ರಾಣಿ ಅಬ್ಬಕ್ಕ ತುಳು ಅಧ್ಯಯನ ಕೇಂದ್ರ ಸಂಚಯಗಿರಿ ಬಿ.ಸಿ.ರೋಡು

 ರಾಣಿ ಅಬ್ಬಕ್ಕ ತುಳು ಅಧ್ಯಯನ ಕೇಂದ್ರ ಸಂಚಯಗಿರಿ ಬಿ.ಸಿ.ರೋಡು

ವೀಡಿಯೊ ಕೊಂಡಿ:-

https://youtu.be/dd__ytp_8o4

ಕೆಡ್ಡಸ ಪೊಸ ಪುಟ್ಟುದ ಇಸೇಸ

                 ಕೆಡ್ಡಸ ಪೊಸ ಪುಟ್ಟುದ ಇಸೇಸ

ಕೆಡ್ಡಸ ಪೊನ್ನಿ/ಪುಯಿಂತೆಲ್ ತಿಂಗೊಲ್ದ 27ಕೇ ಬರ್ಪುನಿ

ಪೊನ್ನಿ ತಿಂಗೊಲ್ದ ಇರ್ವತ್ತೇಳ್ ಪೋಪುನಾನಿ ಸುರು ಕೆಡ್ಡಸ

ಇರ್ವತ್ತೆನ್ಮೆನಾನಿ ನಡು ಕೆಡ್ಡಸ

ಇರ್ವತ್ತೊರ್ಂಬೆನಾನಿ ಬೂಮಿಗ್ ಎಣ್ಣೆ ಬುಡ್ಪುನ ಕಡೆ ಕೆಡ್ಡಸ.

  

       ನಡು ಕೆಡ್ಡಸದಾನಿ ನನ್ನೆರಿ ದೀದ್ ಬೂಮ್ಯಪ್ಪೆಗ್ ಪುಡ್ಯಾಡುನಿ

ಕೆಡ್ಡಸದಪಗ ಮುರ್ಗೊಲೆಗ್ ಕಾರ್ ಬೇನೆ ಉಪ್ಪುನೆರ್ದಾದ್ ಅವೆಕ್ ಬಲಿಪೆರಾಪುಜಿ.ಅಂಚ ಅಪಗ ಅವೆನ್ ಬೋಂಟೆ ದೇರುವೆರ್.ಅನಿದ ದಿನ ಪೊಂಜನಕ್ಲೆಗ್ಲ ಬೋಂಟೆ ದೇರೊಲಿ.

ಮುರ್ಗೊಲೆಗ್ ಅಪಗ ಕಾರ್ ಕುಂಟ ಆಯಿನೆರ್ದಾದ್ ಮುರ್ಗೊಲು ಪೊಂಜನಕ್ಲೆಗ್ ಸುಲಬೊಡು ಬೋಂಟೆಗ್ ತಿಕ್ಕೊಂತ

ಸುರುತ ಕೆಡ್ಡಸದಾನಿ ಆಚರಣೆಲು ಕಡಿಮೆ

ನಡು ಕೆಡ್ಡಸದಾನಿ ಬೂಮ್ಯಪ್ಪೆಗ್ ಎಣ್ಣೆ ಬುಡ್ಪುನಿ

ನಡು ಕೆಡ್ಡಸದಾನಿ ಬೊಲ್ಪುಗು ಮೀನ ಪೊಂಜನಕುಲು ತೊಲಚಿ ಕಟ್ಟೆದೆದುರು ಅಂಬಿ ಅಡಿತ್ ದ್ ರಡ್ಡ್ ಕೊಡಿರೆ ಪಾಡ್ದ್ ಒಂಜೊಂಜಿ ಕೊಡಿರೆಕ್ ಮೂಜಿ ಮೂಜಿ ಇರೆ ತರೊಲಿ ತಪ್ಪು ದೀದ್ ಅರಿತ ಪೊಡಿಟ್ ಮಲ್ತಿ ನನ್ನೆರಿ ಪ್ರತಿ ತಪ್ಪುಗ್ಲ ಬಲಸುವೆರ್.ಬೊಕ್ಕ ಅವೆಕ್ ಅಡ್ಡ ಬೂರುವೆರ್.

ಇಂಚ ಅರಿತ ಪೊಡಿ ಬಲಸಿ ಬೊಕ್ಕ ಬೂಮ್ಯಪ್ಪೆ ಸೂತಕ ಆಯಿನೆಕ್ ಬೂಮಿಗ್ ಎಣ್ಣೆ ಬುಡ್ಪೆರ್. ಎಣ್ಣೆ ಬುಡ್ಪುನ ಪೊರ್ತುಗು ಕಡೆ ಕೊಡಿ ಪೊತ್ತ್ ನ ಸೂಕೊಳಿನ್/ಕಡೆಕೊಳಿನ್,ಸೀಗೆ ಬೊಕ್ಕ ಕತ್ತಿನ್ ಅನಾದಿಡ್ ತುಳುವೆರ್ ದೀವೊಂತೆರ್.ದೀಬೊಕ್ಕ ಸುರುಕು ಎಣ್ಣೆ ಬುಡುದು,ಕುಂಕುಮ‌ ದೀದ್.ಬೊಕ್ಕ ಬೂಮಿಗ್ ಪುಡ್ಯ ಪಾಡ್ವೆರ್ ಪಂಡ ಅಡ್ಡ ಬೂರ್ವೆರ್.

ಕೆಡ್ಡಸದಪಗ ನರಮಾನ್ಯನ ಎಲು ಕುಂಬಾಪುನಿಗೆ.ಅವೆಕಾದ್  ಅಪಗ ನುರ್ಗೆ ಬದನೆದೊಟ್ಟುಗು ಕಜಿಪು ಮಲ್ತ್ ತಿನೊಂತೆರ್.ಕೆಡ್ಡಸೊಗು  ನುರ್ಗೆ ಬದನೆ ಕಜಿಪು ಆವೊಡೆ.

  

             ನಡು ಕೆಡ್ಡಸದಾನಿ ಗಳಸುನ ತರೊಳಿ ತಪ್ಪು

ಮಾಯಿತಿ-ಮಾಯಿಲ ಅಜಿಲ.ಮೇರ್ ಸುಳ್ಯದ ಕೆಲವೊಂಜಿ ಬಾಗೊಲೆಡ್ ಇಲ್ಲಿಲ್ಲ ಗ್ ಪೋದು ಕೆಡ್ಡಸದ ಪೊಲಬು ಕೊರೊಂತೆರ್.

ಕೃಪೆ-ಕಲಾ ಕುಸುಮ ಯೂಟ್ಯೂಬ್.ಪಾತೆರಕತೆ-ಬ ಗಣರಾಜ ಭಟ್

ಚಿತ್ರಕೃಪೆ-ಕಲಾಕುಸುಮ