*ಬೆಮ್ಮೆರೆ ಸುಗಿಪು*
ದುಂಬಾದ್ ಸುಗಿಪುಗ ಸ್ವಾಮಿ ಬೆಮ್ಮೆರೆನ್,
ಆಲಡೆ ಬನ ನಡೆ ಆದಿ ದೈವೊನು,
ಕಾವಂದೆ ಸಾಸ್ತಾರೆ ದರ್ಮದರಸುನು,
ತುಳುವ ಮನ್ನ್ ನ್ ಉಂಡು ಮಲ್ತಿ ಉಲ್ಲಾಯನ್||
ಜಾತಿ ಸಂಪಗೆಡ್ ನೀತಿ ಕೇದಗೆಡ್,
ಕಂಬುಲ ಕಂಡದ ಕೊಡಿ ಪೂಕರೆಡ್,
ಪಾಳೆ ಪಿಂಗಾರದ ಪೊರ್ಲ ಕೋಪೆಲೆಡ್,
ತಿರಿ ಚಂದ್ರಿಕೆ ಸುತ್ತು ಸುದ್ದ ಮುದ್ರಿಕೆಡ್,
ಬೊಲ್ಯ ಕುದುರೆ ಮಿತ್ತ್ ಬೊಲ್ಯ ಸತ್ತಿಗೆದಡಿಟ್,
ಏಳ್ ಕಡಲ ನಡುಟು ಉದಿತಿ ಬೆಮ್ಮೆರೆನ್||
ಪೊಯ್ಯೆ ಪತ್ತ್ ನಗ ನೀರ್ ಪನ್ಪಯೆರ್,
ಮನ್ನ್ ಪತ್ತ್ ನಗ ಸೂ ಪನ್ಪಯೆರ್,
ಪುಂಚ ಪತ್ತ್ ನಗ ಮರಿಯಾದ್ ತೋಜ್ಯೆರ್,
ಕಲ್ಲ್ ಪತ್ತ್ ನಗ ಬೂತಾದುದಿತೆರ್,
ಗುಂಡ ಪತ್ತ್ ನಗ ದೇವೆರ್ ಪಂಡೆರ್,
ದೈವ ದೇವೆರ್ ತುಳುವ ಕುಲೊಕು ಬೆಮ್ಮೆರ್||
ಸಂತಾನುದಿಪುಗು ಕಂಚಿಲ ಪರಕೆ,
ಉಂಡಾಯಿನಡೆ ತುಳುವೆರೆ ನಡಕೆ,
ಒಂಜನೆ ಸುಗಿಪುಗು ಪತ್ತೊದಗಾವೆರ್,
ರಡ್ಡನೆ ಸುಗಿಪುಗು ನೂತ್ ರನೆ,
ಮೂಜನೆ ಸುಗಿಪುಗು ಸಾರೊದಗಾವೆರ್,
ದೀ ಸುತ್ತೆನೆ ಬೆಮ್ಮೆರೆನವುಗೆ||
No comments:
Post a Comment