ಪತ್ರಡ್ಯೆ
ತುಳುನಾಡ್ ದ ಆಟಿದ ಅಟಿಳ್ ಡ್ ಪತ್ರಡ್ಯೆ ಗ್ ಸುರುತ ಮಾನಾದಿಗೆ . ದಾಯೆ ಪಂಡ ದುಂಬುದ ಕಾಲೊಡು ಒಂಜಿ ತಿಕ್ದ್ ಬಡಪತ್ತ್,ಕುಡೊಂಜಿ ತಿಕ್ದ್ ಸಿರ್ಕ್ ಸಂಕಡೊಲು . ಇಂಚಿನ ಕಾಲೊಡು ಬಂಜಿದ ಕಸರ್,ಕೈಮಾಸ್ ದೆಪ್ಪೆರೆ ಉಪಯೋಗ ಮಲ್ತೊಂತ್ನ ಅಡ್ಯೆನೆ ಪತ್ರೊಡೆ ,ಚೇವುದಿರೆತ ಅಡ್ಯೆ . ಮರ ಚೇವು ಪಾಡಂಡ ರುಚಿ ಜಾಸ್ತಿ . ಆಂಡ ಈ ಅಡ್ಯೆ ಮಲ್ಪುನಗ ಚೇವುದಿರೆತ ಮೇಲ್ದ್ ಆಯಿನಾತ್ ನರಂಬು ಕಮ್ಮಿ ಇತ್ತ್ನ ಚೇವುದಿರೆನೆ ನಾಡೊಡು .
ಚೇವುದಿರೆನ್ ಅಜತ್ದ್ ದೆಕ್ಕ್ ದ್ ದೀವೊನೊಡು
ಮರ ಚೇವುದ ಇರೆ
ಸಣ್ಣ ಕೊಚ್ಚಿನ ಚೇವುದಿರೆನ್ ಬಂದದ ಒಟ್ಟುಗು ಬಿರಾಪುನಿ
ಚೇವುದಿರೆ ಬಿರಾಯಿನ ಬಂದೊನು ಚೇವುದಿರೆಕ್ ಪತ್ತಾವುನಿ
ಬಂದೊನು ಚೇವುದಿರೆಟ್ ಸುತ್ತುದು ದೀದ್ ಬೆಯ್ಯೆರೆ ದೀಪುನಿ
ಪತ್ರಡ್ಯೆ
ಈ ಚಿತ್ರದ ಬಲತ ಮೆಯ್ಟುಪ್ಪುನ ಇರೆನೆ ಎಡ್ಡೆ ಇರೆ
ಬಂದ ಬೆಯ್ಯೊನ್ದುಪ್ಪುನಗನೆ ಕಜಿಪುದ ಅರೆಪು ಕಡೆದ್ ದೀವೊಡು . ಪುಳಿ ಒಂತೆ ಜಾಸ್ತಿ ಪಾಡೊಡು . ಇಜ್ಜಿನ್ದ ದೊಂಡೆ ಕಿರ್ಮ್ಬುನ್ದು . ಅಂಚನೆ ಅರ್ಧ ಗಂಟೆ ಬೆಯ್ತಿನ ಬೊಕ್ಕ ಪತ್ರಡ್ಯೆನ್ ಅರೆಪುಗು ಸಣ್ಣ ಮೂರ್ದು ಪಾಡೊಡು . ಅವೆರ್ದ್ ಬೊಕ್ಕ ಅಡ್ಯೆನ್ ಬೆಯ್ಯೆರೆ ದೀನಗ ನೀರುಳ್ಳಿ ಒಂತೆ ಜಾಸ್ತಿ ಪಾಡೊಡು . ಅಂಚನೆ ಬೆಲ್ಲಲ ,ಬೇವುಸೊಪ್ಪುದ ಒಗ್ಗರ್ನೆಲ ಪಾಡೊಡು . ಅಡೆಗ್ ಪತ್ರಡ್ಯೆ ತಯಾರಾಯಿಲೆಕಾಪುಂಡು .
No comments:
Post a Comment