ಜುಮಾದಿ ಧೂಮಾವತಿಯತ್ತ್ ,ಮಲರಾಯೆ ವಾರಾಹಿಯತ್ತ್ / jumadi dhoomavatiyatt, malaraye varahiyatt

   ಜುಮಾದಿ ಧೂಮಾವತಿಯತ್ತ್ ,ಮಲರಾಯೆ ವಾರಾಹಿಯತ್ತ್
    jumadi dhoomavatiyatt, malaraye varahiyatt

  

  ಗಿಡೆದೆರುತ ಒರುಟ್ಟು ಕಂಬುಲಗ್ ಜತ್ತ್ ದ್ ಪಿಲಿ ಬಲಿಪೆ ಆದ್ ಮಂಜೊಟ್ಟಿ ಮಿತರ್ದ್ ಅನಾವುದ ಮರಟ್ ಕಂಚಿದ  ಕೋರಿಯಾದ್ ಕೆಲೆತ್ ದ್ ಎರುತ್ತ ಮೋನೆದ ರೂಪೊಡ್ ಜುಮಾದಿ ಬಂಟೆರ್ ಆದ್ ಆರಾಧನೆ ಪಡೆಪಿನ ಜಾಗ್ - ಕಡಂದಲೆ ಪರಾಡಿ ಮಂಜೊಟ್ಟಿ ದೈವಸ್ಥಾನ

   

        

ತುಳುನಾಡ ದೈವೊಲೆನ್ ಪೂರಹಿರಿಯಾಕ್ಲು ದೀನ ಪುದರ್ಡೆ ಮಾನಿತೊನ್ನ ಆದಿ ಮಲಾರ ಬೂಡು

ಜುಮಾದಿ ದೈವ.ಜಂತಬೆಟ್ಟು ಬಂಟ ಜುಮಾದಿ ದೈವಸಾನ ಕುತ್ತೆತ್ತೂರು.ಚಿತ್ರ-ಅನೂಪ್ ಸೂರಿಂಜೆ

     

 ಜುಮಾದಿ,ಬಂಟೆ,ಮಲರಾಯೆ ಈ ಮೂಜಿ ದೈವದ ಮುಗತ ರಚನೆ
ಬೇತೆ ಬೇತೆನೇ ಉಪ್ಪುಂಡು.ಜುಮಾದಿಗ್ ಪಂಜಿದೊರುತ ಮುಗ ಇತ್ತ್ಂಡಲ ನರಮಾನ್ಯನೊರುತ ಕಣ್ಣ್,ಕೆಬಿ ಇತ್ತ್ ದ್ ಮೂಂಕುದ ಒಟ್ಟೆಲು ಮಲ್ಲ ಉಪ್ಪುವ.ಮಲರಾಯನ ಮುಗಲ ಪಂಜಿದ ಮುಗೊರ್ದು ಬೇತೆಯಾದ್ ಮುದಲೆದ ಮೋನೆದಲೆಕ ತೋಜಿಂಡ(ಲೆಕ್ಕೆ ಸಿರಿನ್ ಮುದಲೆದೊರು ಪನ್ಪೆರ್) ಮೂಂಕುದೊಟ್ಟೆಲು ಎಲ್ಯ ಇತ್ತ್ ದ್ ಪಂಜಿದ ಮೋನೆದೊರು ಇಜ್ಜಿ.ಮಲರಾಯನ ಮುಗತ ಕಣ್ಣ್ ಬೊಕ್ಕ ಕೆಬಿ ನರಮಾನ್ಯಲೆಕ ಉಂಡು.ಆಂಡ ಪಂಜುರ್ಲಿನ ಮುಗೊಟು ಕಣ್ಣ್,ಕೆಬಿ ಪಂಜಿದ ಮೋನೆನೆ ಉಪ್ಪುಂಡು.

       

                        

    ಜುಮಾದಿನ ಒಟ್ಟುಗು ಬಂಟೆ ಇತ್ತ್ಂಡ ಜುಮಾದಿಗ್ ಭದ್ರ ಮುಗ ಬೊಕ್ಕ ಬಂಟಗ್ ಪಂಜಿದ ಮುಗ ಉಪ್ಪುಂಡು.ಜುಮಾದಿಗ್ ಮುಗ ದೀಪುನ,ಮುಗ ಏರುನ ರಡ್ಡ್ ಕಟ್ಟ್ ಲ ಉಂಡು.ಮಲರಾಯಗ್,ಪಂಜುರ್ಲಿಗ್ ಮುಗ ದೀದ್ ನೇಮ ನಡತ್ಂಡ ಅಣ್ಣಪ್ಪ ಪಂಜುರ್ಲಿಗ್ ಭದ್ರ ಮುಗ ಏರ್ ದ್ ನೇಮ ಆಪುನಿ.ದೈವಾರಾದನೆಡ್ ಪ್ರಧಾನ ಬೋಂಟೆ ಇತ್ತ್ ನಿ ಬುಳೆ ಸೆಲೆನ್ ನಾಶ ಮಲ್ಪುನ ಕಾಡ ಪಂಜಿಲೆನ್ ಬೋಂಟೆ ದೇರುನ.ಊರುದ ಅರಸುಲು,ದಂಡ್ ದ ದಳವಾಯಿ ಬೋಂಟೆ ದೇರೊಂತೆರ್..ಮಲೆ ರಾಯ ಒಂಜಿ ರೀತಿಯಾಂಡ ಮಲಾರ ಆಯದ ,ಉದಿಪುದ ದೈವಂದ್ ಮಲರಾಯನ್ ಪನ್ಪೆರ್.ಪಂಜಿದ ಬೋಂಟೆ ದೇರ್ನೆಕ್ ಸಾಗ್ಸಿಯಾದ್ ಅರಸುಲು ಪಂಜಿದ ತರೆನ್ ಸಾಗ್ಸಿಯಾದ್ ಕನಪೆರ್ .ಆ ಗುರ್ತ ಸಾಸಿತಾಯೆರೆ ಪಂಜಿದ ಮುಗತ ಕಲ್ಪನೆ ಬತ್ತಿಪ್ಪು.ಬಿರು ಪಗರಿ ಪತೊಂದು ದೈವೊಲು ವಲಸಾರಿ ಪೋಪುನಲ ಬೋಂಟೆದ ಗುರ್ತೊನು ತೆರಿಪಾವುಂಡು.ಜುಮಾದಿ ಸೈನ್ಯಾದಿಕಾರಿನ ಒರುವಾದ್,ಭದ್ರ ಮುಗ ಏರ್ದಿತ್ತ್ಂಡ ಬಂಟೆ ಪಂಜಿದ ಮುಗ ಏರ್ದಿಪ್ಪುಂಡು.

  

                         ‌‌‌ಜುಮಾದಿ ದೈವದ ಮುಗ

     ಜುಮಾದಿ ಒಂಜೆ ಇತ್ತ್ಂಡ ಪಂಜಿದ ಮುಗತೊರು ಉಪ್ಪುಂಡು.ನಿಜವಾದ್ ತೂಯೆರೆ ಪೋಂಡ ಒವ್ವೇ ದೈವೊಲೆಗ್ ಮೂಲೊಡು ಮುಗ ಇಜ್ಜಾಂಡ್.ಪಾಲೆಡ್ ಮುಗತ ರಚನೆ ಮಲ್ತೊಂತೆರ್.ದುಂಬುಗು ದೈವದ ಮುಗ ಸಾಸಿತಾದ್ ಉಪ್ಪಡ್ಂದ್ ಅರಸುಲು,ಬೂಡು,ಗುತ್ತು,ಬರ್ಕೆದಕುಲು ನರಮಾನ್ಯನ ಕಲ್ಪನೆದಾದಾರೊಡು ಮುಗತ ಒರು ಮಲ್ಪಾಯೆರ್.ಮಲ್ಪುನ ಅಚಾರ್ಯೆರ್  ದೈವದ ನೇಮ ನೆರಿ ಮಲ್ಪವುನ ಮನೆತನದಾರೆನ ಮೋನೆದಾದಾರೊಡು ಕಂಚಿ ಪಿತ್ತಾಳೆಡ್ ಎರಕ ಪಾಡ್ದ್ ಮುಗತ ಒರು ಮಲ್ತೆರ್.ಅಂಚಾದ್ ಎಚ್ಚಿನ ದೈವದ ಮುಗೊಟು ಮೀಸೆ ಉಪ್ಪುಂಡು.ಮುಗ ಮಲ್ಪುನಗ ಒಂತೆ ಪೋಡಿ ಕಟ್ಟಾವುಲೆಕ ಉಗ್ರ ರೂಪ ತೋಜುನಂಚಿ ಮುಗತ ಒರು ಮಲ್ತೆರ್.ನೇಮೊಡ್ಲ ಅಂಚನೆ ವ್ಯಕ್ತಿ ಶಕ್ತಿಯಾನಗ ಅಡ್ಡೊಗು ಅಗೆಲ,ನೀಟೊಗು ಎತ್ತರದ ಅಣಿ,ಮೋನೆಗ್ ಅರದಲ,ಕಾರ್ ಗ್ ಗಗ್ಗರ ಇಂಚ ಒಂಜಿ ರೀತಿದ ವಾತಾವರಣ ಸೃಷ್ಠಿಯಾದ್ ಅವ್ಲು ನಂಬೊಳಿಗೆ ಸುರಾಂಡ್.                                                

        ಇಂಚಿಪ್ಪ ಒಂಜಿ ತಿಕ್ ಡ್ ಪ್ರಶ್ನೆ ದೀನಕುಲು ಜುಮಾದಿನ್ ಧೂಮಾವತಿ ಮಲ್ತ್ ದ್ ವಾಹನ ಕಕ್ಕೆ ಮಲ್ಪೆರೆ ಪಂಡೆರ್.ಆಂಡ ತೆರಿನಕುಲು ಕಕ್ಕೆ ಬೊಡ್ಚಿ ದುಂಬುದ ಪಂಜಿ ವಾನ ಯಾವುಂದೇ ಪನ್ನಗ ಮನಿಪಂದೆ ಕುಲ್ಯೆರ್       

ಜುಮಾದಿ ಸೈನಿಕ ದಮಡನಾಯಕೆ ಪನ್ಪುನೆಕ್ ಸಾಕ್ಸಿಯಾಯಿನ ಒರು.ಬಲ್ಕುಂಜೆ ಮಿತ್ತ ಗುತ್ತು.

ಚಿತ್ರ ಕೃಪೆ-ಕೋಷ್ಟಲ್ ಡೈರೀಸ್

thulu bhandhule daya malthd anadirde sandi pardanoduppuna jumadin dhoomavathi malpade.
malarayan varahi malpade.malarayag kannada birdali baidnd.inchi ichara va sandhi pardanodla ijji.
va samscritha granthodla jumadina malarayana varnane ijji.

ಇನಿ ಕೆಲವು ಪ್ರಶ್ನೆಚಿಂತನೆದಕ್ಲ್ ಜುಮಾದಿನ್ ಧೂಮಾವತಿ ಪನ್ಪುನ ಮಾತ್ರ ಅತ್ತಂದೆ ನಿಕುಲು ಧೂಮಾವತಿಗ್ ಪಂಜಿದ ಬಂಡಿದ ಬದಲ್ ಕಕ್ಕೆದ ಬಂಡಿ ಮಲ್ಪುಲೆ ಪನೊಂದುಲ್ಲೆರ್.ಓಡೆಗೆತ್ತ್ಂಡ್ ದೈವಾರಾದನೆದ ಸ್ಥಿತಿ?

ದೇವೆರೆ ಆರಾದನೆಡ್ ಕಂಡನಿ ಬುಡೆದಿನ ಆರಾದನೆ ಉಂಡು.ದೈವೊಲೆಡಿಜ್ಜಿ.ಅಂಚಾದ್ ಉಲ್ಲಾಯ ಉಲ್ಲಾಲ್ದಿನ್ ಈಸರ ಪಾರೊತಿ ಪನ್ಪುನವು ಸುದ್ದ ತಪ್ಪು

va daivolegla samscrutha mantra ijji.
daya maltd artha maltonle.namma daivolen dever malpere podu daivolen kalevonade
                                           

  

  

ಮಲರಾಯ ದೈವ ಮುಗ ಬಾಯಾರ್(ಚಿತ್ರ ಕರಪೆ-ಸೂರಜ್ ಬಾಯಾರ್         

ದುಂಬುದ ಕಾಲೊಡು ಪಜ್ಜಿ ಮಡಲ್ದ ಮಿತ್ತ್ ದೈವದ ಮುಗ ಮೂರ್ತಿ,ಭಂಡಾರ ಕೇರ್ತೊಂತೆರ್.ಅವ್ಲಿತ್ತ್ ನ ಕಲೆ ಕಾರ್ನಿಕ  ಕುಕ್ಕುದ ಪಲಯಿದ ,ಪೆಲತ ಪಲಯಿದ ಮಣೆ ಮಂಚೊಡಾವಡ್,ಮುಗ ಮೂರ್ತಿಲೆಡಾವಡ್ ತೂಯೆರೆ ತಿಕ್ಕಂದ್

                         

                varahi panda daada,dhoomaavathi panda daadand ee thirtha link toodu teriyonle

 link:-

  https://youtu.be/otWGG8p21zc
    https://www.youtube.com/watch?v=L1KrlB11RTY
 
     https://en.wikipedia.org/wiki/Varahi
  
      https://en.wikipedia.org/wiki/Dhumavati