ತುಳುತ 12 ತಿಂಗೊಲುಲು ಬೊಕ್ಕ ಆಚರಣೆಲು

          ತುಳುತ 12 ತಿಂಗೊಲುಲು ಬೊಕ್ಕ ಆಚರಣೆಲು

ತುಳುತ ಎಣ್ಮ ದಿಕ್ಕುಲು:-

ಮೂಡಾಯಿ,ಪಡ್ಡಾಯಿ,ತೆನ್ಕಾಯಿ,ಬಡಕಾಯಿ.ಉಂದು ನಾಲ್ ಪ್ರದಾನ ದಿಕ್ಕುಲು

ಒರಿನಂಚ ಉಪ್ಪುನ ನಾಲ್ ದಿಕ್ಕ್ ಲು-

ಬಲಕರೆ/ಮೂಡ್ತೆನ್ಕ-ಆಗ್ನೇಯ,

ಎಡ/ದತ್ತ ಕರೆ/

ಮೂಡ್ಬಡ-ಈಶಾನ್ಯ,

ಬಲ್ಯ/ಪಡ್ತೆನ್ಕ-ನೈರುತ್ಯ,

ಯಾರ/ಪಡ್ಬಡ-ವಾಯುವ್ಯ.

ಮೂಡ್ಬಡ ಪಂಡ ಮೂಡಾಯಿ ಬಡಕಾಯಿದ ನಡುತ ದಿಕ್ಕ್.ದತ್ತಕರೆಂದ್ ಲ ಪನ್ಪೆರ್. ಪಡ್ಬಡ ಪಂಡ ಪಡ್ಡೇಯಿ ಬಡಕಾಯಿದ ನಡುತ ದಿಕ್ಕ್.ಯಾರ ಪಂಡ್ ದ್ ಲ‌ ಪನ್ಪೆರ್. ಮೂಡ್ತೆನ್ಕ ಪಂಡ ಮೂಡಾಯಿ ತೆನ್ಕಾಯಿದ ನಡುತ ದಿಕ್ಕ್.ಬಲಕರೆಂದ್ ಲ ಪನ್ಪೆರ್,ಪಡ್ತೆನ್ಕ ಪಂಡ ಪಡ್ಡೇಯಿ ತೆನ್ಕಾಯಿದ ನಡುತ ದಿಕ್ಕ್. ಬಲ್ಯ ಪಂಡ್ ದ್ ಲ ಪನ್ಪೆರ್

               ತುಳುವೆರೆ ದಿನಮಾನೊ ರಾತ್ರೆ ಪದ್ರಾಡ್ ಗಂಟೆರ್ದ್ ಬರ್ಪುನತ್ತ್.ಉದಿಪು ದೇವೆರ್ ಉದಿಪುನೆರ್ದ್ ತುಳುವೆರೆ ದಿನ ಲೆಕ್ಕಾಚಾರ.ಅಂಚಾದ್ ಇಲ್ಲದ ಅಗೆಲ್ ಇತ್ತ್ಂಡ ಎಲ್ಲೆ ಪಾಸ ಪತ್ತೆರೆ ಉಂಡುಂದು  ದುಂಬುನಾನಿ ರಾತ್ರೆ ತಿನಂದೆ ಕುಲ್ಲಡೆ.

1.ಪಗ್ಗು:      ಎಪ್ರಿಲ್ ತಿಂಗೊಲ್ದ ಸಂಕ್ರಾಂತಿರ್ದ್ ಮೇ ತಿಂಗೊಲ್ದ  ಸಿಂಗೊಡೆಮುಟ್ಟ

ಆಚರಣೆ-ಪಗ್ಗು ತಿಂಗೊಲ್ದ ಸಿಂಗೊಡೆಗ್ "ಬಿಸು". ತುಳುವೆರೆ ಪೊಸವರ್ಸ ಸುರು.ಕೈ ಬಿತ್ತ್ ಪಾಡುನ ದಿನ

                    ಪಗ್ಗು ಪದಿನೆಣ್ಮ ಸಿರಿ ಪುಟ್ಟಿನ ದಿನ

2.ಬೇಸ:   ಮೇ  ತಿಂಗೊಲ್ದ ಸಂಕ್ರಾಂತಿರ್ದ್ ಜೂನ್ ತಿಂಗೊಲ್ದ  ಸಿಂಗೊಡೆಮುಟ್ಟ.

ಆಚರಣೆ-ಬೇಸ  10 ಪೋಪಿನಾನಿ ಪತ್ತನಾಜೆ

3.ಕಾರ್ತೆಲ್:  ಜೂನ್  ತಿಂಗೊಲ್ದ ಸಂಕ್ರಾಂತಿರ್ದ್ ಜುಲೈ ತಿಂಗೊಲ್ದ  ಸಿಂಗೊಡೆಮುಟ್ಟ

      ಕಾರ್ತೆಲ್ ಡ್ ಎಣೆಲ್ ಬುಳೆತ ಅಟ್ಟಣೆ

4.ಆಟಿ:  ಜುಲೈ  ತಿಂಗೊಲ್ದ ಸಂಕ್ರಾಂತಿರ್ದ್ ಅಗೋಸ್ಟು ತಿಂಗೊಲ್ದ  ಸಿಂಗೊಡೆಮುಟ್ಟ

ಆಚರಣೆ- ಆಟಿದಮಾಸೆ,ಪಾಲೆ ಕೆತ್ತೆ ಕಸಾಯ,ಪೆರಿಯಾಕ್ಲೆಗ್ ಅಗೆಲ್.ಆಟಿ ಕರ್ಮ ತಿಂಗೊಲಾಂಡ ಸೋಣ ದರ್ಮ ತಿಂಗೊಲು.  

5.ಸೋಣ:  ಅಗೋಸ್ಟು ತಿಂಗೊಲ್ದ ಸಂಕ್ರಾಂತಿರ್ದ್ ಸೆಪ್ಟಂಬರ್ ತಿಂಗೊಲ್ದ  ಸಿಂಗೊಡೆಮುಟ್ಟ.

     ಆಚರಣೆ-  ಸೋಣ ತಿಂಗೊಲ್ದ ಅಮಾಸೆ ಕರಿದ್ ೮ನೇ ದಿನತಾನಿ ಬರ್ಪುನವೇ ತುಳುನಾಡ ಸುರುತ ಆಡ್ಯೆ ತಿನ್ಪುನ ಪರ್ಬ ಅಟ್ಟೆಮಿ

ಅಟ್ಟೆಮಿಗ್ ಉರ್ದುದಡ್ಯೆ.

ನಾಗರ ಪಂಚೆಮಿ.ಮೂಲ ತುಳುನಾಡ ಅಚರಣೆಯತ್ತ್.ಪೊಸತಾದ್ ಬೈದ್ ನ.ಮಂಜಲ್ದಿರೆತ ಅಡ್ಯೆ/ಗಟ್ಟಿ.

ನಾಗರ ಪಂಚೆಮಿ ಒರೊರ ಆಟಿದ ಕಡೇಕ್ ಬರ್ಪುಂಡು

6.ನಿರ್ನಾಲ:  ಸೆಪ್ಟಂಬರ್  ತಿಂಗೊಲ್ದ ಸಂಕ್ರಾಂತಿರ್ದ್ ಅಕ್ಟೋಬರ್ ತಿಂಗೊಲ್ದ  ಸಿಂಗೊಡೆಮುಟ್ಟ.

ಸಂಕ್ರಾಂತಿ-17ಕ್-ಕಾವೊರಿ/ಕಾವೊಲಿ‌ ಸಂಕ್ರಾಂತಿ.

ಆಚರಣೆ-ಕುರಲ ಪರ್ಬ,ಪುದ್ದಾರ್,

ಕಾವೊರಿ ಸಂಕ್ರಾಂತಿ/ಕಾವಲಿ ಸಂಕ್ರಾಂತಿ/ಕಾವೊಲಿ ಸಂಕ್ರಾಂತಿ/ಕಾವೇರಿ ಸಂಕ್ರಾಂತಿ.

7.ಬೊಂತೆಲ್:  ಅಕ್ಟೋಬರ್  ತಿಂಗೊಲ್ದ ಸಂಕ್ರಾಂತಿರ್ದ್ ನವಂಬರ್ ತಿಂಗೊಲ್ದ  ಸಿಂಗೊಡೆಮುಟ್ಟ

           ಆಚರಣೆ-  ತುಡರ ಪರ್ಬ

8.ಜಾರ್ದೆ:  ನವಂಬರ್  ತಿಂಗೊಲ್ದ ಸಂಕ್ರಾಂತಿರ್ದ್ ಡಿಸೆಂಬರ್ ತಿಂಗೊಲ್ದ  ಸಿಂಗೊಡೆಮುಟ್ಟ.

ಆಚರಣೆ- ಕಂಡಕೋರಿ

9.ಪೆರಾರ್ದೆ:  ಡಿಸೆಂಬರ್  ತಿಂಗೊಲ್ದ ಸಂಕ್ರಾಂತಿರ್ದ್ ಜನವರಿ ತಿಂಗೊಲ್ದ  ಸಿಂಗೊಡೆಮುಟ್ಟ.

ಪೆರಾರ್ದೆಡ್ ಸುಗ್ಗಿ ಬುಳೆತ ಮುಗಿತಲ.

10.ಪುಯಿಂತೆಲ್/ಪೊನ್ನಿ: ಜನವರಿ  ತಿಂಗೊಲ್ದ ಸಂಕ್ರಾಂತಿರ್ದ್ ಪೆಬ್ರವರಿ ತಿಂಗೊಲ್ದ  ಸಿಂಗೊಡೆಮುಟ್ಟ.

ಸಂಕ್ರಾಂತಿ-14ಕ್-ಮಕರ ಸಂಕ್ರಾಂತಿ

ಆಚರಣೆ- ಕೆಡ್ಡಸ

11.ಮಾಯಿ:  ಫೆಬ್ರವರಿ  ತಿಂಗೊಲ್ದ ಸಂಕ್ರಾಂತಿರ್ದ್ ಮಾರ್ಚ್ ತಿಂಗೊಲ್ದ  ಸಿಂಗೊಡೆಮುಟ್ಟ.

ಮಾಯಿಡ್ ಸುಗ್ಗಿ ಬುಲೆತ ಬಾರ್ ಇಲ್ಲ ಜಾಲ್ ಗ್.

ಆಚರಣೆ-ಮಾಯಿದ ಪುರ್ಸೆರ್,ಮಾಯಿದ ಕನ್ಯಾಪು(ಮುಗ್ಗೇರ ಜನಾಂಗದ ನಲಿಕೆ,ಮಾಯಿದ ಪುಣ್ಣಮೆಗ್)

2.ಸುಗ್ಗಿ:  ಮಾರ್ಚ್  ತಿಂಗೊಲ್ದ ಸಂಕ್ರಾಂತಿರ್ದ್ ಎಪ್ರಿಲ್ ತಿಂಗೊಲ್ದ  ಸಿಂಗೊಡೆಮುಟ್ಟ.

ಸುಗ್ಗಿಡ್ ಅರಿ ಬಾರ್ ಡ್ ಇಲ್ಲ್ ದಿಂಜಿದುಪ್ಪುಂಡು.

ಆಚರಣೆ-ಪುರ್ಸೆ ಕಟ್ಟುನಿ,ಪುರ್ಸ ಏಸ,ಬಜಿಲ್ ಪೂಜೆ(ಸುಗ್ಗಿದ ಪುಣ್ಣಮೆಗ್.ಮಾತ ಜಾತಿ ಮತ ಧರ್ಮದಕ್ಲೆ ಸೇರಿಗೆದ ನಲಿಕೆ)

......................+++++++++++++++......................       

ಇಂಗ್ಲಿಷ್ ತಿಂಗೊಲು  -ತುಳು ತಿಂಗೊಲು -ಸಂಸ್ಕೃತ ತಿಂಗೊಲು/ರಾಶಿಲು -ಕನ್ನಡ ತಿಂಗೊಲು -ಋತುಕುಲು

ಈ ರೀತಿಡ್ ತೆರಿಯೊಂದು ಪೋಲೆ.

1.ಎಪ್ರಿಲ್ -ಪಗ್ಗು -ಮೇಷ -ಚೈತ್ರ -ವಸಂತ ಋತು

2.ಮೇ - -ಬೇಸ -ವೃಷಭ -ವೈಶಾಖ -ವಸಂತ ಋತು

3.ಜೂನ್ -ಕಾರ್ತೆಲ್ -ಮಿಥುನ -ಜೇಷ್ಠ -ಗ್ರೀಷ್ಮ ಋತು

4.ಜುಲೈ -ಆಟಿ-ಕರ್ಕಾಟಕ-ಆಷಾಡ-ಗ್ರೀಷ್ಮ ಋತು

5.ಅಗೋಷ್ಟು-ಸೋಣ -ಸಿಂಹ -ಶ್ರಾವಣ -ವರ್ಷ ಋತು

6.ಸೆಪ್ಟಂಬರ್ -ನಿರ್ನಾಲ- ಕನ್ಯಾ -ಭಾದ್ರಪದ - ವರ್ಷ ಋತು

7.ಅಕ್ಟೋಬರ್-ಬೊಂತೆಲ್-ತುಲಾ-ಅಶ್ವಯುಜ/ಆಶ್ವೀಜ -ಶರದೃತು

8.ನವಂಬರ್ -ಜಾರ್ದೆ - ವೃಶ್ಚಿಕ -ಕಾರ್ತಿಕ -ಶರದೃತು

9.ಡಿಸೆಂಬರ್-ಪೆರಾರ್ದೆ-ಧನು-ಮಾರ್ಗಶಿರ/ಮೃಗಶಿರ-ಹೇಮಂತ ಋತು

10.ಜನವರಿ - ಪೊನ್ನಿ/ಪುಯಿಂತೆಲ್ -ಮಕರ -ಪುಷ್ಯ -ಹೇಮಂತ ಋತು

11.ಫೆಬ್ರವರಿ -ಮಾಯಿ -ಕುಂಭ - ಮಾಘ -ಶಿಶಿರ ಋತು

12.ಮಾರ್ಚ್ -ಸುಗ್ಗಿ - ಮೀನ - ಪಾಲ್ಗುಣ- ಶಿಶಿರ ಋತು 

,,,,,,,,,,, ,,,,,,,,,,,,,,,,..................,,,, ,,,,,,,,,,,,,,,,,,,,,,,,

12  ತಿಂಗೊಲುಗು 6 ಋತುಕುಲು.

ಇಂಗ್ಲಿಷ್ ಗ್ರೆಗೋರಿಯನ್ ಕಾಲ ಕೋಂದೆ ಜನವರಿ ಒಂಜೆಕ್ ಪೊಸ ವರ್ಸಂದ್ ಸುರಾಪುನಿ.

ತುಳು ತಿಂಗೊಲು  ಪರೆಂಗಿ ಬಾಸೆದ ಎಪ್ರಿಲ್  ತಿಂಗೊಲುಡು  ಸುರಾಪುಂಡು.

ಕನ್ನಡ ತಿಂಗೊಲು,ಸಂಸ್ಕೃತ ರಾಶಿಲು/ತಿಂಗೊಲು ಪರೆಂಗಿ ಬಾಸೆದ ಎಪ್ರಿಲ್ ರ್ದ್ ಸುರಾಪುನಿ.-ಮೇಷ,ವೃಷಭ....ಉಂದು ಸಂಸ್ಕೃತ ತಿಂಗೊಲಾಂಡ ಚೈತ್ರ,ವೈಶಾಕ......ಉಂದು ಕನ್ನಡ ತಿಂಗೊಲುಲು.

  ಬೈತ ಮುಟ್ಟೆ ಬೊಕ್ಕ ಕೈ ಸಟ್ಟಿಡ್ ಜಾಲ್ ಡ್ ಬಾರ್ ಪಾರಾವುನಿ

ಒಟ್ಟು ನಕ್ಷತ್ರೊಲು - 27

ಒಟ್ಟು ಸಂವತ್ಸರ - 60

ಇತ್ತೆದ ಸಂವತ್ಸರ-ಹೇಮಲಂಬಿ/ಹೇವಿಳಂಬಿ ಸಂವತ್ಸರ

ಪ್ರತಿ 2 ತಿಂಗೊಲುಗು ಋತುಕುಲು ಬದಲಾಪ.ಒಟ್ಟು 6 ಋತುಕುಲು

                ಬೈತ ಮುಟ್ಟೆ ಬೊಕ್ಕ   ಬಾರ್ ದ ತುಪ್ಪೆ

ತುಳು ವಾರೊಲು:

1.ಸೋಮಾರ

2.ಅಂಗಾರೆ

3.ಬುದಾರ

4.ಗುರುವಾರ

5.ಸುಕ್ರಾರ

6.ಸನಿವಾರ

7.ಐತಾರ

ತುಲುವ ತಿಂಗೊಲ್ದ ಸುರುತ ದಿನ -ಸಿಂಗೊಡೆ.ಆನಿ ತುಳುವೆರ್ ಪಿದಯಿಗ್ ದಾಲ ಕೊರಯೆರ್.

ತುಳುವ ತಿಂಗೊಲ್ದ ಅಕೇರಿದ ದಿನ -ಸಂಕ್ರಾಂತಿ.ಆನಿ ದೈವ ದೆವೆರೆಗ್ ಅಗೆಲ್,ತಂಬಿಲ ಪಾಡುನ ಕಿರಮ ಉಂಡು.ಸಂಕ್ರಾಂತಿ ರಡ್ಡ್ ತಿಂಗೊಲು ಪಗರುನ ಗಡು ದಿನಲ ಅಂದ್.

ತುಳುವ ಕಡ್ಪು ದಿನೊಕುಲು- ಅಂಗಾರೆ,ಸುಕ್ರಾರ.

ಸಂಕ್ರಾಂತಿ,ಸಿಂಗೊಡೆ,ಅಮಾಸೆ,ಪುಣ್ಣಮೆನ್ ಅನಿಗಾನಿಯೇ ಅಚರಣೆ ಮಲ್ಪೊಡು ವಿನಃ ನಮಕ್ ಪುರ್ಸೊತಿಜ್ಜಿಂದ್ ದುಂಪಿರ ಮಲ್ಪೆರಾಪುಜಿ.ಅಂಗಾರೆ ಸುಕ್ರಾರ ಕಡ್ಪು ದಿನೊಕ್ಲೆಡ್,ಸಿಂಗೊಡೆದಾನಿ ತುಳುವೆರ್ ವಾ ಕೆಲಸೊಗ್ಲಾ ಕೈ ಪಾಡೊಂದಿಜ್ಜಾಂಡ್.

ತಿಥಿಕುಲು: 15

1.ಪಾಡ್ಯ(ಬಲಿಪಾಡ್ಯ)

2.ಬಿದಿಗೆ

3.ತದಿಗೆ

4.ಚೌತಿ (ಗಣೇಶ ಚೌತಿ/ಚತುರ್ಥಿ)

4.ಪಂಚೆಮಿ(ನಾಗರ ಪಂಚೆಮಿ)

6.ಷಷ್ಠಿ (ಸುಬ್ರಹ್ಮಣ್ಯ ಷಷ್ಠಿ)

7.ಸಪ್ತಮಿ

8.ಅಷ್ಟಮಿ(ಕೃಷ್ಣಾಷ್ಟಮಿ)

9.ನವಮಿ(ಮಹಾನವಮಿ)

10.ದಶಮಿ( ವಿಜಯ ದಶಮಿ)

11.ಏಕಾದಶಿ

12.ದ್ವಾದಶಿ

13.ತ್ರಯೋದಶಿ

14.ಚತುರ್ದಶಿ(ನರಕ ಚತುರ್ದಶಿ)

15.ಹುಣ್ಣಿಮೆ-ಪುಣ್ಣಮೆ/ಅಮಾವಾಸ್ಯೆ-ಅಮಾಸೆ.

,,,,,,, ,,,,,,, ,,,,,,,,,,,,,,,,,,..............................,,,,,, ,,,,,,,,,,

                       ಪಣೊಲಿ/ಪಣೊರು

ಪರ್ಬ ಪರ್ವೊಲೆನ ತುಳುವೆರೆ ಅಡ್ಯೆಲು:

ಅಟ್ಟೆಮಿ-ಕೊಟ್ಟಿಗೆ,ಗುಂಡ (ಸೋಣ ತಿಂಗೊಲ್ದ ಅಮಾಸೆ ಕರಿದ್ ೮ನೆ ದಿನೊಕು ಬರ್ಪಿ ಪರ್ಬ)

ಕಾವೇರಿ ಸಂಕ್ರಾತಿ-ತೆಲ್ಲವು/ಉರ್ದುದ.(ಅಟ್ಟೆಮಿಗ್ ಕೊಟ್ಟಿಗಿಜ್ಜಿ,ಕಾವೋರಿಗ್ ತೆಲ್ಲವಿಜ್ಜಿ) (ಸೋಣ ಕರಿದ್ ನಿರ್ನಾಲೊಡು ಬರ್ಪಿ ಸಂಕ್ರಾಂತಿ)

ಮಾರ್ನೆಮಿ-ನಿರ್ನಾಲ ತಿಂಗೊಲ್ದ ಅಮಾಸೆಗ್ ಸುರು

ತುಡರ ಪರ್ಬ- ಉರ್ದುದ ದೋಸೆ,ಬಜಿಲುಪ್ಪುಕರಿ(ಬೊಂತೆಲ್ ತಿಂಗೊಲ್ದ ಅಮಾಸೆಗ್ )

ತೊಲಚಿ ಪರ್ಬ-ತುಡರ ಪರ್ಬ ಕರಿದ್ ೧೨ನೆ ದಿನತಾನಿ ಬರ್ಪುಂಡು.

ಸಿವರಾತ್ರೆ-ಸಾರ್ಣೆದಡ್ಯೆ( ಮಾಯಿ ತಿಂಗೊಲ್ದ ಅಮಾಸೆಗ್ ಬರ್ಪುನಿ)

ಚೌತಿ-ಅಟ್ಟೆಮಿದ ಕೊಟ್ಟಿಗೆ ದುಂಬು ಚೌತಿ ಮುಟ್ಟ ದೀಡೊಂತೆರ್.(ಅಟ್ಟೆಮಿ ಕರಿದ್ ೧೨ನೇ ದಿನತಾನಿ ಬರ್ಪಿ ಪರ್ಬ)

ನಾಗರ ಪಂಚೆಮಿ- ಮಂಜಲ್ದಿರೆತ ಅಡ್ಯೆ(ಆಟಿ ತಿಂಗೊಲ್ಡು ಬರ್ಪುಂಡು.ಮೂಲ ತುಲುನಾಡ ಪರ್ಬ ಉಂದತ್ತ್)

ಆಟಿ-ಚೇವುದಿರೆತ ಪತ್ರಡ್ಯೆ. 

ಸೋಣ ಸನಿವಾರ-ಒಂಜಿ ಪೊರ್ತುದ ಉಂಡುದು ಪಾಸ ಕುಲ್ಲುನ ದಿನ

ಪಂಚೆಮಿ ಪಾಸ/ವೃತ-ಜಾರ್ದೆ ತಿಂಗೊಲ್ಡು ಸಂಸ್ಕೃತ ಮಾಸದ ಪಂಚೆಮಿದಾನಿ ಬರ್ಪುಂಡು.

   

ತುಳುವೆರೆ ಅರಿಬಾರ ಮೂಜಿ ಬುಳೆಕುಲು-

ಎಣೆಲ್,

ಸುಗ್ಗಿ,

ಕೊಳಕೆ (ನೀರ್ ದ ಒದಗಿತ್ತ್ಂಡ ಮಾತ್ರ)

ಕೆಡ್ಡಸದಪಗ,ಪರ್ಬದಪಗ ಬೂಮ್ಯಪ್ಪೆನ ಮೇಲ್ ನ್ ಕೊಟ್ಟು ಪಿಕ್ಕಾಸ್ ಡ್ ಗರ್ಪೆರೆ ಬಲ್ಲಿ.

ತುಳುವೆರ್ ಅರಿಬಾರ್ ಬುಳೆಪುನವು ಕಸುಬುಂದೆನ್ಯಂದೆ ಅವು ಬದ್ ಕ್ ದ ಒಂಜಿ ಭಾಗಂದೆನ್ನಿದೆರ್.

ಕೈಕಂಜಿಲು ಸೋಮಾರ ಪುಟ್ನ ದಿನಂದ್ ತುಳುವೆರ್ ಆನಿ ಬೊಕ್ಕ ಅಮಾಸೆದಾನಿ ಕಿದೆ ಗೊಬ್ಬರ ದೆಪ್ಪುಜೆರ್.

ತುಳುನಾಡ ಬಲಿಯೇಂದ್ರನ್ ಆಟಿದ ಅಮಾಸೆಗ್,ಸೋಣದ ಸಂಕ್ರಾಂತಿಗ್,ಬೊಂತೆಲ್ದ ಕೊಡಿ ಪರ್ಬೊಗು ಲೆಪ್ಪುವೆರ್.ತುಳುವೆರ್ ಓಲ್ಲಾ ಪರಶುರಾಮನ್ ಲೆಪ್ಪುನ ಕಟ್ಟಿಜ್ಜಿ.ಆಯೆ ವಿಷ್ಣು ದೇವೆರೆ ವಾಮನಾವತಾರೊರ್ದು ಬೊಕ್ಕದಾಯೆ ಪಂಡ ಆಜನೇ ಅವತಾರ..ದೇವೆರೆ ವಾಮನಾವತಾರದಪಗ ಇತ್ತ್ ನಿ ತುಳುನಾಡ ಬಲಿ.ವಾಮನೆ ಐನ್ನೇ ಅವತಾರ.

ತುಳುವೆರೆಗ್ ಪುನರ್ಜನ್ಮ,ಸ್ವರ್ಗ ನರಕ,ಪಿಂಡ ಬುಡ್ಪುನ,ಮೋಕ್ಷದ ಕಲ್ಪನೆ ಇಜ್ಜಿ.

ತುಳುವೆರ್ ಕರಿದ್ ಪೋಯಿನಕ್ಲೆನ್ ದೈವದ ಕೈಕೊಪ್ಪಿತ್ ದ್ ಆಟಿದ  ಅಮಾಸೆಗ್,ವರ್ಸದ ಅಗೆಲ್ ದಪಗ ಅಕ್ಲೆನ್ ಅಗೆಲ್ ಪಾಡ್ದ್ ಲೆಪ್ಪುವೆರ್.ಪಿಂಡ,ಮೋಕ್ಷ ಕಟ್ಟ್ ಮಲ್ತ್ಂಡ ಒಂಜಿ ತುಲುವ ಕಟ್ಟ್ ಪೊಲಿಲೆಕಾಂಡ್.

ಒಂಜಿ ಕಾಲೊಡು ಮದಿಮೆದ ಪದಿನೈನ್ ದಿನ ದುಂಬು ಆಣ್ ಪೊಣ್ಣಗ್ ಅಕ್ಲಕ್ಲೆ ಇಲ್ಲಲ್ ಪೇರ್ ಮಂಜಲ್ ಪೂಜುನ ಕೆರಮ ಇತ್ತ್ಂಡ ಇತ್ತೆ ಅಡೆಗ್ ಮದ್ರೆಂಗಿ ಶಾಸ್ತ್ರ ಬೈದ್ಂಡ್. 

                ಕಂಡೊಗು ಕಾಪು ದೀಪುನಿ ಆಟಿಡ್

ಪೆತ್ತ ಬೋರಿಲು ನಮ್ಮ ತುಳು ನಾಡ್ ದವತ್ತ್.ಪೊಸತೊಂಜಿ‌ ಸಂಸ್ಕೃತಿ ತುಳುನಾಡ್ ಗ್ ಬನ್ನಗ ಅಕ್ಲೆ ಆಹಾರದ ಸೊತ್ತಾಯಿನ ಅವೆನ್ ಇಡೆ ಕನದೆರ್.

ಮೂಲು ಮುಲೊಡಿತ್ತಿನಿ ಎರ್ಲು,ಎರ್ಮೆಲು.ಇನಿ ಎರ್ಲೆನ್ ಕಂಬ್ಲೊಡು ಮಾತ್ರ ತೂಯೆರೆ ಸಾದ್ಯ.ಎರ್ಲೆನ್,ಎರ್ಮೆಲೆನ್ ಮಹಿಷ,ಮಹಿಷಿಂದ್ ಅವೆಕ್ ವದೆತ ಕತೆ ಕಟ್ಟ್ ದ್ ಅವೆತ ಸಂತತಿ ಇತ್ತೆ ನಾಶ ಆತ್ಂಡ್.

  

ನಮ ಮಾತ ತರೆನೇ ತೂವೊಂದು ಪೋಯ.ಕಾರ ಮುದೆಲ್ ತೂಯ್ಜ.ನೆಲ ಮೂಲ ಸಂಸ್ಕೃತಿದ ಬೆನ್ನಿ ಮದತ.ಅರಸೊತ್ತಿಗೆಡ್ದೇ ತೂವೊಂದು ಬತ್ತ.ಕಾರ್ ದಂಟ್ ದ್ ಬೂರ್ನಗ ನೆಲತ ಬಿಲೆ ತೆರಿಂಡ್.ಬೂರ್ದು ಲಕ್ಕೊಂದು ಪರತೊಂದು ಉಂತ್ ನಗ ಕಾಲ ಕರಿದ್ ಪೋಂಡ್.ಮುಂಡಾಸ್ ದಾಯೆ ಆಯೆರೆ ಆಯಿಜಿ.ಮುಟ್ಟಲೆ ಪಾಡ್ರೆ ಮನಸ್ ಬತ್ತ್ ಜಿ.

ಪೇರ್ ಪರಿ ಚಾವಡಿಗ್ ಅಕ್ರಂದ ಅರಿ‌ ಪಾಡುವ ರುಂದನ ಕಟ್ಟೆಗ್ ಎಂಕ್ಲೆ ಸುರಿಯದ ಕೊಡಿಟ್ ಗೋರುದು ಅತಿಕಾರ ಬಿದೆನ್ ಪಾಡುವ. ಪಾದೆಗ್ ಬೂರಿನ ಬಿತ್ತಾಂಡಲ ಕೊಡಿಪುಗು ಒಂಜಿ ಕೊರತೆ ಬರಂದಿಲೆಕ ಕೈಸಂಗ್ ಪಾಡುವ. ಬುಲೆ ಹೆಚ್ಚಾವ ಪೊಲಿ ನಲಿಪಾವ ಎಂಕ್ಲೆ ಧರ್ಮ ಚಾವಡಿಡ್ ಧರ್ಮಗೊಂಜಿ ಕೊರತೆ ನೀರುಗೊಂಜಿ ಬರಂದಿಲರಕ ಕಾತೊಂದು ಬರ್ಪ. ಉಂದು ಬೆರ್ಮೆರ್ ಬೈದೆರ್ಲು ಪೇರ್ ಪರ್ದ್ ಚಾವಡಿ ಜತ್ತುದು ತುಳಸಿ ಕಟ್ಟೆಗ್ ಸುರಿಯದ ಮೊನೆಟ್ ಬಾರ್ ಪಾಡ್ನಗ ಪನ್ಪಿನ‌ ನುಡಿ.

ಕಂಡೊಗು ದೀನ ಕಲ್ಲಿಸೂಣದ ಕಾಪು