ತುಳುನಾಡ ಕೊಡಿ ಕೇಪುಲು ರಂಗ್,ಕೆಂಪತ್ತ್

          ತುಳುನಾಡ ಕೊಡಿ ಕೇಪುಲು ರಂಗ್,ಕೆಂಪತ್ತ್

     ತುಳುನಾಡ ಕೊಡಿ ಕೇಪುಲು ರಂಗ್ ದ ಆದಿತ್ತ್ ದ್,ನಡುಟು ಸೂರ್ಯ ಚಂದ್ರೆರೆ ಒರು ಇತ್ತ್ ದ್ ಅಲ್ತ ಬೊಲ್ದು ರಂಗ್ ಶಾಂತಿದ,ಬುಡು ಉಡಲ್ ದ ಒರುವಾದುಂಡು. 

ತುಳು ನಾಡ ಕೊಡಿತ ರಂಗ್ ಕೇಪುಲು ರಂಗ್.

ಪ್ರಕೃತಿ ಆರಾಧಕ ತುಳುವೆರ್ ದೈವೊಲೆಗ್ ಕಾಡ ಕೇಪುಲು ದೀದ್ ಆರಾದನೆ ಮಲ್ತಿನಕುಲು.ಆ ಕೇಪುಲು ರಂಗೇ ದೈವದ ತುತ್ತೈತ,ಅಣಿ,ಸಿರಿಮುಡಿ ಸಿಂಗಾರೊ ಉಪ್ಪುಂಡು.ಅಸ್ರೊಡೆಲ ಕೇಪುಲ ರಂಗ್ ದವಾದಿತ್ತ್ ದ್ ಸುತಾಲ ಮೆನ್ಕೆನದ ಜಾಲರಿಲಿತ್ತ.ಇತ್ತೆ ದೈವ ತುತ್ತೈತದ ಇಜಾರ್,ಅಸ್ರೊಡೆ ಪೂರ ಕೆಂಪಾತ್ಂಡ್.ಸೂರ್ಯ ಚಂದ್ರೆರೆ ಕಾಲಾನುಮುಟ್ಟ ತುಳುನಾಡಿಪ್ಪುಂಡುಂದು ಕೇಪುಲು ರಂಗ್ ದ ತುಳುನಾಡ ಕೊಡಿತ ಅರ್ಥ ಆದುಂಡು.ಮೂಲು ಸೂರ್ಯ ಚಂದ್ರೆರೆನ್ ಬೊಲ್ದಾದ್ ಮಲ್ತ್ ನೆಟ್ಲಾ ಅರ್ಥ ಉಂಡು.ದೈವದ ಕೊಡಿಯಡಿಟ್ ಚಾಕಿರಿದಕ್ಲು ಗಲಸುನ ತುತ್ತೈತ ,ದಲ್ಯ ಪೂರ ಬೊಲ್ದುದ ಕುಂಟಾದಿಪ್ಪುಂಡು.

ತುಳುನಾಡ ಕೇಪುಲು ರಂಗ್ ಕೊಡಿಟ್ ಸೂರ್ಯ ಚಂದ್ರೆರ್.

ದೈವದ ಕೊಡಿಯಡಿ ಕಲೊಟು ದೈವದ ಬಾಲೊಲಿಟ್ ಬೊಲ್ದು ಕುಂಟುದ ಮೇಲ್ಕಾಪುಗು ಕೇಪುಲು ರಂಗ್ ದ ಅರು ಉಪ್ಪುಂಡು.ಅರಸು ದೈವೊಲೆ ಬೊಲ್ದು ಕಚ್ಚೆಗ್ ಕೇಪುಲು ರಂಗ್ ಅರು ಉಪ್ಪುಂಡು.ದೈವದ ಅಣಿತ ಕುಂಟು ಕೇಪುಲು ರಂಗ್,ದೈವೊಲೆ ಸಿರಿಮುಡಿತ ಕುಂಟು ಕೇಪುಲು ರಂಗ್ ದವಾದಿತ್ತ್ ದ್ ಸೂರ್ಯ ಚಂದ್ರೆರೆ ಒರು ಉಂಡು. ಅಣಿಸಿರಿಮುಡಿತ ಸುತಾಲ ಕೆಂಪುದ ಕುಂಟುದ ಕಿನ್ಯ ಕಿನ್ಯ ಕೊಡಿಕ್ ಲೆಗ್ ಕಪ್ಪು,ಬೊಲ್ದುದ ಅರುಕುಲಿಪ್ಪುಂಡು. 

           ತುಳುವೆರೆ ಕೊಡಿ ಕೆಂಪುರಂಗತ್ತ್,ಕೇಪುಲು ರಂಗ್

  ತುಳುನಾಡ ಕೊಡಿ ಕೆಂಪತ್ತ್.ಕೆಂಪು ರಂಗ್ ಒಂಜಿ ರಾಜಕೀಯದ ಬಾವುಟದ ಒರು.ಇಂಚಿಪ್ಪ ಒಂಜಾತ್ ವರ್ಸೊಲೆಡ್ ಕೇಪುಲು ರಂಗ್ ಮಯಕಾದ್  ಕೆಂಪು ರಂಗ್ ದ ಕೊಡಿ ಒರ್ಮೆಲಾ ರಾವೊಂದುಂಡು.ಉಂದು ಸರಿಯತ್ತ್.ಇನಿ ದೈವದ ಕೊಡಿಯಡಿತ ಚಾಕಿರಿದಕುಲು ಗಲಸುನ ಬೊಲ್ದು ಕುಂಟು ಮಯಕಾದ್ ದೇಲ್ಯದ ಕೇಸರಿ ತುತ್ತೈತ ಬೈದ್ಂಡ್.ದೈವದ ಕೊಡಿಯಡಿತ ಸಿರಿ ಸಿಂಗಾರೊಗ್ಲ ಕೇಸರಿದ ಕುಂಟು ಚೂರುಲೆನ ಮಾಲೆದ ಸಿರಿಸಿಂಗಾರ ಬೈದ್ಂಡ್.

                  ಪಿರಾಕ್ ದ ತುಳು ಲಿಪಿತ ಕಾವ್ಯೊಲು