ತುಳುವೆರೆ ತೂಕ,ಅಳತೆಲು

                    ತುಳುವೆರೆ ತೂಕ,ಅಳತೆಲು

ತುಳುನಾಡ್ ಡ್ ಆರಾಧನೆ ಪಡೆಯುನ ಮೆಗ್ಗಿ ಪಲಯೆ ಪನ್ಪಿ ಅರಸು ದೈವೊಲ್ನ ನುಡಿಕಟ್ಟ್ ಡ್ ತುಳುರಾಜ್ಯದ ಉದ್ದಗೆಲ ಇಂಚ ಉಂಡು.

"ಅಂಕೋಲ ಗಡಿರ್ದ್, ರಾಮೇಶ್ವರ ಗಡಿ. ರಾಮೇಶ್ವರ ಗಡಿರ್ದ್ ನೀಲೇಶ್ವರ ಗಡಿ, ನೀಲೇಶ್ವರ ಗಡಿರ್ದ್ ತುಳುನಾಡ ಗಡಿ, ತುಳುರಾಜ್ಯ *52 ಗಾವುದ* "

  

ಒಂಜಿ ಮುಂಡು:-

ಒಂಜಿ ಮುಂಡು ಪಂಡ ಐನ್ ಅಡಿ / ಫೀಟ್.ನರಮಾನಿ ನೆಲಕ್ ಮೊರಂಪು ಊರ್ದು ಕೈ ದೆರ್ತೆಡ, ನೆಲಕ್ ಊರಿ ಮೊರಂಪುದ ಮುದೆಲ್ ಡ್ದ್ ದೆರ್ತಿ ಕೈತ ಬಿರೆಲ ಕೊಡಿಕಾಪುನ ಎತ್ತರ ಐನ್ ಫೀಟ್.ಗುವೆಲ್ ತೋಡ್ ನಗ ಈ ಮುಂಡು ಸವ್ದ ಗಲಸುವೆರ್.ಮೊರಂಪೂರುನೆಕ್ ನಮ ಮುಂಡು ಬೂರುನಿ ಪನ್ಪುನಿ.ದೇವೆರೆಗ್,ಅಪ್ಪೆ ಅಮ್ಮಗ್ ಮುಂಡು ಬೂರ್ದುಲ ಮುಂಡೊನು ನೆಲಕ್,ಅಕ್ಲೆ ಪಾದೊಲೆಗ್ ಮುಟ್ಟಾವ.ಸಾಸ್ಟಾಂಗ ಅಡ್ಡ ಬೂರುನಲಾ ಉಂಡು.

ಸಾಸ್ಟಾಂಗೊಲು:-

ಅಂಗೈ

ಮುಂಗೈ

ಮುಂಡ

ಮೂಂಕು

ತಿಗಲೆ

ಬಂಜಿ

ಮೊರಂಪು

ಪಾದ

ಸಾದಿದ ಲಪ್ಪು:

ತುಳು ರಾಜ್ಯ 52 ಗಾವುದ

1 ಗಾವುದ = 48 ಮೈಲ್

48 ಮೈಲ್= 12 ಹರಿದಾರಿ

1 ಹರಿದಾರಿ = 4 ಮೈಲ್

1 ಮೈಲ್ = 8 ಫರ್ಲಾಂಗ್

1 ಎಕರೆ = 40 ಗುಂಟ.

1 ಗುಂಟ = 1089 ಚದರ ಅಡಿ.

1 ಮೊಳ = 1.5 ಅಡಿ

1.5 ಅಡಿ=2 ಗೇಣ್

1 ಗೇಣ್ = 9 ಅಂಗಿಲ.

1 ಅಡಿ = 12 ಅಂಗಿಲ.

1 ಗಜ = 36 ಅಂಗಿಲ.

12 ಕಬರ್-ಹನ್ನೆರಡು ಕವಲು

1 ಕೋಲು=24 ಅಂಗುಲ

ಮಧೂರು ಕೋಲು

ಪಯ್ಯನ್ನೂರು ಕೋಲು

ಸುಬ್ರಹ್ಮಣ್ಯ ಕೋಲು

ಮಧೂರು ಕೋಲು 29 ಕಾಲ್ ಇಂಚಿ

ಬಜ್ಜೆಯಿದ ಲೆಕ್ಕ=ಕಂಡಿ.

ಎಣ್ಣೆದ ಲೆಕ್ಕ = ಕುತ್ತಿ

ಪೇರ್ ದ ಲೆಕ್ಕ = ಕೊಂಡೆ,

ಕಾಸ್, ದುಡ್ಡುದ ಲಪ್ಪು:-

1 ತೊಲ = 1 ಬೊಳ್ಳಿದ ರೂಪಾಯಿದ ತೂಕ.

1 ರೂಪಾಯಿ = 4 ಪಾವೊಲಿ

1 ಪಾವೊಲಿ = 4 ಆಣೆ.

1 ಆಣೆ = 12 ಕಾಸ್.

ನಾಲ್ ಆಣೆ-ಇರ್ವತ್ತೈನ್ ಪೈಸೆ

ಎಣ್ಮಾಣೆ-ಐವ ಪೈಸೆ

ಪದ್ರಾಡಾಣೆ-ಎಳ್ಪತ್ತೈನ್ ಪೈಸೆ

1ಮುಕ್ಕಾಲ್=ಮೂಜಿ ರುಯಿ (ಕಾಸ್)

ರಡ್ಡ್ ಮುಕ್ಕಾಲ್ =ಅರ್ದ ಆಣೆ

1ಆಣೆ =4ಮುಕ್ಕಾಲ್..

16ಆಣೆ = 1ರುಪಾಯಿ.

ಒಂಜಿ ಪೈಸೆ =ರಡ್ಡ್ ರುಯಿ.

ಬಚ್ಚಿರೆದ ಲಪ್ಪು:-

1 ಕವಳೆ = 25ಬಚ್ಚಿರೆ

ಒಂಜಿ ಕವಲೆ-25 ಬಚ್ಚಿರೆ.

ಒಂಜಿ ಸೂಡಿ-4ಕವಲೆ

4 ಕವಲೆ=100 ಬಚ್ಚಿರೆ

1 ಚೌಕ = 5 ಕವಳೆ.

1 ಕಟ್ಟ = 2 ಚೌಕ.

ಒಂಜಿ ಅಟ್ಟೆ-ನಾಲ್ ಚೆಂಡ್(ಮಲ್ಲಿಗೆ)

ಬೆನ್ನಿದ ಲಪ್ಪು:&

ಒಂಜಿ ಮುಡಿ-3 ಕಲಸೆ.

ಒಂಜಿ ಕಲಸೆ-14ಸೇರ್

ಒಂಜಿ ಮುಡಿ-37ಕಿಲೊ

37 ಕಿಲೊ=42 ಸೇರ್

1 ಖಂಡುಗ = 20 ಕೊಳಗ.

1 ಕೊಳಗ = 4 ಬಳ್ಳ.

1 ಬಳ್ಳ = 2 ಸೇರ್

2ಸೇರ್=4 ಪಡಿ

1 ಪಲ್ಲ = 100 ಸೇರ್.

1 ಪರೆ = 10ಸೇರ್.

1 ಸೇರ್ = 4 ಪಾವು.

1 ಖಂಡಿ = 20 ಮಣು 

1 ಮಣು = 13 ಕೆ.ಜಿ.

20 ಮಣು=260 ಕೆ.ಜಿ

1 ಕೋರ್ಜಿ = 42 ಮುಡಿ.

1ರಥಲ್- 1ಕಿಲ

ಒಂಜಿ ಬಲ್ಲ -ಒಂಜರೆ ಸೇರ್

ಒಂಜಿ ಬಲ್ಲ -ಆಜಿ ಪಾವು

ಒಂಜಿ ಸೇರ್ -ಆಜಿ ಕೊಂಡೆ

1 ಬಳ್ಳ-8 ಕೊಂಡೆ

ಒಂಜಿ ಪಾವು -ಒಂಜರೆ ಕೊಂಡೆ

ಒಂಜಿ ಬಲ್ಲ=ಒಂಜಿ ಸೇರ್ ಬಲ್ಲಡ್ ಲೆಪ್ಪುನಗ ಕುತ್ತ

ಸೇರ್ ಡ್ ಲಪ್ಪುನಗ ಗೀಸ ಲಪ್ಪುನಿ.ಅಪಗ ಬಲ್ಲ ಬೊಕ್ಕ ಸೇರ್ ಸಾಮಾನ್ಯ ಸಮ ಸಮ ಆಪುಂಡು.

ಒಂಜಿ ಮುಡಿ ಕಂಡ ಪಂಡ ಒಂಜಿ ಮುಡಿ ಬಿತ್ತ್ ದ್ ನೇಜಿ ಮನ್ತ್ ದ್ ನೇಜಿ ನಡ್ಪುನ ಜಾಗೆ.ಅಂದಾಜಿ 60- 70 ಸೆಂಟ್ಸ್

ಮಾಯಿತಿ- ಶ.ಕು,ಶರಣ್ ಶೆಟ್ಟಿ ಕುರಿಯಾಲ,ರಾಧಾಕೃಷ್ಣ ಮೂಲ್ಯ,ಭಾಸ್ಕರ್ ವರ್ಕಾಡಿ,ವಿಜಯ ಕುಮಾರ್ ಕುಲಶೇಖರ