ನೂಲು ಪಾಲ್ ಸಂಸಾರ

                                     ನೂಲು ಪಾಲ್ ಸಂಸಾರ

        

              ನೂಲು ಪಾಲ್ ಸಂಸಾರದಕ್ಲ್ ಮಲ್ತಿನ ಮಕರ ಚೋರ್ನ

                            ದೈವಾರಾದನೆಡ್  ವಿಶ್ವಕರ್ಮ ಆಚಾರಿಲೆನ್ ದೈವ ನೂಲು ಪಾಲ್ ಸಂಸಾರ ಕೈಸೇರ್ದೆರಾ ಕೇನೊಂತ್ಂಡ್.ಇನಿ ಅಡೆ. ವೈದಿಕ ನೂಲು ಪಾಲ್ ಸಂಸಾರ ಆದ್ ದೈವದ ಕಲೊಟು ತೋಜಿದ್ ದೈವದ ಚಾಕಿರಿ ಮಲ್ತೊಂತಿ ವಿಶ್ವಕರ್ಮ ಸಂಸಾರ ದೂರ ಉಂತುಲೆಕಾಂಡ್.ನೂಲ್ ಪಾಲ್ ನೂರ್ದಾಲ್ ಪನ್ಪಿ ಇಚಾರಲಾ ದೈವದ ಕಲೊಟು ತೂಯೆರೆ ತಿಕ್ಕುಂಡು,ತುಳು ನಾಡ ದೈವಾರಾದನೆದ ಎಚ್ಚಿನ ಚಾಕಿರಿ ನೂಲು ಪಾಲ್ ಸಂಸಾರ ಆಚಾರ್ಲೆನಾದುಂಡು.ದೈವದ ಚಾಕಿರಿದ ಮರಮಟ್ಟ್ ದ ಕೆಲಸ ಆವಡ್,ಬೊಳ್ಳಿ ಬಂಗಾರ್ ದ ಬೇಲೆ ಆವಡ್ ಆಚಾರ್ಲುಬೋಡೇ ಬೋಡು.ದೈವೊಲೆ ಪಾಪೆ,ಮುಗ ಮೂರ್ತಿ ದೆಕ್ಕೆರೆಲ ಅಕುಲೆ ಬೋಡು.ಅಂಚಿನ ದೈವ ಕಲತ ಮಲ್ಲ ಚಾಕಿರಿದ ಆಚಾರ್ಲೆನ್ ನಮ ಮದತ್ ದ್ ಬುಡ್ತ.ದೈವೊಲ್ನ ಮಣೆ ಮಂಚೊಗಾವಡ್,ಬಂಡಿ,ಮಲ್ಲ ಪಾಪೆ ಬಂಡಿಗಾವಡ್,ಮುಗ ಮೂರ್ತಿ,ಪಾಪೆ,ಪದ್ದೆಯಿಗಾವಡ್,ಕೊಡಿ ಮರ,ಮಕರ ಚೋರ್ನಗಾವಡ್ ಆಚಾರ್ಲು ಪ್ರದಾನ.ಅಂಚಾದ್ ದೈವ ಅಕ್ಲೆಗ್ ಸುರುತ ಲೆಪ್ಪುಕೊರ್ಪುಂಡು.ಆಂಡ ನಮ ಇನಿ ಅಕ್ಲೆನ್ ದೈವದ ಕಲೊಟು ದೂರ ದೀದ್ ದೈವೊನು ನಂಬಂದಿ,ದೈವದ ಬೂಲ್ಯ ಪತ್ತಂದಿ,ದೈವದ ಗಂದೊನು ಮುಂಡೊಗು ಪಾಡಂದಿನಕ್ಲೆಗ್ ದೈವದ ಕಲೊತ ಪೂರ್ಣ ಜಬದಾರಿಕೆ ಕೊರ್ದು ದೈವೊಲೆಗಿಜ್ಜಂದಿ ಅಷ್ಟ ಮಂಗಲ,ದೈವೊಲೆಗಿಜ್ಜಂದಿ ಬ್ರಹ್ಮ ಕಲಶ ಮಲ್ತೊಂದುಲ್ಲ.ಸಂದಿ ಪಾಡ್ದನ ಬುಡ್ದು ಅವ್ಲು ಮಂತ್ರ ಪಠಣ ಮಲ್ತೊಂದುಲ್ಲ,ಬಜನೆ ಮಲ್ತೊಂದುಲ್ಲ.ನೂಲು ಪಾಲ್ ಸಂಸಾರ ಬೇತೆ ಜಾತಿದಕುಲು ಇತ್ತೆರ್ಡಲ ದೈವದ ನೂಲು ಪಾಲ್ ಸಂಸಾರದ ಸುರುತ ಲೆಪ್ಪುದ ಹಕ್ಕ್ ಅಕ್ಲೆಗೆ ಉಪ್ಪುನಿ ಆಚಾರ್ಲೆಗ್ ವಿನಃ ನೂಲು ಪಾಲ್ ತಂತಿರ್ದಾರೆಗತ್ತ್.ಆಂಡ ಇನಿ ಕಟ್ಟು ನಕುಲು ಸುರುಕು ತಂತಿರ್ದಾರೆನ್ ಲೆತ್ತ್ ದ್ ಮೂಲೊಡು ಲೆತ್ತೊಂತಿ ನೂಲು ಪಾಲ್ ಸಂಸಾರ ಆಚಾರ್ಲು. ದೂರೊಡೆ ಉಂತುಲೆಕಾಂಡ್.ಅಕುಲೆಗ್ ಪಾಡ್ನ ನೂಲು ಪಂಡ ಜನಿವಾರ ಅಕುಲೆನ ಅವುಸಾನ ಕಾಲ ಮುಟ್ಟ ಉಪ್ಪುಂಡು.ಅಕ್ಲೆಗ್ ಗಾಯತ್ರಿ ಉಪದೇಶ ಇತ್ತ್ ದ್ ಅಕ್ಲೆ ರಡ್ಡ್ ಕಣ್ಣ್ ರ್ದ್ ಬೊಕ್ಕದ ಮೂಜನೆ ಕಣ್ಣಾದ್ ,ಉಪ ನಯನ ಆದ್ ಜನಿವಾರ / ನೂಲು ಉಪ್ಪುಂಡು.ಅಂಚಾದ್ ದೈವಾರಾದನೆದ ದೈವ ಲೆಪ್ಪುದ ಮೂಲ ಪದಿನಾಜಿ ಚಾಕಿರಿ ವರ್ಗದ ನೂಲು ಪಾಲ್ ಸಂಸಾರದ ವಿಶ್ವಕರ್ಮೆರೆಗ್ ದೈವ ಕಲೊಟು ಅಕ್ಲೆನವೆ ಆಯಿನ ಮಾನಾದಿಗೆ ತಿಕ್ಕೊಡು.