Sunday, 24 March 2019

ಸಿರಿ ಕುಮಾರನ ಆರಾಧನಾ ಕಿರಮ/siri kumarana aaraadhana kirama

                        ಸಿರಿ ಕುಮಾರನ ಆರಾಧನಾ ಕಿರಮ/siri kumarana aaraadhana kirama
                                         
                                         ತುಳುನಾಡ ಪುಗಾರ್ತೆದ ಕುಮಾರ ಪಾತ್ರಿ ರಮೇಶ್ ಕುರ್ನಾಡ್
                                                   
                                                       ಸಿರಿ ಕುಮಾರನ ಆರಾಧನಾ ಕಟ್ಟ್ ಕಟ್ಲೆಲು
                                            ಸಿರಿ ಸೂಕೆದಕ್ಲ್ ಕಲ್ಸೆಗ್ ಪುಂಡಿ ಪಣವು ಪರಕೆ ಪಾಡುನಿ

                      ಪಟ್ಟಪರಕೆದ ಲೆಕ್ಕೊಡು ಕಲ್ಸೆಗ್ ಪುಂಡಿ ಪಣವು ಪಾಡ್ನಗ ಸೀರ್ತ ಬೊಕ್ಕ ಪುರ್ಪ ಕೊರ್ಪೆರ್
                                            
                                                                       ಬೆರ್ಮೆರೆ ಕಲ್ಸೆ
                                         
                                                               ಬೆರ್ಮೆರೆ ಕಲ್ಸೆ

 ತುಳುವೆರ್ ನೀರ್ದ ಆರಾಧಕೆರ್ ಆದ್ ಇತ್ತನೆರ್ದಾದ್ ಕಲ್ಸೆ ತುಳುವೆರೆ ಆರಾಧನೆಡ್ ದುಂಬುರ್ದೆ ಉಂಡು . ಧಾರೆ ಏರ್ನಗಲ ಕಲ್ಸೆ ,ದೈವೊಗು ಸಿರಿ ಗಿಂಡೆ ನೀರ್ ,ಕಲ್ಸೆ ಮೀಪುನಿ ದುಂಬುರ್ದೆ ಇತ್ತ್ ನ್ಡ್ . ಇತ್ತೆ ಅಡೆಗ್ ಬ್ರಹ್ಮ ಪಂಡ ಮಲ್ಲ ಕಲಶ ಬೈದ್ ನ್ಡ್ . ತುಳುವೆರೆ ಮೂಲ ಕಲ್ಸೆಗ್ ಬ್ರಹ್ಮತ್ವ ಸೇರೊನ್ಡ್ .                        
                                                
         ಬೆರ್ಮೆರೆ ಕಲ್ಸೆಗ್ ಕುಕ್ಕು ಪೆಲತ ತಪ್ಪು ಪಿಂಗಾರ ಕುತ್ತುದು ನಡುಟು ಜುಟ್ಟುದ ತಾರಾಯಿ ದೀದ್ ಮಲ್ಲಿಗೆ ದೀಪುನಿ

                                                   
                                                   ಸಿರಿ ಕುಮಾರ ಪಾತ್ರಿನ ಕೈಟ್ ಬೆರ್ಮೆರೆ ಕಲ್ಸೆ 
                           
                                                          ಬೆರ್ಮೆರೆ ಕಲ್ಸೆನ್ ಜಿಡ್ಡೆದ ಮಿತ್ತ್ ದೀಪುನಿ

                                         
                                                      ಬೆರ್ಮೆರೆ ಕಲ್ಸೆಗ್ ಪುರ್ಪದ ಅಲಂಕಾರ
                                   
                                              ಬೆರ್ಮೆರೆ ಕಲ್ಸೆಗ್ ಏಳ್ ನಾಗ ಜಿಡೆತ ಮೂರ್ತಿ ಕುಲ್ಲವುನಿ
                               
                                                      ಬೆಮ್ಮೆರೆ ಗದ್ದಿಗೆದೆದುರು ಪಜೆತ ಮಿತ್ತುಪ್ಪುನ ದಲ್ಯ

                                                                    ಬೆರ್ಮೆರೆ ಗದ್ದಿಗೆ
 ಬೆರ್ಮೆರೆ ಗದ್ದಿಗೆ ಏರಾವುನ ದುಂಬು ಕೆಲವೊಂಜಿ ಕಟ್ಟ್ ಕಟ್ಲೆಲು ಉಲ್ಲ . ಸುರುಕು ಒಂಜಿ ಮಲ್ಲ ಚೆಮ್ಬುದ ಕಲ್ಸೆ ದೆತೊಂದು ಅವೆಟ್ ಪೇರ್ ನೀರ್ ಪಾಡ್ದ್  ಅವೆಕ್ ಸಿರಿ ಸೂಕೆದಕ್ಲೆಡ ಪುಂಡಿ ಪಣವು ಪಾಡ್ಪಾವೆರ್ . ಅವೆರ್ದ್ ಬೊಕ್ಕ ಆ ಬೆರ್ಮೆರೆ ಕಲಸೊಗು ಪಿಂಗಾರ ಬೊಕ್ಕ ಕುಕ್ಕು  ಪೆಲತ ತಪ್ಪು ಕುತ್ತುದು ನಡುಟು ಮೂಜಿ ಮೊಗಟೆದ ಜುಟ್ಟುದ ತಾರಾಯಿ ದೀದ್ ಕಲಸೊನು ಎತ್ತರದ ಜಾಗೆಡ್ ದೀಪೆರ್ . ಉಂದೆನ್ "ಬೆರ್ಮೆರೆ ಗದ್ದಿಗೆ ಏರಾವುನಿ" ಪನ್ಪೆರ್ . ಅಂಚನೆ ಏರಾದ್ ದೀನ ಕಲಸೆಗ್ ಪೂಟು ಸುತ್ತುದು ಅಲಂಕಾರ ಮಲ್ಪುವೆರ್. ಮಿತ್ತ್ ಗ್ ಒಂಜಿ ಬೀಲದ ಮಿತ್ತ್ ಏಳ್ ಜಿಡೆ ದೆರ್ತ್ ಉಂತಿನ ನಾಗನ ಮೂರ್ತಿನ್ ದೀಪೆರ್ . ನಾಗಮಂಡಲೋಡಾಂಡ ನಾಗನ ಪ್ರತಿಮೆ ದೀಪೆರ್ . ಬೆರ್ಮೆರೆ ಕಲ್ಸೆಡ್ ನಾಗನ ಜಿಡೆ ಇತ್ತ್ ನ್ಡ  ಬ್ರಹ್ಮಕಳಶೊಡು ಜರಿ ಕುಂಟುದ ಅಲಂಕಾರ ಇಪ್ಪುಂಡು . ಬೆರ್ಮೆರೆ ಕಲ್ಸೆಡ್ ನಾಗನ ಜಿಡೆ ಇತ್ತ್ ನ್ಡ ಬ್ರಹ್ಮ ಕಳಶೊಡು ಜರಿ ಪೇಟ ಉಪ್ಪುಂಡು .

                                                 ಏರಾಯಿ ಬೆರ್ಮೆರೆ ಗದ್ದಿಗೆಗ್ ಗೆಂಡ ತುಡರಾರತಿ
                                
                                               ಏರಾಯಿ ಬೆರ್ಮೆರೆ ಗದ್ದಿಗೆಗ್ ಊದುದಾರತಿ

                                                      ಏರಾಯಿ ಬೆರ್ಮೆರೆ ಗದ್ದಿಗೆಗ್ ಅರಿವಾಣದಾರತಿ

                                             
                                           ಸಿರಿ ದರ್ಶನ ಪಾತ್ರಿಲೆಗ್ ಪಿಂಗಾರ ಕೊರೊಂದು ಬರ್ಪುನಿ
                                         
                                       ಕುಮಾರ ದರ್ಶನ ಪಾತ್ರಿಗ್ ಪಿಂಗಾರ ಕೊರ್ದು ಪೂತ ಮಾಲೆ ಪಾಡುನಿ

                                  ಮಲ್ಲಿಗೆ ಪುರ್ಪ ಮಾಲೆ ಪಾಡ್ ದ್ ಮದಿತಿ ಬೊಕ್ಕ ದರ್ಶನ ಸುರಾಪುನಿ
                                   
                                                                          
                                      ಪಿಂಗಾರ ಪುರ್ಪ ಮೋನೆಗ್ ಉರ್ದೊಂದು ಕುಮಾರ ದರ್ಶನ

 ಒಂಜಿ ಬೀಲೊಡು ತಾಂಗ್ದುನ್ತ್ ನ ಏಳ್ ಜಿಡೆತ ನಾಗನ ಒರುತ ಜಯವುಲ್ಲ ಬೆರ್ಮೆರೆ ಗದ್ದಿಗೆದೆದುರು ಪಿಂಗಾರ ಪತೊಂದು ಪಿಂಗಾರದ ಪುರ್ಪೆಲು [ಮುಗ್ಗೆಲು ] ಗದ್ದಿಗೆದೆದುರು ತಿರ್ತ್ ಪಾಡ್ದಿನ ಬೊಲ್ದು ಬೈರಾಸ್ ಪಂಡ ದಲ್ಯದ ಮಿತ್ತ್ ಬೂರುಲೆಕ ಕುಮಾರಗ್ ವಸಾಯ ಬರ್ಪುಂಡು. ಆಯೆ ವಸಾಯೊಡು ಪಿಂಗಾರ ಪುರ್ಪೊನು ನೀರ್ ಮುಟ್ಟಾದ್ ಮೋನೆಗ್ ಉರ್ದೊನ್ವೆ .ಉಂದೇ ಮಾದರಿ ನಾಗಮಂಡಲೊಡು ತೂಯೆರೆ ತಿಕ್ಕುಂಡು . ಮೂಲು ಸೂದ್ರೆರ್ ಕುಮಾರೆ ಆದ್ ನೆಗತ್ ತೋಜಿಂಡ ಅವ್ಲು ನೂಲು ಪಾಡಿ ಸಂಸಾರೊಡು ನಾಗೆ ಆದ್ ನೆಗತ್ ತೋಜ್ವೆ .

                       ಬೆರ್ಮೆರೆ ಗದ್ದಿಗೆದೆದುರು ಪಿಂಗಾರ ಪುರ್ಪೊಡು ಸಿರಿ ಕುಮಾರನ ಎರ್ತೆದ ವಸಾಯ

ಮೂಲು ಸಿರಿಕುಲ್ನ ಕೈಟ್ ಒಂಜೊಂಜಿ ಪಿಂಗಾರ ಪಾಳೆ ಕೊರ್ ನ್ಡ ಕುಮಾರನ ಕೈಟ್ ಒಂಜಿ ಪಾಳೆ ಪಿಂಗಾರ ಉಪ್ಪುಂಡು . ಆಂಡ ನಾಗಮಂಡಲೊಡು ನಾಗಪಾತ್ರಿಗ್ ಸಾರ ಸಾರ ಪಿಂಗಾರ ಪಾಳೆ ನೀರ್ಗ್ ಮುರ್ಕಾದ್ ಮೋನೆಗ್ ಉರ್ದುದು ದಕ್ಕೆರೆ ಬೋಡು . ಆತ್ ಪಿಂಗಾರ ಪಾಳೆ ಖಂಡಿತಾ ಬೊಡ್ಚಿ.ಪಿಂಗಾರ ಪೂತ ಪುರ್ಪೆಲು ನೀರ್ಗ್ ಮುರ್ಕಾದ್ ಮೋನೆಗ್ ಉರ್ದ್ ನ್ಡ ಉಚ್ಚುದ ಮೋನೆದಲೆಕ ತೋಜುಂಡು

                                                     ಕುಮಾರನೊಟ್ಟುಗು ಸಿರಿಕುಲ್ನ ದರ್ಶನ

                                                       ಕುಮಾರನೊಟ್ಟುಗು ಸಿರಿಕುಲ್ನ ದರ್ಶನ   
                                                  
              ತುಳು ಒರಿಪುಗ ಕೊಪೆದ ವಿಶ್ವ ತುಳು ಬಂದುಲೆ ಪರವಾದ್ ಸಿರಿ ಕುಮಾರಗ್ ಮಲ್ಲಿಗೆ ಪುರ್ಪ ಮಾಲೆ

                                                       
                       ತುಳು ಒರಿಪುಗ ಕೋಪೆದ ಚಾಕಿರಿಗಾದ್ ಸಿರಿ ಕುಮಾರಡ್ದ್  ಪುರ್ಪ ಬೊಂಡದ ಮಾನಾದಿಗೆ
                                        
                                                    ಸಿರಿ ಕುಮಾರೆ ಗೇನದ ನುಡಿ ಕೊರ್ಪುನಿ                                                  
                                            ತನ್ನ ಮೋಕೆದ ದಿಂಜಿ ಬುಡು ಉಡಲ್ದ ಸಂಸಾರದೊಟ್ಟುಗು


 ಲಿಂಕ್:-
            https://www.youtube.com/watch?v=HLOOUGd16DA
             https://www.youtube.com/watch?v=QMi6DJdCRxg
             https://www.youtube.com/watch?v=1Drn4wMHb2M
            https://www.youtube.com/watch?v=qBhTeBlld2c&t=4s
           https://www.youtube.com/watch?v=oRE5r0g9RT8
         https://www.youtube.com/watch?v=cSNgnwq_EB8

No comments:

Post a Comment