ತುಳು ಭಾವಗೀತೆ "ಕರಿದ್ ಪೋನಗ"

                        ತುಳು ಭಾವಗೀತೆ

                       *ಕರಿದ್ ಪೋನಗ*

 ತೊಟಿಲ್ ಡ್ ತೂಂಕಿನ ಬಾಲೆನ್ ಜೆಪುಡಯಿ,

ಚಟ್ಟೊಗು ಪುಗೆಲ್ ಕೊರಡೆಂಚ,

ಒರ್ಂಬ ತಿಂಗೊಲು ಬಂಜಿಡ್ ತುಂಬಿನ,

ಕರ್ಲ್ ದ ಕೊಡಿನ್ ಬುಡಡೆಂಚ,

ಪೇರ್ ನುಪ್ಪು ಕೊರಿನ ಬಾಯಿಗ್,

ಕಡೆಯರಿ ಪಾಡ್ ದ್ ಬರಡೆಂಚ,

ಪುದರ್ ಡ್ ಮೋಕೆಡ್ ಲೆತ್ತಿನ ಬಾಲೆನ್,

ಪುಣ ಪಂಡ್ ದ್ ಲೆಪ್ಪೊಡು ಎಂಚ.

ಉಂದು ಸರಿಯೇ ನಿಕ್ಕ್ ಓ ವಿಧಿಯೇ.

ಮಟೆಲ್ ಡ್ ಮಾನದ್ ತೊಟಿಲ್ ಡ್ ಜೆಪುಡದ್,

ಒಚ್ಚಿ ಸೊರೋ ಮದಪಡ್ ಎಂಚ,

ಕೈನ್ ಪತ್ ದ್ ನಡಪಯಿ ಬಾಲೆದ,

ಕೈನ್ ಬುಡುದು ಬರಡೆಂಚ,

ನುಪ್ಪುನು ಕೊರುದು ತಾಂಕಿನ ಬಾಲೆದ,

ಬಾಯಿಗ್ ನೀರ್ ಬುಡಡೆಂಚ.

ತುಡರ್ ನ್ ದೀದ್ ಸುಗಿತ್ ನ ಬಾಲೆದ,

ತರೆ ಕಾರ್ ದಡೆ ತುಡರಾಂಡೇ,

ಕಣ್ಣ್ ಬುಲಾದ್ ಲೋಕೊನು ತೂಯಿನ,

ಕಣ್ಣ್ ಡೆ ಜೂವ ಪೋತ್ಂಡೇ,

ತೊಟ್ಟಿಲ ಬೆದ್ ರ್ ದ ಒಚ್ಚಿದ ತೆಲಿಕೆ,

ಚಟ್ಟದ ಬೆದ್ ರ್ ಡ್ ಬುಲಿಪಾಂಡೇ.

ಪಟ್ಟ ಪರಕೆಡ್ ಕೊಡಿತ್ ನ ಜೀವ,

ಕರ್ಲ್ ನ್ ಕಡಿತ್ ದ್ ಬೈದ್ಂಡ್,

ಕೈಕೆಕ್ಕ್ ನವು ಬಾಯಿಗ್ ಬನ್ನಗ,

ಇಲ್ಲಗ್ ತೆಡಿಲೇ ಹಾಕ್ಂಡ್,

ಎಂಕ್ಲೆನ್ ತುಂಬುದು ಕೊನೊಡಯಿ ಬಾಲೆನ್,

ಎಂಕುಲು ತುಂಬುನ ಗತಿಯಾಂಡೆ,

ಕಾಪುಲೆ ದೇವೆರೆ ಪಗೆಮನಿಯಾಂಡಲ,

ಇಂಚಿನ ಸಿಗ್ ಸೆ ಕೊರಂದೆ.

ಕವಿ-ಕೆ.ಮಹೇಂದ್ರ ನಾಥ್ ಸಾಲೆತ್ತೂರು.

-ಕಾವ್ಯಸುತ-

ಕುಲೆಕ್ಲೆನ ಮದಿಮೆ

                        ಆಟಿಡ್ ಕುಲೆಕ್ಲೆನ ಮದಿಮೆ 

ನರಮಾನ್ಯನ ಬದ್ ಕ್ ಡ್ ನಿಜವಾಯಿನ ಮದಿಮೆ ಎಂಚ ನಡಪುಂಡ ಅವ್ವೇ ಕೆರಮ ಕುಲೆಕ್ಲೆ ಮದಿಮೆಡ್ಲ ಉಪ್ಪುಂಡು.ಮದಿಮೆ ಆಪುನ ಪೆರಯೊರ್ದು ದುಂಬು ಆಣ್,ಪೊಣ್ಣು ಕರಿದ್ ಪೋದಿತ್ತೆರ್ಡ ಅಕ್ಲೆಗ್ ಮದಿಮೆದ ಪೆರಯ ಬನ್ನಗ ಆಟಿ ಅಮಾಸೆದಾನಿ ಇರ್ಲ್ ಕುಲೆಕ್ಲೆ ಮದಿಮೆ ಮಲ್ಪುವೆರ್. 

ರಡ್ಡ್ ಮಣೆತ ಮಿತ್ತ್ ಆಣ್ ಪೊಣ್ಣನ ಒರು ದೀದ್ ಕುಲೆಕ್ಲೆ ಮದಿಮೆ.ಉಂದೊಂಜಿ ರೀತಿದ ಕುಲೆಕ್ಲೆ ಮದಿಮೆ

         ರಡ್ಡ್ ಮಣ್ಣ್ ದ ಬೊಂಬೆ ಮಲ್ತ್ ದ್ ಕುಲೆಕ್ಲೆ ಮದಿಮೆ.ಉಂದು ನನೊಂಜಿ ರೀತಿದ ಕುಲೆಕ್ಲೆ ಮದಿಮೆ

 

       ಕುರ್ಸಿದ ಮಿತ್ತ್ ಆಣ್ ಪೊಣ್ಣನ ಒರು ದೀದ್ ಕುಲೆಕ್ಲೆ  ಮದಿಮೆ.ಉಂದು ನನೊಂಜಿ ರೀತಿದ ಕುಲೆಕ್ಲೆ ಮದಿಮೆ.

 

ಮೂಲು ಕುಲೆ ಮದಿಮೆದ ಒಂಜಿ ಮೂಲ ಕೆರಮದ ಪಟೊಕ್ಲೆನ್ ಪಾಡ್ದೆ.ಕುಲೆ ಮದಿಮೆಡ್ ಬೇತೆ ಬೇತೆ ಊರುಡು ಬೇತೆ ಬೇತೆ ಕೆರಮೊಡು ನಡಪುಂಡು.

   

             ರಡ್ಡ್ ಮಣೆತ ಮಿತ್ತ್ ಆಣ್ ಪೊಣ್ಣನ ಒರು

   

     ಕುಲೆ ಮದಿಮೆಡ್ಲ ಮದಿರೆಂಗಿ ದೀಪಿ ಕೆರಮ

 

  

    

ಕುಲೆ ಮದಿಮೆಡ್ ಆಣ್ ಪೊಣ್ಣನ ಕಡೆತಕುಲು ಎದ್ಕೊನುನ ಕೆರಮ

     ಕುಲೆ ಮದಿಮೆಡ್  ಪೂ ಸೀರೆ ಪಗಪುನ ಕೆರಮ

  

ಕುಲೆಕ್ಲೆ ಮದಿಮೆಡ್ ಮದ್ಮಯ ಮದ್ಮಲೆನ್ ಕಲಶೊಗು ಎದ್ಕೊನುನಿ

              ದಾರೆ ಏರಿ ಬೊಕ್ಕ ದೇಸೆ ಪಾಡುನಿ

ಕುಲೆ ಮದಿಮೆಡ್ ಮದಿಮಯ ಮದ್ಮಲೆಗ್ ಬಲಸ್ ದ್ ಕೈ ಮುಗಿಯುನಿ

ಚಿತ್ರ ಕೃಪೆ-ದಿನೇಶ್ ಸುವರ್ಣ ರಾಯಿ

ಆಟಿ ಅಮಾಸೆದ ಇರ್ಲ್ ಡ್ ಕುಲೆಕ್ಲೆ ಮದಿಮೆ ನಡಪುಂಡು.

ರಡ್ಡ್ ಮಣೆಟ್ ಅಣ್ ಪೊಣ್ಣನ ಒರುನು ಕಲಸದ ಒರುಟು ದೀವೊಂತೆರ್

 ಇತ್ತೆ ಪೊಸತಾದ್ ಕುರ್ಸಿದ ಮಿತ್ತ್ ಆಣ್ ಪೊಣ್ಣನ ಒರು ದೀದ್ ಕುಲೆ ಮದಿಮೆ ನಡಪುಂಡು.

 

ಕುಲೆಕ್ಲೆ ಮದಿಮೆ ಆಟಿಡ್ ಇರ್ಲ್ ಡ್ ನಡಪುಂಡು.

           ಮಣ್ಣ್ ದ ಬೊಂಬೆ ಮಲ್ತ್ ದ್ ಕುಲೆಕ್ಲೆ ಮದಿಮೆ

ಮಣ್ಣ್ ದ ಬೊಂಬೆಲಾಯಿನ ಮದ್ಮಲ್ ಮದ್ಮಾಯಗ್ ಕುಲೆಕ್ಲೆ ಮದಿಮೆದ ದಾರೆ

 

ಕುಲೆಕ್ಲೆ ಮದಿಮೆಡ್ ಕಂಚಿ ದೀಪುನ ಕೆರಮ ಉಂಡು.ಬತ್ತ್ ನಕುಲು ಪಣವು ದೀದ್ ಆಣ್ ಪೊಣ್ಣನ ಬೊಂಬೆಲೆಗ್ ದೇಸೆದರಿ ಪಾಡುವೆರ್

ಕುಲೆಕ್ಲೆ ಮದಿಮೆ ಆದ್ ಮಣ್ಣ್ ದ ಬೊಂಬೆದ  ಮದ್ಮಯ ಮದ್ಮಲೆಗ್  ಬಲಸ್ ದ್ ನಿ .ಉಂದೆನ್ "ಅಗೆಲ್ ಮಿತ್ತಡಿ ಬಲಸುನಿ" ಪನ್ಪೆರ್.

ಮಿತ್ತ ನಾಲ್ ಚಿತ್ರೊಲೆನ ಕೃಪೆ-ನಮ್ಮ ಟಿ.ವಿ.

 ಬೇತೆ ಬೇತೆ ನಮುನೆಡ್ ಕುಲೆಕ್ಲೆ ಮದಿಮೆ ನಡಪುಂಡು.

1.ಮಣೆಟ್ ಆಣನ ಪೊಣ್ಣನ ತುತ್ತೈತ ದೀದ್ ಕುಲೆಕ್ಲೆ ಮದಿಮೆ ಮಲ್ಪುನ ಕಿರಮ ಉಂಡು.

2.ಕುರ್ಸಿಡ್ ಆಣನ ಪೊಣ್ಣನ ತುತ್ತೈತ ದೀದ್ ಕುಲೆಕ್ಲೆ ಮದಿಮೆ ಮಲ್ಪುನ ಕೆರಮ ಉಂಡು.

3.ರಡ್ಡ್ ಮಣ್ಣ್ ದ ಬೊಂಬೆ ದೀದ್ ಕುಲೆಕ್ಲೆ ಮದಿಮೆ ಮಲ್ಪುನ ಕೆರಮ ಉಂಡು.

4.ರಡ್ಡ್ ತಾರೆ ದೈಕ್ಲೆಗ್ ಕುಲೆಕ್ಲೆ ಮದಿಮೆ ಮಲ್ಪುನ ಕಿರಮ ಉಂಡು.

5.ಆಣ್ ತಿಪ್ಪಿ ಬೊಕ್ಕ ಪೊಣ್ಣು ತಿಪ್ಪಿಲೆಡ್ ಕುಲೆಕ್ಲೆ ಮದಿಮೆ ಮಲ್ಪುನ ಕೆರಮ ಉಂಡು.

ಯೂಟ್ಯೂಬ್ ಡು "ಕುಲೆ ಮದಿಮೆ" ಪಂಡ್ ದ್ ನಾಡ್ಯರ್ಡ ಬೇತೆ ಬೇತೆ ಜಾತಿ ಜನಾಂಗದ ಬೇತೆ ಬೇತೆ ಕೆರಮದ ಕುಲೆ ಮದಿಮೆದ ವೀಡಿಯೊಲು ತಿಕ್ಕುವ.

ಕಂಕನಾಡಿ ಗರಡಿ

                         ಕಂಕನಾಡಿ ಗರಡಿ

ಗರೊಡಿ

ಬೈದೆರ್ಲು.ನಡುಟು ಬೆಮ್ಮೆರ್.

 ಕೊಡಮಂದಾಯ,ವಿಷ್ಣುಮೂರ್ತಿ

                    ಬ್ರಹ್ಮಶ್ರೀ ನಾರಾಯಣ ಗುರುಕುಲು

ಪರಮಪೂಜ್ಯ ಮಹಾತ್ಮ ಗಾಂದೀಜಿ

ಮಾಯಂದಾಲ್/ಮಾಣಿಬಾಲೆ

                ಒರ್ಂಬ ಗ್ರಹೊಕುಲು

                             ದೇಯಿ ಬೈದ್ಯೆದಿ

                    ಗಣಪತಿ ದೇವೆರ್

                        ಸುಬ್ರಹ್ಮಣ್ಯ ದೇವೆರ್

                       ಬಾಲ ಪರಮೇಶ್ವರಿ ದೇವಿ

                        ಆನಂದ ಬೈರವ ದೇವೆರ್

                      ನಾಗ ದೇವೆರ್

ವೀಡಿಯೋ ಕೊಂಡಿ:-

https://youtu.be/znWITUKllf4

ಆಟಿದ ಬೈಲ ಮಾರಿ

             ಆಟಿದ ಬೈಲ ಮಾರಿ

ಪೊಲಬು-ತುಳು ನಾಡ ಪುಗಾರ್ತೆದ ಕಟ್ಟುನಾರಾಯಿನ ಶೇರ ಲೋಕಯ.ಪಾತೆರಕತೆ ಮಲ್ತಿನಾರ್.ಬ.ಗಣರಾಜ ಭಟ್.ಕಲಾಕುಸುಮ ಯೂಟ್ಯೂಬ್ ವಾಹಿನಿ

ಕಾಪೆಲ್-ತುಳು ಭಾವಗೀತೆ

                            ತುಳು ಭಾವಗೀತೆ    

                                    *ಕಾಪೆಲ್* 

ಯಾನ್ ಇತ್ತೆ ಬರ್ ಪೆ ಪಂಡ್ದ್ ,

ಬೆರಿನ್  ಪಾಡ್ದ್ ಪೋಯಿನಾರ್,

ಏತೊ ಕಾಲ ಕರಿದ್ ಪೋಂಡು,

ದಾಯೆ ತೋಜ್ಜರ್.

ಪಿದಯಿ ಮಾತ ಕೇನ್ವೆರ್ಂದ್,

ಜೋಕುಲೆನಡ ಕೆನ್ವೆರಿರೆನ್,

ದಾದ ಪನೊಡು ಅಕ್ ಲೆಗ್ಯಾನ್,

ಎನ್ನ ದೇವೆರೆ,

ಕಣ್ಣ್ ಎಕ್ಕುನಾತ್ ತೂಯೆ,

ನನಲ ತೋಜ್ಜರೇ.

ಎನ್ನ ಅಪ್ಪೆ ಅಮ್ಮೆ ಎನನ್,

ನಂಬುದಿರೆನ ಕೈಕ್ ಪಾಡ್ದ್,

ನಿಚ್ಚಯೊದ ದಿನೊಟು ಸುರುಕು,

ಮೋನೆ ತೂಯಿನ.

ಇಲ್ಲ ಜಾಲ ದೊಂಪದಡಿಟ್,

ದೇಸೆ ಮದಿಪು ಕುಟುಮ ನಡುಟು,

ಧಾರೆಯೇರ್ದ್ ಕರಿಯಣಿನ್,

ಈರ್ ಕಟ್ಟಿನ,

ಎಡ್ಡೆ ಏಳ್ಯೊ ಗಳಿಗೆನ್ಯಾನ್,

ಎಂಚ ಮದಪೆನ.

ಪೊರ್ಲು ಎಂಕ್ ಬಯಕೆ ಪಾಡಿ,

ದಿನೊನು ಎಂಚ ಮದಪಡ್ಯಾನ್,

ಯಾನ್ ಅಮ್ಮೆ ಆವೊಂದುಲ್ಲೆ,

ಕೊಸಿಟ್ ತೆಲಿತರ್.

ಎನ್ನ ಅಪ್ಪೆ ಇಲ್ಲಗ್ಂದ್,

ಪಿದಡ್ ನಗ ಇರೆನ ಮೋನೆ,

ಕಂತ ಪಾಡ್ದ್ ಉಂತಿನಿರೆನ್,

ತೂಯೆ ಬೇಜರ್,

ಕಣ್ಣ್ ಆಂಜುನೇಟ ಈರ್,

ಎನನ್ ತೂಯರ್.

ತೊಟಿಲ್ ಪಾಡ್ದ್ ಬಾಲೆನವೆಟ್,

ಜೆಪುಡದೀರ್ ಎನ್ನ ಮೋನೆ,

ಪೊರ್ಲು ಪೊಲಿಕೆ ಪೊಲಿ ಪೊಲ್ಸು,

ತೊಟಿಲ್ ನೊಚ್ಚಿನ.

ಏತ್ ಮೋಕೆ ಬಾಲೆಲೆಡ,

ಏತ್ ಮೋಕೆ ಕುಟುಮ ಮಿತ್ತ್,

ಸಂಸಾರ ಸರ್ ಕೆಗೀರ್,

ಬೆಂದ್ ಸೊಂದರ್,

ಕಾತ್ ಕುಲ್ದು ಸೋತು ಪೋಯ,

ದಾನೆ ತೋಜ್ಜರ್.

ಈರೆ ಎನ್ನ ಸರ್ವ ಪಂಡ್ದ್,

ನಂಬುದಿರೆನ ಪಿರವು ಬತ್ತೆ,

ಎನ್ನ ಉಸುಲು ಕಡಿಯುನೇಟ,

ಈರ್ ಬೋಡುಯೇ.

ಪಾಪ ಜೋಕುಲಿರ್ ಲ್ ಪಗೆಲ್,

ಕನೊಟು ಇರೆನ್ ಕಲಂಬರುವ,

ಏರೆ ಬರಡ್ ಈರೆ ಪಂಡ್ದ್,

ಸಾದಿ ತೂಪಯೇ,

ಈರ್ ದಾಂತೆ ನಮ್ಮ ಬದ್ ಕ್ ಗರ್ಥ ಇಜ್ಜಿಯೇ,

ಎಕ್ಕಂದೆಲ್ ಡ್ ಸೋತ್ ಪೋಯ,

ಬರ್ಪರೆಪಯೇ.

ಕವಿ-

ಕೆ.ಮಹೇಂದ್ರ ನಾಥ್ ಸಾಲೆತ್ತೂರು.

-ಕಾವ್ಯಸುತ-

ಕೃಪೆ-ಪೂವರಿ ತುಳು ಪತ್ರಿಕೆ

ತುಳುವೆರೆ ಸೋಣ ಧರ್ಮ ತಿಂಗೊಲು ,ಸೋಣದ ಜೋಗಿ, ತಡ್ಯದಜ್ಜಿ

ತುಳುವೆರೆ ಸೋಣ ಧರ್ಮ ತಿಂಗೊಲು ಸೋಣದ ಜೋಗಿ,ತಡ್ಯದಜ್ಜಿ

                       ಸೋಣದ ಜೋಗಿ

                          ಸೋಣದ ಜೋಗಿ

                    ಸೋಣದ ಜೋಗಿ

              ‌  ‌         ಸೋಣದ ಜೋಗಿ

                               ತಡ್ಯ ಬರೆಪುನಿ

                         ಗರ್ಗ  /ಸೋಣ ತಪ್ಪು(ನೀರ್ಕಡ್ಡಿ)

                           ಮದ್ಮಾಲ್ ತಪ್ಪು

                    ‌‌‌              ಬಜಿಲ್ ತಪ್ಪು

  

                                  ಪೆರದನೆ ತಪ್ಪು
  

                                    ಪಚ್ಚೆ ಕುರಲ್

                              

                               ಪೊರಿ/ಪೊದ್ದೊಲು ತಪ್ಪು

ಕುಡುತ ಪೂ ಮುಂಗೆ ಬರ್ರೆ ಬಿತ್ತಿ ಜಾಗೆಡ್ ಕರ ಕಂಕನೆ ಪಾಡ್ದ್ ದೀಪುನಿ

       

 ಸೋಣ ಸಂಕ್ರಾಂತಿದಾನಿ ತಡ್ಯ ಬರೆನಗ ಕೊಲ್ಲ ಪೂ ಪಂಡ ಕುಡುತ ಪುರ್ಪ ತಡ್ಯೊಗು ದೀಯೆರೆ ಬೋಡೇ ಬೋಡು

                                          ಕದಿಕೆ

              ತಡ್ಯ ಬರೆಯೆರೆ ಸೇಡಿ ಗಲಸುವೆರ್

ಸೇಡಿಡ್ ತಡ್ಯ ಪುಡ್ಯಾಂಡ  ಓಂತಿ,ಅರಣೆ,ಉಚ್ಚುಲು ತಡ್ಯದ ಉಲಯಿ ಬರ್ಪುಜ . ಅವ್ವೊಂಜಿ ಮೂಲಿಗೆ

                 ಸೋಣೊಡು ತಡ್ಯ ಬರೆಪುನಿ

ಇಲ್ಲದ ಮುತ್ತೈಸಿಲು ಅಂಗಾರೆ,ಸುಕ್ರಾರದಾನಿ ಇಲ್ಲದ ತಡ್ಯ ದಾಂಟ್ ದ್ ಪಿದಯಿ ಪೋಯೆರೆ ಇಜ್ಜಾಂಡ್.

              ಸೋಣೊಗು ತಡ್ಯೊಗು ಗಲಸುನ ತಪ್ಪುಲು

ತಾರಾಯಿ ದರ್ತ್ ದ್ ತಡ್ಯೊಗು ದೀದ್ ತಡ್ಯದಜ್ಜಿನ್ ಎದ್ಕೊನುನಿ

ತಡ್ಯ ಬರೆದ್ ಗಿಂಡೆ ನೀರ್ದೀದ್ ಆ ನೀರ್ನ್ ತೊಲಚಿಗ್ ಪಾಡುನಿ

   ತಡ್ಯದಜ್ಜಿನ್ ಗಿಡೆರುನ ದುಂಬು ತಡ್ಯೊಗು ದೀಪುನ ಸೊತ್ತುಲು

   ತಡ್ಯದಜ್ಜಿಗ್ ಉಲಯಿಡ್ ಕೊಡಿರೆಟ್ ಬಲಸಿನ ದೋಸೆ,ಪೊರಿ ಕೊರ್ಪುನಿ.ದಡ್ಡಿ-ಮಿಜಾರ್.ನಿಜವಾದ್ ಇಲ್ಲದ ಪೆರಿಯ ಪೊಂಜೊವು ಕೊರೊಂತೆರ್

                  ತಡ್ಯದಜ್ಜಿನೊಟ್ಟುಗು ಜೋಕುಲು

ತಡ್ಯದ ಅಜ್ಜಿಗ್ ತಡ್ಯದ ಉಲಯಿ ಒಂಜಿ ಕೊಡಿರೆಟ್ ದೋಸೆ,ಪೊರಿ,ಕುಡೊಂಜಿ ಇರೆಟ್ ನುಪ್ಪು,ಮೀನ್ದ ಕಜಿಪು ಇಜ್ಜಾ ನಟ್ಟಿಕಾಯಿ ಕಜಿಪು ಬಲಸ್ವೆರ್

               ತಡ್ಯದ ಅಜ್ಜಿ ತಡ್ಯದ ಉಲಯಿ

ಇಲ್ಲದ ಬುದ್ದಿ ತೆರಿನ ಬುದ್ದಿ ಪನೆರೆ ಸಾದ್ಯ ಇತ್ತಿ ನಡು ಜವನಾತಿಗೆದ ಆಣಗ್ ತಡ್ಯದಜ್ಜಿನಲೆಕ ಸೀರೆ ತುತ್ತವೆರ್.ತಡ್ಯದಜ್ಹಿ ಪಿದಯಿ ಉಂತುದು ಉಲಯಿ ಎಕ್ಕಲುನಿ.ಅಂಚಿಂಚಿ ತೂದು ಉಲಯಿ ಬಲಸಿನಕೆ್ ಕೈ ಪಾಡುನಿ

ತಡ್ಯದಜ್ಜಿಗ್ ಇಲ್ಲದ ಪೆರಿಯ ಪೊಂಜೊವು ಕೊಡಿರೆಟ್ ಬಲಸಿ ದೋಸೆ ಬೊಕ್ಕ ಪೊರಿ ಕೊರ್ಪುನಿ.ತಡ್ಯದಜ್ಜಿನ ಕೈಟ್ ಕಂರ್ಬುದ ದಂಟೆ ಉಪ್ಪುಂಡು.

  

                                   ಚೌತಿ ಪೂ

ಅಜ್ಜಿನ್ ಕಡಪುಡುನಿ/ಅಜ್ಜಿ ಗಿಡೆರುನಿ:-

ಪ್ರಾದೇಶಿಕವಾದ್ ಅಜ್ಜಿನ್ ಕಡಪುಡುನ ಕೆರಮೊಡು ಎತ್ತೇಸೊಲು ಉಂಡು.ಕೆಲವು ತಿಕ್ ಡ್ ಅಜ್ಜಿನ್ ಕಡಪುಡುನ ಒಂಜಿ ಆಚರಣೆದ ಕೆರಮ‌ ಇತ್ತ್ಂಡ ನನ ಕೆಲಕೋಡಿಡ್ ತಡ್ಯದಜ್ಜಿನ್ ಗಿಡೆರುನ ಕ್ರಮ ತೋಜಿದ್ ಬರ್ಪುಂಡು..

   

ಸೋಣ ತಿಂಗೊಲ್ಡು ಗುಂಡ ಸಾನೊಲೆಡ್ ದೈವೊಲೆನ ಆರಾಧನೆ 

      ಸೋಣ ತಿಂಗೊಲ್ಡು ಚಾವಡಿಲೆಡ್ ದೈವೊಲೆಗ್ ಪೂಪೂಜನೆ

  

                      ಪಡ್ರೆ ಜುಮಾದಿ ದೈವ

   ಸೋಣೊಡು ದೇವೆರೆನ ಸಾನ ಗುಂಡೊಡು ಆರಾದನೆ ಸುರು

          ಮೂಲು ಅಜ್ಜಿನ್ ಗಿಡೆಪುನಿ ಪಂಡ ಇಲ್ಲದ ಉಲಯಿದ ಪೆರಯದ ಅಜ್ಜಿನ್ ಗಿಡೆಪುನಿಯತ್ತ್.ಅವು ನಮ್ಮ ಸಂಸ್ಕೃತಿಯತ್ತ್.  ಬುದ್ದಿ ತೆರಿನ,ಬುದ್ದಿ ಪನೆರೆ ಯೋಗಿತದ ನಡು ಪೆರಯದ ಇಲ್ಲದ ಒರಿ ಜವನಗ್ ಅಜ್ಜಿನ ಏಸ ಪಾಡ್ ದ್ ತಡ್ಯದ ಪಿದಯಿರ್ದ್ ಆಯೆ ಉಲಯಿ ಎಕ್ಕಲೆರೆ ಉಂಡು.ಏರ್ಲ ತೂಪುಜೆರ್ಂದ್ ಅಜ್ಜಿ ಕೈ ಪಾಡೆರೆ ಉಂಡು..  ಬೊಕ್ಕ ಇಲ್ಲದಕುಲು ಅಜ್ಜಿನ ಕೈಟ್ ದೋಸೆ,ಪೊರಿ ಕೊರ್ದು,ಕೈಟ್ ಕರ್ಂಬುನು ದಂಟೆಯಾದ್ ಕೊರ್ನಗ ಇಲ್ಲದ ಹಿರಿಯಾಕುಲು ಅಜ್ಜಿಡ "ಎಂಕ್ಲೆ ಇಲ್ಲದ ಕಷ್ಟ ಕೊರೊದೊಲೆನ್, ಸಿರ್ಕ್ ಸಂಕಡೊಲೆನ್ ಪೂರ ಕೊನೊಲೆ ಅಜ್ಹಿ" ಂದ್ ಪನ್ಪೆರ್.ಅಪಗ ಅಜ್ಜಿ "ಯಾನ್ ಕುಡೊರ ಬರ್ಪುನಡೆಮುಟ್ಟ ನಿಕುಲು ಕುಸಿಟುಪ್ಪುಲೆ ಮಗ" ಂದ್ ಅಜ್ಜಿ ಆಶೀರ್ವಾದ ಮಲ್ಪುಂಡು..ಮೂಲು ಸೋಣದ ಜೋಗಿ ಸುರುಕು ಬರ್ಪೆ.ಆಯೆ ಸಿರ್ಕ್ಸಂಸಂಕಡೊಲೆನ್ ದೂರ ಮಲ್ಪುನಾಯೆ. ತಡ್ಯೊನು ಅಪ್ಪೆ ಪಾರೊತಿಂದ್ ತೂಯೆರ್.ತಡ್ಯೊನು ಸೇಡಿಡ್ ಬರೆಯೆರ್.ಮೂಲು ಪಿದಯಿರ್ದ್ ಇಲ್ಲ ಉಲಯಿ ಸೀಕ್ ಬರಂದಿಲೆಕ ಗೌರಿ ತೋಜುವಲ್.ದುಂಬು ಚೌತಿ ಅಕ್ಲೆ ಮಗೆ ಇನಕನ ಆರಾದನೆ.ಇನಕನ್ಲ ಸೇಡಿ ಮಣ್ಣ್ ಡೇ ಮೂರ್ತಿ ಮಲ್ಪುನಿ.ವಿಶೇಷ ಪಂಡ ಗೌರಿನ ಒರುಟು ತಡ್ಯ ಬರೆನಗಲ ಕುಡು ಅರಿಟುದಿತಿ ತುಳುನಾಡ ಸುರುತ ಕುಡುತ ಪೂ ಬೋಡು,ಕರ್ಂಬುದ ತಿಗ್ ತೆ ಬೋಡು,ಕರ್ಂಬುದ ದಂಟೆ ಬೋಡು.ಅಂಚನೆ ಇನಕ ದೇವೆರೆಗ್ ತಿಗ್ ತಿ ಕರ್ಂಬುದ ಅಟ್ಟೊಳಿಗೆ ಕಟ್ಟ್ ದ್ ಅಂಚಿಂಚಿ ರಡ್ಡ್ ಕರ್ಂಬು ದೀದ್ ಅವೆಕ್ ಕುಡುತ ಪೂತ ಮಾಲೆದ ಅಜಕೋಲು ಬೋಡು.ಏತೊಂಜಿ ಪೊರ್ಲುದ ಅಪ್ಪೆ, ಅಮ್ಮೆ,ಮಗನ ಸಮ್ಮಂದದ ನೇರ್ಪುಡು ನಡಪುನ ಪ್ರಾಕೃತಿಕವಾಯಿನ ತುಳುವೆರೆ ಆರಾದನೆ.ಚೌತಿ ಪೂಂದು ಕಾಡ್ ಡ್ ಅರಲುನ ಬರೀ ಪೊರ್ಲ ಪೂ ಉಂಡು.ಆಂಡ ಅವೆನ್ ದೇವೆರೆಗ್ ಗಲಸುಜೆರ್.ಆತ್ ಇಸ ಅವೆತ ಇರೆಟುಂಡು.ಆ ಪೂನು ಅಂಚಾದ್ ಜೋಕ್ಲೆಗ್ ಪೂರ ಮುಟ್ರೆ ಬುಡೊಂದಿಜ್ಜಾಂಡ್.ಮೂಲು ಅಜ್ಜಿಯೆ ನಮಕ್ ಅಂತಿಮ.ಪುಳ್ಳಿ ಮೂಜನೆ ತರೆ.ಮೂಲು‌ ಭಾವನಾತ್ಮಕವಾಯಿನ ಸಮ್ಮಂದಲ ತೆರಿಯುಂಡು.ಪ್ರಾಯ ಕರಿದ್ ಪೋಯಿನ ಜೀವ ನಮಕ್ ಏಪಲಾ ಕಾಪಾದಿಪ್ಪುವೆರ್ಂದ್ ನಂಬಿನಕುಲು ತುಳುವೆರ್.ಅಜ್ಜಿನ ಮೂಲಕ  ಇಲ್ಲ ಉಲಯಿತ್ತಿ ಜನೊಕ್ಲೆನ ಸಮ್ಮಂದೊಲೆನ ಒಡಕ್ ಲೆನ್ ಸರಿ ಮಲ್ಪುನೆನ್ ತಡ್ಯದಜ್ಜಿನ ಆಚರಣೆಡ್ ಅರ್ಥ ಮಲ್ತೊನೊಲಿ.ತಡ್ಯೊಡು ಸೇಡಿಡ್ ತಡ್ಯ ಬರೆಪುನೆಟ್ಲಾ ಪಿದಯಿರ್ದ್ ಉಚ್ಚು,ಅರಣೆ,ಓಂತಿ,ಚೇರಂಟೆ,ಕಂಬೊಳಿ ಪುರಿ ಉಲಯಿ ಪೋವಂದಿಲೆಕ ಒಂಜಿ ಮೂಲಿಗೆ ಅವು.ತಡ್ಯ ಪಂಡ ಇಲ್ಲಗ್ ಪೊಗ್ಗುನ ಮುದೆಲ್.ದುಂಬು ತರೆ ದಾರಂದೊಗು ತಾಗಂದಿಲೆಕ ತಗ್ಗ್ ಬಗ್ಗ್ ದ್ ಉಲಯಿ ಪೋವೊಡಿತ್ತ್ಂಡ್.

 

            ಸೋಣ ಸನಿವಾರ ಒರ್ಪೊತ್ತುದ ಪಾಸ 

ಸೋಣ ತಿಂಗೊಲ್ದ ಆಚರಣೆಲು:--

೧.ಸೋಣ ತಿಂಗೊಲ್ದ ತಡ್ಯ ಪುಡ್ಯಾಡುನ ಕೆರಮ

೨.ಸೋಣ ಸಂಕ್ರಾಂತಿ

೩.ಸೋಣ ಸನಿವಾರದ ಪಾಸ

೪.ಅಜ್ಜಿನ್ ಕಡಪುಡುನಿ/ಅಜ್ಜಿ ಗಿಡೆರುನಿ

೫.ಸೋಣದಾರತಿ

೬.ಸೋಣದ ಪೂತ ಪೂಜೆ

೭.ಸೋಣದ ಮದಿಮಾಲ್

೮.ಸೋಣದ ಜೋಗಿ

೯.ಸೋಣದ ಅಗೆಲ್-ನೀರ ಕನ್ಯೆಗ್

೧೦.ಸೋಣದ ಧರ್ಮ ನಡಾವಳಿ-ದೈವಸಾನೊಲೆಡ್ ಇಂಚ ನನಲಾತ್ ಆಚರಣೆಲು ಸೋಣ ತಿಂಗೊಲ್ಡು ನಡಪುವ.

ವೀಡಿಯೋ ಲಿಂಕ್:-ಸೋಣದ ಜೋಗಿ

https://youtu.be/sy-ik4lgr98