ದೈವ ಭೂತೊಲ್ನ ಬಲಿ /ಉಡ್ಕು ಬಲಿ
ಈ ಚಿತ್ರ ಕಿನ್ನಿಮಾನಿ ಪೂಮಾನಿ ದೈವದ ಉಡ್ಕು ಬಲಿತ ಚಿತ್ರ ಬೋಳಿಯಾರ್
ದೈವ ಮುಗತೆಚ್ಚಿ ಆದ್ ಅನು ಕೊರಿ ಬೊಕ್ಕ ಕಟ್ಟ್ ನಲಿಕೆ ಆಪುಂಡು . ಕೆಲವು ದೈವೊಗು ಮೋನೆಗ್ ಮುಗ ದೀದ್ ನೇಮ ಅಂಡ ಕೆಲವೆಕ್ ಮುಗ ಏರ್ದ್ ನೇಮ ಆಪುಂಡು . ವಾದ್ಯದಕ್ಲೆಗ್ ಪೂ ತಾರಾಯಿ ಕೊರಿ ಬೊಕ್ಕ ಅಕ್ಲೆನೆದುರು ಒಂಜಿ ದರ್ಶನ ಆದ್ ಬಾಲಿ ಸುರು ಆಪುಂಡು .
೧.ಸುತ್ತು ಬಲಿ -ದೈವ ನಿಧಾನವಾದ್ ತಾಸೆ ವಾದ್ಯ ದೊಟ್ಟುಗು ನಡತೊಂದೆ ಒಂಜಿ ಸುತ್ತು ಬತ್ತದ್ ,ಕುಡೊರ ಬ್ಯಾಂಡ್ ವಾದ್ಯದೊಟ್ಟುಗು ನಿಧಾನ ನಡತೊಂದೆ ಸುತ್ತು ಬತ್ತದ್ ,ಬ್ಯಾಂಡ್ ವಾದ್ಯ ಬೊಕ್ಕ ತಾಸೆ ವಾದ್ಯದೊ ಟ್ಟುಗು ಪಂಡ ಸರ್ವ ವಾದ್ಯ ದೊಟ್ಟುಗು ೩ ಜನೆ ಸುತ್ತುಡು ಬೀಸ ಬೀಸ ಬಲಿತೊನ್ದು ದೈವಸಾನೊಗು ಬಲಿ ಬರ್ಪುಂಡು .ಬೀಸ ಬಲಿಪುನಗ ಗಡಿ ಪತ್ತ್ ನಾರ್ ದೈವದ ಒಂಜಿ ಕೈ ಪತೊಂಡ ಕುಡೊಂಜಿ ಕೈನ್ ದೈವದ ಮಾನ್ಯೆರ್ ಪತೊಂದು ದೈವದೊಟ್ಟಿಗೆ ಅಕ್ ಲ್ಲಾ ಬೀಸ ಬೀಸ ಬಲಿಪುವೆರ್ .ಈ ಸುತ್ತುನು ಸರ್ವ ವಾದ್ಯ ಸುತ್ತುಂದುಲಾ ಪನ್ಪೆರ್ .
೨. ಮದಿಮಲೆ ಬಲಿ -ದೈವ ಸಾನೊಗು ಬರ್ಪಿನ ಬಲಿ ಉಂದು.ವಾಲಗ ತಾಸೆದೊಟ್ಟುಗು ದೈವ ಸಾನೊಗು ಒಂಜಿ ಸುತ್ತು ಬರ್ಪುಂಡು . ಮದಿಮಾಲ್ ನಡತಿಲೆಕ ಮೆಲ್ಲ ಪಜ್ಜೆ ದೀವೊಂದು ವಾದ್ಯ,ಬ್ಯಾಂಡ್ ದೊಟ್ಟುಗು ದೈವ ಸುತ್ತು ಬರ್ಪುಂಡು. ಅಂಚನೆ ದೈವ ಮೂಲೆ ಮೂಲೆಗ್ ಪೋದು ಅವ್ಳು ಮೂಲೆಲೆದ್ ದರ್ಶನ ಬರ್ಪುಂಡು .
೩. ದೇವೆರೆ ಬಲಿ -ದೇವೆರೆ ಬಲಿತಟ್ ದೈವ ಯೆಡತ್ ಗೊರ,ಬಲತ್ ಗೊರ ತಿರ್ಗೊಂದು ಸಾನೊಗು ಮೆಲ್ಲ ಪಜ್ಜೆ ದೀವೊಂದು ವಾದ್ಯದೊಟ್ಟುಗು ಸುತ್ತು ಬರ್ಪುಂಡು
೪. ಓಡ ಬಲಿ-ಈ ಬಲಿ ತೂವೆರೆ ಬಾರೀ ಪೊರ್ಲು .ದೈವ ಎದುರುಗೊರ ,ಪಿರವುಗೊರ ಓಡದಲೆಕ ದುಮ್ಪಿರ ವಾದ್ಯದ ಸೊರೊತೊಟ್ಟಿಗೆ ದೈವ ಸಾನೊಗು ಬಲಿ ಬರ್ಪುಂಡು .
೫. ಬಲಿತ್ತ ಬಲಿ -ದೈವಸಾನದ ಎದುರು ದೈವೊಗು ಬಲಿ ದೀದುಪ್ವೆರ್. ಅವೆಕ್ ದೈವ ೩ ಸುತ್ತು ವದ್ಯದೊಟ್ಟುಗು ಬಲಿ ಬರ್ಪುಂಡು. ಅವೆರಡ ಬೊಕ್ಕ ಸಾನದೆದುರು ಪೋದು ಅನು ಕೊರ್ದು ಎದುರು ಬತ್ತ್ ದ್ ನಾಲ್ ಮೂಲೆಗ್ಲಾ ದರ್ಶನೊಡೆ ಪೂ ದಕ್ಕ್ ದ್ ಕಡೆಕೊರ ಮಲ್ಲ ದರ್ಶನ ಬರ್ಪುಂಡು . ಉಂದೆನ್ ದರ್ಶನ ಬಲಿಂದ್ ಲ ಪನ್ಪೆರ್.
ಉಡ್ಕು ಬಲಿ-ಈ ಬಲಿ ಕಡೆತ ಬಲಿಯದಿಪ್ಪುಂಡು . ಈ ಬಲಿ ಆಯಿಬೊಕ್ಕ ಬೂಲ್ಯ ಪಟ್ಟುನ ಕಿರಮ ಇಜ್ಜಿ. ಅವೆರ್ದ್ ಬೊಕ್ಕ ಪಿರಿ ಬೂಲ್ಯನೆ . ಉಡ್ಕು ಬಲಿಟ್ ದೈವೊನು ದೈವಸಾನೊಗು ಸುತ್ತು ಬನ್ನಗ ಇರ್ವೆರ್ ಅನ್ಚಿಂಚಿ ದೈವದ ಕೈಟ್ ಪತೊಂದುಪ್ವೆರ್ .
ಮಾಹಿತಿ ಬೊಕ್ಕ ಚಿತ್ರ -ತುಳು ಒರಿಪುಗ ಅಂತರ್ಜಾಲ
ದೈವ ಮುಗತೆಚ್ಚಿ ಆದ್ ಅನು ಕೊರಿ ಬೊಕ್ಕ ಕಟ್ಟ್ ನಲಿಕೆ ಆಪುಂಡು . ಕೆಲವು ದೈವೊಗು ಮೋನೆಗ್ ಮುಗ ದೀದ್ ನೇಮ ಅಂಡ ಕೆಲವೆಕ್ ಮುಗ ಏರ್ದ್ ನೇಮ ಆಪುಂಡು . ವಾದ್ಯದಕ್ಲೆಗ್ ಪೂ ತಾರಾಯಿ ಕೊರಿ ಬೊಕ್ಕ ಅಕ್ಲೆನೆದುರು ಒಂಜಿ ದರ್ಶನ ಆದ್ ಬಾಲಿ ಸುರು ಆಪುಂಡು .
೧.ಸುತ್ತು ಬಲಿ -ದೈವ ನಿಧಾನವಾದ್ ತಾಸೆ ವಾದ್ಯ ದೊಟ್ಟುಗು ನಡತೊಂದೆ ಒಂಜಿ ಸುತ್ತು ಬತ್ತದ್ ,ಕುಡೊರ ಬ್ಯಾಂಡ್ ವಾದ್ಯದೊಟ್ಟುಗು ನಿಧಾನ ನಡತೊಂದೆ ಸುತ್ತು ಬತ್ತದ್ ,ಬ್ಯಾಂಡ್ ವಾದ್ಯ ಬೊಕ್ಕ ತಾಸೆ ವಾದ್ಯದೊ ಟ್ಟುಗು ಪಂಡ ಸರ್ವ ವಾದ್ಯ ದೊಟ್ಟುಗು ೩ ಜನೆ ಸುತ್ತುಡು ಬೀಸ ಬೀಸ ಬಲಿತೊನ್ದು ದೈವಸಾನೊಗು ಬಲಿ ಬರ್ಪುಂಡು .ಬೀಸ ಬಲಿಪುನಗ ಗಡಿ ಪತ್ತ್ ನಾರ್ ದೈವದ ಒಂಜಿ ಕೈ ಪತೊಂಡ ಕುಡೊಂಜಿ ಕೈನ್ ದೈವದ ಮಾನ್ಯೆರ್ ಪತೊಂದು ದೈವದೊಟ್ಟಿಗೆ ಅಕ್ ಲ್ಲಾ ಬೀಸ ಬೀಸ ಬಲಿಪುವೆರ್ .ಈ ಸುತ್ತುನು ಸರ್ವ ವಾದ್ಯ ಸುತ್ತುಂದುಲಾ ಪನ್ಪೆರ್ .
೨. ಮದಿಮಲೆ ಬಲಿ -ದೈವ ಸಾನೊಗು ಬರ್ಪಿನ ಬಲಿ ಉಂದು.ವಾಲಗ ತಾಸೆದೊಟ್ಟುಗು ದೈವ ಸಾನೊಗು ಒಂಜಿ ಸುತ್ತು ಬರ್ಪುಂಡು . ಮದಿಮಾಲ್ ನಡತಿಲೆಕ ಮೆಲ್ಲ ಪಜ್ಜೆ ದೀವೊಂದು ವಾದ್ಯ,ಬ್ಯಾಂಡ್ ದೊಟ್ಟುಗು ದೈವ ಸುತ್ತು ಬರ್ಪುಂಡು. ಅಂಚನೆ ದೈವ ಮೂಲೆ ಮೂಲೆಗ್ ಪೋದು ಅವ್ಳು ಮೂಲೆಲೆದ್ ದರ್ಶನ ಬರ್ಪುಂಡು .
೩. ದೇವೆರೆ ಬಲಿ -ದೇವೆರೆ ಬಲಿತಟ್ ದೈವ ಯೆಡತ್ ಗೊರ,ಬಲತ್ ಗೊರ ತಿರ್ಗೊಂದು ಸಾನೊಗು ಮೆಲ್ಲ ಪಜ್ಜೆ ದೀವೊಂದು ವಾದ್ಯದೊಟ್ಟುಗು ಸುತ್ತು ಬರ್ಪುಂಡು
೪. ಓಡ ಬಲಿ-ಈ ಬಲಿ ತೂವೆರೆ ಬಾರೀ ಪೊರ್ಲು .ದೈವ ಎದುರುಗೊರ ,ಪಿರವುಗೊರ ಓಡದಲೆಕ ದುಮ್ಪಿರ ವಾದ್ಯದ ಸೊರೊತೊಟ್ಟಿಗೆ ದೈವ ಸಾನೊಗು ಬಲಿ ಬರ್ಪುಂಡು .
೫. ಬಲಿತ್ತ ಬಲಿ -ದೈವಸಾನದ ಎದುರು ದೈವೊಗು ಬಲಿ ದೀದುಪ್ವೆರ್. ಅವೆಕ್ ದೈವ ೩ ಸುತ್ತು ವದ್ಯದೊಟ್ಟುಗು ಬಲಿ ಬರ್ಪುಂಡು. ಅವೆರಡ ಬೊಕ್ಕ ಸಾನದೆದುರು ಪೋದು ಅನು ಕೊರ್ದು ಎದುರು ಬತ್ತ್ ದ್ ನಾಲ್ ಮೂಲೆಗ್ಲಾ ದರ್ಶನೊಡೆ ಪೂ ದಕ್ಕ್ ದ್ ಕಡೆಕೊರ ಮಲ್ಲ ದರ್ಶನ ಬರ್ಪುಂಡು . ಉಂದೆನ್ ದರ್ಶನ ಬಲಿಂದ್ ಲ ಪನ್ಪೆರ್.
ಉಡ್ಕು ಬಲಿ-ಈ ಬಲಿ ಕಡೆತ ಬಲಿಯದಿಪ್ಪುಂಡು . ಈ ಬಲಿ ಆಯಿಬೊಕ್ಕ ಬೂಲ್ಯ ಪಟ್ಟುನ ಕಿರಮ ಇಜ್ಜಿ. ಅವೆರ್ದ್ ಬೊಕ್ಕ ಪಿರಿ ಬೂಲ್ಯನೆ . ಉಡ್ಕು ಬಲಿಟ್ ದೈವೊನು ದೈವಸಾನೊಗು ಸುತ್ತು ಬನ್ನಗ ಇರ್ವೆರ್ ಅನ್ಚಿಂಚಿ ದೈವದ ಕೈಟ್ ಪತೊಂದುಪ್ವೆರ್ .
ಮಾಹಿತಿ ಬೊಕ್ಕ ಚಿತ್ರ -ತುಳು ಒರಿಪುಗ ಅಂತರ್ಜಾಲ
No comments:
Post a Comment