ಸಾವುಡು ಗೆಂದಿನಕುಲು-ತುಳುಬಾವಗೀತೆ

                      ಸಾವುಡು ಗೆಂದಿನಕುಲು

   

ನಮ ಕಟ್ಟಿಲ್ಲಡ್ ಜಾಗೆ ನಮಕಿಜ್ಜಿ
ಮಾಡ ಪಿದಯಿ ದೀ ಬೊಕ್ಕ ದಿಕ್ಕಿಜ್ಜಿ
ಓಲೂ ಕೌಂಪೆರೊ ಓಲು ಪೊತ್ತವೆರೊ
ಕಟ್ಟಯಿ ಇಲ್ಲಲ್ ನಿಲೆ ಇಜ್ಜಿ.
ನಮ ದಾದ ಮೂಲು ಉಂದು ಬದ್ ಕ್

ಪುದರ್ ನ್ ದೀದ್ ಲೆತ್ತಿ ಅಪ್ಪೆ ಅಮ್ಮೆ
ಕಣನೀರ್ ಡ್ ಕೈ ದೆಕ್ಕುವೆರ್
ಜಕ್ಕೆಲ್ ಪುಗೆಲ್ ಡ್ ಗೊಬ್ಬಿನ ಜೋಕುಲು
ತರೆನ್ ಮೋನೆನ್ ಗೀಸವೆರ್
ಕೈನ್  ಪತ್ತಿನ ದಾರೆದ ಬುಡೆದಿ
ದಿಕ್ಕೇ ತೋಜಂದೆ ಬುಲಿಪುವೆರ್
ಜನೊಕುಲು ಸೇರ್ ದ್ ಪುದರ್ ನ್ ಬುಡುದು
ಊರಿಡಿ ಪನುವೆರ್ ಅವು ಪುಣಗೆ

ಪೊತ್ತಡ್ ಕರವಡ್ ಮಣ್ಣೇ ಪತ್ತಡ್
ಏತೇ ಕಣನೀರೆತೆ ಬುಡಡ್
ಇಲ್ಲದ ಉಲಯಿ ಬರೊಡು ಪಂಡ
ಮೀವಂದೆ ಬರುವೆರ ಪುಣ ಮುಟುದು

ನಿನಡುಪ್ಪುನಗ ಮಾತೆರ್ ಉಲ್ಲೆರ್
ಉಸುಲು ಕಡಿನಗ ಅಗಪುವೆರ್
ಈ ಮಲ್ತ್ ನವೆ ನಿನ್ನೊಟ್ಟುಗು ಬರು
ಎಡ್ಡೆನೆ ಸಾಸಿತ ನೆನೆಪುವೆರ್

ಕವಿ-ಕೆ.ಮಹೇಂದ್ರ ನಾಥ್ ಸಾಲೆತ್ತೂರು
-ಕಾವ್ಯಸುತ-