Friday, 14 February 2020

ದೈವ ಜುಮಾದಿ ಕನ್ನಡ ಸಂಸ್ಕೃತದ ಧೂಮಾವತಿಯತ್ತ್ daiva jumadi kannada samskritada dhoomavathiyath


ದೈವ ಜುಮಾದಿ ಕನ್ನಡ ಸಂಸ್ಕೃತದ ಧೂಮಾವತಿಯತ್ತ್   
daiva jumadi kannada samskritada dhoomavathiya
    

 ಜುಮಾದಿ,ಬಂಟೆ,ಮಲರಾಯೆ ಈ ಮೂಜಿ ದೈವದ ಮುಗತ ರಚನೆ
ಬೇತೆ ಬೇತೆನೇ ಉಪ್ಪುಂಡು.ಜುಮಾದಿಗ್ ಪಂಜಿದೊರುತ ಮುಗ ಇತ್ತ್ಂಡಲ ನರಮಾನ್ಯನೊರುತ ಕಣ್ಣ್,ಕೆಬಿ ಇತ್ತ್ ದ್ ಮೂಂಕುದ ಒಟ್ಟೆಲು ಮಲ್ಲ ಉಪ್ಪುವ.
                                 ಧೂಮಾವತಿ

ಮಲರಾಯನ ಮುಗಲ ಪಂಜಿದ ಮುಗೊರ್ದು ಬೇತೆಯಾದ್ ಮುದಲೆದ ಮೋನೆದಲೆಕ ತೋಜಿಂಡ(ಲೆಕ್ಕೆ ಸಿರಿನ್ ಮುದಲೆದೊರು ಪನ್ಪೆರ್) ಮೂಂಕುದೊಟ್ಟೆಲು ಎಲ್ಯ ಇತ್ತ್ ದ್ ಪಂಜಿದ ಮೋನೆದೊರು ಇಜ್ಜಿ.ಮಲರಾಯನ ಮುಗತ ಕಣ್ಣ್ ಬೊಕ್ಕ ಕೆಬಿ ನರಮಾನ್ಯಲೆಕ ಉಂಡು.ಆಂಡ ಪಂಜುರ್ಲಿನ ಮುಗೊಟು ಕಣ್ಣ್,ಕೆಬಿ ಪಂಜಿದ ಮೋನೆನೆ ಉಪ್ಪುಂಡು.
 
                               ಧೂಮಾವತಿ
ಜುಮಾದಿನ ಒಟ್ಟುಗು ಬಂಟೆ ಇತ್ತ್ಂಡ ಜುಮಾದಿಗ್ ಭದ್ರ ಮುಗ ಬೊಕ್ಕ ಬಂಟಗ್ ಪಂಜಿದ ಮುಗ ಉಪ್ಪುಂಡು.ಜುಮಾದಿಗ್ ಮುಗ ದೀಪುನ,ಮುಗ ಏರುನ ರಡ್ಡ್ ಕಟ್ಟ್ ಲ ಉಂಡು.ಮಲರಾಯಗ್,ಪಂಜುರ್ಲಿಗ್ ಮುಗ ದೀದ್ ನೇಮ ನಡತ್ಂಡ ಅಣ್ಣಪ್ಪ ಪಂಜುರ್ಲಿಗ್ ಭದ್ರ ಮುಗ ಏರ್ ದ್ ನೇಮ ಆಪುನಿ.ದೈವಾರಾದನೆಡ್ ಪ್ರಧಾನ ಬೋಂಟೆ ಇತ್ತ್ ನಿ ಬುಳೆ ಸೆಲೆನ್ ನಾಶ ಮಲ್ಪುನ ಕಾಡ ಪಂಜಿಲೆನ್ ಬೋಂಟೆ ದೇರುನ.ಊರುದ ಅರಸುಲು,ದಂಡ್ ದ ದಳವಾಯಿ ಬೋಂಟೆ ದೇರೊಂತೆರ್.
                                     ಧೂಮಾವತಿ
ಮಲೆ ರಾಯ ಒಂಜಿ ರೀತಿಯಾಂಡ ಮಲಾರ ಆಯದ ,ಉದಿಪುದ ದೈವಂದ್ ಮಲರಾಯನ್ ಪನ್ಪೆರ್.ಪಂಜಿದ ಬೋಂಟೆ ದೇರ್ನೆಕ್ ಸಾಗ್ಸಿಯಾದ್ ಅರಸುಲು ಪಂಜಿದ ತರೆನ್ ಸಾಗ್ಸಿಯಾದ್ ಕನಪೆರ್ .ಆ ಗುರ್ತ ಸಾಸಿತಾಯೆರೆ ಪಂಜಿದ ಮುಗತ ಕಲ್ಪನೆ ಬತ್ತಿಪ್ಪು.ಬಿರು ಪಗರಿ ಪತೊಂದು ದೈವೊಲು ವಲಸಾರಿ ಪೋಪುನಲ ಬೋಂಟೆದ ಗುರ್ತೊನು ತೆರಿಪಾವುಂಡು.ಜುಮಾದಿ ಸೈನ್ಯಾದಿಕಾರಿನ ಒರುವಾದ್,ಭದ್ರ ಮುಗ ಏರ್ದಿತ್ತ್ಂಡ ಬಂಟೆ ಪಂಜಿದ ಮುಗ ಏರ್ದಿಪ್ಪುಂಡು.
                                  ಧೂಮಾವತಿ

ಜುಮಾದಿ ಒಂಜೆ ಇತ್ತ್ಂಡ ಪಂಜಿದ ಮುಗತೊರು ಉಪ್ಪುಂಡು.ನಿಜವಾದ್ ತೂಯೆರೆ ಪೋಂಡ ಒವ್ವೇ ದೈವೊಲೆಗ್ ಮೂಲೊಡು ಮುಗ ಇಜ್ಜಾಂಡ್.ಪಾಲೆಡ್ ಮುಗತ ರಚನೆ ಮಲ್ತೊಂತೆರ್.ದುಂಬುಗು ದೈವದ ಮುಗ ಸಾಸಿತಾದ್ ಉಪ್ಪಡ್ಂದ್ ಅರಸುಲು,ಬೂಡು,ಗುತ್ತು,ಬರ್ಕೆದಕುಲು ನರಮಾನ್ಯನ ಕಲ್ಪನೆದಾದಾರೊಡು ಮುಗತ ಒರು ಮಲ್ಪಾಯೆರ್.
                                 ಧೂಮಾವತಿ

ಮಲ್ಪುನ ಅಚಾರ್ಯೆರ್  ದೈವದ ನೇಮ ನೆರಿ ಮಲ್ಪವುನ ಮನೆತನದಾರೆನ ಮೋನೆದಾದಾರೊಡು ಕಂಚಿ ಪಿತ್ತಾಳೆಡ್ ಎರಕ ಪಾಡ್ದ್ ಮುಗತ ಒರು ಮಲ್ತೆರ್.ಅಂಚಾದ್ ಎಚ್ಚಿನ ದೈವದ ಮುಗೊಟು ಮೀಸೆ ಉಪ್ಪುಂಡು.
                                 ಧೂಮಾವತಿ

ಮುಗ ಮಲ್ಪುನಗ ಒಂತೆ ಪೋಡಿ ಕಟ್ಟಾವುಲೆಕ ಉಗ್ರ ರೂಪ ತೋಜುನಂಚಿ ಮುಗತ ಒರು ಮಲ್ತೆರ್.ನೇಮೊಡ್ಲ ಅಂಚನೆ ವ್ಯಕ್ತಿ ಶಕ್ತಿಯಾನಗ ಅಡ್ಡೊಗು ಅಗೆಲ,ನೀಟೊಗು ಎತ್ತರದ ಅಣಿ,ಮೋನೆಗ್ ಅರದಲ,ಕಾರ್ ಗ್ ಗಗ್ಗರ ಇಂಚ ಒಂಜಿ ರೀತಿದ ವಾತಾವರಣ ಸೃಷ್ಠಿಯಾದ್ ಅವ್ಲು ನಂಬೊಳಿಗೆ ಸುರಾಂಡ್.      
                     ಚಿತ್ರ_ಶರತ್ ಪೂಜಾರಿ
  
                               ಧೂಮಾವತಿ
            

ಎಡತ್ಡ್  ಎಲ್ಯ ಮಂಚವುಡು ಜೂಮ್ರ ,ಮಲ್ಲ ಮಂಚವುಡು ಜುಮಾದಿ.ಒಟ್ಟುಗು ಜೂಮ್ರ ಜುಮಾದಿ ಪನ್ಪೆರ್ .ಮರಣ ಗುತ್ತು ಬಂಟಾಲ ತಾಲೂಕು
            

  
                ‌‌                ‌ಧೂಮಾವತಿ


  
              ‌‌‌‌‌‌‌‌‌‌‌               ಧೂಮಾವತಿ
ಈ ಚಿತ್ರ ತೂನಗ ನರಸಿಂಹ ದೇವೆರೆ ಕೈತಲ್ ಧೂಮಾವತಿ ಇತ್ತ್ ಲೆಕ ತೋಜುಂಡು.ನರಸಿಂಹ ದೇವೆರೆ ಕೈತಲ್ ಲಕ್ಷ್ಮಿ ನರಮಾನ್ಯನೊರುಟು ಉಪ್ಪುನಗ ಧೂಮಾವತಿ ಒರುತ ಸಗ್ತಿ ಉಂದು ಒವು?.ವಿಷ್ಣು ವರಾಹಾವತಾರ ದೆತೊನ್ನಗ ವಿಷ್ಣುನ  ನರಸಿಂಹಾವತಾರೊಡು ಲಕ್ಷ್ಮಿ ನರಮಾನಿಯೊರುಟಿತ್ತ್ ನಾರ್ ವರಾಹ ರೂಪಿ ವಿಷ್ಣುನೊಟ್ಟುಗ್ಲ ಲಕ್ಷ್ಮಿ ನರಮಾನಿ ಒರುಟಿಪ್ಪೊಡಾಂಡ್ .ಆಂಡ ವರಾಹರೂಪಿ ವಿಷ್ಣುನೊಟ್ಟುಗು ಲಕ್ಷ್ಮಿ ನರಮಾನಿ ಒರುಟೆ ಉಪ್ಪೊಡಾಂಡ್.ಆಂಡ ವಿಷ್ಣುನೊಟ್ಟುಗು ಉಪ್ಪುನ ವಾರಾಹಿ ಏರುಂದು?.  ಒಂತೆ ದೈವಾರಾದಕೆರ್ ಅಲಚನೆ ಮಲ್ಪೊಡಾಯಿನ ಇಚಾರ
                 

ಒಡಿಪು ಮಲ್ಪೆ ಕೈತಲ್ದ ಜುಮಾದಿ ನಗರ,ಬಂಟಾಲದ ಬೆರ್ಮೆರೆ ಕೂಟೇಲ್ದಲ್ತ ಜುಮಾದಿ ಗುಡ್ಡೆ,ಬೊಳ್ತೇರ್ ಗುರುವಾಯನಕೆರೆ ಗೋಂಕುದ ಕಟ್ಟೆದಲ್ಪದ ಜುಮಾದಿ ಗುಡ್ಡೆ,ಉಲ್ಲಾಲೊಡ್ದು ಪಳ್ಳಿ ಬರಿಯೆ ತೊಕ್ಕೊಟ್ಟುಗು ಬರ್ಪುನ ಸಾದಿದ  ಜುಮಾದಿ ಸಾನ,ಪುತ್ತೂರುದ ಮುರತಲ್ಪದ ಜುಮಾದಿಪಲ್ಕೆ ಉಂದೆಡ್ದ್ ಮಲ್ಲ ಸಾಗ್ಸಿ ಜುಮಾದಿದೈವ ಪನ್ಪುನೆಕ್ ಬೇತೆ ದಾದ ಬೋಡು
          
 


                                  ಧೂಮಾವತಿ

       
                                 ಧೂಮಾವತಿ

















































              ‌ಧೂಮಾವತಿನ ನನಲಾತ್ ಚಿತ್ರೊಲು





2 comments: