯೆರೆ ಕಟ್ಟಾಂಡ ಪೊಸಪ್ಪೆಗ್ ತುಮ್ಮ/ದೂಮ ಪೂಜಾರ್ಲೆನ ಕಟ್ಟಾಂಡ್.ಕಾಲಾನುಬಾಗೊಡು ಕುಂಟದೂಮನ ಕಟ್ಟ್ಂದಾಂಡ್.ಅಂಚನೆ ಪೊಸಬೂತ/ಪೊಸಪ್ಪೆನ ಕಥೆ ಪನ್ನಗ ಪರವೆರ್ ಕುಂಟಾಲ ಜಂತ್ರಿನ ಕಥೆ ಪಂಡ್ ದೇ ಸುರು ಮಲ್ಪುವೆರ್.ಸುರುಕು ಪನ್ನಗ ಪೊಸಪ್ಪೆ/ಪೊಸ ಬೂತೊಗ್ಲ ಕುಂಟ ದೂಮನವೇ ಕಟ್ಟ್.

                              ಮಂತ್ರಜಾವದೆನ ಕದಿರೆಮುಡಿ

( ಈ ಸ್ಪಷ್ಟ ಮಾಯಿತಿನ್ 60 ವರ್ಸೊಗು ದುಂಬು ನಮಕ್ ಪೊಲಬು ಕೊರ್ನಾರೆಗ್ ಕೊರ್ತ್ ನಾರ್ ಹಿರಿಯ ಪರವ ಜನಾಂಗದ ನೇಮ ಕಟ್ಟುನಾರ್ )

ಸಿರಿ ದಲ್ಯ

SATHYA PANDA SIRI SIRI PANDA SATHYANPI PAATERA LOKODUNDU. DAIVADEVERE DAYET SIRINA SRISHTIYAAD AVED D BOKKA ALENA PULLYALLAAYINA ABBAGA DARAGERLA DAIVAMSHADE PUTTUDU ADEGE SIRINA VAMSHA KADE MUTTUNDU..LANKELOKANAD DA.JAYALLA BIRMERERD SIRINA SRISHTIYAAPUNDU.SIRI BULEPAL.PRAYOGU BANNAGA THANKARA [ SHANKARA ] POONJEDINA MAGE KANTHU POONJANOTTUGU MADME AAPUNDU.SIRI BANJINAALAAPAL.ALEG BAYAKEG SEERE KANAYERE POYINA KANDANIYAN SOOLE SIDDU BACHIRE MANTRAVADODU MOSODU SEERE ,MALLIGE DETONDU SEERE TUTTUDU,MALLIGE MUDID -" YAAN PORLA ATH EERNA SIRI PORLAA
"ND KENVAL.YENCHANDALA ALED D TAPPAD BATTNA POONJER SIRIK SEERE POO KORNAGA SAMMALE, KANDANI KANATNEN DETONU PANNAGA  AVU SOOLE SIDDUGU KORAD YENK BODCHIND MUTTUJAL.AVED DAAD KANDANI BUDEDI NADUTU VAIMANASSAAD SIRI RAJYA BUD DU POPAL.PONAGA BALE KUMARAN,BELEDAL DARUNU LETONDU RATRE BOLPAYERE DUMBU ONJI SUDE KADAT POPAL .SUDET ODADAYELA BUDJE AANDA SATHYADA SIRI BAREDIRE DETTD NEERD KUMARAN KULLAD SATHYADA SIRI AANDA TIRTHA NEER THIRTH ,MITTA NEER MITH YAAN POPINA SADID BORIDA GAADI POPUNAATH JAGE BHOOMIYAAVADND PANLEKANE ANCHANE AAD AAL THUDE DANTD POPAL .AVLU KUMARAG TOTL PAD DUPPUNAGA BALE KUMARE KISKA TELPVE .APAGA  MAGATA SIRI KENVAL-" YENNA PORLU TOODU TELTANA,ATH YENNA MARL TOODU TELTANAAND " APAGA SIRIK DUMBAPUNA KATHEN KENULEKA BEMMER KUMARAG SHAKTI KORPER.APPE YAAN ONJAMMAG PUTTUDU KUDORYAN AMMEND LEPPAYE .YENAN MAAYA MALPULE ,DARUNU KALL MALPULEND PANNAGA APPE SIRI MASTH BUDDI PANPAL .KADEKLA BALE KENANDUPPUNAGA ANCHANE MALPVAL.INCHA KAAD DUPPUNAGA RADD BIRSERAYINA DAIVADAMSHODU PUTTNA RADD JANA KARIYA KASINGARASULA ,BOLIYA DESINGARASULA SIRINA KAITADE BARPER .MADME AAVODU  SIRIND BATTNAKLEN KAI MUTNET BALA KAI MUTNAYE TAGENDLA,YEDAKAI MUTNAYE MEGGINDLA SIRI PANPAL..ALENA AASEDANCHANE ALEN DANDIGED AKLE RAJYOGU LETONDU POPER .AVLU AKLE DOSTHI AYINA KOTTARAADIDA KODSALVADA ICHARO PAND D SIRIN EER MADME AAVODUNDU PANPER .ANDA ARASU OPPANDNEK DAADAANDALA MALTD OPPIPAAVER .AVEK  DUMBU ALVEREG SAMAALVEDIN MADME ADITTND .AVET JOKLIJJAAND .AVVE KARANA DETTD ALVER LADAYI MALPVER .AA SAMAALVEDI PIDAD D  PALAYILLADE POPAL.POPUNEK DUMBU GILISOOVED TUDAR DEED YER PONNU MERNA KAI PATTERE BARPALA EE BOLPU ALE KANN KUKKODUNDU PAND D PODUPVER .ANCHANE SIRI BANNAGA AA BOLPUDA BAGGE SIRIK GOTTAAD AAL KATTA PUNITE UNTVAL.BOKKA AALVER DUMBUDA BODEDIN MANGATAAD LETONDU BATTD ,SIRIN AA PONJOVU ILLAG KANAPUNDU .AANDA RADDANE MADIME RATRED PANDA PORTHU KANTNAGA NADAPUNDU -INIKLA SHETRNAKLNET RADDANE MADME RATREDE NADAPUNDU .KELAVONJI APAVADA UPPERLA YAAVU ,PANDA KELAVER MADMEDA HALL D MADME AYERLA YAAVU..INCHA KODSALVEREN RADDANE MADME AYINA SIRI BANJINAALAAPAL .AAL ALVERNA DUMBUDA BUDEDINA ANNANA ILLADE SAMMANOGU POPAL. ANCHA PONAGA -" TANNE" THODUDU " SONNE"G  JANMA KORDU MAAYA AAPAL .SONNE BULED ALEGLA MADIME AAPUNDU BERMERE PARAKED ABBAGA DARAGE PANPI  RADD PONNU JOKLU PUTVA..AA JOKLU MALLE AAD AKLEG MADMEG SAMAYA BATTND .AANDA APPE AMME AKLE PUTTUGU PANTNA PARAKE BOOTANDE  JANA MAANIN MADMEG LEPPERE POPER .SADID TIKKNA BEMMER ," NIKLE JOKLE PARAKE BAKI UNDATHA ?" ND KENNAGA SONNE ADDA PATERVAL.AA SAMAYODU BIRANA ESADA BEMMER SEEDA ILLADE BATTD  ABBAGA DARAGEDA NIKLEG CHENNE MANE GOBBU DU USAARATHA NIKLUNDU KENVER .AANDA APPE BEEGA PAAD D POTALND PANNAGA IJJI APPE MADAT POTALND PANNAGA PALI CHENNEDA MANENLA KAINLA PATONDU BARPAL.BANNAGA ALENA TAREK TADYA TAGUNDU,DANTVAL.BIRANADA PANNAGA DAALA APUJI GOBLEND PANPER .MEGDI PALI GOBBUDU  MEGDI GELTD GELTNAALE KANDANIYAG "PORI SAMMANA"ND MAKKAR MALPVAL .AVU AKKAG YAARANDE BATTD GOBBUNA MANETE MEGDINA TAREK HAKVAL.APAGA MEGDI SAIPAL.BIRANE MAYAKA AAPUNDU.PALI ALENA PUNA GUVELG PAD D  TAAN BACHIRED BARED  GUVELDA DANDED DEED AALLAA SAIPAL.-ANCHADE INILA ILLAL MEGDI PALIN CHENNE MANE GOBBERE BUDPJER
SIRI DAIVA AMSHOD DU PUTTUDU,ALE SANTHANADA KADETA KONDI ABBAGA DAARAGELA DAIVA AMSHOD DU PUTTUDU DAIVALEELEDE SAIPUNAVU MALLA DURANTANDE PANOLI .ADEG SIRINA KUTUMBA AAJID,MAAJID PONDU PANPINAVU BEJAARDA SANGATHI.ITTELA SIRI JATRE NANDALIKED BAARI PRASIDDI .AANDAONJI MOOLA PRAKAARA NANDALIKE SIRINA JANMA STHANAND PANPER .KUDONJI MOOLA PRAKARA " URMBINADE"-KAYARADKA-UJIREDA KAITHALSIRINA JANMASTHAANAND PANPER ..AANDA KAYERADKA DEVASTHANODU SIRINA VAMSHADA MOORTHILULLA PANPER .YAAN ADE SADYODU BHETI KORDU VICHARA SARIYAAD VIVARA KORPE ..AVLU KUMAARAAYER PANPI JAINER SIRI JATRE MALPAVONTERND PANPER .AVETA BAGGE MAHITI THOOPE.

SIRI JATREDAVLLAA JAATHEEYATE KELASA MALPUNDU .SHETRE JATHIDA SIRI AYINED DATRA AVLU JATREDA SAMAYODU KUMARE ANGANODU SHETRNAKLEG SURUKU PINGARA KORPE .AVED D BOKKA BETE BETE JATIDAKLEG KORPE .SAMAAJADA TEERA HINDULINA JATILEG AKLE JATIDA KUMARENE PINGARA KORDU SIRI DARSHANA APUNDU.SURUKU MALLA JATIDAKLE SIRI DARSHANA,BOKKA SAMAJADA TIRTHA VARGADA SIRI DARSHANA AADHUNIKA KAALODU SARIYATHND YENNA BHAVANE .SARVA SAMANATHE UPPUNA SAMAJODU DARSHANA MATEREGLA OTTIGE THIKKODU.ROODID ANCHA UPPU .AANDA NAMA ITTEDA AVASTHE,VYAVASTHEN THOODU BADALAPUNAVU ANIVARYAVADUNDU .ONJI PONNU DAIVOD DU PUTTUDU ALE SANTHANONU DAIVANE NASHA MANTND . ANCHI DAIVADA SOOTRADA BOMBE SIRI AYAL PANPINAVE YAKSHAPRASHNE......?

ಸಪ್ತ ಮಾತೃಕೆನಕುಲು-

ಬ್ರಾಹ್ಮೀ, 

ವೈಷ್ಣವಿ, 

ಮಾಹೇಶ್ವರೀ,

ಇಂದ್ರಾಣಿ,

ವಾರಾಹಿ,

ಕೌಮಾರಿ

ಚಾಮುಂಡಿ.

ಸಿರಿಕುಲ್ನ ಆರಾದನೆಡ್ ಎಳ್ವೆರ್ ಸಿರಿಕುಲ್ನ ಇಚಾರ ಬರ್ಪುಂಡು.ಸತ್ಯನಾ ಪುರೊನು ಸತ್ಯಮಾ ಲೋಕಂದ್ ಪನ್ಪೆರ್.

ಬೆರ್ಮೆರ್ ಉಂಡು ಮಲ್ತಿ ಸಿರಿಕುಲು.

ಬೆಮ್ಮೆರ್ ಸುರುಕಾದ್ ದಾರುನು ಉಂಡು ಮಲ್ತೆರ್.ಮೋಲು ಬೊಕ್ಕ ಪುಟ್ಟಿನ ಸಿರಿಕ್ ಚಾಕಿರಿಗ್ ಉಂತುವಲ್.ಬೆಮ್ಮೆರ್ ಉಂಡು ಮಲ್ತಿ ಎಳ್ವೆರ್ ಸಿರಿಕುಲು ತುಲುವರ್.ತುಳುನಾಡ ಸಿರಿಕುಲುಂದೇ ಪನ್ಪುನಿ.

 1.ದಾರು

2.ಸಿರಿ-ಸಿರಿಕುಲೆಗ್ ಜಾತಿಲೆದ ಬಂದನ ಇಜ್ಜಿ.ದಾಯೆ ಪಂಡ ಆಲ್ ಅಪ್ಪೆ ಬಂಜಿಡ್ ಪುಟ್ಟಿನಾಲತ್ತ್.

3.ಸೊನ್ನೆ-ಪ್ರಾಯ ಪೋಂಡಲ ಪೊಂಜೊವಾಪುಜಲ್

4.ಗಿಂಡೆ,-ಸೊನ್ನೆ ಸುಂದರಿ ಪನ್ಪುನಾರ್ನ ಮಗಲ್

5.ಅಬ್ಬಗ.6.ದಾರಗ

7.ಸಾಮು-ಸಾಮುನ ಕಂಡನಿಯಗ್ ರಡ್ಡನೆ ಬೊಡೆದಿಯಾದ್ ಸಿರಿ.

ದಾರುನು ಸಿರಿ ಮಾಯ ಮಲ್ತ್ ದ್ ದೈವ ಮಲ್ಪುವಲ್.ದಾರುನು ತೆನ್ಕಾಯಿಡ್ ಜಾಲ ಕೊರತಿಯಾದ್,ಬಡಕಾಯಿಡ್ ಜಾಲ ಬೈಕಾಡ್ತಿಯಾದ್ ಆರಾದನೆ ಮಲ್ಪುವೆರ್..

ಬೆಮ್ಮೆರ್ನ ಒಟ್ಟುಗು ಉದಿತಿ ಎಳ್ವೆರ್ ಸಿರಿಕುಲು.ಆದಿ ಸತ್ಯಮಾನಂದ ಲೋಕದ ಸಿರಿಕುಲು

1.ಮೈಯಗ

2.ಮೈಸಗ

3.ದಾರಗ

4.ಗಣಪಗ

5.ಉಮ್ಮಗ

6.ಜಾನಗ

7.ಜನಪಗ

ತುಳುನಾಡ ಅರಾದನೆಲು ಮೂಲ ಜನಾಂಗೊಲೆರ್ದ್ ಉದಿತ್ ನೆರ್ದಾವರ ಪುದರ್ದ ಕಡೆಕ್ ಗ ಸವ್ದ ಮೂಲು ಸೇರೊಂದುಂಡು.ಉದಾರ್ಮೆಗ್ ಮೈಸಲೆನ್ ಮೈಸಗಂದ್ ಪನ್ಪುನಿ.ಪೋಪುನಿ-ಪೋಪುನಗ,ಬರ್ಪುನಿ-ಬರ್ಪುನಗ ಇಂಚ.ಮೂಲು ಬರ್ಪಿ ಗಣಪ,ವೀರಬದ್ರ(ಕೆಲವೆರ್ ಬೈರವಂದ್ ಲ ಪನ್ಪೆರ್),ಸ್ಕಂದ ಮೊಕ್ಲು ಕುಮಾರನ ಒರುವಾ ತೆರಿಯೊಂದಿಜ್ಜಿ.ತುಳುನಾಡ ದೇಲ್ಯೊಲೆನ‌  ಅಂಗಣೊಡಿಪ್ಪಿ ಸಪ್ತ ಮಾತೃಕೆನಕುಲು ದುಂಬು ದೇವೆರಾದಿಜ್ಜಾಂಡ್.ಸರಿಯಾಯಿನ ರುಪಲ ಇಜ್ಜಾಂಡ್.ಮರತ ಮುದೆಲ್ಡ್ ಕಲ್ಲ್ ಪಾಡ್ದ್ ಗಣೊಕುಲುಂದು  ನಂಬೊಂತೆರ್.ನಮ್ಮ ದೇಸೊಡು ಈ ಏಳ್ ಜನ ಅಪ್ಪೆಡಿಕುಲುಂದು ಆರಾದನೆ ಇತ್ತ್ಂಡ್.ಸಿರಿಕುಲ್ನೆಟ್ಲ ಎಳುವೆರ್ ಸಿರಿಕುಲು ಬರ್ಪೆರ್.ಸಪ್ತ ಮಾತೃಕೆನಕ್ಲೆಡ್ ಏಳ್ ಜನ ಅಪ್ಪೆಲ್ಲು ಬರ್ಪೆರ್

ಮಾರಿ ಪೂಜೆಡ್ ಮಾರಿಯಮ್ಮ ಪಾತ್ರಿ.5-5-2012

MARI POOJE ..ee jaged marig balasdni .idee barediret ardha mudi aritha nuppu,malla gatrada pundi,pori,parnd balasd aveta mitt malla koltiri deeper 101 ganokleg, 1001 dhooteregnd balasuni .mari poojeg dumbu tantridarena maryadignd onji bonda deeper .anchane janivara padnareg panda bhatregnd onji bonda deeper .bokka ganapathi deed panda bolantari 1 ser,tarai-juttittna,parnd bajjeyi,5 bachire,1.25 rupayi,onji tudar moodayig yedata meyk deed paddeyig mone paad d ainirek pori pad d moodaayig mone maltna idee baredireta mith poora nuppunu 3 idee barediret balasver .darshana patri ee nuppuda rasig darsanodu suttu battned d bokka kori,kelavu kade panji koiper ..jageda kori suruku koid avek neer taltd aved d bokka oorda kori poora koiper .oordaklu koipayi korin mariyappeg netter koriya panpi bhakthi bhavodupver.uttara karnatakodu onji kade d d bokkonji kade mutta mari bandi oitnda ,alt bokka bokkonji kadetakl bokkonji ooru mutta mari derver .aanda dakshina kannadada stiti bete.moolu mari darshana patrina darshana toovere porlu.mariyappe,mahammayi,maammaayi namma thuluvereg yedde malpad...MAHITI-ANCHANE MARIG BALASINA CHITRA-ORG..https://www.facebook.com/

ಕೊಟ್ಟ,ಮದಕರಿ,ಕಾಲೆ ಹಾಕುನಿ ಒಂಜಿ ನಂಬೊಳಿಗೆ

ಕೊಟ್ಟ,ಮದಕರಿ ,ಕಾಲೆ ಹಾಕುನಿ ಒಂಜಿ ನಂಬೊಳಿಗೆ

  

ನಮ ಏತೋ ಸರ್ತಿ ಆಯನ   ಕೊಟ್ಟ ಪತ್ತ್ ನ ನಾಲಾಯಿಡ್ ಎಂಚ ಕೊಡತೆನ ಅಂಚನೆ ಆಂಡ್ಂದ್ ಪನ್ಪ.ಅಂಚನೆ ಆಯನ ವಾ ಮದಕರಿ ಪತ್ತ್ ನ ಕೈಯಿಂದ್ ಲ ಪನ್ಪ.ಕೊಟ್ಟ ಪಂಡ ಪಾಂಡು ರೋಗ,ಸರ್ರೊಡು ಬೂರುನ ಬೊಲ್ದು ಮಚ್ಚೆ.ಮದಕರಿ ಪಂಡ ಕೋಷ್ಟ ಪಂಡ ಸರ್ರದ ಅಂಗೊಡು ಗಜ್ಜಿ ಬೂರ್ದು,ಅವೆಟ್ ನೀರ್ ಜತ್ತೊಂದು,ಕೆಲೆಂಜಿ ಕುಲ್ಲೊಂದು ಆ ಜಾಗೆ ಕರದ್ ಪೋಪುಂಡು .ಉಂದು ಮದಕರಿ. ಕೊಟ್ಟೊಡು ಕಲೆ ಇತ್ತ್ಂಡ ಮದಕರಿಡ್ ಕಜ್ಜಿ ಉಪ್ಪುಂಡು.ಸರ್ಪ ದೋಸೊರ್ದು ಕೊಟ್ಟ,ಮದಕರಿ ಬತ್ತ್ ಲೆಕನೆ ಉಬ್ಬೆಸ(ಸ್ವಾಸಕೋಶೊಗು ಸಮ್ಮಂದಪಟ್ಟ್ ದ್),ದೃಷ್ಠಿ ದೋಷಲಾ,ಸಂತಾನ ಇಜ್ಜಾಂದಿ ದೋಷ ಆಣಗ್ಲ,ಪೊಣ್ಣಗ್ಲ ಬರ್ಪುಂಡು.

ಕೊಟ್ಟ : - 

ಕೊಟ್ಟ ಪನ್ಪುನವು ನಮ್ಮ ನಂಬೊಳಿಗೆದಲೆಕ ಜನ್ಮಾಂತರದ ದೋಷೊರ್ದು,ಸರ್ಪೊನು ಕೆರ್ನ ದೋಸೊರ್ದು ಬರ್ಪುನಿ.ಕೆಲವೆರ್ ಪನ್ಪೆರ್ ಎಂಕುಲು ಓಲ್ಲಾ ಸರ್ಪೊನು‌ ಕೆರ್ತಿಜಾಂದ್.ಆಂಡ ಬೇತೆ ಜನ್ಮೊಡು ಕೆರ್ದಿತ್ತ್ಂಡಲಾ ಜನ್ಮಾಂತರೊಡು ಅವೆತ ದೋಷ ತಾಗುಂಡು.ಕೊಟ್ಟೊನು ಪಾಂಡು ರೋಗ ಪನ್ಪೆರ್..ಅವು ಬೊಲ್ದು ಕಲೆ ಮೇಲ್ ಡ್ ಬೂರೋಂದು ಬರ್ಪುನಿ.ಸರ್ಪಹತ್ಯೆದ ದೋಸೊರ್ದು ಈ ಕಾಯಿಲೆ ಬರ್ಪುಂಡು.ಪಾಂಡು ರೋಗ ಬತ್ತಿ ಪಾಂಡು ಚಕ್ರವರ್ತಿಯಾಂಡಲಾ ಆ ಸೀಕ್ ಇತ್ತ್ ನೆಡ್ದಾದ್ ಸಿಮ್ಮಾಸನೊನು ಏರುಜೆ.

ಏರಾಂಡಲಾ ಬೊಡ್ಚಾಂದಿನ ಪಂಡಿನ ಪಂಡಿಲೆಕ ಆಂಡ  ಕೊಟ್ಟ ಪತ್ತ್ ನಾಯನ ನಾಲಾಯಿಡ್ದಾದ್ ಇಂಚಾಂಡ್ ಪನ್ಪೆರ್. ಅಬ್ಬೇಸೊಡು ಅಂಚ ಕೊಟ್ಟ ಪತ್ತ್ ನಾಯನ ನಾಲಾಯಿಂದ್ ಬತ್ತ್ ದುಪ್ಪೊಡು.ಅಪಗ ಕೊಟ್ಟ ಪಂಡ ದಾದಂದ್ ತೆರಿಯೊನೊಡು.ಕೊಟ್ಟ ಪಂಡ ನರಮಾನ್ಯನ ಮೋನೆಡಾ,ಕೈ ಕಾರ್ ಡಾ ಅತ್ತ್ ಇಡೀ ಸರ್ರೊಡಾ ಬರ್ಪುನ ಬೊಲ್ದು ಮಚ್ಚೆಲು.ಕಡೆಕ್ ಇಡೀ ಸರ್ರೊಗು ಉಂದು ಪಗರುಂಡು.ನಮ ಪೋಯಿನ ಕೆಲಸೊಡು ಓಲಾಂಡಲಾ ಸೋಲಾಂಡ ವಾ ಕೊಟ್ಟ ಪತ್ತ್ ನಾಯನ್ ತೂಯೆನಾಂದ್ ಬೇಜಾರ್ ಮಲ್ಪುವೆರ್.ನಿಜವಾದ್ ನಮ್ಮ ಕೆಲಸೊಗ್ಲ ಕೊಟ್ಟ ಪತ್ತ್ ನಾಯಗ್ಲಾ ,ನಾಲಾಯಿಗ್ಲಾ ದಾದ ಸಮ್ಮಂದಲ ಇಜ್ಜಿ.ಅವ್ವೊಂಜಿ ಅಬ್ಬೆಸದ ಪಾತೆರ ಆತೆ.

ಕೊಟ್ಟ ಬರ್ರೆ,ಮದಕರಿ ಬರ್ರೆ ಅವು ನಾಗ ದೋಷೊರ್ದು ಬರ್ಪುಂಡುಂದು ಹಿರಿಯ ಪೆರಿಯಾಕುಲು‌ ನಂಬುದಿತ್ತೆರ್.ಕೊಟ್ಟ ಪತ್ತುನ್ಲಾ ನಾಗ ದೋಷೊರ್ದುಂದೆ ಪನ್ಪೆರ್.ನಾಗನ್ ಏರಾಂಡಲಾ ಹಾಕ್ ದ್ ಕೆರ್ಯೆರ್ಡ ಅವೆತ ಪೊಳೆಜಿದ ಉಲಯಿದ ಬೆಗರ್ ನೀರ್ ಗಾಳಿಗ್ ಬಾರ್ಯಾತ್ ದೂರ ರಾಪುಂಡುಗೆ.ಅವು ಏರ್ನ ಸರ್ರದ ಮಿತ್ತ್ ಬೂರ್ಂಡಲ ಅಕ್ಲೆಗ್ ಕೊಟ್ಟ ಪತ್ತುಂಡುಗೆ.

  ಕೊಟ್ಟ ಪತ್ತ್ ನಕ್ ಲೆನ ಪುಣೊನು  ಕೆಲವೆರ್ ಕೌಂತೆರ್ಡ  ಕೆಲವೆರ್ ಪೊತ್ತಾವೊಂತೆರ್.ಕೆಲವೆರ್ ದಾದ ಮಲ್ತೊಂತೆರ್ ಪಂಡ ಕೊಟ್ಟ ಪತ್ತ್ ನಕ್ಲೆನ್ ಕೌಂಪುನ ಗುಂಡಿಗ್ ಗುಂಡಿ ತೋಡಿ  ಬೊಕ್ಕ ಕಿದೆ ಗೊಬ್ಬರ ಪಾಡ್ದ್ ಕೊಟ್ಟ ಪತ್ತ್ ನಾಯನ ಪುಣೊನು ಅವೆತ ಮಿತ್ತ್ ಕಂಕನೆ ಜೆಪುಡ್ದು ಪಿರ ಪುಣತ ಮೇಲ್ ಗ್ ಕಿದೆ ಗೊಬ್ಬರ ಪಾಡ್ದ್ ಬೊಕ್ಕ ಮಣ್ಣ್ ಮುಚ್ಚಿದ್ ಕೌಂತೊಂತೆರ್.  ಮಣ್ಣ್ ಮಲ್ತಿ ಬೊಕ್ಕ ಬೈತ ಒರುಟು ನರಮಾನಿ ಒರು ಮಲ್ತ್ ದ್ ಪೊತ್ತಾದ್ ಬೊಕ್ಕ  ಸಾವು ಕರಿತೊಂತೆರ್.ಆಯನ ಬಟ್ಟಲ್,ಲೋಟೆ,ಚೆಂಬು ಚೆರಿಗೆ ಕುಂಟು ಪೂರಲ ದೂರನೆ.ದುಂಬುದ ಕಾಲೊಡು ಆ ಸೀಕ್ ಬತ್ತ್ ನಾಯಗ್ ಪಾಪ ಒಂಜಿ ಸಿಕ್ಸೆನೇ ಆದಿತ್ತ್ಂಡ್.ಆಯೆ ಸಮಾಜೊಗು,ಕುಟುಮೊಗು,ಇಲ್ಲಗ್ ಬೊಡ್ಚಾಂದಿನಾಯೆ ಆದ್ ಪೋದಿತ್ತೆ.ಓಲ್ಲಾ ಸ್ಥಾನ ಮಾನ ಇಜ್ಜಂದೆ ಜೀವೊಡಿತ್ತ್ ನ ಪುಣ ಆದ್ ಪೋದಿತ್ತೆ.

ನನ ಕೆಲವೊರ ಏರಾಂಡಲ ಗೊತ್ತಿಜ್ಜಂದಿ ಜಾಗೆಡ್ ತೀರ್ಯೆರ್ಡ,ಬೊಳ್ಳೊಡು ಪೋದು,ಕಡಲ್ ಗ್ ಬೂರ್ದು ತೀರ್ಯೆರ್ಡ,ತೀರ್ದ್ ನ ನಿಗಾಂಟ್ ಇತ್ತ್ಂಡ (ಕೊಟ್ಟ ಪತ್ತ್ ನಕುಲತ್ತ್,ಬೇತೆ ಏರಾಂಡಲ) ಅಕ್ಲೆನ ಪುಣ ತಿಕ್ಕ್ ಜಿಂಡ ಬೈಟ್ ಅಕ್ಲೆನ ಒರು ಮಲ್ತ್ ದ್ ಬೊಕ್ಕ ಸಾವು ಕರಿಪುನ ಕೆರಮ ಇತ್ತ್ಂಡ್.ಅಂಚನೆ ಪಿದಯಿ ಪೋಯಿನಾಯೆ 12 ವರ್ಸ ಬತ್ತ್ ಜೆಂಡ ಊರುದ ಎತ್ತರದ ಜೇರದ ತರೇಕ್ ಪೋದು 3 ಸರ್ತಿ ಆಯನ ಪುದರ್ ನ್ ಲೆತ್ತೊಂತೆರ್.ಲೆಪ್ಪುಗು ಆಯೆ ಬತ್ತ್ ಜೆಡ ಆಯನ ಅಡೆಗ್ ಮಗಿಂಡ್ಂದ್ ಎನ್ನಿದ್ ಆಯಗ್ ಊರುಡು ಸಾವು ಕರಿತೊಂತೆರ್.

   ಬೊಲ್ದು ಕೊಟ್ಟ ಪತ್ತ್ ನಕ್ಲೆನ ಪುಣೊನು ಕೆಲವೆರ್ ಕೌಂತೊಂದಿಜ್ಜಾಂಡ್, ಪೊತ್ತವೊಂತೆರ್.ದಾಯೆ ಪಂಡ ಕೊಟ್ಟ ಪತ್ತಿನಕ್ಲೆನ ಪೊಣೊನು ಮಾಂತ್ರಿಕೆರ್ ಮಣ್ಣ್ ರ್ದ್ ಪಿದಯಿ ದೆತ್ತ್ ದ್ ಪುಣತ ಮೈಡ್ದ್ ಎಣ್ಣೆ ದೆತ್ತೊಂತೆರ್ ಗೆ.ಅವು ಸಿದ್ದಿದ ಎಣ್ಣೆಗೆ.ಅವೆಟ್ ದೀಪ ಪೊತ್ತಾದ್ ದೀದ್ ಸಿದ್ದಿ ಮಲ್ತೊಂತೆರ್ ಗೆ.ನನ ಕೆಲವೆರ್ ಕೊಟ್ಟ ಪತ್ತ್ ನಕ್ಲೆನ್ ಪೊತ್ತಾಂಡ ಅಗ್ನಿಗ್ ಕುಂದೆಲ್/ದೋಸ ಬರ್ಪುಂಡುಂದು ಆ ಪುಣೊನು ಕೌಂತೊಂತೆರ್ ಅಂಚನೆ ಕೊಟ್ಟ ಪತ್ತ್ ನಕ್ಲೆನ್ ಪೊತ್ತಾಂಡ ಅಕ್ಲೆ ಬೊಣ್ಯ ಗಾಳಿಗ್ ರಾದ್ ಏರ್ನಾಂಡಲ ಮೇಲ್ ಗ್ ಬೂರ್ಂಡ ಅಕ್ಲೆಗ್ ಲ ಸೀಕ್ ಪಗರುಂದು ಪೋಡಿದ್ ಕೌಂತೊಂತೆರ್ ಗೆ.ಅಗ್ನಿಗ್ ದೋಸ ಬರ್ಪುಂಡುಂದು ಏರೋ ವೈದಿಕೆರ್ ತುಳುವೆರೆಗ್ ಪೋಡಿ ಕಟ್ಟಾದಿಪ್ಪೆರ್.ಪೊತ್ತಾಂಡ ಸೈತ್ ನಕ್ಲೆ ಮೇಲ್ದ ಸಿರ್ಕ್ ಒವುಲ ಒರಿಯೆರೆ ಸಾದ್ಯ ಇಜ್ಜಿ.ಪೂರ ಪೊತ್ತುದು ಬಸ್ಮಾದ್ ಪೋವು.ಅಂಚನೆ ದುಂಬುದ ಕಾಲೊಡು ಕೊಟ್ಟ ಪತ್ತ್ ನಕುಲು ಸೈತೆರ್ಡ ನನ ದುಂಬುದ ವಂಶ ಅವ್ವೇ ಸೀಕ್ ಡ್ ಬರೆಲೆರೆ ಬಲ್ಲಿಂದ್ ,ಸೀಕ್ ಕುಟುಮೊಡು,ವಂಶೊಡು ದುಂಬೊತ್ತೊಂದು ಪೋಯೆರೆ ಬಲ್ಲಿಂದ್ ಸೈತ್ ನಾರೆನ್ ಕೌಂತುದು 48 ದಿನತ ಸೂತಕ ಆಚರಣೆ ಮಲ್ಪೆರಾಪುಜಿಂದ್  ಬೈತ ಒರುಟು ನರಮಾನಿ ಒರು ಮಲ್ತ್ ದ್ ಪೊತ್ತದ್ ಸಾವು ಕರಿತೊಂತೆರ್.ಅಂಚನೆ ಕೆಲವೆರ್ ಕೊಟ್ಟ ಪತ್ತ್ ನಾರೆನ್ ಕೌಂತಿ ಬೊಕ್ಕ ಅರೆನ ಉಪದ್ರ ಉಂಡುಂದು ತೋಜಿಂಡ ದೋಸೊಲು ಕುಟುಮ ಸಂಸಾರೊಗು ಬರ್ರೆ ಬಲ್ಲಿಂದ್,ಸೈತ್ ನಾರೆಗ್ ಸದ್ಗತಿ ತಿಕ್ಕಡ್ಂದ್ ಅಂಚನೆ ಕುಡ ಸುರೂರ್ದು ಕಿರಿಯೆ ಮಲ್ಪೆರೆ ಬೈಟ್ ನರಮಾನಿ ಒರು ಪೊತ್ತಾವುನ ಮುಕಾಂತ್ರ ಮಲ್ತೊಂತೆರ್.ಮಾತೆಕ್ಲ ಅಂಚ ಮಲ್ಪೊಡುಂದಿಜ್ಜಿ.ಅಂಚಿನ‌ ದೋಷ ತೋಜಿಂಡ ಮಾತ್ರ ಮಲ್ತೊಂತೆರ್. ಕೊಟ್ಟ ಪತ್ತ್ ನಾಯರ್ದ್ ಕುಟುಮೊಗು ದೋಷ ತೋಜಿಂಡ ಇಂಚ ಮಲ್ತೊಂತೆರ್.ಅಂಚನೆ ಕೆಲವೊರ ಕೊಟ್ಟ ಪತ್ತ್ ನಕ್ಲೆ ದೋಷ ಏರೆಗ್ಲ ಬರ್ರೆ ಬಲ್ಲಿಂದ್ ಅಕ್ಲೆ ಪುಣೊನು ಕೌಂಪುನಗ ಜೂವದ ಬೊಳ್ಳೆ ಕೋರಿನ್ಲಾ ಕೌಂತೊಂತೆರ್ ಗೆ.

   

ಮದಕರಿ:-

ಮದಕರಿ ಪಂಡ ಅಂಗೊಲು‌ ಕರವೊಂದು ಪೋಪಿನ ಸೀಕ್.ಉಂದೆನ್ ಕುಷ್ಠ ರೋಗಂದ್ ಲ ಪನೊಂತೆರ್.ಕಣ್ಣ್ ದ ಅರುಟು,ಮೂಂಕುದಲ್ಪರ್ದ್,ಕೆಬಿತಲ್ಪರ್ದ್,ಕೈತ ಬಿರೆಲ್ ಡ್,ಕಾರ್ದ ಬಿರೆಲ್ ಡ್ ಈ ಸಿರ್ಕ್ ಬತ್ತ್ ದ್ ಬಿರೆಲ್  ಕರದ್ ಬಿರೆಲ್ ತುಂಡಾಪುನಲಾ ಉಂಡು .ಈ ಸೀಕ್ ಹಿರಿಯಾಕ್ಲೆ ವಾಕ್ ದೋಸೊರ್ದುಲಾ ಬರ್ಪುಂಡು,ಸರ್ಪ ದೋಷೊರ್ದುಲಾ ಬರ್ಪುಂಡು.ಕೊಟ್ಟೊಡಾಂಡಲಾ ಗಜ್ಜಿ ಬೂರುಜಿ,ರೇಸಿ ಬರ್ಪುಜಿ,ಕೆಲೆಂಜಿ ಕುಲ್ಲುಜಿ.ಮದಕರಿಡ್ ಗಜ್ಜಿ ಗಾಯ ಉಪ್ಪುಂಡು,ಪುಡಿ ಉಪ್ಪುಂಡು,ರೇಸಿ ಬರ್ಪುಂಡು,ನೀರ್ ಬರ್ಪುಂಡು,ಕೆಲೆಂಜಿ ಕುಲ್ಲುಂಡು,ಪುರಿಯಾಪುಂಡು.ತೂಯೆರೆ ವಿಕಾರ ತೋಜುಂಡು.ಕೊಟ್ಟ,ಮದಕರಿ ಉಂದೆಕ್ ಇಂಚಿನ ಪ್ರಾಯದಕ್ಲೆಗ್ ಬರ್ಪುನ ಪನ್ಪಿನ ಕಟ್ಟಿಜ್ಜಿ.

ಪಕ್ಷವಾತ , ಕಾಲೆ:-

ಕಾಲೆ ಹಾಕುನಿ ಪಂಡ ಮಾಯಾ ದೃಷ್ಠಿದ ದೋಷೊಲು.ದಾದಾಂಡಲ ವಾಕ್ ದೋಷ,ಶಾಪ  ಇತ್ತ್ಂಡ ಅಂಚಿನಕ್ಲೆನ ಕಾಲೆ ದಿಂಜ ದಿನ ಒರಿಯುಂಡು.ಆ ಕಾಲೆ ಬೇತೆಕ್ಲೆಗ್ ಹಾಕುಂಡು.ದುಂಬು ತೆರಿನಕುಲು ಈತ್ ದಿನತಾನಿ ಕಾಲೆ ಪೋವು,ನಿಕುಲು ಇಲ್ಲದ ಮಾಡ್ ದ ಮಡಲ್,ಮುಳಿ ತೆಲಪಾಲೆ,ಓಡು ದೆತ್ತ್ ದ್ ನಿಕುಲು ಅವೆಕ್ ಪೋಯೆರೆ ಸಾದಿ ಮಲ್ತ್ ಕೊರ್ಲೆ,ಅವು ಪೋಪುನ ದಿಕ್ಕ್ ಡ್ ನಿಕುಲು ಉಂತೊರ್ಚಿ,ಕುಲ್ಲೊರ್ಚಿ,ಜೆಪ್ಪೊರ್ಚಿ,ವ್ಯವಹಾರ ಮಲ್ಪೊಡ್ಚಿಂದ್  ಈತ್ ದಿನಮುಟ್ಟ ಕೆರಮ ಪಾಲಿಪುಲೆಂದ್ ಪನೊಂತೆರ್ಜಜನೊಕುಲು

 ನಾಗೆ 7ಕಂದೊಡಿಲೆನ್ ತಿಂದ್ ದ್ ಕರದ್ ಪಕ್ಕಿದಲೆಕ ಬಾನೊಡು ಕುತ್ತಡಿಯಾದ್ ರಾದ್ ಅವೆತ ನಿರೆಲ್ ನರಮಾನ್ಯನ,ಕಂಜಿ ಕೈಕಂಜಿಲೆ ಮಿತ್ತ್ ಬೂರುಂಡ ಅವೆಕ್ ಸರ್ರದ ಒಂಜಿ ಬರಿ ಸ್ವಾದೀನ ತಪ್ಪುಂಡು ಪಂಡ ಸರ್ರದ ಒಂಜಿ ಬರಿ/ಪುಡೆ ಬಲ ಇಜ್ಜಂದಿಲೆಕಾಪುಂಡು.ಉಂದೆನ್ ಪಕ್ಷವಾತಂದ್ ಲ ಪನ್ಪೆರ್. ಅವೆಟ್ ಮಿತ್ತ್ ಬೂರುನಕುಲು ಕಮ್ಮಿ.ಅಕ್ ಲ್ ಎಚ್ಚಾದ್ ಜೆತ್ತ್ ನೌಲೆ ನರಕ ಬತ್ತ್ ದ್ ಕರಿದ್ ಪೋಪೆರ್.ಇಂಚ ಕರಿದ್ ಪೋಯಿನಕ್ ಲೆ ನೆಲ ಕಾಲೆಂದ್ ಉಪ್ಪುಂಡು.ಈ ನೆಲ ಕಾಲೆ ಪಂಡ ಕಾಲೆ ಪೋನಗ ಮರತ ಪಜ್ಜಿ ಗೆಲ್ಲ್ ತುಂಡಾದ್ ಬೂರುಂಡು.ಕಾಲೆಗ್ ನರಮಾನಿ ಅಡ್ಡ ತಿಕ್ಕ್ಂಡ ಆಯಗ್ಲ ಲಕ್ವ ಹಾಕುಂಡು.ಉಂದೆನ್ ಕಾಲೆ ಹಾಕುನಿಂದ್ ಲ ಪನ್ಪೆರ್.ಅಂಚಾದ್  ಕಾಲೆ ಹಾಕ್ ದ್ ನೆಲ ಪತ್ತ್ ದ್ ಬಾರ್ಯಾತ್ ಕಾಲ ಜೆತ್ತ್ ದ್ ಇತ್ತ್ ದ್ ಕರಿದ್ ಪೋಯೆರ್ಡ ಅಕ್ಲೆ ಕಾಲೆ ಪೋನೇಟ ಇಲ್ಲದ ಜನ ಪಿದಯಿ ಓಲಾಂಡಲಾ ಉಪ್ಪುವೆರ್.ಇಂಚಿ ನೆಲ ಪತ್ತ್ ದ್ ತೀರ್ನ ಇಲ್ಲಲ್ ಅತ್ತಾಂದಿ ಪೊರ್ತುಗು ಜೋಕ್ಲೆನ್,ಜವನೆರೆನ್ ಇಲ್ಲದ ಕೈತಲ್ ಪೋಯೆರೆ ಬುಡ್ರೆ ಬಲ್ಲಿ.ಅಂಗಾರೆ ಸುಕ್ರಾರ ನೆಲ ಪತ್ತ್ ನಕುಲು ತೀರ್ದ್ ಪೋಯೆರ್ಡ ಅಕ್ಲೆನ ನೆಲಕಾಲೆದ ಉಪದ್ರ ಹೆಚ್ಚಾದ್ ಅಜನೆದಲೆಕ ಕೇನುಂಡು.ಅಂಚಾದ್ ಕಾಲೆ ಕರಿನೇಟ ಇಲ್ಲ್ ಬುಡ್ದು ಒರಿನಕುಲು ಪಿದಯಿ ಕುಟುಮದ ಒವ್ವಾಂಡಲ ಇಲ್ಲಲ್ ಉಂತೊಂತೆರ್.ನೆಗರ್ ನೆಗರ್ ದ್ ಕರಿದ್ ಪೋಯಿನಕ್ಲೆ ಕಾಲೆ ಸುಮಾರ್ 48 ದಿನ ಮುಟ್ಟ ಉಪ್ಪುಂಡುಗೆ.ಅಂಚನೆ ಕಾಲೆ ಇತ್ತ್ ನ ಇಲ್ಲಲ್ ಜೂವದ ಕಪ್ಪು ಕೋರಿನ್ ಕೆರ್ ದ್ ಮಾಡ್ ಡ್ದ್ ಕಡಪ ದಕ್ಕೊಂತೆರ್ ಗೆ.ಇಂಚ ಕಾಲೆ ಹಾಕುನ,ಕೊಟ್ಟ,ಮದಕರಿದ ದ ಬಗೆಟ್ ತುಳುವೆರೆನ ಕೆಲವೊಂಜಿ ನಂಬೊಳಿಗೆ ಇತ್ತ್ಂಡ್.