ಮಾಲೆಂಗ್ರಾಯ ದೈವ

                  ಮಾಲೆಂಗ್ರಾಯ ದೈವ ಮಾಲೆಂಗ್ರಿ ಬರ್ಕೆ

ಕೃಪೆ_ಸಚಿನ್ ರೈ ಬೆಂಜಂತಿಮಾರ್

ತುಳುನಾಡ್ ಗ್ ಸುರುತ ಸ್ವಾತಂತ್ರ್ಯ

           ತುಳುನಾಡ್ ಗ್ ಸುರುತ ಸ್ವಾತಂತ್ರ್ಯ 

ತುಳುನಾಡ ಸ್ವಾತಂತ್ರ್ಯ ಭಾರತ ದೇಶದ ಸುರುತ ಸ್ವಾತಂತ್ರ್ಯ ಪನ್ಪುನೆನ್ ನಮ ಮದಪೆರೆ ಬಲ್ಲಿ.ಅಂಚನೆ ಪೋರ್ಚುಗೀಸೆರ್ನೊಟ್ಟುಗು ಸ್ವಾತಂತ್ರ್ಯೊಗಾದ್ ಸುರುಕು  ಪೊರ್ಂಬಾಟ ಮಲ್ತಿ ಉಲ್ಲಾಲದ ರಾಣಿ ಅಬ್ಬಕ್ಕನ್ಲಾ ನಮ ಮದಪೆರೆ ಬಲ್ಲಿ.

1837.ಎಪ್ರಿಲ್ 5 ತುಳುನಾಡ್ ಸ್ವಾತಂತ್ರ್ಯ ಪಡೆಯಿನ ದಿನ.ಕೇವಲ 13 ದಿನ ಮಾತ್ರ ಆ ಸ್ವಾತಂತ್ರ್ಯ ಒರಿದಿತ್ತ್ಂಡ್.ಸುಳ್ಯ ಕೆದಂಬಾಡಿ ರಾಮೇಗೌಡೆರೆ ಮುತಾಲಿಕೆಡ್ ಪೊರ್ಂಬಾಟ ನಡತ್ ದ್ ಪರೆಂಗಿಲೆರ್ದ್ ತುಳುನಾಡ್ ನ್ ಗೆಲ್ತ್ ದ್ ಎಪ್ರಿಲ್ 5_1837ಕ್ ಕುಡ್ಲದ ಬಾವುಟ ಗುಡ್ಡೆಡ್ ಪರೆಂಗಿಲೆ ಯೂನಿ ಯನ್ ಜಾಕ್ ನ್ ತಿರ್ತ್ ಜಪುಡಾದ್ ತುಳುನಾಡ ಕ್ರಾಂತಿಕಾರಿ ಕೊಡಿ ಏರಾದಿತ್ತೆರ್.ಸುಳ್ಯ ಕೆದಂಬಾಡಿ ರಾಮೆ ಗೌಡೆರೆಗ್ ಸುಬ್ರಮಣ್ಯದ ಅಪ್ಪಯ್ಯ ಪಟೇಲೆರ್ ಸಕಾಯೊಗುಂತ್ಯೆರ್.ನಂದಾರ್ ದ ಲಕ್ಷ್ಮಪ್ಪ ಬಂಗಾರಪ್ಪ,ಇಟ್ಟೇಲ್ದ ಅರಸು ಡೊಂಬ ಎಗ್ಡೆರ್,ಕುಡುಮ ಕುಮಾರಯ್ಯ ಎಗ್ಡೆರ್ ಒಟ್ಟು ಕೂಡೊಂಡೆರ್.ಸನಿವಾರ ಸಂತೆದ ಪುಟ್ಟ ಬಸಪ್ಪ ,ಕಲ್ಯಾಣ ಸ್ವಾಮಿನ ಮುತಾಲಿಕೆಡ್ ಪೊರ್ಂಬಾಟದ ದಂಡ್ ಕುಡ್ಲಗೆತ್ತ್ ನಗ 10,000ಜನ ಇತ್ತೆರ್.1837_ಎಪ್ರಿಲ್ 5ನೆನಾನಿ ತುಳುನಾಡ ಕೊಡಿ ಏರ್ದ್ ಕೊಡಗುದ ಅರಸು ಕಲ್ಯಾಣ ಸ್ವಾಮಿ ತುಳುನಾಡ್ ನ್ 13 ದಿನ ಅರಸೊಳಿಗೆ ಮಲ್ತೆ.ಈ ಪೊರ್ತುಗು ಬ್ರಿಗೇಡಿಯರ್ ಅಲೆನ್ ನೊಟ್ಟುಗು ಸೇರ್ದ್ ಕ್ಯಾಪ್ಟನ್ ಲೆವಿನ್ ದಂಡ್ ಕನತ್ ದ್ ಎಪ್ರಿಲ್ 19ಗು ಪುಂಡು(ಮುತ್ತಿಗೆ)ಬೂರ್ಯೆರ್.ಈ ಪೊರ್ತುಗು ಪರೆಂಗಿಲೆ ಕೈಕ್ ತಿಕ್ಕಿ ಲಕ್ಷ್ಮಪ್ಪ ಬಂಗಾರಪ್ಪ,ಮಂಜ ವೈದ್ಯ,ಗುಡ್ಡೆಮನೆ ಅಪ್ಪಯ್ಯ ಮೊಕ್ಲೆನ್ವಕುಡ್ಲ ಬೊಕ್ಕ ಮಡಿಕೇರಿಡ್ ನಾಲಿಗುರ್ಲು ಪಾಡ್ದ್ ನೇಲ್ಪಾದ್ ಪರೆಂಗಿಲು ಕೆರ್ಯೆರ್.ಬಾರತದ ಸುರುತ ಸ್ವಾತಂತ್ರ್ಯ ಸಂಗ್ರಾಮ 1857 ಆಂಡ ಅವೆರ್ದ್ 20 ವರ್ಸ ದುಂಬೇ ಎಪ್ರಿಲ್5_1837ಕ್ ತುಳುನಾಡ್ ಸ್ವತಂತ್ರ ಒಂತೆ ದಿನತ ಮಟ್ಟ್ ಗಾಂಡಲ ಆದಿತ್ತ್ಂಡ್.ಆಂಡ ಭಾರತದ ಸ್ವಾತಂತ್ರ್ಯ ಪೊರ್ಂಬಾಟದ ಪಿರಾಕ್ಡ್ ತುಳುನಾಡ್ ಸ್ವಾತಂತ್ರ್ಯ ಪಡೆಯಿನ ಇಚಾರ ಸೇರಾವಂದೆ ಪೋಯಿನವು ಬೇಜಾರ್ದ ಸಂಗತಿ.

_ತುಳು ಒರಿಪುಗ

            1837 ಎಪ್ರಿಲ್ 5 ನೆತಾನಿ ಸುರುತ ಸ್ವಾತಂತ್ರ್ಯ ಬಾವುಟ ಕುಡಲದ ಬಾವುಟಗುಡ್ಡೆಡ್ ಏರ್ಂಡ್

ಮಂಗಳೂರು.  ದಿನಾಂಕ 5-04-2021 ಬಾವುಟ ಗುಡ್ಡೆ ಯಲ್ಲಿ ತುಳುನಾಡ ರಕ್ಷಣಾ ವೇದಿಕೆ ನೇತೃತ್ವದಲ್ಲಿ   ತುಳುನಾಡ ಸ್ವಾತಂತ್ರ್ಯ ನೆನಪು ಕಾರ್ಯಕ್ರಮ ಮಾತನಾಡಿದ ಯೋಗೀಶ್ ಶೆಟ್ಟಿ ಜಪ್ಪುರವರು  ಭಾರತದ ಸ್ವಾತಂತ್ರ್ಯ ಸಂಗ್ರಾಮದಲ್ಲಿ ಅಹಿಂಸೆಯ, ಹಿಂಸೆಯ, ತೀವ್ರಗಾಮಿತ್ವದ ಕಲ್ಪನೆಯಡಿಯಲ್ಲಿ ದೇಶಕ್ಕೋಸ್ಕರ  ಸ್ವತಂತ್ರ ಭಾರತಕ್ಕೋಸ್ಕರ ಅದೆಷ್ಟೋ ಜನ ತನ್ನ ಆತ್ಮ ಬಲಿದಾನಗೈದು ನಮ್ಮ ದೇಶಕ್ಕೆ ೧೯೪೭ ಆಗಸ್ಟ್ ೧೫ರಂದು ಸ್ವಾತಂತ್ರ್ಯ |ಲಭಿಸಿರುವುದು ನಮಗೆಲ್ಲರಿಗೂ ತಿಳಿದ ವಿಷಯ. ಆದರೆ ಅದಕ್ಕಿಂತ ಹಿಂದೆಯೇ ಸ್ವಾತಂತ್ರ್ಯದ ಬಗೆಗೆ ಕೆಚ್ಚೆದೆಯಿಂದ ಹೋರಾಡಿ ಪೋರ್ಚುಗೀಸರನ್ನು ಓಡಿಸಿದ ವೀರರಾಣಿ ಅಬ್ಬಕ್ಕರನ್ನು ಇಲ್ಲಿ ನೆನಪಿಸಬೇಕಾಗಿದೆ. ಸ್ವಾತಂತ್ರ್ಯ ಚರಿತ್ರೆಯ ಪುಟಗಳಲ್ಲಿ ಚೌಟ ರಾಣಿ ಉಳ್ಳಾಲದ ಅಬ್ಬಕ್ಕನ ಹೆಸರು ಎಲ್ಲೂ ಕಾಣಸಿಗದಿರುವುದು ಬೇಸರದ ಸಂಗತಿ.

ಅಂತೆಯೇ ಭಾರತಕ್ಕೆ ಸ್ವಾತಂತ್ರ್ಯ ಲಭಿಸುವ ಮೊದಲೇ ನಮ್ಮ ತುಳುನಾಡಿನಲ್ಲಿ ಅಂದರೆ, ಸ್ವಾತಂತ್ರ್ಯ ಲಭಿಸುವ ಸುಮಾರು ೧೧೦ ವರ್ಷಗಳ ಹಿಂದೆ ಸ್ವಾತಂತ್ರ್ಯ ಧ್ವಜವನ್ನು ಎಪ್ರಿಲ್ ೫, ೧೮೩೭ಕ್ಕೆ ಮಂಗಳೂರಿನ ಬಾವುಟಗುಡ್ಡದಲ್ಲಿ ಹಾರಿಸಿದವರು ತುಳು - ಕನ್ನಡಿಗರು. ಈ ವಿಚಾರ ಸ್ವಾತಂತ್ರ್ಯದ ಚರಿತ್ರೆಯ ಪುಟಗಳಲ್ಲಿ ಕಾಣಸಿಗುವುದೇ ಇಲ್ಲ.

ಕ್ರಿ.ಶ. ೧೮೩೭ರಲ್ಲಿ ಕಲ್ಯಾಣ ಸ್ವಾಮಿಯ ಮತ್ತು ಕೆದಂಬಾಡಿ ರಾಮೇಗೌಡರ ನೇತೃತ್ವದಲ್ಲಿ ಬ್ರಿಟಿಷರ ವಿರುದ್ಧ ದಂಗೆಯೊಂದು ಮಂಗಳೂರಿನಲ್ಲಿ ನಡೆದಿದ್ದು ತುಳುನಾಡಿನ ಪ್ರಥಮ ಸ್ವಾತಂತ್ರ್ಯ ಹೋರಾಟ ಎಂದೇ ಗುರುತಿಸಿಕೊಂಡಿದೆ. ೧೮೩೭ರ ಮಾರ್ಚ್ ೨೯ರಂದು ಸುಳ್ಯದಿಂದ ಹೊರಟ ಈ ಸೇನೆ ಎಪ್ರಿಲ್ 5 ರಂದು ಮಂಗಳೂರು ತಲುಪಿ ಬ್ರಿಟಿಷರನ್ನು ಓಡಿಸಿ ಠಾಗೋರ್ ಪಾರ್ಕ್‌ನಲ್ಲಿ ತುಳುನಾಡಿನ ಸ್ವಾತಂತ್ರ ಧ್ವಜವನ್ನು ಸ್ಥಾಪಿಸಿದರು. ಕಲ್ಯಾಣಸ್ವಾಮಿ, ಕೆದಂಬಾಡಿ ದಾಮೋದರ ಲಕ್ಷ್ಮಪ್ಪ ಬಂಗರಸ, ಹುಲಿಕುಂಡ ನಂಜಯ್ಯ, ಉಪ್ಪಿನಂಗಡಿ ಮಂಜ ಇವರೆಲ್ಲರೂ ಒಗ್ಗೂಡಿ  ಮಾರ್ಚ್ 29 ರಂದು ಸುಳ್ಯದಿಂದ ಹೊರಟು ಮಂಗಳೂರಿಗೆ ಬರುವ ದಾರಿಯಲ್ಲಿ ಅದೆಷ್ಟೋ ತುಳುವರ ಆತಿಥ್ಯವನ್ನು ಪಡೆದು ಅಲ್ಲಿನ ಯುವಕರನ್ನು ಒಗ್ಗೂಡಿಸಿಕೊಂಡು, ಬ್ರಿಟಿಷರನ್ನು ಸೋಲಿಸಲು ಬೇಕಾದ ತಂತ್ರವನ್ನು ರೂಪಿಸಿಕೊಂಡು, ಬ್ರಿಟಿಷರ ವಿರುದ್ಧ ಹೋರಾಟಕ್ಕೆ ಬೇಕಾದ ಆರ್ಥಿಕ ಸಹಾಯ, ಆಹಾರ ಪದಾರ್ಥ, ಆಯುಧಗಳನ್ನು ಪಡೆದುಕೊಂಡು ಮಂಗಳೂರು ತಲುಪಿ ಬ್ರಿಟಿಷ್ ಸೇನಾ ತುಕಡಿಯೊಂದಿಗೆ ಹೋರಾಟ ನಡೆಸಿ, ಬ್ರಿಟಿಷರು ಹಡಗಿನ ಮೂಲಕ ಪಲಾಯನ ಮಾಡುವಂತೆ ಮಾಡುತ್ತಾರೆ. ಆ ದಿನವೇ ತುಳುನಾಡಿನ ಪಾಲಿಗೆ ಸ್ವಾತಂತ್ರ್ಯ ಲಭಿಸಿದ ದಿನ. ಎಪ್ರಿಲ್ 5,  1837 ಅಂದು ಬ್ರಿಟಿಷರ ಪತಾಕೆಯನ್ನು ಕಿತ್ತೆಸೆದು ತುಳುನಾಡಿನ  ಬಾವುಟವನ್ನು ಹಾರಿಸಿದ ಸ್ವಾತಂತ್ರ್ಯ ಯೋಧರನ್ನು ನಾವಿಂದು ಸ್ಮರಿಸಬೇಕಾಗಿದೆ. ಇದು ತುಳುವರ ಸ್ವಾತಂತ್ರ್ಯ ಹೋರಾಟದ ವಿಜಯದ ಧ್ವಜವೂ ಹೌದು. ಆದರೆ ತುಳುನಾಡಿನ ಸ್ವಾತಂತ್ರ್ಯ ಹೋರಾಟಗಾರರ ಬಗ್ಗೆ ಪಠ್ಯಪುಸ್ತಕಗಳಲ್ಲಿ ಎಲ್ಲಿಯೂ ಉಲ್ಲೇಖವಿಲ್ಲದಿರುವುದು ಬಹಳ ಬೇಸರದ ವಿಚಾರ.ಆದರೆ

ಸ್ವತಂತ್ರ ತುಳುನಾಡಿನ ಸಂತೋಷದ ದಿನಗಳು ಬಹಳಷ್ಟು ಸಮಯ ಮುಂದುವರಿಯುವುದಿಲ್ಲ. ಭಾರೀ ಸೇನೆ, ಮದ್ದುಗುಂಡುಗಳನ್ನು ಹಿಡಿದು ಮರಳಿ ಬಂದ ಬ್ರಿಟಿಷ್ ಸೇನೆ ತುಳುನಾಡಿನ ಈ ಸ್ವಾತಂತ್ರ್ಯ ಹೋರಾಟಗಾರರನ್ನು ಬಗ್ಗುಬಡಿಯುತ್ತಾರೆ. ಇವರಲ್ಲಿ ರೂವಾರಿಗಳಾದ ಐವರನ್ನು ಮಂಗಳೂರಿನ ಈಗಿನ ಬಿಕರ್ನಕಟ್ಟೆ ಎಂಬಲ್ಲಿರುವ ವಿಶಾಲವಾದ ಆಲದ ಮರಕ್ಕೆ ನೇಣಿಗೆ ಸಿಲುಕಿಸಿ  ಕೊಲ್ಲುವುದರಲಿ ಬ್ರಿಟಿಷ್ ಸೇನೆ ಯಶಸ್ಸನ್ನು ಪಡೆಯುತ್ತದೆ. ಅಮಾನುಷವಾಗಿ ಹತ್ಯೆಯಾದ ಈ ಐವರ ದೇಹಗಳೂ ಕೆಲ ದಿನಗಳ ಕಾಲ ಆ ಮರದಲ್ಲೇ ನೇತಾಡುತ್ತಿದ್ದುದು, ಆ ವಾತಾವರಣದಲ್ಲಿದ್ದವರಿಗೆ ಭಯವನ್ನುಂಟು ಮಾಡಿಸುತ್ತದೆ.

ಈ ಮೃತದೇಹಗಳು ಭಯವನ್ನು ಹುಟ್ಟಿಸುವಂತಿದ್ದು ರಣಹದ್ದುಗಳು ಅವುಗಳನ್ನು ಕುಕ್ಕಿ ತಿನ್ನುತ್ತಿದ್ದು, ಭೀಕರ ರಣಕಟ್ಟೆಯಾಗಿ ಎಲ್ಲರನ್ನೂ ಭಯಬೀಳಿಸುತ್ತದೆ. ಮುಂದೆ ಭೀಕರ ರಣಕಟ್ಟೆಯೇ ಬಿಕರ್ಣಕಟ್ಟೆಯಾಗಿ ಚಾಲ್ತಿಗೆ ಬಂದಿದೆ.

ತುಳುನಾಡಿನಲ್ಲಿ 1837 ರಲ್ಲಿ ನಡೆದ ಮೊದಲ ಸ್ವಾತಂತ್ರ್ಯ ಚಳುವಳಿಯಲ್ಲಿ ಭಾಗಿಯಾಗಿ ಬಲಿದಾನಗೈದವರ ನೆನಪಿಗಾಗಿ ನಮ್ಮ ತುಳುನಾಡ ರಕ್ಷಣಾ ವೇದಿಕೆ ಸರ್ವ ತುಳು ಸಂಘಟನೆಗಳ ಒಕ್ಕೂಟದ ಜೊತೆಜೊತೆಗೆನೇ ೨೦೧೪ರಿಂದಲೇ ತುಳುನಾಡಿನಾದ್ಯಂತ `ತುಳುನಾಡ ಸ್ವಾತಂತ್ರ್ಯದ ಪೊರುಂಬಾಟದ ನೆಂಪು' ದಿನವನ್ನು ಪ್ರತಿ ವರ್ಷ ಎಪ್ರಿಲ್ ೫ರಂದು ನಡೆಸುತ್ತಾ ಬಂದಿದೆ. ತುಳುನಾಡಿನ ರಕ್ಷಣೆಗಾಗಿ ಅಂದು ಪ್ರಾಣತೆತ್ತವರ ಸ್ಮರಣಾರ್ಥ ಬಾವುಟಗುಡ್ಡೆಯಲ್ಲಿ ಸ್ಮಾರಕವೊಂದನ್ನು ನಿರ್ಮಾಣ ಮಾಡಬೇಕಾಗಿದೆ ಎಂದು ಯೋಗೀಶ್ ಶೆಟ್ಟಿ ಜಪ್ಪು ಒತ್ತಾಯಿಸಿದರು. ಅರೆಭಾಷೆ ಸಂಸ್ಕೃತಿ ಅಕಾಡೆಮಿ ಮಾಜಿ ಅಧ್ಯಕ್ಷರಾದ ಎನ್.ಎಸ್. ದೇವಿಪ್ರಸಾದ್ ಸಂಪಾಜೆ. ಕುದ್ಕಾಡಿ ವಿಶ್ವನಾಥ ರೈ, ಹರಿಕೃಷ್ಣ ಪುನರೂರು ಸೇರಿದಂತೆ ಹಲವಾರು ಮುಖಂಡರ ಮಾರ್ಗದರ್ಶನದಲ್ಲಿ ಬಹಳಷ್ಟು ವರ್ಷಗಳಿಂದ ನಮ್ಮ ಸಂಘಟನೆಯ ಮೂಲಕ ತುಳುನಾಡಿನ ಬೇರೆ ಬೇರೆ ಪ್ರದೇಶಗಳಲ್ಲಿ ತುಳುನಾಡಿನ ಸ್ವಾತಂತ್ರ್ಯದ ಹೋರಾಟದ ಬಗೆಗೆ ಜನರಿಗೆ ವಿಚಾರವನ್ನು ತಲುಪಿಸುವ  ಪ್ರಾಮಾಣಿಕ ಪ್ರಯತ್ನ ಮಾಡಿದ್ದೇವೆ, ಮಾಡುತ್ತಿದ್ದೇವೆ. ತುಳುನಾಡಿನ ಎಲ್ಲ ಸಾಂಸ್ಕೃತಿಕ, ಆಡಳಿತಾತ್ಮಕ ಕ್ಷೇತ್ರದ ತುಳುವರನ್ನು ಒಗ್ಗೂಡಿಸಿಕೊಂಡು ತುಳುನಾಡಿನ ಸ್ವಾತಂತ್ರ್ಯದ ಹೋರಾಟ

ತುಳುನಾಡಿನ ಜನರ ಬದುಕಿನೊಂದಿಗೆ ಹಾಸುಹೊಕ್ಕಾಗಿರುವ ತುಳುನಾಡ ರಕ್ಷಣಾ ವೇದಿಕೆ ಸರ್ವ ತುಳು-ಕನ್ನಡಿಗರು ಒಪ್ಪಿ ಮುನ್ನಡೆಸಿದ ಸಂಘಟನೆ. ನಿಸ್ವಾರ್ಥ ಸೇವೆ, ಜಾತೀಯತೆಯನ್ನು ಮೀರಿದ ಮಾನವೀಯ ನೆಲೆಗಟ್ಟಿನಲ್ಲಿ ಬೆಳೆದ ನಮ್ಮ ಸಂಘಟನೆ ಸಾಹಿತ್ತಿಕವಾಗಿ ಜನರನ್ನು ತಲುಪಬೇಕೆಂಬ ಇರಾದೆಯಿಂದ ಸಾಮಾಜಿಕ ಕೆಡುಕು, ಹುಳುಕುಗಳನ್ನು ನಿವಾರಿಸಿ ಸರ್ವರಿಗೆ ಸಮಪಾಲು, ಸರ್ವರಿಗೆ ಸಮಬಾಳು ಎಂಬ ಧ್ಯೇಯೋದ್ದೇಶಗಳನ್ನಿರಿಸಿ ಜಗತ್ತಿನೆಲ್ಲೆಡೆ  ತುಳುನಾಡ ಬದುಕನ್ನು ಕಟ್ಟಿಕೊಡುವ ಕೆಲಸವನ್ನು ಆರಂಭಿಸಿ ಹೆಜ್ಜೆ ಇಡುತ್ತಿದ್ದೇವೆ. ಸರ್ವ ಮತ ಧರ್ಮಗಳ ತುಳು-ಕನ್ನಡಿಗರು ನಮ್ಮ ಈ ಸೇವೆಯನ್ನು ಗುರುತಿಸಿ ಮುಕ್ತಕಂಠದಿಂದ ಶ್ಲಾಘಿಸುವುದರ ಜೊತೆಜೊತೆಗೆ ಸರ್ವ ರೀತಿಯ ಸಹಕಾರಗಳನ್ನು ನೀಡುತ್ತಿದ್ದಾರೆ. ತುಳುನಾಡು, ತುಳು ಸಂಸ್ಕೃತಿ, ತುಳು ಭಾಷೆಯನ್ನು ಇನ್ನಷ್ಟು ಔನ್ನತ್ಯಕ್ಕೇರಿಸಲು ತುಳು ಭಾಷೆಯನ್ನು ೮ನೇ ಪರಿಚ್ಛೇದಕ್ಕೆ ಸೇರಿಸಲು ನಮ್ಮಿಂದ ಎಷ್ಟು ಸಾಧ್ಯವೋ ಅದನ್ನೂ ಮೀರಿ ಪ್ರಯತ್ನಿಸುತ್ತಿದ್ದೇವೆ. ನಮ್ಮ ಒಕ್ಕೊರಲ ದನಿಗೆ ಸನ್ಮಾನ್ಯ ಶಾಸಕರು, ಸಚಿವರುಗಳು, ಸಚೇತರರು ದನಿಗೂಡಿಸುವ ಮೂಲಕ ತುಳು ನಮ್ಮ ಉಳಿಸಿ ಬೆಳೆಸುವಲ್ಲಿ ನಾವೆಲ್ಲಾ ಶತಪ್ರಯತ್ನ ಮಾಡಬೇಕು. ಆಶಯವೂ ಇದೇ ಆಗಿದೆ.  ಸರ್ವ ತುಳುವರ ದನಿಯಾಗಿದೆ ಎಂದು ಹೇಳಲು ನಮಗೆ ಹೆಮ್ಮೆಯೆನಿಸುತ್ತದೆ.

-ಯೋಗೀಶ್  ಶೆಟ್ಟಿ ಜಪ್ಪು

     

5-4-2021.ತುಳುನಾಡ ರಕ್ಷಣಾ ವೇದಿಕೆದ ವತಿರ್ದ್ ತುಳುನಾಡ ಸ್ವಾತಂತ್ರ್ಯದ ಪೊರ್ಂಬಾಟದ ನೆಂಪುಡು ಕುಡ್ಲದ ಬಾವುಟ ಗುಡ್ಡೆಡ್ ಬೊಲ್ಪುಗು ನಡತಿ ದ್ವಜಾರೋಹಣ

ತುಳುನಾಡ ರಕ್ಷಣಾ ವೇದಿಕೆ ಮುತಾಲಿಕೆಡ್ ತುಳುನಾಡ ಸ್ವಾತಂತ್ರ್ಯ ದಿನೊತ ನೆಂಪು

ಕೃಪೆ

ಯೋಗೀಶ್ ಶೆಟ್ಟಿ ಗುರ್ಕಾರ್ರ್,ತುಳುನಾಡ ರಕ್ಷಣಾ ವೇದಿಕೆ

ಮಾಯಿತಿ-ಪನಿಶ್ ಅಮ್ಟಾಡಿ

ಕಾಪುದ ಮಾರಿಯಮ್ಮ

    ‌                       ಕಾಪುದ ಮಾರಿಯಮ್ಮ

   

ಕೊಡಮಂದಾಯ ದೈವ ಪೆರಿಂಜೆಮಾರ್ ಪಡ್ಯಾರೊಟ್ಟು

    ‌‌‌‌‌       ಕೊಡಮಂದಾಯ ದೈವ ಪೆರಿಂಜೆಮಾರ್ ಪಡ್ಯಾರೊಟ್ಡು

ಚಿತ್ರ ಕೃಪೆ_ರತನ್.ಬಾರಾಡಿ

ಧೂಮಾವತಿ ಬೊಕ್ಕ ಜುಮಾದಿಗಿಪ್ಪುನ ವ್ಯತ್ಯಾಸ

           ಧೂಮಾವತಿ ಬೊಕ್ಕ ಜುಮಾದಿಗುಪ್ಪುನ ವ್ಯತ್ಯಾಸ

     ಜುಮಾದಿನ್ ಸ್ವಾಮಿ ಸತ್ಯ ಜುಮಾದಿಂದೇ ಪನ್ಪೆರ್ ವಿನಃ ಅಪ್ಪೆ ಜುಮಾದಿಂದ್ ತೆರಿನಕುಲು ಪನ್ಪುಜೆರ್

ಜುಮಾದಿ ದೈವ.ಜಂತಬೆಟ್ಟು ಬಂಟ ಜುಮಾದಿ ದೈವಸಾನ ಕುತ್ತೆತ್ತೂರು.ಚಿತ್ರ-ಅನೂಪ್ ಸೂರಿಂಜೆ

     

ಜುಮಾದಿ ಸೈನಿಕ ದಂಡನಾಯಕೆ ಪನ್ಪುನೆಕ್ ಸಾಕ್ಸಿಯಾಯಿನ ಒರು.ಬಲ್ಕುಂಜೆ ಮಿತ್ತ ಗುತ್ತು.

ಚಿತ್ರ ಕೃಪೆ-ಕೋಷ್ಟಲ್ ಡೈರೀಸ್

  

   ಜುಮಾದಿನ್ ಮಾಯೆದ ಕುಮಾರೆಂದ್ ಸಂದಿ ಪನ್ಪುಂಡು.ಅಪಗ ಜುಮಾದಿ ಆಣ್ ದೈವಂದೇ ಆಂಡ್.

ಜುಮಾದಿ,ಬಂಟೆ,ಮಲರಾಯೆ ಈ ಮೂಜಿ ದೈವದ ಮುಗತ ರಚನೆ

ಬೇತೆ ಬೇತೆನೇ ಉಪ್ಪುಂಡು.ಜುಮಾದಿಗ್ ಪಂಜಿದೊರುತ ಮುಗ ಇತ್ತ್ಂಡಲ ನರಮಾನ್ಯನೊರುತ ಕಣ್ಣ್,ಕೆಬಿ ಇತ್ತ್ ದ್ ಮೂಂಕುದ ಒಟ್ಟೆಲು ಮಲ್ಲ ಉಪ್ಪುವ.ಮಲರಾಯನ ಮುಗಲ ಪಂಜಿದ ಮುಗೊರ್ದು ಬೇತೆಯಾದ್ ಮುದಲೆದ ಮೋನೆದಲೆಕ ತೋಜಿಂಡ(ಲೆಕ್ಕೆ ಸಿರಿನ್ ಮುದಲೆದೊರು ಪನ್ಪೆರ್) ಮೂಂಕುದೊಟ್ಟೆಲು ಎಲ್ಯ ಇತ್ತ್ ದ್ ಪಂಜಿದ ಮೋನೆದೊರು ಇಜ್ಜಿ.ಮಲರಾಯನ ಮುಗತ ಕಣ್ಣ್ ಬೊಕ್ಕ ಕೆಬಿ ನರಮಾನ್ಯಲೆಕ ಉಂಡು.ಆಂಡ ಪಂಜುರ್ಲಿನ ಮುಗೊಟು ಕಣ್ಣ್,ಕೆಬಿ ಪಂಜಿದ ಮೋನೆನೆ ಉಪ್ಪುಂಡು.ಜುಮಾದಿನ ಒಟ್ಟುಗು ಬಂಟೆ ಇತ್ತ್ಂಡ ಜುಮಾದಿಗ್ ಭದ್ರ ಮುಗ ಬೊಕ್ಕ ಬಂಟಗ್ ಪಂಜಿದ ಮುಗ ಉಪ್ಪುಂಡು.ಜುಮಾದಿಗ್ ಮುಗ ದೀಪುನ,ಮುಗ ಏರುನ ರಡ್ಡ್ ಕಟ್ಟ್ ಲ ಉಂಡು.ಮಲರಾಯಗ್,ಪಂಜುರ್ಲಿಗ್ ಮುಗ ದೀದ್ ನೇಮ ನಡತ್ಂಡ ಅಣ್ಣಪ್ಪ ಪಂಜುರ್ಲಿಗ್ ಭದ್ರ ಮುಗ ಏರ್ ದ್ ನೇಮ ಆಪುನಿ.ದೈವಾರಾದನೆಡ್ ಪ್ರಧಾನ ಬೋಂಟೆ ಇತ್ತ್ ನಿ ಬುಳೆ ಸೆಲೆನ್ ನಾಶ ಮಲ್ಪುನ ಕಾಡ ಪಂಜಿಲೆನ್ ಬೋಂಟೆ ದೇರುನ.ಊರುದ ಅರಸುಲು,ದಂಡ್ ದ ದಳವಾಯಿ ಬೋಂಟೆ ದೇರೊಂತೆರ್..ಮಲೆ ರಾಯ ಒಂಜಿ ರೀತಿಯಾಂಡ ಮಲಾರ ಆಯದ ,ಉದಿಪುದ ದೈವಂದ್ ಮಲರಾಯನ್ ಪನ್ಪೆರ್.ಪಂಜಿದ ಬೋಂಟೆ ದೇರ್ನೆಕ್ ಸಾಗ್ಸಿಯಾದ್ ಅರಸುಲು ಪಂಜಿದ ತರೆನ್ ಸಾಗ್ಸಿಯಾದ್ ಕನಪೆರ್ .ಆ ಗುರ್ತ ಸಾಸಿತಾಯೆರೆ ಪಂಜಿದ ಮುಗತ ಕಲ್ಪನೆ ಬತ್ತಿಪ್ಪು.ಬಿರು ಪಗರಿ ಪತೊಂದು ದೈವೊಲು ವಲಸಾರಿ ಪೋಪುನಲ ಬೋಂಟೆದ ಗುರ್ತೊನು ತೆರಿಪಾವುಂಡು.ಜುಮಾದಿ ಸೈನ್ಯಾದಿಕಾರಿನ ಒರುವಾದ್,ಭದ್ರ ಮುಗ ಏರ್ದಿತ್ತ್ಂಡ ಬಂಟೆ ಪಂಜಿದ ಮುಗ ಏರ್ದಿಪ್ಪುಂಡು.ಜುಮಾದಿ ಒಂಜೆ ಇತ್ತ್ಂಡ ಪಂಜಿದ ಮುಗತೊರು ಉಪ್ಪುಂಡು.ನಿಜವಾದ್ ತೂಯೆರೆ ಪೋಂಡ ಒವ್ವೇ ದೈವೊಲೆಗ್ ಮೂಲೊಡು ಮುಗ ಇಜ್ಜಾಂಡ್.ಪಾಲೆಡ್ ಮುಗತ ರಚನೆ ಮಲ್ತೊಂತೆರ್.ದುಂಬುಗು ದೈವದ ಮುಗ ಸಾಸಿತಾದ್ ಉಪ್ಪಡ್ಂದ್ ಅರಸುಲು,ಬೂಡು,ಗುತ್ತು,ಬರ್ಕೆದಕುಲು ನರಮಾನ್ಯನ ಕಲ್ಪನೆದಾದಾರೊಡು ಮುಗತ ಒರು ಮಲ್ಪಾಯೆರ್.ಮಲ್ಪುನ ಅಚಾರ್ಯೆರ್  ದೈವದ ನೇಮ ನೆರಿ ಮಲ್ಪವುನ ಮನೆತನದಾರೆನ ಮೋನೆದಾದಾರೊಡು ಕಂಚಿ ಪಿತ್ತಾಳೆಡ್ ಎರಕ ಪಾಡ್ದ್ ಮುಗತ ಒರು ಮಲ್ತೆರ್.ಅಂಚಾದ್ ಎಚ್ಚಿನ ದೈವದ ಮುಗೊಟು ಮೀಸೆ ಉಪ್ಪುಂಡು.ಮುಗ ಮಲ್ಪುನಗ ಒಂತೆ ಪೋಡಿ ಕಟ್ಟಾವುಲೆಕ ಉಗ್ರ ರೂಪ ತೋಜುನಂಚಿ ಮುಗತ ಒರು ಮಲ್ತೆರ್.ನೇಮೊಡ್ಲ ಅಂಚನೆ ವ್ಯಕ್ತಿ ಶಕ್ತಿಯಾನಗ ಅಡ್ಡೊಗು ಅಗೆಲ,ನೀಟೊಗು ಎತ್ತರದ ಅಣಿ,ಮೋನೆಗ್ ಅರದಲ,ಕಾರ್ ಗ್ ಗಗ್ಗರ ಇಂಚ ಒಂಜಿ ರೀತಿದ ವಾತಾವರಣ ಸೃಷ್ಠಿಯಾದ್ ಅವ್ಲು ನಂಬೊಳಿಗೆ ಸುರಾಂಡ್.ಇಂಚಿಪ್ಪ ಒಂಜಿ ತಿಕ್ ಡ್ ಪ್ರಶ್ನೆ ದೀನಕುಲು ಜುಮಾದಿನ್ ಧೂಮಾವತಿ ಮಲ್ತ್ ದ್ ವಾಹನ ಕಕ್ಕೆ ಮಲ್ಪೆರೆ ಪಂಡೆರ್.ಆಂಡ ತೆರಿನಕುಲು ಕಕ್ಕೆ ಬೊಡ್ಚಿ ದುಂಬುದ ಪಂಜಿ ವಾನ ಯಾವುಂದೇ ಪನ್ನಗ ಮನಿಪಂದೆ ಕುಲ್ಯೆರ್

     

ಇನಿ ಕೆಲವು ಪ್ರಶ್ನೆಚಿಂತನೆದಕ್ಲ್ ಜುಮಾದಿನ್ ಧೂಮಾವತಿಪನ್ಪುನ ಮಾತ್ರ ಅತ್ತಂದೆ ನಿಕುಲು ಧೂಮಾವತಿಗ್ ಪಂಜಿದ ಬಂಡಿದ ಬದಲ್ ಕಕ್ಕೆದ ಬಂಡಿ ಮಲ್ಪುಲೆ ಪನೊಂದುಲ್ಲೆರ್.ಓಡೆಗೆತ್ತ್ಂಡ್ ದೈವಾರಾದನೆದ ಸ್ಥಿತಿ?. ವೈದಿಕ ಪುರಾಣಡ್ ಧೂಮರಕ್ಕಸನ್ ಪಂಡ ಧೂಮ್ರಾಕ್ಷನ್ ವಧೆ ಮಲ್ಪೆರೆ ಬೋಡಾದ್ ಆಧಿಶಕ್ತಿ ಪಡೆಯಿನ ಅವತಾರನೇ ಧೂಮಾವತಿ.ಈ ಅವತಾರಡ್ ದೇವಿ ಒಂಜಿ ರೀತಿ ಮೋನೆ ನೆರಿ ಕಟ್ದ್ ಪೋತಿನ, ಮಸ್ತ್ ಪ್ರಾಯದ ಮುಜಡೆ ಪರಬು ಆದ್ ಕಕ್ಕೆದ ಮಿತ್ತ್ ಕುಲ್ಲುದು ಧೂಮ ರಕ್ಕಸನ್ ವಧೆ ಮಲ್ಪುವಲ್. ಈ ಧೂಮಾವತಿ ದೇವಿನ್ ಹೆಚ್ಚಾದ್  ಉತ್ತರ ಭಾರತಡ್ ತಂತ್ರ ಮಂತ್ರ ಕ್ಷುದ್ರ ಪೂಜೆಗ್ ಗಲಸುವೆರ್. ಕೆಲವೆರೆ ಪ್ರಕಾರ ಧೂಮಾವತಿಗ್ ಸಂಬಂಧ ಪಟ್ಟಿನ ಕೆಲವು ಶ್ಲೋಕ ಮಂತ್ರಲ ಉಂಡು ಪನ್ಪೆರ್.ಓಂ ಧೂಮಾವತಿಯೈ ನಮಃ ಇಂಚ.ದೇವೆರೆನ್ ಮಂತ್ರ ಶ್ಲೋಕೊಲೆಡೆ ಪೂಜೆ ಮಲ್ಪೊಡು.ದೇವೆರೆಗ್ ನೇಮ ಕಟ್ರೆ ಆಪುಜಿ.ದೈವೊಲೆಗ್ ಸಂದಿ ಪಾಡ್ದನೊನೆ ಪನೊಡು.ದೈವೊಲೆಗ್ ಮಂತ್ರ ತಂತ್ರದ ಪೂಜೆ ಇಜ್ಜಿ.

  

ದೇವೆರೆ ಆರಾದನೆಡ್ ಕಂಡನಿ ಬುಡೆದಿನ ಆರಾದನೆ ಉಂಡು.ದೈವೊಲೆಡಿಜ್ಜಿ.ಅಂಚಾದ್ ಉಲ್ಲಾಯ ಉಲ್ಲಾಲ್ದಿನ್ ಈಸರ ಪಾರೊತಿ ಪನ್ಪುನವು ಸುದ್ದ ತಪ್ಪು.ಧೂಮಾವತಿನ ಕಥೆ ಅಂಚಾಂಡ ತುಳುವೆರ್ನ ರಾಜನ್ ದೈವೊಲೆನ ಸಾಲ್ ಡ್ ದೈವದ  ಜುಮಾದಿನ ಪುಟ್ಟುದ ಬಗೆಟ್ ನಿರ್ದಿಷ್ಟವಾಯಿನ ಕಥೆ ಇಜ್ಜಿಂದಾಂಡಲ ಪ್ರಾದೇಶಿಕವಾದ್ ಜುಮಾದಿ ಆ ಜಾಗೆಲೆಗ್ ಬತ್ತಿ ಇಚಾರೊಡು ಎತ್ತೇಸೊಲು ತೋಜಿದ್ ಬರ್ಪ. ಭೂಮಿ ಉಂಡಾದ್ ಕದಿಕೆ ಉಂಡಾಪಿನ ಪೊರ್ತು  ದೈವ ಜುಮಾದಿ ಉಂಡಾಯೆಗೆ. ಬೊಕ್ಕ ದೈವ ನೇಮದ ಮಸ್ತ್ ಪ್ರಾಯದ  ಚಾಕ್ರಿದಕ್ಲು ದೈವದ ಪುಟ್ಉ ಪುರಾಪು ಪನ್ನಗ ಜುಮಮಾದಿ ಇಜ್ಜಾ ಜುಮಾದಿಂದೇ ಪನ್ಪೆರ್ ವಿನಃ ಧೂಮಾವತಿಂದ್ ಓಲ್ಲಾ ಪನ್ಪುಜೆರ್.  ಆಂಡ ಇತ್ತೆದ ಕಾಲಡ್ ನೇಮ ಕಟ್ಟುನ ಹೆಚ್ಚಿನ ಜನಕ್ಲೆಡ ಕೇಂಡ ವೈದಿಕ ಚರಿತ್ರೆದ ಧೂಮಾವತಿ ದೇವಿನ ಅವತಾರದ ಕಥೆನ್ ಪನ್ಪಿನ ತೂವೊಲಿ ದೈವದ ಕಲಟ್ಲ ಉಂದೆನ್ ಪನ್ಪಿನೆನ್ ತೂಪ.ನಮ್ಮ ತುಳುನಾಡ್ದ್ ದೈವ ಜುಮಾದಿ ಕಟ್ಟಿ ನೇಮೊಡು ಪತ್ತಿ ಮಾನಿನ ಎಚ್ಚಿಡ್ ರಾಜ್ಯದ ಕಲಕ್ ರುಂಡದ ಮಿತ್ತ್ ರುಂಡ ಏರೊಂದು( ಪಂಡ ತರೆತ ಮಿತ್ತ್ ಮುಗತಟ್ಟೆಡ್ ಮುಗ ದೀದ್ ) ಏಳ್ ಜಿಡೆತ ಸಂಕಮಾಲೆನೆ ತನ್ನ ಕೈಟ್ ವಜ್ರಾಯುಧ ಮಲ್ತೊಂದು  ಪನ್ಪಿ ದೈವದ ನುಡಿ    "ಗುತ್ತಿನಾರೆ... ಮೂಡಾಯಿ ಜಂತ ಬೊಟ್ಟು,,, ಪಡ್ಡಾಯಿ ಪಡ್ರೆ ಚಾವಡಿ,,, ತೆನ್ಕಾಯಿ ಬೈಲ ಬೂಡು,,, ಬಡಕಾಯಿ ಸಾಂತೂರ ಪರಾಡಿ ಪನ್ಪಾವೊಂದು ಬತ್ತೆ ಗುತ್ತಿನಾರೆ..."   ಪಂಡ್ ದ್ ಪನ್ಪುಂಡು.ದೈವ ಜುಮಾದಿಗ್ ಇತ್ತ್ ನಾತ್ ಪ್ರಾದೇಶಿಕ ಹಿನ್ನಲೆಲು ಬೇತೆ ದೈವೊಲೆಗ್ ತಿಕ್ಕುಜಿ.ಅಂಚನೆ ಜುಮಾದಿ ಕೆಲವು ಗುತ್ತು,  ಬೂಡು, ಪರಾಡಿ, ಆರಾಂತಡೆಡ್ ಕೆಲವು ಇಲ್ಲಲ್ ಕುಟುಮೊಡು ಮಲ್ಲಾಯರ್ದ್ ಪತ್ತಿನ ಎಲ್ಯಾಯನ ಕೈರ್ದ್ ಲ ಚಾಕಿರಿ ದೆತೊನುನ ಸತ್ಯ. ಅಂಚೆನೆ "ಬಂಟೆರೆನ ಬರಿಕ್ ಬಂಗಾರ್ ಕುಲೊಕ್ ಸಿಂಗಾರಲೆಕ್ಕಂತಿ ದೈವ ಕಾಂತೇರಿ ಜುಮಾದಿ" ಪನ್ಪಾವೊಂದು  ಜುಮಾದಿ ಆರಾಧನೆ ದೆತೊನುವೆ, ಪಂಚ ಜುಮಾದಿ, ಮರ್ಲ್ ಜುಮಾದಿ, ಸಾರಲ ಜುಮಾದಿ, ಜೂಮ್ರ ಜುಮಾದಿ,ಕಯ್ಯಾರ ಜುಮಾದಿ,ಪಡ್ಡೇಯಿ ಜುಮಾದಿ,ಅಂಗಡಿ ಜುಮಾದಿ ಇಂಚೆನೆ ಜುಮಾದಿ ತುಳುನಾಡ್ದ್ ಕೆಲವೊಂಜಿ ಜಾಗೆಲೆಗ್ ಪೊಗ್ಗುದು ಕೆಲವೊಂಜಿ ಕೂಡು ಕುಟುಮೊಲೆಗು ಪೊಗ್ಗುದು ಬೇತೆ ಬೇತೆ ಪುದರ್ ಪುರಾಪುಡು ಆರಾಧನೆ ಪಡೆಯೊಂದುಲ್ಲೆ.. ಜುಮಾದಿ ಪೆದ್ದ್ಂಡ ಅಪ್ಪೆ ಆದ್,ತಾಂಕ್ಂಡ ತಮ್ಮಲೆ ಆದ್, ಆನ ತರೆರ್ದ್  ಪೊಣ್ಣ ನೆರಿ ಮುಟ್ಟ ಕಾತೊಂದು ಬರ್ಪೆ ಪನ್ಪುನೆಕ್ಕ್ ಜುಮಾದಿನ ಸೊಂಟರ್ದ್ ತಿರ್ತ್ ಆನವತಾರ ಸೊಂಟರ್ದ್ ಮಿತ್ತ್ ಇಪ್ಪುನ ಪೊಣ್ಣವತಾರನೇ ಸಾಕ್ಷಿ..ತುಳುನಾಡ್ದ್ ಏತೆ ಮಲ್ಲ ತರ್ಕೊಗುಲ ಬಗ್ಗಂದಿ ಸೊರ್ಕುದ ದೈವ ಏರ್ ಅಂದ್ ಪಂಡ ಜುಮಾದಿ ಮಾತ್ರ".. ಆಂಡ ಇನಿ ನಮ ನಮ್ಮ ವೈದಿಕ ಚರಿತ್ರೆದ ಧೂಮಾವತಿ ದೇವಿನ್ಲ ತುಳುವೆರ್ನ ಮೂಲ ದೈವ ಜುಮಾದಿನ್ಲ ಒಂಜೆ ಪನ್ಪುನ ವಿಪರ್ಯಾಸದ ಕಥೆನ್ ತೂನಗ ಬೇಜಾರ್ ಆಪುಂಡು.ನನ ಆಂಡಲ ನಮ ನಂಗಿ ಜುಮಾದಿನ್ ಜುಮಾದಿಯಾದೆ ಒರ್ತೊನುಗ

ಲಿಂಕ್-https://youtu.be/otWGG8p21zc

ಧರ್ಮ ಕರ್ಮದ ಬದ್ ಕ್ ದ ತಾದಿ_ಆದ್ಯಾತ್ಮಿಕ ಲೇಖನ

                  ಧರ್ಮ ಕರ್ಮದ ಬದ್ ಕ್ ದ ತಾದಿ

                               ಆದ್ಯಾತ್ಮಿಕ ಲೇಖನ

ಪುದರ್ ಬದಲ್ನ ತುಳುನಾಡ ದೈವೊಲು

               ಪುದರ್ ಬದಲ್ನ ತುಳುನಾಡ ದೈವೊಲು

     

                   ಗಿರಾವು ದೈವ ಕಿರಾತೇಶ್ವರ ಆತ್ಂಡ್

ಕೊಡಮಂದಾಯನ ಮುಗ ಮಿಜಾರ್.ಚಿತ್ರ- ಅನೂಪ್ ಸೂರಿಂಜೆ

ಸಂಪೂರ್ಣ ಬದಲಾಯಿನ ಕೊಡಮಂದಾಯನ ಮುಗ ಪಡ್ಡೆದ್ರ.

ದೈವ ಕೊಡಮಂದಾಯೆ ತಿಬಾರ ಸ್ಥಾನರ್ದ್ ತೆನ್ನಾಯ ಪೂಜಾರಿನ ಬೆರಿಟ್ ಬತ್ತ್'ದ್ ಪ್ರಾಯದ ಅಜ್ಜಿನ ರೂಪಡ್ ಬಾಲು ಪೂಜಾರಿ ಸಂಸಾರಡ ಅಸರ್ ಕೇಂದಿನಿಗೆ ಅಯಿಕ್ ದೈವಗ್ ಪೊಣ್ಣ ಪೊಂಜುವುನ ರೂಪಡ್ ಮೂಕುದ ಮುತ್ತೇಸನ ಇಪ್ಪುನ ಮುಗ.ಒಂಜಿ ರಾಜಂದೈವ ಪುದರ್ ಬದಲ್ತ್ ದ್ ಬೇತೆ ಬೇತೆ ತಿಕ್ ಡ್ ಆರಾದನೆ ಪಡೆತ್ಂಡ್.ಆಣ ಒರು ಪೋದು ಪೊಣ್ಣ ಒರುವಾದ್  ಪೋಯಿನ ಚರಿತ್ರೆ ಮೂಲು ಬುಡುಂಡ ಬೇತೆ ಓಲ್ಲ ತೆರಿದ್ ಬರ್ಪುಜಿ.ಆಂಡ ದೈವ ಕೆಲಪಲ್ಲ ಸಾಸ್ತ್ರ ಬೊಳ್ಳೆ ಕೋರಿಯಾದ್ ಬೈದ್ ನ ಇಚಾರೊಲು ಮಸ್ತ್ ತೂವೆರೆ ತಿಕ್ಕುಂಡು.

      

  ಸಾಯೊದ ಬಿರು ಪಗರಿ ಪತ್ತಿ ಬಿಲ್ಲಾರ ದೈವೊ.ಪರಂಕಿಲ ಚಾವಡಿ ಅಡ್ಕ.ಚಿತ್ರ-ರತೀಶ್ ಫೋಟೋಗ್ರಾಫಿ

  

ಮೂವೆರ್ ಉಳ್ಳಾಕುಲು ಬಲರಾಮ ಕೃಷ್ಣ ಸುಭದ್ರೆ ಆನಗ

            

ಕನ್ನಿ ಉಲ್ಲಾಲ್ದಿ ದೈವ/ಪಳ್ಳಿತೊಕುರು ಬಾಕುಡ್ದಿ.ಪರಂಕಿಲ ಚಾವಡಿ ಅಡ್ಕ

      ‌‌‌‌           *_ದೈವಾರಾದನೆ_* 

ಕಾಲದ ಪರಪುಡು ಕರದ್ ಪೋವೊಂದಿಪ್ಪುನ,ಆರಾದನೆದ ಎತ್ಯಯೊಡು ಅಳಿಯಂತ್ರ ಸಾದಿಡುಪ್ಪುನ ತುಳುವ ಧರ್ಮದ ದೈವಾರಾದನೆದ ಮೂಲ ನಂಬೊಳಿಗೆ,ಆರಾದನೆದ ಪದಿನಾಜಿ ಕಟ್ಲೆಲು,ಆಚರಣೆಲೆನ್ ಪೆರಿಯಾಕ್ಲ್ ಪಾಡ್ದ್ ಕೊರ್ನ ಸಾದಿಡೆ ಕುಡೊರ ತುಳುವ ಮಣ್ಣ್ ಡ್ ದೆರ್ತ್ ಪತ್ತುನ ಕಾಲ ಬೈದ್ಂಡ್.ಪೊಸತ್ ನ್ ತೋಡುದು,ಪರತ್ ನ್ ನಿಗಿತ್ ದ್ ಮಣ್ಣೇ ಮರಿಯಾದ್ ಕೊಡಪುನ ದುಂಬು ಮೂಲ ನಂಬೊಳಿಗೆ ದಾದ ಪನ್ಪುನೆನ್ ಪೆರಿಯಾಕ್ಲೆಡ ಕೇಂದ್ ಪಿಂದೊನುಗ.ಅಷ್ಟ ಮಂಗಲ ಇಂಚಿಪ್ಪಿ ಪೊಸ ದೇಕಿದ ಪ್ರಶ್ನೆದ ಬದಲ್ ಪೆರಿಯಾಕ್ಲ್ ನಂಬೊಂದು ಬತ್ತಿ ದೈವದ ನುಡಿಕ್ ಬಿಲೆ ಕೊರ್ಕ.ಅಂಚನೆ ಮೂಲ ನಂಬೊಲಿಗೆದ ಬಲ್ಯಾಯನ ನಿಮಿತ್ತ ನೋಟೊನು ಕುಡೊರ ಮಾನಿತೊನ್ಗ. ಬ್ರಹ್ಮಕಲಸ ದಾಂತೆ ತುಳುವೆರ್ ಮೂಲೊಡು ದೈವದ ಮಣೆಮಂಚದೆದುರು ಹಿರಿಯಾಕ್ಲೆ ಮದಿಪುದ ಪಾತೆರೊಗು ಬಿಲೆ ಕೊರ್ದು  ಸಾನ ಗಿರಿತ್ ದ್ ಸಾನ ಕಟ್ಟಾದ್ ದೈವೊಲೆನ್  ಅಂದ್ ಮಲ್ಪುನ ಸಾನದೊಕ್ಕೆಲ್ ನ್ ಮೂಲ  ಕಟ್ಲೆಡೆ ಮಲ್ಪುನ ಕಾಲ ಒದಗ್ ದ್ ಬರೊಂದುಂಡು.ದೈವೊಲೆಗಿಜ್ಜಂದಿ ಗಣ ಓಮ,ಮೃತ್ಯುಂಜಯ ಓಮ, ದುರ್ಗಾ ನಮಸ್ಕಾರ,ಪೂಜೆ,ಮಂತ್ರ,ಆರತಿ ಉಂದೆನ್ ಬುಡ್ಡು ಮೂಲ ಕಟ್ಲೆಡ್ ಹಿರಿಯಾಕ್ಲ್ ಎಂಚ ನಡಪಾವೊಂದು ಬತ್ತೆರ್ಂದ್ ಕೇಂದ್ ತೆರಿದ್ ಅಂಚನೆ ನಡಪುಗ.ದೈವೊಗು ಹಿರಿಯಾಕ್ಲೆ ಮದಿಪುರ್ದು ಮಲ್ಲ ಮದಿಪಿಜ್ಜಿ,ಕುಟುಮದಕ್ಲ್ ಬಲಸುನೆರ್ದ್ ಮಲ್ಲ ಅಗೆಲಿಜ್ಜಿ.ದೈವದ ಕೊಡಿಯಡಿಟ್ ನುಪ್ಪು ದಾನ ಇಜ್ಜಿ.ಅವ್ಲು ಪೊರಿ ಬಜಿಲ್ ಪಾನಕ ಉಪ್ಪುನಿ.ದಾಯೆ ಪಂಡ ಜಾತ್ರೆದಪಗ ದೈವದ ಲೆಕ್ಕೊಡು ಆ ಗಿರಮ,ಊರುದ ಪ್ರತಿ ಇಲ್ಲಲ್ಲ ಒನಸ್ ಇಪ್ಪುಂಡು.ನಮ ನಂಬೊಂದು ಬತ್ತಿನ ದೈವೊಲೆಗ್ ಪಿದಯಿದಕ್ಲೆನ್ ಲೆತ್ತ್ ದ್ ಅಕ್ಲೆ ಕೊಸ್ವಾಸಿ ಬಲಸಂಡ ದೈವ ಖಂಡಿತಾ ಒಪ್ಪಂದ್.ನಮ್ಮ ಅಪ್ಪೆ ಅಮ್ಮಗ್ ನಮ ಬಲಸ್ ದ್ ಕೊರ್ನಗ ಆಪುನ ಕೊಸಿ ಪಿದಯಿರ್ದ್ ಬತ್ತ್ ನಕುಲು ಬಲಸ್ಂಡ ಆವಂದ್.ನಮಕ್ ತೆರಿ ಮಟ್ಟ್ ಗ್ ನಮ ಹಿರಿಯಾಕ್ಲೆಡ ಕೇಂದ್ ಮಲ್ತೊಂದು ಪೋಯಿ.ದೈವ ತಪ್ಪು ಮಲ್ಪಾಯೆರೆಂದ್ ಉಪ್ಪುನಿ.ಆಂಡ ಪೆದ್ದ್ಂಡ ಅಪ್ಪೆ ತಾಂಕ್ಂಡ ತಮ್ಮಲೆಯಾದ್ ನಮ್ಮ ತರೆ ಬೆರಿ ಮಾನೊನು ಕಾಪುನ್ಲ ನಮ ನಂಬಿಂಚಿ ದೈವೊಲೆ.ಮೂಲ ಕಟ್ಟ್ ನ್ ಪೊಲಿಪೆರೆ ಸುರು ಮಲ್ತ್ ದ್ ಕುಟುಮದ ಸಮ್ಮಂದಲ ಅವ್ವೇ ಲೆಕ ಇನಿಕಾನಗ ಪೊಲಿದಾತ್ಂಡ್. ನಿಚ್ಚ ಪೂ ನೀರ್ ದೀವೊಂತಿ ಇಲ್ಲ ಚಾವಡಿದ ದೈವೊಲೆನ್ ನಮಟೊರಿಂದ್ ನಮ ಎನ್ನಿದಿತ್ತ್ ದ್, ಏತೊಂಜಿ ತೊಟಿಲುಲು ತೂಂಕೊಂತಿ ಕೂಡು ಕುಟುಮದ ಇಲ್ಲುಲು,ಚಾವಡಿಡ್ ಉಜ್ಜಾಲ್ ಡ್ ದೈವೊಲು ,ಇಲ್ಲದ ಹಿರಿಯಾಕುಲ್ಲೆಕ ಇತ್ತ್ ನ ದೈವೊಲೆನ್  ಏಪ ಪಿದಯಿರ್ದ್ ಬತ್ತ್ ನಕುಲು ಪಂಡೆರ್ಂದ್ ಪಿದಯಿ ಸಾನ ಕಟ್ಟಾದ್ ಇಲ್ಲದುಲಯಿರ್ದ್ ಪಿದಯಿ ಸಾನದುಲಯಿ ಪಾಡ್ದ್ ಸಂಕ್ರಾಂತಿಗೊರ ಪೂ ನೀರ್ ದೀದ್ ತಂಬಿಲ ಕರಿತ್ ದ್ ತಿಂಗೊಲಿಡೀ ಬಾಕಿಲ್ ಮುಚ್ಚಿದ್ ಕುಲ್ಲಿಯನ ಅಡೆಗ್ ತುಳುವೆರೆ ಕೂಡು ಕುಟುಮದ ಸಮ್ಮಂದದ ಗೋಡೆಲು ಜರಿಯೆರೆ ಸುರಾಯ. ಹಿರಿಯೆರ್ ಪನ್ಪುನ ಪಾತೆರೊರ್ದು ಮಲ್ಲ ಮದ್ಯಸ್ಥಿಕೆಯತ್ತ್.ಅವ್ಲು ಕಾಸ್ ಗ್ ಪಾತೆರ,ಮೂಲು ಮನ ಬಗ್ತಿದ ಮದಿಪು.ಇನಿ ಕೆಲವು ಸಾನೊಲೆಡ್ ಒಂಜಾತ್ ವರ್ಸೊರ್ದಿಂಚಿ ನೇಮದಪಗ ಒಂಜಿ ಸುತ್ತು ಬಜನೆ ಪನೆರೆ ಸುರಾತ್ಂಡ್.ದೈವದ ಮುಗೊನು ಕಟಿ ಮಾನಿ ದೀದ್ ನೇಮ ಅನಗ ದೈವ ಆಯಿನವು ಸಾನದ ಉಲಯಿ ಪೋಯಿ ಸಾತ್ ಗ್ ದೇವಿಯಾದ್ ಅವ್ಲು ಕುಂಕುಮಾರ್ಚನೆ,ಕರ್ಪೂರಾರತಿ,ನವರಾತ್ರೆ ಪೂಜೆ ಸುರಾಂಡ್ ಪಂಡ ದೈವಸಾನ ದೂರಾದ್ ದೇವಸಾನ ಆಪುನ ಕಾಲ ದೂರ ಇಜ್ಜಿ.ಇನಿ ದೈವೊನು ದೇವೆರೆ ಪುದರ್ಡ್ ಲೆತ್ತ್ ದ್ ಒಂಜಾತ್ ವರ್ಸ ಕರಿನಗ ಜನೊಕ್ಲೆ ಬಾಯಿಡ್ ಮೂಲ ದೈವದ ಪುದರ್ ಮಯಕಾದ್ ದೇವೆರೆ ಪುದರ್ ಮಾತ್ರ ಒರಿಯು.ಪ್ರಸ್ನೆ ಚಿಂತನೆದಕ್ಲ್ ಪಂಡೆರ್ಂದ್ ದೈವದ ಪರ ಮುಗ ಮೂರ್ತಿಲೆನ್ ತೋಡು ಸುದೆಕ್ ಬುಡ್ದು,ಮಣೆ ಮಂಚಾವುನು ಪೊತ್ತಾದ್ ದುಂಬುಗು ನಮ್ಮ ಪಿರಾಕ್ ದ ದೈವಂದ್ ಪನ್ನಗ ಅಕ್ಲ್ ಸಾಗ್ಸಿ ಕೇಂಡ ನಮಡ ಕೊರ್ಯೆರೆ ಪರ ಮುಗ ಮೂರ್ತಿಲಾ ಇಜ್ಜಿ,ಪರ ಮಣೆ ಮಂಚಲಾ ಇಜ್ಜಿ.ಇತ್ತೆನೇ ಸುಮಾರ್ ಕಳೆವೊಂದಾತ್ಂಡ್. ಮುಗ ಮೂರ್ತಿ,ಮಣೆ ಮಂಚವುದ ಸಗ್ತಿ ದೆತ್ತಿ ಬೊಕ್ಕ ಅವೆನ್ ನೀರ್ ಗ್ ದಕ್ಕುನ ಬದಲ್,ತೂಟು ಪೊತ್ತಾವುನ ಬದಲ್ ಸೊತ್ತು ಜಾಗ್ ರ್ತೆ ದೆತ್ತ್ ದೀಪುನ ವಸ್ತು ಸಂಗ್ರಹಾಲಯೊಗು ಕೊರ್ಂಡ ನೆನೆಪಾನಗ ತೂದು ಬರೊಲಿ.ದೈವೊಲೆಗ್ ವಾ ಕಾರಣೊಗ್ಲಾ ಬಜನೆ ಪನ್ಪುನ ಕಟ್ಟಿಜ್ಜಿ.ಬಜನೆ ಪನ್ಪುಂಡ ದೈವ ಬೊಕ್ಕ ದೇವೆರೆಗ್ ದಾದ ಎತ್ತೇಸ?.ದೇವೆರೆಗ್ ಕಲಶ, ಬಜನೆ,ಮಂತ್ರ,ಶ್ಲೊಕ,ಹೋಮ,ಪೂಜೆ,ಪಂಚಕಜ್ಜಾಯ.ದೈವೊಲೆಗ್ ಸಂದಿ ಪಾಡ್ದನ,ದೂಪ,ಗಿಂಡೆ ನೀರ್,ಮದಿಪು,ಅಗೆಲ್. ಇನಿ  ದೈವದ ಕಲೊಕು ಬಜನೆದಂಚ ಓಮ,ಕಲಸ,ಪೂಜೆ,ಆರತಿ,ಪಂಚಜ್ಜಾಯ ಬತ್ತ್ ದ್ ದೈವಸಾನನಾ,ದೇವಸಾನನ ಗೊತ್ತಾವೊಂದಿಜ್ಜಿ.ತುಳುನಾಡ ಸ್ವತಂತ್ರ ಸಗ್ತಿಲಾಯಿನ ದೈವೊಲೆನ್ ದೇವೆರೆ ಅಂಸ ಮಲ್ತ್ ದ್,ದೈವೊಲು ದೇವೆರೆನ್ ಕಾಪುಲೆಕ ಆಂಡ್.ಸ್ವಂತ ಅಸ್ಥಿತ್ವ ಇತ್ತ್ ನ ದೈವೊಲೆಗ್ ಪುರಾಣ ಸೇರಾದ್ ಆಸುರೀ ಕಿರಿಯೆದ ಬದಲ್ ದೇವ ಕಿರಿಯೆಡ್ ಕರಿತೊಂದುಲ್ಲೆರ್.ದೇವ ಕಿರಿಯೆಡ್ ಕರಿಪುನಕ್ಲ್ ಅಂಚನೇ ಕರಿಪಡ್.ಆಂಡ ಆಸುರೀ ಕಿರಿಯೆಡ್ ಕರಿಪುನಕ್ಲೆನ್ಲಾ ನಿಕುಲು ದೇವ ಕಿರಿಯೆಡ್ ಮಲ್ಪುಲೆ ಪನ್ಪುನ ಅಗತ್ಯ ಇಜ್ಜಿ.ನಮ ದುಂಬೆಂಚ ನಂಬೊಂದು ಬತ್ತ್ ನ ಅಂಚನೆ ನಂಬುಗ. ದೈವೊಲು ನಮನ್ ಮಾತ ಒರ್ತು ಕಾಪುವ ಪನ್ಪುನೆನ್ ಮದಪೆರೆ ಬಲ್ಲಿ.ನಮಕ್ ಬದ್ ಕ್ ಡ್ ದಾಲ ನಿಮುರ್ತಿ ಇಜ್ಜಿ ಪಂದಾನಗ ನಮ ಕೈ ಕಟ್ಟ್ ದ್ ತರೆ ತಗ್ಗಾದ್,ಬೆರಿ ಬಗ್ಗಾದ್ ಉಂತುನಿ ನಮ ನಂಬಿ ದೈವೊಲೆನ ಎದುರು ಪನ್ಪುನೆನ್ ಮದಪೆರೆ ಬಲ್ಲಿ.ಆಸತ್ರೆಡ್ ದಮ್ಮು ಕಟ್ಟ್ ನಾಯನ್ ಒರಿಪೆರೆ ಆಪುಜಿ ಪಂಡ್ ದ್ ವೈದ್ಯೆರ್ ಪಿರ ಬುಡಿಯೆರ್ಡ ಕುಟುಮದ ಪಂಜುರ್ಲಿಗ್ ಅರಿಕೆ ಮಲ್ತ್ ದ್ ತರೆ ತೊರತ್ ದ್ ಕೋರಿ ಬುಡ್ದು ಅಕ್ಲೆಡ 48ದಿನ ಪ್ರತಿ ದಿನಲ ತರೆ ತೊರಪಾದ್ ಬಂಜಾರ ಕೋರಿಗ್ ತಿನ್ಪಾದ್ ಅಕ್ಲೆ ಜೂವ ಒರಿತಿ ಪಂಜುರ್ಲಿರ್ದ್ ಮಲ್ಲ ನಮನ್ ಒರ್ತ್ ಕಾಪುನೆಕ್ ಸಾಗ್ಸಿ ಬೋಡೆ?.ದೈವೊಲೆಗ್ ಸಂದಿ ಪಾಡ್ದನೊಲೆಡ್ದ್ ಮಲ್ಲ ಒವುಲಾ ಇಜ್ಜಿ.

    

ಪಿಲ್ಚಂಡಿ ದೈವೊನು ಊರಿಡೀ ವ್ಯಾಘ್ರ ಚಾಮುಂಡಿ,ಹುಲಿ ಚಾಮುಂಡಿ ಮಲ್ತೆರ್ಡಲಾ ಮೂಲ ದೈವ ಪಿಲ್ಚಂಡಿನ ಪುದರ್ ನ್ ಇನಿಲಾ ಅವ್ವೇ ಪುದರ್ ಡ್ ಒರ್ತ್ ದ್ ನ ಮಾವಂತೂರು

    ಮೂಲೊಡು ಇದ್ಯೆ ದಾಂತಿ ತುಳುವೆರೆಗ್ ಬಜನೆ,ಶ್ಲೊಕ,ಮಂತ್ರ ಪೂರ ಓಲು ತೆರಿದಿತ್ತ್ಂಡ್?.ಅಕ್ಲೆಡ ಇತ್ತಿನಿ ನಿರ್ಮಲವಾಯಿನ ಮನಬಗ್ತಿ,ದೈವೊನು ಲೆತ್ತ್ ಕೊಂಡಾಡುನ ಸಂದಿ ಪಾಡ್ದನೊಲು.ತಾಸೆ,ದೋಲು,ಸುತಿ/ಬಾಂಕೆ,ನಾಗಸರೊಟು ಲಕ್ಕೊಂತಿ ದೈವೊಲೆಗ್ ವಾವಾ ನಮುನೆದ ವಾದ್ಯೊಲು ಇನಿ ಬೈದ.ಇನಿ ದೈವದ ಕಲನ,ಆಟದ ರಂಗತಲೊನ,ಪದ ರಂಗಿತೊದ ರಂಗ ಚಾವಡಿಯ ಒಂಜಿಲಾ ಅರ್ತ ಆವೊಂದಿಜ್ಜಿ.ಮಾತ  ಗಾಂಡ್ ಗೌಜಿದ ನಡುಟು ಮನ ಬಗ್ ತಿ ದಾಂತೆ ಕಲೊಟು ದೈವೊಲು ಖಂಡಿತಾ ಉಪ್ಪೆರೆ ಸಾದ್ಯ ಇಜ್ಜಿ‌.ಪೆರಿಯಾಕ್ಲ್ ದೀನ ತುಳುವ ಮಣ್ಣ್ ದ ದೈವದ ಪುದರ್ ನ್ ಬದಲ್ತ್ ದ್ ಲೆತ್ತ್ ದ್ ಉಂದೆನನ್ ಲೆಪ್ಪುನತ್ತ್ಂದ್ ದೈವ ಕಲೊಕು ಬರ್ರೆ ಸಾದ್ಯಲ ಇಜ್ಜಿ.ನಮಕ್ ಪೆರಿಯಾಕ್ಲ್ ದೀನ ಪುದರ್ ವಾ ಬಾಸೆಡ್ ಪಂಡಲ,ವಾ ದೇಸೊಡು ಪಂಡಲ ಒಂಜೇ ಪುದರ್.ನಮ ನಂಬಿಂಚಿ ದೈವೊಲೆಗ್ಲ ಅಂಚನೆ.ಪೆರಿಯಾಕ್ಲ್ ದೀನ ಪುದರ್ ಡೇ ಲೆಪ್ಪೊಡು.ಕನ್ನಡ,ಸಂಸ್ಕೃತೊಡು ಲೆತ್ತಿ ಸಾತ್ ಗ್ ಮೂಲ ಪುದರ್ ದಾಲ ಬದಲಾಪುಜಿ.ಮೂಲ ಪುದರ್ ಅವ್ವೇ ಆದಿಪ್ಪುಂಡು. ದೈವಾರಾದನೆ ತುಳುನಾಡ್ ಬುಡ್ದು ಇನಿ ಪಿದಯಿ ಪೋವೊಂದುಂಡು.ನರಮಾನಿ ಕುಂಬರೊಲಿ,ನುಡಿ ಕೊರ್ಪಿ ದೈವ ಮಾಯೆರ್ದ್ ಅವ್ಲು ಜೋಗೊಡು ಬರೆರೆ ಸಾದ್ಯ ಇಜ್ಜಿ.ಅಂಚಾದ್ ದೈವದ ಮೂಲ ಪದಿನಾಜಿ ಕಟ್ಲೆನ್ ಮೂಲದೊರುಟು ಒರಿತ್ ದ್ ದುಂಬುದ ಜೋಕ್ಲೆಗ್ ದೈವಾರಾದನೆನ್ ತೆರಿಪಾವುನ ಬೇಲೆ ನಮ ಮಾತೆರೆಡ ಆವೊಡು.ಮಾತೆರೆ ಪಾತೆರೊಗು ಬಿಲೆ ಕೊರ್ಕ.ಅಂಚಾಂದ್ ಮೂಲ ದೈವಾರಾದನೆಗ್ ಒಡಕ್ ಬರಂದಿಲೆಕ ತೂಕ.

-ಕೆ.ಮಹೇಂದ್ರ ನಾಥ್ ಸಾಲೆತ್ತೂರು.ಎಂ.ಎ

ಗುರ್ಕಾರ್ರ್

ತುಳು ಒರಿಪುಗ

 ಬೊಕ್ಕ 

ತುಳು ಸಾಹಿತ್ಯ ಪರಿಷತ್ ಅಂತರ್ಜಾಲ

    

ಒಡಿಪು (ಒಡಿಪುದ ಮೂಲ ಪುದರ್ ಶಿವಳ್ಳಿ(ಶಿವಳ್ಳಿ ಪಂಡ ಶಿವನ ಹಳ್ಳಿಂದರ್ಥ.ಅಪಗ ಅವ್ಲೊಂಜಿ ಶಿವನ ದೇಲ್ಯ ಉಪ್ಪೊಡೆ) ಶಿವಳ್ಳಿ ಬೆರಣೆರ್ಂದ್ ಮಾದ್ವ ತುಳು ಬೆರಣೆರೆನ್ ಪನ್ಪೆರ್.ಅಂಚನೇ ಕಾಪುದ ಮೂಲ ಪುದರ್ ಪೂ ಬಿತ್ತಿಲ್) ಮಲ್ಪೆ ಕೈತಲ್ದ ಜುಮಾದಿ ನಗರ,ಬಂಟಾಲದ ಬೆರ್ಮೆರೆ ಕೂಟೇಲ್ದಲ್ತ ಜುಮಾದಿ ಗುಡ್ಡೆ,ಬೊಳ್ತೇರ್ ಗುರುವಾಯನಕೆರೆ ಗೋಂಕುದ ಕಟ್ಟೆದಲ್ಪದ ಜುಮಾದಿ ಗುಡ್ಡೆ,ಉಲ್ಲಾಲೊಡ್ದು ಪಳ್ಳಿ ಬರಿಯೆ ತೊಕ್ಕೊಟ್ಟುಗು ಬರ್ಪುನ ಸಾದಿದ  ಜುಮಾದಿ ಸಾನ,ಪುತ್ತೂರುದ ಮುರತಲ್ಪದ ಜುಮಾದಿಪಲ್ಕೆ ಉಂದೆಡ್ದ್ ಮಲ್ಲ ಸಾಗ್ಸಿ ಜುಮಾದಿದೈವ ಪನ್ಪುನೆಕ್ ಬೇತೆ ದಾದ ಬೋಡು

 ದೈವಾರಾದನೆದ ಕಲತ ಕೇತ್ರುಲ್ಲಾಯೆ ಕ್ಷೇತ್ರುಲ್ಲಾಯೆ,ಕ್ಷೇತ್ರದ ಉಲ್ಲಾಯೆ ಪಂಡ ಆ ಬೂಮಿದ ಒಡೆಯಲೆಕಂತಿ ದೈವ (ಪಂಜುರ್ಲಿ,ಗುಳಿಗೆ) ಒಂಜಾತ್ ವರ್ಸೊರ್ದಿಂಚಿ ಕ್ಷೇತ್ರಪಾಲ ಆತ್ಂಡ್.ಉಲ್ಲಾಯೆ ಬೂಮಿದ ಒಡೆಯೆ ಆದಿತ್ತ್ಂಡ ಕ್ಷೇತ್ರಪಾಲೆ ಜಾಗೆನ್ ಕಾಪುಲೆಕಾಯೆ.ತದ್ವಿರುದ್ಧ ಕಲ್ಪನೆ.

ನಾಗನ್ ಬೆಮ್ಮೆರೊಟ್ಟುಗು ಸಮೀಕರಣ ಮಲ್ತ್ ದ್ ನಾಗ ಬೆಮ್ಮೆರಾದ್ ಇನಿ ಅನಂತೇಶ್ವರೆಂದ್ ಆರಾದನೆ ಮಲ್ಪುವೆರ್.ಬೆಮ್ಮೆರ್ ಮೂಲೆ ಸೇರ್ದೆರ್.

ಬೆಮ್ಮೆರೆನ್ ಬ್ರಹ್ಮ ಲಿಂಗೇಸರೆ,ಮಹಾಲಿಂಗೇಸರೆ ಮಲ್ದೆರ್.

ಬೂತ ಬೆಮ್ಮೆರೆನ್ ಬೂತನಾಥೇಶ್ವರೆ ಮಲ್ದೆರ್.

ಲೆಕ್ಕೆಸಿರಿನ್ ರಕ್ತೇಶ್ವರಿ,ಖಡ್ಗೇಶ್ವರಿ,ದುರ್ಗಾ ಪರಮೇಸ್ವರಿ ಮಲ್ತೆರ್.ದುರ್ಗೆ ಬೊಕ್ಕ ಪರಮೇಶ್ವರಿನ ಸಮೀಕರಣ ದುರ್ಗಾಪರಮೇಶ್ವರಿ.

 ದೈವೊಲೆನ್ ರಕ್ಕಸೆರ್ ಮಲ್ತ್ ಬುಡಿಯೆರ್.ಗುಳಿಗೆ ಗುಳಿಗಾಖ್ಯೆಗೆ,ಮೈಸಂದಾಯೆ ಮೈಸಾಸುರೆಗೆ.ಇಂಚಿ ದೈವದ ಪುದರ್ ನಾಶ ಮಲ್ಪೆರೆ ವಧೆತ ಒರುಟು ದೈವದ ಕಲೊಕು ದೇವಿನ್ ಕನತೆರ್

ಮಲರಾಯಗ್ ಈ ದೇವಿನ ವರ್ಣನೆ ಮಲ್ತೊಂದುಲ್ಲೆರ್ .ದೇವೆರೆ ಆರಾದನೆ ಬರ್ಪುನ ದುಂಬೇ ತುಳುನಾಡ್ ಡ್ ದೈವೊಲೆ ಆರಾದನೆ ಇತ್ತ್ ದ್ ಸಂದಿ ಪಾಡ್ದನೊಲೆಡ್ ಪುರಾಣದ ಈ ದೇವಿನ ವರ್ಣನೆ ಮಲರಾಯಗಿಜ್ಜಿ.ಇನಿ ಪಂಜುರ್ಲಿಗ್ಲಾ ಉಂದೇ ದೇವಿನ ವರ್ಣನೆ ಮಲ್ಪುವೆರ್ ಪಂಡ  ದೈವೊಗು ಪುರಾಣ ಕಟ್ಟ್ ದ್ ದೈವೊನು ದೇವೆರ್ ಮಲ್ಪುನ ವ್ಯವಸ್ಥಿತವಾಯಿನ ಹುನ್ನಾರ ಇತ್ತ್ ಲೆಕ ತೋಜುಂಡು.ಸುರುಕು ಪುದರ್ ಬದಲ್ಪುನೆ.ಬೊಕ್ಕ ದೈವೊನೇ ಬದಲ್ತ್ ದ್ ದೇವೆರ್ ಮಲ್ಪುನ ನಮಕ್  ತೆರಿಯಂದಿಲೆಕ ಒಂಜಿ ವ್ಯವಸ್ಥೆ ಮಲ್ತೊಂದುಂಡು.ಇತ್ತಿತ್ತೆ ದೈವದ ಕಾಲಾದಿದ,ವರ್ಸಾದಿದ ಕಟ್ಟ್ ಪೋದು ವಾರ್ಷಿಕ ಪೂಜೆಯಾತ್ಂಡ್.ಉಂದು ದೈವೊನು ನಿದಾನವಾದ್ ದೇವೆರ್ ಮಲ್ಪುನ ಉನ್ನಾರ.ದೈವದ ಬಂಡಿ ಒಯ್ಪುನಗ ದೈವೊಗು ದೇವೆರೆ ಗೋವಿಂದ ಪಾಡುನವು ತುಳುವೆರ್ ದೈವೊನು ಮದತೊಂದಿಪ್ಪುನೆಕ್ ಸಾಗ್ಸಿ

  ತುಳುನಾಡ ರಾಜಂದೈವ ಕೊಡಮಂದಾಯನ ಅಣಿತ ಕೊಡಿಟ್ ಬೆಮ್ಮೆರೆ ಒರು ಇತ್ತ್ ದ್ ಇನಿ ದೈವ ಕೊಡಮಂದಾಯನ ಪುದರ್ ಬದಲ್ದ್ ಅಡೆ ಕೊಡಮಣಿತ್ತಾಯಿ ಪುದರ್ ಬತ್ತ್ ದ್ ಅವುಲಾ ಪೋದು ಇನಿ ಕುಂಭಕಂಠಿನಿ ದೇವಿಯಾದ್ ಕುಂಭಕಂಠಿನಿಗ್ ದೇವಸಾನ ಆವೊಂದುಂಡು.ದೈವದ ಪುದರ್ ಬದಲ್ತ್ ದ್ ದೇವೆರೆ ದೇವಸಾನ ಆಯಿನೆಕ್ ಉದಾರ್ಮೆ ಕೊಡಮಂದಾಯೆ ಪೋದು ಕೊಡಮಣಿತ್ತಾಯಿಯಾಂಡ,ಬೆಮ್ಮೆರ್ ಪೋದು ಬ್ರಹ್ಮ ಸನ್ನಿಧಿಯಾದ್,ವಿಷ್ಣುಮೂರ್ತಿ ದೈವ ಪೋದು ವಿಷ್ಣುಮೂರ್ತಿ ದೇವಸಾನ ಆದ್,ಲೆಕ್ಕೆಸಿರಿ ದೈವಸಾನ ಪೋದು ರಕ್ತೇಶ್ವರಿ ದೇವಸಾನ ಆದ್,ಕಾಳಾತ್ರಿ ದೈವ ಪೋದು ಕುಂಭೋಧರಿ ದೇವಸಾನ ಆದ್,ಮುಡಿಪಿನಾರ್ ದೈವ ಪೋದು ಕಿರಾತೇಶ್ವರ ದೇವಸಾನ ಆತ್ಂಡ್.ಸದ್ಯೊಡೇ ಮಲರಾಯನ ಪುದರ್ ಬದಲಾಯಿನ ವಾರಾಹಿ ದೇವಿನ ದೇವಸಾನ ಲಕ್ಕುನ,ಜುಮಾದಿನ ಪುದರ್ ಪೋದು ಧೂಮಾವತಿನ ದೇವಸಾನ ಲಕ್ಕುನ ಕಾಲ ದೂರ ಇಜ್ಜಿ.ಅಂಚನೆ ಬಂಡಿ ಒಯ್ತೊಂತ್ ನ ಕೊಡಮಂದಾಯಗ್ ದೇವೆರೆ  ತೇರ್ ಬೈದ್ಂಡ್.ಕೊಡಮಂದಾಯನ ಆರಾದನೆಗ್ ವೈದಿಕ ವಿಧಿ ವಿಧಾನ ಸೇರೊಂದು ಬೂತ ಬಲಿ,ದೇವ ಬಲಿಂದಾತ್ಂಡ್.ನಿಜವಾದ್ ತುಳುನಾಡ ಸ್ವತಂತ್ರ ಸಗ್ತಿ ಕೊಡಮಂದಾಯನ್ ಆ ಪುದರ್ ಡೇ ಲೆತ್ತ್ಂಡ ಓಕೊಂದು ಮಲೆತಲೆಕ ಬತ್ತಿ ಬಂಙೊನು ಮೈಂದ್ ದಲೆಕ ಮಾಜಾವೆ.ಅವು ಬುಡ್ದು ಬೇತೆ ವಾ ಪುದರ್ಪೊರ್ಲುಂಡುಂದು ಲೆತ್ತರ್ಡಲ ಪೆರಿಯಾಕ್ಲೆ ಪುದರ್ ಗ್ ಮಾತ್ರ ಓಕೊನುವೆ

ಇನಿ ಕೆಲವು ಪ್ರಶ್ನೆಚಿಂತನೆದಕ್ಲ್ ಜುಮಾದಿನ್ ಧೂಮಾವತಿ ಪನ್ಪುನ ಮಾತ್ರ ಅತ್ತಂದೆ ನಿಕುಲು ಧೂಮಾವತಿಗ್ ಪಂಜಿದ ಬಂಡಿದ ಬದಲ್ ಕಕ್ಕೆದ ಬಂಡಿ ಮಲ್ಪುಲೆ ಪನೊಂದುಲ್ಲೆರ್.ಓಡೆಗೆತ್ತ್ಂಡ್ ದೈವಾರಾದನೆದ ಸ್ಥಿತಿ?

ದೇವೆರೆ ಆರಾದನೆಡ್ ಕಂಡನಿ ಬುಡೆದಿನ ಆರಾದನೆ ಉಂಡು.ದೈವೊಲೆಡಿಜ್ಜಿ.ಅಂಚಾದ್ ಉಲ್ಲಾಯ ಉಲ್ಲಾಲ್ದಿನ್ ಈಸರ ಪಾರೊತಿ ಪನ್ಪುನವು ಸುದ್ದ ತಪ್ಪು

  

ಪಿಲ್ಚಂಡಿ ದೈವದ ಅರ್ದಾಲ ಮಯಕಾದ್ ಪಿಲಿತ ಮೋನೆದ ಏಸದ ಬಣ್ಣ ಬೈದ್ಂಡ್

ಇಂಚಿಪ್ಪದ ದಿನಮಾನೊಲೆಡ್ ಮಲರಾಯನ ಅಣಿತ ಪಿರವುಡು ಉಲ್ಲಾಲ್ದಿನ ಸಿರಿಮುಡಿತ ಪಿರವು ಪುರ್ಪ ಸುತ್ತಿನ ಮದಿಮಾಲೈತದ ಜಡೆ ನೆಯ್ಲೆಕ ನೆಯ್ಯೊಂದುಲ್ಲೆರ್.ಮಲರಾಯೆ ಆಯೆ ಪೋದು ಆಲ್ ಆಪುನೆಂಚ.

ಮಲರಾಯೆ ಆಯೆ ಪಂಡ ಪೊಣ್ಣತ್ತ್.ಪೊಣ್ಣು ದೈವೊಲು ಬೇತೆನೇ ಉಲ್ಲ.ದೈವಾರಾದನೆದ ಕಲೊಕು ಪೊಸತೊಂಜಿ ವ್ಯವಸ್ಥೆ ಬತ್ತ್ ದ್ ಆಣ್ ದೈವೊಲು ಪೊಣ್ಣಾವೊಂದುಲ್ಲ.

ದೈವೊಲೆನ ಸಂಧಿ,ಪಾಡ್ದನೊನು ತೆಂಬರೆ ಬೊಟ್ಟುದು ತುಳುಟೇ ಪನೊಡು,ಪನ್ಪೆರ್ಲ.ಇನಿ ಮಲರಾಯನ ಮುಗ ದೀದ್  ಮೂರ್ತಿದಪ್ಪಣೆ ಪನ್ಪೆರ್.ಮಾಯೆರ್ದ್ ಜೋಗೊಗು ಬರ್ಪುನ ದೈವ ಏಪ ಮೂರ್ತರೂಪದ ಮೂರ್ತಿಯಾಂಡ ಆನಿರ್ದ್ ಬೊಕ್ಕ ತುಳುನಾಡ ದೈವ ಮಲರಾಯೆ ಪುರಾಣದ ದೇವಿ ವಾರಾಹಿಯಾಂಡ್.ಪುರಾಣೊಡು ವಿಷ್ಣು ವರಾಹ ಸರಿ.ಲಕ್ಷ್ಮಿ ಏಪ ವಾರಾಹಿ ಅಯಿನಿ?.ಒಲ್ತ ಮಲರಾಯೆ, ಒಲ್ತ ವಾರಾಹಿ.ಮಲರಾಯಗ್ ಕಟ್ಟಿ ನೇಮದ  ದುಂಬು ಅಂಧಕಾಸುರನ್ ಕೆರ್ನ ಭೀಕರವಾಯಿನ ರೂಪದ ದೇವಿನ ವರ್ಣನೆನ್ ಕನ್ನಡೊಡು ದೈವದ ಪಿರವು ಪನೊಂದುಲ್ಲೆರ್ ಪಂಡ ಉಂದೆತ ಅರ್ಥ ದೈವೊನು ದೇವಿ ಮಲ್ಪುನವಾ?.ದಾಯೆ ಮಲರಾಯನ ಆರಾದನೆನ್ ದುಂಬುರ್ದೇ ತೂವೊಂದು  ಬತ್ತಿ ಪೆರಿಯಾಕ್ಲ್ ಮನಿಪುಜೆರ್

                   ಬಬ್ಬರ್ಯೆ  ಬರ್ಬರೀಕ,ಬರ್ಭರೇಶ್ವರೆ‌ಆತೆ

ಮೂಲೊಡು ತುಳುನಾಡ್ ಡ್ ದೈವಸಾನೊಲು ಇತ್ತ್ ದ್  ದೈವಾರಾದನೆಲು ನಡತೊಂತಿ ಜಾಗೆಲೆಡ್ ದೇಲ್ಯೊಲು ಲಕ್ಕ್ ದ್ ಅವ್ಲು ದೇವೆರ್ ಪ್ರಧಾನ ಆನಗ ದೈವೊಲು ಉಪ ಆಯೆರ್ ಪಂಡ ಪರಿವಾರ ಸಗ್ತಿಲಾಯೆರ್

ನಂದಿಗೋಣೆ ಬೊಕ್ಕ ಮೈಸಂದಾಯೆ:-

ನಂದಿ-ಬಸವೆ ಉಂದು ಎರು ಜಾತಿಡ್ ಬರ್ಪುನಿ. ದೇವೆರೆ ಆರಾದನೆಡ್ ನಂದಿ ಸಾನದೆದುರು ಉಪ್ಪಂಡು.ಈಸರ ದೇಲ್ಯದ ಎದುರು ನಂದಿ ಇಪ್ಪುಂಡು.ದೈವಾಲ್ಯದ ಸಾನ ಬಲಿ ಸುತ್ತು ನೇಮೊಡು ಬಸವೆ ಇಪ್ಪುಂಡು.ಕಾಲೆ ಕೋಲೊಡ್ಲ ಎರುವೇ ಉಪ್ಪುನಿ.

ಗೋಣೆ ಎರ್ಲೆ ಜಾತಿಡ್ ಬರ್ಪುನಿ.ಸಂದಿ ಪಾಡ್ದನೊಲೆಡ್ ನಾಲ್ ಕಾರ್ದ ಮೈಸಂದಾಯೆಂದೇ ಉಪ್ಪುನಿ.

ನಂದಿ ಬೊಕ್ಕ ಗೋಣೆ ಒಂಜೆ ಅತ್ತ್.ಅವು ಬೇತೆ ಬೇತೆ ಪೆರಣಿಲು.ಬೊಕ್ಕ ವಾ ಕಾಲೊಡು ನಂದಿನ್ ಬೊಕ್ಕ ಗೋಣನ್ ಸಮೀಕರಣ ಮಲ್ತ್ ದ್ ನಂದಿಗೋಣೆ ಮಲ್ತೆರ ತೆರಿಯಂದ್.ಅಂಚನೆ ನಾಗನೊಟ್ಟುಗು ಬೆರ್ಮೆರೆನ್ ಸಮೀಕರಣ ಮಲ್ತ್ ದ್ ನಾಗ ಬ್ರಹ್ಮ ಮಲ್ತ್ ದ್ ನಾಗೆ ಲಕ್ಕ್ ದುಂತ್ಯೆ.ಬೆರ್ಮೆರ್ ಮೂಲೆ ಸೇರ್ಯೆರ್.ನಾಗಬೆರ್ಮಗ್ಂದ್ ಒಟ್ಟುಗು ವಸಯೊಗುಂತೆರೆ ಸುರು ಮಲ್ದೆರ್. ಆಂಡ ನಾಗೆನೇ ಬೇತೆ,ಬೆರ್ಮೆರೇ ಬೇತೆಂದ್ ಇನಿ ತುಳುವೆರೆಗ್ ತೆರಿದ್ಂಡ್.

    

ಅಬ್ಬಗ ದಾರಗನಕುಲು ಅರ್ಭಕ ದಾರಕೇಶ್ವರಿ ಆತೆರ್ದೈವಸಾನ ಪೋದು ದೇವಸ್ಥಾನ ಆತ್ಂಡ್.

 ದಪ್ಪೆರೆ ಗೋಣನ್,ಎರ್ಲೆನ್ ಗಳಸ್ಂಡಲ ಕಂಬುಲ ಎರ್ಲೆಡನೇ ಮಲ್ಪುನಿ.ಮೂಲೊಡು ತುಳುವೆರ್ ಎರ್ಮೆದ ಪೇರೇ ಪರ್ದ್ ಬುಳೆಯಿನಕುಲು.ಎರ್ಲೆಡನೇ ಪಂಡ ಎರು ಮಾದಾದೆ ಕಂಡ ದತ್ತಿನಕುಲು.ಅಂಚಾದ್ ಮೈಸಂದಾಯೆ ಎರು ಜಾತಿ ದೈವಾರಾದನೆಡ್ ಇತ್ತ್ಂಡ,ನಂದಿ,ಬೋರಿ ದೇವೆರೆ ಸಾನದೆದುರು ಇತ್ತ್ಂಡ ಬಸವೆ ದೈವಾರಾದನೆ,ದೇವೆರೆ ಆರಾದನೆಡ್ಲ ಉಂಡು.ನಂದಿ ಬೊಕ್ಕ ಗೋಣೆ ಏಪಲಾ ಒಂಜಿಂದಾಯೆರೆ ಸಾದ್ಯನೇ ಇಜ್ಜಿ.ಮುಗೇರ ಸಮುದಾಯದಕುಲು ಮೈಸಂದಾಯನ್ ಸಾಣದುಲ್ಲಾಯೆಂದ್ ಪನ್ಪೆರ್.ಅಂಚನೆ ಮಾಡ ಪತ್ತಿ ಮೈಸಮದಾಯೆಂದ್ ಲ ಸಂದಿಡುಂಡು.ಬೊಕ್ಕೆಂಚ ಮೈಸಂದಾಯೆ,ಗೋಣೆ ಪೋದು ನಂದಿ,ಬೋರಿಯಾಯೆರೆ ಸಾದ್ಯ?.ಆಂಡ ದೈವಾರಾದನೆದ ಬಗೆಟ್ ಎಡೇನ ತೆರಿನ ಜನಪದ ವಿದ್ವಾಂಸೆರಾಯಿನ ಡಾ.ವೈ.ಯನ್.ಶೆಟ್ರ್ ಪನ್ಪುಲೆಕ ಇಲ್ಲ್ ಪತ್ತ್ ದ್ ಮೂಲ ಮೈಸಂದಾಯನ ಆರಾದನೆ ಇತ್ತ್ಂಡ,ನಾಗ ಬನ,ಆದಿ ಆಲಡೆಲೆಡ್ ಬೆನ್ನಿ ಸಾಗೊಳಿ ಮೂಲದ ಪ್ರಾಣಿ ಸಮ್ಮಂದಿ ಕಲ್ಪನೆದ ನಂದಿ ಗೋಣನ ಆರಾದನೆಂದ್ ಪನ್ಪೆರ್

  

                          ಮಲರಾಯ ದೈವ ಬಾಯಾರ್

ತೆರಿಯೊನ್ಗ:-

  ಇನಿ ದೈವಾರಾದನೆದ ಅಜ ತಪ್ಪೆರೆ ಒಂಜಿ ಕಾರಣ ಚಾಕಿರಿ ವರ್ಗಂದ್ ಲ ಪನೊಲಿ.ದಾಯೆ ಪಂಡ ನೇಮದ ಕೊಡಿಯಡಿಕ್ ಒರಿ ಸಿನೆಮ ಮಲ್ಪುನಾಯೆ,ರಾಜಕೀಯದಾಯೆ ಬತ್ತೆಡ ಸುರುಕು ದೈವ ಆಯನ ಕೈ ಪತೊಂದು ತನ್ನ ತಿಗಲೆ ಮುಟ್ಟುದು ಯಾನುಲ್ಲೆ ಪಂಡ ಮೂಲು ದೈವ ಅಂಚ ಪನೆರೆ ಸಾಧ್ಯನೇ ಇಜ್ಜಿ‌‌.ದಾಯೆ ಪಂಡ ಅಕುಲೇರ್,ಮೊಕುಲೇರ್ಂದ್ ದೈವೊಗು ಗೊತ್ತಿಪ್ಪೆರೆ ಸಾಧ್ಯನೇ ಇಜ್ಜಿ..ಉಂದು ಚಾಕಿರಿದಾರೆ ಬೇಲೆ‌.ದಾಯೆ ಪಂಡ ಅರೆಗ್ ಗುರ್ತ ಮಲ್ಲಕ್ಲೆನ ಉಪ್ಪುಂಡತ್ತೆ.ಅಂಚ ಆರ್ನ ಕಾರ್ಬಾರ್ ನ್ ದೈವದ ಕಲೊಟು ತೋಜಾವೆರ್.ದುಂಬು ಪೂರ ದೈವ ಏರೆನ ಮೈ ಕೈ ಮುಟ್ಟುನ ಕೆರಮ ಇಜ್ಜಾಂಡ್,ಬೂಲ್ಯೊನು ದೂರೊರ್ದೆ ದೆತೊನ್ನಾರೆನ ಕೈಕ್ ಬೂರುಲೆಕ ಕೊರೊಂತ್ಂಡ್.ದುಂಬು ರಾಜಂದೈವದ ಕಲೊಟು ದೈವ ಭಂಡಾರದ ಮುಗ,ಕಡ್ಸಲೆನ್ ಪತಿ ಮಾನಿ (ಭಂಡಾರೊನು/ಕಿರ್ವಾಲ್ ನ್/ಆಯುಧ/ಕಡ್ಸಲೆನ್ ಪತೊಂದಿನ ಪತಿಮಾನಿ) ವಸಾಯೊಡು ಕಟಿಮಾನಿ ನ ಕೈಕ್ ಒಪ್ಪಿತೊಂತೆರ್.ಇನಿ ತಿಕ್ ನೌಲು ಪೂರ ತಿಕ್ ನ ದೈವೊಗು ಪೂರ ಮಾನೆಚ್ಚಿಲಾವೊಂದುಂಡು.ಓಡೆ ಮುಟ್ಟ ಪಂಡ ದೈವದ ಮುಗೊನ್ಲ ಮೊಕ್ಲೇ ಒಪ್ಪಿಪಾವೊನ್ನಡೆಮುಟ್ಟ ಎತ್ತ್ ದೆರ್.ದೈವದ ಕಲೊಟು ಇಜ್ಜಾಂದಿ ಉಚ್ಚಾಟನೆಲೆನ್ ಮೂಲ ಚಾಕಿರಿದಕುಲು ಮಲ್ತೊಂದುಲ್ಲೆರ್.ಇಂಚನೆ ಆಂಡ ದೈವದ ಮಿತ್ತ ನಂಬೊಳಿಗೆ ಮಯಕಾಯೆರೆ ಮೊಕ್ಲೆ ಕಾರಣೆರಾಪೆರ್.ಗಟ್ಟ ಜತ್ತ್ ದ್ ತುಳು ನಾಡ್ ಗ್ ಬತ್ತಿ ತುಳುನಾಡ ದೈವೊಲೆನ್ ಮೊಕ್ಲು ಕುಡ ಗಟ್ಟ ಬಡ್ತಾವೊಂದುಲ್ಲೆರ್ ಪಂಡ ದೈವದ ಕಲೊಕು ವೈದಿಕದಕುಲು ಮಲ್ಪುನ ಎತ್ತೇಸೊಗ್ಲ,ಕಟ್ಟುನಕುಲು ಮಲ್ಪಿ ಎತ್ತೇಸೊಗ್ಲ ದಾದ ಪರಕುಂಡು.ವೈದಿಕೆರಾಂಡಲ ದೈವದ ಚಾಕಿರಿನ್ ತುಳುನಾಡ ವ್ಯಾಪ್ತಿಡೇ ಮಲ್ತೊಂದುಲ್ಲೆರ್.ಚಾಕಿರಿದಕುಲು ದೈವೊನು ಗಟ್ಟದ ಮಿತ್ತ್ ಕೊನೊದು ಅಕ್ಲೆ ಬಂಜಿದ ಪಾಡ್ ತೂಯೆರ್ ವಿನಃ ಮೂಲ ಒಲ್ತ ಆರಾದನೆ ಪನ್ಪುನೆನ್ ಮದತ್ ಬುಡ್ಯೆರ್

ಅರಸುಲೆ ಸಿರಿ ಮುಡಿಟ್ ಸೂರ್ಯೆ ಚಂದ್ರೆ ಮಯಕ

ಪುದರ್ ಬದಲ್ದ್ ನಿ ರಡ್ರಡ್ಡ್ ದೇವ,ದೇವಿನಕ್ಲೆನ್ ಒಂಜಿ ಮಲ್ತ್ ದ್:-

೧.ಅನಂತ(ನಾಗೆ-ನಾಗೆಲ ಸುಬ್ರಹ್ಮಣ್ಯೆ ಅತೆ)+ಪದ್ಮನಾಭ(ವಿಷ್ಣು)=ಅನಂತಪದ್ಮನಾಭ

೨.ಅನಂತ+ಈಶ್ವರೆ=ಅನಂತೇಶ್ವರೆ.

೩.ಬ್ರಹ್ಮ+ಲಿಂಗೇಶ್ವರೆ(ಶಿವೆ)=ಬ್ರಹ್ಮಲಿಂಗೇಶ್ವರೆ(ನಿಜವಾದ್ ಲಿಂಗರೂಪೊಡಿಪ್ಪುನ ಬೆಮ್ಮೆರ್)

೪.ದುರ್ಗಾ+ಪರಮೇಶ್ವರಿ(ಪಾರ್ವತಿ)=ದುರ್ಗಾಪರಮೇಸ್ವರಿ)

  

                ಮರ್ಲ್ ಜುಮಾದಿ ದೈವ. ಅಡ್ಕ

ಒಂಜಿ ಕಾಲೊಡು ಕೇರಳದ ಕಾಲಟಿರ್ದ್ ತುಳುನಾಡ್ ಗ್ ಬತ್ತಿನ ಶಂಕರಾಚಾರ್ಯೆರ್ ಉಲ್ಲಾಲ್ದಿನ ದೈವಸಾನೊಲೆಡ್ ಶ್ರೀಚಕ್ರ ದೀದ್ ಉಲ್ಲಾಲ್ದಿ,ಲೆಕ್ಕೆಸಿರಿ ಪೂರಾ ದುರ್ಗಾಪರಮೇಶ್ವರಿ ರಕ್ತೇಶ್ವರಿ ಆಂಡ್.ಶ್ರೀರಾಮಾನುಜಾಚಾರ್ಯೆರ್ ವಿಷ್ಣು ಮೂರ್ತಿನ್ ತುಳುನಾಡ್ ಗ್ ಕನತೆರ್.ಅರಸು ಬಿಟ್ಟಿದೇವನ್ ಆರ್ ಸುರು ವಿಷ್ಣುವರ್ದನಂದ್ ಪುದರ್ ಬದಲ್ತೆರ್.ಕಾಲನುಬಾಗೊಡು ವಿಷ್ಣುಮೂರ್ತಿ ದೈವಲಾ ವಿಷ್ಣುನ,ಗೀತೆದ ಸಂಸ್ಕೃತದ ಸಾಲ್ ಲೆನ್ ಪನೆರೆ ದುರು ಮಲ್ತೆರ್.ವಾದಿರಾಜೆರ್ ಶಿವ ಸನ್ನಿದಿಡ್ ಶಿವಲಿಂಗದ ಮಿತ್ತ್ ವಿಷ್ಣುನ ಸಾಲಿಗ್ರಾಮ ದೀವೊಂದು ಬತ್ತೆರ್.ಇನಿ ಕೇರಳದ ಪ್ರಶ್ನೆ ಚಿಂತನೆದಕುಲು ಅವ್ವೇ ಬೇಲೆನ್ ಮಲ್ತೊಂದುಲ್ಲೆರ್.ಶಿವ ದೇಲ್ಯೊಲೆಗ್,ಜೋಗಿ ಮಠೊಕ್ಲೆಗ್,ದೈವಾಲ್ಯೊಲೆಗ್ ಇಜ್ಜಾಂದಿ ಬ್ರಹ್ಮಕಲಶೊನು ಅಷ್ಡ ಮಂಗಲ ಪ್ರಶ್ನೆ ದೀದ್  ಮಲ್ಪಾಯೆರೆ ಪಂಡೆರ್.ಉಂದು ನಮಕ್ ಗೊತ್ತಾವಂದಿಲೆಕ್ಕ ನಡಪುನ ಧಾರ್ಮಿಕ ಆಕ್ರಮಣನಾ ಅತ್ತ್ ಮತಾಂತರನಾ ತೆರಿಯೊಂದಿಜ್ಜಿ.

ನಾಗನ್ ಬೊಕ್ಕ ಬೆಮ್ಮೆರೆನ್ ಸಮೀಕರಣ ಮಲ್ತ್ ದ್ ನಾಗಬ್ರಹ್ಮಂದ್ ಮಲ್ತೆರ್ಡ ಜೈನೆರ್ ನಾಗ ಬೆಮ್ಮೆರೆ ಸಾನಿಧ್ಯೊನು ಅನಂತನಾಥ ಬಸದಿ ಮಲ್ತೆರ್.ದುಂಬುಗು ಉತ್ತರ ಭಾರತದ ಅಹಿಛತ್ರ ಪ್ರದೇಶೊರ್ದು ವಲಸೆ ಬತ್ತ್ ದ್ ಒಡಿಪುಡು ನಿಲೆ ಉಂತಿ ಶೈವ ಬೆರಣೆರ್(ಶಿವಳ್ಳಿ) ಶಂಕರಾಚಾರ್ಯೆರೆರ್ದ್ ಬೊಕ್ಕ ಶೃಂಗೇರಿ ಮಠತ ಸುಪರ್ದಿಡ್ ಅನಂತನಾಥ ಜೈನ ಬಸ್ತಿನ್ ಅನಂತೇಶ್ವರ ದೇವಾಲ್ಯ ಮಲ್ತೆರ್.೧೭-೧೮ನೇ ಶತಮಾನದ ಚೌಟರಸು ಮೂಜನೇ ಭೋಜರಾಜೆ ಪುತ್ತಿಗೆ ಮಠಾಧೀಶೆರೆ ಮುತಾಲಿಕೆಡ್ ಒಡಿಪುದ ಅನಂತೇಶ್ವರ ದೇಲ್ಯೊಡು ಒಂಜಿ ಸರ್ಪ ಯಾಗ ಮಲ್ಪಾದ್ ಬೊಕ್ಕ ಅನಂತೇಶ್ವರ ದೇಲ್ಯದ ತೂಪರಿಕೆನ್/ಉಸ್ತುವಾರಿನ್ ಪುತ್ತಿಗೆ ಮಠೊಕು ಕೊರ್ನವು ಇತಿಹಾಸ.