ಬೇಸ ಪತ್ತ್ ಪೋಪುನ ಪತ್ತ್ ಪನಿತ ಪತ್ತನಾಜೆ

         ಬೇಸ ಪತ್ತ್ ಪೋಪುನ ಪತ್ತ್ ಪನಿತ ಪತ್ತನಾಜೆ

  

ಚಿತ್ರ-ವಾಟ್ಸಾಪ್ ಕೃಪೆ.(ಫೋಟೋಗ್ರಾಫಿದಾರೆನ ಪುದರ್ ಗೊತ್ತಾವಂದಿನೆರ್ದಾತ್ರ ಅರೆನ ಪುದರ್ ಪಾಡ್ರೆ ಆಯಿಜಿ )
    

ಪತ್ತನಾಜೆದ ಬಗೆಟ್ ತೆರಿಯೊಡಾಯಿನ ಹಿರಿಯೆರೆ ಇಚಾರೊಲು:-

ಅಕ್ಕಸದ ಬಲಿ ಬೂಮಿಗ್ ಬೂರುನ ಪೊರ್ತು ಪತ್ತನಾಜೆ

 ೧.  ಪತ್ತನಾಜೆ ಕರಿದ್ ತುಳುವೆರೆ ಆರಾದನೆದ ದೈವೊಲೆಗ್  ಕಾರ್ ಗ್ ಗಗ್ಗರ ಕಟ್ಟ್ ದ್ ರಾಜಂದೈವೊಲೆನ ನೇಮ ನೆರಿ  ಮಲ್ಪುನ ಕೆರಮ ಇಜ್ಜಿ.ಆಟದ ಕಲಾವಿದೆರೆಗ್ ಕಾರ್ ಗ್ ಗೆಜ್ಜೆ ಕಟ್ಟೆರೆ ಇಜ್ಜಿ. ತುಳುವೆರ್ ಬೆನ್ನಿಗ್ ಪಿದಾಡುನೆರ್ದಾದ್ ಬರ್ಸದಪಗ ದೈವಾರಾದನೆ ನಡಪುಜಿ.ದೈವಾರಾದನೆ ಇಜ್ಜಂದೆ ತುಳುನಾಡ ಡ್ ಬೇತೆ ವಾ ಎಡ್ಡೆ ಕೆಲಸೊನ್ಲಾ ತುಳುವೆರ್  ಮಲ್ತೊಂದಿಜ್ಜಾಂಡ್.

೨.ಗುಡ್ಡೆದ ಬೈರವನ ಆರಾದನೆ ಉಂಡು.ದಾಯೆ ಪಂಡ ಕಂಜಿ ಕೈಕಂಜಿಲೆನ್ ಕಾಪುನಾಯೆ ಆಯೆ

೩.ಪತ್ತನಾಜೆದಾನಿ ಮೂಜಂಜೊಗು ಕೋರಿ ಕೊಯ್ದ್ ಪತ್ತನಾಜೆದ ಅಗೆಲ್ ಉಂಡು.ಹಿರಿಯಾಕ್ಲೆಗ್ಂದ್ ಪತ್ತನಾಜೆದ ಅಗೆಲ್ ಪಾಡುನ ಕೆರಮಲ ಉಂಡು.

೪.ಎರ್ಮಾಳ್ ದ ಜೆಪ್ಪು, ಕಂಡೇವುದ ಅಡೆಪು(ಅಡೆಪು ಪಾಡುನಿ ಪಂಡ ಮೀನ್ ಪತ್ತೆರೆ ಬಲೆ ಪಾಡುನಿ) ತುಳುನಾಡ ಒಂಜಿ ಭಾಗದ ನೇಮ ನೆರಿತ ಅಕೇರಿ.

೫. ತುಳುನಾಡ ನನೊಂಜಿ ಬಾಗದ ಲೆಕ್ಕಾಚಾರೊಡು ಕೊಂಡಾನದ ಕೊಡಿ ಅಕೇರಿದ .ಮಂಜನಾಡಿದ ಬಂಡಿ ಅಕೇರಿದ

೬.ತನ್ಕುಲೆ ವೈದಿಕ ಆಚರಣೆಲೆಡ್ ಒಂಜಾತ್ ಕಾಲ ಉಪ್ಪುನ ಮೌಡ್ಯ ಪನ್ಪಿ ಕಲ್ಪನೆನ್  ಅಕುಲು ತುಳುವೆರೆ ಆಚರಣೆದ ಮಿತ್ತ್ ಪಾಡ್ದ್ ಒವ್ವೇ ಎಡ್ಡೆ ಕೆಲಸ ತುಳುವೆರ್ ಮಲ್ಪೆರೆ ಬಲ್ಲಿಂದ್ ಮೌಡ್ಯದ ಒರುಟು ತುಳುವೆರೆನ್ ಕಟ್ಟ್ ಪಾಡ್ಯೆರ್.ತುಲುವೆರೆಗ್ ಮೌಡ್ಯ ಪನ್ಪಿ ಕಟ್ಟ್ ಇಜ್ಜಿ.

೭.ದೇವಾಲ್ಯೊಡು ಅಕೇರಿದ ದೇವೆರೆ ಬಲಿ ಕಾರಿಂಜೆದ.

೮.ಪತ್ತನಾಜೆ ಹತ್ತನಾವಧಿಯತ್ತ್.ಅವು ದಾಲ ರಾಜಕೀಯದ ಆಡಳಿತಾವಧಿಯತ್ತ್.ಪತ್ತನಾಜೆ  ತುಳುವ ಬೆನ್ನಿ ಸಾಗೊಳಿದ ಬೇಸ ಪತ್ತ್ ಪೋಪುನ ತುಳುವ ಅಚರಣೆ, ಸಂಸ್ಕೃತಿದ ಒಂಜಿ ಭಾಗ.

೯.ತುಳುವೆರೆಗ್ ಅಮಾಸೆ,ಬೂದೆ,ಪೂವೆ ಪುಣ್ಣಮೆ,ಸಂಕ್ರಾಂತಿ,ಸಿಂಗೊಡೆ ಬುಡ್ಂಡ ಅಕ್ಲೆ ಎಡ್ಡೆ ಕೆಲಸ ಮಲ್ಪೆರೆ ವಾ ಮೌಡ್ಯಲ ಇಜ್ಜಿ.

೧೦.ವೈದಿಕ ಆಚರಣೆಲು ಅವೈದಿಕ ದ್ರಾವಿಡ ತುಳುವ ಅಚರಣೆಲೆ ಮಿತ್ತ್ ಮಲ್ತ್ ನ ಸವಾರಿ ಈ ಮೌಡ್ಯದ ಆಚರಣೆ