ಅಳಿಯಕಟ್ಟ್
ಅಳಿಯಕಟ್ಟ್ ಬೂತಾಳಪಾಂಡ್ಯರ್ದ್ ಒರಿಯರ್ದ್ ಆಯಿನ ಕಟ್ಟಾದಿಪ್ಪಂದ್.ಬೂತಾಳ ಪಾಂಡ್ಯೆ ಅರಸೆಂದ್ ಓಲ್ಲಾ ಉಲ್ಲೇಖ ಇಜ್ಜಿ.ಆಯಡ ಬೋಡಯ್ನಾತ್ ಬದ್ ಕ್ ಭಾಗ್ಯ ಇತ್ತ್ಂಡ್ಂದ್ ಉಲ್ಲೇಖ ಉಂಡು. ಆಯೆ ಮಲ್ತ್ ನ ಕಟ್ಟಾತುಂಡ ಆಯನ ಬುಡೆದಿ ಜೋಕ್ಲೆಗ್ ಸೀಮಿತ.ಬೂತಾಳ ಪಾಂಡ್ಯರ್ದ್ ದುಂಬು ತುಳುನಾಡ್ ಡ್ ಮಕ್ಕಳ ಕಟ್ಟೇ ಇತ್ತ್ ನಿ.ಆಯೆಲಾ ಮಕ್ಕಳ್ ಕಟ್ಟ್ ಡೇ ಪುಟ್ಟ್ ಬಾಯೆ.ಆಂಡ ಏಪ ಆಯನ ಬುಡೆದಿ ಮಂಜಿಗ್/ಪಡವುಗು ಬಲಿ ಕೊರ್ಯೆರೆ ತನ್ನ ಏಳ್ ಜೋಕುಲೆಡ್ ಒಂಜಿ ಬಾಲೆನ್ ಕೊರ್ಯೆರೆ ಒಪ್ಪುಜಲಾ ,ತನ್ನ ಜೋಕ್ಲೆನ್ ಪತೊಂದು ಅಪ್ಪೆ ಇಲ್ಲಡೆ ಪೋಯಲಾ .ಆಂಡ ಕಂಡನಿ ಸೈತ್ ನ ತನ್ನ ಮೆಗ್ ದಿ ಪಲಯನೌಲು ಇತ್ತ್ ದ್ಪಲಯನ ದುಃಖೊನು ತಡೆಯೆರೆ ತೀರಂದೆ ಕಣ ನೀರ್ ದೆಪ್ಪುನ ಪೊರ್ತುಗು ಮಗೆ ಬತ್ತ್ ದ್ ಪನ್ಪುನಿ ಮಾಮಣ್ಣನ ದುಖೊನು ಕಳೆಯೆರೆ ಪಡವುಗು ಬಲಿಕಾದ್ ಯಾನ್ ಪೋಪೆಂದ್ ಅಪ್ಪೆಡ ಪನ್ನ ಆಲ್ ಬೊಡ್ಚಿ ಮಗ ,ಎಂಕ್ ಈ ಒರಿಯೆ ಮಗೆಂದ್.ಅಪಗ ಅಪ್ಪೆಡ ಆಯೆ ಪನ್ಪೆ ಯಾನ್ ಒರಿಯೆ ಆಮಡಲ ಮಲ್ಲತ್ತ್,ಮಾಮಣ್ಣನ ದುಃಖೊನು ಎಂಕ್ ತೂಯೆರೆ ಅಪುಜಿ.ಈರ್ ಪೋದು ಪನ್ಲೆ ಪನ್ಪೆ.ಅಂಚ ಆಯನ ಅಪ್ಪೆ ಪಂಡ ಬೂತಾಳ ಪಾಂಡ್ಯನ ತಂಗಡಿ ಪೋದು ಪಲಯಡ ಪನ್ನಗ ಅಯಗ್ ಅಚಿರ ಆಪುಂಡು.ಆಂಡಲಾ ಮನಸ್ಸಿಜ್ಜಂದಿ‌ಮನಸ್ ಡ್ ಒತ್ತೊನುವೆ.ಬಲಿ ಕೊರ್ಯೆರೆಂದ್ ಆನಗ ಬೂತದ ಅಪ್ಪಣೆ ಆಪುಂಡು,ಈ ಎಂಕ್ ಬಲಿ ಕೊರ್ಯೆರೆ ತಯಾರಾಯ,ನಿನ್ನ ಅರುವತ್ತನ ನಿಷ್ಠೆನ್ ತೂದು ಬಲಿ ಬೊಡ್ಚಿ,ಬಲಿ ಎಂಕಗ ತಿಕ್ ಲೆಕನೆ.ನಿನ್ನ ಕಪ್ಪಲ್ ನ್ ಬುಡ್ದು ಕೊರ್ಪೆ,ಈ ನಿನ್ನ ಅರುವದನ್ ಪತೊಂದು ಪೋಲಂದ್.ಅವ್ಲು ಬೂತಾಳ ಪಾಂಡ್ಯೆ ಘೋಷಣೆ ಮಲ್ಪುನಿ.ಎನ್ನ ಬೊಡೆದಿ ಏಳ್ ಜೋಕುಲಿತ್ತ್ ದ್ ಒಂಜೆನ್ಲ ಕೊರಂದೆ ,ಜೋಕ್ಲೆನ್ ಪತೊಂದು ಅಪ್ಪೆ ಇಲ್ಲಡೆ ಪೋಯಲ್,ಅಂಚಾಯಿನೆಡ್ದಾದ್ ಎನ್ನ ಸರ್ವ ಸೊತ್ತುಗುಲಾ ಅಧಿಕಾರಿ ಎನ್ನ ಅರುವತ್ತೆ.ಯಾನ್ ಇತ್ತ್ ನಾತ್ ಕಾಲ ಎನ್ನಾಯೆ ಪಂಡ್ ದ್ ಎನ್ನ ಅರುವತ್ತೆ,ಯಾನ್ ಕರಿದ್ ಪೊಯಿನಾಂಡಲಾ ಎನ್ನ ದುಂಬುದ ಕಿರಿಯೊನು ಮಲ್ಪೆರೆ ಅಧಿಕಾರ ಎನ್ನ ಅಅರುವತ್ತಗ್.ಅವೆನ್ ಸರಿಂದ್ ಒತ್ತೊಂದು ಬತ್ತ್ ನಕುಲು ಅಳಿಯ ಕಟ್ಟ್ ನ್ ಪಾಲಿಸವೊಂದು ದುಂಬು ಬತ್ತೆರ್.ಅವು ಸರಿಯತ್ತ್,ಅವು ಬೊಡ್ಚಿಂದ್ ಏರ್ ಪಂಡೊಂದು ಬತ್ತೆರಾ ಅಕುಲು ಮಕ್ಕಳ ಕಟ್ಟ್ ಡೇ ದುಂಬತ್ತೊಂದು ಪೋಯೆರ್.ಜೋಕ್ಲೆನ್ ಪತೊಂದು ಬೂತಾಳ ಪಾಂಡ್ಯನ ಬೊಡೆದಿನ ಪಿರವು ಅನುಸರಿಸವೊಂದು ಪೋಯಿನಕುಲು ನಾಡವೆರಾಯೆರ್.ಬೂತಾಳ ಪಾಂಡ್ಯನ್ ಒತ್ತೊನ್ನಕುಲು,ಇಂಬ್ಯನ ಕೂಟೊನು ಒತ್ತೊಂದು ಬತ್ತಿನಕುಲು ಬಂಟೆರಾಯೆರ್.ಬಂಟ,ನಾಡವ ಉಂದು ರಡ್ಡ್ ಶಬ್ದಲಾ ಜಾತಿವಾಚಕ ಅತ್ತ್.ಬಂಟೆ ಪಂಡ ನಂಬಿಕಸ್ಥೆಂದ್ ಅರ್ಥ.ಬಂಟರು ಪಂಡ ಕೂಟ ಒಕ್ಕೂಟಂದ್ ಲ ಅರ್ಥ ಉಂಡು.ಬೂತಾಳ ಪಾಂಡ್ಯನ ನನೊಂಜಿ ಪುದರ್ ಜಯಪಾಂಡ್ಯ.ದೇವಪಾಂಡ್ಯನ ಮರ್ಮಾಯೆ.ನಮ ತುಳುನಾಡ್ ಡ್ ನಿಲೆ ಆಂಡಲಾ ಆಂದ್ರದ ತಿರುಪತಿ ದೇವೆರ್ ನಮ್ಮ ದೇವೆರ್.ನಮ ವರ್ಸದ ಮುಡಿಪು ಕಟ್ಟುನಿ ತಿರುಪತಿಗ್.ತುಳುನಾಡ್ ಡ್ದ್ ದುಂಬು ಸಾವುಪಾಲ್ ಕರಿತ್ ದ್ ಪೋಪೆ ಪಂಡ್ ದ್ ಕಾಶಿಗ್ ಪೋವೊಂತೆರ್.ನಾಡವರು ಯಾನೆ ಬಂಟರು ಪನ್ಪುನವ್ಲು ಅಕುಲು (ನಾಡವರು) ಬೂತಾಳ ಪಾಂಡ್ಯನ್ ಬುಡ್ದು ಪೋಂಡಲಾ ಅಕ್ಲೆ ಸಂಬಂದೊನು ಬಂಟೆರ್ ಒರ್ತೊಂದೆರ್.ಬೇತೆ ಬೇತೆ ಜಾತಿಲೆಡ್ ಅಳಿಯ ಕಟ್ಟ್ ಲ ಉಂಡು ,ಮಕ್ಕಳ ಕಟ್ಟ್ ಲ ಉಂಡು.ಒಂಜಿ ಮೂಲದ ಪ್ರಕಾರ ಮರಕಲೆರ್,ಬಿರುವೆರ್,ಬಂಟೆರ್ ಒಂಜಪ್ಪೆನ ಜೋಕ್ಲೆಡಾಯಿನ ಮೂಜಿ ಮೆಗ್ ದಿ ಪಲಿ ಜೋಕುಲುಂದುಲ ಉಂಡು.ಅಪಗ ಮೂಲು ಮಿತ್ತ್ ತಿರ್ತ್ ಪನ್ಪಿ ಏದ ಬೇದ ಇಜ್ಜಿ
ಮೂಲ ಮಾಯಿತಿ:-
ಯಂ.ಡಿ.ಶೆಟ್ಟಿ.ಇರಾ,ಹಿರಿಯ ಜನಪದ ತಜ್ಞೆರ್
No comments:
Post a Comment