ಆಟಿಡ್ ಕುಲೆಕ್ಲೆನ ಮದಿಮೆ
ನರಮಾನ್ಯನ ಬದ್ ಕ್ ಡ್ ನಿಜವಾಯಿನ ಮದಿಮೆ ಎಂಚ ನಡಪುಂಡ ಅವ್ವೇ ಕೆರಮ ಕುಲೆಕ್ಲೆ ಮದಿಮೆಡ್ಲ ಉಪ್ಪುಂಡು.ಮದಿಮೆ ಆಪುನ ಪೆರಯೊರ್ದು ದುಂಬು ಆಣ್,ಪೊಣ್ಣು ಕರಿದ್ ಪೋದಿತ್ತೆರ್ಡ ಅಕ್ಲೆಗ್ ಮದಿಮೆದ ಪೆರಯ ಬನ್ನಗ ಆಟಿ ಅಮಾಸೆದಾನಿ ಇರ್ಲ್ ಕುಲೆಕ್ಲೆ ಮದಿಮೆ ಮಲ್ಪುವೆರ್.
.jpg)
.jpg)
ಮೂಲು ಕುಲೆ ಮದಿಮೆದ ಒಂಜಿ ಮೂಲ ಕೆರಮದ ಪಟೊಕ್ಲೆನ್ ಪಾಡ್ದೆ.ಕುಲೆ ಮದಿಮೆಡ್ ಬೇತೆ ಬೇತೆ ಊರುಡು ಬೇತೆ ಬೇತೆ ಕೆರಮೊಡು ನಡಪುಂಡು.
.jpg)
ಚಿತ್ರ ಕೃಪೆ-ದಿನೇಶ್ ಸುವರ್ಣ ರಾಯಿ
ಮಣ್ಣ್ ದ ಬೊಂಬೆ ಮಲ್ತ್ ದ್ ಕುಲೆಕ್ಲೆ ಮದಿಮೆ
ಮಣ್ಣ್ ದ ಬೊಂಬೆಲಾಯಿನ ಮದ್ಮಲ್ ಮದ್ಮಾಯಗ್ ಕುಲೆಕ್ಲೆ ಮದಿಮೆದ ದಾರೆ 
ಕುಲೆಕ್ಲೆ ಮದಿಮೆಡ್ ಕಂಚಿ ದೀಪುನ ಕೆರಮ ಉಂಡು.ಬತ್ತ್ ನಕುಲು ಪಣವು ದೀದ್ ಆಣ್ ಪೊಣ್ಣನ ಬೊಂಬೆಲೆಗ್ ದೇಸೆದರಿ ಪಾಡುವೆರ್
ಕುಲೆಕ್ಲೆ ಮದಿಮೆ ಆದ್ ಮಣ್ಣ್ ದ ಬೊಂಬೆದ ಮದ್ಮಯ ಮದ್ಮಲೆಗ್ ಬಲಸ್ ದ್ ನಿ .ಉಂದೆನ್ "ಅಗೆಲ್ ಮಿತ್ತಡಿ ಬಲಸುನಿ" ಪನ್ಪೆರ್.
ಆಟಿ ಅಮಾಸೆದ ಇರ್ಲ್ ಡ್ ಕುಲೆಕ್ಲೆ ಮದಿಮೆ ನಡಪುಂಡು.
ರಡ್ಡ್ ಮಣೆಟ್ ಅಣ್ ಪೊಣ್ಣನ ಒರುನು ಕಲಸದ ಒರುಟು ದೀವೊಂತೆರ್
ಇತ್ತೆ ಪೊಸತಾದ್ ಕುರ್ಸಿದ ಮಿತ್ತ್ ಆಣ್ ಪೊಣ್ಣನ ಒರು ದೀದ್ ಕುಲೆ ಮದಿಮೆ ನಡಪುಂಡು.
ಕುಲೆಕ್ಲೆ ಮದಿಮೆ ಆಟಿಡ್ ಇರ್ಲ್ ಡ್ ನಡಪುಂಡು.
ಮಿತ್ತ ನಾಲ್ ಚಿತ್ರೊಲೆನ ಕೃಪೆ-ನಮ್ಮ ಟಿ.ವಿ.
ಬೇತೆ ಬೇತೆ ನಮುನೆಡ್ ಕುಲೆಕ್ಲೆ ಮದಿಮೆ ನಡಪುಂಡು.
1.ಮಣೆಟ್ ಆಣನ ಪೊಣ್ಣನ ತುತ್ತೈತ ದೀದ್ ಕುಲೆಕ್ಲೆ ಮದಿಮೆ ಮಲ್ಪುನ ಕಿರಮ ಉಂಡು.
2.ಕುರ್ಸಿಡ್ ಆಣನ ಪೊಣ್ಣನ ತುತ್ತೈತ ದೀದ್ ಕುಲೆಕ್ಲೆ ಮದಿಮೆ ಮಲ್ಪುನ ಕೆರಮ ಉಂಡು.
3.ರಡ್ಡ್ ಮಣ್ಣ್ ದ ಬೊಂಬೆ ದೀದ್ ಕುಲೆಕ್ಲೆ ಮದಿಮೆ ಮಲ್ಪುನ ಕೆರಮ ಉಂಡು.
4.ರಡ್ಡ್ ತಾರೆ ದೈಕ್ಲೆಗ್ ಕುಲೆಕ್ಲೆ ಮದಿಮೆ ಮಲ್ಪುನ ಕಿರಮ ಉಂಡು.
5.ಆಣ್ ತಿಪ್ಪಿ ಬೊಕ್ಕ ಪೊಣ್ಣು ತಿಪ್ಪಿಲೆಡ್ ಕುಲೆಕ್ಲೆ ಮದಿಮೆ ಮಲ್ಪುನ ಕೆರಮ ಉಂಡು.
ಯೂಟ್ಯೂಬ್ ಡು "ಕುಲೆ ಮದಿಮೆ" ಪಂಡ್ ದ್ ನಾಡ್ಯರ್ಡ ಬೇತೆ ಬೇತೆ ಜಾತಿ ಜನಾಂಗದ ಬೇತೆ ಬೇತೆ ಕೆರಮದ ಕುಲೆ ಮದಿಮೆದ ವೀಡಿಯೊಲು ತಿಕ್ಕುವ.
No comments:
Post a Comment